Shteti "klandestin"

[klandestini]

SHTETI "KLANDESTIN"



Shteti "KLANDESTIN"


Para disa vitesh policia italiane ndaloi një çift shqiptar që po udhëtonin me makinë bashkë me qenin e tyre që e kishin blerë atje. Kur u kërkuan dokumentat dy të rinjtë përveç pasaportës, nuk kishin asnjë lloj tjetër dokumenti identifikimi, ndërsa qeni i tyre kishte një dosje të tërë me dokumenta. Për policinë vetëm qeni ishte në rregull.
Pavarësisht çështjes së klandestinitetit të dy të rinjve ajo që të bën përshtypje është sesi shteti italian edhe një qen e pajis me një sërë dokumentash.
Nëse policia shqiptare ndalon për verifikim një qytetar, shumë të rrallë janë ata shqiptarë që në portofolat apo xhepat e tyre do të kenë një dokument identifikimi. Dhe kjo jo aq për mungesën e zakonit apo neglizhencën e mbajtjes së një dokumenti identifikimi me vete, sesa për faktin se çfarë ata të mbajnë. Shqiptarët edhe kur janë të pajisur më pasaportë me të drejtë nuk e mbajnë me vete në jetën e përditshme, sepse është shumë e ndërlikuar të ribësh një të re e sidomos kur është e pajisur me vizën e ndonjë vendi tjetër ajo sigurohet mirë brenda banesës. Kush ka patentë automjeti është më i favorizuar, por edhe patenta ende nuk është një dokument identifikimi, për shkak të të dhënave të mangëta që ka.
Nëse në Shqipëri shkon të regjistrohesh diku apo të hapësh një llogari bankare të kërkojnë pasaportën, ndërkohë që ajo është menduar si një dokument që qytetarit i nevojitet vetëm në rastin kur duhet të kalojë kufirin. Në vendet e BE-së pjesa dërrmuese e popullsisë nuk e ka pasaportën dhe as e mendojnë ta kërkojnë atë nëse nuk u duhet të shkojnë në një kontinent tjetër apo në vendet e Ballkanit.
Në mbi pesëmbëdhjetë vjet tranzicion shteti shqiptar nuk e gjeti asnjëherë mundësinë për t’i pajisur qytetarët e vet me kartë identifikimi, për të mos thënë për dokumenta të llojeve të tjera, si një kod fiskal ku çdo person të ketë një numër personal identifikimi, etj. Mund të zotërojmë një çertifikatë lindjeje me fotografi dhe këtu jemi në rregull po të mos marrim parasysh faktin se gjithmonë nevojitet një e tillë për ta dorëzuar diku. Çertifikata më të mëdha se një fletë libri, kur ka vetëm një kollonë me të dhënat kryesore të shkruara, me një letër që kur e hap dhe e palos disa herë griset e nuk lexohet më. Për të mos thënë për atë shkrimin e tmerrshëm të punonjëseve të gjendjes civile që duhet të mbushin me shkrim dore qindra të tilla në ditë dhe ku emrat nuk u kuptuan ndonjëherë në mënyrë të qartë, e për pasojë një numër i madh shqiptarësh nuk e kanë më emrin ashtu si prindërit e tyre ua kanë vendosur. Të paktën të kishte një rregull që t’i detyronte të shkruanin me shkronja shtypi edhe pse me dorë. Në këtë rast gabimet do të ishin më të pakta.
Por çertifikata e lindjes nuk mund të jetë një dokument idenfikimi i mjaftueshëm, ndërkohë që do të ishte një çertifikatë rezidence. Koncepti i rezidencës që tregon vendin zyrtar të banimit si dhe koncepti i vendbanimit që tregon ku jeton qytetari as që ekzistojnë në Shqipëri dhe as nuk është folur ndonjëherë për t’i përcaktuar ato.
Ndaj dhe sa herë të kemi zgjedhje parlamentare apo lokale do të kemi debate politike se me çfarë duhet të jenë të pajisur qytetarët kur të votojnë, ashtu si do ndodhë që një pjesë e tyre të rendin nga një zonë e votimit në një tjetër në kërkim të emrit në lista.
Derisa shteti ynë të na pajisë me dokumenta seriozë ne do jemi në një farë mënyre “klandestinë” në vendin tonë, shumë më të paidentifikuar se qeni italian.

mar nga revista "SHQIP"

[mario_kingu]

fjal me vend ka then shoku me lart ne shqiperi skemi kart indetifikim

[fatijonuk]

Nese jam Shqiptar dhe jam lindur e rritur ne Shqiperi atehere nuk kam perse te marr me vete mjet identifikimi ne vendin tim sepse kam lirine time. Pastaj sic eshte bere puna ne Shqiperi nese ke apo nese nuk ke dokumenta me vete policia do "bakshishin" e vet se perndryshe i hap me shume telashe vetes.
Por desha te them qe Patentat Nderkombetare duhet te nderrohen sa me shpjet te jete e mundur se jane prodhuar sikur te jene libra e jo patenta lolz