Pronat dhe Komunitetet Fetare

[forum126]

Komuniteti Mysliman: Harta e pronave


Lindita Çela
17-03-2007


Ferit Llagami



Komuniteti më i madh fetar në vend mirëpret nismën e qeverisë për hipotekimin e pronave të regjistruara në Arkivë
Myslimanët, 1.8 mln m2 truall në vend

Katolikët: Shteti të zgjidhë në mënyrë sociale çështjen e pronave. Asnjë reagim nga Kisha Ortodokse

TIRANË- Ndryshimi i ligjit, me qëllim hipotekimin e pronave të komuniteteve fetare duket se ka ngazëllyer krerët e këtyre bashkësive në vend. Gati-gati të zhgënjyer nga të gjitha qeveritë për më shumë se 15 vjet, titullarët e komuniteteve fetare nuk kanë ndalur së kërkuari pronat që iu janë konfiskuar gjatë sistemit komunist. Pohojnë se ende nuk janë të qartë për atë nismë të bërë publike nga kryetari i Komitetit të Kulteve, ndërsa shtojnë se mungesa e plotë e dokumentacionit të pronave të komuniteteve fetare në Hipotekë, ka qenë një nga shkaqet kryesore që përgjatë këtyre viteve të mos zgjidhet çështja e pronave. Përfaqësues së komuniteteve fetare thonë se pjesa më e madhe e pronës së tyre ekziston e regjistruar në mënyrë të saktë në Arkivën e Shtetit, ndërkohë që në hipotekë dokumentacioni është i cunguar.

Myslimanët, me dosje të gatshme

Megjithëse kreu i Komitetit Shtetëror për Kultet, Rasim Hasanaj, ka deklaruar vetëm para pak ditësh ndryshimet e ligjit mbi pronat, për krerët e komunitetit mysliman duket se ky hap ka qenë i pritshëm. Edhepse Selim Muça pohon se nuk është në dijeni të nismës së marrë nga Komiteti i Kulteve, në drejtorinë e pronave të Komuniteti Mysliman, duket se ka kohë që po punohet në këtë drejtim. Ferit Llagami ka në zyrën e tij thuajse të gjitha dosjet e pronave që ekzistojnë të regjistruara në Arkivën e Shtetit. Llagamika në dosje të veçanta të gjitha pronat e Komunitetit Mysliman që nga Vermoshi e deri në Konispol. Në fakt, nga ajo sa deklaron Ferit Llagamiduket se Komuniteti Mysliman është ndër komunitetet fetare më të pasura në vend. Pothuajse nuk ka qytet të vendit që kryesia e Komunitet Mysliman të mos pretendojë të drejtën e pronësisë.

Në bazë të dokumentacioneve që ekzistojnë në këtë institucion thuhet se ata gëzojnë të drejtën e pronësisë në 1 815 815 m2 truall në të gjithë vendin. "Vetëm 246 523 m2 e kësaj sipërfaqeje i është rikthyer Komunitetit Mysliman",-ka thënë Llagami. Sipas tij, është rikthyer një sipërfaqe kaq e vogël për shkak se në hipotekë nuk ka pasur dokumente. Po sipas Ferit Llagamit, një tjetër problem për këtë komunitet është tjetërsimi i pronës.

Drejtori të thotë se ky komunitet ka përfituar nga kthimi i pronave në një masë 60 % në kryeqytet, ndërsa në qytetet e tjera si Durrës, Lushnje, Kavajë, Peshkopi, Vlorë nuk ka përfituar thuajse asgjë. Mësohet se Komunitetit Mysliman i është rikthyer pjesërisht pronanë Tiranë, Durrës dhe Shkodër, kjo pas seancave të stërzgjatura gjyqësore. E ndërsaFerit Llagami thotë se ka gati të gjitha dosjet e pronave, kreu i myslimanëve mezi pret miratimin e projektligjit të ndërmarrë nga Komiteti i Kulteve. Sipas Selim Muçës, rikthimi i këtyre pronave do të sillte pavarësinë e plotë të Komunitetit Mysliman nga fondacionet e ndryshme që veprojnë në Shqipëri.

Katolikët, në pritje të shtetit

Ndryshimi i ligjit mirëpritet edhe nga krerët e Kishës Katolike, por në ndryshim nga Komuniteti Mysliman, në Arkipeshkvinë katolike nuk ekziston një drejtori më vete, që të kujdeset për pronat e saj. Madje, në Arkipeshkvinë e Durrësit dhe të Tiranës, askush nuk ka një listë të plotë të pronave që gëzon kisha. Marjan Paloka thotë se kjo çështje ndiqet nga dioqezat në mënyrë krejtësisht të pavarur. Sipas sekretarit të Arkipeshkvisë, të 6 dioqezat në shkallë vendi ndjekin nga afër problemin e pronave, ndërkohë që edhe për këtë komunitet, sipërfaqja e rikthyer është tejet e vogël. "Tek ne nuk ekziston një drejtori që të merret me çështjen e pronave, pasi kjo çështje ndiqet në mënyrë të pavarur nga drejtuesit e dioqezave dhe këtu nuk ka një njeri që të ketë dijeni të plotë se cila është sipërfaqja e pronës që ne gëzojmë"- thotë Matjan Paloka.


Por sipas tij, shteti i ka rikthyer kishës vetëm një sipërfaqe të vogël toke mbi të cilat janë ndërtuar aktualisht kishat e reja. Si të gjitha komunitete fetare, edhe Kisha pjesënmë të madhe të pronës e ka të pakompensuar."Në ndryshim me komunitetet e tjera, ne nuk e kemi ndjekur nga afër këtë proces sepse në të shumtën e rasteve, në pronat tona aktualisht banojnë njerëz dhe kurrsesi kisha nuk mund të kërkojë shpërnguljen e tyre për hir të pronësisë që ne gëzojmë. Ne kemi pritur që kjo çështje të zgjidhet në mënyrë sa më sociale nga shteti shqiptar",- thotë sekretari iArkipeshkvisë së Durrësit dhe të Tiranës.


Sipas tij, kisha katolike gëzon një pronësi në sipërfaqe të konsiderueshme në qytetet si Durrës, Shkodër, Lezhë, PukëVlorë, Korçë,Tiranëpor deri më tani sipërfaqja e rikthyer është tejet e pakët. E ndërsa dy komunitetet më të mëdha fetare në vend tregohen tejet të hapura për të folur rreth pronës që gëzojnë, krejt e kundërta ndodh në Kishën Ortodokse Autoqefale Shqiptare. Askush në këtë institucion nuk merr përsipër të flasë për këtë çështje.

[saimiri-uk]

Pronat dhe Komunitetet Fetare

Pronat te privatizohen dhe mos te jene "Tax Exempt" dmth te lire nga taksa dhe fete ne shqiperi te taksohen jashte ekzistence.
Shume njerez kane luajtur mendsh dhe tmerruar ne shtrat te vdekjes nga kercenimet fetare per jeten mbas vdekjes. Do shkosh ne ferr po nuk paguajte kaq
perqind te pasurise kishes apo xhamise!
I kane pire gjakun popullit dhe me djersen e tij jane bere obese te dhjamosur duke ngrene ne kurriz te tij.
Ti kerkojne pronat ne Arabi Saudite, Jeruselam ose Vatikan ata qafiret fetar se feja shqiptarit eshte Shqiptaria!
Tung

[Ali Baba Tepele]

Diku kam lexuar se në gjithë botën komunitet fetare zotërojnë 1/3 e gjith pasurisë.Në shtete të veçanta ky raport është më i madh.Kjo do të thotë...Më mirë të ndërhyj ndonjë ekonomist e të japë ndonjë spiegim përkatës.