Shtetasi me probleme mendore sulmon priftin në Kishën e Kuçovës

[forum126]

Sulmohet me thike nje prift ortodoks.

http://www.balkanwe b.com/sitev4/ index.php? id=1337

Ngjarja ka ndodhur rreth ores 11:00 te paradites se sotme
ne qytetin e Kucoves, brenda kishes “Ringjallja e
Krishtit”.

Ka ngjare si nje skene filmi, po ne fakt ka qene reale ajo
qe ndodhi paraditen e sotme ne nje kishe ne Kucove. Nje
burre i armatosur me 2 thika te kryqezuara sulmon priftin
ortodoks Bartolomeo Budhari, nderkohe qe lutej perpara
statujes se Krishtit duke thene shprehjet ‘une jam zoti i
plotfuqishem’ , ‘une jam zot i cifuteve’.

Skena e tmerrshme njeheresh dhe e pabesueshme eshte
perseritur disa here teksa agresori tentonte te plagoste me
2 thikat priftin, nderkohe qe ky i fundit fatmiresisht ka
pesuar vecse nje gervishtje te lehte ne fytyre dhe mantelin
i eshte grisur. Pas kesaj, agresori eshte ngjitur ne vendin
ku prifti mban meshat dhe eshte kryqezuar, pozicion ne te
cilin ka qendruar deri ne momentin kur ka mberritur
policia.

Edhe pse eshte shoqeruar per ne komisariat, identiteti i
tij ka mbetur mister, pasi as banoret e zones nuk kane
mundur ta njohin. Nderkohe policia tashme ka nisur hetimet
rreth motiveve qe kane nxitur agresorin te ndermarre nje
veprim te tille,qe fatmiresisht perfundoi pa tragjedi.

[forum126]

Kuçovë, sulm me thikë në kishë priftit


Sulo Gozhina
11-03-2007



KUÇOVË- Një 25-vjeçar hyn në kishë me dy thika në duar e sulmon priftin, fill pas ceremonisë fetare. Ngjarja e rëndë ka ndodhur paraditen e djeshme, rreth orës 11:00 në ambientet e kishës ortodokse "Ringjallja e Krishtit" në Kuçovë, ku falë shmangies që i bëri agresorit, at Bartolomeo mori vetëm një plagë të lehtë në faqe."Ishte një djalë i ri që kaloi pragun e kishës deshi të godiste me thikë priftin,duke thërritur mes qetësisë së shtëpisë së Zotit se ishte mbreti i çifutëve",-rrëfen për "Shekullin" njëri prej besimtarëve, dëshmitar në vendngjarje. Mësohet se mes thirrjeve të pakuptimta, 25-vjeçari Ylli Polo i është sulur priftit me thikë në dorë, duke tentuar ta vrasë. E ka goditur fillimisht në shpatull, pa mundur ta plagosë, por at Bartolomeo është shmangur mes objekteve të kishës, duke i shpëtuar një krimi që mund të sillte shumë pasoja.
Denoncimi

Prifti 47- vjeçar, Bartolomeo Bullari që drejton kishën "Ringjallja e Krishtit" që prej vitit 1992, një orë pas ngjarjes ende nuk mund ta besonte se në kishën që ai ka shërbyer për vite të tëra të ndodhin të tilla ngjarje. Gjithçka ka ecur normalisht për drejtuesin e kishës deri në përfundimin e riteve fetare,kur pasi janë bërë faljet dhe lutjet prifti ka qënë duke dalë nga kisha. "Vetëm një besimtar ka qenë duke vazhduar lutjen dhe unë isha duke u përgatitur të dilja nga faltorja e kishës. Duke përshkuar korridorin pashë se nga dera e brendshme hyri dikush dhe pas tij dera u mbyll fort, duke shkaktuar një zhurmë tepër të madhe Më bëri përshtypje kur dëgjova që i riu bërtiste duke pohuar se ishte mbreti i çifutëve dhe të tilla gjëra brenda kishës nuk kishin si të mos më bënin pështypje.Vijova rrugën duke shpejtuar hapat dhe ajo ç'ka pashë më çuditi dhe më shumë, pasi ai mbante në duar dy thika të kryqëzuara si dhe uli kokën mbi ikonën e parë që ndodhet në hyrje të kishës",-tregon at Bartolomeo. Ai shton për "Shekullin" se 'mysafiri" e kishte sulmuar duke shqiptuar fjalë pa kuptim, ndërkohë që i ishte shmangur duke e larguar me një tavolinë dhe objekte të tjera. "Ajo ç'ka po ndodhte më pas ishte e çuditshme për mua, pasi djali herë më drejtohej për të më qëlluar, e herë lutej nëpër ikona dhe vazhdonte të pëshpëriste fjalë pa kuptim. Në ndihmë më erdhi dhe besimtari që pasi dëgjoi nga kreu i kishës ku kryhen lutjet zhurrmën e krijuar, nisi të shmangë njësoj si unë djalin duke përdorur gjithçka që i diltë

përpara",-shton prifti, i cili më pas kishte telefonuar policinë e Kuçovës.

Arrestimi

Në lidhje me motivet e kësaj ngjarjeje, at Bartolomeo nuk di të shpjegojë asgjë. Unë i dua të gjithë besimtarët, por ajo që ndodhi sot për mua është e çuditshme, e pakuptimtë dhe ishte një veprim që kërkonte të më shkaktonte plagë, në një kohë që unë jo si prift, por dhe si njeri, kurrë nuk kam prekur askënd. Prifti 47- vjeçar thotë se çështja duhet të zbardhet nga institucionet e shtetit, duke vënë drejtësinë në vend. Ndërkohë, zyrtarë të policisë së Kuçovës pohojnë për "Shekullin" se vetëm pak minuta pas ngjarjes kanë ndaluar agresorin. Ai u identifikua si Ylli Polo, 25-vjeç, lindur dhe banues në fshatin Avales, komuna Kozarë. Ai nuk është dorëzuar pa rezistencë, ndërkohë që është dërguar në spital për ta qetësuar. Ndonëse janë kryer hetimet e para, policia ende nuk ka mundur të zbardhë motivet e ngjarjes, pasi agresori nuk ka pranuar të bashkëpunojë gjatë kohës së marrjes në pyetje. Nga familjarët e tij, policia mësoi se Polo kishte shfaqur probleme mendore gjatë kohëve të fundit, ndërsa është vërtetuar se para ngjarjes, ai kishte konsumuar edhe pije alkoolike. Megjithë dyshimet mbi motivet e këtij akti që shkon deri tek sëmundja nervore apo dehja, policia tha se ende nuk janë zbardhur motivet që e shtynë Ylli Polon të sulmonte drejtuesin e kishës "Ringjallja e Krishtit" në Kuçovë


http://www.shekulli.com.al/news/45/A...007-03-11.html

[forum126]

PRINT KOMENTO


“Jam mbreti i çifutëve”!

11 Mars Plagos në faqe Bartoleme Bullarin me thirrje e lutje

Sulmon në kishë priftin me thika të kryqëzuara

“Jam mbreti i çifutëve”.

Me këtë thirrje dhe të tjera pa kuptim, një i ri 25-vjeçar, Ylli Polo, ka sulmuar me thikë priftin e kishës në qytetin e Kuçovës. Dita e djeshme ka qenë më se e zakonshme për priftin Bartoleme Bullari, 47 vjeç, deri në përfundim të një ceremonie fetare, ku befas në derën e kishës është shfaqur një i ri me ulërima e lutje.

“Dëgjova kërcitjen e fortë të derës së kishës dhe të riun që behu me dy thika të kryqëzuara”, është shprehur prifti Bartoleme për “Metropol”.

Ngjarja e pazakontë ka ndodhur rreth orës 11.00 të ditës së djeshme, në ambientet e kishës ortodokse “Ringjallja e Krishtit”, që ndodhet në qendër të qytetit të Kuçovës, ku drejtuesi i saj at Bartolemeo është sulmuar për t’u vrarë dhe ka përfunduar me një plagë të lehtë në faqe.

Mes lutjeve mbi ikonat e kishës, thirrjeve të pakuptimta për shenjtërinë e tij, i riu ka dashur të qëllojë priftin, duke drejtuar thikat që mbante me vete dhe ndonëse është shmangur mes pajisjeve e orendive të kishës nga prifti Bartolemeo, ka mundur ta qëllojë atë fillimisht në shpatull, por pa mundur të depërtojë në trup dhe më pas e ka goditur në faqe e majtë, duke i shkaktuar një plagë të lehtë.

Për disa minuta prifti Bartolemeo dhe një besimtar i gjendur aty rastësisht, kanë “luftuar” me 25-vjeçarin.

Mësohet se në pak çaste ka mbërritur policia, e cila e njoftuar nga një telefonatë anonime ka arritur të identifikojë autorin e ngjarjes së pazakontë dhe të bëjë izolimin e tij.

Kanë qenë efektivat e policisë së grupit të gatshëm, ata që i kanë vënë prangat autorit të kësaj plagosje dhe shoqërimin e tij në ambientet e dhomave të paraburgimit.

Sipas hetimeve të para të bëra nga oficerët e Policisë Gjyqësore, dy pista janë shtruar në lidhje me motivet e sulmit ndaj priftit 47-vjeçar, sëmundja mendore ose konsumimi i tepërt i alkoolit nga 25-vjeçari Ylli Polo.

Por, gjithsesi ende asgjë nuk është e qartë, pasi gjatë hetimeve agresori nuk ka pranuar të bashkëpunojë, duke preferuar heshtjen.

INTERVSITA/ Prifti rrëfen momentet e tmerrit

“Agresori më sulmonte dhe më pas lutej”

Bartolemeo Bullari, prifti 47-vjeçar, drejton kishën “Ringjallja e Krishtit” në Kuçovë që prej vitit 1992.

Kur kishte kaluar një orë nga ngjarja dhe tronditja ende nuk i ishte fashitur, ai shprehet se nuk arrin ta besojë atë çka ndodhi.

Pranon të tregojë gjithçka për “Metropol” dhe rrëfimi i tij nis me… “Zoti është i gjithëpushtetshëm…”.

Jeni sulmuar në kishën tuaj. Mund të na tregoni se çfarë ndodhi saktësisht?

Përfundova një ceremoni fetare. Po bëheshin lutjet e fundit nga besimtarët dhe mbaj mend që në kishë kishte mbetur vetëm njëri prej tyre. Po mbaronte lutjen dhe unë isha duke u përgatitur të dilja nga faltorja e kishës. Duke përshkuar korridorin e pjesës së brendshme të kishës për në dalje të saj dhe në pritje të përfundimit të riteve nga besimtari i fundit, pashë se nga dera e brendshme hyri dikush dhe pas tij dera u mbyll shumë fort, duke shkaktuar një zhurmë tepër të madhe për shtëpinë e Zotit. Pas zhurmës që më bëri përshtypje dëgjova që i riu bërtiste, duke pohuar se “jam mbreti i çifutëve…”.

Patët ndonjë dialog që mund të shkaktonte acarim tek ai?

Jo, as dhe një fjalë. Pas zhurmës që shkaktoi përplasja e derës vijova rrugën, duke shpejtuar hapat dhe ajo çka pashë më çuditi dhe më shumë. I riu mbante në duar dy thika të kryqëzuara si kryq dhe uli kokën mbi ikonën e parë që ndodhet në hyrje të kishës. Nuk kuptova asgjë, ndërsa menjëherë ai m’u drejtua me thikat duke pëshpëritur se ishte Zoti, ishte mbreti i çifutëve. Instiktivisht veprova duke e mënjanuar nga trupi, pasi vazhdonte të afrohej dhe më pas e largova me anë të një tavoline që u gjend përpara dhe shërben në kishë. Ajo çka po ndodhte më pas ishte e çuditshme për mua, pasi djali herë më drejtohej për të më qëlluar, herë lutej nëpër ikona dhe vazhdonte të pëshpëriste fjalë pa kuptim.

Ju erdhi njeri në ndihmë?

Po. Besimtari që ishte duke u lutur, pasi dëgjoi nga kreu i kishës zhurmën e krijuar nisi të shmangë njësoj si unë djalin, duke përdorur gjithçka që dilte përpara. Më pas ai m’u afrua duke më ndjekur nëpër kishë e mes ikonash duke vazhduar thirrjet dhe lutjet, ndërsa arriti të më kapte në një moment. Më qëlloi në supin e majtë, por tehu i thikës nuk arriti të depërtonte në trup. Më pas në fraksionin të sekondës thika më preku në faqe, duke më shkaktuar gjakderdhje. U largova me shumë shpejtësi dhe me ndihmën e besimtarit morëm në telefon policinë e Kuçovës dhe u përpoqëm të dilnim nga kisha. Djali u fut në brendësi të saj, duke përfunduar në vendin e lutjeve të drejtuesve të kishës dhe ashtu i kryqëzuar me duar lart e gjeti dhe policia.

Keni pasur mosmarrëveshje me të më parë ose me ndonjë tjetër. Cili mund të jetë shkaku i agresionit ndaj jush?

Nuk di të them asgjë mbi këtë. Jam i shtangur. Unë i dua të gjithë besimtarët, vijoj të shërbej prej vitesh në kishë për ta mbajtur atë si shtëpia e Zotit, por ajo që ndodhi sot për mua është e çuditshme, e pakuptimtë dhe ishte një veprim i skajshëm karshi meje. Unë jo vetëm si prift, por në radhë të parë si njeri, nuk kam mundur e s’do të mund kurrë të lëndoj njeri. Por çështja duhet të zbardhet nga institucionet e shtetit, duke vënë drejtësinë në vend.

Hetimet e para

Çrregullimet mendore, shkaku i ngjarjes

Burime të Komisariatit të qytetit të Kuçovës bënë me dije se menjëherë pas marrjes së informacionit ekspertët hetimorë mbërritën në vendin e ngjarjes dhe ndaluan pas pak çastesh rezistence agresorin, të cilit iu bllokuan dhe thikat në cilësinë e provës materiale.

Policia tha se agresori u identifikua si Ylli Polo, 25 vjeç, lindur dhe banues në fshatin Avales, komuna Kozare të rrethit të Kuçovës, ndërkohë që ai nuk ka pohuar asgjë rreth identitetit të tij, rreth ngjarjes apo motiveve të saj.

Policia tha se shoqëroi menjëherë në spitalin e qytetit priftin, i cili, pasi ka marrë ndihmën e parë shëndetësore ka treguar gjithçka rreth ngjarjes.

Po kështu dhe agresori është shoqëruar në spital për disa momente, pasi policisë i është dashur qetësimi i tij për të vazhduar hetimet rreth ngjarjes, pasi ai ka reaguar mjaft ashpër, duke vijuar të sillet në mënyrë të pakuptimtë.

“I përkas Zotit dhe vetëm ai mund të më gjykojë”, ka përsëritur pa pushim 25-vjeçari Ylli Polo.

Ndonëse janë kryer hetimet e para, policia ende nuk ka mundur të zbardhë motivet e ngjarjes, pasi agresori nuk ka pranuar të bashkëpunojë gjatë kohës së marrjes në pyetje.

Ekspertët hetimorë mësuan më pas nga familjarët e tij, se gjendja mendore kohët e fundit kishte shfaqur probleme, ndërkohë që sipas policisë do të duhet vizita mjekësore ndaj tij për të përcaktuar të tilla dyshime.

Ndërkohë uniformat blu kanë konstatuar në momentet e para të prangosjes se i riu kishte konsumuar një sasi të konsiderueshme alkooli.

Por me gjithë dyshimet mbi motivet e këtij akti që shkon deri te sëmundja mendore apo dehja, policia tha se ende nuk janë zbardhur motivet e këtij akti të paprecedentë. Gjithsesi policia tha se për 25-vjeçarin do të vendosin organet hetimore,


http://www.gazetametropol.com/tekst.php?idt=39690

[saimiri-uk]

Pi vere dhe sulmon me thike nje prift

Te sulmoje me thike edhe nje hoxhe dhe ta lene te lire!
Por vera eshte gjaku i krishtit more jo i priftit, cfare ka qene duke menduar ai njeri qe nuk e mbaka dot alkoholin?
Me siguri do ta kene turbulluar ato ererat a tymrat qe leshon prifti ne ate tip kandili qe e rrotullon lart e poshte ne kishe!
Hajt gezuar me nje gote vere tani!

[Ermal 22]

Na lodhe me gjithe keta artikuj te gjate forumiislamik126, por thelbi eshte i thjeshte, packa se ty te ka shpetuar pjesa shpjeguese.

Çrregullimet mendore, shkaku i ngjarjes

Po kështu dhe agresori është shoqëruar në spital për disa momente, pasi policisë i është dashur qetësimi i tij për të vazhduar hetimet rreth ngjarjes, pasi ai ka reaguar mjaft ashpër, duke vijuar të sillet në mënyrë të pakuptimtë.

Ekspertët hetimorë mësuan më pas nga familjarët e tij, se gjendja mendore kohët e fundit kishte shfaqur probleme, ndërkohë që sipas policisë do të duhet vizita mjekësore ndaj tij për të përcaktuar të tilla dyshime.