PD dhe e ardhmja e saj..

[Brari]

Ftoj ketu simpatizantet e PD-se te diskutojme per situaten ne kte Parti dhe te ardhmen e saje..
Natyrisht gjithkush ..pra dhe ata qe e urrejne Pd-ne kane te drejte te shkruajn..

Dihet se fitorja e PS-se (dhe zhabave qe i shkojne pas) .. ne disa qytete te medha do ket shkaktuar nje huti e deshperim ne radhet e PD-se..

PS po e shfrytezon kete per diversion i cili kto dite eshte teper agresiv por dhe i rafinuar..
Demoralizimi.. Percarja.. terrori psikologjik.. e 999 marifete tjera jane tash ne planin e PS-se dhe industrise se saje demagogjike ..ne rend te dites..
Qellimi eshte i qarte..
Ta shkaterroje PD-ne e te sundoje e vetme ne shekuj.. sic ka qene mesuar ne 50 e ca vite..
Dhe te mendosh se cfar Demagogu e tirani e ka nr 1-shin PS-ja sot e se cfare Cakejsh i ka aleatet.. sikurse Ceket Metat e milogjinushet.. e te mendosh dhe zhapiket qe i komandon ajo dhe sot ne radhet e Pd-se e te "aleatve" te saje.. kuptohet se rreziku qe Pd te mos e perballoje "Termetin" e 18 shkurtit eshte eminent..

A ka arsye PD te mbahet e forte?

Ka.. ka1001 arsye.. sepse mbi te gjitha Votuesit e saje perbejne pasurine me te madhe.. sepse jane palca e Kombit.. jane njerzit me me vlere te ketij Populli..

Por 18 shkurti zbuloi dhe vlera tjera..

Kryesorja .. ne komuna e bashki te vogla nuk piu uje helmi i shperndare intensivisht nga Mafia.. dhe mediat e saje.. pra populli atje poshte ndjen se tek PD ka miken e cmuar.. ka ate .. misionaren e sinqerte qe ja do te miren..

Por ka dhe vlera tjera 18 shkurti..

Nxorri te metat e kesaj Partie qe ata duhet ti analizojne..
Por nxorri dhe Njerez te panjohur me pare..
Nuk do habitesha bile do ta prisja me Kenaqsi.. qe nje grua trimereshe si Majlinda Bregu.. te marre drejtimin e PD-se..

Doktorri le te permirsoje punet ne Qeverri.. dhe Majlinda te marre frenat ne Parti.. e me urtesi te zgedhe kuadrin e ri qe do te perballoje agresionin mafioz e dinak te PS-se.. dhe veglave te saje..
PD duhet te jete e forte dhe e mencur..
Ajo i duhet shqiptareve te mire si uji si ajri si drita..

Bujrum ne diskutime..

Moderator mo e luaj te keqen kte teme..

[vagabondo_nyc]

Te pergezoj per nismen o Brar

Do ishte akoma me mire sikur nje debat dhe diskutime te beheshin paralelisht edhe ne seline e PD-se. Por fateqesisht Dr. Berisha nuk do ashtu hapur.

Doni apo nuk doni ju sot per sot PD nuk eshte demokratike. Drejtuesit nuk marrin fryme lehte. Nuk shprehen lireshem. Berisha nuk te fale por te deno. Fatkeqesisht jane dhe ca gazeta qe Berisha lexo e bejne kur del ne publik shume qesharak. Ne krahun tjeter drejtuesit jane me te lire. E pame dhe ne fushate disa deputet mbeshteten kandidat te pavarur ne kundershtim ne kryetarin e PS-se.

Menyra sic e ka nisur Brari me akuza kete teme eshte vazhdim i hipokrizise. Do u sugjeroja qe debatin bejeni ne form demokratike dhe jo akuza allabariste.
Flisni me baza duke gjetur shkaqet pse PD-ja dhe qeveria nuk fitoi bindeshem? A eshte rezulatati i zgjedhjeve pasqyre e punes se qeverise? Gjitheashtu dhe problemet qe perballet PD-ja sot.

[evertet]

Mafies nderkombetare nuk u intereson politika LIBERALE, kjo eshte arsyeja qe gjithkund ne Europe luftohet e djathta, demokratet,

Askush ma mire se socialistet ruan monopolet e mafies

[evertet]

Tani shqiperia ka specifiken e saj,,,,,,,, partite kane karakter krahinor

Ne partine socialiste nuk ka GEGE (vecse disa spiunave e te inkriminuarve te regjimit hoxhes)

Kurse ne PD TOSKET ose jane te futur per sabotazh ose kane qene persekutuar nga regjimi Hoxhes

[Kristiano]

Pd Do Mbetet Edhe Pas Zgjedhjeve Fituese,jemi 50000 Vota Para Dhe Edhe Me Tiranen Durrsin E Elbasonin Se Sna Kalon Ps.haj,po Jau Falim Dhe Partine E Enver Hoxhes,po Prap Sna Kalojne Se Pd Jane Nisha Te Gjith,forca E Vetme E Vertet Politike Ne Shqiperi,dhe Jo Forca Politike E Mashtrimit Dhe Korrupsionit.persa I Perket Te Ardhmes,e Shoh Bamir Topin Si Kryetar Te Partise Demokratike,dhe Pd Ka Shume Elemente,shume Politikane Pozitiv Qe Sigurojne Nje Te Ardheme Te Mire Per Te.rrofsh Bra Per Nismen.ketu Sjan Shume Te Mirpritur "komunistet"sic Tha Brari.

[Humdinger]

“Berisha përgatit shkarkimit e Bamir Topit”

Burime konfidenciale nga PD-ja pohuan për DW se në qarqe të larta të PD-së po përgatitet që faturën e humbjes t’ia ngarkojnë nënkryetarit të saj dhe kryetarit të Grupit Parlamentar të PD-së, Bamir Topi, i cili drejtoi fushatën e ish-ministrit të Brendshëm, Sokol Olldashi, që humbi në Tiranë përballë Edi Ramës.

Sa për përgjegjësinë e kryeministrit Berisha, që mori pjesë vetë në fushatën e zgjedhjeve lokale, sipas një sondazhi të kryer nga NEWS 24, kanal i pavarur televiziv i Tiranës, 84 për qind e të anketurve mendojnë se Berisha duhet të japë dorëheqjen pas humbjes se zgjedhjeve.

Gazeta Albania

[evertet]

Po iku Berisha ,,,,,,,,,PD merr fund si parti (percahet) i hapet rruga FRONTIT TE DJATHE, gjithashtu po iku NANO, PS (percahet) ne moderatore dhe komunista

Qikeshtu per keta dy zotni kujdeset bota mos ti ndahen ketij shteti

[EdiR]

PD humbi ne qytetet e medha sepse drejtuesit e saj ne te gjithe shkallet humben kontakt me ralitetin, se ishin shume te sigurt ne fitore dhe ndoshta pak te dehur nga suksesi i 3 Korrikut. Besoj se Qeveria ka bere pune te mire deri tani dhe besoj se do te vazhdoje te punoje ne dobi te gjithe Shqiptareve paveresisht nga ngjyrat partiake. Atje ku ata u perqendruan dhe zgjodhen figura te mira fituan edhe ne bastionet e PS. Une vete jam nga Korca dhe megjithese jam Demokrat i zjarrte nuk e pashe fitoren as ne ender vetem nga menyra se si Kryetari i Bashkise qeverisi deri tani.
Besoj se kjo do ti sjelle pak ne vete dhe ti fokusoje ne punen e tyre qe te mund te fitojne zgjedhjet e pergjithshme parlamentare.
Kalofshi mire,
Ed

[Brari]

panorama:

zgjedhjet lokale
intervista

Anëtari i kryesisë së PD komenton zgjedhjet e 18 shkurtit


Stringa: Humbja e PD-së, përgjegjësi e Berishës dhe qeverisë



Adi Shkëmbi
Partia Demokratike i ka humbur zgjedhjet e 18 shkurtit, pasi ajo ka humbur në bashkitë e mëdha të vendit. Anëtari i kryesisë së Partisë Demokratike, Omer Stringa, thotë në një intervistë për gazetën “Panorama” se koalicioni i djathtë rezulton të jetë humbës në këto zgjedhje, pasi ka humbur në bashkitë e mëdha ku qarkullojnë edhe kapitalet më të mëdha njerëzore, intelektuale dhe ekonomike.

Për këtë humbje ai bën përgjegjës kryetarin e PD-së, Berisha, i cili sipas Stringës e shndërroi këtë fushatë nga lokale në politike.

Si i vlerësoni zgjedhjet e 18 shkurtit, si humbje apo fitore për PD-në?
Unë mendoj se duhen pritur rezultatet përfundimtare për të bërë analizën formale të zgjedhjeve. Megjithatë, rezultatet e deritanishme do më jepnin mundësinë të jap disa gjykime. Për të vlerësuar zgjedhjet administrative në humbje ose fitore, ndryshe nga zgjedhjet politike që kanë vetëm një kriter të pranuar nga të gjithë, unë do të thosha se edhe pyetja: “Kush fitoi në njësinë administrative X?” do të ishte një problem mjaft i komplikuar, sepse do të kërkonte mjaft analiza. Meqë këto ditë kjo pyetje është bërë e modës, unë do të përpiqem t’i përgjigjem duke u bazuar në dy kritere, pa pretenduar se ato janë të vetmet kritere që mund të përdorin individët. Kriteri i parë i fitores është fitorja në Tiranë dhe në qytetet e tjera të mëdha si: Shkodra, Durrësi, Korça etj. Kriteri i dytë është fitorja në listën proporcionale. Plotësimi i dy kritereve të mësipërme do të ishte padyshim për mua një fitore. Do të dëshiroja të theksoja se në një vend me kulturë demokratike, plotësimi i dy kritereve të tilla do të ishte një fitore, por jo një fitore politike. Ndërsa, padyshim në një vend të politizuar si i yni, për shkak të mjaft faktorëve dhe sidomos të lidershipit politik, plotësimi i dy kritereve do të ishte patjetër një fitore e madhe politike. Nga rezultatet e deritanishme përgjigjen mund ta bazoj vetëm në kriterin e parë. Në gjykimin tim kriteri i parë është më i rëndësishëm, sepse është më cilësor nga informacioni politik, ekomomik e social që përmban. Dihet se në Tiranë dhe në qytetet e mëdha të vendit qarkullojnë padyshim kapitalet më të mëdha njerëzore, intelektuale, kulturore dhe financiare të vendit. Rezultatet e deritanishme konfirmojnë atë që sipas kriterit të parë është fituese e majta. Humbja jonë në qytetet e mëdha është padyshim një humbje politike, e cila do të duhet të lexohej me shumë vëmendje nga ana jonë, pavarësisht rezultateve që lidhen me kriterin e dytë të fitores.

Berisha ka folur për një fitore plebishitare. Si e shikoni? Si e vlerësoni reagimin e Berishës, i cili duhet thënë se nuk e ka pranuar asnjëherë humbjen?
Mendoj se deklarata e zotit Berisha mund të jetë nga të paktat deklarata të imponuara nga mentorët servilë informalë, të cilët e rrethojnë atë në çdo kohë dhe aq më shumë në kohë fushatash. Zakonisht këta mentorë gjykojnë siç gjykon zoti Berisha, por siç duket këtë radhë humbja i rëndon më shumë ata se të tjerët. Në qoftë se do të mendoja ndryshe, besoj se do të ofendoja inteligjencën time dhe të zotit Berisha. Gjithsecili ka të drejtë t’i lexojë shifrat me kriteret që vendos, por mendoj se këtë radhë kriteret e përdorura nga zoti Berisha janë mjaft subjektive dhe nuk kanë fuqinë e argumentit për të mbështetur fitoren tonë dhe humbjen e kundërshtarëve. Unë e kuptoj zotin Berisha pse e ka mjaft të vështirë të pranojë humbjen tonë, pasi ishte ai që ndërtoi modelin e kësaj fushate, të cilën me vullnetin e tij të plotë e kaloi nga një fushatë zgjedhjesh administrative, në një fushatë politike. Akoma nuk e kam të qartë pse duhej ta bënte këtë, pavarësisht nga dilemat që kam, për të cilat nuk kam argumente. Ishte zoti Berisha që jo vetëm vendosi karakterin politik të fushatës, por ishte po ai që e personalizoi këtë fushatë në dëm të vetes dhe të maxhorancës. Në të gjitha fushatat, qofshin politike ose lokale, zoti Berisha i ka personalizuar më shumë se sa i takon një kryetari, ndërsa në këtë fushatë ai e personalizoi shumë më tepër se të parat. Mund të mendohej me të drejtë nga qytetarët që në këto zgjedhje nuk ishin kandidatë zoti Olldashi, zoti Teliti, zoti Boçi, por ishte zoti Berisha. Fjalitë kryesore të zotit Berisha në çdo miting gjatë fushatës ishin: Unë ju jap fjalën se…, Unë do të bashkëpunoj me…, Unë do të ndërtoj me…, Unë do të jap fonde për… dhe mjaft fjali të tjera të tilla, si për t’i thënë qytetarëve se ata duhet të votonin zotin Berisha e jo kandidatët dhe se ky ka në dorë gjithçka që ata kërkonin.

Si e komentoni humbjen e PD-së në bashkitë kryesore. Çfarë ka munguar në qeverisjen e PD-së?
Humbja e PD-së në qytetet e mëdha mendoj se ka ardhur nga një mori faktorësh, por unë do të përmend disa prej tyre. Së pari këto zgjedhje morën karakter politik. Ne vetë e ndërtuam këtë situatë dhe po ne u bëmë viktimë e saj. Rezultati i zgjedhjeve në qytetet e mëdha qe më shumë një protestë e qartë ndaj qeverisjes sonë dhe vetë kryeministrit. Së dyti, njerëzit janë zhgënjyer nga performancat e qeverisjes, sepse ata e shikojnë të pamundur realizimin e premtimeve elektorale të korrikut. Për qytetarët qeveria është mjaft larg premtimeve dhe mjaft larg reformave thelbësore që do të krijonin realitete premtuese. Përveç disa arritjeve të kohës dhe të vullnetit politik, asgjë nuk është krijuar në ndërtimin e strukturave që do të garantonin reforma performante. Lufta kundër korrupsionit është kthyer në qëllim në vetvete dhe jo mjet për përsosjen e sistemit. Kjo ka ardhur pasi mendimi i gabuar se korrupsionin e luftojmë ne dhe jo institucionet është bërë dominant. Ne harruam se qyteti është më afër propagandës dhe e zbërthen atë. Qytetet tona kërkuan më shumë realitet edhe më pak propaganda. Së treti, mënyra e ndërtimit të fushatës vetëm në aspektin mohues ose vetëm në aspektin pohues, pra në atë që ne jemi më të mirët edhe më të zotët, ndërsa kundërshtarët tanë politikë janë më të këqijtë dhe më të paaftët, besoj se ka influencuar në mënyrë të konsiderueshme në votën e qyteteve të mëdha. Ne duhet të ishim më fleksibël në propaganda, duke pohuar dhe mohuar kundërshtarët tanë politikë dhe do të duhej të argumentonim se ne do të ndryshonim për më mirë ritmet dhe kostot e zhvillimit.

A duhet të pasohet kjo humbje me një analizë të forumeve të partisë? Çfarë presupozon analiza?
Unë kam qenë gjithmonë i mendimit që pas çdo fushate zgjedhore, pavarësisht nga fitorja ose humbja, do të duhej të kishte analiza serioze. Tradita e PD-se lë shumë për të dëshiruar dhe për këtë edhe unë mbaj përgjegjësitë e mia, pasi nuk e kam ngritur zërin në institucionet e duhura. Në qoftë se do të dëshironim të qeverisnim të plotë mandatin, analizat do të duhet të ishin elementi i parë i domosdoshëm dhe sa më shpejt. Analizat politike dhe ato formale me dëshirën për të përmirësuar qeverisjen e vendit dhe partinë do të duhej të ishin të afërta. Çdo vonesë e qëllimshme ose e paqëllimshme nuk do t’i shërbente mirëqeverisjes dhe jetëgjatësisë së maxhorancës sonë. Në gjykimin tim, në analiza do të duhej të hiqnim dorë nga sindromi që: kur del djalë merita është e njëshit dhe kur del vajzë faji është i të tjerëve, ose e thënë ndryshe uji nga burimi del i pastër gjithmonë dhe në qoftë se turbullohet është turbulluar poshtë. Zoti Topi deklaroi se përgjegjësia është e të gjithëve, gjë që edhe unë e pranoj, por do të desha t’i shtoja kësaj fjalie: Përgjegjësia është e të gjithëve, por në raporte të ndryshme me pushtetet që kanë në vendimmarrje. Të gjithë ne e dimë se ku janë përqendruar pushtetet reale dhe pushtetet formale në parti dhe qeveri. Kjo nuk na justifikon, por ne duhet të përgjigjemi, sepse kemi lejuar përqendrime të tilla pushteti në duart e një individi.

Ky kabinet a përfaqëson grupin fitues të zgjedhjeve të 3 korrikut apo ka shmangie?
Padyshim që qeveria ka qenë një nga faktorët më të rëndësishëm të humbjes. Qeveria do të duhej të përfaqësonte maxhorancën fituese të 3 korrikut në ide dhe vlera. Ne, maxhoranca e sotme përfaqësojmë forcat liberal demokrate. Vendimet e qeverisë dhe të maxhorancës janë mjaft larg ideve liberale demokrate si: liberalizimi i tregut, liberalizimi i pronës, liberalizimi i ideve, si dhe aspak në forcimin e shtetit ligjor. Gjithashtu ne nuk po krijojmë një ambient ku të lulëzojnë vlerat e individit, një ambient ku konkurrenca e lirë të zhvillohet në çdo fushë ekonomike, politike dhe sociale. Kjo qeveri nuk rrezaton atë që kërkonin zgjedhësit e 3 korrikut.

A do të ketë rrokadë me kryeministrin Berisha apo vetëm zëvendësim të ministrave?
Në shtypin e ditës lexova se zoti Topi kishte thënë shumë kohë më parë se: “Në qeveri janë ministra apatikë që nuk ecin me ritmin e reformave” dhe pastaj zoti Berisha qe përgjigjur me ironi se: “ministrat nuk janë apatikë, por simpatikë”. Do të desha që pyetjes suaj t’i përgjigjesha duke analizuar thënien e mësipërme. Ministrat para se të rendin pas reformave duhet t’i konceptojnë, formalizojnë dhe strukturojnë ato. Këtë detyrë e ka qeveria, pra ministrat dhe kryeministri. Ndoshta ministrat nuk kanë se pas kujt të vrapojnë. Gjithashtu unë nuk i njoh aftësitë e shumicës së ministrave, por një pjesë të vogël të tyre e njoh dhe mendoj se kjo pjesë nuk është e paaftë. Dy nga parimet e mirëmenaxhimit janë: i pari është, shpërnda pushtet dhe përgjegjësi dhe i dyti, vendimmarrja duhet të jetë produkt i shumë mendjeve që do të duhet ta realizojnë atë dhe jo vetëm e një individi, sado i zoti qoftë ai, sepse vetëm kështu është mundësia më e madhe për t’u realizuar. Siç duket zoti Berisha nuk i ka zbatuar asnjëherë këto parime, pra ai nuk ka deleguar asnjë pushtet real tek ministrat, si dhe gjithmonë vendimmarrja ka qenë produkt i tij, prandaj dhe i ka pas justifikuar vartësit e tij me humor. Unë jam i sigurt se ministrat zoti Berisha i lëviz kur të dojë, sidomos ministrat e dalë nga PD-ja, ndërsa sot për sot me aq sa njoh mund të them se zoti Berisha lëviz vetëm nga zoti Berisha.



Servet Pëllumbi
Në vështrimin e parë, rezultati mund të lexohet si i ndarë gjeografikisht. Në të vërtetë, një ndarje e tillë bëhet për të zbuluar efekte qetësuese e ekuilibruese për palën humbëse. Më duket absurd deklarimi i një fitoreje, duke u nisur nga metrat katrorë të shtrirjes territoriale që mbulojnë një numër i caktuar komunash, pa nënvleftësuar asnjërën prej tyre. Ngjyrimi i hartës së Shqipërisë me ngjyrat rozë dhe blu më duket disi paradoksal, sepse brenda rozës jeton edhe bluja dhe anasjelltas. Votimet në demokraci bëhen për t’u bashkuar dhe jo për t’u ndarë mes tyre.

Sabri Godo
Më duket se ai është jashtë realitetit të gjërave. Në 1992 unë këtu kam qenë dhe kam marrë pjesë në zgjedhje dhe e di që atëherë 70% e shqiptarëve votuan për demokracinë. Kurse sot nuk kemi të njëjtat raporte. Për mua ka rëndësi me të vërtetë atje ku palët fituan në maxhoritar dhe është një element që duhet marrë parasysh, por është po aq me rëndësi të dihet se sa vota ka marrë në proporcional secili, dhe për këtë tani duhet të presim që KQZ-ja të thotë fjalën e fundit.

Bamir Topi
Natyrisht të gjithë kanë edhe atë pjesë të përgjegjësisë që lidhet pikërisht me ato momente kur ne i konsiderojmë jo të kënaqshme dhe përgjegjësia nuk mund të specifikohet, përgjegjësia gjithmonë është relative, kuptohet në të tilla raste merr përgjegjësitë e veta. Por besoj se ka një përgjegjësi kolektive për të gjitha reflektimet e mundshme që të dalim sa më shpejt në një fushë të hapur, ku gjithçka të jetë e projektuar në momente shumë të mira qoftë për maxhorancën, qoftë për opozitën.

Jozefina Topalli
Sigurisht që nuk na vjen mirë, pasi unë e kisha shumë përzemër Tiranën që të drejtohej nga koalicioni i djathtë, megjithatë pavarësisht nga kjo pluralizmi është bërë për t’u respektuar. Mendoj se të gjitha premtimet që ne kemi bërë në qendrat kryesore janë bërë për t’u respektuar dhe realizuar në të gjitha qendrat e mëdha. Mendoj se në këto momente them se është shumë e rëndësishme të lexohet me të njëjtin seriozitet si fitorja aty ku është e pritur, si shtrirja në të gjithë territorin, por me të njëjtin seriozitet dhe me shumë përqendrim të shohim se çfarë defektesh kemi pasur.

Preç Zogaj
Është kurdoherë e vështirë të hysh në logjikën e zgjedhësve që votojnë kundër vullnetit tënd, kundër forcës tënde politike, ndërkohë që ti mendon se je duke bërë më të mirën për to. Në momentin e marrjes së lajmit të humbjes, gjëja më e arsyeshme është ta pranosh me qetësi, si diçka të epërme dhe të paapelueshme verdiktin e zgjedhësve; të priresh për të lexuar pozitivisht këtë verdikt, domethënë si një thirrje, si një mësim, apo si një mesazh për t’u korrigjuar e përmirësuar.

Spartak Ngjela
Berisha, e vetmja gjë që duhet të bëjë është të bëjë rrokadën me një ekip të ri. Berisha ka dështuar në dy fushata të mëdha: dështoi në qeverisje për dy arsye thelbësore, sepse nuk e njeh Kushtetutën dhe nuk pranon raportin midis tregut dhe impulseve për zhvillimin. Ai bllokoi tregun dhe shtetin. Luftën me prokurorin e Përgjithshëm nuk e ka pranuar asnjë institucion ndërkombëtar, përfshi edhe presidentin e SHBA, i cili ka shtrënguar dorën me presidentin shqiptar dhe i ka thënë: të përgëzoj për drejtësinë.

Ferdinand Xhaferri
Nëse qytetarët shqiptarë do të kishin pakënaqësi me qeverisjen e PD-së, kjo do shprehej në radhë të parë nga qytetarët e Përmetit, Gramshit, Sarandës apo Tepelenës. Këto zona, në shumicë, janë të formësuar politikisht majtas dhe për rrjedhojë janë më të ndjeshëm për të qenë vullnetarët e parë të pakënaqur me qeverinë. Por, fitorja në përmasat dërrmuese në bashkitë dhe komunat e nivelit mesatar dhe humbja në bashkitë e nivelit të parë na çon në konkluzionin se: në këto zgjedhje ka fituar qeverisja e Partisë Demokratike dhe ka humbur Partia Demokratike.



Në 325 njësi koalicioni i djathtë ka 54%, ndërsa e majta 40.5%
Bregu: PD, 14 pikë më shumë në proporcional se opozita

Partia Demokratike konfirmoi dje se koalicioni i djathtë “Aleanca e Madhe” ka arritur të ketë shumicën e këshillave bashkiakë në 325 njësi të vendit.

Zëdhënësja e fushatës elektorale në Partinë Demokratike, Majlinda Bregu, tha dje gjatë një konference për shtyp se koalicioni i djathtë kryeson në këto njësi me 14 pikë më shumë se koalicioni i majtë. Sipas Bregut, nga të dhënat që disponon kjo parti, por edhe nga burimet zyrtare në Partinë Demokratike konfirmohet fakti se “Aleanca e Madhe” ka rreth 130 mijë vota më shumë se koalicioni i majtë “Bashkë për të ardhmen”. “Për 325 njësi vendore koalicioni i djathtë udhëheq qartë edhe me votat për këshillat bashkiakë. Edhe sipas burimeve zyrtare të konfirmuara nga Komisioni Qendror i Zgjedhjeve, koalicioni i djathtë ka marrë për këshillat bashkiakë 490.496 vota ose 54.31% të të gjithë votave të vlefshme të numëruara deri tani, kundrejt vetëm 40.5% ose 366319 që ka marrë opozita dhe të tjerët janë 46344 vota”, u shpreh Bregu gjatë konferencës për shtyp.
Në të njëjtën kohë, zëdhënësja e fushatës elektorale të Partisë Demokratike i kërkoi palës kundërshtare që të lexojë qartë dhe drejtë rezultatin e 18 shkurtit për të gjitha njësitë ku është votuar dhe të mos bëjë përcaktime raciste për mënyrën e votimit në fshat dhe qytet. “Koalicioni i djathtë udhëheq me 14% më shumë të votave në këshillat bashkiakë. Shpresoj që ky rezultat të lexohet drejtë, të kuptohet me qetësi dhe nga kampi tjetër dhe të mos keqpërdoret për të etiketuar qytetarët me qëndrime raciste në eskimezë dhe evropianë”, u shpreh më tej zëdhënësja e fushatës së PD-së.

Këshillat bashkiakë
Sipas të dhënave të Partisë Demokratike rezulton se kjo parti ka marrë shumicën e vendeve në Këshillin Bashkiak të Durrësit, Korçës dhe Elbasanit, pavarësisht se në këto bashki kanë fituar kandidatët e Partisë Socialiste. Sipas zëdhënëses së fushatës së demokratëve PD ka 3 këshilltarë më shumë në Këshillin Bashkiak të Durrësit, 4 këshilltarë më shumë në Këshillin Bashkiak të Elbasanit dhe 1 këshilltar më shumë në atë të Korçës. Ndërkohë sipas të dhënave të publikuara deri tani nga Komisioni Qendror i Zgjedhjeve rezulton që PD-ja të ketë shumicën edhe në Këshillin Bashkiak të Kukësit, Lezhës dhe Shkodrës, ndërkohë që socialistët kanë shumicën në Këshillin Bashkiak të Beratit dhe Fierit. Ende nuk ka informacione për Këshillin Bashkiak të Tiranës dhe Vlorës, por duke pasur parasysh se në këto dy njësi kandidatët e PS-së, Edi Rama dhe Shpëtim Gjika, kanë fituar me diferencë të madhe votash, pritet që këto dy këshilla t’i zotërojnë socialistët.



130 mijë vota
Sipas informacioneve të Partisë Demokratike rezulton se koalicioni i djathtë ka rreth 130 mijë vota më shumë se koalicioni i majtë për 325 njësi vendore të përfunduara.
3 këshilla
Në tre këshilla bashkiakë ku kanë fituar kandidatët e Partisë Socialiste (në Durrës, Elbasan dhe Korçë), shumicën e këshilltarëve do t’i ketë Partia Demokratike dhe aleatët e djathtë.


I vetmi që abstenoi në kryesi
Stringa kundërshtoi Berishën për përjashtimin e Ngjelës

Ish-kandidati për deputet i Partisë Demokratike në zgjedhjet e vitit 2005 ishte i vetmi që ngriti zërin në kryesinë e kësaj partie lidhur me përjashtimin e avokat Spartak Ngjelës një vit më parë. “Ne kemi tetë muaj që nuk jemi mbledhur që nga fitorja e zgjedhjeve të 3 korrikut. Nuk mendoj që mbledhjen e parë të kryesisë së PD-së në pushtet ta bëjmë për marrjen e një vendimi për shkarkimin nga detyra të një zyrtari të PD. Duhet të ishim mbledhur shumë kohë më parë për të përcaktuar të gjitha emërimet, apo për të diskutuar politikat e qeverisjes”, u shpreh Stringa gjatë mbledhjes së kryesisë ku u diskutua ngrirja e Ngjelës nga forumet e Partisë Demokratike. Ndërkohë në një prononcim për mediat lidhur me kundërshtimin e asaj mbledhje kryesie, Stringa tha se: “Arsyet janë vetjake. Eshtë një mendim i imi personal, çka e bëra publik edhe në mbledhjen e kryesisë së partisë”.

[drity]

Ne Shqiperi fushatat elektorale kane pasur gjithmone per qellim sigurimin e votave ekzistuese dhe jo fitimin e votave te reja, edhe ne zgjedhjet e fundit ndodhi e njejta gje, konsolidimi i rradheve te militanteve perkates. Kjo eshte e qarte kur vezhgon strategjine e mediave te te gjitha kraheve, sulmin e kundershtarit dhe jo valorizimin e vetvetes.

Kjo strategji eshte per te qare e per te qeshur kur mendon qe jane mbi 1 milion zgjedhes te mundeshem qe nuk votojne. Askush nuk mund te thote me siguri perse keta nuk votojne, por askush nuk mund te mohoje mundesine qe arsyeja eshte se nuk ndjehen prane asnjeres parti.

Personalish, mendoj qe shume prej tyre nuk votojne sepse jane alergjik ndaj Nanos, Rames, Berishes, etc, etc, etc. Nerezit e ditur nga te dy krahet, e dine qe shkaktari i 97es ishte kundershtari, por ka shume e shume njerez per te cilet kjo periudhe eshte e mjergullt dhe e vetmja rrugezgjidhje qe mund ti japin ne mendjen e tyre eshte distancimi nga te gjithe aktoret e asaj epoke. Shume nga ne mendojne qe takimi Nano-Berisha solli rrugezgjidhjen e krizes elektorale, por akoma me shume njerez e shikojne kete se "tradheti" ndaj parimeve.

Besoj se nje nder vendosesit e fitores se Rames ne Tirane ishin personat me orientim PS por "Nanao alergjik" qe mbas "largimit" te ketij te fundit votuan per PSne.

Nje rrugezgjidhje e thjeshte qe te shkon nder mend per PDne eshte largimi i Berishes nga udheheqja e PDse, dhe si rezultat afrimi i elektoratit "Berisho alergjik" me PDne. Por fatkeqesisht largimi i Berishes nga koka e PDse mund dhe do te nxjerre ne pah pretendime per poste, perçarje, etc ne rradhet e PDse dhe koalicionit te djathte, gje qe do te rrezikoje pozicionin maxhoritar te ketij koalicioni.

Momenti do vije qe PDja do te perballet me keto probleme, eshte vetem çeshtje kohe. Duke marre parasysh fuqine financiare, propaganduese e demagogjike te PSse mendoj se deri ne zgjedhjet e ardheshme parlamentare, koalicioni PS-LSI do ti kete forcuar pozitat, dhe do te fitoje zgjedhjet. Ne qofte se PS-LSI fitojne zgjedhjet e ardheshme parlamentare, Berisha do te detyrohet te jape doreheqjen per aresye te ndryshme, konshience personale, presion i brendshem ne PD, presioni i simpatizanteve, etc.

Nqs PS-LSI fiton zgjedhjet e ardheshme parlamentare dhe si rrjedhoje Berisha jep doreheqjen, PSja do te kete lluksin e 4 viteve ne pushtet me nje opozite te dobet e te perçare, e gjate ketyre viteve do te pasurohet e fuqizohet akoma me shume, deri sa te behet e pa prekshme.

Mendoj, qe momenti i sotem, eshte nje nga momentet e pakta ku Berisha mund te largohet nga posti i drejtuesit jo vetem pa krijuar deme te renda ne PD, por edhe duke dhene kontributin e tij pozitiv ne ristrukturimin e saj.

Momenti eshte i pershtatshem sepse deri ne zgjedhjet e ardheshme parlamentare PD ka perpara 2 vjet kohe per tu ristrukturuar dhe organizuar, dhe çeshte me e rendesishmja jane 2 vite ku PDja do te jet ne pushtet.

Mendoj qe Berisha duhet te largohet nga posti i drejtuesit por duhet te mbetet kryeminister i vendit.

Nje levizje me mend per PDne do te ishte emerimi ne krye te PDse i nje gruaje te matur, inteligjente dhe te duruar, Topallit. Me kete levizje PDja do ishte iniciatorja e nje fryme te re ne politiken shqiptare, ku agresiviteti qe e karakterizon per momentin do te zevendesohej me nje shpirt llogjike dhe durimi. Ne kete skenar Rama dhe Meta do detyroheshin te nderronin strategjine e tyre opozitare nga ajo agresive, ne diçka me te matur, ose perndryshe do dilnin bllof jo vetem me popullin ne pergjithesi por edhe me vete simpatizantet e tyre.