Si dhe pse u shkatërrua Albpetroli

[alumni]

"O Zot, a do të vihet ndonjë hajdut me shpatulla për muri!"

Sindikata e Pavarur e Naftës në Patos jep alarmin për vjedhjen e
hartave të vendburimeve të naftë

Nafta, "ari i zi" i ekonomisë në të gjithë botën, në Shqipëri qenka e destinuar të ketë fat tjetër. Askush nuk po e trajton me vëmendjen, apo më mirë të themi, me respektin e duhur. Për fat të keq, kjo të konfirmon atë shprehjen që kanë thënë të huajt për ne, se "shqiptarët janë një popull këmbëzbathur, që ecin mbi gurë të
çmuar". Edhe Shqipëria ka rezerva të "arit të zi". Por si po trajtohet kjo industri jetike në vendin tonë?! Cilat janë problemet më të mprehta?

Pa pretenduar që të bëjmë një listë të problemeve, në lidhje me dëmtimin e industrisë së naftës në Shqipëri, do të hedhim pak dritë, duke iu referuar burimeve nga Sindikata e Pavarur e Naftës,
në Patos. Në dy letra (deklarata) të firmosura e të vulosura nga presidenti i kësaj sindikate z.Veli Fejzullaj, shpalosen qartë disa nga
problemet kryesore që shqetësojnë punëtorët e sektorit të naftës. Ajo që na habiti në gjithë çka shkruanin sindikalistët e Patosit, ? dhe që e konsiderojmë si ndër mëkatet kryesore, ? është vjedhja e hartave të vendburimeve dhe shpërdorimi i arshivës 50-vjeçare të "Alpetrolit". Kush po e bën këtë?! Sindikalistët nuk përmendin shumë emra, por sidoqoftë, zyrtarët e interesuar dinë se ku t'i kërkojnë. I rëndësishëm është fakti që alarmi është dhënë, dhe nesër nuk mund të justifikohet kush, se "nuk kemi pasur dijeni".
Dihet se problemet me shkatërrimin e industrisë së naftës nuk kanë filluar sot apo para një viti, por janë më të hershme. Por e rëndësishme është të shihet, se pse nuk po merret asnjë masë për përmirësimin e kësaj gjendjeje. Drejtuesit e kësaj sindikate, thonë se në kohën e regjimit të mëparshëm, "edhe një avari, po të ndodhte, kryesondatori futej në burg. Kurse tani po shkatërrohen ndërmarrjet, vendburimet, arshivat dhe nuk po del përgjegjësia!"

Sindikalistët quajnë, ndarjen e "Albpetrolit" në disa ndërmarrje,
si një ndër arsyet krysore që sektori i naftës është drejt shkatërrimit të plotë. Duke e konsideruar këtë veprim si shumë të dëmshëm e me pasoja sociale, ata thonë se kjo situatë duhet ndryshuar. Në deklaratat e tyre, ata e ilustrojnë shqetësimin e shprehur për vjedhjen e hartave, me një firmë angleze, e cila ka marrë disa puse nafte duke i përzgjedhur, dhe, sipas sindikalistëve, kjo ka ndodhur për shkak se, ata kanë pasur dijeni të plota për vendburimet, gjë që s'mund të ndodhte pa zotëruar hartat e tyre.

Duke bërë edhe një apel të ri për t'u tërhequr vëmendjen qeveritarëve, për shkatërrimin e industrisë së naftës, sindikalistët, në kulm të dëshpërimit, shprehen: "Vallë o Zot, a do të dalë një hajdut e të vihet me shpatulla për muri!" Fakti që
deri më sot nuk ka pasur asnjë të akuzuar zyrtarisht, ? ndërkohë
që është shkatërruar pothuajse nga themelet industria e naftës, ?tregon se interesat për këtë shkatërrim kanë qenë shumë të mëdha
dhe, padyshim, "nën kujdesin e lartë të shtetit". Një tjetër shqetësim i sindikalistëve është pikërisht,
sindikalizmi. Nga deklaratat mësojmë, se drejtorët e ndërmarrjeve të ndryshme, "shpikin" sindikata, të cilat pastaj i përdorin për interesa të veta. Eshtë mjaft grotesk, një fakt që jepet me një "sindikalist" të tillë, i cili merr rrogë edhe për djalin që e ka
në shkollë 8?vjeçare. Apo një tjetër që ka lista fiktive punëtorësh, për të cilët merr rrogat, ndërkohë që ata janë në emigracion. Kohë tranzicioni...

Neritan Kolgjini

Ata po vjedhin hartat e puseve të naftës

Nafta në vëzhgimin sindikalist. Si dhe pse u shkatërrua Albpetroli

Sindikata e pavarur e Naftës, Patos, ka kundërshtuar vendimin e

qeverisë për ndarjen në katër kompani të Alpetrolit, për arsye se
vjen me një faturë sociale nga mbrapa. Dhe konkretisht, të
filialit Rugë bazamenti; të Filialit të Ndërtim-Montimit; të Transnaftës dhe të Shpim?Kërkimit. Tani ka fatin e keq të ndodhë shkatërrimi i Arshivës 50-vjeçare. Kjo bëhet qëllimisht që të shiten hartat tek të huajt, siç u shitën dhe puset në Marinzë, në vendburimin më të madh në Shqipëri, të cilin e ka marrë një firmë angleze, dhe puset që
japin më shumë, i ka marrë me të zgjedhur. Kjo vjen si arsye se ata kanë blerë hartat e vendburimit dhe kjo bëhet qëllimsht, që të mos mbajë asnjë përgjegjësinë. Nuk e dimë çfarë bëhet me naftën tonë.
Në kohën e Partisë së Punës, për një gjë më të vogël që bëhej në
naftë, si pë rshembull një avari, kryesondatori futej në burg.
Kurse tani po shkatërrohen ndërmarrjet, vendburimet, arshivat dhe nuk po del përgjegjësia. Vallë, o Zot, a do të dalë një hajdut e të vihet me shpatulla për muri!? Sindikata e pavarur e naftës e ka shprehur këtë shqetësim edhe nëpër takime që ka pasur me qeveritarët, edhe nëpër konferenca shtypi, edhe me emra ka dalë, ? por kjo ka ngelur në vesh të shurdhër.
Por flasim me përgjegjësi se kompania më e madhe në Shqipëri u
shkatërrua totalisht dhe po vidhet përditë e më tepër. Ujku po bën kërdinë poshtë e lart.

Sindikata e Pavarur e Naftës Patos
Veli Fejzullaj

Ja si u krijua sindikata e naftëtarëve

Sindikata e pavarur e Naftës në Patos është krijuar në vitin 1991
me vendim të Ministrit të Drejtësisë. Qysh nga ai vit e deri në
vitin 1997, ka lidhur kontrata pune me "Albpetrolin" për punonjësit
dhe për naftëtarët.
Në vitin 1998, me ardhjen në pushtet të Partisë Socialiste, kjo
sindikatë nuk ka lidhur kontratë pune, sepse "Albpetroli" me
drejtor Gjergj Kërrin mbante disa pseudosindikalistë që marrin
rrogën në sheqishte, ndërsa rrogën e gruas e marrin pa vajtur në
punë si avarishpëtuese. Po kështu, edhe djali që është në shkollën
tetë?vjeçare e merr rrogën te filiali i Gazit.
Me t'u zbuluar, u vu në dijeni drejtori Vlash Nakuçi; e
përjashtoi nga lidhja e kontratës. Eshtë i vetmi drejtor që
zbatoi ligjin për sindikatat, se këta pseudosindikalistë nuk
mbronin të drejtat e punëtorëve.
Por do të vinte drejtori i përgjithshëm dhe i kërkonte hesap për
nipin e tij, ta çonte shefin e sportit të qytetit të Patosit. Po
kështu, është edhe një Sinan Sinani që është shef sektori në
elektrik, që çon punëtorë në Greqi, u merr dhe rrogat (sepse edhe
paratë i ndan vetë) dhe e quan veten kryetar sindikate.
Dhe një kombisht i vogël që quhet Gëzim Hoxha, u vete mbas këtyre
pseudosindikalistëve që kish lënë puset pa kapistër, u pushua,
por Gëzim Gurozi e pranoi në punë prapë. Por me ardhjen e
drejtorit të ri z.Vlash Nakuçi, u ngeli sharra në gozhdë dhe,
nëse nuk venë në punë për tri ditë, duhet të pushohen nga puna
këta parazitë që gënjejnë dhe mashtrojnë punëtorët.

Veli Fejzullaj
Organizata e Sindikatës së Pavarur e Naftës, Patos

[Agim Doçi]

Sa keq dhe sa turp! I dashur ALUMNI, ke bërë shumë mirë që sensibilizon opinionin se vjedhja e ndyrë e ARKIVËS është puna më antishqiptare. Drejtori Vlash Nakuçi unë e njoh dhe është njeri shumë i mirë! Përse ndodhin këto!? Kujt i interesojnë?.
A fillojmë një NISMË të MBROJMË PASURINË KOMBETARE!
Të përqafoj fort Agimi

[kapedani2001]

njatjeta
babai im ka punuar per rreth 3 vjet si kryesantor the per nja 25 si pergjegjes pusi ne shpim kerkim eshte me i kualifikuari dhe me modesti mund te them dhe me i miri a e dini se cfar ben tani
ua them un
eshte ne krye te nja 30 vetave qe hapin kanale e mirembajne tubacione
a nuk eshte turp
jo se eshte turp te besh nje gje te tille por ne vend qe te bej ate pun qe nevoitet sidomos tani ne kete kriz te (midle east-it) nje pus nafte i hapur do te kushtonte rreth100.000euro dhe do te sillte nje fitim rreth 5 here me shum (minimumi) por duket qarte se (SHTETIT) shqiptar nuk i interesojn kto shifra dhe shum vende pune qe do te hapeshin se kan shume pune neper duar per shembull (karriget korrupsionin matrapazlliqet larjen e parave rryshfetet qe jepen nga pseudokompani te huaja per shfrytezimin e pasurive tona kombetare etj etj.... ) do me duhej nje ore ti numeroj te gjitha prandaj po e mbyll ketu
ju kerkoj ndjes per personalizimin e kesaj teme
respekt

[Vinny_T]

Si çdo ndermarje qe administrohet nga shteti dhe Albetroli shkoi drejt katastrofes. Dihet mire qe ne pergjithesi shteti eshte administratori me i keq i nje ndermarje pasi sa here qe shkon keq ndermarja merr para ne arken e perbashket te taksambledhesve dhe keshtu ndermarja nuk falimenton ndonjehere.
Metoda me e mire per te rimekembur kete ndermarje eshte rikapitalizimi i saj nepermjet privatizimit te pjeseshem ose te plote.
Vetem ne kete menyre do te shpetohet ajo pjese qe duhet te vazhdoje funksionimin ne kete ndermarje.
Shteti duhet te ngelet rregullator i tregut per lendet djegese por jo prodhuesi i tyre!