PD dhe e ardhmja e saj..

[Humdinger]

Berisha, një burracak që mbjell frikë

Gazeta Shqip

Mustafa Nano

Tash një vit e kusur prej ditës që Berisha ka riardhur në pushtet, ka qëlluar shpesh, që miq, kolegë, dashamirës, lexues të vëmendshëm të shkrimeve të mia e ndjekës gjithashtu të vëmendshëm të kuturisjeve të mia nëpër studio televizive e nëpër beteja publike, të më këshillojnë të bëj kujdes e të jem më i përpjesëtimuar në qortimet e kritikat e mia ndaj Sali Berishës, pasi "atij, dhe bandës së tij, nuk u zihet besë". Kanë dashur të më thonë me këtë, se unë duhet të ruaj kokën. Dhe merret vesh, që koka mund të ruhet ose duke e qepur gojën, ose duke dhënë opinione të rrumbullakosura, të cilat as nuk shpojnë, as nuk ngjisin.

Të them të drejtën, bezdisem sa s‘ka ku të shkojë nga kjo këshillë. Bezdisem së pari, ngaqë e di që te kjo sindromë kolektive, Berisha sheh të konkretizuar bash atë që ai ka planifikuar në mënyrë metodike të mbjellë me sjelljen e tij publike e politike. Dhe, me ç‘duket, ia ka arritur qëllimit. Sidomos brenda Partisë Demokratike, ku nuk pipëtin asgjë në asnjë rrethanë. Bezdisem së dyti, ngaqë kjo sindromë është një lethal weapon për energjitë civile të shoqërisë. E di që apatia e shoqërisë së sotme civile në Shqipëri shpjegohet më së shumti qoftë me faktorë të tjerë endemikë e tradicionalë, qoftë me përpëlitjet e shumë aktorëve të saj në luftën për të siguruar "kotheren e bukës" për vete e për familjen e tyre (kjo përpëlitje, në mos është korrupsion, pjell korrupsion), por edhe kjo klimë frike luan një rol jo të vogël për ta mbajtur këtë shoqëri të çmobilizuar e vështirësisht të mobilizueshme.

Ndonjëherë, përballë atyre që janë më të sigurt tek ajo që thonë, gjë që e demonstrojnë duke më rrëfyer dëshmi të dëgjuara nga gojë miqsh, apo gjëra që i kanë hequr vetë mbi kurriz, e lë shtirjen mënjanë, dhe pohoj zëplotë, se po, edhe unë e besoj që berishianët e kanë qejf dhunën ndaj kundërshtarëve të tyre, por jemi në vitin 2006, dreqi ta hajë, dhe gjatë gjithë këtyre viteve, ata duhet të kenë mësuar ta latojnë disi instinktin e tyre të dhunës; me këtë dua t‘u mbush mendjen bashkëbiseduesve, se Shqipëria e sotme, e cila është shumë e ndryshme nga Shqipëria që la Berisha e të tijtë në vitin 1997, në mos i shkurajon këta mujsharë, i bën të jenë sidoqoftë - pa dëshirë - më të sofistikuar në ushtrimin e zejes së tyre; dhe kjo do të thotë se janë të detyruar t‘i vënë disi fre tundimit për të marrë me të mirë e për të ledhatuar pulsionet e tyre të egra; kjo do të thotë më në fund, se do t‘u duhet të mendohen mirë përpara se të derdhen me grushte mbi një gazetar të njohur.

Në të vërtetë, kjo është ajo që kam menduar. Dhe thellë-thellë, ajo bezdia, që provoj pas këshillës që më japin të tjerët për t‘u ruajtur e për të qenë më i kujdesshëm, vjen edhe prej faktit që ata më ngacmojnë një "plagë të hapur". Unë, si të gjithë ata që kanë guxuar të jenë të zëshëm me kritikat ndaj Berishës, kam frikë gjithashtu. Po si e kam mundur këtë frikë? Në të vërtetë, nuk është se e kam mundur; unë bashkëjetoj me të prej vitesh. Nëse them diçka më shumë e më fort se ca të tjerë, këtë e bëj, ngaqë nuk mund të mos e them. Nëse do të heshtja, nëse do ta mbaja veten peng të kësaj frike, nuk di pse mendoj se do të sëmuresha. E di që, ndërsa nxjerr e ngre zërin, frika është aty, brenda meje, por dobare nuk sëmurem. Kaq e thjeshtë është puna. Dhe do të ishte për të qeshur, nëse lexues të mi do të merrnin për qëndrim heroik atë që në të vërtetë nuk është gjë tjetër, veçse një zgjedhje "pragmatike" në të mirë të kararit tim të brendshëm.


* * *


Frika është një nga gjërat më njerëzore. Të gjithë - duke përjashtuar nga njëra anë një pjesë të sëmurësh mendorë, e nga ana tjetër një pjesë fanatikësh të dendur me dogma e me ideale - kanë frikë. Por kjo s‘do të thotë amá, se nuk ka njerëz që janë më shumë apo më pak frikacakë se të tjerët. Fjala vjen, Sali Berisha, në kundërshtim me ç‘mund të mendohet prej atyre që e rrethojnë, është një burracak par excellence. Ai është para së gjithash e mbi të gjitha një burracak. Është i tillë edhe ngaqë bën çmos ta fshehë që është i tillë. Në një intervistë, që i kam marrë për televizionin A1, në prag të zgjedhjeve të 3 korrikut 2005, pyetjes sime se "a mendoni ndonjëherë për vdekjen? Çfarë mendoni?", ai iu përgjigj me një frazë, që ta rrëqeth mishin më keq sesa vdekja vetë. "Është gjëja që më shqetëson më pak se çdo gjë tjetër", tha ai. Edhe një kamikaz, që ikën me bujë e vullnetmirë nga kjo botë, pasi i janë shpëlarë trutë prej një didaktike të urrejtjes për jetën tokësore, me siguri nuk i ka të rregulluara për fare e mirë hesapet me vdekjen. Është e zorshme të besosh, se kamikazët ikin nga kjo botë të zhveshur krejt prej mundimit ekzistencial, i cili - sido që t‘i vijmë rrotull - lidhet kryesisht me vdekjen. Ndërsa Berisha thotë, se "(vdekja) është gjëja që më shqetëson më pak se çdo gjë tjetër". "Çfarë kafshe heroike!", do të thosha për të në rast se do ta besoja. Mirëpo, ata që i njohin pozat e tij shtinjake, e kanë shumë të lehtë të thonë: çfarë burracaku! Nuk di pse burracakët i përfytyroj gjithëherën si njerëz të mbërthyer prej makthit konstant të vdekjes, të cilin (makthin) ata tentojnë ta mundin duke mos folur për të (vdekjen). Burracakët janë të terrorizuar prej vdekjes. Ndoshta, edhe të poshtrit.

"Kish frikë prej vdekjes, tamam sikur të ish i poshtër" - kjo është një thënie balzac-iane, të cilën shkrimtari i madh francez e shtie në punë për të karakterizuar një prej personazheve të tij. Më ka mbetur aq shumë në mendje kjo frazë, me përmbajtjen e së cilës jam dakord edhe sot e kësaj dite (nuk më kujtohet tani në cilin libër të tijin e kam hasur), sa gjatë gjithë kohës, në mënyrë gati instiktive, e kam parë veten në grackën e çalltisjes për të gjurmuar e matur frikën te të gjithë njerëzit e poshtër, që kam njohur. Dhe pothuaj në të gjitha herët kam konfirmuar atë që ka paralajmëruar Balzac-u: njerëzit e liq janë përveç të tjerash edhe burracakë.

Vini re: nuk po them që frikacakët janë njerëz të liq. Po them bash të kundërtën: njerëzit e liq janë frikacakë. Nëse shfaqen ndonjëherë si njerëz që fqinjërojnë më lehtë e më shpesh se të tjerët me vdekjen, kjo nuk ndodh ngaqë janë trima e të guximshëm, por ngaqë jeta që bëjnë mes lakmish e gjakimesh të shpërpjesëtimuara e të pakontrolluara nuk u lë shans tjetër, veçse të fqinjërojnë lehtë e shpesh me vdekjen. Dhe në këtë mes nuk e kam fjalën vetëm për njerëz të poshtër që i janë futur botës së krimit; e kam fjalën edhe për njerëz të poshtër, të cilët gjakojnë pushtet me çdo kusht e me çdo çmim, e të cilët nuk duan t‘ia dinë për asnjë parim e ideal (prandaj janë të poshtër) në përpjekjet për ta fituar këtë pushtet.

Sali Berisha është njëri syresh. Ka mbi dhjetë vjet që nuk guxon të shkelë në vendin e tij të lindjes, ku trembet, se - po të shkonte - do ta prisnin guerilas të motivuar prej politikës së tij sektare. Është kjo politikë e tij sektare - përveç të tjerash - që e shndërroi në target të këtyre guerilasve vrastarë edhe Azem Hajdarin, udhëheqësin e lëvizjes studentore të vitit 1990. Kryeministri shqiptar është i lirë të shkelë në çdo qoshe të Shqipërisë, të Evropës e të planetit, por ai nuk mund të shkelë atje, ku ka lindur e ku është rritur. Mund të hyjë pa asnjë problem në çdo bastion të së majtës shqiptare, ku do të gjenden se s‘bën njerëz që do ta presin të papenguar nga askush me bujë, me lule e me tam-tam-e, por nuk mund të hyjë në zonën e Tropojës, banorët e së cilës janë në shumicë dërrmuese mbështetës të tij. Në fakt, duke e marrë me mend se ç‘e pret atje, ka të drejtë të ketë frikë (dhe në këtë pikë, duhet mirëkuptuar), por është absurde të mendosh që ne shqiptarët kemi për kryeministër një njeri, i cili nuk shkel dot në vendin e tij të lindjes; nuk shkel dot, ngaqë i duhet të ballafaqohet me përthyerje të dhunshme të politikës së tij sektare.

Kjo është arsyeja, që e bën atë të jetojë prej gjashtëmbëdhjetë vjetësh i rrethuar me roje të shumta trupi. Të gjithë udhëheqësit e tjerë politikë e shtetërorë të Tiranës mund t‘i shohësh të rravgojnë si njerëz të thjeshtë nëpër rrugët e Tiranës, të hyjnë fillikat nëpër kafené apo të shkojnë diku vetëm me njerëzit e familjes, ndërsa Sali Berisha as që e ka çuar në mendje ndonjëherë të luajë qoftë dhe për një gjysmë ore rolin e një qytetari të zakonshëm të Republikës së Shqipërisë. Çuditërisht, kjo gjë ishte më e papërfytyrueshme në periudhën 1997-2005, në të cilën ai ishte një opozitar "qyqar". Në këtë periudhë ai ishte i terrorizuar nga pushteti, të cilin e etiketoi gjatë gjithë kohës "vrasës", ishte i terrorizuar nga policia e nga shërbimet sekrete shqiptare, nga shërbimet sekrete të huaja, nga grupe terroriste kinse të sponsorizuara nga e majta në pushtet, të cilët ai i denonconte pareshtur në konferencat e përditshme për shtypin.

Zhurma që bënte - sa kohë që ish në opozitë - mbi pushtetin "vrasës", nuk ishte gjë tjetër, veçse një mënyrë për të mbuluar frikën, që e ndjente nga drejtime të tjera. Në fakt, nëse ka pasur një shqiptar të mbrojtur në mënyrë të posaçme nga pushteti "vrasës" i të majtëve, ai ishte Sali Berisha, të cilit qenia në krye të Partisë Demokratike i jepte një impunity të plotë. Fatos Nano, më shumë sesa veten mbronte Berishën e sulmuar nga lloj-lloj paranojash. Kur ky i fundit mori vendimin për të vizituar qytetin e Vlorës, ku nuk kish guxuar të shkonte për tre vite me radhë pas vitit 1997, u mobilizua e u vu në mbrojtje të tij e gjithë policia e Republikës. E Berisha hyri në Vlorë e doli nga Vlora, pa harruar të stiste e propagandonte anën ngadhënjimtare të këtij gjesti. Në fakt, e gjitha ishte "vepër" e Kryeministrit Fatos Nano, i cili së pari, nuk donte t‘i jepte asnjë casus belli kryeopozitarit prore të kreshpëruar, së dyti - në emër të nonchalance-ës së tij prej mejhanexhiu urban - nuk bëhej merak për pozat heroike të rivalit të tij. Berisha e ngrinte gjithë "trimërinë" e tij mbi këtë shkujdesje hedoniste të Nanos, të cilin megjithatë nuk ka ngurruar ta etiketojë kot më kot si vrasës të shumëfishtë (edhe si vrasës të Azem Hajdarit). Duke mobilizuar të gjithë makinën e tij mediatike e propagandistike në funksion të krijimit të idesë, se kryeministri e pushteti ishin vrasës, ai e kish më të lehtë të shiste për trimëri të gjitha akuzat gjëmimtare kundër pushtetit, të cilat i bënte çdo ditë ku të mundte e si të mundte.

Por punët ndryshuan, kur socialistët zgjodhën për kryeministër Ilir Metën. Dalëngadalë, Berisha u bë si pulë e lagur. Po ndjente se përballë kryeministrit riosh e rishtar, që guxoi e shkeli Tropojën nën breshëritë e armëve të guerilasve berishianë, nuk e kish më atë impunity, që "ia kish falur" regjimi nonchalant i Fatos Nanos. Vizita e Metës në Tropojë, e cila u filmua nga kamerat televizive, e zgërlaqi për fare "malësorin trim mbi trima". Pak më pas, Meta u shty edhe më tutje: policia një ditë prej ditësh bëri ndalimin për disa orë të Berishës. Në rrethana të tjera, pas një gjesti të tillë, Berisha do kish tentuar të ngrinte më këmbë gjithë mbështetësit, të cilët një urdhër i tij i bën të dalin me vrap nga shtëpitë e të derdhen nëpër rrugët e sheshet e Tiranës. Por, atë radhë, Berisha nuk u ndje. Shqiptarët patën rast të bënin sehir ca kohë, se si contest-i politik i dominuar gjatë gjithë kohës nga xanxari Sali Berisha zuri të dominohej nga xanxari Ilir Meta. Nuk e vranë mendjen kushedi se çfarë, që po lindte një mujshar i ri, i cili po njësoj s‘donte t‘ia dinte për rregulla loje e për shtet të së drejtës. Ndalimi për disa orë i Berishës dhe shoqërimi i tij në një prej rajoneve të policisë ishte bërë në fakt, jo thjesht me dijeninë, por me urdhrin e Kryeministrit Meta. Ishin ditë të trishta për Berishën, por ishin gjithashtu ditë të trishta për pjesën civile e civike të shoqërisë shqiptare, teksa po kuptohej se një mujshari të politikës mund t‘i vihej kufiri te thana, jo prej qasjeve ligjore të shtetit e prej repulsionit moral të shoqërisë, por prej një mujshari tjetër.

Në mos, prej ndonjë njeriu me pamjen e namin e një bounty hunter-i. Një ditë të tetorit 2006, ndërsa Berisha lëshonte breshëri sharjesh e akuzash nga foltorja e Kuvendit në adresë të deputetëve të opozitës, u pa dikush të linte ndenjësen, të çohej më këmbë e të merrte rrugën serbes-serbes drejt Kryeministrit, i cili e kish lënë foltoren tashmë e kish zënë vend në poltronën e vet mes ministrave. Ishte Paulin Stërkaj, një ish-polic i regjimit të Berishës I (1992-1997), sot socialist pa dashje e deputet me dashje. Kamerat që filmonin live skenën, sillnin në ekran shtatin e ngjeshur rrondokop, shpatullat e gjera dhe hapin e tij të qetë drejt tribunës, gjë që krijonte përshtypjen se deputeti ish i sigurt në atë që po bënte. Zuri t‘i drejtohej Berishës me fjalë që nuk dëgjoheshin pa u çuar ende nga vendi, e sa më shumë afrohej, aq më i rënduar bëhej gjestikulacioni i tij. "Bo, bo, tani do ta godasë Kryeministrin", kanë menduar të gjithë ata që e njohin Stërkajn. Berisha vuri maskën e murrëtyer, dhe u pa të mblidhej e të bëhej një grusht. Nuk bëzajti atë copë herë, në harkun e së cilës Stërkaj përshkoi rrugën nga fundi te kreu i sallës së Kuvendit, dhe në momentin që e pa veten të mbrojtur nga gardhi i oficerëve këmbëshpejtë të sigurisë, u rigjallërua si me magji, u ngrit më këmbë, dhe zuri t‘i hakërrehej deputetit "të fortë". Kureshtja u shua disa orë më pas. Berisha i trimëruar prej rojeve të trupit, që i rrinin si parzmore, i kish drejtuar Paulin Stërkajt një lumë fyerjesh e sharjesh, dhe në fund fjalët: "Ta çaj kokën! Bir bushtre!" Hajde Kryeministër, hajde! Si lum ne për të!



PS: Le të qeverisë PD-në si të dojë ky gojëfëlliqur, por jo një Shqipëri që i tregoi në 18 Shkurt sesa e "do".

[[xeni]]

Sa gjynah me vjen per mendjet e intoksikuara nga p.ordhet intelektuale te Mustafa Nanos!

Ish-demokrati i thekur, qe urren pa mase Berishen vetem e vetem pse e hoqi nga ambasadat, e vuan edhe me teper pasojen e kesaj urrejtjeje grryese per faktin qe Sali Berisha (me te drejte) nuk e ka marre asnjehere seriozisht dhe e ka injoruar ne menyre absolute servilin e Edvin Rames.

Bravo i qofte Sali Berishes!!!

Burracak, o fshatari nga Skrapari, eshte ai qe leh si qen ndaj nje personi, vetem e vetem pse e ka lene me gisht ne goje. Madje as burracak nuk e meriton te quhet dikush qe lepin sot b.then e njerit e neser te nje tjetri.

PS: Le të qeverisë PD-në si të dojë ky gojëfëlliqur, por jo një Shqipëri që i tregoi në 18 Shkurt sesa e "do".

PD: Ai do e qeverise edhe PD-ne edhe RSH-ne, per aq kohe sa PSSH-ja te mbetet PPSH, ne meyre qe RSH-ja te mos kthehet edhe nje here ne RPSSH.

[Simpatikja]

Doktorri le te permirsoje punet ne Qeverri.. dhe Majlinda te marre frenat ne Parti.. e me urtesi te zgedhe kuadrin e ri qe do te perballoje agresionin mafioz e dinak te PS-se.. dhe veglave te saje..
PD duhet te jete e forte dhe e mencur..
Ajo i duhet shqiptareve te mire si uji si ajri si drita..

Bujrum ne diskutime..

Moderator mo e luaj te keqen kte teme..[/QUOTE]

Aman po mbajtet shprese ne permiresimin e puneve ne Qeveri nga doktorri,e keni te kapme shpresen dhe realizimin e saj me i llaf.Kush e pa''FIKS FARE'' para dy-tre diteve se sa bukur foli doktorri yne i dashur.Eshte fatkeqesi qe kemi nje kryeminister te tille,qe jo vetem ngaterroi daten e zjedhjeve nga 19 Shkurt e beri 19 Maj,por fliste si kodra mbas bregut ne lidhje me fushaten nje fjale ne Kine dhe nje ne Amerike.Nuk eshte ne gjendje te lidhi dy fjale dhe jo me te rregulloje punet ne Qeverri.I ka ardhur radha te dali ne pension kryeministri,me keto lojera fjalesh qe ben

[Brari]

simpatike.. ka ndertuar gje babi yt pallat ne plazh?
Mir ja kaloni aty?

Fiksifare moj cupe eshte nje faqezeze sepse i xhesh cupat e vogla 14-15 vjece te fukarenjve lakuriq e i mban aty me or te tera para atyre hamshorve me ne krye xhaxhi Filip kokmadhin e pacipë.. e ata dy hamshoret bejne cdo sekond xheste hamshoresh e thone fjale te ndyra..
Kjo eshte shtazeri por ty te pelqen se shajn saliun ata qe e urren ti me qe ashtu te ka edukuar shpija..
Pa me thuaj nga je me origjine?


Qe thua ti Xen djali.. Mustafa dhe shefat e mustafes po luajn nje loje..

Ti e di qe per te vrare Azemin ata perdoren nje malok..
Edhe per te vrare Berishen po malok perdoren.. ate te shkallnurit qe hodhi granaten si dhe ca tropojane qe klosi i perpunoi shum dinakerisht..
Tani i jan qepur Paulinit ..katundarit prej shkodre dhe presin qe ai te veproje si Gafurri..
Jane mjeshtra mafia e PS-se.. e tani qe me ta eshte dhe mafia e LSI-se kuptonet se kjo mjeshteri arrin maja qe do ja kish zili Fusheja i Napolonit apo Beria i Stalinit apo Shullenbergu i Himlerit..
Cdo gje qe shkruhet ne gazetat Mafioze prane PS-se sikurse GSH ZP etj.. apo qe folet ne tv-ete e tyre ka qellime te caktuara..

Tani per momentin kan qellim Percarjen..
Duan ta bejne PD_ne kasht e ko.qe..

ooBamiri thone eshte i mire ..me ata bashk qeverisim ne socialistet pa problem.. etjetj.. mirpo sapo te arrijne qeta fusin Bamirin qe te shkaterroje Berishen do ja hyne Bamirit ku te dhemb e ku te djeg.. e do i nxjerrin dosjet qe i kane dhe per ate.. Kuptohet se ata dosje kane dhe per Nen Terezen po dhe per Skenderbeun e Naim Frasherin po i dolli kunder..

te shohim se a ka PD gjunj ti rezistoje terrorit mediatik psikologjik te ktyre ditve.. qe eshte shum i sofistikuar..
Psh Stringa e kish ngrene ampulen e djallezive dhe po kendonte sipas shkopit te edvinit.. Taku po e po u be kohe qe tartabiqon nga bodrumet e PS-se.. e shum tjere do cfaqen..

Ka nje gje qe te le t dyshosh se dicka nuk vete mire ne PD..

Ata nuk komunikojne me miletin..
Po te klikosh tek RD..del .. Faqja eshte ne ndertim..
Po keshtu tek PD.. po keshtu tek grupi parlamentar..
I kan ne ndertim dyert e dritaret virtuale..
Ka 7 vjet ky muhabet..
Pra ne seke gje per te pietur PD duhet te rrish ke dera zyrave..
Jooo njerzit dhe nga Bostoni psh apo kabuli.. duan te flasin me PD-ne..

Kujt i duhet mbyllja e syve e vesheve te PD-se.. etj..
PS-se.. dihet ajo pune..

1 milion e ca votues nuk kan votuar..
Ky eshte Skandali qe ka ndodhur.. humbja me e madhe e PD-se dhe fitorja me emadhe e PS-se..

[Brari]

Sipas Gazetes Tema.. vetem gjat ktyre 10 ditve PS vetem ne Tirane ka antaresuar 1000 antare te rinj..

I lumte..

Vetem me 1/100 e ketij ritmi ne antaresim.. PS e ka te garantuar fitoren ne zgedhjet e ardhshme kur do qe te behen ato..

Po PD cfar ben adhahile..

Ah Topi Topi.. te ka lajkatosur edvini.. keqas..
bebi vogel ska faj 2 metrosh..

Si Tahiri i Cirkut qe mashtron me karamele qenushet ne Cirk.. keshtu luan PS me qenushet e Berishes..

kush eshte i zoti ..mos i shkofte i zi moti.. thot proverbi..

Specialisto socialiste.. ju lumte.. te zot jini per te vrare mu para kutis votimit.. te zot ti grumbulloni gjith sytjen dantellset e shal jashtet e tirones e Shqiperise.. ne selite tuaja.. te zot ti coni te votojne e protestojne per ju dhe ata qe hengren dru prej jush ne Spac e Burrel.. te zot tu jepni strehim politik altinave e ti fshihni Nerjaket.. dhe te zot te rruani me maune Parate e Shqiptareve e ti nxirrni jevgjit te lehin per ju.. pa kalue ora qe ja kini rrafshue me fadrom kasollet.. e me votat e cdo jevgu te neutralizoni dhe intelektualet me te shkolluar.. te Zote ti hidhni ne Otranto te mjeret e familjet e tyre te bilbilosin per ju.. te zot tja dhjet fishoni me djem te ri vlores e beratit varrezat e tu a merrni cdo vote e te beni parlament me ta.. e te mbaheni qënërisht ..pa guxue kush tu a prek miljardat.. te zot qe fill mbas konvaleshencave ne paris e bahamas ku harxhoni miljona euro (se leket as qe i shihni me sy) tu a po.rdhni mendjen miletit qe te votojn per ju.. e 1001 zotesi tjera qe kush i numuron..

Hallal e paci Shqiperine..!

E meritoni..pëjk..

[Macho]

Se marr vesh si mund te lexoni artikujt e Mucit, kur ne 2005 ulerinte... "Morem Korcen morem Korcen...", kurse sot shkruan pallavra. Karagjozi 2007 do te jete ne qender te vemendjes e ska si ta beje ndryshe pervecse te lepije corapkat roze te psikopatit, idhullit te ketyre qe nuk dine te shkruajne me te zeza, por skuqin dhe shkronjat.

MaChO

[Ingenuous]

PD nga 18 shkurti del me nje situate qe shumica dermuese e analisteve e percepton si humbje.
Kjo parti nuk ka bere asnjelloj "katharsisi" a shqyrtimi institucional ne gjirin e saj qysh nga themelimi. Sigurisht, ne se biem dakord, qe te mos i quajme te tilla ca mbledhje-farse pasuar me largimin e thuajse te gjithe eksponenteve e themeluesve te saj nder vite.
Sa kohe qe PD-ja vazhdon me tezen e fitores se madhe plebishitare, per ç‘reflektim mund te flasim?

Ndrrimi aq mendjelehte i profesor Cikulit –nje mjek nga familje mjekesh, dhe pionier i reformes ne mjekesi (nje nga ministrat me te pa-cen edhe ne 1993-94-en), me dike qe, zoti e di se si e merr persiper kete post, nuk deshmon kurrfare reflektimi pozitiv. Po keshtu, shpallja e ngutshme e kandidatures se presidentit.

Hedhja "premature" e emrit te Bamir Topit ne kazanin e debatit presidencial, i sjell nja dy kontribute te qarta ne kete drejtim: se pari, bllokon vete Bamirin nga ndonje "proçke" kritike e "germimi nga brenda" te fajtoreve ne PD. Se dyti, peshtjellon e Topit per ca kohe "germimin nga jashte" te opinionit e analizes se pavarur apo edhe partiake qofte.

Nevoja per nje votbesim te zotit Berisha! – mbetet rekomandimi im.

Pas deshtimit edhe personal te zotit Berisha ne 18 Shkurt (sepse personalisht mori persiper ta çonte Ramen .."ne profesion te lire"), dhe perpara se te na kompozonte nje tjeter qeveri te veten, ai duhet ti nenshtrohej nje procesi ri-legjitimimi.


Mirulexofshim.

[TOKE GEGA]

Ne kohen e dulle karit cadra e oficerave te zbulimit shkuhej me shkronja te medhaja PIKE DREJTIMI dhe ne krahun tjete po me te medhaja PD.
Nje nate te ftofte oficeri i F.L i PD thirre oficerin e prapavijes I.M qe te shkonte tek PD por oficeri I.M nuk pergjigje pase shume thirrejeve oficeri per te mbrojtur edhe ushtarin e nderlidhjes pergjigjet,paraqituni urgjent tek PD.Jo do te shkoj tek PS ,ju lutem zberthejeni parullin ,ajo eshte e qarte pergjigjet I.L
F.L i kerkon shpjegime I.L se qfare eshte ps , I.L pergjigjet.

P.S eshte piqka e sateme!

[King_Arthur]

une si nje simpatizant i PD dhe si nje antar i saj mendoj se ka ardhur koha kur SALI BERISHA duhet ti leri vendin me te rinjve figurave te tjera qe ka PD .

ketu mund te permend per ta zevendesuar : BAMIR TOPI , JOZEFINA TOPALLI , EDUART SELAMI . me shume jam per kete te fundit pas intervistes qe dha ne top-channel mu duk nje njeri me shume vizion dhe se e meriton perseri postin e kryetarit .

[Dragut]

Mustafa Nano

Mustafa kush??? Ça o ky më po ky është shkrimtari më i dobët që kam lexuar. Analist mediokër. Mustafa Nano... nëse ky është analist çdo kush mund të jetë..


Ene ti Humdinger ça ****** do këtu... e lexove qëllimin e temës, simpatizant të PD-së... ti... ça do k'tu?!

Për tiu rrikthyer temës... Një nga fatkeqësitë që parashikohet të ndodhi tani në PD, është zgjedhja e Imamit si Sekretar i Përgjithshëm... është fatkeqësi... aty duhen njerëz vërtet demokratë e jo plera si Imami.