Hiret e Dash Pezës prishin marrëdhëniet me Rudinën
Historia se si Edi Rama u shkëput nga shtëpia e prindërve, duke shpikur një atentat ku theu xhamat, vetëm për të rigjallëruar lidhjen me Rudinën, e cila po karakterizohej nga dhuna e nuk po konsumohej si një lidhje e mirëfilltë burrë-grua.
Lindja e miqësisë së re me Dashamir Pezën dhe ndjesitë që e shtynë Ramën të ndërronte sërish shtëpi, për t’u zhvendosur në Pezë, sipas parimit “çdo lidhje e re, kërkon një shtëpi të re”
Veçanërisht, Rudina u hutua kur Rama u largua me një skenar nga shtëpia e prindërve, për të dalë e bashkëjetuar në një shtëpi, diku nga Rruga e Elbasanit. Pra, Rama po jepte kështu një provë të lartë dashurie, aq më shumë që largimin nga shtëpia e prindërve e bëri me një gënjeshtër që mashtronte nënën e vet, qytetarët e Tiranës dhe shtetin.
Befasisht, një ditë, Rama çon alarmin nëpër policira e kancelarira se e kanë gjuajtur me plumb e kanë tentuar ta vrasin. Një ngashërim i madh e përfshiu gjithë gjindjen e majtë, që po rrezikohej ky kuadër i vyer, i paparë për aftësi menaxhuese pas vjedhjes. U shkulën liderët e majtë dhe gazetarët e përdëllyer që qanin me “oi-oi”, se mos ishte djegur sadopak mjekra e Ramës nga shkrumbi i plumbit... Madje, kur panë se ai biçim plumbi nuk shqetësonte as një kumri dhe po kuptohej se ky ishte një skenar, mes të tjerash, për të marrë bodyguard një ish-oficer ironik të shërbimit sekret shqiptar, të vjetër e të ri, të majtë gjer në palcë, i tha dikujt se, edhe nëse nuk gjindej personi që kishte qëlluar në xhamin e kryebashkiakut, ai do të shpikej. Pra, po kërkohej edhe për çështjen “Rama” një Van der Lyme. Ndërkaq, ai i shtyu disa ditë si i stresuar, për të mos treguar “gjendjen financiare” të burrërisë. Por ndërkaq, gjithsesi, dalja me shtëpi më vete ishte një shenjë se mund ta ngrohte marrëdhënien e ta çonte në normalitet, pasi, për hir të së vërtetës, që nga koha e lidhjes me Delinën (një tjetër telenovelë e Edit), Rama ishte pajisur shumë me kulturë seksologjike, pasi Delina kishte një trashëgimi intelektuale nga gjinekologjia. Në këto kushte, ditëziu burrë jepte shpresë për ringjallje!
Ai kishte shumë problem vetëm këtë moment të 24-orëshit se, gjatë gjithë ditës dhe në sy të publikut, rëndë-rëndë, ecte i ngopur nga paraja, nga aferat dhe nga çmenduritë që i pranoheshin prej Zululandit e zuluve të tjerë, si gjetje të veçanta.
Mirëpo, Zoti, kur ta jep taksiratin, nuk ta jep për ta anashkaluar e për ta mposhtur, ta jep për ta vuajtur! Kështu që, ajo lloj vojtjeje, befasisht u shndërrua në dhunë ndaj njeriut me të cilin bashkëjetonte. Këtë fakt, pra atë të dhunës, ka pasur rast ta shohë edhe një lider kosovar, diku tek “Piazza” dhe nuk besoj se ka njeri të piacës së Tiranës, që nuk e di këtë!
Përse heshtin dhe i mbyllin sytë njerëzit e përse “Mjaft!”-i nuk bëri një protestë të thoshte “Mjaft e rrahe!”. E shkreta e dashur, s’mund të bënte asnjë denoncim! Në një rast të tillë, në SHBA, për të bërë denoncimin ndaj një personi publik, fiks për dhunë në familje, është mobilizuar i gjithë shteti. Dhe deputetet e majta analfabeto-letrare, kanë rastin të ngrihen në mbrojtje të të drejtave të grave. Mirëpo, edhe këto, ashtu si “Mjaft!”-i, nuk tregohen të drejta e njësoj përballë të njëjtit fenomen, kudo që ai ndodh.
Ndërkaq, Rudina kishte rast të shihte se ato pasoja, ato ndjesi, ajo gjendje normaliteti që duhet të shkaktonte dashuria e saj tek Rama, shkaktoheshin nga një rrugë tjetër. Dhe, në përgjithësi, shkaktoheshin nga shoqëria e miqësia e Ramës me Gonxhen dhe Pezën. Po kulmi ishte kur “foleza e dashurisë” së tyre, që u sigurua me aq mashtrime, vajtime e skenarë depresivë, u mbyll dhe u çel një folezë tjetër, ajo e shtëpisë në Pezë. Rama, për çdo lëvizje dhe veprim të tij, ka një skenar që bën fjalë për gjithçka, me përjashtim të së vërtetës. Ndër politikanët, Rama është njeriu që prodhon vetëm gënjeshtra e nuk ka asnjë sekondë apo fjali të tij, që të jetë e lidhur me të vërtetën. Ai është i tëri iluziv dhe virtual. Kështu shtroi tezën se, si njeri me psikikë të sulmuar nga punët, mediokriteti e banaliteti, i duhej të jetonte në periferi. E veshi me motive poetiko-romantike, e lidhi me forcimin politik të figurës së tij, duke banuar në Pezë, që veteranët të harronin oturakun dhe sharjet e tij fashistoide, por të gjitha këto, s’kishin lidhje fare me të vërtetën. Këtu çështja ishte se në këtë shtëpi, ku u damllos miqësia e Myslimit me Enverin, duhej përsëritur për vazhdimësi, ajo e Dashit me Ramën.
Dhe, sa më shumë ditë kalonin, kjo shtëpi që ra në sy të gjithë medias e shtypit, i ngriti të gjitha dyshimet, me përjashtim të njërit, atij që, për çdo lidhje të re, duhet një shtëpi e re...
(shkrimi do të vijojë, nëse lexuesit do të kërkojnë sqarime të mëtejshme)
Fahri Balliu
ja kush eshte EDVIN RAMA
Përgjigju Duke Cituar
Sulmi ndaj TOP MEDIA GROUP
Krijoni Kontakt