Apeli liron drejtuesit e Ballit Kombëtar Demokrat

[Brari]

Redaktori i gazetës "TemA" është vënë në pranga pas një urdhëri politik të Prokurorit të Përgjithshëm


Sollaku kthen prokurorinë në bandë terroristësh


Gazetari i gazetës "TemA", Çelo Hoxha, u arrestua dje pasdite pas një urdhëri politik të Prokurorit të Përgjithshëm, Theodhori Sollaku. Sipas burimeve gazetari i "TemA" është vënë në pranga me pretekstin se ka lidhje me një çështje penale në hetimin e rregjistrimit të një kandidati të Partisë Balli Kombëtar Demokrat në zgjdhjet lokale në Tiranë. Ndërkohë Sollaku ka lëshuar edhe dy fletë arresti për kryetarin e Partisë së Ballit Demokrat, Artur Roshi dhe shefit të organizimit Tomorr Gostivari. Duket qartë se arrestimi i gazetarit Çelo Hoxha është bërë me urdhër politik të Edi Ramës dhe kryeprokurorit Theodhori Sollaku. Dihet se gazeta "TemA" ka qenë në oponencë me Edi Ramën dhe në faqet e saj janë botuar dhjetëra artikuj për mefshtësinë e Prokurorisë së Përgjithshme në luftën ndaj krimit të organizuar, korrupsionit dhe trafiqeve.

Çelo Hoxha drejton faqet e komenteve në gazetën "TemA" ku në mjaft raste një vend të veçantë në këto faqe kanë zënë edhe komentet për kryetarin e Partisë Socialiste dhe institucionin e Prokurorisë që drejtohet nga Theodhori Sollaku. Është për të ardhur keq, se Prokuroria e Përgjithshme në vend që të merret me luftën ndaj krimit të organizuar dhe korrupsionit, lançon gazetarët për të vetmin shkak se i kanë kushtuar një rëndësi të veçantë në faqet e gazetës këtyre fenomeneve që vazhdojnë të gërryejnë shoqërinë shqiptare.

Të çudit fakti, se deri tani Kryeprokurori Sollaku nuk ka vënë në pranga asnjë nga ish-zyrtarët e korruptuar, dosjet e të cilëve kanë zënë pluhur prej mëse katër vjetësh në Prokurorinë e Përgjithshme, por nuk e ka të vështirë të prangosë gazetarët pse e luftojnë këtë fenomen. Janë me qindra dosje zyrtarësh që flenë në Prokurorinë e Përgjithshme, por Sollaku as që guxon t'u hedhë sytë atyre, sepse merr urdhëra nga Edi Rama. Edhe vetë Rama ka disa dosje në Prokurori, por asnjëra prej tyre nuk është hetuar nga Prokuroria. Vlen të përmendet fakti, se Sollaku mbylli edhe dosjen e korrupsionit të dy ish-ministrave socialistë, Angjeli dhe Toska, por ky kryepro-kuror politik duket se luftën e tij e ka shpallur ndaj medias dhe jo korrupsionit.

Rexhep POLISI






Forumi Shqiptar për Media të Lira. Edi Rama dhe Dhori Sollaku hakmerren ndaj gazetës "TemA"


Redaktori i komenteve të gazetës "TemA", Çelo Hoxha, është arrestuar të shtunën mbasdite, pasi Prokuroria e Përgjithshme nisur nga një çështje penale lidhur me hetimin e rregjistrimit të një kandidati të Partisë Balli Kombëtar Demokrat në zgjedhjet lokale në Tiranë. Arrestimi i gazetarit Çelo Hoxha është bërë nën një arsyetim tërësisht politik dhe shihet qartë, se motiv kryesor ka qenë fakti që ai ka drejtuar faqen e komenteve të gazetës "TemA" prej mëse një viti.

Gazeta "TemA" ka qenë një gazetë kritike me Edi Ramën dhe Dhori Sollakun dhe ka botuar shpesh pikëpamje dhe komente që dëshmojnë përfshirjen e këtyre dy emrave në afera korruptive në vend. Gazeta shmangu presionet për të mos publikuar foto nudo të Edi Ramës gjatë fushatës elektorale dhe ka publikuar po ashtu komente të ashpra lidhur me implikimin e familjes Sollaku në vrasjen e shoferit të tij prej bandës "Hakmarrja për Drejtësi" disa vjet më parë.

Hakmarrja politike e Dhori Sollakut dhe Edi Ramës mbi gazetën "TemA" është një vepër e dënueshme, e cila shpresoj të marrë fund në Gjykatën e Tiranës për t'u pushuar si çështje dhe për t'i kthyer lirinë redaktorit të gazetës "TemA".

Mero Baze

Kryetar i Forumit Shqiptar për Media të Lira

RD

[ANNUIT COEPTIS]

Nqs eshte bere me qellim dhe pa arsye eshte veprim shume i denueshem...por gjithsesi shteti ka organe ligjore te cilat duhet ti mesojme ti respektojme nderkohe qe kryejne detyren.
Arrestimi i nje gazetari eshte nje akt i vecante dhe kerkon vemndje te vecante, por gjithsesi duhet te presim se si do te zhvillohen ngjarjet per tu prononcuar drejte.
Le te mos harrojme qe gazeta tema ka qene dhe ndoshta eshte ende, nuk e di, nje gazetat me te politizuara dhe nje-kahese ne tregun tone mediatik.Nuk do te desha qe veprimi ndaj gazetarit te perdorej per perbaltje te padrejte figurave kryesore te politikes, sidomos pas rezulatatit te zgjedhjeve.

[irexha]

Gazetari akuzohet vetem per fallsifikim, dhe ju e dini mire se sa qytetare shqiptare jane te akuzuar, per fallsifikim por asnjeri nuk eshte arrestuar. fakti i ketij gazetari tregon se ai eshte nje arrestim krejtesisht hakmarres nga Sollaket dhe kupola socialiste.
Pse duhej te arrestohej pasi ai sperbente ndonje rrezik per shoqerine, dhe as sdo largohej nga shqiperia.

[daja shneq]

edhe edvin rama si enver hoxha e sali berisha burgosje politike po ben ,edi do ta fut ne burg kur ti fiton zgjedhjet e 2007 salisin, e te hakmeret per baben e tij nanosin

[evertet]

Arrestim me urdher te Athines

Greqia do te laje hesapin me JUGUN E SHQIPERISE , partia BALLI KOMBIT eshte e vetmja pengese per planet Greke ne jug

[Brari]

.........................

[Brari]

Data: 26/02/2007

Trimërimi i majtistëve dhe rifillimi i ndëshkimit të të deklasuarve të djeshëm e të sotëm



Pikërisht në momentin kur majtistët trashëgimtarë të diktaturës shpallën fitoren e së majtës që trashëguan nga PKSH dhe PPSH, pas zgjedhjeve të 18 shkurtit, u trimëruan edhe ish kolegët e Aredin Shytit e Luan Pobratit në institucionin e Prokurorisë. Madje u trimëruan, u hakërryen e hakmorrën me pranga ndaj një funksionari të lartë të një partie ardhur në pushtet që pas 3 korrikut (PBKD), bash të përfolurit si protektorët e djemve të Aredinit e nipave të Luanit, ushtarët e ish të akuzuarit Klement Kolaneci, trimat e paharruar të “Hakmarrjes...”, që i derdhën trutë para syve të Zeqinesë, bash të përfolurit tjetër si anëtar i bandës dhe “kolonë e pestë e i infiltruar në drejtësi”, ish shoferit të ndjerë të kryeprokurorit të Republikës.

Dhe pikërisht njeriu që duhej të ishte, në përmbushje të detyrës, zyrtari më i interesuar drejtpërdrejt për shkatërrimin e kësaj bande, Theodhori Sollaku, jo vetëm nuk bëri asgjë për hetimin dhe ndëshkimin e grupimit më të rrezikshëm në toplistën shqiptare të krimit të organizuar, që në Prokurorinë e Pëgjithshme ka të depozituar dosjen më voluminoze me 1300 fletë, ku radhiten dhjetëra krime që kualifikohen e parashikohen si të dënueshme nga dhjetëra nene të Kodit Penal, por pas fitores së shefit Edvin Rama, këtij ushtari të Klem Kolanecit, gjithashtu i përfolur si kapobanda i vërtetë i “Hakmarrjes...”, kryeprokurori guxoi të nënshkruajë urdhër-arrestin politik dhe u hakmorr kundër ish të deklasuarve të Partisë së Ballit Kombëtar Demokrat (PBKD).

Shqiptarët nuk mund të harrojnë se, para disa vitesh, kur Theodhori Sollaku u propozua për të zëvendësuar “kapobandën” Arben Rakipi, ish nënkryetarja e atëhershme e Kuvendit, znj. Topalli, ishte e vetmja që kundërshtoi kandidaturën e tij si kryeprokuror dhe njëkohësisht nuk pranoi t’i jepte votën, teksa i përmendi dënimet penale të kundërshtarëve të komunizmit në Shkodrën e saj, gjatë viteve të diktaturës, dënime të rënda këto ndaj antikomunistëve që ishin njëkohësisht edhe pinjollë të shtresës të cilën znj. Topalli është e vetmja deputete që e përfaqëson në Kuvend.

Natyrisht që Theodhori Sollaku e ka mohuar çdo akuzë të Berishës dhe PD për “qëndrim pasiv favorizues, implikim me krimin dhe korrupsionin, apo mbrojtjen e drejtpërdrejtë të tij...” me anë të përdorimit të kompetencave dhe fuqive të stërmëdha që i jep ligji... Dhe ka bërë pikërisht atë që pritet e që dëshirojmë të jetë e vërtetë, por nuk ka bërë asgjë për të dëshmuar të kundërtën..., pra që është i pamëshirshëm dhe i vendosur në luftën kundër tyre, duke e zhvilluar atë konkretisht. Çka do të thotë hedhje poshtë publikisht e institucionalisht, me argumenta ligjorë, të akuzave tejet të rënda, që do të tmerronin çdo prokuror në botë..., për të larë fytyrën dhe duart nga “përbaltja...”.

Edhe Arben Rakipi pretendonte se nuk kish asnjë lidhje dhe njohje me bandën Durda-Përballa-Koçiu, dhe se nuk i kish zhvilluar ai tenderat korruptivë për nga shifrat, në Prokurorinë e Përgjithshme të kohës kur e drejtonte. Sidomos tenderat për instalimin e rrjetit kompjuterik, fituar asokohe nga firma ligjore e kësaj bande. Por e vërteta doli shumë shpejt. Arben Rakipi jo vetëm që i njihte kapobandat që në rininë e hershme, por kish punuar, kish ndenjur, ngrënë, fjetur dhe ishte miqësuar me to në Rrëshen, gjatë viteve ’80-ë, marrëdhënie miqësore që jo vetëm i kish ruajtur vazhdimisht, por që kishin mundësuar edhe përzgjedhjen bash prej tij të firmës së miqve të adoleshencës dhe rinisë së hershme e të vonë, të cilëve nuk kish “pranuar t’u merrte rrushfetin për tenderin”, përveçse të kalonte vakancat me ta në resortet më të shtrenjta të Greqisë, me shpenzimet e tyre, për çka, për ta mbajtur peng dhe shantazhuar, mafiozët e kishin filmuar e fotografuar, foto të cilat ia dhanë mediave kur ai guxoi të veprojë mbi ta për të shpëtuar lëkurën e vet, pas ndërhyrjes së DIA-s dhe FBI.

Dhe banda veproi me zgjuarësi teksa shantazhoi mikun-shef, i cili bëri të pamundurën për të devijuar hetimet dhe zbutur dënimin nga frika e hakmarrjes me prova akoma më të rënda... Prova të cilat e detyruan ish kryeprokurorin paraardhës të Sollakut për të bërë deri edhe të “infiltruarin e Drejtësisë për arrestimin me çdo kusht të tyre, athua se shteti nuk kish njerëz të tjerë për t’i rekrutuar e futur si të “infiltruar në bandën më të fuqishme të narkotrafikur ndërkontinental”.

Megjithatë “miqtë” u hakmorrën duke shpërndarë fotot kompromentuese që nxirrnin në dritë njohjet dhe miqësitë e thella, që e detyronin ish kryeprokurorin të zdërhallej bashkë me gruan në gostira e orgjira me pije alkolike... Ndoshta kjo “përvojë...” ka shërbyer në rastin e “Hakmarrjes...”, prandaj edhe punët u katandisën e u bitisën në mënyrën që dihet..., teksa banditët terroristë u shpallën “të persekutuar politikë nga diktatura e Berishës...”.

Akoma nuk dihen mirë njohjet e thella, për shkak të detyrës, në të kaluarën, midis Aredin Shytit dhe Pobrat-kunatit me Theodhori Sollakun, si dhe “rastësia” që çoi në marrjen në punë si shofer personal dhe djalkë shtëpie, të të ndjerit të përfolur si ish anëtar i bandës “Hakmarrja...”, apo e vëllait të tij të përfolur si menaxher i firmës së ndërtimit të kësaj bande, për të cilën para do vitesh ish shefi i opozitës akuzoi Edvin Ramën si mik, protektor i drejtëpërdrejtë dhe favorizues i tyre me leje ndërtimi, leje e cila u dha mbi truallin publik të kinemasë më të vjetër të kryeqytetit, pronë e familjes së vjetër tiranase Beqiri, e trashëguar që nga koha e Mbretërisë, me emrin kinema “Nacional”...

Por mbeti vetëm gjurma..., miratimi me urdhër të Edvinit i truallit, pas prishjes së kinemasë, dhe destinimi i tij për ndërtim pallatesh gjigande, dhe bash mbi një truall të shpallur “monument kulture” e të çrregjistruar si të tillë nga Edvini që në kohën kur ishte ministër i Kulturës, për ta pajisur më pas me leje ndërtimi në favor të bandës me komandant të përfolur Klemin, komisar Luanin dhe shef shtabi Aredinin.

Akoma nuk janë ekspozuar lidhjet kovalente midis 9 dosjeve voluminoze të Edvinit në sirtaret dhe bodrumet e Sallakut, lidhjeve të Edvinit me Klemin, lidhjeve të të ndjerit shofer të Dhorit me “Hakmarrjen...”, lidhjeve midis “gabimit” të qëllimtë të Prokurorisë së Përgjitshme mbi dokumentat e “ekstradimit” dhe kërkesat zyrtare në adresë të Interpolit, çka në fundore jo vetëm dëshmoi “fluturimin e zogjve në qiejt e Europës së lirë”, por çuditërisht mundësoi azilin politik të të akuzuarve, veprat penale të të cilëve janë klasifikuar si “terrorizëm i pastër me autobomba me tritol, vrasje me atentate të mirëfillta e të mirorganizuara dhe vjedhje me pasojë vdekje”, hetimi i mëtejshëm dhe ai gjyqësor maratonë i të cilave u pasua me arratisjen familjare, nën terror, të 5 prokurorëve të kryeqytetit me në krye Ariston Pukën...

Por arrestimi i gazetarit Çelo Hoxha nuk lë asnjë ekuivok për guximin e marrë të atyre që deri vonë bënë shurdhin dhe qorrin për akuzat më të përbindshme, madje i etiketuan ato si “politike...”, si “hakmarrje dhe tentativë kriminale për të nënshtruar e uzurpuar pushtetin gjyqësor...”. Sepse tashmë një gjë është qartësuar përfundimisht: ish pinjollët e “armiqve” të vjehërrit të Klemit dhe ish partizanëve pezakë e jo pezakë të Edvinit e PS, ballistët e vjetër e të rinj të PBKD, pas “fitores” së neokomunistëve ish komunistë të vjetër dhe bijve të tyre rioshë me kumandar Edvinin pas 18 shkurtit, duhen ndëshkuar qoftë edhe për shakanë e mbetur në tentativë, e cila u supozua se rrezikonte fitoren e kumandarit të ri gjithaq “legjendar...” sa edhe ai i pari i LPB dhe diktaturës komuniste.

Pra, ish armiqtë ende armiq duhen burgosur e ndëshkuar edhe kur rrezikohet kumandari nga një shaka e mbetur në tentativë, shaka e cila drithëroi bash atë që vetëshpallej si stërfitimtar me mbi 40 mijë vota ndaj çdo kandidati të së djathtës.

Dhe kësisoj morali i fabulës shpaloset nëpërmjet simbolikës elokuente: këta të dënojnë edhe kur bën shaka që u prishin gjumin, me “vepra të penalizueshme” të mbetura në tentativë... Imagjinoje sikur të kthehej Lufta e Ftohtë dhe koha e qoftëlargut, e t’u rrezikohej pushteti...

Dhe kryeprokurori, të cilit nuk i bën tërr syri nga akuzat si mbrojtës i korrupsionit, në toplistën e të cilit maxhoranca aktuale dikur vendosi Edvinin, me provat që grumbulloi nëpërmjet veprimtarisë hetimore 3-mujore të Komisionit parlamentar të kryesuar nga Olldashi, nuk druhet fare kur burgos gazetarin funksionar të lartë politik të partisë së armiqve historikë të partisë së Edvinit, vetëm e vetëm për t’i bërë qejfin të të përfolurit si shef i tij në kupolën e PS.

E meritonte gazetari Çelo Hoxha ndëshkimin, ngaqë guxoi të bënte shaka me të paprekshmin në krye të opozitës, me atë regjistrimin plot inteligjencë e kripë, në një KZQV, të një emri që i ngriu gjakun dhe i prishi gjumin të majtëve dhe shefit të plotfuqishëm të opozitës.

E meritonte sepse e dinte dhe e njihte mirë veten se ishte një ballist dhe bir ballisti, që duhet t’ua dijë për nder Aredinit, Pobratit, Dhorit etj., që shpëtoi gjallë nga koha e diktaturës së “pushtetit popullor, që ishte dhe mbeti kudhër ku do t’u shtypet koka të gjithë armiqve dhe tradhëtarëve...”.

Mirë ia bënë shokët e partisë, vigjilentët..., sepse guxoi të bënte shaka me ata me të cilët nuk guxoi të bënte shaka as imperializmi dhe as social-imperializmi. Dhe ja tek e pësoi..., sepse koka bën, koka pëson..., ndaj i duhet shtypur koka sot në demokraci, si dikur në kohën e “demokracisë socialiste, që është dhe do të mbetet demokracia e vërtetë”.
Astrit KOLA

55

Data: 26/02/2007

Zoti Sollaku, shpërndarësit e miellit në Elbasan nuk i arrestove!



Kryeprokurori nuk e ka fare problem standardin e zgjedhjeve, të cilin e shkeli me të dy këmbët kur nuk pranoi të ngrinte padi penale ndaj shpërndarësve të miellit elektoral në Elbasan, megjithëse provat ishin të dokumentuara edhe me video, por interesat e Edvinit, të cilat janë ligj për të



Vullneti i tepruar i Prokurorit të Përgjithshëm Theodhori Sollaku për të vepruar menjëherë e për të arrestuar Çelo Hoxhën, gazetarin që ishte edhe funksionar i Partisë së Ballit Kombëtar Demokrat na e kthen vëmendjen tek patologjia që ka shfaqur ky Dhori për zgjedhjet dhe votën e lirë. Kur ishin zgjedhjet e pjesshme në zonën 52 të Elbasanit, në vitin 2002, prokurori nuk denjoi të arrestonte shpërndarësit hajdutë të miellit (elektoral), për interesat e fushatës së ministres në detyrë Valentina Leskaj, edhe pse më përpara kishte deklaruar se me provat që kishte ofruar kandidati demokrat Fahri Balliu, askush nuk e shpëtonte fajtorin nga burgu. Sollaku injoroi dorëzimin e kasetës dhe të videos me pamjet e shpërndarjes së miellit, një shkelje flagrante e Kodit Zgjedhor, por edhe të Kodit Penal, dhe nuk ngriti kurrfarë padie penale ndaj njerëzve të kandidates socialiste. Kështu që prokurori i përgjithshëm e humbi provimin e vet me zgjedhjet e lira, prandaj edhe zelli i tmerrshëm për të arrestuar një njeri publik, si sekretarin e përgjithshëm të PBKD-së (njëkohësisht gazetar) do e kërkojmë tek motivet jashtëzgjedhore e pikërisht tek lidhja preferenciale e Sollakut me Edvin Ramën. Janë pikërisht standardet e karrierës së Edvinit dhe jo standardet zgjedhore, shqetësimi kryesor i prokurorit në detyrë. Prandaj edhe ai ka vepruar shpejt e shpejt se duket se ishte vënë në dyshim standardi i karrierës së kryetarit të Partisë Socialiste dhe kryetarit në detyrë të bashkisë së Tiranës, standardet e Edvinit, të shantazheve të tij, shpërdorimeve të tij, janë standarde të kryeprokurorit, prandaj edhe është e nevojshme rikthimi tek papërgjegjshmëria që e karakterizon këtë njeri ndaj votës së lirë dhe zgjedhjeve në përgjithësi. Kjo biografi e zezë na sqaron shpejt e shpejt e na bën të kuptojmë se kush fshihet pas kësaj padie surreale penale ndaj Çelo Hoxhës. Askush më pak sesa Edi Rama.

Re. Po.

55

[marangozi]

Kush e ka pushtetin ne dore ne Shqiperi?

Ne se nuk gaboj kryeminister eshte Dr Prof Sali Berisha.

Ka ndonje rol ai apo eshte kukull qe vetem vjell vrer?

[KastroZiso99]

Ky Celua mos ishte nje nga ata qe fallsifikuan firmen e Akil Rames me synimin per te ngateruar votuesit qe ne vend te votonin Edi Ramen te votonin Akil Ramen

Kjo me pak fjale quhet te vjedhesh votat e njerezve dhe te ndikosh ne menyre te jashteligjshme ne zgjedhjen e njerit prej udheheqesve me te rendesishem te shqiperise pasi eshte e padiskutueshme qe posti i kryetarit te Bashkis Tirane eshte posti i dyte me i rendeishem pas postit te kryeministrit

Per mua keta falsifikatore meritojne denimin me te rend te mundshem

Po si mund te thoni mo qe duhen falur keta kriminele

po e dini sa dite te lumtura sa vite jete sa leke kemi humbur te gjithe ne vetem sepse jetojme ne nje palo shtet qe edhe sot pas 17 vitesh demokraci nuk ka arritur te bej njehere te vetme zgjedhje te ndershme
ku lojtaret politik te futen per te fituar bazuar ne aftesi e merita e jo bazuar ne manipulime vjedhje dhe si tja futim kundershtarit

Sa te kemi celo me shoke kemi per te ndenjur jashte evropes ne skamje mjerim dhe te drejtuar nga njerez te papergjegjshem

Celua me shok duhet te marrin burgun qe te trembin horrat e se nesermes

Per mua

[evertet]

Ku e di ti more ZISO qe paska fallsifikuar,,,,,,,,, ai dhe partia e tij duhen eliminuar more ziso djali se kane karakter nacional e po u formua parti nacionaliste ne shqiperi ballkanin e mori lumi,,,,,,,,

Do i gjenin dicka per ta arrestuar , ne mos fallsifikim ndonje akuze per ngacmin sexsual a dicka tjeter, ashtu sic u vepru me ate partise per bashkim kombetar qe e arrestuan ne Rinas , te cilin e KERCENUAN me jeten neqoftese nuk heq dore nga idete e tij, ashtu do bejne edhe me kete rast ,,,,,,,,,, do ta kercenojne dhe do ta lejne te lire (se sja mban bithka ta burgosin) hiq dore nga shkrimet e nga idete nacionaliste do i thone se ne kemi plane qera per shqiperi multetnike