Berisha: Disa prej mediave, hanxharë të mafies

[Zemrushja]

Këshilli i Evropës paralajmëron ashpër qeverinë shqiptare, se do të pësojë sanksione të rrepta nëse nuk do zbatojë rekomandimet e saj në lidhje me ligjin për mediat. Zyrtarët e Këshillit të Evropës, kanë reaguar ndaj nismës së një grupi deputetësh të mazhorancës, për të futur në rendin e ditës një ligj klandestin për transmetimet dixhitale. Në një debat të zhvilluar dje në Strasburg mbi demokracinë dhe të drejtat e njeriut, zyrtarët e Këshillit të Evropës, i kanë kujtuar qeverisë shqiptare se ndodhet nën monitorim të rreptë, sipas rezolutës së miratuar pak kohë më parë. Duke iu referuar sulmit mbi mediat, zyrtarët e KE-së i kanë kërkuar qeverisë që të hartojë ligjet në bashkëpunim me Këshillin e Evropës, siç është angazhuar në takimet zyrtare, qeveria shqiptare. "Shqipëria duhet të rishikojë legjislacionin mbi mediat. Ne u bëjmë thirrje autoriteteve që çdo ligj që ka të bëjë me mediat, duke studiuar të gjithë faktorët dhe të diskutohet me të gjithë grupet e interesit, palët e interesuara dhe rekomandimeve ndërkombëtare", janë shprehur autoritetet evropiane.

© Gazeta Shqip - 2006-2007

[Zemrushja]

• Te thirrur per te dhene verejtjet e tyre per pr/ligjin e frekuencave numerike ishte pronari i televizionit kombetar KLAN dhe pronari i Tv Shijak

Nga 115 televizone kombetare dhe lokale qe jane te licensuara ne gjithe Shqiperine Komisioni i Medias i cili u mblodh papritur serish ne paraditen e se enjtes pa pranine e opozites ka thirrur vetem pronaret e dy televizioneve per te komentuar dhe bere verejtjet e tyre per pr/ligjin per frekuencat numerike. Keshtu te thirrur ne kete komision per te dhene verejtjet e tyre ishte Aleksander Frangaj, pronari i televizionit kombetar KLAN dhe Gezim Ismailin, pronarin e televizionit lokal Tv Shijak. Ne mbledhjen e komisionit te medias e cila u drejtua nga nenkryeatari i ketij komisioni perfaqesuesi i PD Gezim Karapici ishte i pranishem dhe kreu i grupit parlamentar te PDK i cili tashme ka propozuar nje alternative te re te ketij pr/ligji per frekuencat numerike kunder versionit te Partise Demokratike. (news24/balkaneb)

Ballkanweb

[LAINA]

Sa e rastesishme mor njerez, hahaha....
Shkurtojme ca koka qe te zgjasim kokat tona....

[Zarathustra.]

Dikur Enver Hoxha perdori komunizmin si idelogji ekstreme e polarizuese per ti vene njerezit ne rresht per nji si robote dhe tua kthente vuajtjen ne urrejtje dhe force. Sala me pas perdori anti-komunizmin per te demonizuar dhe eleminuar gjithe kundershtaret e tij (sic u pa PD u spastrua nga te gjithe te moderuarit dhe te ekuilibruarit). Tashme perdor "mafiozllekun" per te kthyer ne urrejtje dhe konflikt vuajtjen e shqipetareve, dhe perseri shume sillen si dikur, perserisin fjalet e tij pa i levizur asnje presje. Keshtu eshte mposhtur nder vite arsyeja dhe llogjika e masave. Sot nje pjese e mire sillen shabllon si dikur, kudo shohin mafioze dhe individe qe duhet sipas tyre burgosur varur apo zhdukur. E njejta fryme, i njejti mentalitet.
E ne kete ambient konflikti, kaq te polarizuar e plot pasiguri, asgje nuk ecen perpara, askush nuk investon, te gjithe jane ne ankth. Sherri pritet te plase ne cdo minute, ne cdo cep, kunder gjithkujt. Asgje s'te mbron, as ligji, as panvaresia e institucioneve, as vlerat e nje shoqerie te hapur. Ne kete ambient cajne vetem alabaket, dhe gangot, malokeria e lazateria e militanteve xhahile te PD. I njejti ambient, i njejti pushtet absolut e i trashe, i njejti polarizim social, e njejta fryme e sjellje si ajo e 97. Mungojne vetem firmat piramidale .....

[Brari]

zara.. nuk e di cfar e gjeti gazeten shqiptare sot po ju a nxorri kallajin keq juve suflereve demagoge qe cdo dite sajoni genjeshtra..

o mafieeeeeeeeeeeeee..

ju di populli ju di..

kan luajtur futboll me koka njerzish guerilsit tuaj..e ju kujtoni se me dokrra mashtroni dot..
i dolli boja keq zagarit moisi sallak edvin gjermenit..

[Zemrushja]

Emërimi nga maxhoranca për kuorumin në komision

ARTEMIDA ÇOLLAKU

Maxhoranca ka bërë surprizën e radhës në seancën e djeshme parlamentare. Nën ulërimat e deputetëve të opozitës kartonët e maxhoranës ka çuar në 17 numrin e anëtarëve të Komisionit Parlamentar të Medias dhe Arsimit, çka i jep Partisë Demokratike shumicën në këtë komision. Ky vendim është parë si një lëvizje e qëllimshme nga ana e opozitës nisur nga fakti se në këtë komision është duke u diskutuar projektligji për “Transmetime Numerike”, i cili është propozuar nga një grup deputetësh të PD pa u diskutuar më parë me grupet e interesit. Sipas kryetari të grupit Parlamentar të Partisë Socialiste, Ben Blushi një vendim i tillë është në kundërshtim me Rregulloren e Kuvendit. “Në fillim të kësaj legjislature ka një vendim të Kuvendit i cili parashikon që numri i anëtarëve të Komisionit të
Medias do të jetë 14, por me vendimin e marrë ditën e sotme nga maxhoranca numri shkon në 17. Kuvendi nuk mund të marrë një vendim të dytë pa marrë një vendim për pezullimin e vendimit të parë”, - shprehet Blushi gjatë një interviste të dhënë në “News 24”. Sipas tij, kjo çështje do të jetë objekt debati në seancën e ditës së hënë.

VOTIMI

“Me 48 vota pro, 34 kundër dhe 2 abstenime, Kuvendi miraton Luan Skuqin si anëtarin më të ri”, - tha Kryetarja e Kuvendit, Jozefina Topalli. Duke “triumfuar”
mbi zërat e kundërshtimeve të deputetëve opozitarë për marrjen e këtij vendimi,
kryetarja Topalli nuk e ka zgjatur me tej seancën duke bërë të ditur vetëm kalendarin e punimeve për seancën e radhës që do të zhvillohet ditën e hënë dhe më pas deklarimin e mbylljes së seancës pa i lënë mundësi opozitës për t’u shprehur.

TËRHEQJA

U duk disi e çuditshme për opozitën deklarimi i kryetares së Kuvendit, Jozefina
Topalli se në seancë nuk do të diskutohej projektligji “për Transmetimet numerike”. Ky projekt është cilësuar “pirat” nga opozita sepse nuk rruga që është ndjekur për hartimin dhe diskutimin e tij nuk ka qenë në rrjedhë normale. Maxhoranca ka kërkuar që ky projekt të kalojë me procedurë të përshpejtuar çka është kundërshtuar jo vetëm nga deputetë e opozitës, por edhe nga aleati i demokratëve Nikollë Lesi. Por “çudia” e tërheqjes për diskutimin e projektit nga ana e kryetares nuk zgjati shumë. Menjëherë kryetarja hodhi për votim propozimin e bërë nga maxhoranca për emërimin e një anëtari të ri në këtë komision, Luan Skuqi i cili deri më sot ka qenë anëtar i Komisionit Parlamentar të Marrëdhënieve me Jashtë. Ndërkohë që nga komisioni i Medias është larguar vetëm nënkryetari i saj, Ylli Pango i cili u emëruar ministër në kabinetin e ri, në këtë komision janë bërë tre emërime duke i shtuar Osman Metalla, Astrit Patozi si dhe Luan Skuqi. Ndërkohë, nga ky komision është larguar deputeti demokrat Spartak Ngjela, i cili nuk është fare në dijeni të këtij vendimi të marrë nga partia që e ka zgjedhur kohë më parë. I kontaktuar nga “Gazeta”, Ngjela shprehet se “nuk jam në dijeni të këtyre lëvizjeve të bëra”. Ndërkohë që mazhoranca e ka justifikuar largimin e Ngjelës nga ky komision me mospjesëmarrjen e tij të vazhdueshme në aktivitetin e këtij komisioni.

Rregullorja e Kuvendit

NENI 21

Pika 2

Kuvendi mund të ndryshojë përbërjen e komisioneve të përhershme dhe të nënkomisioneve, duke ruajtur përpjesëtimin që zënë grupet parlamentare në
Kuvend. Për ndryshimin e numrit dhe të përbërjes së komisioneve dhe të nënkomisioneve synohet arritja e mirëkuptimit mes grupeve parlamentare.

Pika 3

Kuvendi, në seancë plenare, me votim të hapur, me propozimin e Kryetarit të Kuvendit, pas këshillimit me kryetarët e grupeve parlamentare, cakton emrat e
zëvendësuesve të anëtarëve të komisionit ose të nënkomisionit për secilin grup parlamentar. Anëtari i një komisioni ose nënkomisioni, në rast mungese ose pamundësie për të marrë pjesë në mbledhje, zëvendësohet nga një prej anëtarëve të caktuar në vendimin e Kuvendit. Zëvendësimi autorizohet me shkrim nga kryetari i çdo grupi parlamentar, duke përcaktuar edhe datat e zëvendësimit dhe i dorëzohet kryetarit të komisionit. Zëvendësimi i një anëtari të komisionit të përhershëm ose nënkomisioni nuk mund të ndodhë më shumë se 4 herë gjatë një sesioni të Kuvendit.

Ballkanweb

[TOKE GEGA]

Emërimi nga maxhoranca për kuorumin në komision

ARTEMIDA ÇOLLAKU

Maxhoranca ka bërë surprizën e radhës në seancën e djeshme parlamentare. Nën ulërimat e deputetëve të opozitës kartonët e maxhoranës ka çuar në 17 numrin e anëtarëve të Komisionit Parlamentar të Medias dhe Arsimit, çka i jep Partisë Demokratike shumicën në këtë komision. Ky vendim është parë si një lëvizje e qëllimshme nga ana e opozitës nisur nga fakti se në këtë komision është duke u diskutuar projektligji për “Transmetime Numerike”, i cili është propozuar nga një grup deputetësh të PD pa u diskutuar më parë me grupet e interesit. Sipas kryetari të grupit Parlamentar të Partisë Socialiste, Ben Blushi një vendim i tillë është në kundërshtim me Rregulloren e Kuvendit. “Në fillim të kësaj legjislature ka një vendim të Kuvendit i cili parashikon që numri i anëtarëve të Komisionit të
Medias do të jetë 14, por me vendimin e marrë ditën e sotme nga maxhoranca numri shkon në 17. Kuvendi nuk mund të marrë një vendim të dytë pa marrë një vendim për pezullimin e vendimit të parë”, - shprehet Blushi gjatë një interviste të dhënë në “News 24”. Sipas tij, kjo çështje do të jetë objekt debati në seancën e ditës së hënë.

VOTIMI

“Me 48 vota pro, 34 kundër dhe 2 abstenime, Kuvendi miraton Luan Skuqin si anëtarin më të ri”, - tha Kryetarja e Kuvendit, Jozefina Topalli. Duke “triumfuar”
mbi zërat e kundërshtimeve të deputetëve opozitarë për marrjen e këtij vendimi,
kryetarja Topalli nuk e ka zgjatur me tej seancën duke bërë të ditur vetëm kalendarin e punimeve për seancën e radhës që do të zhvillohet ditën e hënë dhe më pas deklarimin e mbylljes së seancës pa i lënë mundësi opozitës për t’u shprehur.

TËRHEQJA

U duk disi e çuditshme për opozitën deklarimi i kryetares së Kuvendit, Jozefina
Topalli se në seancë nuk do të diskutohej projektligji “për Transmetimet numerike”. Ky projekt është cilësuar “pirat” nga opozita sepse nuk rruga që është ndjekur për hartimin dhe diskutimin e tij nuk ka qenë në rrjedhë normale. Maxhoranca ka kërkuar që ky projekt të kalojë me procedurë të përshpejtuar çka është kundërshtuar jo vetëm nga deputetë e opozitës, por edhe nga aleati i demokratëve Nikollë Lesi. Por “çudia” e tërheqjes për diskutimin e projektit nga ana e kryetares nuk zgjati shumë. Menjëherë kryetarja hodhi për votim propozimin e bërë nga maxhoranca për emërimin e një anëtari të ri në këtë komision, Luan Skuqi i cili deri më sot ka qenë anëtar i Komisionit Parlamentar të Marrëdhënieve me Jashtë. Ndërkohë që nga komisioni i Medias është larguar vetëm nënkryetari i saj, Ylli Pango i cili u emëruar ministër në kabinetin e ri, në këtë komision janë bërë tre emërime duke i shtuar Osman Metalla, Astrit Patozi si dhe Luan Skuqi. Ndërkohë, nga ky komision është larguar deputeti demokrat Spartak Ngjela, i cili nuk është fare në dijeni të këtij vendimi të marrë nga partia që e ka zgjedhur kohë më parë. I kontaktuar nga “Gazeta”, Ngjela shprehet se “nuk jam në dijeni të këtyre lëvizjeve të bëra”. Ndërkohë që mazhoranca e ka justifikuar largimin e Ngjelës nga ky komision me mospjesëmarrjen e tij të vazhdueshme në aktivitetin e këtij komisioni.

Rregullorja e Kuvendit

NENI 21

Pika 2

Kuvendi mund të ndryshojë përbërjen e komisioneve të përhershme dhe të nënkomisioneve, duke ruajtur përpjesëtimin që zënë grupet parlamentare në
Kuvend. Për ndryshimin e numrit dhe të përbërjes së komisioneve dhe të nënkomisioneve synohet arritja e mirëkuptimit mes grupeve parlamentare.

Pika 3

Kuvendi, në seancë plenare, me votim të hapur, me propozimin e Kryetarit të Kuvendit, pas këshillimit me kryetarët e grupeve parlamentare, cakton emrat e
zëvendësuesve të anëtarëve të komisionit ose të nënkomisionit për secilin grup parlamentar. Anëtari i një komisioni ose nënkomisioni, në rast mungese ose pamundësie për të marrë pjesë në mbledhje, zëvendësohet nga një prej anëtarëve të caktuar në vendimin e Kuvendit. Zëvendësimi autorizohet me shkrim nga kryetari i çdo grupi parlamentar, duke përcaktuar edhe datat e zëvendësimit dhe i dorëzohet kryetarit të komisionit. Zëvendësimi i një anëtari të komisionit të përhershëm ose nënkomisioni nuk mund të ndodhë më shumë se 4 herë gjatë një sesioni të Kuvendit.

Ballkanweb

Politika

Drejtori i Përgjithshëm për Zgjerimin në Komisionin Europian vlerëson zbatimin e MSA gjatë 12 muajve të fundit


KE: Mbështesim reformat ekonomike dhe politike


Drejtori i Përgjithshëm për Zgjerimin në Komisionin Europian, Michael Leigh, vlerësoi dje në Tiranë progresin e bërë nga qeveria shqiptare në kuadrin e marrëveshjes interim të përkohshme. Gjatë vizitës së tij Leigh u shpreh se Komisioni Europian është i kënaqur me zbatimin e Marrëveshjes së Ndërmjetme dhe reformat e ndërmarra nga qeveria shqiptare për të zabtuar detyrimet. "Mund të them se në 12 muajt e fundit zbatimi i marrëveshjes ka qenë pozitiv". Ai vlerësoi rëndësinë që ka vendosja dhe forcimi i shtetit të së drejtës, sikurse dhe rëndësinë e arritjes së një konsesusi politik për reformat, aty ku është e mundur.

Pas takimit me kryeministrin Berisha në selinë e Këshillit të Ministrave, në Tiranë, zoti Leigh u shpreh në konferencën e përbashkët për shtyp për ecurinë e reformave ekonomike dhe politike në vendin tonë. "Vizita ime në Shqipëri është një rast për të bërë një vlerësim për progresin e bërë në kuadrin e marrëveshjes interim të përkohshme si dhe për të diskutuar programin e qeverisë për reformat ekonomike dhe politike. Ne jemi tamam në kohë, sepse jemi duke përgatitur raportin vjetor të progresit, i cili do të botohet në nëntor të këtij viti", u shpreh zoti Leigh. "Sot, në bisedën që pata me zotin kryeministër, ndamë gjithashtu mendime për përafrimin e legjislacionit shqiptar në përputhje me ligjet dhe rregullat e Bashkimit Evropian. Diskutuam dhe për çështjen shumë të rëndësishme të luftës kundër krimit të organizuar dhe korrupsionit. Mendoj se kjo është një çështje shumë e rëndësishme, qoftë për besimin e qytetarëve shqiptarë te institucionet e tyre, gjithashtu edhe për përparimin e Shqipërisë drejt Bashkimit Evropian", u shpreh zoti Leigh. Drejtori i Përgjithshëm për Zgjerimin në Komisionin Europian tha se e kishte siguruar kryeministrin Berisha dhe bashkëbiseduesit e tjerë, se KE është i gatshëm që t'i ofrojë Shqipërisë përvojën e tij dhe të vendeve të tjera partnere në këto fusha të rëndësishme. "Bashkimi Evropian, këtë vit, ka paraqitur një instrument të ri financiar, që është instrumenti i asistencës para aderimit dhe, ne do ta paraqesim gjithashtu këtë edhe për Shqipërinë, si dhe për ato vende që aspirojnë futjen në Bashkimin Evropian, dhe kryerjen e reformave përkatëse. Ne jemi të gatshëm të ofrojmë të gjitha instrumentet financiare, të bashkëpunojmë edhe me Bankën Evropiane të Investimeve, në mënyrë që të mbështeten të gjitha reformat ekonomike dhe politike të Shqipërisë", u shpreh Drejtori i Përgjithshëm për Zgjerimin në Komisionin Europian. Më pas, në përgjigje të interesimit të gazetarëve, zoti Leigh sqaroi se një nga çështjet që monitoron gjithmonë Bashkimi Evropian, është stabiliteti politik, përfshirë edhe funksionimin e parlamentit. "Ne nuk do të përfshihemi në çështjet e brendshme të vendit, por vlerësojmë funksionimin e të gjitha institucioneve. Kur ka një bllok të gjerë reformash për t'u aprovuar, është mirë që të ketë një konsensus tërësor, kombëtar, për t'i miratuar këto reforma, në mënyrë që ato të realizohen. Në të gjitha takimet që unë kam patur me udhëheqësit politikë, aq sa është e mundur, kam mundur që t'i nxis që të realizojnë këtë konsensus jashtë ndarjeve politike", tha zoti Leigh.

Drejtori i Përgjithshëm për Zgjerimin në Komisionin Europian konfirmoi gjithashtu diskutimin e përbashkët me kryeministrin Berisha për çështje rajonale me interes reciprok si dhe për çështjen e Kosovës.

Halil RAMA






Berisha: I përmbahemi kontratës së 12 qershorit


Kryeministri Berisha mirëpriti dje në takim Drejtorin e Përgjithshëm për Zgjerimin në Komisionin Evropian, zotin Michael Leigh. Në takim, të dy personalitetet diskutuan për ecurinë e reformave të gjithanshme, të ndërmarra në kuadër të procesit të integrimit të vendit në Bashkimin Evropian. Pas takimit, zoti Berisha dhe zoti Leigh dhanë një konferencë të përbashkët për shtyp. "Unë e falenderova shumë përzemërsisht zotin Michael Leigh për vizitën e tij. Pas vizitës së komisionerit Olli Rehn, vizita e nivelit të lartë e zotit Michael Leigh dëshmon interesin e madh të Komisionit Evropian për marrëdhëniet me Shqipërinë dhe për Shqipërinë", tha kryeministri Berisha. Kreu i qeverisë shqiptare pohoi se i kishte bërë një ekspoze të gjerë zotit Leigh, të të gjitha reformave, duke nisur nga lufta kundër krimit të organizuar dhe korrupsionit, deri tek praktikat dixhitale dhe përpjekjet e Shqipërisë për të ardhur në moshën dixhitale, reformat në fusha të tjera.

"E falenderova me shumë mirënjohje për ndihmën që Komisioni Evropian i ka dhënë dhe i jep Shqipërisë. Unë e sigurova atë se "acquis communautaire" përbën kërcellin e të gjitha strategjive që hartohen në Shqipëri, të të gjitha fushave të ndryshme, të cilat synojnë ta afrojnë më shpejt Shqipërinë me Bashkimin Evropian. E njoha zotin Leigh me stadin aktual të reformave, veçanërisht angazhimin e qeverisë në luftën kundër informalitetit dhe përmirësimin e klimës së biznesit, si dhe funksionimin e shtetit ligjor. Unë e sigurova se ne do t'i përmbahemi me rigorozitet kontratës së nënshkruar më 12 qershor, në Luksemburg, pra, Marrëveshjes së Stabilizim-Asociimit, dhe mirëpresim çdo ndihmë për përafrimin e legjislacionit tonë me atë evropian", u shpreh kryeministri Berisha. Ai vlerësoi shumë ndihmën financiare në kuadrin e IFA-s, sikundër edhe investimet e Bankës Evropiane të Investimeve për ngritjen e infrastrukturës sonë. Gjithashtu, kryeministri Berisha e siguroi zotin Leigh se ndryshimi është një nga qëllimet më kryesore tonat, në mënyrë që të afrohemi më shumë me Bashkimin Evropian.

H.RAMA






Mustafaj: Lëvizja e lirë, një nga objektivat parësore të qeverisë


Ministri i Punëve të Jashtme, Besnik Mustafaj, priti dje Drejtorin e Përgjithshëm për Zgjerimin pranë Komisionit Evropian, zotin Michael Leigh. Ministri Mustafaj e njohu zotin Leigh me reformat që ka ndërmarrë në vazhdimësi qeveria shqiptare, pas nënshkrimit të MSA. Këto reforma kanë rezultuar të suksesshme dhe i janë shtuar dosjes së progresit të Shqipërisë, në procesin e integrimit evropian të saj.

Ministri Mustafaj e falenderoi zotin Leigh, në mënyrë të veçantë për vullnetin pozitiv të treguar nga Komisioni Evropian në negocimin dhe siglimin para pak ditësh të Marrëveshjes për Lehtësimin e Regjimit të Vizave mes Shqipërisë dhe BE-së. "Lëvizja e lirë e qytetarëve shqiptarë është një nga objektivat parësore të qeverisë sonë", theksoi Mustafaj. "Krahasuar me vendet e tjera, të cilat e negociuan njëherësh me ne këtë marrëveshje, Shqipëria është më përpara në plotësimin e standardeve, një prej të cilëve është nënshkrimi dhe ratifikimi i Marrëveshjes së Ripranimit. Nuk do të ishte e drejtë që ne të prisnim sa ta negociojnë, ta nënshkruajnë e ta ratifikojnë një marrëveshje të tillë dhe vendet e tjera të rajonit, që Marrëveshja për Lehtësimin e Regjimit të Vizave të hyjë në fuqi", u shpreh ministri Mustafaj.

Zoti Leigh vlerësoi punën e bërë nga qeveria shqiptare në kontekstin e angazhimeve që ajo ka marrë edhe në Marrëveshjen e Stabilizim-Asociimit, duke shprehur bindjen se edhe viti 2007 do të shënojë një raport pozitiv të progresit që ka bërë vendi drejt rrugës së integrimit.

Ai siguroi se Marrëveshja për Lehtësimin e Regjimit të Vizave i paraprin vullnetit për liberalizim të plotë të këtij sistemi, duke shtuar se e konsideron këtë marrëveshje një fillim të mirë për të ardhmen. Leigh informoi se Bashkimi Evropian dëshiron ta shoqërojë këtë marrëveshje edhe me shtimin e bursave për studentët shqiptarë që dëshirojnë të studiojnë në vendet e BE-së, të cilat do të realizohen nëpërmjet programeve të arsimit të Unionit.

Më pas, ministri Mustafaj dhe zoti Leigh biseduan rreth situatës në rajon, dhe në veçanti për çështjen e statusit të Kosovës. Ata shprehën mbështetjen e ndërsjelltë të paketës së Ahtisaarit dhe shkëmbyen mendime rreth mënyrës se si do të evoluojë më tej procesi i statusit.

H.R





Kryetari i Asamblesë Kombëtare të Francës vlerëson rezultatet e qeverisë në luftën ndaj krimit të organizuar


Shqipëria, ftesë për anëtarësimin në NATO


Kryetari i Asamblesë Kombëtare të Francës, Patrick Ollier, vlerësoi se Shqipëria do të marrë shumë shpejt ftesën e anëtarësimit në NATO, ndërsa shprehu mbështetjen e vendit të tij në këtë drejtim. Ai, gjithashtu, ripërsëriti qëndrimin e kreut të Senatit francez për një ratifikim të shpejtë të MSA të Shqipërisë me BE-në. "Shqipëria është një vend që ka kaluar vështirësi, të cilat i keni përballuar me shumë kurajo. Keni arritur të keni rezultate shumë të mira në reforma që duan guxim, si lufta kundër krimit të organizuar, dhe unë ju përgëzoj për këtë edhe në emër të Asamblesë Kombëtare fanceze. Unë besoj se shumë shpejt, Shqipëria do të marrë ftesën për NATO dhe, pavarësisht rezultatit në zgjedhjet presidenciale apo legjislative në Francë, jam i bindur se nuk do të ndryshojë asgjë nga politika jonë e jashtme, nga vullneti ynë për bashkëpunim të ngushtë dhe për mbështetje të plotë ndaj integrimit të vendit tuaj në strukturat euro-atlantike. Në këtë kuadër ju garantoj se shumë shpejt, ne do të ratifikojmë MSA-në Shqipëri-BE", u shpreh Ollier. Nga ana e saj, kryetarja Topalli falenderoi homologun e saj francez për pritjen e delegacionit shqiptar në një kohë të ngjeshur me takime, për shkak të zgjedhjeve presidenciale dhe atyre legjislative në Francë. "Vendi juaj ka mbështetur gjithmonë zhvillimet pozitive në Shqipëri dhe ju jemi mirënjohës për këtë. Jam shumë e bindur se Franca do të vazhdojë të mbështesë vendin tonë në perspektivën e anëtarësimit në BE dhe NATO", tha zonja Topalli. Si në takimin me Kryetarin e Asamblesë Kombëtare franceze, ashtu edhe në takimin me Kryetarin e Senatit, delegacionet ndanë të njëjtin mendim për nxitjen dhe forcimin e marrëdhënieve institucionale përmes edhe nënshkrimit të një protokolli bashkëpunimi. Një takim të veçantë, zonja Topalli e zhvilloi me Kryetarin e Fondacionit "Shuman", Giuliani, fondacion shumë i pranishëm me projekte në Shqipëri. Topalli vlerësoi ndihmën që ky fondacion i ka dhënë dhe vazhdon t'i japë Shqipërisë. Nga ana e tij, Giuliani shprehu vlerësimin e tij për rezultatet e dukshme të punës së bërë nga Shqipëria, duke shprehur mbështetje për përçimin e këtij imazhi pozitiv në debate të ndryshme europiane dhe më gjerë, të organizuara nga fondacioni prestigjioz "Shuman", i mirënjohur dhe me influencë në hapësirën politike ndërkombëtare.


Ylber Drazhi





Franca premton ratifikim të shpejtë të MSA-së mes Shqipërisë dhe BE-së


Poncelet: Franca, mbështetje të plotë integrimit


Kryetari i Senatit francez, Christian Poncelet, deklaroi dje se Shqipëria do të ketë mbështetjen e plotë të Francës në procesin e saj të integrimit në familjen europiane. Kreu i dhomës së lartë të legjislativit francez i bëri këto deklarata gjatë një takimi që pati me Kryetaren e Kuvendit të Shqipërisë, Jozefina Topalli, e cila zhvilloi një vizitë dy ditore në Francë. Gjatë kësaj vizite, Topalli mori premtimin nga autoritetet e larta franceze për ratifikimin e MSA-së brenda një kohe të shkurtër. Kreu i Senatit francez e cilësoi si hap të rëndësishëm të Shqipërisë nënshkrimin e MSA-së me Bashkimin Europian në rrugën e integrimit. Ai vlerësoi sukseset në luftën kundër krimit të organizuar dhe përpjekjet serioze për ndërtimin e shtetit ligjor, duke nënvizuar se Shqipëria është në rrugë të mbarë. "Nënshkrimi i MSA-së me BE-në është një hap shumë i rëndësishëm. Vendi juaj ka zgjedhur tashmë të integrohet në familjen e madhe europiane dhe ne e dimë që Shqipëria e ka shikimin drejt Europës. Gjithashtu, e dimë se përpjekjet që po bëni, janë serioze dhe sfidat janë të vështira, siç është sfida e luftës ndaj krimit apo ndërtimi i shtetit ligjor, por është e qartë se ju po ecni në rrugë të mbarë. Në këtë marshim, të jeni të bindur se Franca është dhe do të jetë pranë jush. Senati dhe Asambleja Kombëtare e Francës do ta këtë ndër prioritetet e para të axhendës dhe jam i bindur se nuk do të ketë asnjë pengesë për këtë", nënvizoi Poncelet. Nga ana e saj, kryetarja Topalli, pasi falenderoi kreun e Senatit francez për ftesën dhe pritjen e ngrohtë e mjaft miqësore, kërkoi mbështetjen e Francës për ratifikimin e MSA-së, ndërkohë që i njohu pjesëmarrësit në tryezë me faktin se në një kohë të shkurtër prej 10 muajsh, nga ratifikimi i MSA-së në Parlamentin Europian, dhjetë parlamente të vendeve anëtare të BE-së do ta kenë ratifikuar atë deri në fund të muajit maj. Numri një i legjislativit shqiptar falenderoi kreun e Senatit të Francës për mbështetjen e vazhdueshme që Franca i ka dhënë Shqipërisë. Ajo e njohu atë dhe delegacionin e tij të senatorëve me reformat më të fundit të ndërmarra nga mazhoranca dhe me rezultatet pozitive të arritura. "Jemi të ndërgjegjshëm se imazhi që vendet e tjera kanë për Shqipërinë, është një imazh i një perceptimi të gabuar. Ne po punojmë seriozisht që, paralelisht me ndryshimin në kahun pozitiv të realitetit, të ndryshojmë imazhin e vendit tonë, i cili e ndjen veten pjesë të Europës. Shqipëria, gjithashtu, ka luajtur dhe luan një rol konstruktiv në rajon dhe më vjen mirë që kjo vlerësohet edhe nga partnerët tanë europianë dhe botërorë. Vendi ynë është një vend me identitet europian, me një ndjenjë të fortë të orientuar drejt strukturave euro-atlantike, me një tolerancë fetare që ia vlen të trajtohet si rast unik, e me një forcë të madhe për të ecur përpara", tha ajo. Topalli, gjithashtu, i shprehu mirënjohjen drejtuesit të Senatit francez edhe për mbështetjen që Franca i ka dhënë paketës së Ahtisarit për çështjen e Kosovës. Kryetarja e Kuvendit shprehu bindjen se pavarësia e Kosovës do të jetë një zgjidhje në të mirë edhe të Serbisë, dhe të gjithë rajonit, në funksion të paqes dhe stabilitetit të qëndrueshëm. Topalli shprehu falenderimet për pranimin pa kushte e me të drejta të plota të Shqipërisë në Organizatën Ndërkombëtare të Frankofonisë, si edhe për bursat që Franca jep për studentët shqiptarë, duke e vënë theksin në nxitjen e bashkëpunimit edhe në shëndetësi, kulturë dhe ekonomi, me praninë e më shumë investimeve franceze në Shqipëri.






Koalicioni i djathtë, i nevojshëm dialogu intensiv


Kryeministri Sali Berisha deklaroi dje gjatë një konference të përbashkët për shtyp me Drejtorin e Përgjithshëm për Zgjerimin në Komisionin Evropian, Michael Leigh, se "duhet të zhvillohet një dialog më intensiv, në mënyrë që brenda harkut të koalicionit të mazhorancës të ketë një qëndrim të njëjtë". Kryeministri Berisha iu përgjigj interesimit të gazetarëve lidhur me deklaratën e djeshme të kryetarit të Grupit parlamentar të PD-së, Bamir Topi, për një përçarje të mundshme mes partive të koalicionit qeverisës, pas votimit kundër në Kuvend nga PBDNJ, të Ligjit "Për parapagimin e gjobave nga biznesi". "Nuk mund të them se koalicioni mund të mburret me votimin për ligjin e gjobave, por, natyrisht, një dialog më intensiv duhet të zhvillohet, në mënyrë që brenda harkut të koalicionit të ketë një qëndrim të njëjtë", deklaroi zoti Berisha.





Kryeministri u kërkon pushtetarëve vendorë bashkërendim të punëve në luftën ndaj evazionit fiskal


Informaliteti, në shifrat 50 për qind


Aktualisht, në vendin tonë, një problem madhor i rëndësisë kryesore është informaliteti. Kryeministri Berisha tha në takimin e djeshëm që zhvilloi me krerët e qeverisjes vendore, se ky është një problemi madh ekonomik. "Ekonomia shqiptare mund dhe do të zhvillohet, do të përballet me procesin e integrimit, do të përballet me zotësi dhe e përshtatur me hapësirat e tregut të lirë, të CEFTA-s, BE-së, me sfidat e globalizmit, vetëm e vetëm si një ekonomi formale. Në të kundërt, absolutisht, ajo do të shkojë pashmangërisht drejt krizave të rrezikshme, ndaj dhe le ta bëjmë së bashku me ju këtë çështje kryesore në rendin e ditës", u shpreh Berisha. Por lufta kundër informalitetit në një vend të varfër ka një problem madhor moral. "Nuk mund të pranojmë ne që ata që kanë më pak, të jenë formalë dhe ata që kanë më shumë, të rrinë informalë. Kjo krijon një çarje në shoqëri, thellon çdo ditë një hendek. Ata që kanë më pak, njësoj, si ata që janë më të mëkëmburit, një taksë e paguajnë të barabartë, në gotën e ujit, kafshatën e bukës, ushqimin që i japin fëmijës dhe kjo taksë është TVSH-ja, e cila në buxhetin e shtetit është jo e vogël, por është rreth 85 miliard lekë dhe është taksa e konsumatorit", tha kryeministri Berisha. Sipas tij, qytetarët tanë në mbarë vendin, nga fshatari i zonave më të thella të Dukagjinit e të Mokrrës, tek fermeri i Myzeqesë, deri tek Presidenti dhe Kryeministri, paguajnë të njëjtën taksë. Pikërisht për këto arsye, kreu i qeverisë ftoi drejtuesit e pushtetit vendor të përballen me shpejtësi ndaj këtij mali, i cili quhet informalitet në Shqipëri. "Kur thuhet 50%, është i zvogëluar, sepse në raste të caktuara është dhe 70%. Nuk do t'u vijë mirë avokatëve se, nga 2900 licenca, janë vetëm 300 që paguajnë detyrime tatimore. Ne jemi zyrtarë të gjithë së bashku dhe betejën kundër informalitetit nuk mund ta zhvillojë vetëm organi tatimor, ndonëse ka përgjegjësinë më kryesore, sepse është një mal i tërë dhe nuk duhet të pranojmë që këtë barrë të madhe t'ua lëmë vetëm atyre, duhet ta marrim përsipër secili prej nesh; çdo këshilltar, parlamentar. Vetëm në këtë mënyrë ne do të mund të ngushtojmë hendekun e madh që po krijohet në Shqipëri midis shtresave të ndryshme të popullatës", u shpreh Berisha. Vetëm në këtë mënyrë, sipas kryeministrit, do të mund të garantohet kohezioni social në shoqërinë tonë. "Kjo shoqëri duhet të ruajë një kohezion. Nuk duhet të pranojë një polaritet që rritet me shpejtësi marramendëse. Unë kam besim shumë tek ju se do të përballemi me këtë sfidë dhe në përballjen me këtë sfidë, jashtë të gjitha arbitrariteteve, ne e bëjmë ekonominë tonë më të lirë, më të fuqishme, më të sigurt", u shpreh kryeministri Berisha. Ai i garantoi të zgjedhurit vendorë për zgjerimin e lirisë së tregut, pa të cilën liritë e tjera vyshken, nuk kanë të ardhme.





Qeveria, e angazhuar në hartimin e projekteve për përshpejtimin e procesit të decentralizimit


Berisha: Reforma e decentralizimit, prioritet i mazhorancës


Reforma e decentralizimit është një nga prioritetet kryesore të mazhorancës së djathtë qeverisëse. Kryeministri Berisha u shpreh në Konferencën kombëtare të të Zgjedhurve Vendorë, të organizuar nga Ministria e Brendshme, në mjediset e Hotel "Sheraton", për masa efikase në funksion të përshpejtimit të kësaj reforme. Të pranishëm në punimet e konferencës ishin zëvendëskryeministri Gazmend Oketa, ministri i Brendshëm, Bujar Nishani, kryetarë të bashkive, komunave dhe këshillave të qarqeve, ambasadorë, si dhe përfaqësues të institucioneve ndërkombëtare në vendin tonë. Qëllimi i konferencës ishte bashkëpunimi sa më efektiv midis qeverisjes qendrore dhe asaj vendore në reformën e decentralizimit, për një demokraci vendore të konsoliduar, zbatim rigoroz të ligjit dhe konsolidim të institucioneve dhe qeverisjes vendore. Kryeministri Berisha, duke marrë fjalën, përshëndeti të pranishmit dhe iu uroi atyre suksese në detyrën e rëndësishme dhe fisnike të qeveritarit vendor, duke garantuar njëkohësisht se qeveria qendrore do të bëjë të gjitha përpjekjet për një bashkëpunim sa më të ngushtë, në partneritet të plotë me përfaqësuesit vendorë në bashkitë dhe komunat e vendit. "Është një kënaqësi e veçantë për mua t'ju përshëndes përzemërsisht, të përshëndes të gjithë këshilltarët e zgjedhur me votën e qytetarëve në mbarë vendin, kryetarët e bashkive dhe komunave, t'u uroj atyre suksese në detyrën e rëndësishme dhe fisnike të qeveritarit direkt për qytetarin, t'i garantojë ata se qeveria qendrore do të bëjë të gjitha përpjekjet për një bashkëpunim të ngushtë, të plotë me të gjitha qeverisjet, këshillat, kryetarët e bashkive dhe komunave të vendit", u shpreh kryeministri Berisha. Kreu i ekzekutivit tha se kryebashkiakët dhe kryekomunarët e rinj e nisin detyrën pas një ndryshimi të madh dhe cilësor që mazhoranca bëri, vendosjen e afatit 4-vjeçar për të zgjedhurit vendorë, dhe kjo shënon një standard shumë më të mirë sesa standardi që ne kishim përpara. "Është e natyrshme që një afat kohor më i gjatë ishte i domosdoshëm, në mënyrë që qeveritë vendore të mund të zbatojnë projektet dhe detyrimet e tyre para qytetarëve", u shpreh Berisha.





Në qershor nis projekti 6 mijë km rrugë rurale


Kryeministri Berisha theksoi se një rëndësi të posaçme në vemprimtarinë e qeveritarëve vendorëve merr hartimi i projekteve për përshpejtimin e procesit të decentralizimit, i cili do të çojë ushtrimin e plotë të kompetencave të qeveritarëve vendorë në përmbushjen e detyrimeve që rrjedhin nga ky proces.

Kryeministri Berisha garantoi se pavarësisht nga spektri politik, qeveria do të ruajë marrëdhënie ligjore të barabarta me secilin prej qeveritarëve vendorë, duke i respektuar ata dhe qytetarët që përfaqësojnë, duke bërë çdo përpjekje në funksion të përmirësimit sa më të ndjeshëm të jetës së tyre. "Në këtë kontekst, rëndësi kryesore në të gjithë veprimtarinë tuaj do të sugjeroja hartimin e projekteve dhe unë dua t'ju siguroj se ne jemi të vendosur të ecim me shpejtësi drejt decentralizimit", tha kryeministri Berisha në Konferencën kombëtare të kryetarëve të bashkive e komunave. Sipas kreut të qeverisë, disa hapa të rëndësishëm janë ndërmarrë. Hapa të tjerë shumë më të rëndësishëm do të ndërmerren në të ardhmen. "E vetmja gjë që kërkohet nga procesi i decentralizimit, është ushtrimi i plotë i kompetencave tuaja në përmbushjen e detyrimeve që rrjedhin nga ky proces", u shpreh Berisha. Kreu i ekzekutivit konfirmoi se së shpejti, në qershor, i cili është viti fiskal i BB, do të nisë projekti i 6000 km rrugë rurale dhe dytësore. "Është ngritur një komitet ndërministror për këtë çështje, por unë do të kërkoja nga qarqet, komunat, bashkitë, të shqyrtojnë projektet ekzistuese, sepse të parat që do të përfitojnë, do të jenë projektet ekzistuese. Aty ku mungojnë projekte, angazhoni fonde për hartimin e tyre", tha Berisha. Kryeministri u shpreh se e konsideron shumë të rëndësishëm këtë projekt





Kryeministri i u kërkon të zgjedhurve lokalë bashkëpunim në luftën ndaj trafikut të drogës


Asgjësim i të gjitha të mbjellave me kanabis


Në Konferencëm e djeshme të Kryetarëve të bashkive e komunave, kryeministri Berisha rikonfirmoi vendosmërinë e qeverisë për luftë pa kompromis ndaj trafiqeve të të gjitha llojeve. "Kemi edhe një problem shumë delikat, çështjen "kanabis". Dua t'ju them se si vend, ne paguajmë një çmim të madh për shkak të trafiqeve. Këtë duhet ta dijë mirë secili nga ne. Nuk ka të keqe më të madhe se e keqja me të cilën mësohesh. Të gjithë ata që bashkëpunojnë me ne, të gjithë ata që duhet të votojnë në parlamentet e tyre marrëveshjet me Shqipërinë, sepse MSA duhet të votohet në 27 parlamente, duhet të miratohet në 27 qeveri, kanë në dosjet e tyre çështjen e trafiqeve të Shqipërisë dhe kjo është dosje e zezë", u shpreh kryeministri. Sipas Berishës, organet e rendit, shërbimet sekrete, prokuroria, po bëjnë një përpjekje të madhe kundër trafiqeve të drogës, të armëve dhe të qenieve njerëzore, dhe kjo përpjekje do të vijë në rritje. "Ne duhet ta nxjerrim Shqipërinë nga harta e trafiqeve dhe kjo realizohet vetëm duke zbatuar ligjin, duke konsoliduar shtetin ligjor dhe rezultatet janë impresionuese në këtë drejtim, dhe ligji i ndalimit për tre vjet i skafeve në ujëra ka qenë një ligj që ka ndihmuar shumë në pakësimin e trafiqeve, por mbetet çështja "kanabis", tha kryeministri Berisha. Sipas tij, vitin e kaluar ka patur një pakësim disa herë të mbjelljes së bimëve narkotike. Ndërkohë, këtë vit do të ketë zero tolerancë ndaj mbjelljes. Në këtë kontekst, kreu i qeverisë u kërkoi drejtuesve të qeverisjes vendore që të mos jetë e nevojshme të kapen me helikopter, satelit apo mjete të tjera kultivuesit e kanabisit. "Ju jeni të zotët e territorit të komunave dhe bashkive tuaja. Duhet të organizohet një kontroll i programuar i territorit për bimët narkotike. Ligji i përgjegjësisë së autoriteteve vendore për kontrollin e territorit do të veprojë me të gjithë forcën e tij. Ne nuk duhet të jemi më burim eksporti droge, ndaj dhe ju bëj thirrje që për këtë çështje, komunat në zonat e Jugut dhe të Veriut, të cilat janë edhe zonat më problematike, por edhe në të gjitha zonat e tjera, të organizojnë një kontroll të posaçëm të territorit për këtë bimë, e cila damkos vendin, imazhin dhe ushqen kriminalitetin. Në rast se ne të gjithë e shtrojmë këtë një çështje të rëndësishme, faktikisht asgjesojmë tërësisht mbjelljen e saj në Shqipëri dhe në këtë mënyrë bëhemi më të sigurt për veten tonë dhe të tjerët. Ne duhet të ecim drejt një vendi normal, me një luftë eficiente kundër kriminalitetit", u shpreh kryeministri Berisha. Kreu i ekzekutivit shprehu bindjen se pushteti lokal do ta vlerësojë këtë problem, sikundër, sipas tij, do të vihen në funksion të plotë komitetet lokale antitrafik. "Trafiku është përfaqësimi më i keq dhe më i shëmtuar që i bëhet Shqipërisë në komunitetin ndërkombëtar. Ndaj e ngrita këtë çështje, për të cilën theksoj edhe njëherë besimin tim se do ta vlerësoni, duke bashkëpunuar ngushtë dhe me organet e rendit, për ta nxjerrë Shqipërinë tërësisht nga harta e zezë e çdo lloj trafiku", tha kryeministri Berisha.





Taksat që do të administrojnë vendorët


Në Konferencën e djeshme kombëtare me drejtues të qeverisjes vendore, kreu i ekzekutivit tha se thelbi i decentralizimit është decentralizimi fiskal. "Një hap i madh është bërë në decentralizimin fiskal, pasi jo vetëm taksa e biznesit të vogël dhe ajo e pronës, por edhe administrata fiskale përkatëse do të kalojë tërësisht në varësinë tuaj", tha Berisha. Në këtë kontekst, sipas kreut të ekzekutivit, drejtuesit e rinj të qeverisjes vendore kanë një rast të shkëlqyer për të vendosur standardet më të mira në administratën fiskale, të cilat krijojnë transparencë të plotë në procesin e administrimit fiskal, standarde që përjashtojnë maksimalisht informalitetin. "Dua të jem fare i hapur me ju, se gjërat është mirë t'i njohësh dhe pastaj të përpiqesh t'i ndryshosh. Kemi probleme shumë serioze, sepse sa më shumë afrohemi dhe përpiqemi të afrohemi me NATO-n dhe BE, në mënyrë të vetvetishme prozhektorët e këtyre institucioneve për ne bëhen më të fuqishëm, më shumë dalin në dritë dhe anë pozitive dhe përpjekjet tona, por,gjithashtu, dalin në dritë edhe të metat, dobësitë dhe problemet tona", vijoi kryeministri Berisha.





Edhe ujësjelllësat, në varësi të vendorëve


Qeveria është e vendosur të zbatojë me përpikmëri Kartën Europiane të Autonomisë Lolale dhe Rajonale. Në këtë këndvështrim, kryeministri Berisha garanton përshpejtimin e procesit të decentralizimit në të gjitha aspektet e tij. "Kaluam Ligjin "për inspektoriatin e ndërtimit", që zëvendëson Policinë Ndërtimore të centralizuar, do të procedojmë me shpejtësi me ujësjellësat, ndonëse ujësjellësat rajonalë do të përpiqemi të marrin një konsultë ndërkombëtrae për koncesionimin e tyre dhe dorëzimin tek ju", tha Berisha. Kryeministri konfirmoi se i ka dhënë porosi Agjencisë së Pronave të përshpejtojë të gjitha procedurat për dorëzimin e pronave tek pushteti vendor. Gjithashtu, sipas kreut të ekzekutivit, një ligj i ri, jashtëzakonisht i rëndësishëm, që mund të shumëfishojë potencialin e qeverisjes vendore, është Ligji i partneritetit publik, privat. Për këtë ligj, kreu i qeverisë ftoi Ministrinë dhe Agjencinë e Prokurimeve Publike të organizojnë me përfaqësuesit e pushtetit vendor seminare për zbërthimin e tij. Kjo për faktin se nëpërmjet këtij ligji, kryetarët e bashkive e komunave kanë mundësi vërtet të shumëfishojnë veprimtaritë dhe punët në territoret e bashkive dhe komunave. Berisha tha se kjo ka një rëndësi shumë të madhe, sepse atë buxhet që kanë bashkitë dhe komunat mund ta përdorin së bashku me sektorin privat, për të ndërtuar shumë më tepër nga ç'është kapaciteti i tij.





Në maj tenderi për kartat e identitetit


Në Konferencën kombëtare të Kryetarëve të Bashkive e komunave, kryeministri Berisha vlerësoi si shumë të rëndësishme reformën e pajisjes së qytetarëve shqiptarë me karta identiteti. "Jemi para disa reformave shumë të rëndësishme lidhur me identitetin e qytetarëve, për kartat e identitetit. Tenderi do të shpallet në maj, po ashtu edhe për pasaportat dixhitale. Regjistrimi i përgjithshëm i popullsisë, por edhe i të gjitha pasurive të vendit dhe dixhitalizimi i tyre, do të jetë një nga drejtimet më themelore. Regjistri elektronik i gjendjes civile do të bëhet me ekspertizën e OSBE-së dhe financim kryesisht të Komisionit Evropian", u shpreh Berisha. Kryeministri u kërkoi krerëve të qeverisjes vendore intensifikimin e përpjekjeve për ta kompletuar sa më shpejt dhe sa më saktë këtë proces. "Realisht, nëpërmjet dixhitalizimit, bëjmë një shkëputje të madhe, kalojmë në një fazë më të avancuar të reformave të identitetit të qytetarëve dhe të pronave në Shqipëri", tha kryeministri Berisha. Në përfundim të fjalës së tij, kreu i ekzekutivit garantoi kryetarët e bashkive dhe komunave se pavarësisht nga spektri politik, qeveria do të ruajë marrëdhënie ligjore të barabarta me secilin prej tyre, duke respektuar ata dhe qytetarët që përfaqësojnë, duke bërë çdo përpjekje që të ndryshojë sa më shumë jetën e qytetarëve shqiptarë.

Halil RAMA





Patozi: Opozita po dëshmon kapjen e saj nga informaliteti

Anëtarët e opozitës bojkotuan sërish mbledhjen e Komisionit të Medias, ku po diskutohej për transmetimet numerike


Anëtari i Komisionit parlamentar të Medias, Astrit Patozi, denoncoi dje vendimin e opozitës për bojkotimin e punimeve të këtij komisioni, në të cilin po diskutohej projektligji "për transmetimet dixhitale". Ai e cilësoi këtë qëndrim të përfaqësuesve të opozitës si një dëshmi e kapjes së tyre nga informaliteti në sektorin e transmetimeve dixhitale. Patozi kërkoi dorëheqjen e kryetares së Komisionit parlamentar të Medias, duke e akuzuar atë për mosrespektim të kalendarit të punimeve të Kuvendit. "Denoncoj mospraninë e kolegëve të opozitës në mbledhjen e sotme të këtij komisioni, të cilët normalisht duhet të ishin për të diskutuar bashkë me ne një projektligj të rëndësishëm. Në të njëjtën kohë, shpreh keqardhjen dhe e konsideroj këtë veprim si një shprehje të kapjes së tyre nga informaliteti që ekziston, dhe ai që mund të përftohet në rast se ne do të tolerojmë këtë vakuum ligjor që kemi", u shpreh Patozi në përfundim të seancës dëgjimore me anëtarët e KKRT-së, të cilët raportuan mbi situatën e transmetimeve numerike në vend. Duke u ndalur në deklaratat e disa deputetëve të opozitës, të cilët e konsideruan mbledhjen e djeshme të Komisionit të Medias si jo legjitime, Patozi i cilësoi këto qëndrime si qesharake dhe të palogjikshme. "E theksoj se i konsideroj qesharake deklaratat e disa drejtuesve të opozitës, të cilët kërkojnë delegjitimimin e kësaj mbledhjeje dhe të komisionit parlamentar në përgjithësi. Ky është një komision krejtësisht legjitim dhe që ka zbatuar me rigorozitet të gjitha procedurat e zakonshme parlamentare dhe rregulloren e Kuvendit", nënvizoi më tej anëtari i mazhorancës në Komisionin parlamentar të Medias, duke shprehur bindjen se opozita nuk mund të bllokojë as punimet e Kuvendit, as punimet e komisionit. "Ky është një komision krejtësisht legjitim dhe që ka zbatuar me rigorozitet të gjitha procedurat e zakonshme parlamentare dhe rregulloren e Kuvendit për këtë mbledhje, dhe ato që do të pasojnë. Sigurisht që ne kemi në parlament një mazhorancë që funksionon dhe do të kemi dhe një komision që funksionon. Opozita nuk mund të bllokojë punimet as të Kuvendit dhe as të këtij komisioni parlamentar", vlerësoi Patozi. Më tej, anëtari i Komisionit parlamentar të Medias denoncoi qëndrimet e kryetares së Komisionit të Medias, Valentina Leskaj, që, siç tha ai, ka shkelur jo vetëm kalendarin e punimeve, por edhe planin e veprimit të Shqipërisë me partnerët ndërkombëtarë dhe etikën e komunikimit parlamentar me kolegët. Duke hequr paralele mbi refuzimin e kryetares së Komisionit të Medias, Valentina Leskaj, për të thirrur mbledhjen e këtij komisioni, ai tha se është e njëjta situatë sikur kryetarja e Kuvendit të mos thërrasë Kuvendin në seancë plenare, në rast se do të diskutohej një projektligj i propozuar nga opozita. "Për analogji, mosthirrja e kësaj mbledhjeje dhe mosprania në këtë mbledhje e kryetares së këtij komisioni është njësoj sikur kryetarja e parlamentit të mos mblidhte parlamentin, në rast se do të diskutohej një projektligj i propozuar nga Partia Socialiste, i cili do të ishte absurd që nuk ka ndodhur dhe nuk do të ndodhë. Unë denoncoj të gjitha veprimet e kryetares së këtij komisioni në shkelje të plotë të kalendarit të miratuar të action planit të miratuar në bashkëpunim me partnerët tanë ndërkombëtarë, por edhe të etikës së komunikimit që ekziston mes kolegëve", tha Patozi, duke shtuar se Leskaj duhet të japë dorëheqjen, në rast se e ndjen se nuk mund ta kryejë më detyrën e kryetares së komisionit. "Unë gjykoj se zonja Leskaj i ka thyer të gjitha këto norma elementare për funksionimin e një institucioni, siç është komisioni parlamentar dhe unë i kërkoj asaj që të japë dorëheqjen, në rast se nuk e kryen dot punën që i është ngarkuar", theksoi Patozi, duke shprehur vendosmërinë e mazhorancës për t'i dhënë vendit një ligj të standardeve europiane, kundër informalitetit, me qëllim mbrojtjen e interesave të publikut dhe të frekuencave që janë pasuri kombëtare.






KKRT: "Digitalb" ka bllokuar 4 kanale të frekuencave numerike dhe 5 pika transmetimi"

Operatorët numerikë ekzistues operojnë në kundërshtim me planin e frekuencave ndërkombëtare


Këshilli Kombëtar i Radio-Televizionit ripërsëriti dje nevojën e domosdoshme për miratimin nga Kuvendi të një ligji për transmetimet numerike. Duke raportuar para Komisionit të Medias lidhur me situatën e transmetimeve numerike, anëtarët dhe specialistët e KKRT-së pohuan se operatorët numerikë ekzistues operojnë në kundërshtim me planin e frekuencave ndërkombëtare, të nënshkruar nga të gjitha vendet në Gjenevë, në vitin 2006. Sipas drejtorit të Drejtorisë Teknike të KKRT-së, Pirro Koçi, "Digitalb" ka bllokuar 4 kanale të frekuencave numerike dhe 5 pika transmetimi në të gjithë vendin, përkatësisht në Shkodër, Tiranë, Durrës, Ardenicë dhe Vlorë. "Kanalet e okupuara nuk janë në përputhje me planin e miratuar në Gjenevë, sepse ky plan u arrit pas negocimit, pasi kanalet e frekuencave duhej të kombinoheshin me gjithë vendet fqinje. Nëse ne do të na kërkohet të japim frekuenca për rrjete numerike, mund të them se kemi bërë një studim në të gjitha pikat e transmetimit të Shqipërisë dhe na rezulton se në Dajt kemi vetëm 3 frekuenca të lira, të planifikuara për transmetime numerike", u shpreh Koçi. Sipas tij, transmetimeet numerike aktuale janë jashtë frekuencave të parashikuara për Shqipërinë në Konferencën e Gjenevës dhe mund t'i shkaktojnë asaj probleme me vendet fqinje, tek të cilat mund të ketë interferenca. "Sot, transmetimet numerike janë në kanalin 62, 64 67 dhe 69, ndërkohë që frekuencat e miratuara në Konferencën e Gjenevës për Shqipërinë janë kanali 21, 34, 29, 41, 53, 57, 59 dhe 61. Edhe nëse këta operatorë do të legalizohen, do të kalojnë nga ato frekuenca që janë në frekuencat e parashikuara për Shqipërinë", sqaroi më tej drejtori i Drejtorisë Teknike pranë KKRT-së. "Ne nuk kemi një ligj "për transmetimet numerike" dhe kjo ka sjellë edhe situatën aktuale, ku kanalet e okupuara nuk koordinojnë me kanalet e përcaktuara për Shqipërinë", vijoi më tej ai. Ndërsa anëtarja e KKRT-së, Mesila Doda, theksoi se KKRT e ka të pamundur të veprojë ndaj transmetimeve numerike, pasi, siç tha ajo, mungesa e ligjit kufizon kompetencat e këtij institucioni. Megjithatë, ajo nënvizoi se KKRT është duke përgatitur kuadrin e saj nënligjor për disiplinimin e këtij sektori, pas miratimit të ligjit nga Kuvendi. Ajo theksoi se me miratimin e ligjit do të mundësohet që të gjitha transmetimet që janë aktualisht në transmetime analoge, të shkojnë drejt transmetimeve numerike. "Normalisht, frekuencat duhet të koordinohen me vendet fqinje, pasi mund të ndodhë që një frekuencë e okupuar në kundërshtim me përcaktimet në Konferencën e Gjenevës, të interferojë me një transmetim në një vend fqinj apo në një vend tjetër më të largët", u shpreh Doda. Sipas specialistëve të KKRT-së, ka kërkesa për transmetime dixhitale nga "Vizion Plus", "Koha", "A1", dhe nga disa operatorë që nuk kanë rrjete.


Ylber Drazhi





Opozita lëshon spekullime të pështira mbi përbërjen e komisioneve të përhershme parlamentare


Blushi të lexojë rregulloren


Të majtët bëjnë mirë të lexojnë rregulloren para se të artikulojnë spekullime të pështira në publik. Pretendimet e tyre për mosbalancim të komisioneve parlamentare dhe shkelje të rregullores së parlamentit janë të pavend dhe i nxjerrin ata zbuluar si mashtrues ordinerë. Përbërja e Komisionit të Medias si dhe e të gjitha komisioneve të përhershme parlamentare është ndërtuar në përputhje me rregulloren. Raportet mes mazhorancës dhe pakicës janë respektuar në mënyrë rigoroze dhe nuk ka asnjë devijim të vullnetit që qytetarët shqiptarë shprehën 3 korrikun e 2005 për të sjellë në qeverisje koalicionin e drejtuar nga Partia Demokratike. Përfaqësimi i deputetëve të djathtë në komisione, sikurse edhe i përfaqësuesve të majtë, është në proporcion me rezultatet e zgjedhjeve të fundit parlamentare.

Sikur deklarata e djeshme të ishtë pronë vetëm e të sapozgjedhurit kryetar të grupit të Partisë Socialiste, Ben Blushi, do të ishte e justifikueshme, pasi duket si ato shkrepjet nga frika që bëjnë "rrulat" në ushtri natën e parë të shërbimit, por kur krah tij qëndronin edhe përfaqësues të tjerë të së majtës, atëherë kemi të bëjmë me një qëndrim të radhës të opozitës, për të justifikuar publikisht politikën e bojkotit dhe të bllokimit, strategjia që kanë aplikuar që nga dita e parë në opozitë.

Referuar shifrave, koalicioni qeveritar kontrollon shumicën në katër prej tetë komisioneve parlamentare, përkatësisht në Komisionin e Ligjeve, Komisionin e Ekonomisë, Komisionin e Veprimtarive Prodhuese, Tregtisë dhe Mjedisit dhe Komisionin e Medias. Opozita kontrollon dy komisione po kaq të rëndësishme, si Komisionin e Integrimit dhe Komisionin e Jashtëm, ndërsa në dy komisione të tjera, të dy krahët politikë kanë numër të barabartë përfaqësuesish.


Tabela e përfaqësimit të deputetëve në komisionet parlamentare


Komisionet Parlamentare Numri i deputetëve Përfaqësues të djathtë Përfaqësues të majtë

Komisioni i Ligjeve 20 12 8

Komisioni i Integrimit 11 4 7

Komisioni i Jashtëm 13 6 7

Komisioni i Ekonomisë 18 10 8

Komisioni i Sigurisë 16 8 8

Komisioni i Punës 14 8 6

Komisioni i Vep. Pro. 16 8 8

Komisioni i Medias 17 10 7

[King_Arthur]

"Dixhitali", shkelet rregullorja

Komisioni i Medias "mbushet" me deputetë besnikë për të arritur shumicën


Funksionimi i komisioneve parlamentare është i përcaktuar në rregulloren e Kuvendit të Shqipërisë dhe nuk mund të ndryshohet apo të riformulohen sipas dëshirave të drejtuesve apo deputetëve të caktuar. Në nenin 21, të rregullores së Kuvendit, përcaktohet mjaft qartë përbërja e Komisioneve të Përhershme parlamentare. Në nenin 21, pika 1, thuhet se anëtarët e komisioneve të përhershme dhe të nënkomisioneve së bashku me kryesitë e tyre, zgjidhen me votim të hapur nga Kuvendi me propozim të konferencës së kryetarëve duke u mbështetur në listat e kandidatëve të hartuara në marrëveshjen e Kryetarit të Kuvendit me kryetarin e çdo grupi parlamentar. Dje, në sallën e Kuvendit është shkelur kjo pikë e nenit, pasi Topalli nuk ka mbledhur konferencën e kryetarëve, pasi asnjë nga përfaqësuesit e opozitës, kanë deklaruar se nuk kanë qenë prezent në asnjë mbledhje të konferencës së kryetarëve për të diskutuar rreth një çështje të tillë. Në pikën 2, po të nenit 21, thuhet se Kuvendi mund të ndryshojë përbërjen e Komisioneve të Përhershme duke ruajtur përpjesëtimin që zë në grupet parlamentare në Kuvend. Për ndryshimin e numrit dhe të përbërjes së komisioneve synohet arritja e mirëkuptimit mes grupeve parlamentare. Edhe kjo pikë e nenit është shkelur nga Kryetarja e Kuvendit, që, sipas opozitës nuk ka ruajtur përbërjen e komisioneve pas qarkullimeve të deputetëve që janë bërë kohët e fundit nëpër komisione. Sipas tyre, aktualisht nuk dihet se sa është numri i deputetëve në sallën e Kuvendit sepse, sipas përllogaritjeve të anëtarëve në komisione, del se Kuvendi është i përbërë nga 150 deputetë dhe jo 140 sa ka aktualisht. Po kështu Kryetarja e Kuvendit, ka shkelur dje edhe pikën 3, të nenit 21, të rregullores se Kuvendit. Në të cilën thuhet se Kuvendi në seancën plenare me votim të hapur me propozimin e Kryetarit të Kuvendit pas këshillimit me kryetarët e grupeve parlamentare cakton emrat e zëvendësuesve të anëtarëve të komisionit. Anëtari i një komisioni në rast mungese, ose pamundësi për të marrë pjesë në mbledhje, zëvendësohet nga një prej anëtarëve të caktuar në vendimin e Kuvendit. Zëvendësimi autorizohet me shkrim nga kryetari i çdo grupi parlamentar, duke përcaktuar edhe datën e zëvendësimit dhe i dorëzohet kryetarit të komisionit. Mazhoranca këtu ka shkelur të gjithë nenin, pasi zëvendësimi i anëtarëve të komisionit nuk është bërë pas këshillimit me kryetarët e grupeve parlamentare, pasi asnjë nga përfaqësuesit e opozitës nuk janë vënë në dijeni për këto lëvizje. Sipas deklaratave që ata kanë bërë, asnjërit nuk i është paraqitur për të firmosur ndonjë kërkesë me shkrim për qarkullimin e këtyre deputetëve. Gjithashtu Kryetarja e Kuvendit në bazë të rregullores mund të zëvendësojë një anëtar të komisionit, por jo të shtojë numrin përbërës të ndonjë komisioni, ashtu siç ka ndodhur me komisionin e medias, i cili nga 15 anëtarë është bërë me 17 anëtarë.


Opozita kundërshton ashpër: Po shkelet ligji vetëm për hakmarrje


Miratimi i projektligjit për platformën numerike, përveçse debate të shumta mes pozitës dhe opozitës për vërejtjet që kjo e fundit ka për mënyrën sesi është hartuar ky ligj, ka sjellë dhe surpriza të tjera. Dje, mazhoranca ka vendosur shtimin e numrit të anëtarëve të Komisionit të Medias edhe me një anëtar tjetër, pasi gjatë kësaj kohe e ka pasur të pamundur të arrijë kuorumin e duhur që të miratojë këtë projektligj në komision për ta kaluar më pas në Kuvend. Në fillim të seancës së djeshme parlamentare, kryeparlamentarja Jozefina Topalli ka lajmëruar se pika e pestë e rendit të ditës që ishte miratimi i projektligjit për transmetimet numerike do të shtyhej për në seancën e ardhshme, duke mos i informuar deputetët për surprizën që u kishte rezervuar në minutat e fundit të seancës. Kur të gjithë deputetët e Kuvendit ishin në këmbë dhe po bëheshin gati për të ikur, Topalli ka urdhëruar deputetët e opozitës se duhet të votojnë pro një kërkesë që i është paraqitur për shtimin e një anëtari në Komisionin e Medias. Deputeti i PD-së, me urdhër të partisë largohet nga Komisioni i Jashtëm për t‘iu bashkangjitur Komisionit të Medias. Ky kalim është miratuar mes zhurmës dhe protestës së deputetëve të opozitës, të cilët e kanë vlerësuar si një vendim të padrejtë, të qëllimshëm dhe hakmarrës. Por protesta e tyre nuk e ka shqetësuar aspak Kryetaren Topalli, e cila ka deklaruar me indiferentizëm se "mazhoranca ka gjithmonë shumicën në komisione". Ndryshimi është miratuar me 48 vota pro të mazhorancës, 34 deputetë kanë votuar kundër, 2 kanë abstenuar dhe 14 nuk kanë marrë pjesë në votim. Më pas, Topalli ka mbyllur seancën duke mos ua dhënë fjalën deputetëve të opozitës, gjithashtu, ajo ka paralajmëruar se projektligji për transmetimet dixhitale do të kalojë në seancën e së hënës. Pas seancës, kryetarja e Komisionit të Medias, deputetja e PS-së, Valentina Leskaj, është shprehur se shtimi i Komisionit të Medias me një anëtar më shumë është bërë në mënyrë të papritur. "Vetëm në 10 ditët e fundit janë shtuar tre anëtarë të rinj në Komisionin e Medias kur në fakt është larguar vetëm Ylli Pango, pasi është bërë ministër i Kulturës, i cili duhej të zëvendësohej vetëm me një anëtar tjetër të mazhorancës dhe jo me tre. Kjo duket dhe është fare e qartë, pasi bëhet për të ndërruar balancat në komision, meqenëse komisioni këto ditë po shqyrton disa projektligje të rëndësishme", është shprehur Leskaj. Sipas saj, kjo është një shkelje, pasi nuk mund të ndryshohet numri i komisionit. Nëse është larguar një anëtar zëvendësohet me një tjetër, por jo me tre. Kalimi i deputetëve nga Komisioni i Jashtëm si Astrit Patozi, Gilman Bakalli dhe tani Luan Skuqi, në Komisionin e Medias bëhet për të ndryshuar balancat dhe arsyeja është shqyrtimi i projektligjit për transmetimet numerike. Deputetja Leskaj ka kritikuar mënyrën se si mazhoranca do të kalojë në Kuvend një projektligj pa përmbyllur ciklin e tij për gati dy javë në Parlament që ia përcakton Kushtetuta. Projektligji i platformës dixhitale nuk ka bërë asnjë javë që është paraqitur në komision, ndërkohë që ky komision nuk ka dëgjuar ende grupet e interesit. Projektligji për platformën dixhitale ka shkaktuar mjafte debate mes pozitës dhe opozitës, pasi kjo e fundit e ka kundërshtuar këtë ligj të propozuar pikërisht tani kur qeveria ka hapur luftën me mediat. Deputetët e opozitës janë shprehur se ky ligj është paraqitur në Kuvend për hakmarrje nga qeveria, pasi vetë komisioni po punon për rregullimin e ligjit të medias, i cili do të jetë gati në dhjetor të këtij viti.

[TOKE GEGA]

"Dixhitali", shkelet rregullorja

Komisioni i Medias "mbushet" me deputetë besnikë për të arritur shumicën


Funksionimi i komisioneve parlamentare është i përcaktuar në rregulloren e Kuvendit të Shqipërisë dhe nuk mund të ndryshohet apo të riformulohen sipas dëshirave të drejtuesve apo deputetëve të caktuar. Në nenin 21, të rregullores së Kuvendit, përcaktohet mjaft qartë përbërja e Komisioneve të Përhershme parlamentare. Në nenin 21, pika 1, thuhet se anëtarët e komisioneve të përhershme dhe të nënkomisioneve së bashku me kryesitë e tyre, zgjidhen me votim të hapur nga Kuvendi me propozim të konferencës së kryetarëve duke u mbështetur në listat e kandidatëve të hartuara në marrëveshjen e Kryetarit të Kuvendit me kryetarin e çdo grupi parlamentar. Dje, në sallën e Kuvendit është shkelur kjo pikë e nenit, pasi Topalli nuk ka mbledhur konferencën e kryetarëve, pasi asnjë nga përfaqësuesit e opozitës, kanë deklaruar se nuk kanë qenë prezent në asnjë mbledhje të konferencës së kryetarëve për të diskutuar rreth një çështje të tillë. Në pikën 2, po të nenit 21, thuhet se Kuvendi mund të ndryshojë përbërjen e Komisioneve të Përhershme duke ruajtur përpjesëtimin që zë në grupet parlamentare në Kuvend. Për ndryshimin e numrit dhe të përbërjes së komisioneve synohet arritja e mirëkuptimit mes grupeve parlamentare. Edhe kjo pikë e nenit është shkelur nga Kryetarja e Kuvendit, që, sipas opozitës nuk ka ruajtur përbërjen e komisioneve pas qarkullimeve të deputetëve që janë bërë kohët e fundit nëpër komisione. Sipas tyre, aktualisht nuk dihet se sa është numri i deputetëve në sallën e Kuvendit sepse, sipas përllogaritjeve të anëtarëve në komisione, del se Kuvendi është i përbërë nga 150 deputetë dhe jo 140 sa ka aktualisht. Po kështu Kryetarja e Kuvendit, ka shkelur dje edhe pikën 3, të nenit 21, të rregullores se Kuvendit. Në të cilën thuhet se Kuvendi në seancën plenare me votim të hapur me propozimin e Kryetarit të Kuvendit pas këshillimit me kryetarët e grupeve parlamentare cakton emrat e zëvendësuesve të anëtarëve të komisionit. Anëtari i një komisioni në rast mungese, ose pamundësi për të marrë pjesë në mbledhje, zëvendësohet nga një prej anëtarëve të caktuar në vendimin e Kuvendit. Zëvendësimi autorizohet me shkrim nga kryetari i çdo grupi parlamentar, duke përcaktuar edhe datën e zëvendësimit dhe i dorëzohet kryetarit të komisionit. Mazhoranca këtu ka shkelur të gjithë nenin, pasi zëvendësimi i anëtarëve të komisionit nuk është bërë pas këshillimit me kryetarët e grupeve parlamentare, pasi asnjë nga përfaqësuesit e opozitës nuk janë vënë në dijeni për këto lëvizje. Sipas deklaratave që ata kanë bërë, asnjërit nuk i është paraqitur për të firmosur ndonjë kërkesë me shkrim për qarkullimin e këtyre deputetëve. Gjithashtu Kryetarja e Kuvendit në bazë të rregullores mund të zëvendësojë një anëtar të komisionit, por jo të shtojë numrin përbërës të ndonjë komisioni, ashtu siç ka ndodhur me komisionin e medias, i cili nga 15 anëtarë është bërë me 17 anëtarë.


Opozita kundërshton ashpër: Po shkelet ligji vetëm për hakmarrje


Miratimi i projektligjit për platformën numerike, përveçse debate të shumta mes pozitës dhe opozitës për vërejtjet që kjo e fundit ka për mënyrën sesi është hartuar ky ligj, ka sjellë dhe surpriza të tjera. Dje, mazhoranca ka vendosur shtimin e numrit të anëtarëve të Komisionit të Medias edhe me një anëtar tjetër, pasi gjatë kësaj kohe e ka pasur të pamundur të arrijë kuorumin e duhur që të miratojë këtë projektligj në komision për ta kaluar më pas në Kuvend. Në fillim të seancës së djeshme parlamentare, kryeparlamentarja Jozefina Topalli ka lajmëruar se pika e pestë e rendit të ditës që ishte miratimi i projektligjit për transmetimet numerike do të shtyhej për në seancën e ardhshme, duke mos i informuar deputetët për surprizën që u kishte rezervuar në minutat e fundit të seancës. Kur të gjithë deputetët e Kuvendit ishin në këmbë dhe po bëheshin gati për të ikur, Topalli ka urdhëruar deputetët e opozitës se duhet të votojnë pro një kërkesë që i është paraqitur për shtimin e një anëtari në Komisionin e Medias. Deputeti i PD-së, me urdhër të partisë largohet nga Komisioni i Jashtëm për t‘iu bashkangjitur Komisionit të Medias. Ky kalim është miratuar mes zhurmës dhe protestës së deputetëve të opozitës, të cilët e kanë vlerësuar si një vendim të padrejtë, të qëllimshëm dhe hakmarrës. Por protesta e tyre nuk e ka shqetësuar aspak Kryetaren Topalli, e cila ka deklaruar me indiferentizëm se "mazhoranca ka gjithmonë shumicën në komisione". Ndryshimi është miratuar me 48 vota pro të mazhorancës, 34 deputetë kanë votuar kundër, 2 kanë abstenuar dhe 14 nuk kanë marrë pjesë në votim. Më pas, Topalli ka mbyllur seancën duke mos ua dhënë fjalën deputetëve të opozitës, gjithashtu, ajo ka paralajmëruar se projektligji për transmetimet dixhitale do të kalojë në seancën e së hënës. Pas seancës, kryetarja e Komisionit të Medias, deputetja e PS-së, Valentina Leskaj, është shprehur se shtimi i Komisionit të Medias me një anëtar më shumë është bërë në mënyrë të papritur. "Vetëm në 10 ditët e fundit janë shtuar tre anëtarë të rinj në Komisionin e Medias kur në fakt është larguar vetëm Ylli Pango, pasi është bërë ministër i Kulturës, i cili duhej të zëvendësohej vetëm me një anëtar tjetër të mazhorancës dhe jo me tre. Kjo duket dhe është fare e qartë, pasi bëhet për të ndërruar balancat në komision, meqenëse komisioni këto ditë po shqyrton disa projektligje të rëndësishme", është shprehur Leskaj. Sipas saj, kjo është një shkelje, pasi nuk mund të ndryshohet numri i komisionit. Nëse është larguar një anëtar zëvendësohet me një tjetër, por jo me tre. Kalimi i deputetëve nga Komisioni i Jashtëm si Astrit Patozi, Gilman Bakalli dhe tani Luan Skuqi, në Komisionin e Medias bëhet për të ndryshuar balancat dhe arsyeja është shqyrtimi i projektligjit për transmetimet numerike. Deputetja Leskaj ka kritikuar mënyrën se si mazhoranca do të kalojë në Kuvend një projektligj pa përmbyllur ciklin e tij për gati dy javë në Parlament që ia përcakton Kushtetuta. Projektligji i platformës dixhitale nuk ka bërë asnjë javë që është paraqitur në komision, ndërkohë që ky komision nuk ka dëgjuar ende grupet e interesit. Projektligji për platformën dixhitale ka shkaktuar mjafte debate mes pozitës dhe opozitës, pasi kjo e fundit e ka kundërshtuar këtë ligj të propozuar pikërisht tani kur qeveria ka hapur luftën me mediat. Deputetët e opozitës janë shprehur se ky ligj është paraqitur në Kuvend për hakmarrje nga qeveria, pasi vetë komisioni po punon për rregullimin e ligjit të medias, i cili do të jetë gati në dhjetor të këtij viti.

Komisioni i Medias vijoi konsultimet me grupet e interesit për transmetimet numerike


Frangaj: Asnjë operator nuk mund të funksionojë pa bazë ligjore


Komisioni parlamentar i Medias vijoi dje konsultimet me grupet e interesit lidhur me projektligjin "për transmetimet numerike".Opozita bojkotoi sërish mbledhjen e këtij komisioni ku ishin thirrur për të dhënë mendimet e tyre për projektligjin drejtuesit e Shoqatës së Medias Elektronike, të përfaqësuar nga Aleksandër Frangaj dhe grupet e tjera të interesit. Ata evidentuan domosdoshmërinë e miratimit të një ligji për transmetimet dixhitale, duke e cilësuar atë si një garanci për operatorët ekzistues në treg dhe për operatorët e mundshëm që do të operojnë në këto transmetime. "Askush nuk duhet të jetë kundër miratimit të ligjit, sepse nuk mund të rrihet pafundësisht të funksionojë një media pa bazë ligjore. Ata që kanë lënë karriget bosh në këtë komision, janë pikërisht ata që nuk e miratuan ligjin "për transmetimet numerike" në legjislaturën e kaluar. Janë ata që e mbajtën peng "Digitalb"-in duke mos e licensuar, prandaj nëse ka njerëz këtu me amoralitet politik dhe juridik, janë ata që mungojnë. Vetëm ata nuk kanë të drejtë të protestojnë për "Digitalb"-in sot, pasi ata ishin që rrëzuan ligjin dhe nuk e licensuan këtë transmetim", u shpreh kreu i Shoqatës së Mediave Elektronike, duke iu referuar deputetëve të opozitës. Ai e cilësoi qesharake politizimin e këtij projektligji që, sipas tij, është në thelbin e tij teknik dhe synon të plotësojë vakuumin ligjor ekzistues. "Nuk është momenti për ta politizuar këtë projektligj. Unë jam këtu për të mbrojtur interesat e medias. Aktualisht, "Digitalb" ka bllokuar 4 frekuenca dhe nuk ka frekuenca të lira për të dhënë për operatorët e tjerë", u shpreh Frangaj, duke evidentuar domosdoshmërinë e përmirësimit të kësaj situate. "Interesi për miratimin e një ligji "për transmetimet numerike" është, në radhë të parë, i operatorëve. Vetë operatorët duhet të jenë të interesuar të legalizohen, pasi përfitojnë garancinë që u jep ligji në funksionimin e tyre. Aktualisht, nëse kryetari i KKRT-së vendos të zbatojë ligjin, ai ka të drejtën e plotë ligjore që të heqë nga antenat e "Digitalb" dhe ta gjobisë atë deri në 40 mijë euro për vendosje të paligjshme të këtyre antenave", sqaroi Frangaj, duke nënvizuar se transmetimet dixhitale nuk janë dëshirë, por detyrim që Shqipëria ka, që deri në vitin 2015, të gjitha transmetimet analoge të kalojnë në sistemin numerik. Duke sugjeruar disa ndryshime në projektligjin e paraqitur, Frangaj tha se afati i licencës për operatorët numerikë duhet të jetë i njëjtë me atë analogë, përkatësisht 8 vjet për operatorët kombëtarë dhe 5 vjet për operatorët rajonalë apo lokalë. Ai, gjithashtu, kërkoi ashpërsim të ndëshkimeve administrative për televizonet pirate, duke propozuar një gjobë 10 herë më të lartë se sa vlera e programit të vjedhur. Ai kërkoi që ligji të mos konsiderohet eksperimental, por me një afat kohor 8 vjet për rrjetet kombëtare dhe 5 vjet për rrjetet lokale. Sipas tij, në ligj, gjithashtu, duhet të përfshihet edhe mundësia e rinovimit të licencave në mënyrë automatike nga KKRT-ja për operatorët që kanë zbatuar në mënyrë rigoroze ligjin. "Në emër të Shoqatës së Medias Elektronike propozoj që licencat të jenë me një afat kohor 8-vjeçar për transmetimet kombëtare dhe 5-vjeçare për transmetimet rajonale apo lokale. Në rastet kur operatori ka respektuar kriteret e licencës, atij duhet t'i rinovohet automatikisht licenca për 8 vjet të tjera", propozoi Frangaj gjatë diskutimit të projektligjit "për transmetimet numerike".






Deputeti i PD shprehet se opozita është kundër ligjit për "Transmetimet numerike" pasi mbështet vazhdimin e informalitetit


Patozi: Do t'i jepet fund konkurrencës së pandershme


Anëtari i Komisionit parlamentar të Medias, Astrit Patozi, deklaroi dje se opozita është e interesuar në vazhdimin e informalitetit dhe nuk e mbështet vendosjen e ligjit. Ai e cilësoi largimin e përfaqësuesve të opozitës nga seanca dëgjimore me grupet e interesit si një dëshmi të kapjes së tyre nga informaliteti. "Opozita nuk e do ligjin, por mbështet vazhdimin e informalitetit. Të gjitha arsyet e tjera që mundohen të justifikojnë këtë bojkot të tyre, janë spekullime, pasi ne kemi treguar se jemi të hapur që të bëjmë një ligj të mirë, prandaj kemi nisur konsultimet me grupet e interesit", u shpreh Patozi gjatë mbledhjes së komisionit. Ai i cilësoi si justifikime absurde deklaratat e deputetëve të opozitës, të cilët pretenduan se po bojkotonin punimet e komisionit për shkak se, sipas tyre, kalendari dhe përbërja e komisionit nuk ishin votuar në seancë. "Dua të hedh poshtë si të pavërteta deklaratat e kryetares së këtij komisioni, të cilat kërkojnë ta cilësojnë këtë komision si ilegjitim. Të gjitha ato që pretendohen nga zonja Leskaj, janë të pavërteta. Kryetarja e komisionit konsideron legjitim gjysmën e axhendës së komisionit dhe ilegjitim gjysmën tjetër, që është një nonsens i paparë në historinë e këtij parlamenti. Të vish paradite e të marrësh pjesë në një seancë dëgjimore, me të njëjtën përbërje të komisionit, dhe të thuash se është legjitime, dhe të vish pas dy orësh dhe të thuash që nuk është legjitime, me të njëjtën përbërje të komisionit, këtë e bëni vetëm ju", iu drejtua Patozi anëtarëve të opozitës, të cilët thanë se ishin të pranishëm në komision vetëm për të bërë një deklaratë politike. Ai sqaroi se anëtarët e mazhorancës kanë respektuar të gjitha procedurat parlamentare, ndërkohë që theksoi se opozita duhet të jetë e bindur që nuk mund ta bllokojë punën e komisionit apo parlamentit. "Ne kemi respektuar të gjitha procedurat parlamentare dhe duhet ta dini që ju nuk mund ta bllokoni në mënyrë të njëanshme punën e këtij komisioni, ashtu sikurse nuk mund të bllokoni në mënyrë të njëanshme punën e Kuvendit. Në rast se minoranca vendos që, për arsye të qenësishme apo jo, të largohet nga seanca, atëherë mazhoranca ka për detyrë të bëjë 71 veta që seanca të vazhdojë rregullisht, në mënyrë që puna të mos ndërpritet. E njëjta skemë funksionon edhe për të gjitha komisionet parlamentare që janë pjesë përbërëse e Kuvendit të Shqipërisë, dhe po aq të rëndësishme. Ajo që ne kemi bërë, është një proces krejtësisht legjitim dhe në respekt të rregullores, në mënyrë që puna e këtij komisioni të mos ndërpritet nga mungesa e vullnetit politik të opozitës për ta bllokuar atë", theksoi anëtari i mazhorancës në Komisionin e Medias. Ai e ftoi opozitën që të distancohet nga spekullimet e paskrupullta dhe të thotë realitetin në deklaratat e saj publike. Sipas tij, është qesharake që opozita e konsideron legjitime seancën e komisionit ku anëtarët e saj marrin pjesë dhe ilegjitime kur anëtarët e saj bojkotojnë. "Ajo që bëni, nuk është në nderin tuaj dhe nuk është në nderin e opozitës në përgjithësi, e cila, unë insistoj, e shikoj si kapje nga informaliteti qëndrimin tuaj këtu në komision, i cili mund të jetë rrjedhojë e një qëndrimi politik që është marrë jashtë kësaj salle. Ne, këtu, thjesht duam të legalizojmë informalitetin dhe t'i japim fund konkurrencës së pandershme, dhe ta fusim tregun në rregulla të barabarta loje. Ne jemi shumë të vendosur për ta çuar deri në fund këtë", nënvizoi më tej Patozi.

Ai tha se komisioni është i hapur për përmirësimin e projektligjit "për transmetimet numerike", por theksoi se komisioni nuk mund të devijojë nga procedura parlamentare dhe kalendari i miratuar.

Grupet e interesit mbështesin miratimin e ligjit të ri


Pronari i paketës satelitore "Digitalb", Artan Hoxha, pohoi dje domosdoshmërinë e miratimit të ligjit "për transmetimet numerike", i cili po diskutohet në Komisionin parlamentar të Medias me grupet e interesit. Gjatë një seance dëgjimore, ai tha se ligji është miratuar nga ish-mazhoranca socialiste, por që, sipas tij, nuk dihet se për çfarë arsyesh u paraqit si i pamiratuar. Në të njëjtën linjë mendimi janë shprehur të gjithë përfaqësuesit e mediave elektronike që morën pjesë gjatë seancës dëgjimore të Komisionit të Medias. Ata propozuan disa ndryshime në projektligjin e paraqitur, duke sugjeruar heqjen e transmetimeve eksperimentale dhe vendosjen e afateve të njëjta me licencat që iu jepen operatorëve analogë. "Fakti që edhe "Digitalb" e shikon të domosdoshëm miratimin e këtij ligji, është pozitiv dhe dëshmon edhe njëherë ndërhyrjen e duhur të mazhorancës për rregullimin e situatës", u shpreh anëtari i Komisionit të Medias, Astrit Patozi. "Ne të gjithë së bashku ishim dakord që ligji të miratohet, por duke ndryshuar disa nene, veçanërisht atë për transmetimet eksperimentale. Numri i frekuencave për një kanal duhet të analizohet sipas gjendjes aktuale në treg, për t'u dhënë mundësi operatorëve të rinj për hapjen në këtë fushë", u shpreh kreu i Shoqatës së Mediave Elektronike, Aleksandër Frangaj. Ndërsa përfaqësuesi i "Vizion +", Erton Sinani, tha se ligji është i vonuar, pasi, aktualisht, operatorë të rinj e kanë të pamundur të hyjnë në tregun e transmetimeve numerike, pasi KKRT refuzon aplikimet për shkak të mungesës së ligjit. "KKRT pengon hapjen e platformave të tjera në transmetimet numerike, pasi mungon një ligj për rregullimin e këtij sektori. Ka patur kërkesa për operatorë të rinj, por që nuk janë marrë parasysh", u shpreh Sinani.


Ylber Drazhi

[Zemrushja]

Presidenti i Top Medias në Komision: Drafti është politik

Presidenti i Top Medias, Dritan Hoxha, ka deklaruar dje para Komisionit parlamentar të Medias, se projektligji i hartuar prej mazhorancës ka mangësi konceptuale në hartimin e tij. Në këtë projektligj, ku duhej të shikoheshin më shumë anët dhe problemet teknike, sepse aktualisht është krijuar një konfuzion i madh në konceptin e frekuencave, duke mos bërë dallimin e madh mes të një Networku, pra rrjeti televiziv dhe të një content-provideri, i cili është furnizuesi i programeve televizive për shikuesin. Që në Shqipëri, si i vetmi vend në Ballkan, është jetësuar me "DigitAlb"-in, i cili është kthyer tashmë në një realitet të pandashëm për jetën e miliona shqiptarëve, brenda dhe jashtë kufijve të Republikës. Sipas informacioneve të sigurta të marra nga teknikët e Top-Medias, Digitalb ka vetëm 4 frekuneca nga 122 që ka gjithsej Shqipëria.

Presidenti i Top Medias, Dritan Hoxha, ka sqaruar në mënyrë të hollësishme para anëtarëve të Komisionit parlamentar të Medias, të cilët ishin vetëm përfaqësuesit e mazhorancës, se Shqipëria ka nevojë për një ligj për transmetimet dixhitale, por ai duhet t‘i përgjigjet realitetit, në mënyrë që askush nga qytetarët, që janë përfitues të këtyre programeve, mos të penalizohen. Sistemi dixhital në vend, i jetësuar nëpërmjet paketës "DigitAlb", është një nga më të përparuarit në Evropë, duke përdorur teknologjinë më të fundit që njeh bota. Kjo paketë ka avantazh transmetimet e programeve në gjuhën shqip jo vetëm nëpërmjet paketës tokësore në të gjithë Shqipërinë, por nëpërmjet edhe asaj satelitore në të gjithë Evropën, madje edhe në Shtetet e Bashkuara të Amerikës. Prej tre vjetësh ka lindur dhe është vënë në jetë me sukses në Shqipëri një operator si "DigitAlb". Vendi ynë është i vetmi në gjithë Ballkanin që transmeton në sistemin dixhital dhe tashmë e ka kaluar fazën e eksperimentimit. Ndaj, edhe kjo pikë, që është një ndër nenet e këtij projektligji, është cilësuar si e kaluar, nga përfaqësuesit e medias. Presidenti i Top Medias, Dritan Hoxha, duke komentuar në seancën dëgjimore në Komisionin e Medias ka treguar se ky ligj ka shumë mangësi teknike. "Ky ligj është më tepër politik, sesa teknik", tha ai. Dritan Hoxha deklaroi se ky ligj nuk përcakton se sa është koha e bashkëjetesës, ndaj ai u është drejtuar anëtarëve dhe nënkryetarit të Komisionit të Medias, me pyetjen se pse është caktuar viti 2015 dhe jo 2010 për transmetimet numerike, ndërkohë që Shqipëria ka kushte më të mira në krahasim me vendet e tjera në lidhje me këtë teknologji të fundit, ku madje edhe nëpërmjet celularit arrijnë të shikohen edhe programet në transmetimet numerike. Pjesa më e madhe e seancës, u fokusua në debatet dhe diskutimet mbi frekuencën, e cila nuk është gjë tjetër veçse rruga në të cilën kalon sinjali. Përfaqësuesit e Top Medias deklaruan se "në tregun analog, përveç televizioneve të mëdha, ka televizione që vegjetojnë, d.m.th., nuk bëjnë asgjë, kanë vënë një frekuencë dhe aty transmetojnë një program mediokër dhe kështu ka shumë të tillë". Sipas presidentit të Top Medias, kjo do të thotë që kjo frekuencë, nëse do ta përdorë një operator një rrjet, kjo konvertohet në 10 kanale të reja. Pra, nuk është problem kanalesh. Presidenti i Top Medias, deklaroi se ky ligj duhet të ishte miratuar më përpara, megjithatë ai aktualisht duhet, që ligji të reflektojë kushtet që jemi sot dhe në të ardhmen. Duke i bërë një analizë të plotë nga ana teknike, presidenti i Top Medias, Dritan Hoxha, ka kërkuar nga anëtarët e Komisionit parlamentar të Medias të bëhet dallimi midis content provider-it dhe networkut. "Dekoderi satelitor dhe ai tokësor janë raste të ndryshme. Mënyra se si shkon programi te familja është problem tjetër, për të cilin ne i nënshtrohemi ligjit të KKRT-së. "Janë katër frekuenca të zëna nga dixhitalb dhe ju si deputetë kur ta shikoni reagimin e familjeve që kanë marrë dixhitalb nëse ju tentoni ta mbyllni atë", tha presidenti i Top Medias. Ai deklaroi se vitin e kaluar "DigitAlb", siguroi 15 milionë lekë xhiro, nga të cilët 3 milionë euro i shkuan shtetit, ku për këtë arsye shteti edhe vlerësohet si një ortak". Sipas Hoxhës, ka mbi 100 mijë familje shqiptare të cilat kanë dekoder tokësor në Shqipëri. Presidenti i Top Medias, deklaroi se ajo çka u intereson është që sinjali të shkoj te familjet që shohin Top Channel në mënyrë të pastër.

© Gazeta Shqip - 2006-2007