PD dhe e ardhmja e saj..

[Sabriu]

ka ca anetar te forumit tejet qesharak.

[no name]

Koalicioni qeverises ne rrezik percarjeje

Levizjet e fundit ne kabinetin qeveritar kane vene ne pozite teper te veshtire kryeministrin Sali Berisha, i cili duhet te plotesoje orekset e aleateve, nese do votat e tyre per emerimin e ministrave te rinj dhe ligjeve. Nje paralajmerim te forte Berisha e mori dje ne Kuvend nga kryetari i grupit parlamentar demokristian, Nikolle Lesi, i cili tha se nese kryeministri nuk zbaton marreveshjen mes PD-PDK, asnje nga votat e tete deputeteve nuk do te jete per qeverine dhe ligjet e saj. “PDK nuk do te votoje asnje projektligj, nese PD nuk zbaton marreveshjen per bashkepunim dhe bashkeqeverisje te nenshkruar mes Sali Berishes dhe Nard Ndokes”, tha prere Lesi. Sipas tij, PDK do te prese deri te henen ne 12:00 te mesdites, qe Berisha te reagoje, ne te kundert tete deputetet e kesaj partie, perfshi dhe ministrin Ndoka, nuk do te votojne asnje projektligj. PDK eshte shprehur hapur tri dite me pare per nje post tjeter ministri, pse jo dhe ne rang zv/ministri. Keto pretendime i beri publike vete Lesi tre dite me pare. “Kerkojme gjithashtu qe te respektoni edhe marreveshjen me PDK per dy komunat e kthyera per zgjedhje ne Bushat dhe Kelmend, ku ju po punoni ndryshe diten dhe ndryshe naten. Diten mbeshtesni kandidatin e perbashket te koalicionit te djathte dhe naten kandidatin e pavarur”, tha Lesi. Sinjale aspak pozitive vijne dhe nga PBDNJ. Sekretari i Pergjithshem i kesaj partie, Leonard Solis deklaron se qeveria nuk do te kete voten e deputeteve te kesaj partie per kandidaturen e Sokol Olldashit ne postin e ministrit te Transporteve, Puneve Publike dhe Telekomunikacionit. “Kandidatura e Olldashit do te ishte e pershtatshme per ndonje ministri tjeter, pervec asaj te Transporteve. Nuk do te ishte vendi i duhur, pasi do te lindte edhe njehere binomi Rama-Olldashi, qe nenkupton rifillim konfliktesh”, tha Solis. Deklaratat e djeshme te aleateve rrezikojne seriozisht qeverine dhe kalimin e ligjeve ne Kuvend. Pa tete votat e PDK-se dhe 3 te PBDNJ-se, qeveria e djathte e ka thuajse te pamundur te kaloje projektligje te rendesishme, nese kundershtohen nga opozita. Konfliktet mes PD-se dhe aleateve te saj u thelluan se tepermi ne ndryshimet e fundit te detyruara ne qeveri, pas doreheqjes se ministrit te Jashtem, Besnik Mustafaj. Kryeministri duhet te reagoje gjate ketyre diteve, qe te mos kete rrjedhje te votave gjate votimit ne Kuvend. Nderkohe qe nuk perjashtohet mundesia e ndonje rrjedhjeje vote dhe nga ana e deputeteve te PD, pa perjashtuar ne kete rast ardhjen ne ndihme nga rrjedhjet e mundshme te votave nga opozita, te cilet, si ne rastin e ndryshime te para mund ta japin voten “per ironi” per ministrat e rinj te PD.

Ultimatumi

Kryetari i grupit demokristian Nikolle Lesi ashpersoi dje shume tonet ndaj kryeministrit Sali Berisha. Lesi, pikerisht ne momentin e ndryshimeve te reja ne qeveri, nxori ne skene marreveshjen PD-PDK, qe sipas demokristianit, kryeministri Berisha nuk e ka zbatuar. Sipas tij, kryeministri ka kohe deri diten e hene ne mesdite per te reaguar, ne te kundert tete deputetet e PDK-se nuk do te votojne asnje projektligj te qeverise. PDK pretendon nje tjeter post ministri, por ne pamundesi edhe post ne rang zv/ministri, duke shtrire bashkepunimin ne te gjitha nivelet.

Berisha

Kryeministri Sali Berisha nuk e jep veten, kur e pyesin per krisje te koalicionit dhe problemet e lindura pas ndryshimeve ne qeveri. Pa shume komente kryeministri tha dje se “Koalicioni i djathte eshte me mire se kurre ndonjehere”. Ne nje kohe qe evitoi te komentoje largimin e ministrit te Jashtem, Besnik Mustafaj, si dhe ndryshimet qe po behen ne qeveri e pretendimet e aleateve. Reagimi i kreut te qeverise erdhi menjehere pas ultimatumit te Lesit, si dhe deklarates se Solis se nuk do te votoje propozimin e Sokol Olldashit per minister te Transporteve dhe Puneve Publike.

[DYDRINAS]

PD eshte ne levizje dhe ndryshim te perditshem, por ne ndryshim nga PS ku lufta e krereve zhvillohet per jete a vdekje, tek PD kjo behet ne menyre te qete dhe pa buje.
Nje njeri i vemendshem e kupton se ka dy vite qe ne PD vijne vetem emra te rinj dhe po ashtu ne qeveri po afirmohen figura te reja.
Puna me e mire qe po ben PD eshte pergatitja e drejtuesve te ardhshem permes qeverisjes, sepse nuk do te mundet kurresesi nje i sapodiplomuar ne Shqiperi apo jashte saj, qe te caje muret e sfidat allashqiptare pa kaluar neper veshtiresite e qeverisjes.
Ndersa PS per sa kohe qe ishte pushtet, ndonese pati kohe mjaft, ajo nuk arriti te krijoje nje lidership te ri, por i mbeti besnike skemave te paracaktuara klanore, me te cilat mbahet ne kembe e gjithe ngrehina e saj.
Edhe dy vite dhe PD do te kete nje lidership krejtesisht te ri, qe do te kete pervojen e nevojshme dhe te mjaftueshme per te qeverisur.

[Zemrushja]

Vazhdon kriza te shumica. Të vegjlit me "oreks" për poste

Krizën brenda koalicionit të djathtë, tashmë Kryeministri Berisha nuk mund ta fshehë pas batutave dhe shakave siç ka bërë deri më tani duke thënë "se gjithçka po shkon shkëlqyeshëm", sepse mosmarrëveshjet në koalicion, sa vijnë dhe thellohen më shumë. Pas ultimatumit të bërë dy ditë më parë nga kryetari i Grupit parlamentar të PDK-së, Nikoll Lesi, se kjo forcë politike nuk do të votojë asnjë nismë të qeverisë pa u respektuar marrëveshja me këtë parti dhe pa u konsultuar me aleatët dhe grupet e interesit, dje ka ardhur një tjetër "ultimatum", por pak më i zbutuar nga kryetari i PBDNJ-së, Vangjel Dule. Ky i fundit, nga mbledhja e asamblesë së partisë së tij i ka kujtuar Kryeministrit Berisha se nuk mund të marrë më vendime dhe nisma pa u konsultuar më parë me partitë aleate dhe grupet e interesit, përndryshe vota e tyre do të jetë kundër qeverisë.

Deklarata e PBDNJ-së

Kryetari i PBDNJ-së, Vangjel Dule, i ka kërkuar PD-së dhe konkretisht, Kryeministri Berisha të lërë mënjanë konfliktet dhe të kërkojë më shumë dialog për ligjet e rëndësishme me grupet e interesit që duhet të jenë aleatët kryesorë të qeverisë. "Koalicioni dhe forca kryesore drejtuese, pra Partia Demokratike nuk duhet të injorojnë favorin më të madh që kanë, pikërisht një koalicion kaq të gjerë, e cila siguron mbështetjen e fuqishme për reformat. Këto reforma realizohen vetëm me dialogë, konsultime e negocime paraprake, jo vetëm mes aleatëve, por me të gjitha grupet e interesit, në qoftë se nuk do të arrijmë që të shndërrojmë në aleatë, grupet e interesit qytetarin dhe shoqërinë këto reforma të dhimbshme që kërkohen për t‘u bërë nuk do të jemi të suksesshme në realizmin e tyre", është shprehur Dule. Sipas tij, lufta ndaj informalitetit dhe krimit ekonomik duhet të bëhet pa dallime dhe pa përzgjedhje. Sipas tij, "duhet një luftë frontale sistematike e pa kompromis, pa klientelizëm, pa selektivitet, këto beteja janë nga më delikatet. Nëse futet elementi i selektivitetit në luftën ndaj korrupsionit në luftën ndaj informalitetit dhe krimit ekonomik apo fenomeneve të tjera negative, nëse hyn klientelizmi qoftë edhe në shkallë minimale në luftën kundër tyre ka dështuar i gjithë procesi". Deklaratat e Dules kanë qenë mjaft të qarta, nëpërmjet të cilave ai i ka përcjellë mesazhin Kryeministrit Berisha se PBDNJ-ja nuk do të bëhet palë në sulmet individuale të qeverisë ndaj medias dhe biznesit, pra votat e deputetëve të PBDNJ-së do të jenë kundër nismave që nuk do të gjejnë konsensus të gjerë edhe me grupet e interesit. Dhe kjo deklaratë vjen pak ditë para se të votohet në Kuvend ligji për platformën dixhitale ku PBDNJ-ja ka kundërshtuar faktin e hartimit të tij, pa u konsultuar më parë me grupet e interesit.

Deklarata e PDK-së

Kryetari i Grupit parlamentar të PDK-së, Nikoll Lesi, ka zyrtarizuar dje deklaratën e tij të bërë në seancën e së enjtes ku i dha ultimatum Kryeministrit për respektimin e marrëveshjes mes dy partive aleate. Në të kundërt, nëse Berisha nuk e respektonte këtë marrëveshje, deri të hënën në mesditë, Lesi dhe 7 deputetët e tjerë të PDK-së do të votojnë kundër çdo projektligji apo nisme që do të paraqitet në Kuvend nga qeveria. Për të konkretizuar deklaratën e tij në Kuvend, deputeti Lesi dje është paraqitur në zyrën e zv/kryeministrit Gamend Oketa, ku i ka paraqitur me shkrim të gjitha pikat e marrëveshjes që ai kërkon të plotësohen deri të hënën. "Ishim në takim me zëvendëskryeministrin Oketa për kërkesat tona që i kemi bërë të ditura publikisht edhe në Parlament. Këto kërkesa konsistojnë në zbatimin e marrëveshjes mes PD dhe PDK të firmosur nga kryetarët. Tashmë, këto kërkesa i kemi parashtruar zyrtarisht sipas marrëveshjes dhe presim një përgjigje deri ditën e hënë. Nëse përgjigjja nuk vjen, mbetet qëndrimi që kam deklaruar të enjten në Parlament", është shprehur Lesi. Në bazë të marrëveshjes, PDK-ja kërkon dy poste ministrore dhe poste të tjera në qeverisje.

© Gazeta Shqip - 2006-2007

[no name]

PD i kujton Rames “Hakmarrjen”

Partia Demokratike kryqezon lider te larte te kundershtares se tij politike, Partise Socialiste. Per eksponente te partise me te madhe ne mazhorance, kryetari i PS-se, Edi Rama dhe kryeredaktori i organit zyrtar mediatik te kesaj partie, Erion Brace, jane te lidhur direkt me organizatat kriminale. Nisur nga pergjimet e publikuara ne shtyp, te bisedave te disa drejtuesve te organizatave kriminale, ku kane dale edhe emrat e dy zyrtareve te larte te PS-se, PD nuk heziton t’i deklaroje ata si mbrojtes se krimit. PD permes zedhenesit te saj, Gerti Bogdani. Thekson se pergjimet, “zbulojne dhe konfirmojne lidhjet direkte dhe me te fuqishme te krimit te organizuar, te bandave me te rrezikshme te vendit, asaj te “Hakmarrjes per Drejtesi” dhe asaj te Aldo Bares, respektivisht me Edvin Ramen dhe leitnandin e tij, Erion Brace”. Per demokratet, dosjet faktojne se Rama dhe Brace, ishin pergjegjesit politik dhe menaxheret e lavanderise se parave te krimit te organizuar ne Shqiperi. “Keto lidhje te kreut socialist me grupet me te rrezikshme kriminale te Shqiperise dhe Europes, jane kercenim direkt te integrimit te Shqiperise ne Bashkimin Europian dhe NATO”, deklaroi zedhenesi demokrat, Bogdani. Sipas tij, keto lidhje kriminale te kryetarit Rama, perbejne edhe nje kercenim per vete PS-ne. Te njejtin pozicion ka mbajtur edhe deputeti demokrat, Ferdinand Xhaferri, i cili pa doreza hedh akuza te renda ndaj Rames dhe Braces, te cilet sipas tij, jane te lidhur me organizatat me te fuqishme ne rajon. Sipas tij, zbardhja e bisedave telefonike, jane vertetimi i akuzave te hedhura nga kryetari demokrat, Sali Berisha, tek thoshte se Rama ishte kapur nga organizata kriminale “Hakmarrja per Drejtesi”. “Ne pjesen e pare flitet per trafik prostitutash dhe ne pjesen e dyte shprehet mbeshtetja qe Edi Rama i jep ‘Hakmarrjes per Drejtesi’. Une do te thoja se kjo eshte politika e re e Edi Rames, kjo eshte fuqia e ndryshimit te Edi Rames, kjo eshte e ardhmja evropiane qe do te ndertoje Edi Rama”, ka deklaruar Xhaferri dje ne nje prononcim per mediat. Sipas tij, gjithcka eshte shnderruar ne fakt dhe tashme larg akuzave politike. “Gjykata e Torinos ne Itali mbaroi pune me krahun ushtarak te organizates kriminale, i mbetet drejtesise shqiptare te merret me krahun politik te saj. Eshte mese e qarte per te gjithe shqiptaret se ky eshte edhe themeli i konfliktit qe ka sot PD me drejtesine shqiptare”, tha Xhaferri.

[TOKE GEGA]

MA MIRA MUTI I FISNIKUT SE SA BUKA E TE LIGUT! (I LIGU ~LEXON PARTIA

SOCJALISTE)




Departamenti Amerikan i Shtetit vlerëson me nota pozitive hapat e ndërmarrë nga Tirana zyrtare


SHBA: Progres në luftën ndaj krimit dhe korrupsionit


Departamenti Amerikan i Shtetit vlerëson me nota pozitive progresin që Shqipëria ka bërë në luftën kundër krimit të organizuar dhe korrupsionit. Gjithashtu, administrata amerikane vlerëson rolin e qeverisë shqiptare në luftën kundër terrorizmit dhe bashkëpunimin me Shtetet e Bashkuara dhe vendet e tjera kundër këtij fenomeni. Këto vlerësime u publikuan në një raport vjetor të Departamentit të Shtetit, i cili detajon veprimtarinë e të gjitha vendeve të botës ndaj këtyre fenomeneve. Raporti vlerëson në të njëjtën kohë edhe pjesëmarrjen e trupave ushtarake shqiptare në misionet paqëruajtëse në Afganistan dhe Irak. "Shqipëria kontribuon me trupat e saj ushtarake në Afganistan dhe Irak, ka ngrirë llogaritë bankare të lidhura me financimin e terrorizimit apo pastrimin e parave dhe ka punuar me Shtetet e Bashkuara dhe vendet e tjera në luftën kundër terrorizimit. "Shqipëria ka bërë progres në identifikimin e cënimit të kufijve në det dhe në tokë, por qeveria dhe forcat e policisë janë përballur me sfida thelbësore në vendosjen e sigurisë kufitare dhe luftën ndaj krimit të organizuar dhe korrupsionit", thekson raporti. Dokumenti vlerëson pozitivisht gjithashtu azilin politik që qeveria shqiptare u ofroi 5 të dënuarve të Gjirit të Guantanamos, pasi Shtetet e Bashkuara përcaktuan se ata nuk konsideroheshin luftëtarë armiq. "Shqipëria është angazhuar publikisht të mbajë prezencën e saj në Irak për aq kohë sa do të jetë e nevojshme, dhe ka një kontigjent me rreth 120 ushtarësh në këtë vend. Në Afganistan, Shqipëria dërgoi 26 trupa, përfshirë edhe anëtarët e njësisë së përbashkët mjekësore", nënvizon më tej raporti. Sipas dokumentit edhe pse nuk u ngrinë asete të tjera, qeveria shqiptare zbuloi shtatë prona të tjera të grupeve tashmë të identifikuara, të cilat u sekuestruan më pas. Ndërkohë, që Shërbimi Informativ Shtetëror është njësia më kryesore e kundërterrorizmit në qeverinë shqiptare, shumica e sukseseve të tij kaluan pa u vënë re për shkak të natyrës së fshehtë të punës së tij. Raporti vlerëson se efektiviteti i përpjekjeve të qeverisë kundër financimeve të terrorizmit u pengua nga burimet e pamjaftueshme financiare, komunikimi i varfër, mungesa e infrastrukturës në përpunimin e të dhënave dhe personelit të pa trajnuar.


Raporti i Freedom House vlerëson ligjet e rëndësishme të mazhorancës
Qeveria "Berisha" po mban premtimet

[vagabondo_nyc]

Ministrat "braktisin" selinë blu

Përveç Topallit, Rusmalit dhe Bodes, tani mungon dhe zv/ministri Strazimiri


Pas "zbehjes së pushtetit" të Partisë Demokratike në zgjedhjet e fundit lokale, Kryeministri dhe deputetët e djathtë premtuan se PD-ja do i nënshtrohet një analize në zonat ku ka humbur, por kjo ende nuk ka ndodhur. Kreu i PD-së, Sali Berisha, ka hedhur idenë brenda grupit të PD-së për ndarjen e mandateve partiake nga ato ministrore, por edhe kjo ende nuk është bërë realitet. Konkretisht në një nga mbledhjet e grupit të PD-së në mesin e muajit mars, Kryeministri Berisha ka bërë me dije para deputetëve të tij se së shpejti do të ketë ndarje të mandateve qeveritare nga ato partiake. Ideja e kreut të selisë blu është të fuqizojë sekretariatin e Partisë Demokratike, duke u hequr ministrave të kabinetit të tij të drejtën që të vazhdojnë të mbajnë edhe një post në parti. Papajtueshmëria e një pjese të rëndësishme të PD-së me idenë e Kryeministrit ka bërë që edhe ndarja e posteve të lihet në harresë. Premtimet dhe deklaratat e lançuara, por të pazbatuara ende, vazhdojnë të sjellin një situatë të heshtur dhe jo aktive brenda gjirit të partisë më të madhe të vendit. Ndonëse gëzojnë shijen e pushtetit, organizimi i punës brenda selisë blu lë shumë për të dëshiruar. Ministrat që mbajnë poste në sekretariatet e partisë kanë kohë që s‘duken pranë kësaj selie, të cilën e vizitojnë tek-tuk vetëm disa deputetë. Megjithëse pas rezultatit të zgjedhjeve të 18 shkurtit u premtua se do të bëheshin reflektime më të thella sesa një analizë brenda partisë, gjërat pas 18 shkurtit deri më sot nuk kanë ndryshuar edhe aq shumë. Krijimi i ekuilibrave të rinj brenda mazhorancës ishte versioni më i mundshëm që kërkohej të zbatohej. Përveç përfshirjes në qeveri të aleatëve demokristianë dhe ndryshimit të disa ministrave jo shumë të rëndësishëm, analiza brenda PD duket se është lënë në harresë. Pranë selisë së PD-së qarkullojnë fjalët se analiza është shtyrë sërish. Shkak për këtë është bërë ardhja e Presidentit të SHBA, Xhorxh Bush, dhe zgjedhja e Presidentit të ri të Republikës. Deri pas zgjedhjes së kreut të shtetit, në selinë e PD-së do të vazhdojë të mbizotërojë heshtja.

Mandatet

Zotërimi i dy mandateve njëkohësisht, një në nivelet ministrore dhe një tjetër brenda partisë, bën që Partia Demokratike të mos jetë e mirorganizuar si forca politike kundërshtare e saj, Partia Socialiste. Sekretariati i PD-së ka zbarkuar i gjithi në postet e larta drejtuese në ministritë e qeverisë "Berisha". Sekretari i Përgjithshëm, Ridvan Bode, sekretari i Çështjeve ligjore, Ilir Rusmali, sekretari për pushtetin lokal, Ferdinand Poni dhe sekretari për partneritetin, Gent Strazimiri, janë fokusuar së tepërmi në punët brenda dikastereve që drejtojnë, se sa në punët brenda Partisë Demokratike. Madje edhe zyra e degës së PD-së Tiranë është lënë në heshtje pas kalimit të Bujar Nishanit pranë Ministrisë së Brendshme dhe pas kalimit të Sokol Olldashit pranë Ministrisë së Transporteve. Plus kësaj, edhe posti i sekretarit të Marrëdhënieve me Publikun ka ngelur i pazëvendësuar që prej "ngrirjes" së avokatit Spartak Ngjela nga Kryeministri Berisha. Në këtë mënyrë sekretariati i partisë në pushtet ka ngelur i zbuluar në organizimin e tij dhe për mirorganizimin e tij, me gjithë kundërshtinë e një pjese të deputetëve demokratë, ndarja e posteve partiake nga ato konsiderohet e domosdoshme.

Riorganizimi i PD

Ristrukturimi i posteve brenda Partisë Demokratike pritet të bëhet pas vizitës së Presidentit amerikan, Xhorxh Bush, dhe pas zgjedhjes së Presidentit të ri të Republikës. Ndonëse janë shtyrë pa afat, ajo çka dihet me siguri është se do të ketë një ndryshim te kryetarët në nivele degësh. Kryesisht nga vala e ndryshimeve do të preken qytete si Tirana, Durrësi, Lushnja, Elbasani dhe Korça. Deri tani, përveç një "tërheqjeje veshi", asgjë më shumë nuk është bërë brenda selisë blu për humbjen e kësaj partie në qytetet kryesore të vendit, si Tiranë, Durrës, Lushnjë, Berat, Korçë dhe Elbasan. Gjatë kohës kur ka zëvendësuar ministrat e kabinetit të tij me emra të rinj, Berisha është shprehur se ministrave të shkarkuar nga kabineti do t‘u garantohet një post i rëndësishëm në Partinë Demokratike. Që prej fillimit të marsit, Aldo Bumçi, Arenca Trashani dhe Maksim Cikuli kanë ngelur pa poste të rëndësishme partiake. Ndërkohë që ministra si Bode dhe Rusmali, që nuk u bie koha të dalin në selinë blu, mbajnë ende mandate të rëndësishme sekretarësh brenda partisë.

Shqip

[TOKE GEGA]

Kryeministri takohet me Sekretarin e Përgjithshëm të NATO-s dhe merr pjesë në Këshillin e Ambasadorëve të Aleancës


Scheffer: Shqipëria, shumë pranë anëtarësimit


Sekretari i Përgjithshëm i NATO-s, Jaap de Hoop Scheffer, ka vlerësuar dje pozitivisht reformat e ndërmarra nga qeveria shqiptare dhe kontributin e saj për operacionet e NATO-s. Këtë deklaratë, ai e ka bërë gjatë takimit që ka pasur me Kryeministrin e Shqipërisë, Sali Berisha, i cili ka ndërmarrë një vizitë zyrtare në Bruksel. Gjatë kësaj vizite, Berisha ka marrë pjesë edhe në Këshillin e Ambasadorëve të Aleancës së Atlantikut të Veriut, ku ka deklaruar se Shqipëria është në rrugën e anëtarësimit në NATO. Sekretari i Përgjithshëm i NATO-s, Jaap de Hoop Scheffer, ka bërë të ditur se mundësitë për anëtarësimin në NATO janë të mëdha dhe reale, por, sipas tij, kjo do të varet nga plotësimi i standardeve që janë kërkuar nga ndërkombëtarët. Më tej, kreu i qeverisë theksoi se integrimi euro-atlantik është një nga prioritetet krysore të kësaj qeverie, madje është shprehur i sigurt se ky proces ka mbështetjen jo vetëm të forcave politike, por të të gjithë shqiptarëve. "Jam këtu për të konfirmuar vendosmërinë tonë të palëkundur për integrimin në NATO. Por, gjithashtu, unë jam këtu për t'ju informuar për punën e madhe që është ndërmarrë në Shqipëri, me qëllim transformimin e këtij përkushtimi në reforma të thella politike, ekonomike, ushtarake dhe sociale, dhe në veprime konkrete, që ta meritojmë plotësisht ftesën për anëtarësim në Samitin e Bukureshtit", është shprehur Berisha gjatë fjalës që ka mbajtur në Këshillin e Ambasadorëve të Aleancës së Atlantikut të Veriut.

Në takimin që është zhvilluar dje në mbyllje të ciklit të 8-të të MAP-it për Shqipërinë, ambasadorët e NATO-s kanë vlerësuar arritjet e qeverisë shqiptare në fushën e mbrojtjes dhe të reformave në Forcat e Armatosura Shqiptare. Në mënyrë të veçantë, Këshilli i Ambasadorëve të Aleancës së Atlantikut të Veriut ka vlerësuar rritjen e buxhetit për mbrojtjen në 2 për qind të Prodhimit të Brendshëm Bruto në vitin 2008 dhe masat për rritjen e forcës goditëse në luftën kundër krimit të organizuar, korrupsionit dhe trafiqeve të paligjshme, si dhe treguesit ekonomiko-financiarë. Po ashtu, qeveria shqiptare është vlerësuar edhe për politikën e saj të jashtme dhe rolin moderator në rajon, në drejtim të paqes dhe sigurisë, si dhe kontributin e saj në misionet e drejtuara nga NATO, ku merr pjesë Shqipëria, si dhe luftën kundër terrorizmit. Gjatë këtij takimi, kreu i qeverisë shqiptare ka prezantuar para Këshillit të Ambasadorëve të Aleancës së Atlantikut të Veriut progresin e bërë në procesin e anëtarësimit të Shqipërisë në NATO, që është në kuadër të Planit kombëtar të Veprimit të Anëtarësimit (MAP).

[TOKE GEGA]

P D


P-PIKE

D- DREJTIMI