Ftesa e Jisu Krishtit për njerëzimin

[Matrix]

Ejani tek unë, o ju të gjithë të munduar dhe të rënduar, dhe unë do t'ju jap çlodhje.Merrni mbi vete zgjedhën time dhe mësoni nga unë, sepse unë jam zemërbutë dhe i përulur nga zemra; dhe ju do të gjeni prehje për shpirtrat tuaj.Sepse zgjedha ime është e ëmbël dhe barra ime është e lehtë!

Unë jam buka e jetës; kush vjen tek unë nuk do të ketë më kurrë uri dhe kush beson në mua, nuk do të ketë më kurrë etje.Gjithçka që më jep Ati do të vijë tek unë; dhe atë që vjen tek unë, unë nuk do ta nxjerr jashtë kurrë. Sepse unë kam zbritur nga qielli jo për të bërë vullnetin tim, por vullnetin e Atij që më ka dërguar. Ky është vullneti i Atit që më ka dërguar: që unë të mos humbas asgjë nga të gjitha ato që ai më ka dhënë, por t'i ringjall në ditën e fundit.Ky, pra, është vullneti i Atij që më ka dërguar: që kushdo që sheh Birin dhe beson në të, të ketë jetë të përjetshme, dhe unë do ta ringjall atë në ditën e fundit.
Nëse dikush ka etje, le të vijë tek unë e të pijë.Ai që beson në mua, siç ka thënë Shkrimi, nga brendësia e tij do të burojnë lumenj uji të gjallë.
Unë jam drita e botës; kush më ndjek nuk do të ecë në errësirë, por do të ketë dritën e jetës. Ai që e dëgjon fjalën time dhe beson në Atë që më ka dërguar, ka jetë të përjetshme, dhe ai nuk vjen në gjyq, por ka kaluar nga vdekja në jetë.
Unë jam udha, e vërteta dhe jeta; askush nuk vjen tek Ati përveçse nëpërmjet meje.

Ja, unë qëndroj te dera dhe trokas; nëse dikush dëgjon zërin tim dhe të hapë derën, unë do të hyj tek ai dhe do të ha darkë me të dhe ai me mua.

Jisu Krishti

[Kryeengjelli]

Krishti i drejtohet Kishës
Unë Atë, Unë vëlla, Unë dhëndërr, Unë strehë, Unë veshje, Unë rrënjë, Unë themel, ç‘ dëshiron ti, Unë jam. Nuk do të kesh nevojë për asgjë kur më ke Mua. Erdha të shërbej dhe jo të shërbehem. Unë shok dhe gjymtyrë edhe krye, dhe vëlla dhe motër edhe nënë, gjithça Unë, vetëm ti të dëshirosh të jesh pranë Meje. Unë i varfër për ty edhe kusar për ty, në kryq për ty, brenda në varr për ty, në qiell gjendem për dëshirën tënde përkrah Atit, në tokë u dërgova nga Ati si ndërmjetar për ty. Ti për Mua je gjithçka dhe vëlla dhe bashkëtrashëgimtar, mik dhe gjymtyrë e Imja. Ç’ dëshiron më tepër, o njeri?! Përse i kthen kurizin atij që të do?! Çfarë bën brenda në botë?! Përse mban ujë me kovë të shpuar.

Shën Joan Gojarti ...