Buzëqeshja

[Gimi3]

A mund ta dini se çfarë tregon buzëqeshja ?

Para se të futeni në mendime për llojet e buzëqeshjeve dhe deshifrimin e simboleve të saj , do të doja t’ju ndëprisja mendimin që t’ju them se buzëqeshja është një labirinth i madh.
Njeriu mundohet ta përmbajë atë dhe të mos e shprehë , por kjo nuk është e mundur.Ndonjëherë buzëqeshja është gjëja më e dashur , por ndonjëherë është shprehje e ndonjë dhimbjeje të thellë , siç thuhet : “ të buzëqeshësh nga vështirësia “
Në përgjithësi buzëqeshja është mënyrë për të shprehur gëzim dhe shpeshherë reagim ndaj ndonjë ngacmuesi në shpirt , i cili çon sinjale në tru dhe kështu psikika dhe trupi i njeriut përgatitet për të qeshur.
Më në fund , buzëqeshja është e llojllojshme dhe temë hulumtimi e studiuesve , të cilët janë thelluar në fshehtësitë e saj për të interpretuar fshehtësitë e këtij labirinthi që e bën njeriun të gëzuar.
Buzëqeshja i sjell shumë dobi shëndetit të njeriut.Gjithashtu , ekzistojnë rregulla dhe etika apo standarde të pranuara të sjelljes në lidhje me buzëqeshjen.Të fillojmë me dobitë e buzëqeshjes.

Buzëqeshja forcon imunitetin

Buzëqeshja dhe mahia janë bërë ndër mjetet ndihmëse , krahas teknikave moderne mjekësore , që mjekët përdorin për të shëruar të sëmurët.
Disa ekspertë mendojnë se buzëqeshja e të sëmurëve , futja e gëzimit në ta , ka efekt të drejtëpërdrejtë në sistemin natyror imunitiv të trupit të tyre.Ata bëjnë të ditur se dobia e të qeshurit jo vetëm që përmirëson gjendjen shpirtërore të pacientit , por e përgatit dhe e forcon trupin për t’u bërë ballë sëmundjeve të ndryshme.
Janë bërë shumë studime për të zbuluar ndikimin pozitiv të gëzimit në gjendjen dhe shëndetin e trupit.
Këto studime kanë vënë në pah se njerëzit që kanë përjetuar sulm në zemër ( infarkt ) janë të rrezikuar ta përjetojnë atë sërish dhe t’u ngrihet shtypja e gjakut.Por ata mund të shpëtojnë nga sasitë e mëdha të medikamenteve po që se buzëqeshin çdo ditë nga gjysmë ore.
Shkencërisht është vërtetuar se buzëqeshja shkakton uljen e nivelit të sekrecionit të elementeve kimike , të cilat shkaktojnë gjendjen e tensionimit nervor , si dhe forcon aparatin imunitiv dhe fuqinë e trupit për të duruar dhembjet.

Luftimi i tensionimit nervor

Buzëqeshja luan një rol të rëndësishëm në shërimin e disa sëmundjeve shpirtërore , si depresioni e të tjera.
Psikoterapeutët theksojnë se gëzimi konsiderohet mjet aktiv për t’u çliruar nga shtypja nervore dhe armë për të përballuar situatat e vështira dhe të rënda.Gjithashtu , ndihmon të tejkalohen të gjitha llojet e dhimbjeve.Disa mjekë mendojnë se gëzimi është i dobishëm në qendrat mjekësore , si për mjekët ashtu edhe për pacientët , ngase ndihmon të çlirohen nga presioni nervor që vjen si rezultat i natyrës së rëndë të punës që ata bëjnë.

Fshehtësitë e mahisë

Shkencëtarët kanë filluar të kuptojnë se si përgjigjet truri njerëzor ndaj mahive.
Një revistë shkencore ka publikuar disa fotografi të incizimit të trurit , që tregojnë se ekzistojnë shumë zona në tru të cilat reagojnë ndaj mahive , si për shembull ato që mbështeten në lojëra fjalësh e të tjera.
Një ekip studiuesish nga Universiteti York , në Toronto të Kanadasë , dhe një tjetër nga Instituti i Sëmundjeve Nervore , në Londër , bënë një skenim të tërësishëm të truve të katërmbëdhjetë personave kur ata ishin duke dëgjuar barcaleta të ndryshme , në mënyrë që të definonin dhe të kuptonin shkaqet biologjike të shpirtit humoristic apo të prirjes për humor te njeriu.
Studiuesit shpresojnë që rezultatet e këtij studimi do të ndihmojnë për të kuptuar shkakun e mungesës së shpirtit të humorit te disa persona pas dëmtimit të një pjese të caktuar të trurit.
Studiuesit zgjodhën dy lloje barcoletash . Njëra nga ato ishte , siç e quajnë , barcaletë e shprehjes ( këto barcaleta i shkrova unë sepse studiuesit me sa duket kishin shije të dobët për barcaleta )

P.sh. : Si e mban Kinezi dietën ? Përgjigje : Han me një shtag !!!
Edhe barcaleta tjetër mbështetej në përgjigje gjuhësore : Përse femrat e martuara janë më të trasha se ato të pamartuarat? Përgjigje : E pamartuara vjen tek shtëpia , shikon çfarë ka në frigorifer dhe shkon në shtrat , e martuara vjen tek shtëpia , shikon çfarë ka në shtrat , dhe shkon tek frigoriferi !!!

Përgjigja e trurit ndaj barcaletave

Studiuesit nuk i lejonin subjektet të buzëqeshnin gjatë këtij eksperimenti në mënyrë që dridhjet e trupit që shkaktohen nga ajo të mos shkaktonin rrallim të aparatit që përdorej për të matur buzëqeshjen.Subjektet pastaj vlerësuan nivelin e humorit në barcaletë sipas notimit nga një në pesë.Eksperimenti vuri në pah se ndaj barcaletave gjuhësore reaguan zonat e trurit të veçuara për përpunimin e proceseve gjuhësore.Ndërkohë , kur subjektet dëgjonin barcaletat që bazoheshin në lojë me shprehje , aktivizoheshin zona të tjera të trurit përgjegjëse pë shqiptimin e fjalëve.
Mirëpo studiuesit hetuan se të gjitha llojet e barcaletave ngacmojnë një zonë në tru , zone e cila zakonisht udhëheq sjelljen e njeriut që lidhet me shpërblimin.
Sa here që ngrihej aktiviteti i kësaj zone , ngrihej nota e subjekteve për barcaletën.Studiuesit përfunduan se pjesë të ndryshme të trurit reagonin ndaj barcaletave varësisht nga barcaleta.Por , i tërë truri i njeriut kontrollon një pjesë të vetën e cila është përgjegjëse për të kuptuar humorin / mahinë dhe në rast të dëmtimit të kësaj pjese njeriu humb sensing e humorit.Studimi hedh dritë mbi shkaqet biologjike të sensit të humorit.Ky studim do të ndihmojë të shpjegohet ndikimi i dëmtimit të trurit në prirjen për t’u kuptuar barcaletat apo për t’u kënaqur me to.
Sensi për humor luan rol të rëndësishëm në procesin e mendimit dhe ndërveprimit mes njerëzve në shoqëri.
Shkencëtarët besojnë se është e mundshme që sensi për humor të jetë karakteristikë e veçantë me të cilën shquhet vetëm njeriu.

Pra , ngjallini zemrat tuaja me buzëqeshje .