Mallkimi

[RTP]

Në fshatin grek të Mudros, në ishullin Limnos, ne vitin 2001 zhvilloheshin ceremoni fetare për t'i hequr fshatit mallkimin 400-vjeçar që thuhet se ka lënë pa gjumë banorët e tij.

Kur Greqia ishte nën sundimin Otoman në shekullin e 17-të, thuhet se fshatarët akuzuan kot priftërinjtë e manastirit të Kutlumusit, në Malin Athos, për vrasjen e ushtarëve turq.

Si reagim tetë priftërinjve ju pre koka, dhe kreu i manastirit bëri mallkimin duke thënë se populli i Mudros nuk duhet të flerë më kurrë.

Në Athinë thonë se banorët e fshatit pretendojnë se që atëherë nuk e kanë bërë gjumin të rehatshëm, dhe kanë mundur të flënë vetëm duke vënë ajmali dhe duke pirë lëng rrënjësh, që mendohej se kishin fuqi magjike.

Kreu i manastirit pat shkuar në Mudro për të mbajtur meshën, për të udhëhequr një procesion nëpër fshat dhe për të ofruar faljen e kishës.

[RTP]

Kujdes nga shikimi që vret

Mallkimi me anë të syve ka baza shkencore. Fuqia e shikimit është shumë e madhe nga ç’mund të mendohet, sa mund të thuhet edhe ndryshe shikim vrasës. Sipas gazetës më të madhe ruse “Pravda”, nga sytë e një njeriu mund të dalë fuqia shkatërruese e një lazeri. Një energji negative që mund edhe të të vrasë.
Gazeta ruse “Pravda”, tregon edhe disa raste të dokumentuara ku një gjë e tillë ka ndodhur. Në këtë artikull tregohet edhe mendimi i një shkencëtari rus, drejtor i insitutit teknologjik të informacionit, Vladimir Hokkanen, i cili konfirmon se një shikim shumë intensiv mund të vrasë ose të krijojë probleme me shëndetin. Kjo si pasojë e sinjaleve me frekuencë të lartë që organet e shikimit mund të trasmetojnë. Por një gjë e tillë nuk është se ndodh tek të gjithë personat, por vetëm në disa persona të veçantë.
Një gjë e mirë që nuk është një efekt që japin të gjithë, sepse me gjithë personat antipatik që mund të jemi të rrethuar do të ndodhte ndonjë katastrofë.