Peshëngritje: Fetije Kasaj

[Davius]

Peshëngritësja Fetije Kasaj është shpallur nënkampione e trefishtë e Europës në peshën 58 kg në Kampionatin e 19-të Europian të Peshëngritjes për Femra, që po zhvillohet në Poloni. Kasaj është fituese e tri medaljeve të argjendta: me 97 kg në stilin e shkëputjes, 130 kg në stilin e shtytjes dhe me 227 kg në dygarësh. Rivalja më e fortë e shqiptares Kasaj ka qenë pa dyshim rusja Marina Shainova, e cila jo vetëm që fiton medaljen e artë në të tri stilet, por thyen edhe rekordin europian në stilin e shkëputjes me 102 kg dhe rekordin botëror në stilin e shtytjes me 135 kg. Në vend të tretë është renditur polakja Aleksandra Klejnovska.

[Davius]

Fetije Kasaj në Kampionatin e 19-të Europian të Peshëngritjes për Femra i dhuron tri medalje argjendi Shqipërisë 04-05-2006

Fetije Kasaj, nënkampione e trefishtë e Europës

Medalistet e peshës 58 kg
Marina Shainova Rusi 102kg 135kg 237kg
Fetije Kasaj Shqipëri 97kg 130kg 227kg
Aleksandra Klejnovska Poloni 94kg 124kg 218kg

Peshëngritësja Fetije Kasaj është shpallur nënkampione e trefishtë e Europës në peshën 58 kg në Kampionatin e 19-të Europian të Peshëngritjes për Femra, që po zhvillohet në Poloni. Kasaj është fituese e tri medaljeve të argjendta: me 97 kg në stilin e shkëputjes, 130 kg në stilin e shtytjes dhe me 227 kg në dygarësh. Rivalja më e fortë e shqiptares Kasaj ka qenë pa dyshim rusja Marina Shainova, e cila jo vetëm që fiton medaljen e artë në të tri stilet, por thyen edhe rekordin europian në stilin e shkëputjes me 102 kg dhe rekordin botëror në stilin e shtytjes me 135 kg. Në vend të tretë është renditur polakja Aleksandra Klejnovska.

Ecuria e garës për peshëngritësen Kasaj ka qenë e tillë. Stilin e parë, atë të shkëputjes, Kasaj e nis me 95 kg dhe e realizon me sukses provën e parë. Edhe prova e dytë, me 97 kg, ka rezultuar e suksesshme për Kasajn, por ka dështuar në provën e tretë në tentativën e saj për të ngritur 99 kg. Në stilin e shkëputjes Kasaj realizon 123 kg në provën e parë dhe 130 në provën e dytë.

Dështon në provën e tretë në tentativën për të ngritur 133 kg. Në ceremononë zyrtare, medaljen e tretë peshëngritëses Fetije Kasaj ia ka dorëzuar presidenti i Federatës Shqiptare të Peshëngritjes, Esat Ademi. Peshëngritësja Fetije Kasaj dhe trajneri i saj Faruk Kalleshi i realizuan me sukses objektivat për medalje në këtë europian. Në peshën 58 kg kanë konkurruar gjithsej 9 peshëngritëse. Fetije Kasaj konkurron për herë të parë në këtë peshë në një aktivitet ndërkombëtar, pasi një vit më parë ajo ka konkurruar në peshën 53 kg. Në klasifikimin ekipor për femra, pas ditës së tretë të garave, Shqipëria është renditur në vendin e 6-të, ndërkohë që kanë mbetur edhe shumë gara të tjera për t'u zhvilluar. Kasaj është sportistja e vetme që përfaqëson Shqipërinë në këtë aktivitet.

Është hera e parë që Shqipëria përfaqësohet në një eveniment kaq të rëndësishëm vetëm me një peshëngritëse femër. Dhe peshëngritësja Fetije Kasaj dhe trajneri i saj Faruk Kalleshi e arritën objektivin e tyre në këtë europian, medaljet dhe titullin nënkampione e Europës. Kasaj, në fakt, kishte deklaruar se në stilin e shtytjes do të synonte 133 kg, por ecuria e garës e detyroi trajnerin e saj që nga 130 kg të kërkonte 133 kilogramë me objektivin për të kapur medaljen e artë. Por fatkeqësisht ajo dështoi në provën e tretë dhe në tentativën për të kapur të artën në kampionatin europian. Por edhe nëse ajo do të ralizonte 130 kg, sërish e arta ishte pronë e padiskutueshme e ruses Shainova, e cila me 135 kg thyen jo vetëm rekordin europian, që është 132 kg, por barazon edhe rekordin botëror, me 135 kg në stilin e shtytjes. Rusja Marina Shainova ka qenë konkurrentja më e fortë e Kasajt, e cila në peshën 53 kg, ku ka konkurruar më parë, nuk e ka njohur shkollën ruse të shtangës, pasi nuk ka pasur rivale asnjë peshëngritëse ruse. Gjithsesi, me tri medalje argjendi në kampionatin europian, Fetije Kasaj është e vetmja sportiste shqiptare që arrin në nivelet më të larta të sportit ndërkombëtar.
Nga viti 2005-maj 2006 peshëngritësja Fetije Kasaj numëron 3 medalje ari dhe 5 argjendi në arenën ndërkombëtare.

Kasaj është shpallur dhe peshëngritësja më e mirë e vitit 2005.

Kampionati Europian i peshëngritjes është i 85-ti që zhvillohet për meshkuj dhe i 19-ti për femra. Shqipëria kishte planifikuar të përfaqësohej në këtë eveniment edhe me një peshëngritës, konkretisht me Erkand Qerimajn, por një dëmtim i këtij të fundit gjatë turneut ndërkombëtar që u zhvillua në Elbasan e la jashtë konkurrimit të peshës 69 kg në Kampionatin e 85-të Europian të Peshëngritjes.

[Davius]

Kampionia shqiptare në peshëngritje për femra, Fetije Kasa rrëfen në një intervistë ekskluzive për gazetën “Sot” fillimet e karrierës së saj, rezultatet e larta që ka arritur në kompeticione të rëndësishme si në Europian dhe Botëror, synimet e saj për të ardhmen si edhe marrëdhëniet që ka me trajnerin e saj Faruk Kalleshi. Peshëngritësja shqiptare është kampione Europe dhe nën kampione Bote për të reja si edhe nën kampione Europe për të rritura. Kasa përpara dy ditësh u shpall kampione e Shqipërisë duke thyer edhe rekordin kombëtar me 130 kg në stilin e shtytjes.Peshëngritësja është e vetmja femër që përfaqëson Shqipërinë në kompeticionet e ndryshme ndërkombëtare dhe këtë gjë e ka bërë më së miri pasi e ka ngritur flamurin shqiptar shumë herë në podin e medaljeve. Në muajin prill, kampionia Kasa do të marrrë pjesë në kampionatin Europian dhe synon që të arrijë të kapë zonën e medaljeve. Por ajo që peshëngritësja kërkon ta arrijë më çdo kusht është të shpallet kampione Bote në muajin shtator kur të zhvillohet kompeticioni botëror në Tailandë.

-Fetije, ju jeni tashmë peshëngritësja e vetme që përfaqësoni Shqipërinë në mënyrë dinjitoze në kompeticionet e rëndësishme ndërkombëtare. Si e keni nisur karrierën?

-Karrierën time e kam nisur si sportiste në Greqi, aty e fillova për herë të parë sportin, por në 2003 kam ardhur për herë të parë në Shqipëri. Kisha dëshirë që ta vazhdoja këtu sportin dhe të përfaqësoja vendin tim. Nuk shpresoja se do të arrija kaq shumë për arsye se kur pashë kushtet që kishte Shqipëria thashë se do të largohem. Por trajneri im Faruk Kalleshi më mbushi mendjen dhe më tha që rri këtu se do të ecësh shumë përpara dhe megjithëse kushtet nuk më pëlqyen ndenja. Kjo ka qenë fillimi i karrierës time nga 2003 deri më tani që jam duke ecur përpara. në vitin 2003 kam marrë pjesë për herë të parë në një eveniment ndërkombëtar. Në fillim jam prezantuar në kampionatin Europian për të rritur që u zhvillua në Kiev të Ukrainës, ku unë hyra në dhjetëshen më të mirë të Europës. Në fakt unë isha me pikë të barabarta me vendin e nëntë, por kundërshtarja ishte me peshë më të lehtë se unë dhe kështu që ajo u rendit përpara meje. Ndërkohë që gara ime e dytë ishte në Itali në qytetin e Udinezes. Ky aktivitet ishte një Kupë europiane e veçantë që shërbente për promocion, e cila zhvillohej vetëm për ekipe dhe jo në nivel kombëtaresh. Unë zura vendin e tretë në atë aktivitet. Një aktivitet tjetër ishte edhe ai që u zhvillua në Bullgari, ku unë u shpalla nënkampione e Europës.

-Çfarë ju shtyu të merreshit me këtë sport që më shumë është burrëror?

-më pëlqejnë shumë sportet e rënda, jo vetëm peshëngritësja, por çdo lloj sporti i rëndë mua më tërheq shumë. Kam pasur shumë dëshirë që kur kam qenë fëmijë që të merresha me sportet e rënda si peshnëgritje, boks apo edhe të tjera. Nuk e di, por kur kam parë vëllanë tim që është më i madh se unë që merrej me peshëngritje atëherë edhe unë thashë se do të merrem me këtë sport. Kjo ka qenë dëshira ime në fillim fare, por tani është bërë një nga ëndrrat e mia më të mëdha. Falë zotit shpresoj që të vazhdoj kështu dhe të eci sa më shumë në këtë sport.

-Jeni kampione Europe dhe nën kampione Bote...

-Jam kampione Europe dhe nën kampione Bote për të reja dhe nën kampione Europe për të rritura. Mund të them se çdo titull ka një emocion dhe një kënaqësi, por pse jo të mos arrij edhe tituj më të lartë. Ky është edhe pikësynimi im bashkë me trajnerin Faruk Kalleshi që të ecim sa më shumë në kompeticionet ndërkombëtare dhe ta arrijmë sa më shumë tituj.

-Përveç meshkujve peshëngritës që ka nxjerrë Shqipëria, por që fatkeqësisht e kanë tradhëtuar atdheun, ju jeni e vetmja femër që e ngrini lart flamurin shqiptar në këtë sport në kompeticione të rëndësishme. Si ndiheni për këtë?

-Ka qenë gjithmonë ëndrra ime që unë të garoja për Shqipërinë dhe të mbroja ngjyrat kuqezi. Kam pasur shumë dëshirë që kur kam qenë fëmijë që të ngrija lart flamurin shqiptar, por kur u largova në emigracion me familjen nuk besoja se do ta arrija një gjë të tillë duke qenë se edhe kushtet familjare nuk i kisha shumë të mira. Kur e fillova sportin e peshëngritjes mendova se do të vijë dita që unë të garoj për vendin tim. Pasi erdha në Shqipëri dhe me fjalët që më thoshte trajneri se do të ecësh përpara unë i vura qëllim vetes që të arrij ta ngrej flamurin shqiptar lart dhe ta shohë Europa dhe Bota dhe të dëgjojnë gjithashtu himnin shqiptar. E kam bërë këtë në kampionatin Europian kur dola e para dhe të gjithë të pranishmit në sallë u ngritën në këmbë për të dëgjuar hymnin shqiptar dhe mund të them se kjo është krenaria më e madhe për mua. Kështu që nuk kam aspak dëshirë që ta tradhëtoj vendin dhe flamurin tim pasi vetëm për këtë po luftoj.

-Përpara disa ditësh u zhvillua kampionati kombëtar ku ju dolët kampione madje thyet edhe një rekord...

-Aty u thyen shumë rekorde dhe unë ende nuk po e marr vesh mirë. Ishte një garë shumë e fortë pasi edhe kundërshtarja ishte në të njëjtën peshë me mua dhe kjo e bënte më të vështirë. Konkurronim në të njëjtën kategori dhe gjithashtu ka qenë stërvitur nga i njëjti trajner, Faruk Kalleshi dhe kjo ka bërë që të kisha një emocion më të madh. Isha stërvitur shumë dhe i kisha vënë pikësynim vetes që të mos ma kalonte kurrkush. Desha të isha sipër të gjithëve dhe ja arrita.

-A e keni menduar ndonjëherë largimin nga ky sport dhe të thoni ‘boll u mërzita’?

-Mund të them me sinqeritet se deri më tani asnjëherë nuk e ka thënë fjalën ‘boll u mërzita’. Mund të kem thënë që ‘jam lodhur dhe duhet të pushoj pak’, por asnjëherë nuk më ka shkuar në mendje që ta le këtë sport aq më tepër që jam duke u ngjitur shumë lart dhe besoj se nuk do ta them. Lënia e sportit do të ndodhë një ditë pasi mosha, familja apo shumë gjëra të tjera do të ndikojnë, por mund të them se s’kam për ta bërë asnjëherë tani për tani. Kur të vijë ajo ditë mund të mos jem sportiste, por ndoshta trajnere.

-Përpara keni dy kompeticione të rëndësishme, kampionatin Europian në prill dhe kampionatin Botëror në shtator. Çfarë synimesh keni?

-Përsa i përket kampionatit Europian që do të zhvillohet në prill në Francë mund të them se jemi duke u stërvitur në maksimum dhe pikërisht këtu synojmë që të arrijmë në zonën e medaljeve pse jo edhe arin. Ndërsa në Botëror unë dua të luftoj më shumë sesa në Europian pasi Botërori është kualifikim për në Olimpiadë dhe kush merr medalje kualifikohet direkt. Do të bëj të pamundurën që të jemi në zonën e medaljeve pasi na duhet kualifikimi për në Olimpiadë. Në Europian nuk ka kualifikim dhe jo se do të shplodhemi, por do të luftojmë fort në Botëror ku synoj pse jo edhe medaljen e artë.

-Stërviteni nga një trajner i njohur si Faruk Kalleshi dhe shpeshherë keni deklaruar se e keni pikë të dobët. Çfarë mund të na thoni për të?

-Është një nga njerëzit më të mirë që kam njohur në Shqipëri që nga momenti që kam ardhur këtu. Fjalët janë pak pasi nuk krahasohet me asnjeri. Është një nga njerëzit që më ka ndihmuar më shumë në punën time dhe mund të them se mbas familjes time vjen pikërisht ai. E falënderoj shumë pasi nuk besoja se do të vinte njeri dhe do të ma mbushte mendjen që të qëndroja këtu në Shqipëri. Gjithashtu rezultatet që kam arritur deri më tani janë produkt edhe i punës së tij dhe të përbashkët që kemi bërë. Mund të them se për mua nuk ka ndonjë trajner që të krahasohet me të. Një tjetër anë e mirë e profesorit tim është se ai është shumë i sigurtë dhe i deklaron kilogramët që unë do të përdor, i tregon të gjitha. Mendoj se ai e ka kuptuar që gjatë stërvitjes se unë i kam realizuar objektivat dhe përpara një aktiviteti kombëtar ose ndërkombëtar dhe sigurisht që e bën këtë gjë për të treguar seriozitetin tonë dhe besimin tek mua dhe më ndihmon që unë t`i realizoj të gjitha garat në mënyrën më të mirë të mundshme. Ai ka besim tek unë dhe sigurisht edhe unë kam besim tek trajneri im. Unë jam personalisht tepër e kënaqur me profesorin, pasi mbi të gjitha ai është një njeri shumë i mirë dhe tepër i komunikueshëm, gjë që më bën të ndihem mirë si në stërvitje ashtu edhe gjatë garave. Mund të tregoj edhe një gjë. Në Lojrat Medhetare që u zhvilluan në Almeria, ishte prezent edhe trajneri grek Niakovu, i cili u habit shumë nga manovrimet e trajnerit tim me peshat dhe sigurisht më uroi dhe më tha se kisha përkrah një trajner të mrekullueshëm.

-Kush ka qenë gara më emocionuese për ju?

-Kur isha në Almeria pësova një dëmtim në mes, dhe më dukej vetja pa shumë shpresa sepse mendoja që isha shumë pa fat dhe unë u dëmtova vetëm dy javë përpara garës. Pasi vajta në Almeria kisha shumë emocione, sepse kisha frikë se mos dëmtoja sërish mesin. Ndërkohë që gjatë garës nuk e ndieva fare dhimbjen dhe arrita që të merrja edhe medaljen e argjendit. Ndërkohë, për mua gara me më shumë emocione ka qenë Kampionati Botëror për të Reja që u zhvillua në Korenë e Jugut dhe unë arrita që të shpallesha nënkampione bote. Ka qenë vërtet një emocion shumë i bukur, për arsyen se në atë aktivitet merrnin pjesë të gjitha sportistet më të mira të botës. Një tjetër e veçantë e asaj gare ishte fakti që vetëm unë dhe një tjetër peshëngritese ishim përfaqësuese të Europës dhe arritëm që të merrnim medalje.

Gazeta SOT

[Davius]

Fetije Kasaj shpallet nënkampione Europe

Fetie Kasaj me dy medalje argjendi dhe Romela Begaj me një të tillë, ky është bilanci i Shqipërisë në Kampionatin e 20-të Europian të Peshëngritjes për femra që po zhvillohet në Strasburg të Francës. Shqipëria me dy nënkmapione të Europës dhe të dyja femra, të cilat garuan në peshën 58 kg. Fetie Kasaj fitoi medaljen e argjendtë në stilin e shtytjes dhe në dygarësh duke e mbyllur konkurrimin e saj në dygarsh në peshën 214 kg, por ndryshe nga kampionati i sezonit të kaluar, me një diferencë të madhe prej 16 kilogamësh nga kampionia e Europës, rusja Marina Shainova.Kasaj, e cila stërvitet nga Faruk Kalleshi, dështoi në dy provat e para në stilin e shkëputjes, aq sa la dyshime se nuk do të vazhdonte dot më, por në në provën e tretë peshëngritja jonë ngriti 91 kg, duke e mbyllur me këtë rezultat në këtë stil. Surpriza e këtij stili në këtë garë ka emrin e Romela Begaj, e cila u shpall dhe nënkampione e Europës, duke ngritur 96 kg, katër më pak se kampionia e trefishtë e kontinentit, Shainova, e cila ka fituar tri medalje ari dhe në vitet 2005 e 2006. Në stilin e shtytjes, Kasaj tregoi vlerat e saj se është peshëngritësja më e kompletuar shqiptare, duke ngritur 123 kg, ndërkohë që rivalja e saj shqiptare, Begaj, e cila stërvitet nga trajneri Hektor Shaqiri, ngriti peshën 110 kg. Në këtë garë, Kasaj zuri vendin e dytë, ndërsa Begaj të pestin, pasi peshëngritsja jonë u kalua nga norvegjezja Kasiraj dhe polakja Klejnovska. Shqipëria përfaqësohet në Kampionatin e 86-Europian të meshkujve me 3 sportistë: Erkand Qerimaj (pesha 77 kg), Endri Haxhihyseni (pesha 85 kg) dhe Isa Bala (garon në peshën +105 kg).

Gazeta SOT

[goldian]

urime se vertet ne austri e kam ndjek direkt garen e saj dhe sjam ndjer ndonjehere me krenar se kur fetija fitoi nje duel teper te veshtire me norvegjezen e zeze

[no name]

Fetie Kasa denoncon familjen per rrembim

E Merkure, 06 Qershor 2007


Kampionia e shtanges, Fetije Kasaj denoncon vellezerit dhe babane e saj pasi e kane marre forcerisht nga Tirana drejt Vlores gjate dites se hene, per ta izoluar me qellim qe te mos vazhdonte lidhjen me te dashurin qe e konsideron burrin e saj. Policia e Vlores shoqeroi paraditen e djeshme familjaret per disa ore dhe me pas i la per hetim ne gjendje te lire. Burime zyrtare thane se hetimet nisen pas denoncimit te sportistes qe shenon incidentin e dyte pas akuzave per doping nga Federata e Peshngritjes dhe heqjes se titujve. Ne paraburgim u shoqeruan babai 52 vjec, Fatmir Kasaj dhe vellezerit Vislon dhe Sokol Kasaj, perkatesisht 23 e 18 vjec. Ata kane hedhur dyshime se njeriu me te cilin Fetija ishte lidhur mund ta kishte nxitur per te perdorur doping.

Ne denoncimin e peshengriteses eshte pretenduar, se babai bashke me dy vellezerit e kane rrembyer dhe i kane bere presion qe ajo mos te qendroje me me mashkullin qe ka zgjedhur dhe qe pretendon se e ka burre ne bashkejetese. Kur te tre personat e lartpermendur u shoqeruan ne polici dhe me pas u lane te lire, deklaruan se nuk e kane marre "peng" Fetie Kasaj, por i kane kerkuar asaj qe te mos qendroje me pas tij, pasi dyshojne se ai eshte shkaktar qe Fetia ka marr doping para Kampionatit Europian qe i kushtoi heqjen e medaljeve. Zyrtarisht nga policia e Vlores njoftohet se tre personat e denoncuar do te ndiqen ne gjendje te lire.

Fetie Kasaj, kampionia shqiptare e shtanges, ka lindur ne Selenice te Vlores ne vitin 1986. Fetia, qe heret ka nisur te shfaqe potencialin e saj duke thyer njeri pas tjetrit shume rekorde per te reja. Me pas, ajo shpallet rekordmene kombetare ne disa kategori te ndryshme te peshes trupore dhe ka arritur ta perfaqesoje Shqiperine me sukses ne disa veprimtari te ndryshme nderkombetare, duke arritur te marre edhe vende nderi. Ne evropianin e fundit te zhvilluar ne Strasburg te Frances, Kasaj arriti te shpallet nenkampione e Evropes, por pak dite me pas eshte detyruar te dorezoje medaljet e argjendit, sepse u shpall pozitive ne perdorim stanozololi. Denimi qe pritet t'i jepet nga EADA (Komisioni Boteror i Anti-Dopingut), rrezikon ta lere jashte Olimpiades se Pekinit 2008.

[Homza]

Hade denoncim hajde, ishalla ja futin baben Fetijes ne burg 20 vite lol


Sa budalle dhe e papjekur ka dal me kte veprim....megjithse bythet i ka bishe fare kjo fetijaaa arrrgggggggggggggg

[RaPSouL]

Dopingu, Fetie Kasaj humb Olimpiadën

Pezullimi 2 vjeçar i dhënë nga Federata Botërore e Peshëngritjes, ka bërë që shtangistja shqiptare Fetie Kasaj t'u thotë lamtumirë shpresave për të marrë pjesë në Lojërat Olimpike të Pekinit në vitin 2008. Drejtuesit e Federatës Shqiptare shpresonin në një dënim minimal për ta pasur nënkampionen e Evropës për këto Lojëra, por vendimi i Federatës Botërore ka qenë maksimal. Kasaj u kap me substancën stanozolol në Europianin e zhvilluar në Strasburg të Francës në muajin prill. Ndërkohë, po me dy vjet pezulluar edhe trajneri Faruk Kalleshi.

[P@R4nOi@C_LorD]

Le ti beje pushim.

[DORJANBITI]

Fetijes gjithashtu i jane hequr titujt e mare ne evropian.