Apeli liron drejtuesit e Ballit Kombëtar Demokrat

[Brari]

Prokurori i firmave piramidale monton akuza politike ndaj gazetarit Çela Hoxha dhe drejtuesve të PBDK


Sollaku dhe gjykata, gjyq në fshehtësi ndaj gazetarit


Vendimi "arrest me burg" ndaj redaktorit politik të gazetës "TemA", Çela Hoxha është dhënë tre ditë para se ai të arrestohej me urdhër të Sollakut. Ky fakt përbën një tjetër skandal të rëndë të prokurorit të përgjithshëm Theodhori Sollaku. Kështu pra, ndaj gazetarit të gazetës "TemA" është bërë një gjyq politik i montuar nga kryeprokurori, ndërsa gjyqtarja Teuta Hoxha që ka dhënë masën e sigurisë është larguar jashtë shtetit. Organi i akuzës nuk i kishte dërguar asnjë njoftim gazetarit për t'u marrë si i pandehur, ndërsa nga ana tjetër, prokuroria dërgon dosjen në gjykatë dhe kërkon marrjen e masës së sigurisë pa praninë e të pandehurit duke mashtruar se ai nuk ka pranuar të paraqitet. Gjyatarja Teuta Hoxha me kërkesë të prokurorisë sëpërgjithshme ka dhënë vendimin, "arrst me burg" për gazetarin nën akuzën e fallsifikimit të një firme në një dokument të paraqitur në komisionin e zgjdhjeve të Tiranës dhe më pas është zhdukur nga Gjykata duke u bërë palë me Sollakun. Gjykata e Tiranës e pati të pamundur dje t'i komunikonte zyrtariusht gazetarit Çelo Hoxha urdhërin e arrestimit të tij. Gjyqtarja që ka firmosur këtë urdhër në datën 21 të këtij muaji nuk ishte dje e paranishme në gjykatë dhe sipas burimeve zyrtare të gjykatës kishte shkuar në një seminar jashtw shtetit.

Ndërkohë, dosja ndaj sekretarit të PBKD dhe analistit të gazetës "TemA", Çelo Hoxha, si dhe dy drejtuesve të kësaj parite, është montuar politikisht nga prokurori i piramidave, Bilbil Mete. Prokurori Mete nuk është gjë tjetër veçse një vegël në duart e Sollakut, i cili po përdoret me qëllim politik kundër shtypit të djathtë. Bilbil Mete njihet si njëri nga prokurorët që hetoi firmat piramidale në Shqipëri, duke mbyllur dosjet e Farudin Arapit dhe ish-ministrave të PS, që ishin përfshirë në firmat piramidale, duke vjedhur miliona lekë. Jo pa qëllim Sollaku ia ka ngarkuar Metes këtë detyrë të rëndë për shkak se Mete njihet si një nga prokurorët që ka luftuar ashpër opozitën e dikurshme, duke montuar edhe dosje falco, duke qenë një nga njerëzit më të besuar të Sollakut, Bilbil Mete.

I ndodhur përballë presionit të mediave, Sollaku nxori dje në një konferencë shtypi ushtarin e tij të bindur, Bilbil Mete, pasi nuk guxonte të përballej vetë me median. Bilbil Mete u mundua të justifikojë arrestimin e gazetarit, duke u justifikuar se arrestimi i gazetarit Çelo Hoxha, ka lidhje me çështjen e falsifikimit të firmës së të ndjerit Akile Rama, kandidat për Bashkinë e Tiranës, nën siglën e Partisë së Ballit Kombëtar Demokrat (PBKD). Në fakt gazetari nuk ka asnjë lidhje me firmën e të ndjerit Rama, dhe për këtë ai as që është marrë në pyetje nga Prokuroria. Prokurori Mete deklaroi gjithashtu se, për caktimin e masave të sigurimit i janë drejtuar kërkesat respektive Gjykatës së rrethit Gjyqësor Tiranë. Mete tha se, gjykata ka vendosur masën "arrest në burg", për Roshin dhe Hoxhën si dhe "arrest në shtëpi", për Gostivarin. Por në fakt vendimi i Gjykatës është dhënë në mungesë, pasi gazetari dhe dy funksionarët e PBKD nuk kishin marrë asnjë njoftim nga Prokuroria për akuzën se përndryshe ata do të ishin paraqitur në Gjykatë.

Mirëpo, duket qartë se Bilbili, si ushtar i bindur i Sollakut e ka formuluar kërkesën dhe ia ka dërguar Gjykatës me pretendimin se, "të akuzuarit kanë refuzuar të paraqiten në organin e akuzuës apo në Gjykatë. Një pretendim i tillë hidhet poshtë nga vetë të akuzuarit, pasi ata nuk kanë marrë asnjë njoftim nga organi i akuzës. Gazetari Çelo Hoxha ka qenë i ulur në kompjuter në momentin që i janë vënë prangat dhe ka mbetur i shokuar nga ky veprim pa e ditur se përse po arrestohej.

Mesa duket, prokurori Bilbil Mete e ka marrë përsipër këtë barrë të rëndë për të shkarkuar përgjegjësinë e rëndë për mbylljen e dosjeve të piramidave prej nga shqiptarët humbën miliona lekë. Dosjet e piramidave u mbyllën nga Bilbili për shkak se në to ndodheshin ish-ministrat e qeverisë socialiste, të cilët edhe pse vodhën miliona lekë nga piramidat, nuk morën asnjë përgjegjësi ligjore nga Prokuroria.






PD dënon ashpër arrestimin e funksionarit të Partisë Balli Kombëtar Demokrat dhe analistit Çelo Hoxha


Nishani: Arrestimi i gazetarit, hakmarrje me qëllime politike


Partia Demokratike dënoi ashpër arrestimin e funksionarit të Partisë Balli Kombëtar Demokrat dhe analistit Çelo Hoxha. Në një konferencë për shtyp, zëdhënësi i Grupit Parlamentar të PD-së, deputeti Bujar Nishani, tha se, "Partia Demokratike dënon aktin hakmarrës të arrestimit të analistit, gazetarit dhe funksionarit të PBKD-së, Çelo Hoxha, si një akt i ulët me qëllime politike". Nishani tha se, PD është kundër çdo shkelje ligjore dhe kërkon respektimin e shtetit ligjor. "Ne dënojmë çdo përdorim të pushtetit të akuzës për qëllime të ulëta hakmarrëse të orientuara nga zyra e kryetarit të PS. Shantazhi dhe kërcënimi i sollakëve ndaj një partie tradicionale të së djathtës, rikthen modelin e persekucionit që kjo parti ka provuar për 50 vjet nga paraardhësit shpirtëror të Sollakut", u shpreh Nishani gjatë konferencës për shtyp.






Shoqata e të Përndjekurve Politikë dënon arrestimin e funksionarëve të PBKD


Shoqata Kombëtare Antikomuniste e të Përndjekurve Politikë nga regjimi komunist, dënon me forcë arrestimin e funksionarëve të lartë të Partisë Balli Kombëtar Demokrat. Kjo shoqatë, shprehet nëpërmjet një njoftimi për shtyp se, arrestimi i funksionarëve të lartë të Partisë Balli Kombëtar Demokrat nga ana e Prokurorit të Përgjithshëm është një veprim i hapur politik. "Ne denoncojmë Prokurorin e Përgjithshëm, i cili sipas urdhërave të krerëve më të lartë socialistë, tregon dhe një herë hapur mllefin e tyre që mbarten nga prejardhja e tyre komuniste kundër nacionalizmit shqiptar. Ne u kujtojmë se nacionalizmi nuk u përkul gjatë 50 vjetëve me terrorin më të egër që u bë mbi ta. Si pushkatime, burgime, internime dhe dënime në masë kolektive dhe jo sot, në demokraci për të cilën ne jemi sakrifikuar", thuhet në deklaratën për shtyp të Shoqatës Kombëtare Antikomuniste të Përndjekurve Politikë.

Më tej thuhet se, Prokuroria që fle mbi dosjet e krimit, para se të bëjë këtë veprim kundra nacionalizmit le të zbardhë vrasjen e djemve të nacionalistëve të vrarë në rebelimin komunist të viteve '97 si vrasjen e Kolonel Bujar Kaloshit, të major Besnik Hidrit e Bashkim Shkurtit, Kujtim Frangut e Besim Çerjes, Skënder Kolonjës e Adem Shekut, Besim Manolit e djemve të Cërrikut e dhjetëra e dhjetëra të tjerë. "Partitë historike si ato të Ballit dhe të Legalitetit nuk i harrojnë krimet që janë bërë, por shikojnë drejt të ardhmes për integrimin e Shqipërisë dhe sëbashku me ne i janë mbështetur fuqishëm koalicionit të djathtë, i cili do të triumfojë doni apo nuk doni ju. Ne ju kujtojmë bëni detyrën tuaj ndaj krimit, mafies dhe korrupsionit, që jeni katandisur në vendin e fundit në botë. I lini rehat në punën e vet partitë historike dhe të gjithë kësaj shtrese të lënduar aq rëndë nga paraardhësit tuaj dhe nga ju vetë, ndryshe acarimin ju që e kërkoni dhe do ta gjeni. Lini mllefet që u janë ngjallur dhe na lini të shkojmë drejt të ardhmes, askujt nuk i kemi borxh, borxh na keni na lëndoni plagët që as vetë nuk duam të kujtojmë. Lironi dhe kërkoni falje, kjo falje që u ka munguar dhe u mungon", përfundon deklarata për shtyp e Shoqatës Kombëtare Antikomuniste e të Përndjekurve Politikë.





Forumi për Mediat e Lira dhe ZMQ, protestë para Gjykatës së Tiranës kundër arrestimit të gazetarit Çelo Hoxha


Sollaku po dhunon shtypin e lirë


Forumi për Mediat e Lira dhe Zyra për Mbrojtjen e Qytetarëve organizuan dje një tubim përpara Gjykatës së Tiranës kundër arrestimit të gazetarit dhe publicistit të gazetës "TemA" Çelo Hoxha. Dhjetëra gazetarë të mediave të ndryshme protestuan dje, para Gjykatës së Tiranës kundër arrestimit të redaktorit politik të të gazetës "TemA, Çelo Hoxha. Me pankarta në duar si, "Lironi gazetarin", apo "Sallaku, dordoleci i Ramës që nuk na Tremb", gazetarët qëndruan për rreth 30 minuta para portës së Gjykatës së Tiranës. Drejtori i Gazetës "Tema", Mero Baze, gjatë kësaj proteste e ka cilësuar arrestimin e gazetarit Çelo Hoxha, si presion të drejtpërdrejtë të kryeprokurorit Theodhori Sollaku ndaj gazetarëve. Baze e cilësoi arrestimin e redaktorit politik, Çelo Hoxha, si një hakmarrje të Prokurorit të Përgjithshëm ndaj gazetës që ai drejton. "Arrestimi i publicistit Çelo Hoxha, është një tjetër fakt që tregon lidhjet e prokurorit Theodhori Sollaku, me politikën e majtë", u shpreh Baze.

Nga ana tjetër Forumi i Mediave të Lira deklaron se në rast se gazetari Ç Hoxha nuk lirohet, atëherë në ditët në vazhdim do të intensifikojë protestat deri në kërkesa për dorëheqje të krerëve të lartë të prokurorisë. Ndërkohë, avokati Neshat Fana tha gjatë një prononcimi për median se, "ishte e paarsyeshme ngutja e Prokurorisë për arrestimin e tyre". Sipas avokatit Fana, klientët e tij, nuk përbënin rrezikshmëri shoqërore dhe për më tepër, theksoi ai "ata nuk kishin ndërmend të largoheshin nga Shqipëria".

Ndërkohë, Gjykata e Tiranës pritet që të japë sot masën e sigurisë ndaj tre krerëve të Partisë së Ballit Kombëtar Demokrat (PBKD), që akuzohen për falsifikimin e firmës të të ndjerit Akile Rama, për kandidat për Bashkinë e Tiranës, nën siglën e PBKD-së. Tre drejtuesit e PBKD-së, konkretisht kryetari i kësaj partie, Artur Roshi dhe sekretari i saj, Çelo Hoxha, njëkohësisht edhe gazetar, ndiqen penalisht nën masën e sigurisë "arrest me burg", ndërsa sekretari organizativ i kësaj partie, Tomor Gostivari, hetohet nën masën "arrest shtëpie".

Prokuroria e Sollakut ka kryer gjithçka në fshehtësi të plotë për arrestimin e gazetarit Çelo Hoxha. Prokuroria pa i dërguar asnjë njoftim gazetarit ka dërguar çështjen në Gjykatën e Tiranës me pretendimin se gazetari nuk ka pranuar të paraqitet, por në fakt gazetari nuk ishte njoftuar nga organi i akzuës dhe nuk kishte asnjë dijeni për fletë-arrestin. Kështu, Gjykata ka marrë vendim me "arrest me burg pa afat" për gazetarin Çelo Hoxha në mungesë. Ndërkohë, gjyqtarja që kishte dhënë masën e sigurisë ndaj gazetarit, është larguar jashtë shtetit për një seminar.

R.POLISI






Fana: Prokuroria është nxituar për arrestimin


Neshat Fana, avokati mbrojtës i tre pandehurve, e cilësoi si të jashtëligjshëm arrestimin e tre funksionarëve të PBKD, kryetarit Artur Roshi, sekretarit dhe analistit të gazetës "TemA", Çelo Hoxha, dhe sekretarit organizativ të kësaj partie, Tomor Gostivari. Në një prononcim për mediat, avokati Neshat Fana tha se, "ishte e paarsyeshme ngutja e Orokurorisë për arrestimin e tyre". Sipas avokatit Fana, klientët e tij, nuk përbënin rrezikshmëri shoqërore dhe për më tepër, theksoi ai "ata nuk kishin ndërmend të largoheshin nga Shqipëria". Sekretari dhe analisti i gazetës "TemA", Çelo Hoxha, u arrestua të shtunën pasdite në redaksinë e gazetës "TemA" me urdhër të Prokurorit të Përgjithshëm, Theodhori Sollaku. Arrestimi i tij u bë për motive politike vetëm pse ai kishte botuar disa shkrime analitike kundër kreut aktual të PS dhe Prokurorisë së Përgjithshme për mungesë efiçense në luftën ndaj krimit të organizuar dhe korrupsionit.





RD

[KastroZiso99]

kush je ti more everet qe ke guximin te krahesosh Ballin e Mithat frasherit me bashibozuket e celo hoxhes
qenke i papar fare
Ballin e ka udhehequr elita e shqiperis ndersa keta te sotmit jane disa mashtrues ordiner
Esht njesoj si te krahesosh ALbanian e Faik Konices me Albanian e Ylli Rakipit ne mos edhe me keq

[evertet]

Kjo qe thua eshte e vertet, BK dhe LEGALITETI jane sulmuar nga te gjitha agjenturat e globit, duke i percare e duke futur lloj lloj njerezish te dyshimte

Ne kete rast edhe budallai e din se u arrestuan per ti mbyllur gojen

[Brari]

kush e ka pushtetin ne shqiperi..??.. pyet shoku marangoz i kategorise 7..

Po president dhe me super kopetenca eshte moisiu i edvinit..
prokuror i pergjithshem eshte sallaksi i edvinit..
Krygjykatsa te te gjitha shkalleve e llojeve jane po abdite e Edvinit..
kryeminister brenda Zyres me 100 m katrore ne kryeministri eshte Saliu..
Kurse jashte zyres ne 28 mije kilometra katrore te shqiperise jane disa kryeministra..
si psh Paulin Sterkaj i edvinit..
Altin Arapi i edvinit..
Ndricim Hysa e Neritan katesh ceko gestapoja te edvinit..

Kta e kan pushtetin ne Shqiperi.. de facto..

kurse de jure jan ca selim myrto me shok e shoqe..



pik..

[Pedro]

Po mire o Brar, qekur u be Moisiu i edvinit dhe Sollaku i Edvinit?

Pa ma fresko pak kujtesen!

A nuk ishte valle Sali Berisha ai qe propozoi z. Moisiu si President te Republikes?

A nuk ishte valle Sali Berisha ai qe propozoi Theodhori Sollakun si Kryeprokurorin e Republikes?

Pak e cuditshme, apo jo?
Te jete valle kaq i paafte ky Sali Berisha ne perzgjedhjen e njerezve? Se ky ngeli duke luftuar armiqte nga rradhet e vet, njesoj sic bente "xhaxhi" dikur.

[D&G Feminine]

kush e ka pushtetin ne shqiperi..??.. pyet shoku marangoz i kategorise 7..

Po president dhe me super kopetenca eshte moisiu i edvinit..
prokuror i pergjithshem eshte sallaksi i edvinit..


pik..

Prape bie dakort me Pedron une Edhe Moisiun edhe sallaksin i vuri Sala me doren e vet

[Brari]

nuk tha kush qe nuk i vuri sala.. ose qe nuk dha pelqim sala.. lexoni mire..

pyetja e marangozit eshte.. kush e ka pushtetin..
dhe une them.. moisiu i edvinit..
sallaku i edvinit paulin arap sterku i edvinit..
je kondra ti pedro..
pse nuk e di ti qe eshte moisi sallaku i edvinit..
behu i sinqerte..

po te mos ishin te edvinit do ti kishe share ti ndonjihere.. o pedro .. se dhe ti je pedro i edvinit.. por ske pushtet prandaj dhe ska rendsi shum i kujt je..

berisha e ka pranuar qe ka gabuar.. me ata.. si dhe me shum te tjere..
i dim keto..

[DYDRINAS]

Dhori Sollaku, një dordolec që nuk na tremb dot



Mero Baze

Drejtor i gazetës “TemA”



Kryeprokurori në detyrë, Dhori Sollaku, ka arrestuar dje, mbasdite, redaktorin e komenteve politike të gazetës “TemA”, Çelo Hoxha, me një akuzë absurde që ka të bëjë me çështjet teknike të regjistrimit të kandidatëve për zgjedhje në Tiranë. Arrestimi, i cili është tërësisht një hakmarrje e pastër e Edi Ramës dhe ushtarit të tij, të bindur, Dhori Sollaku, ndaj gazetës “TemA”, në të vërtetë ngre shumë pikëpyetje për revanshizmin dhe frymën tërësisht politike që përshkon Prokurorinë e Përgjithshme.

Dhori Sollaku është një njeri që i ka borxhe kriminelëve shqiptarë. Të gjithë e dimë se atij një bandit i ka vrarë shoferin e gruas në sy të gruas dhe vajzës së tij dhe Sollaku bëri sa mundi që banditi të ikte pa u lagur nga Shqipëria, pastaj bëri sa mundi që banditi të mos ekstradohej në Shqipëri. Arsyeja është e thjeshtë. Po të arrestohej, ai do të fliste dhe ato që mund të tregonte për të dhe gruan e tij, mund ta varrosnin për së gjalli nderin e familjes Sollaku.

Dhori Sollaku është një mendje e vjetër e drejtësisë shqiptare që e përdor karrigen për hakmarrje personale. Ai që sillet si “qen i rrahur” para çdo vepre kriminale që ndodh në vend, gjen kurajë të arrestojë një gazetar dhe redaktor politik, vetëm pse ai punon në një gazetë, e cila nuk i nënshtrohet atij dhe Edi Ramës. Redaktori Hoxha po arrestohet se ka denoncuar vazhdimisht aferat korruptive të zotit Sollaku, historitë e tij, të pista dhe të familjes së tij me drejtësinë, të cilat dolën në dritë nga komisioni hetimor, ryshfetet e tij si kryeprokuror, shoqërimin e tij me njerëz të kërkuar nga ligji dhe mbi të gjitha, gatishmërinë e tij për të mbrojtur politikisht krimin në vend. Ishte i njëjti kryeprokuror që hapi padi penale ndaj “TV Ora” një muaj më parë, vetëm se ky televizion parashikohej të mos ishte nën urdhrat e Edi Ramës dhe çështja penale u hap për “krimin” e vetëm se “TV Ora” lindi si një televizion jashtë inkubatorit të mafias së shtypit shqiptar, që kontrollohet prej Edi Ramës.

Dhori Sollaku është kthyer sot, në një dordolec, i cili përpiqet të trembë gjithkënd që i afrohet parcelës së Edi Ramës. Ai është bërë sot, një vegël qorre në duart e Edi Ramës. I frikësuar se politika, e cila po e mbron, mund të lodhet prej tij, ai po përpiqet të bëhet më i zellshëm sesa duhet për t`i mbushur mendjen Edi Ramës se ai është gati të bëjë sakrifica të mëdha për të, mjafton që ata ta mbrojnë politikisht. Në këtë gjendje të rënduar, psikologjike, me një histori të gjatë përzierjesh në afera korruptive, me një grua, e cila ende nuk ka sqaruar, pse ia vranë shoferin para syve, me një lumë akuzash të pasqaruara nga komisioni parlamentar, me një peng te presidenti i vendit për të mos e shkarkuar dhe mbi të gjitha, me një objektiv të tij për t`u hakmarrë politikisht ndaj çdo kundërshtari.

Dhori Sollaku është kthyer sot, mes të tjerash dhe në një rrezik për vetë drejtësinë. Dhjetëra prokurorë që varen prej tij po përdoren si ushtarë duke i fyer në dinjitetin e tyre, vetëm që të ruhet karrigia e Dhori Sollakut. Ata u përzien direkt në procesin zgjedhor, duke bllokuar deri mbasdite Minibashkinë nr. 1 në Tiranë, me qëllim që të mos votohej kundër Edi Ramës..

Dhori Sollaku është kthyer sot, në një gardian të krimit në Shqipëri. Sollaku ka bllokuar me urdhër të tij rreth 100 urdhra për përgjim telefonash nga Ministria e Brendshme, vetëm pse të dyshuarit janë miq të tij. Ai po përpiqet të kthehet në garant të krimit në Shqipëri, vetëm që qeveria të mos avancojë në luftën kundër krimit dhe të mos i quhet asaj një sukses. Ai po përpiqet t`i kthejë vulën e turpit Shqipërisë, vulë turpi që mbante, në kohën kur në makinën e gruas së tij vritej shoferi dhe ky nuk arrestonte vrasësin.

Së fundi, dua të them se Dhori Sollaku nuk përbën ndonjë rrezik për gazetën “TemA” duke arrestuar gazetarë. Ne nuk trembemi as nga shtatshkurtri Dhori Sollaku, as nga shtatgjati Edi Rama për të thënë dhe shkruar fjalën tonë. Nëse ai nuk e liron menjëherë gazetarin tonë, ne do të nisim një proces shumë origjinal të deklarimit tonë për historinë e pistë të familjes Sollaku në drejtësinë shqiptare.


Gazeta Tema

[marangozi]

berisha e ka pranuar qe ka gabuar.. me ata.. si dhe me shum te tjere..
i dim keto..

Po sa gabime ben ky dreq ne dite?
Pse je gati tia falesh kete oqean me gabime qe dhe vete ke kaq kohe qe ja ve ne dukje?
Nuk te pyes me tendence, thjesht dua te kuptoj ku qendron magjia e tij, qe ja fal, ja fal, ja fal dhe pastaj ia fal dhe ca.

[Antimafia]

Një prokuror special për të dënuar dy drejtuesit e Ballit


Vendimi i djeshëm i Gjykatës së Shkallës së Parë të Tiranës, duke lënë në burg pa asnjë provë dy drejtuesit e Ballit Demokrat, tregoi edhe një herë se kjo Gjykatë është varur tërësisht nga politika e majtë dhe Prokuroria e Sollakut. Gjykatësja Elona Gjoka dha një vendim nën presionin dhe kërcënimet e prokurorit special të çështjes, Bilbil Mete. U duk qartë se gjykatësja iu nënshtrua presionit të prokurorit special dhe jo arsyes ligjore kur dha vendimin për dy drejtuesit e Ballit Demokrat, Artur Roshi dhe Çelo Hoxha. Në fakt, ashtu siç pritej edhe u vendos nga Gjykata e Faktit, pasi dy të akuzuarit u arrestuan pas një vendimi të marrë në mungesë nga kjo Gjykatë, krejt në fshehtësi me urdhër të kryeprokurorit Sollaku. Hakmarrja primitive e Sollakut duket se futi në kurth edhe Gjykatën e Faktit, pasi kjo gjykatë dha një vendim pa u mbështetur në prova shkencore, sipas avokatit mbrojtës.

Jo pa qëllim Sollaku i besoi këtë çështje delikate dhe të montuar një prokurori special siç është Bilbil Mete. Ky prokuror njihet mirë për kontributin e tij në shërbim të Partisë së Punës dhe ish-Sigurimit të Shtetit që kur ka qenë hetues në Hetuesinë e Burrelit. Në atë kohë Bilbili jo vetëm që ka qenë nje hetues i rreptë i luftës së klasave, por këtë aftësi e ka përforcuar edhe me detyrën tjetër që kryente njëkohësisht, duke qenë sekretar i Partisë së Punë së Hetuesisë. Ky njeri që ka patur një mllef dhe urrejtje të pashembullt ndaj ballistëve gjatë diktaturës, u caktua nga Sollaku që të montonte dosjen ndaj dy drejtuesve kryesorë të Partisë së Ballit Kombëtar Demokrat.
Është për t'u theksuar se prokurori special shfaqi edhe dje urrejtje dhe mllef ndaj drejtuesve të Partisë së Ballit Demokrat, duke i cilësuar ata si "një rrezik për shoqërinë dhe demokracinë", njëlloj si në kohën e diktaturës kur ai i dënonte pa gjyq ballistët dhe qyetarët e tjerë të pafajshëm. Mirëpo është për të ardhur keq, se pre e këtij provokacioni dhe shantazhi politik ka rënë edhe gjyqtarja Elona Gjoka, e cila nuk dha një vendim të bazuar në prova shkencore, por të bazuar në presionin e prokurorit special.

E shkuara jo e largët e prokurorit Bilbil Mete na sjell ndërmend edhe mbylljet e dosjeve të firmave piramidale, pasi në vjedhjen e parave të popullit ishin përfshirë drejtpërdrejt ish-ministrat e qeverisë socialiste. Ky prokurori special edhe pse kishte një mal me prova dhe dokumente të pakontestueshme që provonin vjedhjen e parave nga ish-ministrat dhe ish-zyrtarët e lartë të qeverisë socialiste, nuk kreu asnjë hetim ndaj tyre për të vetmin shkak se ai ishte në shërbim të tyre. Jo pa qëllim Sollaku ia ka besur këtij Bilbili dosjen e montuar politikisht ndaj dy drejtuesve të Partisë së Ballit Demokrat

------------------------------------------------------------------

Mjer Shqiperia qe po merr fund nga kolera e kuqe