Asihwatya Rai - Sex simboli i rri

[Bl3ri]

Shikojeni mirë këtë femër. Jo vetëm sepse është një nga femrat më të bukura në botë (Julia Roberts e ka thënë prej kohësh dhe është një kurorë Miss-i që është miratuar zyrtarisht që nga ‘94), por sepse nëse e ardhmja e botës vjen nga Azia, atëherë e ardhmja e kinemasë nuk mund të bëjë dot pa të.


Asihwatya Rai, 33 vjeçe, nga Mangalore, me sy jeshilë, si dhe me një diplomë të përgjithshme në arkitekturë, është aktorja indiane më e suksesshme në botë. E cilësuar si shenjtore në vend, e admiruar për qetësinë e saj dhe talentin e madh në Lindje (përveç recitimit, këndon, kërcen dhe flet pesë gjuhë), ka marrë pjesë në 42 filma (në traditën më të mirë në Bollyvood, që prodhon 900 filma në vit).
Filmi më i famshëm është "Martesa dhe gjykime", që ka si regjisor të famshmin Gunder Chadha. Me një fejesë shumë të zhurmshme me yllin e Bollyvoodit, Abishek Bachachan, është femra e rekordeve: 20 mijë ueb faqe të dedikuara, aktorja e parë indiane e aprovuar nga juria në Kanë dhe e vetmja që ka reklamuar "Pepsin" dhe "Coca-Colan". Në vitin 2004, revista "Time" e ka klasifikuar atë në 100 njerëzit më të fuqishëm të botës, duke e shfaqur në kopertinë si "Fytyra e re e kinemasë".
Ajo, që ndër vite ka refuzuar rolet si "Helena e Trojës" apo Jane Smith nga filmi "Mr & Mrs Smith", sepse nuk përputhen me agjendën e saj, ose shpesh me filozofinë e jetës së saj, nuk e ka zhgënjyer
besimin.
"Është bukur të jesh i rëndësishëm, por më e rëndësishme është të jesh njeri i mirë", shpjegon ajo dhe shton:
"E di sa vlej dhe nëse ndonjë pjesë është e drejtë për mua, do të më vijë pa kërkuar asgjë".

Për dy vjet 8 projekte
Kështu, për dy vjetët e ardhshme, ajo ka në plan tetë projekte shumë të rëndësishme, të cilat do ta çojnë para dhe prapa mes Indisë, Hollywoodit dhe Francës.
I pari është më kolosali, i cili do të shfaqet më 24 prill të këtij viti, është "Ushtria e fundit", që Dino de Laurentiis e ka prodhuar nga bestselleri epiko-historik i Valerio Massimo Manferdit, me regji të Dough Lefterit. Historia na rikthen në vitin 476 pas Krishtit, në legjendaren Legio Nova Invicta, fortesën mbrojtëse të trembëdhjetëvjeçarit Romolo Augustolo, perandori
i fundit i perëndimit. Barbarët e shfarosën, por masakrës i mbijetuan një grup i vogël ushtarësh, që duken të vdekur dhe këtu i vetmi mision është ta lirojnë Perandorin dhe ndihmësit e tyre. Përkrah Colin Firth, Ben Kingsley, Peter Mullan dhe Iain Glen, Asihwatya Rai interpreton Mirën, luftëtaren e patrembur dhe fatlume. Në një gjueti të mërzitshme burrash, ajo prezantohet në skena spektakolare luftimi, duke u hedhur nga lartësi të mëdha dhe për të parën herë, në një banjë seksuale, e mbuluar vetëm me vello.
"Nuk i zgjedh filmat për ta magjepsur publikun apo duke menduar për kinemanë", shpjegon ajo. Dhe, në fakt, ndodh që titulli i parë mes katër prej tyre që presin në rend është "Journey Across the India", një dokumentar mbi mrekullitë e vendit të saj dhe shenjtorin e Taj Mahal. Më pas u kthehet dy filmave popullorë, të frymëzuara nga personalitetet më të rëndësishme të historisë indiane. Me Hrithik Roshan, një seks simbol që në Bollywood e përshkruajë si përzierje mes Brad Pittit, Michael Jacksonit dhe Silvester Stalones, do të interpretojë romancën mes Akbar dhe gruas së tij Jodha Bhai. Për Ketan Mehta, një nga talentet më të mirë të brezit të ri të regjisorëve indianë në "The Rebel", do të jetë Rani Laxmibai, heroina e revoltës kundër anglezëve në vitin 1857. Në fund do të jetë gruaja e "Kumbarit" indian në "Sarkar 2", që prodhuesi dhe regjisori Ram Gopa Varma e ka trajtuar nga saga e Francis Ford Coppolas.
Më pas, kthehemi në Evropë të realizojmë një ëndërr: të recitojë përkrah Meryl Streep, mitit të saj. Rasti titullohet "Chaos", xhirim i ri i filmit francez, drejtuar sot si në vitin 2001 nga Coline Derreau, regjisor i "Tre burra dhe një djep". Një dramë borgjeze ku ajo luan rolin e një prostitute të rrahur rëndë dhe të shtruar në koma, ku një zonjë e mirë i vjen në ndihmë (Streep) dhe ia shpëton jetën. Por, nuk mbaron me kaq.
Në vitin 2008 do të presin edhe Roland Joffe, regjisorin e "Missionit", për filmin "Singulary", frymëzuar nga tragjedia më e madhe kimike e historisë që ka ndodhur në Bhopal, Indi, në vitin 1984, kur një derdhje gazi nga impiantet e amerikanes "Union Carbide" provokoi vdekjen e 20 mijë vetave, duke rrezikuar edhe 500 mijë të tjerë. Aktorja, e cila këtu në debutim edhe si regjisore do të jetë një heroinë indiano-amerikane në "Erin Bronckovich" dhe duke kërkuar babanë e saj, menaxher i industrisë, do të bëhet heroina e 120 mijë të mbijetuarve, të cilët janë të sëmurë kronikë.