Si Të Marrësh Një Vendim Të Qëlluar ?

[Gimi3]

Si të marrësh vendim …

Procesi i vendimmarrjes konsiderohet funksion kryesor dhe parësor në fusha të ndryshme jetësore.Ai është procesi i një studimi të mprehtë , në të cilin kërkohet të studiohet problemi apo detyra në fjalë për të përcaktuar zgjedhjet e mundshme për arritjen e zgjedhjes më të mirë dhe pastaj merret vendimi për zbatimin e asaj zgjedhjeje.

Kategoritë e njerëzve në vendimmarrje :

I luhatshmi

Njerëzit që përfshihen në këtë kategori zakonisht nuk mund të përcaktohen për një vendim përfundimtar ; me të marrë një vendim të caktuar , sakaq e ndërrojnë atë
( sigurisht për shkak se nuk kanë besim të forte në fuqitë dhe mundësitë e tyre personale.Mu për këtë , në situatat kur duhet marrë një vendim i prerë , ata i kaplon pasiguria dhe ndiejnë një siklet në vetvete ).

Pretendues i përsosmërisë

Kjo kategori mbledh sasinë më të madhe të mundshme të informative dhe kalon kohë të tepërt duke i studiuar ato , çka është një punë e mirë nëse nuk shkakton vonim të vendimmarrjes.Pikërisht kjo e bën këtë kategori jo të efektshme në vendimmarrje të shpejtë.

Emocionali

Kjo kategori karakterizohet nga besimi i madh në emocione dhe në ndjenja , çka e shtyn të marrë në konsideratë edhe mendimet e të tjerëve.Më në fund ai e merr vendimin , në të shumtën e rasteve , mbështetur në ndjenjat e veta.

I nguturi

Kjo mënyrë e vendimmarrjes karakterizohet nga humbja e durimit dhe nga pëlqimi i rrezikimit.Ky tip karakterizohet nga personaliteti i fortë dhe nuk i interesojnë fort informatat.Mund të ndodhë që nganjëherë vendimet e tij të ngutura të shkaktojnë zgjënjim

Paqedashësi

Ky lloj vendimmarrësi ikën nga përgjegjësia e vendimmarrjes dhe parapëlqen që dikush tjetër në vendin e tij ta marrë këtë përgjegjësi , me qëllim që t’i ikë rrezikimit.Në rast gabimi , ai e hedh fajin tek ata që kanë nxitur të marrë vendin përkatës.

Hetuesi

Ky lloj karakterizohet nga dyshime të shumta dhe mosbesim te të tjerët , gjë që e shtyn t’i zbulojë të gjitha gjërat vetë.Ai pyet për ata të cilët janë rreth tij para se të marrë vendim.Vendimin i tij mbështetet në rezultatin e pyetjeve të parashtruara dhe në përgjigjet e tyre.

Demokrati

Ky lloj parapëlqen të mblidhet me ekipin e punës për të diskutuar dhe për të dëgjuar mendimet e tyre për çështjen në fjalë , ose për një problem actual.Ky vendim mbështetet në mbledhje grupi dhe në zgjedhje të përbashkët.Problemi i këtij lloji është se nganjëherë mund të mos gjejë njerëz për t’u konsultuar.

Vendimi i momentit të fundit

Kjo kategori nuk nxiton për të marrë vendime kur ka kohë për këtë , por e vonon vendimmarrjen për çfarëdo shkaku qoftë , derisa të vijë në një gjendje presioni ( atëbotë nuk do të ketë zgjedhje tjetër veçse të improvizojë një vendim ) .

Shkaqet e marrjes së vendimit të gabuar :

1.Tensionimi dhe presionet e punës
2.Mendimi i ngushtë
3.Pretendimi i së përkryerës
4.Të qenurit i ndikuar nga ndjenjat dhe emocionet
5.Frika
6.Zemërimi
7.Faktorët e jashtëm
8.Keq-organizimi

[xhuliana]

karakteri i njeriut influencon shume ne aspektin e marrjes se vendimeve...... ne momentin kritik te zgjedhjes mendoj se eshte e nevojshme te kesh informacionet me te shumta te mundshme...dmth eshte e nevojshme te komunikosh me te tjeret...te degjosh opinionet e tyre....experiencat e tyre te ndryshme pastaj ti konfrontosh...ti vleresosh pastaj ne fund te zgjedhesh....e te marresh 1 vendim...
ne pergjithsi njeriu nuk eshte i priprur te beje kete lloj arsyetimi dhe ta veje ne praktike se eshte me i prirur te vendose ne menyre instinktive....duke u influencuar kenshtu nga tipi i karakterit te tij...

[Gimi3]

1.Përpiqu të mësohesh të marrësh vendime çdo ditë , edhe po që se nuk janë të rëndësishme , që të ushtrohesh për të kapërcyer pengesat e frikës dhe të luhatjes.

2.Merr mësim nga përvojat e kaluara , qofshin të gabuara apo të qëlluara , duke korrigjuar pikat e dobëta dhe duke forcuar pikat e forta.

3.Mos merr vendim duke u mbështetur vetëm në mendimin tend , posaçërisht në çështjet që kërkojnë punë ekipore.Konsultohu me të afërmit dhe kolegët e tu që të merrni një vendim ekipor.

4.Shiko çështjet nga shumë këndvështrime dhe gjithnjë kujto se çdo gjë ka 3 pikëpamje :
pikëpamja jote , pikëpamja e personit tjetër dhe pikëpamja e vërtetë.

5.Kur të gjykosh për ndonjë qëndrim ose person , mos u mbështet në emocionet e tua , por studio të gjitha pikëpamjet e mundshme.

6.Mos të mashtrojë posti yt dhe mos beso se vendimi yt është i drejtë vetëm sepse je në pozitë udhëheqëse.Vendimet e tua duhet të bazohen mbi të vërtetat dhe informatat që ke dhe jo mbi mundësitë që të jep posti.

7.Kur ke marrë ndonjë vendim dhe ke nisur ta zbatosh atë , por ndërkohë të bëhet e qartë se duhet të bësh ndryshimet e nevojshme , bëhu i fortë dhe i gatshëm për to , sepse kjo të jep sukses.

8.Mos përdor fjalë me kuptim të përgjithësuar ( p.sh. : gjithnjë , asnjëherë , çdo e të ngjashme ) , ngase është lehtë të vërtetohet jopreciziteti i tyre , prandaj bëhu më preciz dhe më i saktë.

9.Përcill zbatimin e vendimeve që ke marrë dhe sigurohu që ato të zbatohen.

10.Më së fundi , dëshiroj të të kujtoj se jeta kërkon nga ti të armatosesh ( me cilësi të mira ) , të jesh trim dhe i gatshëm për të marrë vendime të suksesshme dhe të guximshme.

Shihe problemin nga këndvështrime të ndryshme dhe kujto se çdo gjë ka 3 këndvështrime.