Darvinizmi Social siguroi mbështetje për racistët dhe imperialistët edhe në vendet e tjera krahas Britanisë.Kjo ishte arsyeja që ai u përhap shumë shpejt në mbarë botën.Në krye të atyre që pajtoheshin me këtë teori u vu presidenti amerikan Teodor Ruzvelt , i cili ishte përkrahësi dhe zbatuesi kryesor i programit të spastrimit etnik të amerikanëve vendas nën emrin “ zhvendosje e detyruar “.Në librin “ The winning of the West “ ( Fitorja e Perëndimit ) , ai parashtroi ideologjinë e masakrës , me mendimin se një luftë raciale deri në fund me indianët ishte e pashmangshme.
Mbështetjen më të madhe ai e gjente te Darvinizmi , i cili i dha mundësinë për t’i përkufizuar vendasit si racë e prapambetur.
Siç ishte parashikuar Ruzvelti , asnjë nga marrëveshjet me amerikanët vendas nuk u respektua.Edhe kjo u justifikua me teorinë e “ racës së prapambetur “.Në vitin 1871 , kongresi nuk i mori parasysh marrëveshjet e bëra me amerikanët vendas dhe vendosi t’i degdiste ata në tokë djerrë ku mund të prisnin vdekjen.Nëse anëtarët e palës tjetër nuk konsideroheshin qenie njerëzore , atëherë si mund të kishin vlerë marrëveshjet e bëra me ta .. ?! Ruzvelti , gjithashtu , deklaroi se lufta raciale e lartpërmendur përfaqësonte arritjen kulminante të përhapjes së popujve anglishtfolës ( anglo – saksonë ) në të gjithë botën.Një nga përkrahësit më të mëdhenj të racizmit anglosakson , evolucionisti amerikan dhe kleriku Protestant Josiah Strong , përdori të njëjtën logjikë.
Dikur ai shkroi këto fjalë : “ Atëherë bota do të hyjë në një stad tjetër të historisë së saj , në konkurrencën përfundimtare mes racave , për të cilën po stërvitet anglo – saksoni.Nëse nuk gabohem , kjo racë e fuqishme do t’i drejtohet Meksikës , Amerikës Qendrore dhe Jugore , do të hapet nëpër ishuj e detra , do të kalojë në Afrikë e më tutje .” A mundet të vërë ndonjëri në dyshim se rezultati i kësaj konkurrence do të jetë mbijetesa e më të fortit? Racistët më kryesorë që e përdornin Darvinizmin Social për të justifikuar veprimet e tyre ishin armiqtë e zezakëve.Teoritë e tyre raciste , që i ndanë njerëzit në nivele dhe përcaktuan racën e bardhë si më superiore dhe racën e zezë si më primitive , e përqafuan me entuziazëm konceptin e evolucionit.Teoricieni racist evolucionit më i shquar , Henry Fairfiled Osborn , shkroi në një artikull me titull : “ Evolucioni i racave njerëzore “ thotë:
“ Niveli i inteligjencës së një zezaku mesatar në moshë madhore është i ngjashëm me atë të një fëmije 11 vjeçar të species Homo Sapiens “ . Duke u nisur nga kjo logjikë , zezakët nuk ishin aspak qenie njerëzore.Një tjetër përkrahës i njohur i mendimit racist evolucionist , Careton Coon , në librin e tij “ The Origin of Race “ ( Prejardhja e Racës ) , botuar më 1962 , paraqiti idenë se raca e zezë dhe e bardhë ishin dy specie të ndryshme që ishin shkëputur nga njëra – tjetra qysh në periudhën e Homo Erectus.Sipas Coon , të bardhët kishin evoluar më tej pas kësaj ndarjeje.Përkrahësit e diskriminimit të zezakëve e përdorën për një kohë të gjatë këtë shpjegim pseudoshkencor.Ekzistenca e një teorie shkencore mbështetëse shumë shpejt e shtoi racizmin në Amerikë. W. E . Dubois , i njohur si kundërshtar i diskriminimit racial , pohoi se “ problemi i shekullit të XX është problemi i ngjyrës “. Sipas tij , shfaqja e problemit të racizmit në masë kaq të gjerë në një që vend kërkon të bëhet shteti më demokratik në botë dhe që nga disa këndvështrime e ka arritur një gjë të tillë , nuk është më i parëndësishmi nga paradokset.
Heqja e skllavërisë nuk ka mjaftuar të vendosë një vëllazërim mes zezakëve dhe të bardhëve.Ai mendonte se diskriminimi zyrtar , i krijuar në një kohë të shkurtër , në kohën tonë është kthyer nga vetë fakti në një situate ligjore , për të cilën po kërkohet ende një zgjidhje.Dalja e ligjeve të para për diskriminimin racial , të njohura si “ Ligjet për Xhim Krou “ ( Xhim Krou ishte një nga emra më përbuzës që përdornin të bardhët për zezakët ) , ndodhi , gjithashtu , në atë kohë.
Pa dyshim që zezakët nuk trajtoheshin si qenie njerëzore , por përçmoheshin e trajtoheshin me përbuzje kudo : për më tepër , ky nuk ishte qëndrimi i një numri të vogël individësh racistë , por ishte përcaktuar prej shtetit amerikan me ligjet e veta.Menjëherë pas nxjerrjes së ligjit të pare që miratonte veçimin racial në stacione treni dhe tramvaje në Tenesi , në vitin 1875 , të gjitha shtetet e Jugut e zbatuan veçimin në stacionet e tyre të trenit.Tabelat ku shkruhej “ Vetëm për të bardhët “ dhe “ Për zezakë “ vareshin gjithandej.Në fakt , të gjitha këto , thjesht synonin t’i jepnin statusin zyrtar një situate që tashmë ekziston.Martesa ndërmjet racave të ndryshme ishte e ndaluar.Sipas ligjit , veçimi ishte i detyrueshëm në spitale , burgje dhe varreza.Në praktikë , kjo përfshinte hotelet , teatrot , bibliotekat , madje edhe ashensorët e kishat.Fusha ku ndjehej më shumë veçimi ishte shkolla.Kjo ishte metoda që pati efektet më të rënda te zezakët dhe përbënte pengesën më të madhe që i dilte përpara zhvillimit të tyre kulturor.Praktikimi i veçimit racial u shoqërua nga një valë dhune.Pati një ngritje të shpejtë në numrin e dënimeve të zezakëve pa gjyq të ligjshëm.
Gjatë periudhës 1890-1891 , rreth 1300 zezakë u dënuan në këtë formë.Si rrjedhim i këtyre praktikave , zezakët u larguan nga disa shtete.Shumë mendime e teori raciste e shoqëruan këtë periudhë.Pa kaluar shumë kohë , racizmi biologjik amerikan do ta shprehte veten në rezultatet e arritura nga metoda e R . B . Binit për matjen e kafkës dhe nën pretekstin e mbrojtjes së popullit të kontinentit të ri nga një valë emigrimi e pakontrolluar , lindi një lloj i veçantë racizmi amerikan.Madison Grant , autor i librit të tij
“ The Passing of The Great Race “ ( 1916 ) ka shkruar se përzierja e dy racave do ti hapte rrugën ardhjes së një race akoma më primitive se speciet inferiore dhe ai donte që martesat ndër – raciale të ndaloheshin me ligj.Racizmi ekzistonte në Amerikë edhe përpara Darvinit , siç ekzistonte në të gjithë botën , por Darvinizmi u dha mbështetje të dukshme pikëpamjeve dhe politikave raciste në gjysmën e dytë të shekullit XIX.
Kur racistët paraqisnin pikëpamjet e tyre , përdornin si sllogane pretendimet e Darvinizmit . Idetë që para Darvinit ishin konsideruar si mizore , tani filluan të pranohen si ligje të natyrës.
Ku Klux Klan
Që nga viti 1978 , aktivitetet e tyre janë shtuar , megjithëse kanë pasur ulje dhe ngritje.
Statistikat zyrtare të viteve 1980 – 1990 tregojnë 4236 incidente , si :
kërcënime , sulme shpërthyese dhe atentate vrasëse.
Një paralajmërim shqetësues është fakti se 11 % e amerikanëve e identifikojnë vetveten me “ Idealet e Klan-it “ !
FATKEQËSITË QË
SOLLI DARVINIZMI PËR NJERËZIMIN
Harun Jahja
Përgjigju Duke Cituar
Postuar më parë nga fisniku-student
Krijoni Kontakt