Berisha: Disa prej mediave, hanxharë të mafies

[Zemrushja]

• Keshtu eshte hequr nga emërtesa i këtij projektligji, termi “eksperimenal”, ndersa kohëzgjatja e licensave të transmetuesve dixhitale u jep licenca 8-vjecare operatorëve kombëtarë

Komisioni i medias, ka miratuar me 9 vota pro ligjin për transmetimet dixhitale, pa votat e opozites dhe deputetit te PDK-se, Nikoll Lesi. Komisioni, pas një mbledhjeje që ka zgjatur rreth 4 orë, miratoi këtë ligj me 15 nene, duke pretenduar se jane ndërmarrë edhe një sërë ndryshimesh në bazë të vrejtjeve të bëra nga grupet e interesit. Keshtu eshte hequr nga emërtesa i këtij projektligji, termi “eksperimenal”, ndersa kohëzgjatja e licensave të transmetuesve dixhitale u jep licenca 8-vjecare operatorëve kombëtarë, 6 vjecare atyre rajonalë dhe 5 vjecare atyre lokalë. News24

Ballkanweb

[Zemrushja]

Komisioni i Medias miraton me votat e vetëm 9 deputetëve të PD-së projektin për transmetimet numerike. Mungon Nikoll Lesi

Komisioni i Medias ka miratuar nen për nen dhe në tërësi projektligjin për platformën numerike të propozuar nga disa deputetë të PD-së. Projektligji është miratuar vetëm me votat e mazhorancës, pasi opozita dhe deputeti i PDK-së, Nikoll Lesi, nuk kanë marrë pjesë në mbledhje. Me gjithë diskutimet nen për nen nga anëtarët e mazhorancës në komision, të cilët shpeshherë kanë bërë edhe rolin e opozitës, duke kundërshtuar për nene të caktuara, por më pas kanë miratuar me ca ndryshime të vogla, projektligjin e paraqitura nga qeveria. Deputetët e mazhorancës anëtarë të Komisionit të Medias kanë vendosur të heqin fjalën "eksperimentale", që është e vendosur në titullin e projektligjit, me argumentin e bërë nga deputeti Patozi që Kuvendi po përpiqet të bëjë një ligj që mundësisht t‘i rezistojë kohës sa më gjatë. Në nenin tre të projektligjit, pika 4 (a), ku thuhet se licencat për rrjetet numerike janë kombëtare kur mbulohet me sinjal mbi 70% e territorit të vendit. Me propozim të deputetit Patozi, kjo pikë u ndryshua dhe, sipas tij, një operator nuk mund të detyrohet të mbulojë mbi 70% të territorit të vendit, kur dihet se në zona të thella nuk ka banorë. Ai propozoi që operatori të mbulojë 80% të zonave të banuara dhe kjo duke iu bazuar statistikave që ka KKRT-ja, për zonat e banuara, e cila më pas do të bëjë edhe verifikimin e shtrirjes së rrjetit. Në nenin 4, pika 2, u bë një tjetër ndryshim, RTSH, e cila kishte të drejtë të ndërtonte vetëm një rrjet numerik tokësor, anëtarët e komisionit vendosën që ky operator të ketë të drejtën e ndërtimit të 2 rrjeteve numerike tokësore. Në nenin, 6 pika 1, u vendos që mbajtësit e licencave të rrjeteve dhe të licencuarit për platforma, janë të detyruar të sigurojnë të paktën 50% të shërbimeve të tyre transmetuese numerike do t‘ua ofrojnë përdoruesve pa pagesë. Për nenin 10, ku flitet për kohëzgjatjen e licencës, komisioni vendosi që licencat për transmetimet numerike do të kenë një kohëzgjatje, 8 vjet për licencat kombëtare, 6 vjet për licencat rajonale dhe 5 vjet për licencat lokale. Në nenin 11 u vendos që programet pa pagesë të licencuara për të transmetuar në territorin e Shqipërisë, duhet të transmetojnë të paktën 50% të të gjitha programeve audiovizuale evropiane, nga të cilat të paktën 20% të programit të jetë prodhuar në Shqipëri, ose me bashkëprodhim shqiptar. Të gjitha transmetimet duhet të jenë të dubluara ose të subtitruara në shqip. Nga ky nen përjashtohen ritransmetimet e programeve të huaja, nga të cilat jepet leja nga KKRT-ja. Neni 13, i cili flet për pluralizmin në median audiovizuale, u vendos që një person juridik nuk mund të ketë më shumë se një licencë për një rrjet numerik tokësor. Një person fizik që ka interesa ekonomike, ose është në pozitë vendimmarrëse në një person juridik që ka licencë për transmetim numerik tokësor, nuk mund të ketë interesa ekonomike ose të jetë në pozitë vendimmarrëse në një person tjetër juridik, që ka një licencë tjetër numerike tokësore. Nga ky rregull bën përjashtim vetëm TVSH, e cila gëzon me ligj shfrytëzimin e dy rrjeteve numerike kombëtare. Në pikën dy të këtij neni, thuhet se një operator ka të drejtën e pajisjes më licencë për transmetimin e një prodhimi radioteleviziv dhe anasjelltas. Po në pikën 4 të këtij neni thuhet se asnjë operator i licencuar në bazë të ligjit 8410 për Radio Televizionin Publik dhe privat, ose në bazë të këtij ligji nuk mund të zotërojë më shumë se 30% të tregut të reklamave në tregun audiovizual. Në nenin 14, iu la e drejta KKRT-së që të përdorë sanksionet që i lejon ligji për të gjithë ata operatorë të cilët nuk respektojnë këtë ligj. Si shtesë për këtë nen, deputetët e mazhorancës anëtarë të Komisionit të Medias propozuan një amendament, ku ngarkojnë që KKRT-ja që në akordimin e licencave për transmetimet numerike të vendosë rregulla për të respektuar interesat e abonentëve të transmetuesit ekzistues numerik për një periudhë tranzitore deri në 12 muaj. Në nenin 2 theksohet se KKRT-ja përcakton frekuencat, fuqinë, vendodhjen dhe zonën për të cilat jepen licencat për ndërtimin e rrjeteve numerike, në përputhje me Planin e Frekuencave të adoptuar nga Konferenca Rajonale e Radiokomunikacioneve.

Opozita dhe Lesi nuk marrin pjesë: Mbledhja është lënë për të hënën

Ashtu siç ishte paralajmëruar, opozita nuk ka marrë pjesë as në mbledhjen e djeshme të Komisionit të Medias, ku u miratua projektligji për transmetimet numerike. Deputetëve të opozitës i është bashkuar edhe kryetari Grupit parlamentar të PDK-së, Nikoll Lesi, anëtar i këtij komisioni. Sipas deputetëve të opozitës, mbledhja ishte lënë për ditën e hënë dhe jo për të shtunën, siç e bëri mazhoranca, qëndrim i cili është mbështetur edhe nga deputeti Lesi, i cili, i pyetur nga gazeta "Shqip" përse nuk ishte prezent në mbledhjen e Komisionit të Medias, është shprehur se në planin e miratuar nga komisioni, mbledhja e tij është lënë për ditën e hënë, paradite. Ndërsa vetë deputetët e mazhorancës nuk kanë pranuar këtë variant, duke u shprehur se parlamenti po punon intensivisht, pasi aktualisht për diskutime dhe miratime në komisione janë një sërë projektligjesh të rëndësishme, të cilat duhet të diskutohen, pasi axhenda e Kuvendit është e ngjeshur dhe shumë prej tyre mund të mbeten edhe pa diskutuar, për shkak të debatit për zgjedhjen e Presidentit që do të fillojë së shpejti.

Mbledhja e Komisionit të Medias ishte lënë për paraditen e djeshme, por, me gjithë pritjen e gjatë prej gati katër orësh, deputetët e mazhorancës nuk mundën të bënin kuorumin e duhur për të nisur punën. Pas pritjes së gjatë për deputetin Bylykbashi, i cili është detyruar që i sëmurë të marrë pjesë në mbledhjen e komisionit, është zhvilluar pasdite, ku kanë qenë vetëm 9 deputetët e mazhorancës. Tashmë ky projektligj i miratuar nga Komisioni i medias do të kalojë për miratim në sallën e parlamentit në seancës e së hënë ku plotësohen dhe 48 orët e miratimit të tij, ashtu siç e parashikon rregullorja. Duke shpjeguar kështu fare qartë edhe ngutjen e deputetëve të djathtë për ta miratuar sa më shpjet në komisionin këtë projektligj.

Prapaskenat

Telefonatat misterioze që ndërprenë mbledhjen

Në mbledhjen e djeshme të Komisionit të Medias, e cila ka zgjatur për gati tre orë, përveç ndërprerjeve të shpeshta për pushime të herëpashershme nuk kanë munguar as telefonatat misterioze, të cilat kanë vënë në lëvizje deputetët e komisionit. Të shumta kanë qenë telefonatat dje tek anëtari i komisionit, Astrit Patozi, Gjok Vuksani dhe te nënkryetari i këtij komisioni, Gëzim Karapici. Telefonatat kanë qenë pikërisht në momentin kur po diskutohej neni 13 për dhënin e licencave. Pas këtyre telefonatave, sytë e anëtarëve të tjerë të Komisionit të Medias ishin të drejtuara nga personi, i cili sapo kishte mbaruar telefonatat, duke miratuar me shumicë votash qëndrimin që ai kishte për nenin në fjalë, i cili u la me një licencë për një rrjet numerik. Gjithashtu, mbledhja është ndërprerë sërish në fund të projektligjit, ku më pas anëtarët e komisionit erdhën me një amendament shtesë për nenin 14, ku vendosnin që operatori ekzistues numerik duhet të respektonte interesat e abonentëve për një periudhë deri në 12 muaj. Propozim i cili ashtu si edhe të gjitha propozimet e bëra deri në ato momente u miratuan me shumicë votash, duke e shtuar në fund të nenit 14 të projektligjit të paraqitur nga qeveria por të modifikuar deri- diku edhe nga ekspertët e KKRT-së.

© Gazeta Shqip - 2006-2007

[Zemrushja]

Komisioni i Medias, marredheniet mes shumices dhe pakices u renduan serish mbreme pas mosmarreveshjeve te thella te deputeteve te tyre. Shtimi i numrit te komisionererve mediale nga PD-ja dhe perfshirja ne nje mbledhje te befte pasdite te diskutimit te projektligjit per transmetimet numerike eksperimentale, perkatesisht dixhital, deshmuan thellimin e krizes te shumices dhe kalimin e saj nga brenda partive te koalicionit dhe ne Kuvend. Debati nisi qe ne mesdite ne seancen plenare, kur per te zevendesuar nje komisioner, nenkryetarin Ylli Pango, qe mori detyren e ministrit, shumica shtoi 3 anetare. Shtimi i tyre dhe shqyrtimi pa pranine e opozites te projektligjin per transmetimet dixhitale rriten tensionet, per me teper kur deputeti Astrit Patozi (PD) kerkoi doreheqjen e kryekomisioneres Valentina Leskaj (PS). Me pare ne seancen plenare, komisionit me vote iu shtua deputeti i PD-se, Luan Skuqi, ndersa me vone demokrati Ilir Bano dhe Astrit Patozi. Me keta dy deputete, te djathtet munden te nisin pa problem pasdite shqyrtimin e projektligjit, pavaresisht se opozita e bojkotoi mbledhjen se bashku me deputetin demokristian, Nikolle Lesi. “Ne e shqyrtuam, sepse ishte ne axhende. Pas degjimit te Keshillit Kombetar te Radiotelevizioneve, do te degjojme edhe grupet e interesit, para se te kaloje per votim ne seance plenare”, tha Astrit Patozi. “Kryetarja nuk mund te mungoje ne mbledhje te tilla. Te jape doreheqjen!”, - tha Patozi. Opozita ne bllok se bashku me deputetin Nikolle Lesi bojkotoi mbledhjen. Me ane te nje deklarate te perbashket mbreme, deputetet Skender Gjinushi, Ben Blushi, Ndre Legisi dhe Alfred Dalipi, ne emer te opozites e kane cilesuar shtimin e ketij anetari “grusht shteti” ne Komisionin e Medias dhe kane denoncuar se shtimi i tij eshte bere me force nga ana e PD-se. Kreu i grupit parlamentar socialist, Ben Blushi, tha se mbledhja ishte jashte kalendarit te punimeve te Kuvendit. Ajo bie ndesh me planin e veprimit te miratuar nga Bashkimi Evropian, si dhe ajo u mblodh ne menyre te dhunshme. Sipas Blushit, kriza e mazhorances po transferohet edhe ne komisionet parlamentare. Ai kerkoi qe te zbatohet ligji per numrin e anetareve. Sipas tij, me vendim te Parlamentit, te firmosur nga kryetarja e tij, Jozefina Topalli, ky komision duhet te kete vetem 14 anetare, ndersa sot ai ka 17 te tille. Sipas opozites, shtimi i ketyre behet per te kaluar ligjin per transmetimet numerike dhe per te krijuar mazhorancen ne komision. Komisioni i Medias ka disa dite qe nuk po mbledh kuorumin e nevojshem per te nisur mbledhjen dhe per te kaluar ligjin e transmetimeve dixhitale. Ndersa ligji sipas Kushtetutes nuk mund te miratohet ne Parlament pa te pakten dy jave shqyrtim. Nderkohe mazhoranca ka bere te ditur, qe ligji do votohet diten e hene ne Parlament. Gjate dhjete diteve te fundit, Komisioni i Medias eshte shtuar me tre anetare, pas largimit te deputetit Ylli Pango, me detyren e ministrit te Kultures. Natyrisht, kjo behet per te nderruar balancat ne komision, meqe keto dite po shqyrtohen disa ligje ne proces. Gjate mbledhjes se pasdites, ky komision kishte te ftuar kreu i KKRT-se, Ledio Biankun, per te diskutuar per transmetimet dixhitale. E.GJ/E.P

Korrieri

[TOKE GEGA]

Komisioni i Medias përfshin ndryshimet e propozuara nga grupet e interesit dhe KKRT


Miratohet projektligji për transmetimet numerike


Komisioni parlamentar i Medias miratoi dje projektligjin "për transmetimet numerike" së bashku me ndryshimet e propozuara nga grupet e interesit dhe Këshilli Kombëtar i Radio-Televizionit. Pas konsultimeve me Shoqatën e Mediave Elektronike, operatorët televizivë dhe KKRT-në, komisioni vendosi të heqë nocionin eksperimental dhe atë të licencave të përkohshme, duke sanksionuar një afat prej 8 vjetësh për licencat kombëtare, 6 vjet për licencat rajonale dhe 5 vjet për licencat lokale. Gjithashtu, komisioni, me qëllim mbrojtjen e abonentëve që tashmë kanë parapaguar shërbimin e operatorit aktual në transmetimet numerike, ka përcaktuar një afat tranzitor prej 12 muajsh për kalimin e këtij shërbimi në frekuencat e parashikuara në Konferencën e Gjenevës për Shqipërinë. Projektligji sanksionon masa të rrepta ndëshkimore për operatorët analogë që shkelin zonën e transmetimit të parashikuar në licencë, duke u mohuar atyre të drejtën e pjesëmarrjes në konkurrim për transmetimet numerike. Për operatorin publik RTSH, projektligji parashikon akordimin e dy frekuencave në transmetimin numerik, duke i dhënë të njëjtën hapësirë që ka në ligjin ekzistues për transmetimet analoge. Gjithashtu, projekti parashikon që RTSH të transmetojë 50% pa pagesë për publikun programet e saj. Drafti sanksionon që të gjithë operatorët të transmetojnë 50% të programeve të tyre të dubluara apo të titruara në shqip, 20% të tyre prodhim shqiptar ose bashkëpunim dhe 10% ritransmetim. Përfaqësuesit e opozitës bojkotuan sërish mbledhjen e komisionit, duke mos dhënë asnjë argument për këtë qëndrim. Përfaqësuesit e shumicës e cilësuan miratimin e këtij projekti si një ndërhyrje të domosdoshme për t'i dhënë fund informalitetit në këtë sektor. Drafti synon plotësimin e vakuumit ligjor që ekziston në fushën e transmetimeve numerike, projekt të cilin Shqipëria ka qenë e detyruar ta miratonte 3 vjet më parë, si një detyrim që rrjedh nga angazhimet që vendi ka marrë në kuadër të procesit të integrimit të vendit në BE. Sipas anëtarëve të shumicës në Komisionin parlamnetar të Medias, projektligji synon vendosjen e konkurrencës së lirë dhe rregullave të mirëpërcaktuara në garantimin e lirisë në tregun e rrjeteve të komunikimit. Drafti ka për qëllim hartimin e një kuadri rregullator për operimin e transmetimeve numerike. Hartimi i këtij projektligji është mbështetur në praktikat dhe standardet më të mira të vendeve anëtare të BE-së dhe më gjerë, me fokus të veçantë në direktivat e Bashkimit Europian dhe rekomandimet e Këshillit të Europës dhe të OSBE-së, në lidhje me transmetimet numerike. Deputetët e shumicës parlamentare e konsiderojnë projektin në fjalë si përgjigje dhe reagim të parlamentit ndaj kërkesave të vazhdueshme të BE-së për ndalimin e transmetimeve pirate. Projektligji parashikon procedura të qarta dhe transparente në dhënien e licencave të transmetimit, duke evituar në këtë mënyrë klientelizmin apo korrupsionin e trashëguar. Në bazë të dispozitave të këtij projektligji ngarkohet KKRT-ja të licencojë dhe të mbikëqyrë respektimin e kushteve të licencës, nëpërmjet nxjerrjes së akteve të nevojshme nënligjore, për të disiplinuar dhe normuar kriteret që duhet të plotësohen për marrjen e një licence në fushën e transmetimeve numerike. Këto nene ofrojnë më në fund një bazë ligjore për marrjen e një licence për transmetime numerike, duke iu dhënë fund pushtimeve të paligjshme të frekuencave. Tarifat për licencën e ndërtimit dhe operimit të rrjetit numerik tokësor apo satelitor do të përcaktohen nga KKRT-ja, bazuar në kriteret e transparencës, trajtimit të barabartë dhe mosdiskriminimitt të subjekteve.





Projekti i paraqitur në Kuvend


Vendosi:

Neni 1


Objekti dhe qëllimi


Objekti i këtij ligji është të përcaktojë një kuadër rregullues për hyrjen e transmetimit numerik në Republikën e Shqipërisë. Brenda kuadrit të përcaktuar nga ky ligj, operatorët për programet dhe operatorët e rrjetit (multiplekseve) lejohen të transmetojnë programe dhe të ndërtojnë rrjete transmetimi në rrugë numerike të natyrës eksperimentale.


Neni 2

Përkufizime


Për qëllime të këtij ligji, me termat e mëposhtme do të kuptojmë:


1. "Transmetim" është emërtimi i parë me transmetues tokësor, me kabëll ose satelit me formë të koduar apo ta pakoduar, i shërbimeve programore, që i drejtohen publikut në përgjithësi. Kjo nuk përfshin shërbimet e komunikimit që veprojnë mbi kërkesat individuale.

2. Transmetime numerike televizive tokësore (DTTB) janë sistemet numerike televizive në shërbimin e transmetimit numerik tokësor të përshkruara në Rekomandimin ITU-R BT.1306 të Bashkimit ndërkombëtar të telekomunikacioneve.

3. Transmetim satelitor është transmetimi i sinjaleve zanore apo vizive nga stacionet hapësinore për marrje të drejtpërdrejtë audio apo vizive nga publiku i gjerë.

4. Transmetimi numerik satelitor është transmetimi i programeve radio e televizive të mbështetura në platforma numerike satelitore.

5. Rrjet transmetimi tokësor është tërësia e stacioneve transmetues tokësore që mbulon një hapësirë të caktuar (zona e mbulimit) me deri në programe të njëjta e të njëkohshme. (në rastin e transmetimeve analoge tokësore, N=1).

6. Rrjet numerik me frekuencë të vetme është një rrjet stacionesh transmetuese të sinkronizuara që emetojnë sinjale identike në të njëjtën kanal radiofrekuencë për të mbuluar një hapësirë të dhënë.

7. Operator rrjeti është personi juridik në formën e personit juridik sipas ligjit për shoqëritë tregtare, i cili ofron rrjetin e transmetimit ose një shërbim transmetimi për publikun.

8. Operator për programet është personi juridik, i cili përgatit programe radiotelevizive për publikun dhe ka përgjegjësinë editoriale për përmbajtjen e tyre.

9. Operator i platformës satelitore numerike (operator satelitor) është personi juridik i përcaktuar e tillë sipas ligjit, e cila ndërton dhe përdor platforma satelitore. Operatori satelitor mund të tarifojë drejtpërdrejt abonentët e vet (marrësit e programeve me satelit) për shërbimin e kryer.




Neni 3

Licencat për ndërtim e shfrytëzim rrjetesh


1.Këshilli Kombëtar i Radios dhe Televizonit (KKRT) jep licenca të përkohshme për funksionimin e rrjeteve numerike tokësore të transmetimit në përputhje me kriteret e përcaktuara në një rregullore të posaçme që miraton për këtë qëllim.

2.Licenca për rrjetet numerike të transmetimit radiotelevizive, vlen si leje për instalimin, mirëmbajtjen dhe operimin e pajisjeve teknike të një rrjeti numerik radioteleviziv. Në licencë përcaktohen përveç kushteve teknike për të realizuar transmetimin, edhe të drejtat e detyrimet e subjektit të licencuar. KKRT, përgatit rregulloren dhe procedurat përkatëse.

3.KKRT-ja përcakton frekuencat, fuqinë, vendndodhjen dhe zonën, për të cilat jepen licencat për ndërtimin e rrjeteve numerike në përputhje me Planin Kombëtar të Frekuencave dhe me detyrimet përkatëse ndërkombëtare.

4.Parametrat e rrjeteve numerike tokësore përcaktohen në përshtatje me veçoritë territoriale dhe ndarjen administrative të vendit, në koordinim me vendet fqinjë dhe brenda standardeve të dhëna në Rezolutën Nr.1 të Konferencës Rajonale të Radiokomunikacioneve, Gjenevë maj 2004 si dhe me Konventën e Gjenevës të vitit 2006.

Në rastet kur në funksion të zbatimit të Planit të Frekuencave të kooridinuar edhe me vendet fqinjë, për ndërtimin e një rrjeti numerik kërkohet të përdoret një frekuencë e akorduar një operatori të licencuar për transmetime analoge, KKRT i cakton operatorit analog një frekuencë tjetër për të mbuluar të njëjtën zonë. Shpenzimet për të realizuar ndryshimin e frekuencave përballohen nga operatori i rrjetit numerik.


Neni 4

Procedurat e licencimit


1.KKRT shqyrton kërkesat e operatorëve që kanë një licencë për transmetimin e programeve të tyre me rrugë analoge dhe dëshirojnë kalimin në transmetim numerik, duke përdorur frekuencën (frekuencat) për shfrytëzimin, e të cilave janë licencuar nga KKRT. Në rast se kërkesat janë në përputhje me ligjin dhe aktet nënligjore të miratuar, KKRT i pajis ata me licencë të përkohshme, pa kalaur procedurat e konkurimit sipas Ligjit 8410, por, duke ruajtur të drejtën e ndryshimit të frekuencës, bazuar në nevojat e planit të frekuencave. Licenca për transmetime numerike ndjek të njëjtat kritere territoriale si licenca analoge. Operatorët që transmetojnë jashtë zonave të licencimit nuk përfitojnë nga ky konvertim automatik.

2. Aplikuesit për licencë rrjeti, duhet të marrin pjesë në procesin e konkurrimit, detajet e të cilit përcaktohen nga KKRT-ja në përputhje me një rregullore që miratohet paraprakisht për këtë qëllim. Në vlerësimin e aplikiimeve të marra, janë përparësore kriteret e mëposhtme:

* Cilësia e zgjidhjeve teknike, përfshirë shkallën e fleksibilitetit që zgjidhjet e caktuara u ofrojnë përdoruesve në lidhje me zgjedhjen e shërbimeve. Në këtë kaudër, rëndësi duhet t'u kushtohet, mes të tjerave, zgjidhjes së standardeve joekskluzive aty ku është teknikisht e mundshme, për Ndërfaqen e Programeve Aplikative (API) dhe sistemet e kontrollit të aksesit.

* Planet për investim dhe zhvillim të rrjetit, përfshirë shitjen dhe disponueshmërinë e dekoderëve, ritmin e zhvillimit dhe koston për publikun e gjërë.

* Shërbimet që dëshiron të ofrojë aplikuesi. Rëndësi do t'u kushtohet ofertave të ndryshme e të larmishme televizive, për grupe të ndryshme të shikuesve. Kjo vlen si për tipet e ndryshme të përmbajtjes së programeve, ashtu edhe për marrëdhënien midis kanaleve televizive falas dhe atyre me pagesë. KKRT mund të përcaktojë kritere minimale përsa i përket mirëmbajtjes së programeve në një rrjet.


Neni 5

Licencat për transmetim programesh radio e televizive


1.Licenca për transmetim programesh radiotelevizivë i jep personit juridik, operator programesh të drejtën për të transmetuar një program ose një paketë programesh radio apo televizivë, të cilat duhet të licencohen një nga një nga KKRT, në momentin e licencimit të rrejtit numerik ose në çdo moment të mëvonshëm. Në licencën për transmetim programesh radiotelevizive përcaktohen përveç kushteve për të realizuar programet, edhe të drejtat e detyrimet e subjektit të licencuar. KKRT, përgatit rregulloren dhe procedurat përkatëse.

2.KKRT, pa konkurim u jep licenca për transmetim programesh aplikuesve, të cilët dëshirojnë t'i transmetojnë programet e tyre përmes platformës së rrjetit ose satelitore, sipas një marrëveshjeje me operatorët e rrjeteve përkatës. Licenca jepet me kusht që programet të përmbushin standardet programore, të përcaktuar në Ligjin nr.8410 "Për radion dhe televizionin publik e privat në Republikën e Shqipërisë.

3.Operatorët e platformës numerike satelitore duhet të pajisen me licencë të përkohshme nga KKRT. Këto licenca do t'i nënshtrohet të njëjtit afat 6 mujor për qëllimet e licencës eksperimentale.


Neni 6

Të drejtat dhe detyrimet e operatorëve të rrjetit

1.Mbajtësit e licencave të rrjeteve dhe të licensuarit për platforma satelitore i përballojnë vetë financimet për platformat numerike dhe rrjetet e transmetimit për shpërndarjen e transferimeve numerike. Nëse ata nuk i përmbushin këto detyrime në afatet kohore të përcaktuara në kushtet e licencës, KKRT ka të drejtë t'u heqë atyre licencën.

2. Mbajtësit e licencave të rrjeteve dhe të licencuarit për platforma satelitore janë të detyruar të sigurojnë që 50 përqind e shërbimeve të tyre transmetuese numerike do t'u ofrohen përdoruesve pa pagesë.

3.KKRT-ja duhet të sigurojë që të gjitha shërbimet që u ofrohen operatorëve nga operatorët e rrjeteve të bazohen në kushte të drejta të arsyeshme dhe jodiskriminuese. Për sistemet e aksesit të kushtëzuar, ndërfaqet e programeve aplikative dhe guidave programore elektronike, KKRT do të zbatojë parimet e përcaktuara në direktivën e Bashkimit Evropian të 7 marsit 2002 (Access Directive).

4.Operatorët e rrjeteve, operatorët e platformave satelitore dhe operatorët e programeve mbështetur në teknikën numerike duhet t'i japin KKRT-së të gjithë informacionin e duhur në mënyrë që t'i japin mundësi të vlerësojë aspektet teknike dhe tregtare të transmetimeve të tyre provë. Në bazë të këtij informacioni, KKRT harton një raport për Kuvendin e Republikës së Shqiëprisë.

5.Oepratorët e rrjeteve dhe ofertuesit e shërbimeve numerike të transmetimit mund të ofrojnë programe me përmbajtje erotike me kusht që ato të transmetohen vetëm në një nga programet e rrjetit dhe shtrihen vetëm në orare që do të përcaktohen nga KKRT dhe të jenë të koduara.

6.Gjatë periudhës eksperimentale, transmetimi i njëkohshëm i shërbimeve të transmetimit në formë analoge dhe numerike, kërkon më shumë se një licencë për rrjetet e televizioneve dhe radiove kombëtare dhe lokale. Kufizimet e nenit 20 në Ligjin nr.8410 që ndalojë mbajtjen e më shumë se një licencë radiotelevizive kombëtare dhe lokale nuk do të zbatohen gjatë periudhës eksperimentale të transmetimit numerik tokësor.


Neni 7

Tarifat


Pagesat për licencën e ndërtimit dhe operimit të rrjetit numerik tokësor, licencën për ndërtimin e operimin e rrjetit numerik satelitor dhe licencën për ofrimin e programeve të mbështetura në rrjete numerike, përcaktohen nga KKRT, bazuar në kriteret e transperencës, trajtimit të barabartë dhe mosdikriminimit të subjekteve.

Taksat për frekuencat e shërbimit të transmetimeve radioletevizive numerike do të jenë ato të përcaktuara nga ligji "Për taksat në Republikën e Shqipërisë".

[AlbaneZ]

• Me ligjin që sot pritet të hapë debate në kuvend, pjesa më e madhe e institucioneve kushtetuese do të kontrollohen nga auditi i Ministrisë së Financave.

Kontrolli i Lartë i Shtetit do të vihet nën kontrollin e kryeministrit. Gjithçka po ndodh me procedurë të përshpejtuar kur sot, në seancën plenare do të diskutohet të kalojë ligji i ri për “Auditimin e Brendshëm”. Përfundimisht me ligjin që sot pritet të hapë debate të ashpra në kuvend, pjesa më e madhe e institucioneve kushtetuese në vend, do të kontrollohen nga auditi i Ministrisë së Financave. Madje në bazë të këtij ligji, edhe vetë kontrolli i Lartë i Shtetit do të kontrollohet nga Ministria e Financave. Absurdi i projektit të ri qëndron në faktin se qeveria kërkon të marrë në kontroll shpenzimin e parave të taksapaguesve shqiptare, ndërkohë që me Kushtetutë dhe me ligjin shqiptar kjo i është lënë kompetencë vetëm kontrollit të lartë të shtetit. Dhe sikurse parashikohet në ligjin për auditin duket se një kontroll i tillë do të kryhet jo vetëm tek institucionet kushtetuese, por edhe tek vetë Kontrolli i Lartë i shtetit.
Sipas projektit të ri që pritet të ngjallë nesër debate të ashpra në parlament, parashikohet që të kontrollohen të gjitha institucionet kushtetuese nga Auditimi i Brendshëm që varet direkt nga Ministri i Financave.
Duket se nisma e qeverisë është edhe nonsens kushtetues, sepse nuk është e mundur që në një republikë parlamentare si Republika e Shqipërisë, në të cilën ekziston dhe funksion një organ si Kontrolli i Lartë i Shettit, nuk mund të ndërmerret një hap i tillë ku auditimi i brendshëm i Këshillit të Ministrave të mund të kontrollojë të gjitha institucionet kushtetuese. E parë në këtë këndvështrim, duket se qeveria dhe ministria e financave kërkojnë të marrin nën kontroll të gjitha fondet e buxhetit të shtetit dhe të lënë pa punë Kontrollin e Lartë të shtetit, që aktualisht drejtohet nga republikani Robert Çeku.
Ligji
Sipas ligjit diskutuar në Komisionin parlamentar të ekonomisë dhe kaluar më parë në qeveri, në pritje të diskutimeve të sotme në kuvend, ministria e financave mund të kontrollojë të gjitha organet shtetërore, të gjitha drejtoritë e ministrisë së financave dhe sigurisht në bazë të ligjit edhe standardet e auditimit. Kjo do të thotë se nëse Ministria e Financave merr një rol të tillë, atëherë është e kotë që ekziston një institucion kushtetues, siç është kontrolli i Lartë i Shtetit, për t’u marrë me të gjitha të dhënat që i kërkon ligji. Sipas variantit të ligjit aktual duhet që drejtoria e Auditimit e Ministrisë së Financave, edhe në bazë të ligjit, të zbresë në çdo institucion dhe të shohë sesi janë realizuar të gjitha fondet dhe paratë që janë dhënë nga buxheti i shtetit. Një ndër kontrollet më të mëdha që do të bëhen nga vetë qeveria, dhe jo nga një institucion i pavarur sikurse është edhe KLSH ka të bëjë me investimet në infrastrukturë. Deri më sot, realimi i fondeve buxhetore dhe humbjet kanë qenë atribut i Kontrollit të Lartë të shtetit. Me ligjin që pritet të kalojë në parlament, duket se kjo do të kalojë në dorën e auditimit të brendshmë të qeverisë.
Vendimi
Duket se vendimi për të marrë në dorë kontrollin e një institucioni të tillë është më shumë politik sesa një vendim normal i autoriteteve qeverisëse. Kjo sepse asnjëherë Berisha nuk ka pasur besim se KLSH mund të kontrollonte apo ka pasur sukses në luftën ndaj korrupsionit. Nga ana tjetër vetë kryeministri pasi ka marrë kontrollin e një varg institucionesh, duke filluar edhe me gjykatat, tashmë kërkon kontrollin edhe mbi KLSH.

Gazeta Shqiptare.

[Zemrushja]

MEIDAN ZHIVANI

Në fakt, kampionati, qoftë i Superligës apo Kategorisë së Parë po i afrohet fundit, duke bërë që tensioni të jetë shumë i madh për ekipet që tentojnë kreun e tabelës apo ato që kërkojnë që t’i shpëtojnë rënies nga kategoria. Por siç duket në një tension të tillë janë përfshirë edhe forcat e rendit, të cilat kanë si detyrë të ruajnë qetësinë publike në stadiumet apo fushat sportive, ku dhe luhen këto ndeshje futbolli e jo të pengojë punën e gazetarëve, qofshin ata të medies së shkruar apo vizive. Kështu ka ndodhur dje në takimin Ada-Tomori, e luajtur në një stadium komod siç është “Loro Boriçi” i Shkodrës. Ashtu si gjithmonë, gazetarët kanë filluar të vijnë në stadium rreth një orë përpara fillimit të takimit, por janë ndeshur me absurdin e radhës dhe të pakuptimtë të forcave të policisë. Me në krye shefin e tyre, që nuk na intereson fare emri (bëhet fjalë për ato forca që dje kishin për detyrë sigurinë në stadiumin “Loro Boriçi”), kanë treguar dhëmbët duke penguar dukshëm dhe jashtë çdo rregulloreje apo ligji punën e medies në takimin Ada-Tomori dhe në mënyrë të pakuptimtë. Çdo gazetar që ka ardhur dje në stadiumin “Loro Boriçi” dhe ka kërkuar të marrë formacionet te gjyqtari i katërt, siç e përmban edhe rregullorja e futbollit (kështu veprohet në të gjithë botën), kanë hasur në pengesën e policisë me justifikim absurd se gazetarët nuk kanë punë këtu, vetëm në shkallët e stadiumit. Por, kjo nuk ndodh në asnjë vend të botës. Madje sa për kujtesë, mund të themi se rreth një muaj më parë u zhvillua po në këtë stadium ndeshja ndërkombëtare Shqipëri–Slloveni, e vlefshme për eliminatorët “Euro 2008”, dhe ishte po kjo polici, por atëherë nën monitorimin e PAMEC-ës (organizata që merret me monitorimin dhe trajnimin e punës në policinë shqiptare) dhe gazetarët nuk u penguan për asnjë sekondë për të lëvizur lirshëm si në pistë, në dhomat e posaçme për konferencat për shtyp apo në shkallët e stadiumit dhe gjithçka shkoi shumë mirë dhe nuk u krijua asnjë incident. Pra, në një ndeshje kaq të rëndësishme për gazetarët nuk pati asnjë lloj pengesë, ndërsa në një takim si Ada-Tomori kryerja e detyrës nga gazetarët është penguar dukshëm nga forcat e policisë. Asnjëherë media nuk e prish qetësinë publike. Dje gazetarëve në “Loro Boriçi” u është dashur të marrin formacionin përmes miqve apo të afërve të futbollistëve të Adës apo të Tomorit, që ishin në stadium. Megjithatë ndërhyrjen e drejtuesve të Adës, pikërisht të presidentit Alfred Pjetrit për të lejuar gazetarët ta kryejnë detyrën e tyre, siç e kanë bërë gjithnjë, përsëri forcat e policisë nuk janë bindur rregullit dhe ligjit, që në vend që ta ruajnë atë nga shkelës të tjerë, janë kthyer vetë në shkelës të ligjit dhe rregullores për ditën e djeshme, duke krijuar kështu një precedent që mund të futet në rastet e rralla në futbollin shqiptar, por edhe më gjerë, ai i djeshmi. Megjithatë jo korrekt ka qenë edhe qëndrimi i gjyqtarit të katër Servet Bogdani, i cili nuk ka përfillur aspak gazetarët, me gjithë ankesat dhe kërkesat e tyre për të marrë informacionin e duhur pranë tij, që e ka detyrimin dhe asgjë më shumë dhe që e përcakton qartë rregullorja e futbollit, duke u fshehur pas justifikimit se nuk mund të kapet me forcat e policisë. Njëri nga drejtuesit e policisë dje është shprehur : “Kemi urdhër nga lart për të penguar gazetarët”, por edhe ky justifikim është i pakuptimtë. Gjithsesi gazetarët, dje me gjithë pengesat nga forcat e policisë, e kanë kryer detyrën e vet, por ky incident është akoma i pakuptimtë që ka ndodhur. Ndërkohë që drejtuesit e Adës kishin marrë të gjitha masat që çdo gjë të shkojë shumë mirë për sa i takon organizimit, doli ajo që nuk pritej: policia bën rolin e të fortit, me justifikime nga më absurdet, duke shkelur me të dyja këmbët ligjin për mediat. Shpresojmë që forcat e policisë të mos bëhen pengesë herë tjetër, ndërsa FSHF-ja ta trajnojë edhe një herë mirë Bogdanin, sepse i ka humbur fare kujtesa dhe ka nevojë për ta mësuar edhe një herë rregulloren që ka të bëjë me detyrimet që ka arbitri i katërt. Nuk e kuptojmë qëllimin e djeshëm të forcave të policisë për të penguar gazetarët për të kryer detyrën e tyre. Arsyeja reale mbetet mister....?! Ndoshta ndonjëri prej drejtuesve të tyre është i ri në detyrë dhe ende nuk e ka të qartë raportet dhe rregulloren që ekzsiton për mediat nëpër stadiume.

Gazeta Metropol

[Zemrushja]

Opozita e PDK-së kundër, projekti nuk merr parasysh kërkesat e grupeve të interesit

Projektligji për transmetimet numerike i miratuar ditën e shtunë nga Komisioni i Medias pa prezencën e opozitës, do të kalojë sot për miratim në seancën parlamentare të pasdites. Kryetarja e Kuvendit, Topalli, bëri të ditur në seancën e së enjtes së shkuar, se ky projektligj do të jetë një nga pikat e rendit të ditës që duhet të miratohet. Kjo ka shpjeguar më së mirë edhe arsyen pse Komisioni i Medias u mblodh ditën e shtunë, kur në fakt, sipas deputetëve të opozitës dhe deputetit të PDK-së, Lesi, ishte lënë për sot. Në bazë të rregullores së Kuvendit, një projektligj duhet të kalojë të paktën 48 orë nga miratimi i tij në komision, për të kaluar më pas në Kuvend. Dhe të hënën pasdite, ky projektligj e plotëson këtë hapësirë kohore që i duhet për t‘u miratuar. Ky projektligj ka sjellë mjaft debate mes pozitës dhe opozitës, ku këta të fundit kanë qenë dakord për diskutimin dhe miratimin e tij me procedurë të përshpejtuar. Opozita e kundërshtoi projektligjin e hartuar nga një grup deputetësh të mazhorancës, duke u shprehur se paraqitja e tij pikërisht në këtë moment, kur qeveria ka hapur një betejë me mediat, është e qëllimshme dhe bëhet për të sulmuar ato media, të cilat nuk janë rreshtuar në krah të qeverisë, por i bëjnë opozitë asaj, duke denoncuar rastet e abuzimeve dhe shkeljeve ligjore. Projektligji ishte lënë të miratohet të enjten sipas mazhorancës dhe rendit të ditës të hartuar nga Topalli, por pamundësia për ta kaluar atë në Komisionin e Medias e shtyu për sot. Duke shkelur rregulloren e Kuvendit, Topalli bëri një "trafik" deputetësh, sa nga njëri grup te tjetri, duke shtuar, sipas opozitës, në mënyrë të padrejtë numrin e anëtarëve të Komisionit të Medias nga 15 në 17 për t‘i siguruar kështu mazhorancës shumicën në komision. Dhe ky veprim i mazhorancës u kundërshtua nga opozita, e cila me një vendim të marrë në mënyrë unanime e bojkotoi mbledhjen e Komisionit të Medias. Pjesë e këtij bojkoti u bë edhe deputeti i PDK-së, Lesi, i cili paraqiti një projektligj të vetin, që nuk u mor parasysh nga mazhoranca. Por, në një nga mbledhjet e Komisionit të Medias, Lesi deklaroi se nëse nuk merret parasysh projektligji i hartuar prej tij për transmetimet numerike, atëherë grupi parlamentar që ai drejton nuk do të votojë në Kuvend për projektligjin e qeverisë, duke penguar kështu krijimin e numrave për miratimin e tij. Se çfarë do të ndodhë konkretisht me këtë projektligj, nëse do të miratohet apo jo, do të jetë seanca e sotme ajo që do ta vendosë.

© Gazeta Shqip - 2006-2007

[Zemrushja]

Kreu i Grupit të PS, Berishës: Njësoj si me "KJ", ti ke marrë flakën, deputetët benzinën

Kryeministri Berisha është "kryqëzuar" fort në Parlament jo vetëm nga opozita, por edhe nga aleatët e tij në parlament, në lidhje me luftën që kreu i qeverisë ka hapur ndaj "Top Medias" dhe disa mediave të tjera në vend, që Berisha nuk i shikon si beniamine të tij. Akuzat ndaj kreut të qeverisë kanë qenë të ashpra, ku kreu i Grupit parlamentar të Partisë Socialiste, Ben Blushi, ka akuzuar mazhorancën se po i vë flakën "Top Medias". "Më duket vetja në vitin 1997, kur në mes të natës u dogj redaksia e gazetës ‘Koha Jonë‘, ndërsa sot në mes të ditës në mes të Tiranës po digjet Top Channel me kartonët e këtij parlamenti. Sot e gjithë Shqipëria po ju sheh, bëjeni para popullit", deklaroi Blushi. Ndërkaq edhe kreu i Grupit demokristian, Nikoll Lesi, ka kërkuar që të rimblidhet Komisioni parlamentar i Medias, për të shqyrtuar amendamentin e paraqitur prej tij. Shqyrtimi i projektligjit për transmetimet dixhitale ishte pika e fundit në rendin e ditës dhe janë shtyrë shumë pas mesnatës. Burime brenda Grupit parlamentar të Partisë Demokratike, bëjnë të ditur se Kryeministri Berisha, pasi ka parë situatën në Kuvend ka kërkuar shtyrjen e shqyrtimit të projektligjit, pasi aleatët e tij në mazhorancë, demokristianët dhe Partia Bashkimi për të Drejtat e Njeriut ishin kundër dhe nuk mund të merrte votat e duhura për të kaluar projektligjin.

Seanca

Projektligji për platformën numerike, ashtu siç pritej ka shkaktuar mjaft debate, jo vetëm nga opozita, por edhe nga aleatët e Partisë Demokratike. Zërit të opozitës i është bashkuar edhe kryetari i Grupit parlamentar të PDK-së, Nikoll Lesi, i cili gjatë diskutimit të tij, në emër të tetë deputetëve të PDK-së i ka kërkuar Kryeministrit Berisha që të japë urdhër që ky projektligj i miratuar në mënyrë klandestine në Komisionin e Medias, të rikthehet sërish në komision për t‘u diskutuar së bashku me amendamentet që ka paraqitur ai. "Nëse nuk e merrni parasysh propozimin tim, është shprehur Lesi në sallën e Kuvendit, atëherë mahzoranca do ta ketë shumë të vështirë të krijojë 71 vota për ta miratuar këtë ligj". Ne duhet të bëjmë llogaritë nëse duhet të bëjmë një ligj që të marrë parasysh të tashmen dixhitale të Shqipërisë, ku fatmirësisht radhitemi këtë radhë ndër vendet e para në Evropë pas Holandës dhe Italisë dhe duhet të bëjmë një ligj për të ardhmen dhe jo një ligj për të ndëshkuar kompanitë private, e cila guxoi dhe futi teknologjinë më të përparuar të botës në vendin më të varfër të Evropës. Ndaj dhe ju Berisha keni insistuar që ta kalojmë këtë informalitet teknologjik modern në një shtrat ligjor, por duke pasur dëshirën e mirë për ta ruajtur atë që ka guxuar të investojë në këtë fushatë dixhitale, e jo siç duan disa pjesëtarë të mazhorancës për prerjen e kokës së atij që guxoi që në 2004-ën, të fusë në Shqipëri këtë teknologji moderne", është shprehur Lesi. Në linjën e diskutimit të deputetit të PDK-së, Lesi, ka qenë pothuajse edhe kryetari i Grupit parlamentar të PS-së, Ben Blushi. Gjatë replikës së tij me Kryeministrin Berisha, i cili akuzoi opozitën të kapur nga informaliteti, Blushi është shprehur se me sjelljen e këtij ligji me urgjencë në parlament tregoi e qeveria dhe Kryeministri është i kapur nga informaliteti. Sipas tij, ky ligj i sjellë nga qeveria synon të censurojë median në Shqipëri. Gjithashtu kreu i Grupit socialist i ka kujtuar Kryeministrit Berisha edhe një arsye pse opozita nuk mori pjesë në mbledhjet e fundit të Komisionit të Medias. "Ne, tha Blushi nuk morëm pjesë në komision, sepse komisioni është informal. Është informal, sepse një komision me 14 vetë, brenda natës u bë me 17 anëtarë, si mund t‘i mbarsni kështu komisionet", tha kreu i Grupit parlamentar të PS-së, i cili vazhdoi se për këtë arsye nuk ishim në komision". Blushi tha se kjo shpjegon informalitetin e këtij parlamenti. "Ne mund të hyjmë në një debat teknik e ligjor të arsyeshme për cilësinë e ligjit. Opozita mendon se ligji ka ardhur për t‘i vënë fre një media, e cila është kundër jush. Në këtë aspekt, nuk mund ta mbroni. Më duket vetja si në 1997, kur u dogj gazeta ‘Koha Jonë‘ në mes të natës po u dogj nga njerëz të panjohur. Tani po digjni Top Channel në mes të Shqipërisë me kartonët e këtij parlamenti". Sipas Blushit, Kryeministri ka bërë gati flakën dhe deputetët kanë marrë bidonët e benzinës. Bëjeni por jeni në publik, në ‘97-ën ishit në mes të natës dhe nuk iu pa njëri ndaj nuk po vërtetohet se kush e ka bërë djegien e gazetës ‘Koha Jonë‘, sot po ju sheh e gjithë Shqipëria që po kërkoni të shkatërroni një media që nuk rreshtohet pro jush".

© Gazeta Shqip - 2006-2007

[Brari]

e ku po digjet top chanelli o blush zjarrvenesi..
nuk po shohim gje neve..
cdo dite po merr korent nga berisha top mafia.. e po vjell kunder berishes..
kush e ndaloj blushin e mafies sa ishte ne pushtet 8 vjet po dhe tani ti kerkonte prokuroreve gjetjen dhe denimin e djegesve te KJ-se..

me zor do me ba 97-t i biri ku.rvaro mafiozit e inkuizitorit Kico Blushaj..

u djegshit vet ishallah ne kto menxyra qe kini bere e doni te beni..

[Zemrushja]

Në emisionin "Shqip", në Top Channel, debatohet në lidhje me projektligjin për transmetimet numerike

Jaho: Do të realizojmë programe të reja për historinë dhe fëmijët

"Digitalb" do të garantojë edhe me miratimin e ligjit të ri një cilësi të lartë transmetime dhe shumë kanale të tjera për shqiptarët. Kjo u deklarua mbrëmë në emisionin "Shqip" në Top Channel, ku është diskutuar në lidhje me projektligjin e ri për transmetimet numerike. Ndërkohë që parlamenti ishte duke debatuar për projektligjin e transmetimeve numerike, studio e emisionit "Shqip" në Top Channel, mbrëmë trajtoi në mënyrën më të detajuar në një debat të hapur draftin për transmetimet dixhitale të përgatitur nga mazhoranca. Në emisionin "Shqip" në Top Channel, që drejtohet nga gazetarja Rudina Xhunga, drejtori i kompanisë "Digitalb", Alban Jaho, analisti Andrea Stefani dhe kryetari i Zyrës për Mbrojtjen e Qytetarëve, Kreshnik Spahiu, kanë diskutuar në mënyrë të hapur për nismën e nxituar të mazhorancës. Drejtori i kompanisë "Digitalb", deklaroi se kjo kompani dhe në përgjithësi Top Media prej muajsh po goditet nga qeveria shqiptare, dhe ky ligj është pjesë e kësaj goditje. Megjithatë, drejtori i "DigitAlb", në fund të emisionit ka garantuar të gjithë shqiptarët, abonentët e kësaj kompanie se edhe me këtë ligj të përgatitur, kompania "DigitAlb" do të garantojë një cilësi të larta, programe më shumë dhe cilësore me të njëjtat kanale, edhe pse kompanisë do t‘i kushtojë më shumë. Në debatin e mbrëmshëm në emisionin "Shqip" në Top Channel, që ishte titulluar "DigitAlb" i të gjithë shqiptarëve", në fakt të tre të ftuarit kanë qenë në një mendje për atë që ligji i hartuar nga mazhoranca, ka qenë një nismë e sforcuar, ku jo vetëm janë anashkaluar konsultimi me grupet e interesit, por edhe është vepruar pa marrë parasysh zhvillimet kolosale që si në asnjë vend tjetër në rajon, kanë ndodhur në Shqipëri falë investimeve dhe punës kolosale të "DigitAlb"-it. Drejtori i "DigitAlb", Alban Jaho, duke komentuar deklaratën e Kryeministrit Berisha se për këtë draft u morën parasysh edhe sugjerimet e grupeve të interesit, tha se e vetmja gjë që mazhoranca në Komisionin e Medias mori parasysh ishte heqja e mënyrës së të quajturit eksperimental. Sipas kryetarit të ZMQ, Kreshnik Spahiu, parlamenti është i papërgatitur për hartimin dhe zbatimin e një projektligji të tillë, ndërsa analisti Andrea Stefani deklaroi se ky ligj duhej formalizuar me sa më pak gërmadha, për të mos ta bërë si Zogu i Zi. Drejtori i "DigitAlb"-it Jaho, theksoi se ky projektligj është hartuar në rrugë joinstitucionale. Duke e cilësuar si një projektligj të hartuar me urdhra, Jaho theksoi se nuk janë marrë parasysh asnjë nga rekomandimet e ndërkombëtarëve dhe standardet e Bashkimit Evropian në këtë fushë.

Sipas Jahos, "DigitAlb"-i ka qenë gjithmonë i interesuar të veprojë në bazë të një ligji, duke kujtuar edhe iniciativat e nisura që tre vjet më parë. Drejtori i kompanisë "DigitAlb", theksoi se ky draft erdhi papritur. "Jemi në goditje sistematike nga shteti. S‘mund ta fshehim më, jo vetëm goditet, por është në një luftë të paparë, ku të gjitha institucionet shqiptare po merren vetëm me këtë punë. Kontrollet tatimore, duke shkelur ligjet dhe së fundi me këtë ligj të shpejtë që duan të kalojnë në parlament. E gjitha kjo bëhet për të kufizuar "DigitAlb"-in, tha Jaho. Të miratosh diçka me konsensus, do të thotë ta miratosh atë me pëlqimin e pakicës dhe jo me atë të shumicës. Jaho theksoi se ligji duhet të jetë një për të gjitha transmetimet, ai duhet të rregulloje edhe transmetimet analoge dhe ato dixhitale. Në këtë mënyrë, ku bëhet një ligj për transmetimet numerike e një tjetër për ata analoge, krijohet një kaos i madh në treg theksoi drejtori i "DigitAlb"-it. Megjithatë, mazhoranca, duke parë edhe mënyrën se si e ka trajtuar këtë draft që nga fillimi dhe deri te kalimi në parlament duket se çdo gjë ka vendosur ta bëjë me kokën e saj. Në debatin e mbrëmshëm në "Shqip", në Top Channel, u theksua se qytetarët janë ata, të cilët preken të parët nga ky ligj. Analisti Andrea Stefani e krahasoi këtë filozofi që ndjek mazhoranca si reforma agrare komuniste, ku nuk ndiqej parimi i tregut dhe i meritës në legalizimin dhe rregullimin ligjor. Stefani është bashkuar me shqetësimin e grupeve të interesit dhe të opozitës për këtë draft. "Po shikojmë një procedurë të shpejtuar brenda pak ditësh, shikojmë një mazhorancë që kërkon të marrë shumicën. Bashkohem me shqetësimin që ka opozita. Unë mendojë se s‘kishte ndonjë urgjencë kaq të madhe, ligji mund të diskutohej mirë dhe të pasurohej", tha Stefani. Sipas analistit të njohur, qëllimet e Kryeministrit janë që të godasë atë media që është në oponencë me të dhe kritike, theksoi Stefani. Kryetari i ZMQ, Kreshnik Spahiu, ka komentuar mënyrën e gabuar se si kalojnë projektligjet në Shqipëri. Në fund të debatit, duke trajtuar këndvështrimin e publikut, drejtori i "DigitAlb"-it, Alban Jaho, theksoi se kjo kompani ka marrë të gjitha masat që të garantojë një cilësi të lartë si deri tani, të njëjtat kanale, madje edhe më shumë, edhe pse kompanisë do t‘i kushtojë më shumë. "DigitAlb" është tashmë një pronë e të gjithë shqiptarëve, ndaj ajo do të vazhdojë të jetë e tillë.

© Gazeta Shqip - 2006-2007

*~*~*

Ehe brar, mos u merzit.. ka me lol..