Përdorimi i teknologjisë informatike, Shqipëria e 107-ta në botë

**Davius** · 30-03-2007, 10:58

Shqipëria renditet në vendin e 107-të në botë, sipas përdorimit të teknologjisë informatike komunikuese (ICT), në rang listën e Forumit Ekonomik Botëror.

Kështu vendi ynë rendit në fundin e listës e cila mban 122 shtete, duke qëndruar pas vendeve me zhvillim të ulët ekonomik. Ndërsa fqinji ynë, Maqedonia u rëndit në vendin e 81-të duke realizuar përparim. Danimarka për herë të parë gjendet në kreun e rang listës, duke ia marrë primatin Shteteve të Bashkuara të Amerikës (SHBA), që ranë në vendin e shtatë. Prapa Danimarkës, e cila ka 5.71 pikë, gjenden Suedia, Singapori, Finlanda, Zvicra dhe Holanda, ndërsa në mesin e dhjetë vendeve të para është Islanda, Britania e Madhe dhe Norvegjia. Shqipëria gjendet në vendin e 107-të, ndërsa nga vendet tjera të rajonit, më së miri e renditet Sllovenia në vendin e 30-të (4.41), vijon Kroacia në vendin e 46-të, Greqia në vendin e 48, Turqia në vendin e 52-të, Rumania në vendin e 55-të, Bullgaria në vendin e 72-të, Serbia në vendin e 74-të dhe Bosnja e Hercegovina në vendin e 87. Njëra nga autorët e këtij raporti, Irene Mia konsideron se ICT-ja e zbatuar gjithnjë e më shumë po bëhet element kyç, me të cilin vendet realizojnë përparim të vazhdueshëm. Shtetet nordike treguan se orientimi i hershëm drejt arsimimit dhe inovacioneve dhe zbatimi i përhapjes së (ICT) paraqet strategji fitimtare për arritjen e konkurreshmërisë zhvillimore", deklaroi Mia.

Gazeta SOT

**benseven11** · 01-04-2007, 13:27

Varet se ku mbeshtetet statistika qe eshte bere.Nqs statistika ndertohet psh mbi bazen e numrit te personave, qe e perdorin internetin per cdo 1000 km katror,renditja e shteteve mund te jete ai i dhene nga gazeta Sot.Ose ndertimi i statistikes mbi bazen e oreve te harxhuar ne internet sipas shteteve,numri i perdorusve te internetit ne total per cdo shtet etj.Ajo statistike mund te jete e bazuar ne siperfaqen e shteteve dhe Danimarka del e para ne liste pasi si shtet ka siperfaqe te vogel,densitet te larte te perdorusve per njesi siperfaqeje.

**Lorencone** · 04-04-2007, 13:56

Statistika nuk behet se sa komputera ka ne secilen vend por se sa shume perdoren.Psh. pagesa e faturave ne internet, blerja e sendeve , aplikimi per pune etj.Psh ne Finland votimet e ardhshme do te behen edhe me ane te internetit.Ku ka aritur bota, politikan tane e kane mendjen te zihen duke akuzuar njeri tjetrin se punon boja e vules apo jo, shume qesharake

**AAde** · 25-04-2007, 05:37

shikoni forumin, dhe do te shihni sa postime ka ... dhe sa jan te vjeter, disa i "kan" 3-4 vjet

**Borix** · 25-04-2007, 05:42

Burimi i statistikave eshte i rendesishem dhe varet sa konsiderohet. Megjithate, duhet te merrni parasysh sa perqind e popullsise sone eshte provinciale, dhe sa nga qytetaret e brezit 'te zi' jane funksionalisht analfabete (me kete te fundit nenkuptoj analfabetizmin funksional ne perputhje me perdorimin e mjeteve elektronike si kompjuter, ATM, etj).