Inagurohet busti i Haxhi Bektash Veliut ne mjediset e selise se shejte ne Tirane

[ATMAN]

Pershendetja e Kryegjyshit Boteror te Bektashinjve Haxhi Dede reshat Bardhine inagurimin e bustit te Haxhi Bektash Veliut ne mjediset e selise se shejte ne Tirane ,me 4 mars 2007.


Në emër të Zotit, Mëshirbërësit, Mëshirmadhit!

Të nderuar përfaqësues të trupit diplomatik në Tiranë!

Të nderuar lider të komuniteteve fetarë në Shqipëri!

Të nderuar besimtarë nga Kruja e Gjirokastra nga Vlora dhe Kosova, nga Tepelena dhe Tetova nga Dibra dhe Elbasani!


Të nderuar miq!

Sot na ka mbledhur tek ky shesh, kujtimi, jeta dhe vepra e shenjtorit të madh, Pirit tonë të dashur, Haxhi Bektash Veliut.
I lindur 800 vjet më parë, në Horasan të Iranit, ky pinjoll i nderuar i familjes së Imam Rizait, do të trodiste botën e Lindjes me thellësinë e mendimit dhe të gjykimit.
Ai do të pasuronte mendimin e qytetëruar islam, me misticizmin islam, duke udhëhequr me qindra mijra njerëz të asaj kohe dhe duke e shtrirë filozofinë e tij edhe në shekujt që erdhën më pas.
Ndonëse aktivitetin e tij më të madh, e ushtroi në Turqi, mësimet dhe filozofia e Haxhi Bektash Veliut do të vinin qysh herët në Shqipëri.
Pikërisht në shekujt e 14 dhe 15, bektashizmi do të pushtonte shumë treva të Jugut të Shqipërisë, duke u shndruar në adhurim ndaj Zotit, në dashuri ndaj atdheut, ndaj gjuhës shqipe dhe kombit tonë.
Në këtë vështrim, pamvarësisht se neve përkëdhelim sot statujën e Haxhi Bektash Veliut, në të vërtet ai ka ardhur në Shqipëri 5 - 6 shekuj, më parë, me mënçurinë, urtësinë dhe filozofinë e vet të mrekullueshme.
Të nderuar miq!
Bektashizmi në vendin tonë mundi të jetojë edhe pse u godit rëndë nga çdo okupator.
Kjo vinte sepse parimet bazë të tij, ishin dhe mbeten parimet bazë të veprës së Profetit Muhamed (aleqym selam) si edhe të Kuranit të Madhëruar.
Bektashizmi në vendin tonë, mundi të jetojë edhe pse i rrënua nga diktatura që kaluam.
Kjo vinte sepse bektashinjtë jo vetëm në trevat shqiptare por kudo në botë u mbështetën në bujarinë urtësinë dhe dashurinë e bekuar prej Haxhi Bektash Veliut.
Kauza, parimet dhe mistika e këtij shenjtori të madh, jo vetëm nuk u shuan por sa vijnë dhe ndriçohen më shumë.
Selia jonë e shenjtë, me ndihmën e të Madhit Zot, të Haxhi Bektash Veliut, të milona besimtarëve, po zhvillon sot mardhënie me bektashinj kudo në botë, duke treguar vetëm vlera, duke rrëfyer vetëm dashuri.
Ju faleminderit të gjithëve që erdhët sot, të ndajmë këtë gëzim së bashku.

Zoti ju bekoftë të gjithëve!

Amin!