Kreshnik Alimerko, kandidati i PD-se per Vloren

[zeus]

--------------------------------------------------

Kreshnik Alimerko është kandidati i "zbuluar" vetëm orët e fundit, ndërkohë që këto ditë ka filluar futjen vrullshëm në fushatë për postin e kryetarit të njërës prej bashkive më të mëdha në Jug të vendit, Bashkisë së Vlorës.

- Sa i motivuar është prefekti Alimerko për garën e kreut të Bashkisë së Vlorës si përfaqësues i koalicionit të djathtë qeverisës?

Unë vij nga një mision i mundshëm. Në një vit e gjysmë kohë qëndrimi në krye të Prefekturës së Vlorës, për të zgjidhur shqetësimet e qytetarëve të një qyteti turistik, zhvillimi i ekonomisë së qëndrueshme të qytetarëve qëndron në thelb të përpjekjeve të mia. Nuk mund të ketë përshtjellim kur qyteti shkon drejt një shkatërrimi permanent nga drejtuesit e tij. Kështu, qyteti ynë, me resurse turistike, ka ecur si një anije pa orientim dhe busull nëpër vite, të një qeverisjeje prej 10 vjetësh të majtë. Dhimbshëm, shumë probleme të qytetarëve janë akumuluar, ndërsa qeverisja vendore ka qenë një realitet i robëruar.

- Problematika e Bashkisë së Vlorës në fokusin tuaj?

Qyteti turistik ka ndjerë dy anë të medaljes. Një bashki është aktori kryesor në zhvillimin e qytetit. Ka lartësim pallatesh, por ka qytetarë të harruar. Cilësohet me të drejtë "mbretëresha e turizmit", por rrugët e saj ende fshihen apo pastrohen me fshesa gjeshtre. Janë hedhur fonde për spektakle, por s'i ka tretur mirë "stomaku" i shpirtit. Shtrohet zift elektoral, por dhimbja është se zifti bie shpejt nga rrugët. Më shumë për qytetin turistik është punuar për fasadën. Rrugica të tëra në periferi janë viktimë e harresës. Dhe qytetari mallkon baltosjen në dimër dhe pudrosjen në verë. Një fushë e tërë me mbeturina, që nuk iu dha dot zgjidhje. Dhe kjo rrugë e gjatë e fasadës sigurisht një fund e ka. Sa do të ecet kështu me ide të pluhurosura?

- Vizioni juaj për të ardhmen e Vlorës?

Bashkia e qytetit të Vlorës do të vendosë në epiqendër punën për qytetarin. Hapja e dyerve të saj do të jetë një motiv më tepër. Bashkia e një qyteti turistik do të mendojë për qytetin turistik në thelb dhe përmbajtje. "Turizmi vjetor për të gjitha stinët" -kështu do të motivohet. Sezonet turistike do të kenë vetëm dy data. Çelja në fillim të vitit dhe perëndim në mbyllje të vitit. Kështu, ky qytet do të jetojë gjithë stinët me turizmin e rërës, detit, malit, kulturës, etj., etj. Thithja e turistëve të huaj do të shoqërohet me një paketë masash, me të gjithë operatorët turistikë, bashkinë, institucionet që lidhen me kulturën, artin, duke vështruar me një detajim të një historie navale të qytetit, që të ketë identitetin e vet të shkruar si, historinë e saj në luftëra, por dhe paraqitjen dhe shpalosjen e vlerave të objekteve që paraqesin fytyrën e vërtetë të saj. Këtu do të synohet me publicitet, emërtime rrugësh, lokale, magazina, muzeume, TV, gjithfarë që të punojë për turizmin, në çdo kohë dhe me cilësi. Kjo do të shqyrtohet me filozofinë e mirëseardhjes. Nuk do të jetë një kujtesë e hidhur turistike, por një vendqëndrim turistik si të gjitha vendet që zhvillojnë turizëm.

Duke qenë në qeverisje koalicioni i djathtë, do të kërkohet përfundimi i rrugës "Transballkanike", e njohur si rruga e biznesit, për t'i dhënë një frymëmarrje zhvillimit të portit, me fillimin e investimeve për të thithur turistë me të gjitha mjetet si dhe rritjen e aftësive përpunuese e tregtare të tij. Turizmi kërkon autostradën që të cekë qytetin bregdetar. Qeverisë do t'i kërkohet përfundimi, brenda disa viteve, i autostradës Fier-Vlorë. Këto do të shërbejnë për ta bërë qytetin më atraktiv dhe më tërheqës, fonde që do të mundësohen nga qeverisja e djathtë, e cila e tregoi këtë vullnet më lëvrimin e fondeve për rrugën "Transballkanike".

Ndërsa në kuadër të një bashkie eficiente do të krijojmë një administratë të vogël, me profesionistë e njerëz të përkushtuar. Kjo do të bëjë zgjidhjen e halleve të tyre non stop, një shërbim më i thjeshtë për vetë qytetarin si dhe afrimin e tij në politikat e zhvillimit të qytetit.

Problemet që fokusohen ndoshta kërkojnë kohë për t'u studiuar dhe për të dhënë zgjidhje nga specialistët më të zotë që do të afrohen pranë kësaj bashkie, por mbeten ndërkohë sistemimi dhe asfaltimet e rrugëve dytësore; lulishtet e mjedise argëtuese. Betonimi i qytetit ka cënuar sipërfaqen e nevojshme të gjelbërimit. Janë shtuar shumëkatëshet, por janë zvogëluar hapësirat gjelbëruese të qytetit. "Mushkëria e qytetit" po shkatërrohet nga politika që kërkojnë zëvendësimin e tyre me betonimin e bregdetit. Qyteti ynë turistik do të jetë njësoj si për qytetarin në qendër të tij, edhe për qytetarin në periferi. Sot, malet me plehra në fushën e avacionit janë një akuzë e rëndë për qeverisjen vendore aktuale. Përditshmëria e këtyre banorëve po vështirësohet nga probleme të shumta që e kanë zanafillën tek kthimi i fushës së avacionit në një varrezë plehrash. Ka abuzime me fonde publike. Shpërdorim në rikonstruksione që u hedhin hi syve, hedhje zifti e mbulim fondesh përmbi to. Bashkia e një qyteti me resurse turistike, duke patur nevojën e zhvillimit, do të jetë tepër e hapur dhe transparente me ndërtuesit. Klientelizmi, nepotizmi, ryshfeti dhe fenomene të tjera të njohura ndër vite, që kanë cënuar hapësirat publike të këtij qyteti, do të marrin fund. Biznesi do të ketë një derë të hapur për të zhvilluar qytetin larg fenomeneve që kanë mbetur një hije e keqe dhe e hidhur e qeverisjes vendore.

- Cili është mesazhi që u dërgon qytetarëve të Vlorës?

Qytetarët e Vlorës kanë nevojë për ndryshim. Janë qytetarët e Vlorës që me votën e tyre do të largojnë nga qeverisja vendore këta pushtetarë të së kaluarës e do t'u kthejnë qytetarëve një qeverisje të re, me vizione të reja për Vlorën qytetare.

--------------------------------------------------

[DiGiTeX]

Kreshnik Alimerko nuk diskutohet qe humbet perball nje rivali si Shpetim Gjika ne vlore.
Ai munde te jete nje person mjafte i mire .. me shpirt te paster dhe bujar por perball nje rivali si Shpetim Gjika eshte i humbur.
Vlora nuk ka nevoj per llafe te bukura por ka per pune dhe vete fakti tregon qe Z.Shpetim Gjika ka punuar keto 4 vjet me perkushtim te madhe per qytetin e vlores duke aritur te perfundoje shume gjera te cilat ndonje antare i kryesise se partise demokratike nuk do te mundete.

Garnatoj se gara midis ketyre dy rivaleve eshte shume e lehte dhe i uroj Z.Shpetim Gjika dhe njher ta gezoj postin e kryetarit te bashkise vlore.

Per te gjithe ju qe doni te shifni punen e tij 4 vjecare,
http://www.bashkiavlore.org/

Faleminderit !

[jessi89]

Do me pelqente te fitonte Kreshnik Alimerko.......me duket me i drejte ne zgjidhjen e problemeve......suksese Niku.

[DiGiTeX]

Ja C.V e z.Shpetim Gjika !


Emri: Shpëtim
Mbiemri: GJIKA
Datëlindja: 03.08.1962
Vendlindja: Vlorë
Gjendja civile: I martuar
ARSIMIMI
1977 – 1981:
Shkolla e Mesme e Gjuhëve të Huaja “Asim Vokshi”, Tiranë
1982 – 1986:
Universiteti i Tiranës, Fakulteti i Gjuhëve të Huaja, Dega e Gjuhës frënge
Nga Tetor 2005:
Universiteti Teknologjik “Ismail Qemali”, Vlore; Fakulteti i Drejtësisë
2005 - 2006:
Master për Marrëdhëniet Ndërkombëtare – “IRERIE Institut Universitaire
EKSPERIENCA PROFESIONALE
1986 – 1996:
Mësues i gjuhës frënge pranë shkollës së mesme Llakatund, Vlorë
1997 – 1999:
Drejtor i Shkollës 8-vjeçare “15 Tetori”, Vlorë
1999 – 2002:
Drejtor i Shkollës së Mesme Tregtare, Vlorë
2001 – 2002
Kryetar i Këshillit të Bashkisë Vlorë
2002 – 2003:
Prefekt i Qarkut Vlorë
Nga Tetor 2003
Kryetar i Bashkisë Vlorë

KUALIFIKIMET PROFESIONALE
1997:
Kurs kualifikimi “Civilizim, Metodologji, Krijimtari” pranë Qendrës së Linguistikës së Aplikuar të
Universitetit Franche-Comte, Besancon, Francë
1998:
Shkalla e dytë e Kualifikimit Pedagogjik si mësues i gjuhës frënge
1998:
Dëshmi e kompiuterit për programet Windows dhe Office (Word, Excel, PowerPoint),
1999:
Dëshmi e gjuhës italiane nga Instituti Italian i Kulturës
2000:
Dëshmi e gjuhës angleze nga QFP Vlore
2000:
Kurs kualifikimi “Prodhim, Menaxhim Financiar, Marketing, Menaxhim Personeli te shkollave ekonomike dhe qendrave të Formimit Profesional”, organizuar nga ISP, GTZ, Swisscontact, KulturKontact dhe PARSH.
2001:
Kurs kualifikimi “Menaxhimi dhe Lidershipi 1”, Sofje, Bullgari, organizuar nga Instituti Pedagogjik
Federal i Vjenes, KulturKontakt – Austri
2002:
Kurs kualifikimi “Menaxhimi dhe Lidershipi 2”, Sofje, Bullgari, organizuar nga Instituti Pedagogjik
Federal i Vjenes, KulturKontakt – Austri

AKTIVITETI POLITIK
23.03.1992
Anëtarësimi në PSSH, Dega Vlorë
1992 – 1994
Anëtar i Komitetit Drejtues të PS, Dega Vlorë
1994 – 1996
Zv/Kryetar i PS, Dega Vlorë dhe anëtar i Kryesisë së PS, Dega Vlorë
1994 – 1996 Zv/Kryetar i FRESSH, Dega Vlorë
1997 – 2003
Anëtar i Këshillit të Bashkisë Vlorë dhe Kryetar i Komisionit të Marrëdhënieve me Jashtë pranë këtij
2001 – 2002:
Kryetar i Këshillit të Bashkisë Vlorë, PS
2002 – 2003:
Prefekt i Qarkut Vlorë
Nga Tetor 2003:
Kryetar i Bashkisë Vlorë
Nga Dhjetor 2003:
Delegat i Kongresit të PSSH
Nga Dhjetor 2003:
Anëtar i Asamblese Kombetare të PSSH
GJUHET E HUAJA
Frëngjisht:
Shume mire (të lexuar, të shkruar, të folur)
Italisht:
Shume mire (të lexuar, të shkruar, të folur)
Anglisht:
Mire (të lexuar, të shkruar, të folur)

[DiGiTeX]

Edi Rama, Kryetar i PSSH
Unë jam i bindur që këtu të gjithë bashkë jo vetëm të bashkuar si parti, por edhe të bashkuar si qytetarë, jo vetëm mes nesh, mes anëtarëve, simpatizantëve dhe mbështetësve tanë, por edhe me ftesë të së gjithë qytetarëve vlonjatë do t’i japim nëpërmjet Shpëtim Gjikës një fitore triumfale të majtës së bashkuar dhe një sinjal shumë të qartë kryeministrit të errësirës se koha e shkuar e politikës së vjetër ka perënduar, se hijet e së shkuarës nuk mund të mbajnë më peng të ardhmen e fëmijëve tanë dhe të fëmijëve të kundërshtarëve tanë, se e ardhmja e Vlorës është në rrugën e bashkimit të kësaj opozite, e cila është opozitë sepse u nda dhe e cila do të jetë nesër qeveri sepse u bashkua.

Ilir Meta, Kryetar i LSI
Vlora është në zemrën dhe vetëdijen e çdo shqiptari të ndershëm, patriot dhe të përgjegjshëm për të ardhmen e këtij vendi, sepse Vlora është simboli i bashkimit kombëtar, sepse Vlora edhe sot nëpërmjet kësaj opozite të bashkuar jep mesazhin se e majta e bashkuar është këtu jo vetëm për të ardhmen e atyre që votojnë majtas dhe për progresin, por për të ardhmen e gjithë shqiptarëve të cilët nuk do të mundet më t’i ndajë Sali Berisha mbas 18 shkurtit.


Skënder Gjinushi, Kryetar i PSD
Më 18 shkurt do të kemi jo vetëm votën e të majtës, por do të kemi votën e gjithë atyre që kërkojnë progresin, kërkojnë zhvillimin dhe dinë të dallojnë alternativën e majtë nga alternativa e djathtë. Ne i ftojmë gjithë qytetarët dhe votuesit e Shqipërisë të krahasojnë dy modelet tona, të krahasojnë Tiranën e vitit 2000 me Tiranën e sotme dhe Vlorën e 1997 me Vlorën e 2007. Shpëtimi ka drejtuar me shumë profesionalizëm Bashkinë e Vlorës, më shumë investime ka bërë Shpëtimi në Vlorë në 3 vjet se Sali Berisha në gjithë Shqipërinë në një vit e gjysmë.


Paskal Milo, Kryetar i PDS
Vlora është besnike e së majtës shqiptare, nga Vlora kanë nisur lëvizjet e mëdha revolucionare në demokratizimin e pushtetit të Shqipërisë, jo vetëm tani në këto 15 vjet, por gjithmonë Vlora ka qenë nismëtare e lëvizjeve historike për demokraci. Që nga Vlora u nis Fan Noli me shokët e vet dhe mbërriti në Tiranë që bëri transformimin demokratik, këtu u hodhën rrënjët e thella të Luftës Nacionalçlirimtare.


Neritan Ceka, Kryetar i PAD
Ju falënderoj për disa takime të mrekullueshme që kam pasur në Vlorë , për atë përkrahje që na keni dhënë në ditë të vështira, dua të kujtoj mbështetjen që i keni dhënë demokracisë shqiptare në vitin 1990-91, përkrahjen që i keni dhënë demokracisë shqiptare në 97-tën kundër atyre që donin ta kthenin historinë mbrapa

[DiGiTeX]

Shpëtim Gjika takohet me banorët e Rajonit Nr.1 të qytetit të Vlorës,

prezanton projektet, merr mbështetjen e tyre.



Kandidati i opozitës së bashkuar për kryetar të bashkisë së Vlorës zoti Shpëtim Gjika, që prej të premtes nisi turin e tij elektoral në lagjet e qytetit të Vlorës, ku është takuar me banorët dhe ka shkëmbyer me ta mendime për zhvillimin e qytetit në vitet e ardhshme.Konkretisht, kandidati Gjika ka inspektuar gjatë paradites, duke ecur në këmbë, lagjet e Rajonit Nr.1 të qytetit të Vlorës, të cilat janë dhe lagjet më të vjetra të qytetit dhe ku infrastruktura e tyre ka nevojë për ndërhyrje.Kandidati për kryetar të bashkisë së Vlorës, zoti Shpëtim Gjika ka takuar banorë të shumtë gjatë rrugës, është futur në një furrë buke ku të shurdhonte gjeneratori i ndezur enkas për pjekjen e bukëve, është ndalur tek një berberanë, është futur në disa lokale, ka trokitur dhe është futur në disa shtëpi, ku ka biseduar dhe ka qarë hallet dhe problemet e njerëzve të këtij rajoni. Në të gjitha këto takime, kandidati Gjika, ka pasur të njëjtën sjellje, të thjeshtë dhe si djalë i shtëpisë, nuk ka dashur të bëjë premtime në erë, por ka treguar konkretisht projektet që kishte në dorë, të cilat do të nisin brenda vitit 2007, ku posacërisht për për rajonin nr. 1 Gjika ka pasur projektet e përgatitura prej stafit të tij dhe u tregoi banorëve rrugët që do të rikonstruktoheshin.

10 rrugët në Rajonin Nr.1 që do të rindërtohen pas zgjedhjeve të 18 shkurtit.

Kanditati i opozitës së bashkuar për kryetar të bashkisë së Vlorës zoti Shpëtim Gjika, i shoqëruar nga shtabi i tij elektoral, nga simpatizantë dhe nga shumë banorë të rajonit nr.1 të qytetit, u ka trguar këto të fundit si dhe banorëve që takonte rishtaz, projektet e tij konkrete, të cilat përfshihen në programin e tij elektoral.



Rruga “Ali Demi”, rruga “Halim Xhelo”, rruga “Drashovica”, rruga “Mitat Sallata”, rruga “Isa Boletini”, unaza e re dhe unaza ekzistuese e qytetit, e cila do të zgjerohet në 16 metra, rrugët hyrëse dhe dalëse të qytetit, e një sërë rrugësh dhe rrugicash të tjera, do të rikonstruktohen gjatë vitit 2007, ku veç asfaltimit, do të jenë të ndriçuara, të gjelbëruara dhe me trotuare bashkëkohore. Rikonstruksioni i disa rrugëve në rajonin nr.1 do të mbështetet në asfaltimin apo betonimin e tyre, pasi vetë relievi i këtij rajoni dhe lagjeve që e përbëjnë atë, është në të shumtën e rasteve kodrinor dhe shumë i pjerrët, rrugët dhe rrugicat janë të ngushta, saqë nuk është i mundur ndërtimi i trotuareve dhe mbjellja e pemëve.Por kandidati Gjika dhe specialistët apo shtabi i tij elektoral, që ai kishte me vete, kanë evidentuar edhe disa rrugica, të cilat nuk ishin të planifikuara në projektet e paraqitura.Pas këtyre takimeve dhe inspektimeve në terren, kandidati Gjika ka mbledhur specialistët e projektimeve dhe ka kërkuar që edhe rrugët apo rrugicat e paevidentuara të përfshiheshin në programin e paraqitur.Gjika u deklaroi banorëve të këtij rajoni se “bashkia ka në arkën e saj 1.5 miliard lekë të vjetra, të cilat do të mbështesin të gjitha projektet e infrastrukturës që nisin gjatë këtij viti. Ka ikur koha e takimeve populiste, me premtime butaforike që nuk mbahen dhe që janë vetëm për fushatë elektorale.” Ndërsa kryetari i PS, dega Vlorë, zoti Eltar Deda tha se “Shpëtim Gjika e tregoi veten gjatë 3 viteve të kaluara dhe sot me projekte në dorë është personi më i besueshëm përpara komunitetit të Vlorës”

[Brari]

Si janë shpërdoruar fondet publike nga Shpëtim Gjika


Mezin MARA


Nëse do t'i hedhim një sy të shpejtë buxhetit të Bashkisë së Vlorës, që drejton zoti Shpëtim Gjika i Partisë Socialiste, vihet re lehtë se paratë që paguajnë taksapaguesit vlonjatë për zhvillimin e qytetit të tyre të preferuar shkojnë në xhepat e militantëve të Partisë Socialiste. Ajo që duhet të dominonte këtë buxhet janë pa dyshim dhe duhet të ishin investimet, pra, përqindja më e madhe e buxhetit duhet të shkonte për rrugët gjithë gropa, për shkollat, për gjelbërimin, për sinjalistikën, për tregjet etj. Kjo do të tregonte se vërtet Shpëtim Gjika mendon e punon për Vlorën siç ka qejf të deklaroi ai. Por ç'ndodh në të vërtetë me taksat dhe tatimet që paguajnë vlonjatët, ku përfundojnë ato?

Nga buxheti i Bashkisë 23% shkojnë për paga dhe sigurimet shoqërore të nëpunësve socialist të Shpëtim Gjikës, pra një e pesta e buxhetit shkon te xhepat e besnikëve socialistë të Shpëtim Gjikës. Dhe që të kuptohet më mirë vjedhja e parave të vlonjatëve le ta sqarojmë se Bashkia e Vlorës, pa Policinë Bashkiake ka gjithsej 141 nëpunës në një kohë që Bashkia e Tiranës që është 10 herë më e madhe se ajo e Vlorës ka gjithesej 350 nëpunës, gjë që do të thotë sipas këtij proporcioni që Bashkia e Vlorës duhet të kishte 10 herë më pak, pra vetëm 14 nëpunës.

Natyrisht që bashkia nuk mund të qeveriste me 14 nëpunës dhe duhet të ketë shumë më tepër, por ama me arsye mënyrë aq shumë 141 vetë, ose gati 40% të nëpunësve të Tiranës që është 10 herë më e madhe se Vlora. Pse ka ndodhur ky fenomen? Është shumë e thjeshtë që dhe vetë Shpëtimi ta kuptojë se si po shkel me këmbë djersën e vlonjatëve, duke mbajtur një administratë të fryrë. Këtë e kupton edhe shoku Bilal Shkurti, këtë e kuptojnë gjithë socialisto-komunistët e Vlorës, që po e rrjepin Vlorën. Por këta drejtorë të pandërgjegjshëm duhet të shpërblejnë ata fisoman që dogjën Vlorën më 1997, ata që vodhën e falsifikuan votat më 2004, ata që haptazi në kundërshtim me ligjin bëjnë fushatë politike sot për Shpëtim Gjikën.

Këta njerëz që s'kanë asgjë të përbashkët me moralin e qytetarëve të mirë të vlonjatëve janë shpërblyer nga ana e shokut Gjika me poste e frona nëpunësish në bashki, por të rrogtur pa frymë në kurriz të komunistit të ndershëm vlonjat. Jo vetëm kaq, por nesër do të hedhim një sy prejardhjes së nëpunësve të Bashkisë do të shohim se aty dominojnë tërbaçiot, fshatarët e Shpëtim Gjikës, pas tyre vijnë vranishjotët, pra, kemi të mpleksur një rrjet merimange të neoptizmit, krahinizmit. Jo vetëm që në bashki nuk ka asnjë kundështar politik të shokut Gjika, por nuk ka asnjë qytetar vlonjat, për të cilët shoku Gjika ka alergji.

Kështu pra, kjo bandë e Bashkisë, pasi kërkonte një të pestën e buxhetit, e pangopur kërkon privilegje të tjera, duke shpenzuar ose më saktë, duke shpërdoruar edhe 38% të buxhetit për ngrohje, udhëtime e dieta lartë dhe poshtë vendit, karburant për makinat e tyre, letër e stilolapsa e artikuj të tjerë luksi të kësaj natyre, pa lënë mënjanë dhe darkat dhe drekat që shtrojnë për veten e tyre. Pra, në buxhet këto shpenzime qejfi të shokut Shpëtim Gjika quhen me një emër të bukur, shpenzime operative. Nuk ka bashki në botë dhe në Shqipëri që nëpunësit e saj të harxhojnë për qejf 38% të buxhetit, ose më saktë është vetëm bashkia e uzurpuar nga tefani i tërbaçiotit Gjika, pa dashur të lëndojë tërbaçiotët e mirë e të dashur. Nëse do të mbledhim 23% të buxhetit për paga e sigurime shoqërore me shifrën 38% të shpenzimeve operative ose të qejfit të nëpunësve të Shpëtim Gjikës na del se 61% e buxhetit të Bashkisë së Vlorës shkon për të mbajtur një administratë të fryrë dhe fare të panevojshme.

Ja dhe një shembull që vlonjatët të kuptojnë më mirë se si rrjep Shpëtim Gjika. Drejtuesit e bashkisë, kryetarë, zv/kryetarë, sekretarë dhe drejtor drejtorie janë gjithsej 17 vetë të gjithë sipas pikës 4 të buxhetit të Shpëtim Gjikës. Marrin nga 5000 lekë në muaj për të folur me telefon celular, ose çdo muaj drejtorët e bashkisë harxhojne 850 000 lekë të vjetra për të bërë qejf me celular, ose një drejtor në bashki shpërblehet nga Shpëtim Gjika me pesë karta telefonike!

Çdo qytetar vlonjat le të mendojë vetë se sa karta harxhon ai në muaj, për të kuptuar se si po thithin gjithmonë shushunjat e Shpëtim Gjikës. Nga ana tjetër çdo njeri normal mund të pyesë se përse duken gjithë këta drejtorë? Përse duhet të marrë 5 karta telefonike drejtori i Burimeve Njerëzore, drejtori i Marrëdhënieve me Publikun, drejtori i Financës etj. Kujtojnë lexuesin se në të gjitha ministritë e qeverisë Berisha, asnjë drejtor drejtorie nuk merr asnjë për telefon celular.

Pas kësaj analize del pyetja se sa lekë përdor Shpëtim Gjika për t'u shpërblyer vlonjatëve, pasi kemi hequr paratë e qytetit të tij? Për t'i shërbyer popullit të Vlorës mbeten vetëm 39%, pra për investime, rrugë, kanalizime, ndriçime, furnizime me ujë e t'u mbeten 39%, pasi 61% të fondit e ka përlarë banda e Shpëtim Gjikës.

Ja pra, një nga arsyet e shumta se përse vlonjatët do ta ndëshkojnë Shpëtim Gjikën dhe bandën e tij hajdute në 18 Shkurt. Vlonjatët nuk do të lejojnë më të vidhen e të poshtërohen nga Shpëtim Gjika. Kuptohet gjithçka pse këto shpërdorime nga "shoku" Gjika, por është duke ardhur gjykatësi, le të përgatitet për t'u përgjigjur para ligjit. Ka kohë deri më 18 shkurt.





RD


--



Gjinush caushi flet per progres..

e di mire Vlora se ku ja dha progresin gjinushi..
ne shtimin progresiv te varrezave ne periudhen 97 e ne vazhdim..

tmerrin ja dha femijve te vlores qe ska per ti dale kurre nga memoria..

[thorgal]

Eh sa mire eshte kur keta plehrat tane flasin per njeri tjetrin dhe pastaj i sjellin shkrimet ketu ne forum ti lexojme edhe ne

Ah sa mire do te ishte sikur ne vend te fjaleve prej grash te merrnin nga nje pistolete e t'ia veshnin njeri tjetrit si burrat e pastaj t'ia fusnin edhe vetes apo jo o zoti Brari

[jessi89]

S'jetoj aty ne vlore,dhe nuk di te flas shume me shifra konkrete si Brari,por nje gje e di fort mire:
Vlores i duhet nje njeri i paster moralisht,me kulture e edukat qytetare,jo i molepsur me lloj lloj ideologjish....etj etj
Nik Alimerkon e njof ne vite.Per mua e meriton te drejtoi vloren me kusht qe,me pak me shume egersi me palen kundershtare si do ta quaja.
Nuk duhet te harojme masakrat e 97'....

[thorgal]

S'jetoj aty ne vlore,dhe nuk di te flas shume me shifra konkrete si Brari,por nje gje e di fort mire:
Vlores i duhet nje njeri i paster moralisht,me kulture e edukat qytetare,jo i molepsur me lloj lloj ideologjish....etj etj
Nik Alimerkon e njof ne vite.Per mua e meriton te drejtoi vloren me kusht qe,me pak me shume egersi me palen kundershtare si do ta quaja.
Nuk duhet te harojme masakrat e 97'....

Te shpresojme qe te jete keshtu si thoni ju per Alimerkon
Sa per Gjiken e kam pare njehere ne televizion para 2 vjetesh kur isha ne Vlore. Ky miku kishte marre edhe nja ca bashkfshatare te tij, punetore te Bashkise dhe kishin vajtur ne Dubai, per te vendosur relacione a lidhje me Arabet atje thoshte ,
dhe ca benin keta miqte , ishin vendosur ne hotelin me te shtrenjte te Dubait qe une as nuk mund ta imagjinoj sa mund te jete nje nate atje, jo nje jave sa ndenjen ata, dhe pastaj vetem hanin e pinin e benin pazar e shetitje bashke me gazetaret qe benin emisionin e ne te tjeret i shikonim ne televizor. Une ne ate moment jam cuditur nga fakti se ku i gjenin tere ato leke , por po e kuptoj me mire tani me kete artikullin qe ka sjelle Brari.
Jo i rrepte duhet te jete Alimerko por nqs ai deshiron te fitoj une mendoj se nje nga premtimet kryesor elektoral te tij duhet te jete nxjerrja para drejtesise te ketij keqbersit.