FC Real Madrid

[Davius]

FC REAL MADRID

[Davius]

Përshëndetje

Jemi gati se në fund të sezonit futbollistik, dhe punët në kampin madrilen, nuk janë duke shkuar sipas parashikimeve. Gjithçka mbrapsht filloi me dorëheqjen e kryetarit të klubit, Florentino Perezit, mandj eleminimi nga Kupa e Mbretit, elemiminimi nga Liga e Kampionëve dhe humbja e mundësisë për të fituar titullin në Primera Division.

Ky vit që tash mund të shpallet i mbyllur. Duhet koncentrim në gjetjen e një trajneri të mirë, inkuadrimin e disa lojtarëve të rinj në ekip dhe një rifreskim total i bankës rezervë. Flitet për disa blerje eventuale, por ende asgjë nuk është e sigurtë. Poashtu vlen të ceket se në qershor të këtij viti do të mbahen edhe zgjedhjet presidenciale, për kryetar të klubit.

Kjo verë si duket do të jetë shumë nxehtë në Real Madrid....

VAMOS REAL MADRID

[Davius]

Aktori i mirenjohur, Antonio Banderas, qe eshte tifoz i flakte i Realit te Madridit, shprehet se Reali eshte duke u fundosur si nje Titanic, dikur nje gjigand i madh futbolli, sot eshte bere i pafuqishem, ka humbur identitet.

[Davius]

Trajneri Lopez Karo dhe portieri Iker Kasiljas komentojnë suksesin e "merengesve" në Osasunë 02-05-2006

Reali: Ishte fitorja e sakrificës

Real Madridi ka fituar 1-0 në ndeshjen e luajtur të dielën ndaj Osasunës dhe 270 minuta nga fundi i Primera Divizionit ndodhet vetëm dy pikë larg objektivit të mbetur në këtë sezon: vendi i dytë. Fitorja e dy ditëve më parë në një fushë të vështirë ka shtuar besimin te "merengesit" për ta mbyllur si duhet kampionatin. Trajneri Huan Ramon Lopez Karo pranon se skuadra e tij nuk ka shkëlqyer në lojë, por vlerëson pikët e marra: "Shpreshherë drejtësia në futboll varet edhe nga fati.

Mund të luash mirë dhe nuk fiton, por ka edhe raste kur ndodh e kundërta. Ishte një ndeshje shumë e luftuar nga të dyja skuadrat. Osasuna bëri lojën e saj me një futboll të drejtpërdrejtë, me ritëm të lartë, me topin tokazi dhe me një presing asfiksues. Që në minutat e para e dinim se duhej të bazoheshim te kundërsulmi dhe tek aftësitë e futbollistëve që kishim përpara. Më pëlqeu loja e të gjithë skuadrës në mbrojtje. Luajtëm me rregull dhe më pas fituam 11-metërshin që na dha tripikëshin." Më pas, trajneri që mori drejtimin e skuadrës pas dorëheqjes së Luksemburgos në muajin dhjetor, vazhdoi deklaratën pas ndeshjes:

"Ishte një fitore e arritur me karakter dhe sakrificë. Skuadra ka punuar mirë gjatë gjithë kësaj periudhe dhe i mori frytet ndaj një kundërshtari të drejtpërdrejtë. U treguan mjaft të aftë që nuk u ndikuan nga presioni përreth tyre." Iker Kasiljas ka qenë "heroi" i Realit në ndeshjen në Osasuna, pasi në minutën e 70-të, numri 1 "merenges" priti 11-metërshin e ekzekutuar nga Punjali. Karo tha: "Nuk më pëlqen të flas për individët dhe mendoj vetëm për ndeshjen e së enjtes ndaj Santaderit. Do të jetë finalja e radhës dhe na duhet me çdo kusht një fitore ndaj një skuadre që rrezikon rënien nga kategoria. Nuk do të jetë e lehtë, por s'kemi alternativë tjetër. Çdo rezultat tjetër që nuk na jep tri pikët, do të zhvlerësonte të gjitha sakrificat e bëra në Osasuna."

Portieri i Realit, Iker Kasiljas, pas 11-metërshit, më saktësisht dhjetë minuta nga fundi i lojës, u ndëshkua me kartonin e dytë të verdhë dhe e la Realin me dhjetë futbollistë. Numri 1 i "merengesve" shpjegon: "U habita edhe vetë pas kartonit të kuq. I pari ishte për protesta, ndërsa i dyti ishte i kotë. Nuk po vonoja lojën, thjesht po prisja që futbollistët e mi të avanconin më përpara. Ishte një moment i ndjeshjes, në të cilin na duhej të merrnim frymë. Gjithsesi, rëndësi kanë tri pikët, me apo pa mua. Duam me çdo kusht të arrijmë Valencian dhe kur bëhet fjalë për Championsin, vetëm një gjë ka që del mbi të tjerat, fitorja." Për javën e 36-të, Valencia do të udhëtojë të mërkurën për në Majorka, ndërsa Reali do të luajë në Santander.

Erikson, favorit për stolin "merenges"
Sven Goran Erikson është favoriti i ri për të marrë drejtimin e Real Madridit pas "jo"-ve të vazhdueshme të Karlo Ançelotit. Sipas së përditshmes spanjolle "Marca", trajneri suedez nuk do të kishte asnjë pengesë për të pranuar ftesën e Realit, pas largimit nga kombëtarja angleze në fund të botërorit. Alternativa e Eriksonit është Shuster, gjermani që drejton Getafen "e mrekullive".

[Davius]

L.Karo: Shpresë deri në fund

Trajneri i Realit, Lopez Karo ka bërë të ditur se do të synojë deri në javën e fundit vendin e dytë. Ai tha: "Duhet të fitojmë në Santader pavarësisht se çfarë bën Valencia në Majorka. Ne duhet të bëjmë detyrën tonë, pasi vetëm kështu mund t'i mbajë gjallë shpresat deri në javën e fundit."

[Davius]

Sulmuesi "merenges" synon vendin e dytë në Spanjë dhe një vend te Brazili i Parreiras 03-05-2006

Baptista: Botërori? I lutem Zotit...

Braziliani i Realit, Baptista, ka shënuar gjashtë gola në këtë kampionat, të fundit javën e kaluar në Osasunë. Ish-sulmuesi i Seviljes po ambientohet me fanellën "merengese" dhe kjo i jep mundësinë të paraqesë ato nivele të larta. Nivele në të cilat, për arsye të ndryshme, nuk mundi të ishte në pjesën e parë të sezonit. Ja cila ka qenë intervista e 24-vjeçarit që ëndërron botërorin dhe beson te vendi i dytë në Primera Divizion...

- Baptista, forma juaj në ndeshjet e fundit mund ta shtyjë Parreiran t'ju grumbulloj në botëror...
- I luhem Zotit për këtë. Kam luajtur edhe më parë me "Selesaon" dhe e di sa e bukur është. Më pas, kur bëhet fjalë për botërorin... Do të ishte një ëndërr për mua, ashtu siç është për çdo futbollist.

- Do të luani ndaj Santanderit?
- Kam pësuar një goditje dhe kam kaviljen e enjtur. Situata nuk është shumë e mirë, por do të vendos me mjekët vetëm para se skuadra të udhëtojë për në Santander.

- Në Osasunë luajtët një nga ndeshjet më të vështira të karrierës suaj...
- Nuk mund të them se ishte ndeshja më e vështirë, por me siguri ishte shumë e fortë. Ndaj Osasunës zhvillohen gjithmonë ndeshje të tilla.

- Me Realin, sepse me Seviljen ishte ndryshe...
- Jo, është gjithmonë e njëjta gjë. Më kujtohet një ndeshje me Seviljen, në të cilën më dukej sikur isha në një shi të objekteve që vinin nga tribuna.

- Një futbollist mund të ketë frikë ta luajë një ndeshje të tillë...
- Personalisht këto tipe ndeshjesh janë ato që më pëlqejnë më shumë.

- Pasi shënuat 11-metërshin, festuat në mënyrë shumë grintoze...
- Ishte një gol i rëndësishëm në një fushë të vështirë. Janë të shumta ato skuadra që janë mundur në "Pamplona" dha të pakta ato që kanë dalë me tri pikë.

- Tani tifozët e Realit po shohin Baptistën më të mirë?
- Kam arritur një formë të mirë fizike. Po stërvitem rregullisht dhe nuk kam asnjë shqetësim. Dalëngadalë jam duke kuptuar të gjitha sekretet e ambientit që më rrethon.

- Çfarë pret Baptista nga tri ndeshjet e fundit?
- Janë në lojë nëntë pikë dhe duhet t'i marrim të gjitha. Nga ana tjetër, shpresoj që Valencia të ndalet dhe të marrim vendin e dytë.

[Davius]

Legjenda e klubit "merenges" kritikon ecurinë e skuadrës në vitet e fundit 04-05-2006

Di Stefano: Notën "5" Realit!


Legjenda e Realit të Madridit, Alfredo Di Stefano, ka kritikuar klubin për mungesën e planifikimit për një kohë të gjatë dhe për dëshirën për të blerë gjithmonë lojtarë të rinj. 79-vjeçari argjentinas, i cili i drejtoi madrilenët në pesë kupa europiane, nga viti 1956 deri në 1960-n, ka thënë se politikat e klubit kanë ndikuar në shpirtin e skuadrës dhe në lojën e saj. "Është e habitshme se sa lojtarë janë blerë dhe janë shitur prej klubit, - tha Di Stefano për reporterët.

- Nuk mund të drejtohet një klub futbolli si të ishte një supermarket". Reali ka shpenzuar rreth 90 milionë euro në fillimin e sezonit të shkuar, por këto shpenzime nuk kanë ndryshuar asgjë në prezantimin e klubit, gjendje e cila nuk ka qenë më e rëndë që prej 50 vitesh. Sipas mediave spanjolle, klubi madrilen po planifikon një seri tjetër shpenzimesh për të sjellë në "Bernabeu" ndryshimin, por Di Stefano nuk e shikon këtë si një rrugëzgjidhje. "Duhet të përpiqemi për t'u përmirësuar për vitin e ardhshëm, - tha Di Stefano. - Ky sezon meriton notën 5. Duhet të punojmë me lojtarët e rinj. Ka disa lojtarë të mëdhenj te Reali, por ata nuk punojnë si një skuadër. Në futboll është i rëndësishëm shpirti i skuadrës.

Nuk është sport individual si boksi apo tenisi". Di Stefano ka shtuar se është shumë i mërzitur nga vendimi i Zidanit për t'u tërhequr nga futbolli në fundin e sezonit. "Më vjen shumë keq. Ai është një gjeni i futbollit. Është një nga lojtarët më të mirë që ka zbritur në fushë." Ai nuk është shprehur shumë i kënaqur për mundësinë e transferimit të Henrisë në Madrid. "Ne e patëm shansin ta sillnim këtu para tetë vitesh, por nuk e sollëm, ndërsa tani po përpiqemi sërish. Kjo nuk është shumë e logjikshme", - shtoi Di Stefano.

[Davius]

"Marca": Henri, për 35 milionë në Madrid

Reali e ka rritur ofertën për xhevahirin francez të
Arsenalit, Tierri Henri. 35 milionë euro dhe 9 milionë euro rrogë për të, në rast të një transferimi të mundshëm, por Tierri Henri akoma nuk e ka bërë zgjedhjen e tij. Barcelona duket se është në "pole-position" për kartonin e tij, megjithëse spanjollët janë rivalët për fitimin e trofeut të Ligës së Kampioneve. Juventusi vazhdon të përgënjeshtrojë se ka një interesim për të, ndërsa madrilenët kanë bërë ofertën më serioze.

Sipas lajmeve të fundit të gazetës sportive "Marca", Reali ka ofruar 35 milionë euro për Arsenalin dhe një kontratë prej 9 milionë eurosh në vit për Henrinë, por francezi nuk ka vendosur asgjë për të ardhmen e tij. Duket se gjithçka do të zgjidhet pas finales së 17 majit.

[Davius]

"Zizu" do të luaj ndeshjen e fundit në "Bernabeu", trajneri shpreson te francezi për vendin e dytë 07-05-2006

L.Karo: Zidan, kampioni mbi të tjetër!

Trajneri i Realit të Madridit, Huan Ramon Lopez Karo, i ka thurur elozhe yllit të skuadrës së tij, francezit Zinedine Zidane, i cili do të zhvillojë ndeshjen e tij të fundit me klubin spanjoll, pasi do të tërhiqet në fund të sezonit. Reali i Madridit do të luajë në fushën e vet kundër Vilarealit ndeshjen e fundit të sezonit, e cila do të ketë rëndësi, pasi vendësit synojnë të arrijnë vendin e dytë. "Më e rëndësishmja është që ne të luajmë shumë mirë dhe t'i marrim tri pikët në këtë sfidë. Kam besim të madh te klasi i Zidane. Shpresoj që ai të jetë në një formë sa më të mirë dhe të japë maksimumin e tij. Jam i sigurt kur them se ai është futbollisti më i mirë në botë. Ai meriton shumë duartrokitje, pasi ka dhënë jashtëzakonsiht shumë.

Tani ka ardhur koha të mendojmë për gjeneratën e re, por, përsa i përket francezit, vazhdon të jetë më i miri, edhe pse nuk është i ri në moshë. E përsëris sërish që është më i miri në botë, si në aspektin sportiv edhe në atë personal. Ai është një shkallë mbi të tjetër." - tha Lopez Karo. Ky i fundit ka bërë të ditur se më e rëndësishmja është forma e përgjithshme e skuadrës. Futbollistët që do të jenë në fushën e lojës nuk kanë alternativë tjetër, përveç se duhet të japin maksimumin e tyre. "Futbollistët janë shumë mirë fizikisht dhe, mbi të gjitha, janë profesionistë. Ata e dinë se sa e rëndësishme është ajo përballje, ndaj duhet të japim patjetër 100% të formës së tyre. Në këtë ndeshje varet dhe realizimi i synimit tonë. Është ndeshja ime e fundit, ndaj dua që ta mbyll me fitore." Lopez Karo ka folur edhe për dy futbollistë tepër të talentuar, pikërisht për Huam Roman Rikelmen dhe Antonio Kasanon.

"Rikelme është një futbollist shumë i mirë. Ai di se si të krijojë një rast për gol, dhe në rolin e tij është një nga më të mirët. Një gjë të tillë e ka treguar qartë, sidomos në sezonin e fundit, ku drejtoi skuadrën e tij deri në gjysëmfinalet e Ligës së Kampioneve. Përsa i përket Antonio Kasanos, ai është gjithashtu shumë i talentuar; ka aftësi që shumë pak të tjerë i kanë. Që nga koha që ai ka ardhur te Reali, fati nuk ka qenë me të. Ka pësuar disa dëmtime, të cilët i kanë kushtuar probleme me formën fizike dhe, si rrjedhojë, nuk ka arritur të gjejë shumë hapësira. Dua të bëj të ditur se drejtuesit gjithmonë kanë arritur të sjellin në skuadër futbollistë të klasit botëror. Ata duan të vazhdojnë ta bëjnë një gjë të tillë, por nuk duhen shumë, në të njëjtën kohë. Kjo gjë i dëmton ata..."

[Davius]

Reali sonte barazon ne Madrid kunder gjysem finalistit te Liges se Kampioneve, ekipit te Villarrealit, me rezultat 3:3.

Njeherit kjo ishte edhe ndeshja e fundit e Zidanit me fallen madrilene. Ai largohet nga Reali, nga kjo ndeshje me gol te shenuar ne ndeshjen e fundit te tij.