Duhani dhe demet e tij per shendetin

[Visage]

Duhani eshte nje nga helmet me te perhapura sot e kesaj dite dhe shume njerez e pijne po e kuptuar se c'fare demtimesh shkakton ne shendet.

Canceri eshte nje nga ata, dhe shume njerez kane vdekur nga kanceri ose sepse e pijne duhanin vet ose nga second-hand smoking.

Second hand smoking eshte shume e rrezikshme dhe e padrejte per ata, familjen, qe rrine rreth nje qe pi duhan.
Keshtu qe nese nuk doni t'a lini duhanin per vete sepse mbase jeta dhe shendeti juaj nuk ju dhimbset, bejeni per nenen, babain, motren, vellain, femijet, gruan/burrin tuaj. Si do ndiheshit nese ne te ardhmen dikush nga familja ka kancer jo sepse piu duhan po sepse ishte ne te njejtin ambjent me ju (duhan pires) per shume vite.

Nuk jane te pakta rastet qe kam pare, qe njerezit detyrohen te flasin me makinerira sepse iu kane hequr laringun, me operacion, per te hequr kancerin.

Dhe nese tani nuk mendoni se do t'iu ndodhe juve, ju lutem, mendoni njehere se sa do ndryshonte jeta juaj nese nje nga keto gjera ju ndodhte ju. Dhe atehere, nuk ka si ta kthesh kohen mbrapa. There is no turning back. Kurse tani e ke ne dore qe t'i paraprish kesaj te keqe duke e lene duhanin.

Shpresoj, qe te pakten keto postime ne kete forum te ndryshojne mendjen tuaj persa i perket pirjes se duhanit.

[OO7]

Doni me pi duhan ? Pini !

Por Pasojat Do Jene Te Tilla...! Shikoni nje Mushkri Normale dhe Nje me Kancer Si Duket ne Grafi...! Shikoni Pastaj Se Si Eshte Ajo Pjesa e Rrethuar ne Grafi...!

Ndaloni Duhanin

[Dara]

Filmi i fundit "Thank You for smoking" eshte domethenes per te pare, ne lidhje me kete teme. Sigurisht, titulli eshte shume ironik.

[Davius]

Dita botërore pa duhan këtët vit shënohet nën moton "Duhani vdekjeprurës në çdo formë apo variantë". Motoja është zgjedhur me qëllim që të ngritet vetëdija tek popullata se të gjitha prodhimet e duhanit janë të dëmshme për shëndetin e njeriut.

Në vitin 2005 është vlerësuar se në botë ka 1,3 miliardë duhanpirës, ndërsa në nivel vjetor 5 milionë njerëz vdesin si pasojë e konsumimit të duhanit. Nëse vazhdon një trend i tillë deri në vitin 2020 vlerësohet se do të ketë 10 milionë duhanpirës, ndërsa numri më i madh i tyre do të jetë në vendet e zhvilluara.

Gjithashtu rekomandohet se prodhuesit e duhanit i mashtrojnë duhanpirësit se cigaret me parashenjën llajt, mild dhe me pak katran janë më pak të dëmshme nga cigaret e zakonshme.

Dita botërore pa duhan shënohet çdo vit më 31 maj që nga viti 1987, me rekomandim të Organizatës Botërore Shëndetësore (OBSH).
"Pothuajse çdo i pesti nxënës në moshë prej 13 deri 15 vjeç i shfrytëzon prodhimet e duhanit", theksohet në raportin e fundit të OBSH-së.

Hulumtimi global për të rinjtë dhe duhanin filloi në vitin 1999 me iniciativë të OBSH-së, Qendrave amerikane për kontroll dhe parandalim të sëmundjeve dhe Shoqatës kanadeze për shëndet publik, përderisa të dhënat janë mbledhur vetëm në vitin 2005. Të anketuarit nga 130 shtete u përgjigjën për përdorim të duhanit, për eksponim pasiv të veprimit të tij dhe për reklamimin e cigareve. me anketë janë përfshirë shtete nga gjashtë rajone gjeografike - Afrika, Amerika Jugore dhe Veriore, Azia, Mediterani lindor, Evropa, Azia Juglindore dhe Pacifiku perëndimor.

Nga numri i përgjithshëm i të anketuarve 17,3 për qind janë përgjigjur se përdorin ndonjë nga prodhimet e duhanit. Në Evropë dhe në Amerikë Jugore dhe Veriore përqindje më të madhe të duhanpirësve, 17,7 për qind ka tek njerëzit e rinj, përderisa ky numër është më i vogël në Azinë juglindore dhe paraqet 4,3.

Prodhimet e duhanit më shumë i përdorin djemtë se sa vajzat.

[AlbaneZ]

U terrorizova nga keto foto mer ca boni

Verete te jete kshu edhe une po mar rrugen e Stranos

[Albo]

Shkenca/Të gjithë faktorët që ndikojnë në rifillimin e cigares

Duhani, mënyrat për ta lënë atë

Ekzistojnë disa metoda për lënien e duhanit, megjithatë duhet thënë që duhani lihet shumë më lehtë nga vullneti dhe dëshira e vetë personit sesa çdo lloj metodologjie shkencore e përdorur. Njeriu është një specie tepër e fortë dhe arrin të mbijetojë ndaj çdo lloj eksperience sado e vështirë dhe rraskapitëse qofte ajo: guximi, kureshtja, forca, vullneti dhe dëshira janë armët kryesore dhe triumfuese në duart e tij.

1. Metoda e ftohtë turke
Kjo është metoda më e preferuar dhe përdoret nga të ashtuquajturit njerëz në ndryshim. Është një metodë që arrihet nga vetë personat pa pasur nevojën e përdorimit të zëvendësuesve të nikotinës në formë çamçakëzi, apo spërkatje në rrugë nazale. Faktorë të fortë motivues mendohet të jenë, kushtet e një klime malore, të pasur me oksigjen, ambient i pa ndotur, mjedis i qetë, shoqëri e distancuar nga faktorë riskantë duhanpirësish; në efektshmërinë e kësaj metode.

2. Terapia me zëvendësuesit e nikotinës
Në këtë metodë nikotina e tejçuar nëpërmjet cigares zëvendësohet nga nikotina e transmetuar apo tejçuar, nëpërmjet lëkurës, mukozës së hundës (nikotina e dhënë në rrugë nazale me spërkatje) ose mukozës së gojës (nikotinë e dhënë nëpërmjet çamçakëzëve).

3. Terapia e sjelljes
Strategjitë e terapisë të sjelljes së ndalimit të duhanpirjes janë disa, mes të cilave edhe ekzaminimi i faktorëve ambientalë që predispozojnë sjelljen e duhanpirjes, pikërisht për këtë arsye duhet të hiqni nga qarkullimi elementë riskantë si shkrepëse, postera, etj., dhe të vendosni rregull që në shtëpinë tuaj të mos pihet duhan, në makinën tuaj po ashtu, si dhe mbaj një qëndrim të rreptë ndaj atyre qe e pinë. Identifikoni situata apo ndjenja që riforcojnë tek ju dëshirën për të pirë duhan. Matni dhe monitorizoni sjelljen tuaj prej duhanpirësi, e cila do t'iu ndihmojë të identifikoni reagimin tuaj kur bini në kontakt me faktorë apo situata që ju sjellin në mend dëshirën për të pirë duhan. Zëvendësoni një sjellje me një tjetër, hani karota çamçakëz, kokoshka, përdorni kruajtëse dhëmbësh, bëni stërvitje, sport, palestër. Fokusohuni në një shpërblim personal, çka do të thotë që ju duhet të planifikoni se nëse arrini ta lini duhanin ju mund të fitoni diçka, imagjinoni se çfarë mund të bëni me gjithë ato para të fituara, mendoni rreth të mirave që ka lënia e duhanit, si mund të jetoni më gjatë, të merrni frymë më lirshëm, etj. Fokusohuni në një shpërblim shoqëror, kjo do të thotë se është mirë ta imagjinoni veten ndërsa u thoni të tjerëve që nuk jeni duhanpirës, të kërkoni një tavolinë apo ambient jo duhanpirës në një restorant, të ndihmoni të tjerët se si ta lënë duhanin, ëndërroni momentet kur të tjerët do të çuditen nga aftësia dhe suksesi juaj në lënien e duhanit.

4-Terapia njohëse
Përdor konceptin e marrjes së përgjegjësive për mendimet personale, duke ndihmuar në ndryshimin e mënyrës se si një person mendon, duke shtuar shpresën dhe bindjen në suksesin e kapërcimit të barrierave, si dhe në identifikimin e disa mendimeve irracionale dhe bindjeve të gabuara të brumosura në mendjen e duhanpirësve.

5-Metoda të tjera
Metoda të tjera për lënien e duhanit mund të jenë edhe mjekësore, Kështu clonidinë është një ilaç për presionin e gjakut, që është përdorur në trajtimin e mbidozës me heroinë në sajë të veprimit të saj në sistemin nervor qendror si pre-sinaptik alfa2 adrenergjik agonist. Me fjalë të tjera, ai inhibon sistemin e adrenalinës dhe redukton dëshirën për pirje të duhanit në disa individë. Bupropion është një antidepresiv i përdorur për të reduktuar dëshirën për të pirë duhan dhe në mbidozë, dhe tani ai përdoret si suplementar në trajtimin e lënies së duhanit. Ai mund të ndihmojë në rritjen e shkallës së qëndrimit larg duhanit, më shumë sesa përdorimi i patchit dhe ndihmon në zbutjen e shqetësimit dhe simptomave të depresionit, të cilat janë të zakonshme në personat që janë në procesin e lënies së duhanit. Doza fillestare është 75 mlg dy herë në ditë dhe më pas doza rritet gradualisht deri në nivelet maksimale 300 mlg në ditë në doza të ndara.

Keshilla

1- Hiqni nga qarkullimi elementë riskantë si shkrepëse, postera
2- Vendosni rregull që në shtëpinë tuaj të mos pihet duhan, në makinën tuaj po ashtu, si dhe mbani një qëndrim të rreptë ndaj atyre që e pinë.
3- Identifikoni situata apo ndjenja që riforcojnë tek ju dëshirën për të pirë duhan.
4- Matni dhe monitorizoni sjelljen tuaj prej duhanpirësi, e cila do t'iu ndihmojë të identifikoni reagimin tuaj kur bini në kontakt me faktorë apo situata që ju sjellin në mend dëshirën për të pirë
5- Zëvendësoni një sjellje me një tjetër, hani karota, çamçakëzë, kokoshka, përdorni kruajtëse dhëmbësh, bëni stërvitje, sport, palestër.

Duhani

Përdorimi i alkoolit ndikon në rifillimin e duhanit
Pirja e alkoolit është një nga shkaqet me frekuente në ecurinë e ripërsëritjes. Ka shumë arsye përse kjo ndikon në këtë drejtim, por e fundit fare e tyre është që ju duhet të këshilloheni që të mos pini alkool të paktën gjatë muajve të parë mbasi e keni lenë duhanin. Sipas specialistëve, një gotë me alkool bëhet gjithmonë shkaku për të rinisur cigaren edhe në ato raste kur kanë kaluar më shumë se tre muaj që e keni lënë.

Mecamylamine, molekula që "largon" cigaren
Kjo molekulë vepron si një antagonist i receptorëve nikotinikë në sistemin qendror nervor dhe ekzistojnë disa mendime me baza klinike që sugjerojnë se përdorimi i saj mund të çojë në lënien e duhanit, si pasojë e bllokimit të efekteve euforike të nikotinës, ndërsa përdoret i shoqëruar. Mecamylamine e kombinuar me patchin nikotinik e lehtëson procesin e lënies së duhanit shumë më tepër sesa përdorimi i vetëm i patchit.

Shkalla e vetëkontrollit, bindja dhe dëshira
Përdorni një shkallë nga 1-10 , shkruani një numër nga 1 në 10 duke reflektuar sesa jeni në gjendje të kontrolloni ndjenjat dhe dëshirat tuaja, sa bindës jeni për vetveten apo sa e madhe është dëshira që ju zotëron, kjo do t'iu ndihmojë për të fokusuar mendimet tuaja në këto çështje dhe ju mund të identifikoni në këtë mënyrë kohët në të cilat ju jeni më shumë apo më pak vulnerable (i dobët) dhe këto do të jenë informacione tepër të vlefshme për ecurinë tuaj.

Përgatiti: Blerina KACA

[Albo]

Qeveria: JO duhanit nen 18 vjec

E Merkure, 19 Korrik 2006

Nje projektligj i hartuar nga specialistet e Ministrise se Shendetesise dhe qe pritet te miratohet sot ne Keshillin e Ministrave parashikon ndalimin e pirjes se duhanit ne vende publike dhe nje seri kufizimesh per shitjen e tij. Nga mesazhet e detyruara ne paketa deri tek ndeshkimet

Qeveria vendos t’i thote “stop” shitjes se duhanit per te miturit, ndalimin e pirjes se tij ne vende publike dhe nje seri kufizimesh per shitjen e tij. Nje projektligj i hartuar nga specialistet e Ministrise se Shendetesise dhe qe pritet te miratohet sot ne Keshillin e Ministrave mbrojtjen e konsumatoreve te duhanit dhe informimin e tyre mbi rreziqet e tij, ashtu sikurse edhe kufizimin e perdorimit te tij, bashke me ndalimin e reklamave dhe promocioneve per te. Ne shume vende te botes jane ndermarre nisma te fuqishme per ndalimin e reklamave te produkteve te duhanit. Reklama per duhanin dhe sponsorizimi prej tij njihen si nje nga faktoret kryesore qe nxitin publikun, dhe ne vecanti adoleshentet, per te pire duhan.

Projektligji “Per mbrojtjen e shendetit nga produktet e duhanit, sipas hartuesve te tij, parashikon qarte masat ndaluese dhe ndeshkuese per perdorimin e produkteve te duhanit ne institucione dhe mjedise te mbyllura publike. Pervecse do te jete i ndaluar ne menyre kategorike dhe ne cdo lloj forme t’u shitet personave nen 18 vjec, projektligji parashikon vendosjen e rregullit edhe ne lidhje me reklamat e produkteve te duhanit dhe ndalon reklamimin e duhanit ne median elektronike dhe ate te shkruar, ne institucionet publike, shendetesore, arsimore, ne mjetet e transportit (me perjashtim te atyre qe transportojne produkte duhani), ne institucionet sportive, si edhe ne mallra qe nuk jane vete produkte te duhanit, por kane te shkruar emrin e nje marke duhani. Nuk behet fjale per librat teknike, revistat dhe botimet e tjera profesionale qe paraqesin vetite e duhanit dhe produkteve te tij, dhe qe destinohen ekskluzivisht per prodhuesit dhe shitesit e ketyre produkteve. Eshte saktesuar gjithashtu qe largesia midis dy reklamave te njepasnjeshme nuk duhet te jete me e vogel se 200 metra.

Projektligji ndalon sponsorizimin e aktiviteteve me natyre sportive ose kulturore nga firmat e specializuara ne prodhimin dhe ose tregtimin e produkteve te duhanit. Specialistet e Ministrise se Shendetesise thone se do te jete i ndaluar prodhimi dhe tregtimi i produkteve te duhanit qe permbajne me shume se parametrat e lejuara katran, nikotine dhe monoksid karboni. Kufiri i fundit i lejuar i ketyre perberesve eshte 10 miligrame katran per cigare, 1 nikotine per cigare dhe 10 monoksid karboni. Parashikohen te behen teste per matjen e ketyre perberesve sipas standardeve nderkombetare. Te dhenat per sasine e katranit, nikotines dhe monoksidit te karbonit duhet te shenohen ne pjesen e siperme ose te pasme te paketes. Shkrimi duhet te jete me ngjyre te ndryshme nga ajo e paketes dhe me germa me madhesi mbi 3 mm dhe trashesi mbi 0,33 mm.

DETAJE

Mesazhet e detyruara

Sipas projektligjit, ne paketen qe permban produkte te duhanit duhet te figurojne mesazhe paralajmeruese mbi demet shendetesore qe mund te sjelle perdorimi i tyre. Keto mesazhe duhet te zene mbi 40 % te siperfaqes se pjeses se perparme te paketes. Ne paketen qe permban produkte duhani duhet te figurojne gjithashtu te shkruara ne gjuhen shqipe emri i produktit, emri dhe adresa e fabrikes prodhuese, numri i pjeseve te produktit te duhanit ne cdo pakete, sasia e nikotines, sasia e katranit, sasia e monoksidit te karbonit. Nese produkti nuk eshte paketuar nga prodhuesi i tij, paketa duhet te permbaje edhe emrin e paketuesit.

Etiketat mashtruese

Projektligji ndalon perdorimin e termave “me permbajtje te ulet katrani”, “e lehte”, “ultra e lehte”, “e bute”, apo terma te tjere analoge qe kane per efekt te japin nje pershtypje te gabuar qe nje produkt i duhanit eshte me pak i demshem se te tjeret.

Kufizimet ne shitje

Ne projektligj ndalohet shitja, dhenia ose furnizimi me produkte te duhanit, personave nen moshen 18 vjec. Parashikohet qe te gjitha pikat e shitjes te pajisen me tabele te dukshme dhe te lexueshme, ku te shkruhet “Ndalohet shitja e produkteve te duhanit personave nen 18 vjec”. Eshte e ndaluar edhe shitja me makina shitese automatike, me ane te vetesherbimit, shitja ne rruge ose nga shites ambulante dhe shitja nepermjet sherbimit postar. Po keshtu, ndalohet shitja me pakice te produkteve te duhanit te papaketuara ose me demtime, ashtu sikurse ndalohet ne menyre kategorike ofrimi falas i produkteve te duhanit nga subjekte qe i prodhojne ose tregtojne ato.

Ku do te pihet duhan

Ligji parashikon krijimin e ambienteve te caktuara per pirje duhani, qe nuk do te zene me shume se 35 % te siperfaqes totale te ambientit te mbyllur. Pra, ne 65 % te ambienteve te lokaleve dhe restoranteve nuk do te lejohet pirja e duhanit dhe ne pjesen tjeter po. Ne trena do te caktohet nje vagon i vecante, ku do te lejohet duhan-pirja.

Dhenia e licences

Ligji sakteson se ne ambientet publike ekzistuese, ambienti i caktuar per pirjen e duhanit duhet te krijohet brenda 6 muajve pas hyrjes ne fuqi te ligjit, nga personi juridik ose fizik i cili eshte pronari ose administruesi i ambientit. Per ambientet publike qe do te krijohen pas hyrjes ne fuqi te ligjit, krijimi i ambientit te vecante per pirjen e duhanit do te jete nje nga kushtet per dhenien e licences per ushtrimin e aktivitetit per te cilin ajo kerkohet. Pronari ose administruesi i ketyre ambienteve duhet te vendose shenja te dukshme per kufizimin e pirjes se duhanit si dhe vendndodhjen e ambienteve te caktuara per pirjen e duhanit. Ai eshte pergjegjes per zbatimin e te gjitha kufizimeve.

Gjobat dhe penalizimet

Per personat qe kapen duke pire duhan ne vende te ndaluara eshte parashikuar nje gjobe prej 2 mije leke, ndersa ne keto raste per pronarin ose administruesin e ambientit gjoba eshte 10 mije leke. Ndeshkimet dhe gjobitjet jane te ndryshme, ne varesi te shkeljeve te konstatuara.

[vrojtuesi]

Ja edhe këto foto:

[Davius]

Pirja e duhanit ka dalë nga moda?

Gjithnjë e më pak të rinj në Gjermani i drejtohen cigares

Qoftë mbërmjeve në diskotekë apo edhe thjesht në shtëpi për çlodhje: shumë të rinj gjermanë pijnë duhan. Kush pi duhan është i shpenguar. Shpesh të rinjtë nuk e dinë se sa i rrezikshëm është konsumimi i cigareve, ose nuk ka rëndësi për ta. Por tani është publikuar një studim i ri, i cili tregon se gjithnjë e më shumë të rinj thonë "Duhanit është jashtë mode"!

Maximilian-i është 16 vjeç dhe ka dy vjet që pi duhan. "Pirja e duhanit më bën të ndjehem mirë. Kur kam shumë stres dhe pij një cigare, jam menjëherë shumë më i çliruar. Përveç kësaj, nuk besoj se duhani dëmton shëndetin, sepse edhe gjyshi im pinte duhan dhe u bë 90 vjeç." I dëmshëm për shëndetin sigurisht që është duhani, siç tregojnë studimet mjekësore. Dhe mbi të gjitha pirja e tij acaron të tjerët, siç shprehet nxënësja 18 vjeçare Laura.

"Më duket e neveritshme kur të tjerët ndezin cigaren në praninë time, sepse kështu më bien më qafë edhe mua me duhanin. Të gjithë duhet ta kishin të qartë se sa i rrezikshëm është duhani, kur kudo tregohet rreziku që nga paketat e cigareve e me radhë." Me broshura informuese, reklama në gazeta dhe në televizion paralajmërohen të rinjtë në Gjermani për dëmin e duhanit për shëndetin. Një faqe interneti u ofron të rinjve ndihmë për lënien e duhanit. Të gjitha këto janë pjesë e fushatës "Pa Duhan", të organizuar nga viti 2001 prej qendrës kombëtare për sqarime shëndetësore.

Të dhënat tregojnë se fushata ka qenë e suksesshme. Një sondazh ndër 3.600 të rinj tregon se numri i 12 deri 19 vjeçarëve që pijnë duhan ka rënë vitet e fundit - megjithatë 55 për qind pijnë duhan pak a shumë rregullisht. Në Gjermani është e ndaluar pirja e duhanit para moshës 16 vjeç. Megjithatë të rinjtë mund të blejnë pa probleme cigare në automatë. Kjo do të ndryshojë vitin e ardhshëm. Atëherë cigaret në automatë nuk mund të blihen më me monedha por vetëm me karta krediti. Në to ruhet edhe datëlindja e zotëruesit. Atëherë blerja për nën 16 vjeçarët bëhet e vështirë.

Leonie Seifert

[Cimo]

Organizata Botërore e Shëndetësisë llogarit se çdo 6, 5 minuta në botë vdes një njeri nga pasojat e pirjes së duhanit. Këtë vit, dita kundër pirjes së duhanit shënohet me moton: "Duhani dhe varfëria - një rreth i djallit". Drejtorja e Organizatës Botërore të Shëndetësisë, Catherine le Gales – Camus, e përshkruan këtë rreth me këto fjalë: "Studimet tregojnë se njerëzit me të ardhura më të vogla dhe ata me një nivel më të ulët shkollimi konsumojnë më shumë duhan. Ata janë personat që ndoshta do të kenë edhe pasojat më të rënda. Kjo e rëndon gjendjen e tyre ekonomike edhe më shumë".
Sëmundjet dhe vdekja si pasojë e pirjes së duhanit, siç dëshmojnë raportet vjetore të Organizatës Botërore të Shëndetësisë, godasin gjithnjë e më shumë pikërisht vendet e pazhvilluara. Shikuar nga numrat del se 84 për qind e të gjithë njerëzve që pijnë duhan jetojnë në vendet në zhvillim. “Rrethi i djallit” me pirjen e duhanit do të thotë edhe se ky mëkat shpenzon edhe më shumë buxhetin edhe ashtu të ulët familjar. Për këtë ekzistojnë edhe dëshmi të shumta. Douglas Bettcher, shef i iniciativës për luftimin e pirjes së duhanit, paraqet edhe disa shembuj konkretë. "Rreth 10,5 milionë njerëz në Bangladesh do të siguronin një ushqim më të mirë me paratë që shpenzojnë për duhan. Nga buxhetet familjare të duhanxhinjve jepen dhjetë herë më shumë para për cigare sesa për shkollim. Në Bombej të Indisë, për shembull, njerëzit pa kulm mbi kokë shpenzojnë më shumë për duhan sesa për ushqime dhe nevoja të tjera. Ndërsa rreth 40 për qind e të ardhurave të studentëve ose punëtorëve në Nigeri jepet për cigare”. Por kjo nuk është e vetmja: Organizata Botërore e Shëndetësisë llogarit se nga pasojat e pirjes së duanit gjithnjë e më shumë rëndohet edhe sistemi shëndetësor. Sipas të dhënave të Bankës Botërore, gjashtë deri 15 për qind e të gjitha shpenzimeve të sistemit shëndetësor në vendet e zhvilluara industriale jepen për shërimin e sëmundjeve nga duhani. Për vendet e varfëra nuk ekzistojnë të dhëna të sakta, por është e ditur se në Egjipt ose në Kinë për shembull të dhënat për këto qëllime janë jashtëzakonisht të larta. Prandaj, Organizata Botërore e Shëndetësisë energjikisht kundërshton argumentet e industrisë së prodhimit të duhanit, e cila pohon se me prodhimin e tij sigurohen mirëqenia dhe vende pune. Kjo organizatë ka shpresa të mëdha te konventat kundër duhanit. "Konventa imponohet si një zgjidhje globale. Miratimi i saj vitin e kaluar ishte një arritje shumë e madhe. Ajo paraqet një sukses dhe procesi shkon edhe më tutje. Deri tani kemi 118 nënshkrime të saj, ndër të cilat edhe BE, ndërkohë që priten edhe 16 ratifikime të tjera", - thotë ai. Secili shtet, i cili i bashkëngjitet kësaj konvente, pranon se pirja e duhanit është një problem global me pasoja shumë serioze për shëndetësinë. Ai obligohet që të marrë edhe masa të posaçme për luftimin e kësaj dukurie. Para futjes në fuqi të kësaj konvente, ajo duhet të miratohet në të paktën 40 vende të ndryshme të botës, ndërkohë duhet të miratohen edhe ligjet konkrete kundër pirjes së duhanit.

gazeta-albania