Shpërthim në Pejë

[Kosovar2006]

Shpërthim në Pejë, dëmtohen shtatë vetura të OSBE-së

Rreth orës 3:35 të mëngjesit, në Lagjen Fidanishte të Pejës, në parkingun e OSBE-së ka ndodhur një shpërthim. Me këtë rast janë dëmtuar shtatë vetura të OSBE-së dhe dy vetura private. Në vendin e ngjarjes kanë dalë njësitë e Stacionit Policor të Pejës.
Pos dëshmive materiale është gjetur edhe mjeti i dytë shpërthyes i cili nuk është aktivizuar. Sipas një kumtese për shtyp të SHPK-së thuhet se ende nuk dihet se kush ka qenë cak i sulmit, meqenëse zona përreth vendit të ngjarjes është e banuar.

[Brari]

ata jane.. dora e "marsianeve" shqipfoles qe moti jan ne sherbim te serbise..
ata qe e qelluan me raketa e kallash Kolonel Tahirin e Sabaheten Tolaj..




Armiku ska brina..

[derjansi]

ata jane.. dora e "marsianeve" shqipfoles qe moti jan ne sherbim te serbise..
ata qe e qelluan me raketa e kallash Kolonel Tahirin e Sabaheten Tolaj..




Armiku ska brina..

sa shpejt i gjete fajtoret mor braruc.

[DardanG]

Me gjasë filloi "Lufta Nacional Clirimtare" e popujve "vëllezër" serb e shqiptar, kundër "okupatorit" të "përbashkët" nazifashistounmik dhe ushtrisë "okupuese" të shteteve "kapitaliste" dhe "fashiste", të cilat e "pushtuan" Kosovën pa pëlqimin e "vëllezëre" serbo e ndonjë "shqiptari"! Këto akisione diverzive të "partizanëve të "vëllazëruar" e të "bashkluar" do të shënohen me shkronja të "arta" në historinë e përbashkët serbo-shqiptare, sic u shënuan të gjitha ato aksione të "përbashkëta" të partizanëve komunst. gjatë Luftës së Dytë Botërore, e pas saj, kundër "okupatorëve fashist dhe kundër bashkëpunëtorëve të tyre ballist dhe nacionalistave shqiptar që nga shkronja A e deri në ZH"!
Pastaj thonë se historia nuk përseritet! E si të mos përseritet përderisa injorantët nuk marrin mësim nga e kaluara!

[Brari]

derjans..

nuk u lodha me i gjete
se i kallxon or shoq ti vete
aty posht e ke shkrue ne flete..


dardan g mke habite
e fort bukur e ke gadite..
ja ki vnue vulen ksaj pune..
bash ashtu topi sun e lue..

[Nice_Boy]

Shpërthim në Pejë, dëmtohen shtatë vetura të OSBE-së

Rreth orës 3:35 të mëngjesit, në Lagjen Fidanishte të Pejës, në parkingun e OSBE-së ka ndodhur një shpërthim, me ç' rast janë dëmtuar shtatë vetura të OSBE-së dhe dy vetura private. Në vendin e ngjarjes kanë dalë njësitë e Stacionit Policor të Pejës. "Sipas informatave të para dyshohet se mjeti shpërthyes ka qenë i qëllimshëm. Kemi të bëjmë me dy mjete shpërthyese, njëri është aktivizuar dhe tjetri jo", ka njoftuar Avni Gjevukaj, zëdhënës i Shërbimit Policor të Kosovës për rajonin e Pejës.
Pos dëshmive materiale është gjetur edhe mjeti i dytë shpërthyes i cili nuk është aktivizuar. Sipas një kumtese për shtyp të SHPK-së thuhet se ende nuk dihet se kush ka qenë cak i sulmit, meqenëse zona përreth vendit të ngjarjes është e banuar.


Zyrtarët e OSBE-së nuk shohin ndonjë indikacion që ata të kenë qenë cak i sulmit me granatë

Disa orë pas shpërthimit të një granate dore në auto-parkingun e Organizatës për Siguri dhe Bashkëpunim Evropian në Pejë, zyrtarët e Zyrës rajonale të kësaj organizate, deri tash nuk shohin ndonjë indikacion që ata të kenë qenë cak i këtij sulmi.
Zyrtari i OSBE-së, Sven Lindholm, ka konfirmuar sot pasdite se në parkingun e automjeteve të tyre zyrtare, në lagjen “Fidanishte” të Pejës, në orët e mëngjesit të ditës së sotëm, ka eksploduar një mjet shpërthyes, i cili ka dëmtuar shtatë makina të OSBE-së, që gjendeshin brenda rrethojave të parkingut, dhe dy makina private që gjendeshin të parkuara jashtë këtyre rrethojave.



Presidenti Sejdiu dënon shpërthimin

Presidenti i Kosovës, Fatmir Sejdiu, përmes një kumtese ka dënuar shpërthimin e sotëm në Pejë, si pasojë e të cilit janë dëmtuar shtatë automjete të OSBE-së dhe dy të tjera private.
“Sulmi dhe shkatërrimi i veturave të OSBE-së paraqet një akt të ulët kriminal, të cilin institucionet dhe qytetarët e Kosovës e dënojnë me forcë. Aktet e tilla u shkojnë përshtati vetëm atyre që nuk e duan paqen, stabilitetin dhe pavarësinë e Kosovës”, thuhet në reagimin e Presidentit Sejdiu, i cili u ka bërë thirrje organeve të rendit që ta hetojnë këtë rast dhe autorët e tij t’i vënë para drejtësisë.

Edhe Partia Reformiste ORA, dënon shpërthimin

Partia Reformiste ORA dënon fuqimisht sulmin me granate dore në lagjen Fidanishte të Pejës, pasojë e së cilës u shkaktuan dëme të konsiderueshme materiale. Partia Reformiste ORA konsideron se aktet e tilla sjellin dëm të jashtëzakonshëm politik në proceset delikate në të cilat po kalon Kosova. ORA kërkon nga organet e sigurisë që të marrin masat e duhura për kapjen e kryesve të këtij akti dhe parandalimin e akteve te ngjashme të dëmshme për ardhmërinë e vendit.

[Atheist]

Sa te shkathët janë disa që të vijne e të shfryjnë kundër shqiptarëve pa marrë vesh ende se kush e ka kryer veprimin...

[Nice_Boy]

Kush ka pas me kry kete ore Atheist.. ?

Shkavi mejdis Peje tybe n'guxoft mu nis.. Aty e ka ba naj shqiptar.. !

[edona]

serbet e kan ba
mos haroni kete
sa here qe jemi para ndonje prove, apo sa here qe vjen dikush nga jasht ka shperthime

nje dite do ta kuptoni
me dhimbseni me te vertet
isha me nje trajnim per reth 3 jave dhe aty e pashe se qka jane ne gjendje ata me ba per nacinalizem

[Lioness]

OSBE dënon shpërthimin në Pejë

Misioni i OSBE-së në Kosovë e ka dënuar shpërthimin e sotëm në qytetin e Pejës, me ç’rast janë dëmtuar shtatë makina të kësaj organizate.

OSBE-ja dhe Shërbimi Policor i Kosovës thonë se deri më tani nuk ka indikacione se kjo organizata ka qenë cak i sulmit.

Një granatë dore është hedhur rreth orës 3 të mëngjesit në autoparkingun e OSBE-së në qytetin e Pejës në Kosovën Perëndimore.

Sipas policisë nuk ka pasur të lënduar, por vetëm dëme materiale.

Policia po bën hetimet për të identifikuar kryerësit e kësaj vepre.

Shpërthimi është dënuar nga institucionet vendore dhe ndërkombëtare në Kosovë.

Shpërthimi në Pejë vjen pak ditë pas atij në Prishtinë, ku u dëmtuan tre makina të Misionit të Kombeve të Bashkuara në Kosovë.

Incidenti ndodhë një ditë para se në Prishtinë të arrijë për vizitë kryesuesi i radhës së OSBE-së, Ministri i Punëve të Jashtme të Spanjës, Miguel Angel Morationos.