ON-OFF.Vleresime mbi personazhet e skenes dhe ekranit shqiptar.

[aleee]

Nga gazeta PANORAMAPLUS
ON/OFF






Të talentuar apo me fat, të zotë apo të vetëkënaqur, fjalëpakë apo sa dinë e aq të thonë, mendjemëdhenj apo të hutuar nga suksesi? Një gjë dihet me siguri, asnjë prej personazheve të ekranit nuk jeton dot pa televizionin. Por duhet të bëjnë kujdes, sepse telekomandën me butonin on/off ne e kemi në dorë.



ON Liljana Kondakçi
Sa herë transmetohen regjistrime të festivaleve, apo koncerteve të dekadave të shkuara, kureshtja na shtyn të mësojmë sekretin me të cilin Liljana Kondakçi ka ruajtur të paprekur figurën e një këngëtareje të paperëndueshme. Fletët e kalendarit që ndërrohen këngëtarja i shikon më përçmim, sepse vitet vetëm ia shtojnë sharmin. Modestinë në të shprehur me fjalë, Liljana Kondakçi e hedh pas krahëve me lehtësi, sa herë që ngjitet në skenë për të interpretuar si pak këngëtarë, drejtpërdrejtë. Admirimi ynë për të shtohet, sepse ajo ruan një zë brilant që natyra duket se ia ka falur për t’i bashkuar të gjithë brezat në tingujt e këngëve ku jetohet rinia e përjetshme. Përgëzime pa kufij për Liliana Kondakçiun, që nga lartësitë e përvojës shumëvjeçare është shembull për t’u ndjekur nga këngëtarët e rinj, që masë të suksesit duhet të kenë punën dhe kultivimin e talentit. Duartrokitjet dhe admirimi i dashamirësve të këngës janë të merituara për këngëtaren, të cilës i urojmë të mbetet gjithnjë në formë.

OFF Nora Istrefi
Epo Nora Istrefi nuk e ka titulluar kot albumin “Opium”, sepse me të vërtetë po zgjohemi me vështirësi nga trullosja e këngëve që dëgjohen aty. Aq më shumë kur bëhemi të pamëshirshëm me veten dhe shohim me vëmendje edhe ndonjë videoklip të tyre. Ndalemi pak tek ai me titull “Një djalë” apo “Çok gjyzel” se këngëtarja me dy fjalë orientale e ka më të lehtë të dridhet në ritmet e atyre vendeve nga ka huazuar tingujt e këngës. Por të paktën “Çok gjyzeli” në këtë këngë ka lidhje me tekstin. Ajo që s’ka pikën e lidhjes është veshja, ku spikat një fustan ngjyrë teneqeje, i cili e bën Norën të duket si jashtëtokësore që ka zbritur nga anija kozmike të marrë pak ajër. Por në këtë pikë këngëtarja nuk duhet të shqetësohet, sepse balerinat rreth saj nuk e kanë ndritur me veshjen dhe mungesa e shijes shpresojmë të jetë epidemi kalimtare. Vërtet rryma që këndon i kërkon disa xixa e llamarina, por të paditur siç jemi nuk kuptojmë lidhjen e tyre me kostumin e zi me jaka të bardha si përparëse e klasës së parë, me të cilin ajo shfaqet në sekuencat e tjera! Me siguri Nora Istrefi po përgatit ndonjë video për ditën e parë të shkollës dhe nga padurimi, disa xhirime i ka përdorur që te ky klip.

ON Ylljet Aliçka
Nuk është aspak e lehtë të rikthehesh në gojët e kritikëve apo analistëve me një vepër të re letrare. Por duket se shkrimtari, Ylljet Aliçka, ka goditur përsëri atje ku duhet më romanin e fundit, titulluar “Një rrëfenjë me ndërkombëtarë”. Skenaristi i mirënjohur i filmit të suksesshëm “Parrullat” meriton përgëzime për talentin dhe idenë pikante për të ardhur në tregun e madh të letërsisë me një subjekt ndryshe. Nisur nga eksperienca e tij si nëpunës i një organizmi diplomatik në Tiranë, shkrimtari ka rrëfyer artistikisht me ngjyra komike dhe njëkohësisht serioze këndvështrimin e tij mbi situatën aktuale të marrëdhënieve midis nesh dhe ndërkombëtarëve. Ylljet Aliçka ka ditur të tregojë situata të jetuara apo edhe të krijuara, pa u ndikuar dhe jo i tepruar në mbështetje të njëanshme. Përgëzime shkrimtarit, që me thjeshtësi të sofistikuar ka dhënë mesazhin se Shqipëria, nëse dëshiron të integrohet në Evropë, duhet ta bëjë me dinjitet dhe në radhë të parë, duke pasur respekt për veten”.


OFF Arben Hasanaj
Nuk e dimë nëse vazhdon pa ndërprerje ritransmetimi i “Kafazit të Artë” nr.1, se ndryshe nuk kuptohet pse Arben Hasanaj nuk po i ndahet ekranit të News 24. Mos kanë vendosur ta ndërrojnë logon në Arben 24? Ndoshta. Për ata që kujtesa i mbahet ende në këmbë mund të tregojmë se ndryshimi i vetëm i këtij personazhi që nga koha e “Kafazit” është se nuk ushqehet më në transmetim direkt, sa për të tjerat gjërat rrjedhin njëlloj. Pasi bëri shoferin intervistues në makinë, pas sondazheve rrugës me pyetjet interesante “ku, pse, si dhe ç’a ke bo noj gjo”, Arbenin si për ta shtrydhur për paratë që fitoi nga “Kafazi i Artë”, e kanë vënë të tundë këmborën e gazetarit politik… Njëlloj si të vendosësh Zajminën drejtoreshë të Kombinatit Metalurgjik. Vërtetë është fillimi, po sinjalet e rritjes profesionale për Arbenin (shpresojmë të jemi të gabuar) na duken ende të largëta. Sidomos kur e dëgjojmë të shprehet sikur po luan me zërin, që të kujton kukullat me bateri, apo fjalët që duket sikur janë prej karameleje dhe para se t’i nxjerrë, i lëpin mirë e mirë.

ON Mevlaj Shanaj
Mos mendoni se është koha kur vetëm çupëlinat kanë idhujt e tyre, që admirohen për talentin dhe shpesh për pamjen tërheqëse. Këtë e themi me bindje, sepse edhe femrat më të pjekura kanë prej vitesh beniaminët e tyre, që edhe sot janë të admirueshëm. Njëri prej tyre është me siguri aktori dhe regjisori i njohur, Mevlan Shanaj, i cili falë edhe profesionit ka shumë vite që konsiderohet si një nga personazhet e kinemasë të preferuar, sidomos nga femrat. Në shfaqen e tij të fundit televizive si i ftuar në Top-Show, aktori riktheu edhe një herë mes shikueseve femra komentet dhe komplimentet për të. Edhe përgëzimet tona shkojnë për formën e mirë fizike dhe sportivitetin me të cilin aktori shfaqet, edhe pse ka vite që i ka mbushur të njëzetat. Nuk dimë nëse falënderimet i shkojnë vetëm natyrës, por aktori është nga të paktët meshkuj që ruan linja të pandryshuara prej kohësh. Pa luajtur shumë me veshjet apo modelin e flokëve, Mevlan Shanaj në vite ka stabilizuar një look të këndshëm, që me siguri ia ul moshën ndjeshëm.

OFF West Side Family
Që të na kujtojnë se duhen regjistruar kartat e telefonit, ndër të tjerë po kujdesen edhe tre djemtë e grupit West Side Family. Është e zakonshme që emra të njohur të bëhen imazh i fushatave publicitare, por nga sa kemi parë, asnjë nga djemtë nuk e ka vënë ujin në zjarr (ose nuk e ka ndezur zjarrin fare) për imazhin me të cilin shfaqen në këtë spot. West Side Family vërtetë njihen si grup muzikor hip-hop, por kjo nuk do të thotë që duhet të mbeten historikisht tek pantallonat e gjëra, të cilat ngjajnë si çadra pashallarësh dhe i bën djemtë të duken si të sapongritur nga kafeneja e lagjes. Do të thoni që në një spot si ky, rëndësinë kryesore nuk e ka veshja, por fjala. Atëherë le të lexojmë pak nga ato që W.S.F thonë gjatë sekondave të promocionit:
- Me një dokument identifikimi regjistrohesh kollaj fare.
- Po qenka kollaj fare, po shkoj të regjistrohem që nesër.
Kollaj fare?
Mos kanë qenë duke xhiruar spot për pushimet e ardhshme në Turqi?
- Themi t’i pyesim.
- Kollaj fare.

[aleee]

Rubrika me duket shume interesante.

[MI CORAZON]

Adi Krasta OFF
Portokallia OFF
Agron Llakaj OFF ( e filloi me ON ...)
Fiks Fare OFF
..................
..................


Te gjithe OFF per mua.

................

Brari ON

[aleee]

OFF- Pas “sukseseve” të disa prej kolegeve më të njohura në Kosovë, Edona Llalloshi u vu në sedër dhe pak kohë më parë na plasi syve videoklipin e këngës me titull “ Pikë në zemër”.Në fakt me zemër në dorë pritëm dhe Edona nuk na zhgënjeu sepse pas pak sekondash nga fillimi i klipit, nuk mungoi të shfaqej aty një piano dhe këngëtarja që i mëshonte me gishta sikur po qëronte bizele.Nuk është zbulim i rrallë por aktualisht në videoklipe piano duket se po zëvendëson makinat luksoze, mbi vezullimin e të cilave u zhgarravisnin këngëtarët që kanë flokët më të bukura se zërin.Nuk mund ti mbyllim këto radhë pa komentuar edhe look-un e Edonës, e cila në klip kishte zgjedhur apo pa dashje kishte lidhur në kokë një shami “bendë” piratësh por që në të vërtetë këngëtaren e bëntë të dukej si marinare që nëekohësisht shet dhe peshk.Pa folur që kësaj veshje i kishte bashkuar pa pikën e lidhjes një tualet që do ëndërronin spikeret e lajmeve në televizion.Duhet pranuar se pavarësisht videoklipit, peshën kryesorë e mban teksti dhe muzika por kënga duket shumë e brishtë për të mbajtur pesha. “Pikë në zemër” të krijon përshtypjen se është krijuar për të konkuruar në festivalin e fëmijëve, por duke parë se edhe aty gara është e fortë, ajo do ishte e shkëlqyeshme si këngë përshëndetëse në festën e abetares.

OFF- Më lart komentuam një nga momentet e veçanta televizive të pak kohëve më parë.Ishim mësuar të dëgjonim çudira me skadencë të shpejtë nga Kastro Zizo, por mesa duket tani duhet të bëhemi gati edhe ta shikojmë në “kryevepra” televizive.Tek e shihnim të hynte aq lehtësisht në arkivol si të ishte duke hyrë në studion e regjistrimit të perlave regaton, na lindi një dyshim që nuk duam ta besojmë.A thoni se Kastro ka bërë me të vërtetë aksident, apo në mungesë të ndonjë klipi me vajzat “e talentuara”, që çdo firmë detergjentësh do ti ëshironte si reklamuese deodorantesh antidjersë, bëri parodinë me arkivol?
As që e vemë në dyshim se Kastro Zizo nuk është i aftë për biznes, por duke guxuar t’i bëjmë llogaritë në xhep, duket se reklamën e gazetës së preferuar, e pagoi pak shtrenjtë.
Por çdo e keqe e ka një të mirë dhe nisur nga reagim,et e shikuesve mbi intrevistën ë Kastros brenda qivurit, parashikojmë se të gjitha këngët e ardhëshme ose të paktën ato që do krijojë këtë verë do të jehojnë sikur vijnë nga nëntoka.

OFF- E kemi duartrokitur dhe admiruar Sejfulla Myftarin për humorin që na ka dhuruar prej vitesh, por kohët e fundit që nuk po lë videoklip pa dalë, ka filluar të na ngjajë me ato detergjentet dhuratë të cilët i gjen tek kutia me pluhur larës.
Në fillim prania e aktorit në videoklipe ishte gjetje e goditur ndaj menduam se do të ishte diçka e rrallë dhe në këngë të përshtatshme, por mesa shihet Ceken e kanë ngatërruar me ndonjë vegël muzikore sa nuk ka mbetur vajzë që këndon këngë jugu turbo-folk, të mos e ketë të përfshirë në preventivën e videoklipit.
Humoristi beratas me siguri i pranon me qejf dhe me portofolin hapur ftesat e vajzave bukuroshe të cilat një figurë si ai, e kanë pikë të fortë suksesi në klipet që realizojnë, por të paktën ti japin ndonjëherë rolin e “sevdalliut“.
Megjithëse kemi mall për rolet klasike të Sejfulla Myftarit, këto që jetojmë janë kohë moderne, ndaj përveç makinave luksoze, vilave të braktisura, pianove edhe “koka e zbathur“ e Cekes duket se është kthyer në dekor fiks të studiove që realizojnë video muzikore.