Analiza dhe komente për zgjedhjet lokale, 18 shkurt 2007

[Humdinger]

Komunari Berisha


Tirana Observer


Plator NESTURI

Ndodhi ajo çfarë nuk pritej. Rezultatet e 18 Shkurtit nuk po llogariten nëpërmjet numrit të votave që kanë marrë palët në zgjedhje, por në bazë të sipërfaqes së zonave që ka fituar secila prej tyre. Ishte vetë kryeministri Berisha që si një topograf i mirë e ndau vendin me centimetra katrorë, i futi një të bojatisur dhe i rezultoi në hartë një Shqipëri blu. Nuk pati kurrfarë rëndësie nëse në qytetet kryesore të vendit e djathta në pushtet rezultonte humbëse, nuk kish rëndësi që me blu ishin ngjyer shumë fusha të mbetura djerrë ngaqë banorët e fshatrave kanë rendur drejt qyteteve. Berishës i duhej një imazh fitoreje dhe për këtë i mjaftoi edhe panorama aspak idilike e fshatit të boshatisur. Një gjetje e paparë kjo, dhe fantazi tepër intriguese. As sulltanëve dikur që vërshonin me ushtritë e tyre në çdo cep të vendit, nuk u shkonte mendja të deklaronin se e kishin marrë Shqipërinë pa shtënë në dorë Krujën. Pale të mendonin se përveç kryeqytetit të ri, Tiranës, nuk qaseshin dot as në dyert e Durrësit, Vlorës, Fierit, Elbasanit, Korçës, Gjirokastrës e kështu me radhë. Por edhe ky koncept qenka tepër larg mënyrës së gjykimit të kryeministrit tonë.
Menjëherë pas shpalljes së rezultateve të para, kur filloi të bëhej i qartë kahu i fitores, ajo çfarë pritej më me kërshëri nuk ish festa që do të zhvillonte opozita sesa mënyra e reagimit të kampit të djathtë në pushtet ndaj humbjes flagrante të 18 Shkurtit. Në kështjellat kryesore të vendit ish ngritur flamuri i të majtës dhe kjo e bënte evidente triumfin e tyre. Por reagimi i pozitës pritej edhe për një arsye tjetër. Jo thjesht për të parë nëse e pranon humbjen apo jo, as për të bërë rolin e të viktimizuarit duke nxjerrë shkaqe që nuk vareshin prej saj dhe që e çuan drejt dështimit. Arsyeja e vërtetë ishte vetë Berisha fakti se si do ta përballonte humbjen e shtatë të tij në këto 15 vjet. Sali Berisha është i njohur si menaxhues i mirë i humbjeve. Ka humbur në zgjedhjet e para pluraliste, por diti të fitojë bindshëm pas një viti kundër Ramiz Alisë. Humbi pas disa muajsh në zgjedhjet lokale, dështoi në ’94 me Kushtetutën, por nuk hezitoi të përdorë dhunën e kërbaçin për të dalë triumfues pa kundërshtarë më 1996. Do të mendohej se “era Berisha” do të mbyllej përfundimisht pas ngjarjeve të vitit ’97, por nuk ndodhi kështu. Strukja e tij do të rezultonte e përkohshme dhe megjithëse iu desh të duronte dështimet në disa zgjedhje radhazi, ai diti ta menaxhojë varganin e humbjeve për t’u shfaqur sërish në krye të qeverisë pas zgjedhjeve të 3 Korrikut. Nga gjithë ky kalvar i gjatë ngjarjesh dhe zgjedhjesh, Berisha ka treguar se nuk ka ditur asnjëherë të menaxhojë fitoret, pasi menjëherë pas tyre ka ardhur dështimi zgjedhor i radhës. Fakti që një vit e gjysmë pas rikthimit të tij si kreu i mazhorancës, koalicioni i djathtë humb sërish në zgjedhje dëshmon se skema përsëritet pa më të voglin devijim. Porse askush nuk mund t’i mohojë Berishës vitalitetin në menaxhimin e humbjeve të tij. A duket se është sërish në lartësinë e duhur për të menaxhuar edhe post 18 Shkurtin?
Nuk do të përbënte aspak surprizë që kryeministri Berisha menjëherë pas shpalljes së rezultateve, ndonëse shifrat flisnin dukshëm, të përpiqej të minimizonte fitoren e kundërshtarit. Nuk pritej madje as lëvizja tjetër që kryeministri të uronte kundërshtarin e tij për fitoren në zgjedhje. Ai zgjodhi një rrugë tjetër, pikërisht atë që nuk pritej. Deklaroi se kish fituar, madje ca më keq akoma, se kish marrë një votë plebishitare dhe më të madhe akoma se dhe fitorja e tij e parë 14 vjet të shkuar. Me këtë lëvizje të befasishme dhe kokëfortësi të pamotivuar, Berisha veçse e theksoi më shumë humbjen e tij, i dha nota qesharake në popull dhe të pabesueshëm edhe për idhtarët e aleatët e tij. Këtu nuk është çështja për të ditur se si do të kish deklaruar kryeministri nëse do të kish humbur komunat e tij të dashura por do të kish mundur të triumfonte në Tiranë, Durrës, Korçë, Vlorë, Fier, Elbasan dhe Gjirokastër. Është e qartë se sërish do të thosh me plot gojën se nuk ka humbur, se do t’ia kish lënë më shumë dëshirë fshatin dhe votat e tij opozitës, për të festuar hareshëm në sheshet e mëdha të qyteteve përpara turmave të ekzaltuara të militantëve. Në fshat, fatkeqësisht, nuk ka sheshe të mëdha, as turma, por gjithsesi Berisha për hir të entuziazmit të parealizuar nuk ngurron të lyejë me blu djerrinat komunare. Pavarësisht se “komuna e Parisit”- Tirana, është në duart e Ramës.
Fakti që Sali Berisha kësaj radhe as u përpoq të lexojë votën popullore, por e sfidon duke marrë pozën e fitimtarit, është një shenjë jo e mirë. Ajo dëshmon se ai nuk po arrin ta menaxhojë realitetin e humbjes për të cilën është dalluar gjatë një dekadë e gjysmë pluralizëm. Dhe kjo nuk parasheh zhvillime me kah pozitiv si në ecurinë e mëtejshme normale të jetës politike ashtu edhe për vetë zhvillimet në të djathtën shqiptare. Ai që nuk pranon humbjen nuk është një lider partie çfarëdo, por vetë kryeministri dhe kreu i koalicionit qeverisës, gjë e cila do të ketë padyshim impakt në mënyrën e qeverisjes, në vijimësinë e tensionit politik dhe harxhimin e energjive jo drejt zhvillimit ekonomik të vendit, por për hir të dominacës për pushtet.
Situata postzgjedhore për muajt në vijim parashikon turbulence të reja. Nëse opozitës nuk i mbetet veç të presë reagimin kryeministror për të marrë masat dhe për t’iu përgjigjur me të njëjtat mjete konfliktit apo kompromiseve, mbetet për t’u parë se cilat do të jenë zhvillimet brenda të djathtës. A do të jetë koalicioni i djathtë po aq kompakt sa në zgjedhje dhe do të ndjekë verbërisht të gjitha hapat e Berishës, apo secili do të bëjë llogaritë e veta ndërsa rruga e nisur shkon drejt marrëzisë? Njëkohësisht, a do të ketë zhvillime të brendshme në kampin e PD-së për të dalë përfundimisht nga rrethi vicioz i humbjes, (pasi dhe fitoret kanë patur jetëgjatësi të shkurtër në elektorat)? Është e vështirë të parashikohet se ç’do të ndodhë Brenda selisë blu kur dihet se vullneti hekurt i Berishës u është imponuar gjithkujt dhe rebelëve u është treguar porta, pavarësisht se shumë syresh u rikthyen sërish. Por më tepër se kurrë duket evidente që kësaj radhe menaxhimin e humbjes ta bëjë vetë PD-ja duke mos ia lënë më në dorë Berishës.

[Brari]

ktu e 1 vit me pare derdellisja une.. qe pd po fle mbas 3 korrikut..
shikoja ilir meten.. fshat me fshat bridhte e shperndante bluza te kuqe e tesera partie.. e ki bamiri a kush tjeter qe mbulonte punet e partise ( meqe krietari ishte bere krieminister) meazallah se kuptonin se atje ku jep nje tesere ilir metua do te thote nje m.ut per pd-ne.. nje m.ut mbi 3 korrikun.. dhe ashtu iliri duke hedhur brockulla andej ketej e mbushi partine me rini e kur nje i ri behet antar partie gezon tere fisi.. hm.. elvisi inë u fut ne parti.. e sa keshem enderruar te kishim nje me partishmeri more shoke po sna futi ppsh-ja mezallah.. e keshtu iliri me pelqim te edvinos.. se jan shok te vjeter ne xhvatje te lekut te shtetit.. i ra kryq e terthor vendit e lagjeve e rrugicave..
edvini po ashtu nje xerr u bente ne darke gsh-istave e 24 oristave e tope chanellistave.. se me kini ne filan vend neser se kam cuar nje eskllavator qe ma dha kocua ne filan rruge e dynduni atje te tere me kamera laps e blloqe e tere diten me nxirrni mua ne ekran duke hapur kanale me eskllavatorin e dhimo kocos e me vrap gsh-istet se zp-istet po e po e ja bene edvinit petull punen per 18 shkurt..
pd tralala meazallah se antaresoi ndonje qyqar.. joo se i kan teserat me livando..
e keshtu punet.. mbush iliri e edvinua partine me milet e ai milet ishte vote per ata djajte hajdute..
i lumte..

u kujtua bamiri javen e fundit te dali nga brakka me sokolin.. ishte vone..


prandaj bamiri dhe gjithe udhehqja e pd-se duhet te hapin rruge.. energjikve qe nuku e kan per turp te takojn njerez kudo e kurdohere..

le ta marre merite bregu ..pd-ne e ta drejtoje ..
kisha shum shpresa te bujar nishani e illi vejsiu mirpo diten e votimeve u kujtuab votuesit e tyre te gjejne breket kanatjeret kepucet e lidhset e kepucve nga ora 7 e mbremjes e te gjejne ku i kane certifikatat.. pasaportat dhe ku i bie qendra e votimit.. e kuptonet se mira veizet e kokomadhet ate presin tu a mbillin dyert dembeleve e zvarranikve pa shtylle kurrizore.. qe asnje votim nje her ne 4 vjet nuk din ta bejne.. e mo ci ki tom..thon spo shkoj fare..
mirpo krahu tjater.. nuku luan me gjerat qe i ka te shenjta.. aha.. PS-ja ne 7 te mengjezit i mbaroj ato pune..
ska lojra tek ata.. ka detyra ka militantizem.. prandaj dine ta gezojne pushtetin..

i lumte..


1 milion shqipo me te drejte vote nuk votuan.. e sikur te kish levrire mullaqet bamiri me shoke.. pa u bere grindavece e qef mbetur pse nuku u bene ministra me siguri nja 800 000 nga ata pd-ne kishin votuar.. e te hante m.ut edvin enver hitleri pastaj.. e te hante m.ut dhe nard ndoka qe sot ka ne dore berishen si ai mbi gryk te pusit qe ka ne dore litarin per qyqarin qe ka rene brenda..
kulmi.. me koh ja tham ketu pd-se se nga nard ndoka vec pabesi do kini.. po pd eshte bunker qe sdegjon..
tani edvinua 1 minut ska per ta lene berishen te qeverrise.. do ta terrorizoje ashtu sic dine mjeshtrit e terrorizmit qe jane prapavija e PS-se..

nashti vijne ekspertet e ilir metes e bejne pellemb e band hakmarrje qe te mos guxoj kush te bej ciu..

me mburrej njeher nje meto edvinist.. e di ci beme saliut tha..

e rrasem ne rajon tha dhe e lam aty si m.ut mes policve duke u dridhur..
e njeri nga ne.. usta ai tha.. i tha.. e mo sali.. si i ke nga shpija.. mir tha ky i tromaksur.. po djalin ku e ke mo.. i tha ki ustai.. kuptonet ish sigurims ramizo zylyftarist nga ata mjeshtrat.. pse cka djali uleriu i ngrati berish sic ulerin nje baba per femijen e tij.. jo po nuk e kemi pare fare sot .. pse cka ndodhur me tim bir shungullonte i ngrati doktoor .. e u zverdh e u nxi.. jo mo jo hic kot pieta i tha ki mjeshtri i terrorit.. dhe e ben berishen te luaj menc nga ankthi..

po ai nuk ze mend.. harron shpejt hajvani..
kujtoj se nuk jan ata me..
se nuk i di ai se me cilet ka te benj..
apapa..
e din ata qe kan provuar hekurin e skuqur ne trup nga bishat enveriste..
ja ketu ne forum jan tregimet e atyre qe mbeten gjalle..

e kish bere cop cop nje linguane.. ne zoo parkun e amerikes.. te ngraten puntore qe kish shkuar ti jap ushqim..
1 sekond po e humbe kujdesin te ha bisha..

prandaj ndodhi 97 ta..

erdhi abazi nga parisi ti ndihë bishat qe ta rrezojne berishen.. kulmi..

e keta koklo.qet e ballit duan dhjam nga pleshti.. hajt te vem nje ram aty se tja zvogelojme votat rames gjate..
gomarllek e dembellek.. e hajt ti bien shkurt..

do pune politika..pik..

te shohim se si do perpiqet saliu qe ti ndihmoje pak kto komunat e vogla qe me heroizem i thane ik.. qerrohu enveristave lokale..

u lumt atyre.. se per tiran durres e korc e elbasan e vlore e fier (po dihet ajo pune me fierin) .. ishte vendosur qe me 20 shkurt regjimi polpotist edvino stalino metoist..

e sdo pipetinte askush..

pacin nder e respekt ata qe nuk u blene nga mafia..
lavdi.. atyre 500 000 shqipove te ndergjegjshem.. qe votuan ate qe solli kte pak liri e demokraci.. pd-ne..








rd

--

Delvinjotët gëzojnë fitoren e kandidatit të PD-së, të bindur në ndryshimin e shumëpritur


Alinani: Angazhimi im, për një bashki në shërbim të qytetarëve


Nënprefekti i Delvinës, Dhurim Alinani, që rezultoi fitues në garën për kreun e Bashkisë të këtij qyteti, ua dedikon fitoren bashkëqytetarëve që e mbështetën hap pas hapi deri më 18 shkurt, kur u mamdatua për të drejtuar këtë bashki për katër vitet e ardhshme. Pasi ka festuar pa bujë fitoren, (ndonëse ajo qe e thellë me 63.5% ose 1100 vota më shumë se rivali i tij i të majtës), Alinani garanton një bashki qendër rrethi me të gjitha institucionet e saj, ku problemet, hallet dhe shqetësimet e komunitetit do të jenë njëherazi edhe obligimet e tij e që, së bashku me ta, do të gjejnë zgjidhje. "Do të ngre një bashki me vizion të qartë, ku punësimin si prioritet do ta mbështes në nxitjen e biznesit të vogël e të mesëm, një mundësi më shumë për të gjithë qytetarët e saj, përfshi edhe emigrantët e shumtë delvinjotë", shprehet kryebashkiaku i ri demokrat i Delvinës. Alinani ka gjithashtu projekte për zhvillimin e turizmit, duke u mbështetur në resuset historike, natyrore, prodhuese, muzeale. Më së shumti, ai shpreh angazhimin për t'i kthyer Delvinës shkëlqimin dhe emrin e viteve të shkuara, të lashtësisë së saj historike, por edhe ndërtimin së bashku me qytetarët të një Delvine të re.

Kryebashkiaku i ri, Alinani, një nga intelektualët më të kompletuar e më me reputacion të këtij qyteti, demokrat i përkushtuar, drejtues me përvojë, vlerësohet nga bashkëqytetarët si garant i zhvillimeve dhe ndryshimeve të tij.

Dhurimi vjen në krye të kësaj bashkie pas një karriere të gjatë jo vetëm politike, por edhe drejtuese e menaxhuese. Hyn në garën elektorale me vizion të qartë, për të sotmen e të ardhmen e këtij qyteti, vizione që do t'i shpalosë në përballjen elektorale të zgjedhjeve vendore të datës 20.01.2007.


- Zoti Alinani, kujt ia dedikoni suksesin që arritët në garën për kreun e Bashkisë së Delvinës?


Në radhë të parë, fitorja e mazhorancës në këtë bashki është meritë e mbështetjes së gjerë që qytetarët e Delvinës më dhanë mua si individ dhe koalicionit të madh të dhjetë partive të qendrës së djathtë. Unë gjej rastin t'i falenderoj përzemërsisht ata që më votuan, por dhe gjithë qytetarët e Delvinës në përgjithësi. Mandatimin në krye të Bashkisë së qytetit tim e konsiseroj si një nder e vlerësim të madh që më bëhet. Kjo edhe për faktin se qyteti i Delvinës është një qytet ndër më të vjetrit në Shqipëri e më gjerë, me një qytetari të niveleve nga më të lartat. Është një qytet që kërkon e pret ndryshimin. Në fund të fundit, është qyteti im që meriton më shumë vëmendje, përkushtim, dashuri, ndaj unë nuk do t'ia kursej atë. Jam krenar që fitova në këto zgjedhje si përfaqësues i Partisë Demokratike, kësaj force politike që u zgjoi gjithë shqiptarëve shpresën e madhe se Shqipëria dhe Delvina bëhen. Janë këto arritje që më bëjnë të besoj e të shpresoj, bashkë me qytetarët delvinjotë, se Shqipëria do të bëhet evropiane dhe Delvina do të bëhet si gjithë Shqipëria.


- Ku do të përqëndrohet drejtimi i Bashkisë së Delvinës?


Delvina është një qytet që ka arritje, por këto janë tepër të vogla, krahasuar me problemet e mëdha të saj. Së pari, Delvina është harruar prej 8 vjetësh nga pushteti qendror. Qyteti i Delvinës, edhe në lashtësi, por edhe në kohët moderne ka qenë një udhëkryq tregtar mes jugperëndimit jonian dhe juglindjes, Janinës deri në Selanik, nga Saranda, port detar e deri në Veri, në Shkodër, Kosovë e më gjerë. Delvina duhet vlerësuar për resurset e saj, pa të cilat turizmi i Sarandës nuk ka mundësi zhvillimi.

Delvina ka nevojë për rrugë, së pari, rikonstruksioni i rrugës Delvinë-Muzinë dhe ndërtimi i rrugës Delvinë-Kardhiq, që është vënë në programin e qeverisë demokratike.

Delvina ka nevojë për më shumë investime, për të gjitha institucionet si në rrethet e tjera. Delvina i ka dhënë Shqipërisë vlera gjatë gjithë historisë së saj, ndaj edhe nuk duhet lënë në harresë. Jam i bindur se Bashkia e Delvinës do të shihet ndryshe nga qeveria e PD, ajo do të dijë të shikojë, të prekë ndryshimin.


- Çfarë do të bëni më konkretisht?


Platforma e drejtimit të Bashkisë do të jetë, siç thashë edhe më lart, në unison me platformën e qeverisë së Partisë Demokratike. Në radhë të parë, do të bëjmë një bashki në shërbim të qytetarëve, shqetësimet e tyre do të jenë edhe shqetësimet tona. Do të marrim shtysë nga kërkesat e tyre, hallet dhe shqetësimet e tyre, dhe bashkë me ta, do të gjejmë zgjidhjet e duhura.

Nuk do të punojmë sot për sot, por me projekte vizionare, të qarta, veçanërisht për punësimin. Është e rëndësishme për ne qytetarët delvinjotë që duam të jetojmë në këtë qytet, të ndihemi mirë. Emigrantët delvinjotë dhe të huaj që duan të investojnë në këtë qytet, janë të mirëpritur. Ne jemi të angazhuar të bëjmë një qytet të "zhurmshëm" ku punohet e jetohet, për ta kthyer Delvinën në një qytet sa të vlerave të traditës, po kështu edhe modern, të dashur për të gjithë.


Përgatiti: Halil RAMA




CV


Dhurim Zyber Alinani

Datëlindja 11.06.1969

Vëndlindja Delvinë

Gjendja Civile I martuar

Arsimi I lartë, Ekonomi Agrare dhe Fakulteti i Drejtësisë

Gjuhë e huaj: Anglisht e greqisht (njohje)

Në vitin 2005 fiton titullin "Avokat"

Përvoja e punës:

16 dhjetor 1993 deri më 28 shkurt 1996, kryetar i agjencisë kombëtare të privatizimit Dega Delvinë.

01 mars 1996 deri më 15 dhjetor 1997, drejtor i Bankës së Kursimeve Delvinë.

16 dhjetor 1997 deri më 15 prill 2001, përgjegjës i sektorit të financës në këshillin e rrethit Delvinë.

13 mars 2002 deri më 21 maj 2004, inspektor kontributesh (kontrolli) në Degën e Sigurimeve Shoqërore Delvinë.

20 nëntor 2006 - në vazhdimësi, nënprefekt i Rrethit Delvinë.





......

[Humdinger]

Edi Rama, zyrtarisht fitues i zgjedhjeve në Tiranë

Gazeta ALBANIA

Skerdilajd Zaimi

Edi Rama është zyrtarisht fitues i zgjedhjeve lokale për Bashkinë e Tiranës. Komisioni Zgjedhor për Qeverisjen Vendore në kryeqytet ka shpallur dje rezultatin e zgjedhjeve për bashkinë më të madhe në vend, duke i dhënë të drejtë informacionit të përcjellë deri tani, sipas të cilit kreu socialist është rimandatuar në krye të saj me një numër votash prej 98 260, që nënkupton një diferencë prej 22 130 votash nga rivali i tij Sokol Olldashi. Deklarimi i djeshëm i KZQV-së ka mbyllur kështu debatin mediatik rreth ecurisë së procesit zgjedhor në kryeqytet dhe për më tepër rreth rezultatit final të tij. Sipas kryetarit të KZQV-së, Vladimir Hodaj, Komisioni shpall fitues Edi Ramën, mbështetur nga partitë PS, LSI, PAD, PSD dhe PDS. Hodaj ka publikuar edhe rezultatet për proporcionalin në Tiranë ku sërish udhëheq koalicioni i majtë. Kështu, opozita ka fituar në kryeqytet të dyja sfidat e mundshme politike. Ajo ka marrë mandatin e administrimit të qytetit si dhe të mandatimit politik për të përfaqësuar dëshirat e elektoratit në këtë njësi vendore. Bie në sy fakti se diferenca e vendosur përbën një rekord përsa kohë që Rama ruan ende përkundrejt rivalëve demokratë një shkëputje shumë të madhe, pavarësisht konsumit që ka për faktin se drejton Bashkinë prej 6 vjetësh. Duhet kujtuar këtu fakti se edhe në ballafaqimin e tij me Spartak Ngjelën, në vitin 2003, ai ka ruajtur të njëjtën diferencë ose me më shumë se 3000 vota shtesë dhe një shpërndarje dominimi politik në 9 njësi bashkiake. I njëjti raport vihet re edhe në këto zgjedhje, ku koalicioni i majtë është riafirmuar sërish në 9 njësi, duke i lënë të djathtëve dhe aleancës së tyre të madhe kontrollin në vetëm dy njësi. E konvertuar në vota politike, përparësia e së majtës në kryeqytet vendos dyshime të mëdha mbi numrin e deputetëve që e djathta ka në Tiranë, duke patur parasysh se fituesit e vërtetë janë Safet Sula, Besnik Mustafaj dhe në një masë të madhe edhe Bamir Topi. Katër deputetë të tjerë kanë rënë vetëm 18 muaj nga mandatimi i 3 korrikut 2005 në një ballafaqim që në të gjitha pikëpamjet ka qenë më tepër politik sesa administrativ. Ndërkaq, publikimi prej KZQV-së i rezultateve finale i hap rrugën administrimit të mëtejshëm të procesit zgjedhor në kryeqytet prej Komisionit Qendror të Zgjedhjeve, i cili që këtej e tutje do të duhet të shqyrtojë animet e PD-së për Njësinë Nr. 6 dhe Nr. 10. Ashtu sikurse pritet, ka gjasë që për Njësinë Nr.6 votimi të ripërsëritet për arsye të incidenteve të ndodhura ditën e zgjedhjeve, duke mos lënë jashtë kësaj logjike edhe Njësinë Nr. 10, e cila u përfshi nga tensione mjaft të forta deri në procesin e plotësimit të tabelës së rezultateve.

Tabela e Këshillit Bashkiak të Tiranës

- PAD, 1 vend
- BLD, 1 vend
- LZHK, 1 vend
- LSI, 6 vende
- PAA, 1 vend
- PBDNJ, 1 vend
- PDR, 1 vend
- PD, 17 vende
- PDK, 1 vend
- PDI 1 vend
- PR, 2 vende
- PSD, 1 vend
- PS, 21 vende


27 Shkurt 2007

[ATMAN]

Sa shumë politikë(boshe)

Mund të marrim frymë të lehtësuar se tashmë që zgjedhjet locale (në fakt ishin më shumë politike) mbaruan, do të bjerë tensioni i politikës e për rrjedhojë edhe gjithë ai konsum energjish që digjen duke u marrë me këtë temë. Por, frika se kjo kohë do të jetë e shkurtër duke njohur edhe sindromin shqiptar, është e pranishme, se zgjedhja e Presidentit po afron, dhe jo pak kohë do të na marrë përsëri të gjithëve tema e politikës.

Sigurisht që në këtë fushë ne shqiptarët mbajmë një rekord më vehte, politikë kudo, në shtëpi, kafene, autobus, në rastet familjare e deri në stadium. Por pas kësaj, vjen edhe pasioni mbi të cilin diskutohet e koha e gjatë e të marrurit me këtë problem. Pasojat janë të menjëherëshme e të drejtëpërdrejta. Në të gjitha periudhat e fushatave zgjedhore ekonomia shënon tregues në rënie, tregues që janë të pakrahasueshëm me të gjitha vendet e rajonit.

Dhe përfshirja në diskutimet politike ka një spektër të gjërë profesionesh sa jo rrallë thua me vehte: Po këtij ç’i duhet gjithë ky angazhim. Sëmundja e të marrrurit me politikë të ishte vetëm një sindrom zgjedhor, mbase do të ishte i tejkalueshëm dhe jo aq me pasoja, por fatkeqësia është se në Shqipëri, kjo sëmundje është gjithëpërfshirëse për fatin tonë të keq gjatë gjithë vitit. Kostoja e të marrurit me politikë në kohën, vendin dhe nga njerezit jo të përshtatshëm normalisht që jep pasoja në ekonominë e të gjithë vendit. Sejcili nga ne e ndjen se sa pak kohë i kushtohet diskutimit për ekonominë në tërësi, pa hyrë këtu në specifikime të veçanta, krahasuar me atë për politikën. Dhe kjo jo vetëm nga njerëzit e zakonshëm, por edhe nga media në tërësi dhe institucionet e ndryshme, organizatat që veprojnë në vend dhe aktorë të tjerë të jetës publike. Diskutimet për politikën kanë një strukturë të veçantë në mjaft nga televizionet kryesore të vendit edhe në përiudhat jashtë zgjedhore, ndërkohë që fare pak gjen emisione të strukturuara ku debatet për probleme ekonomike, që do ishin me interes për publikun, të zënë vend në strukturat programore.

Shoqëria shqiptare shpenzon shumë kohë dhe energji duke u marrë me politikë, e cila nuk është aspak rentabël, ndërkohë që drejtimi i vëmendjes nga ekonomia do të kishte sjellë rezultate pozitive si për indivin, ashtu edhe për shoqërinë në tërësi. Nuk është fjala thjesht për t’u marrë me diskutime për ekonominë, por për t’i kushtuar asaj vëmendje më shumë, për të shpenzuar energjitë në drejtim të saj, për t’u investuar në shumë plane drejt ekonomisë, drejt biznesit, që jo rrallë “harrohet” nga temperaturat zgjedhore e koha e madhe që i kushtohet politikës.

nga monitor.al

[mondishall]

Nese Shqiperia ka te majtte, m'u thafte e keputte dora e majte! Eshte kaq e tjetersuar e majta e vertete, sa s'ka zot nene ta majtoje pe verteti, jo sot, por edhe goxha vjet akoma. Nese po lind nje e djathte, me lejoni t'i jap nje shuplake, se s'ka hyre mire ne vathe, se s'ka dhene c'duhet te jape. Mos me keqkupto o majtist per "djathtizmin" tim, mos me keqkupto o djathtist, per "antimajtizmin" tim. Lerini te majtat e te djathtat ne arshivat e historise dhe shikoni te hidhni drejt kembet ne te mire te njerezise!

[Antimafia]

Rreziqet e nje fitoreje

E Marte, 27 Shkurt 2007

Nga Fatos Lubonja

Nje pjese e opinionit, duke patur parasysh demet e pakthyeshme qe ka pesuar Tirana ne kohen e Edi Rames, teksa diskuton per keto zgjedhje dhe rezultatin e tyre, ngre, mes tjerash, edhe pyetjen se si eshte e mundur qe “ky milet”, megjithate, e voton. Dhe jane te shumte ata qe e shpjegojne fitoren e tij te padiskutueshme me “punen e palodheshme” qe ky ka bere me mediat gjate viteve qe ka qene ne pushtet. Sipas ketij versioni qe nuk eshte pa baze, keto media i kane lare e shpelare trute miletit me ide gjigandiste e moderniste per qytetin metropol dhe Ramen e kane paraqitur si kampionin e ketij procesi modernizues te qytetit, nderkohe qe e tera kjo nuk eshte vecse nje manipulim i industrise se ndertimit nepermjet pronareve te televizioneve, ndertues qe presin te ngrene gratacielat e prandaj i kane shmangur kritikat per gjendjen e rende te qytetit (ne bashkepunim edhe me te tjere pronare qe presin te vazhdojne te qete bizneset e tyre te pakontrolluar nga ligji e qe u ndjene te kercenuar nga Berisha.) Ka pra nga ata qe i meshojne shume faktorit televizione ne rezultatin e zgjedhjeve. Roli i “Top Channel” sillet si shembulli me ekstrem ne kete arsyetim. Disa arrijne te thone edhe se fakti qe Rama fitoi ne qytet dhe Berisha ne fshat ka te beje me ate se ne fshatra nuk duken televizionet private. Sipas gjykimit tim, ndonese nuk mund te mohohet se krijimi i nje bote virtuale televizive ndikon ne perjetimin e shikimit te botes reale, qytetaret shqiptare nuk jane aq te verbuar e manipuluar nga televizionet. Jo vetem, por le te mos harrojme se kishte edhe disa televizione qe ishin hapur ne krahun e Berishes e qe nuk munguan te evidentojne nje pjese problemesh te krijuara nga Rama. Prandaj diskutimi mbi rezultatin e ketyre zgjedhjeve nuk me duket se duhet fokusuar tek Shqiperia virtuale, por tek Shqiperia reale, ajo qe njerezit kane pare e prekur perdite pa filtrin e ekranit.

Sipas gjykimit tim problemi eshte se votuesi shqiptar ka qene e po mbetet i detyruar te zgjedhe midis dy te keqijave dhe, ne kete zgjedhje te fundit, ai ka pasur parasysh se PD-ja nuk ka mundur te ofroje ndonje dicka me te mire nga c’ka bere e ofruar Edi Rama, perkundrazi. Fjalet e Olldashit per plan urbanistik, e cerdhe, e kopshte, e parqe, e lulishte rrotull ndertimeve, qe kryebashkiaku nuk i ka bere, tingellonin shume te pabesueshme per votuesin mu pse, nderkaq, jo vetem e kaluara qeverisese e PD, por edhe shumecka ne punet e se tashmes, nuk ofronin ndonje gje ndryshe e me te mire - kam parasysh masakrat urbane te kryera ne zonat ku nuk qeveris Rama, si Dajti apo Kashari, kam parasysh nje lulezim te ndertimeve pa leje pas shpalljes se afatit te legalizimeve, kam parasysh ndertime abuzive e pa leje edhe ne qender te qytetit. Shtoi kesaj mungesen e kontrollit mbi territorin, qe Berisha nuk ka mundur apo nuk ka dashur ta beje gjate nje viti e gjysme qeverisje me shpresen se do te shperblehej me vote. E per te vertetuar kete vinte edhe vete fushata e Olldashit, e cila nuk qe gje tjeter, vecse perpjekje per te imituar modelin Rama te bazuar ne sponsorizimet e paligjshme dhe jotransparente te bizneseve qe presin pas fushates te shumefishojne shumen e parave te hedhura. Prandaj mendoj se nuk duhet fajesuar votuesi shqiptar pse ne vend te premtimeve te pabesueshme per ndryshim te fytyres se Tiranes preferoi te zgjedhe nje te keqe qe e ka provuar.

Thene kjo, nga ana tjeter, gjykoj se duhet reflektuar thelle mbi ate se e gjitha kjo histori perzgjedhjeje, ku nuk perjashtohen edhe argumentet mbi rolin e mediave, eshte e barsur me nje rrezik te madh. Rreziku konsiston ne faktin se fitorja e Rames mund ta konsolidoje edhe me tej modelin e tij te qeverisjes e te berjes politike, duke e veshur ate me petkun e modelit te suksesshem, modelit te vetem triumfues e ta beje, kesisoj, edhe me te pakritikueshem.

Para se te shtjelloj rreziqet me duhet te them se problemi me i madh qe paraqet modeli Rama eshte se ai gjate tete vjeteve u be modeli me i suksesshem politik i kapjes se shtetit nga tere ato interesa te ekonomise se paligjshme si dhe i tere atyre biznesmeneve “milionere” qe mbahen ne kembe nepermjet grabitjes se prones publike. Dhe ky sukses u garantua kryesisht nga dy faktore: nga aftesia me e madhe e Rames per t’i krijuar fasaden kesaj paligjshmerie, duke bere edhe disa pune publike, (per ata qe e kane harruar kujtoj se pastrimi aq i lavderuar i Lanes u krye kryesisht “gratis” nga ndertues, te cilet pastaj moren si shperblim leje ndertimi ne qytet, duke mbjelle kuturu dhe pa plan urbanistik monstra shumekateshe) si dhe nga ngritja e nje makine gjigande propagandistike televizionesh, te gjithe te mbajtur ne thelb nga burime indirekte qe fitohen me ndihmen e politikes si kembim sherbimesh. Edhe “investimet” e shumta jotransparente ne fushata nga biznesmene te ndryshem ishin pjese e ketij modeli.

Ka disa faktore qe e bejne rrezikun e triumfit te ketij modeli shume te madh pas kesaj fushate.

Faktori i pare qe ben te rritet rreziku i modelit lidhet me faktin se Berisha dhe te tijte, sikurse e shpjegova edhe me lart, tentuan ta imitojne ne shume aspekte kete model, duke i shmangur akuzat e thella mbi sistemin e duke i perqendruar ato tek personi Rama. Thirrja se qyteti ka nevoje per nje njeri normal nuk mund te kishte sukses, sepse ne fakt anormal eshte qyteti dhe ky anormalitet nuk vjen nga anormaliteti i Rames, por nga nje anormalitet shume me i madh qe ka te beje me sistemin qe ka kapur dhe perdorur edhe Ramen.

Nje faktor i dyte rreziku ka te beje me vete PS-ne e zhvillimet brenda opozites. Qenia ne pushtet e Rames, e te ndjerit fitues me nje ane dhe synimi per te rrezuar Berishen me ane tjeter, nuk do te lejojne PS-ne te kryeje ate qe ne cdo vend te botes bejne partite kur jane ne opozite: reformimin dhe korrigjimin e tyre. Sikurse thone politologet eshte pikerisht periudha e qenies ne opozite qe lejon shume me teper sesa ajo ne pushtet qe nje parti te reformohet e korrigjohet. Sot brendaperbrenda opozites mbreteron uniteti dhe kjo fitore i ka zvogeluar shume mundesite qe PS-ja te krijoje ate proces pastrimi e reformimi per te cilin ka aq shume nevoje. Me fitoren e Rames duket se PS krijoi tipin e liderit absolut dhe autoritar, i cili nuk kontestohet ne asgje. “Lindja e nje monstre” tashme te paprekshme e ka quajtur Bushati ne nje shkrim te para disa diteve. Por nuk eshte keshtu, sepse, po te ishte keshtu, ndoshta do te shpresonim se Rama do ta ushtronte kete autoritet te paprekshem per ta pastruar partine nga te korruptuarit edhe per te goditur sistemin, pasi ai nuk mund te mos jete i vetedijshem mbi rrezikun qe paraqet edhe per te sistemi qe e ka ngritur ne pushtet. Por, “monstruoziteti” i tij eshte shume i brishte, sepse eshte krejtesisht i ngritur mbi monstruozitetin e ketij sistemi te cilit ai i ka shume borxhe prandaj dhe, duke patur parasysh edhe nevojen per te eliminuar goditjet selektive te Berishes, ai do ta perdore Ramen (dhe jo Rama ate) deri ne fund pa e lene te korrigjoje as veten dhe as partine.

Se treti, e vetmja shprese zhvillimesh dialektike brenda opozites do te mund te vinte nga LSI, e cila e ka denoncuar dikur kete model me shprehjen tashme te bera te famshme te Metes per Ramen “makiavelist” dhe “nje pallat, nje vote”. Mirepo gjate kesaj fushate LSI e humbi identitetin e nje partie qe qofte edhe vetem ne menyre retorike e kritikonte sistemin. Ajo e reklamoi modelin “Rama” si modelin pozitiv, ne raport me ate qe paraqiste PD-ja. Do te ishte e veshtire te pritej nga LSI ndonje qendrim ndryshe pas kesaj. E vetmja gje qe premtoi Ilir Meta gjate fushates elektorale si dallim te te tijve nga PS-ja ishte transparenca me e madhe, por jo ndonje model e filozofi tjeter qeverisjeje dhe perfaqesimi.

Se katerti, duhet thene se modeli “Rama” behet edhe me i rrezikshem per shkak se ai nuk kontestohet nga shoqeria civile e kryesisht gazetaret, pasi mediat punojne te tera brenda ketij sistemi dhe interesave te tij. Nuk mbeti pa u vene re se gjate gjithe fushates mediatike elektorale Rama evitoi ballafaqimin dhe debatin me kritiket e modelit te tij, duke preferuar te sherbehet nga nje mori televizionesh dhe gazetaresh qe i krijonin mundesine te thoshte vetem ate qe donte, duke transmetuar me kete arrogancen e nje modeli qe nuk duhet vene ne diskutim e qe mediat i trajton si propagandueset e veta.

Nese do t’i shtojme ketij modeli edhe paramilitaret e nje ish polici te eger te Berishes, sot i kthyer ne biznesmen e deputet, Paulin Sterkaj, i cili nuk hezitoi te dale edhe ne media te na tregoje se 1600 ish-police te shkarkuar nga Berisha ishin vene ne mbrojtje te votes socialiste e se, per kete, kishte marre pergezimet e vecanta te Kryetarit te Partise, do te duhet te shqetesohemi seriozisht per rrezikun e modelit “Rama”. Askush nuk garanton se keta paramilitare duke u rikthyer neser ne polici, nuk do te jene nje arme me shume ne mbrojtje te pushtetit dhe abuzimeve te Rames.

Duke patur parasysh triumfin e ketij modeli me nje ane dhe mungesen e nje kundermodeli nga PD, LSI e me radhe, nuk eshte veshtire te arrish ne perfundimin se vendi mbetet fortesisht i rrezikuar nga nje model qe, ne thelb, ka te beje me ate se ai nuk lejon te zhvillohen e forcohen ne vend parti politike qe perfaqesojne shtresa te ndryshme shoqerore e qe i sherbejne vendit, por grupime te pushteteshmish, te fortish e te paligjeshmish qe kapin shtetin ne emer te interesave e perfitimeve te tyre.

[Brari]

a kini biseduar me te afermit tuaj ne shqiperi?
cfar thone?
sipas kqz-se me shume se gjysma e shtetasve me te drejte vote nuk kan votuar.
pse?

kete ne se mundeni sqarojeni me tuajet ne shqiperi.
ky eshte thelbi i 18 shkurtit.

[artur]

Brari.... te Mite (kusheri te grades se pare) nuk kane votuar, dhe fakti me irriton......... Por eshte e vertet qe ata jetojne nje realitet tjeter (ne shqiperi), qe ne "nuk e njohim mire"......... Thelbi i 18 shkurtit nuk besoj se eshte vetem nje........

Por si do qe te jete, ne kete forum Atdhedashesish, Liridashesish, ne kete forum Shqiptaresh me gjak te RI dhe me RRENJE TE VJETRA, sondazhi e jepte pelqimin kunder te ashtuvetequajtures "te majte"............. nuk them se eshte "PAK"

[Dageus]

jemi Populli Me I Ndyre Qe Ka Bota.eshte Budallek Ku Nuk Dine Se Cfar Eshte Vota E Lire Dhe Per Ke Voto.
Njerez Qe Skane Brek Ne ***** Dhe Votojne Per Ata Qe U Kane Pire Gjakun Ketu E 50-60 Vjet Me Pare.

Sali Berisha Ka Qene Gjithmone I Fituar Dhe Perseri Fitoj.

1 Mposhti Diktaturen Ne Vitin 1990
2 Mposhti Ramiz Aline
3 Mposhti Fatos Nanon
Mposhti Kelycet Komuniste Per 17 Vjet Dhe Perseri Eshte Ne Kok Te Politikes.
Sa Koka Ndryshoj Partia Socialiste Ku Ska Ndryshim Me Kelycet E Enverit
Pra Partia Socialiste Do Jete E Humbur Per Aq Kohe Sa Partine Demokratike Dhe Aleancen E Djathte E Drejton Sali Berisha.
Shkoni Dhe Fshini Qyrrat Ju Kelyshet Komuniste Dhe Na Lini Te Cojme Shqiperine Drejte Evropes Si Shtetet E Tjera Lindore.
Alby

Shume dakort jam me ty ne shume pika po edhe Sali Berisha sikur ka marre kot fare. Kemi 17 vjet qe kemi shpallur demokracine dhe asgje te frytshme nuk kemi bere me te. Vendi akoma rrumpalle eshte dhe korrupsioni eshte bere si nje epitet i kombit. Berisha nuk para i ka mbajtur te gjithe ato premtime per te cilat njerezit nxorren rrylat e fytit duke e perkrahur neper mitingje. Une kam qene ne moshe te vogel dhe e mbaj mend gezimin e atyre diteve, po tani jemi me teper te zhgenjyer. Shyqyr qe s'jemi atje, po mjere ata qe jane.

[Brari]

Elbasan, ja si u pengua procesi zgjedhor nga komisionerët e majtë


Pse KQZ duhet të vendosë për përsëritjen e zgjedhjeve për kryetar bashkie në qytetin e Elbasanit


Zgjedhjet e zhvilluara në datën 18 shkurt për kryetar të Bashkisë së Elbasanit nuk mund të konsiderohen në asnjë mënyrë si një shprehje e lirë e vullnetit të qytetarëve. Parregullsitë e këtij procesi kanë qenë ndër më të shumtat, duke deformuar në këtë mënyrë qartë vullnetin e qytetarëve të Elbasanit për të votuar kandidatin që ata dëshironin të ishte në krye të Bashkisë së Elbasanit për katër vitet e ardhshme. Procesi i votimit në këtë qytet ka nisur disa orë me vonesë, kjo për shkak të shpërndarjes së materialeve të qendrave të votimit, ku komisionerët e majtë gjithnjë kanë penguar procesin dhe kanë kërcënuar me braktisje të tij. Ndërkohë, pranë qendrave të votimit kanë munguar pothuajse në pjesën më të madhe të kohës regjistrat e gjendjes civile, duke lënë në këtë mënyrë, me insistimin e komisionerëve të majtë, mijëra zgjedhës pa votuar.

Në momentin kur KZQV e Elbasanit mori vendimin për shpërndarjen e regjistrit të gjendjes civile, sekretari i këtij komisioni, i caktuar nga PS, ka braktisur detyrën e tij duke u fshehur për rreth 4 orë, me qëllimin e vetëm të pengimit të votimit të zgjedhësve të pajisur me certifikata. Ndërkohë, në një qendër votimi zgjedhjet nuk janë zhvilluar fare, si pasojë e mosparaqitjes pranë KZQV për tërheqjen e bazës materiale të komisionerëve të majtë. Këto parregullsi dhe të tjera kanë bërë që procesi i votimit në qytetin e Elbasanit të ishte krejtësisht i deformuar dhe të mos paraqesë vullnetin e zgjedhësve të këtij procesi, të cilët gjatë gjithë fushatës elektorale patën mbështetur fuqishëm kandidaturën e koalicionit të madh, Luçiano Boçi. Nisur nga këto parregullsi, pranë KQZ, nga ana e PD Elbasan, është depozituar edhe kërkesa për rizhvillimin e zgjedhjeve në të gjithë territorin e Bashkisë së Elbasanit.

Natyrisht që ripërsëritja e këtyre zgjedhjeve do të tregojë se kë realisht kanë mbështetur qytetarët e Elbasanit në datën 18 shkurt dhe për kë ka qenë vullneti i tyre, që, për fat të keq, u nëpërkëmb nga të majtët, të cilët bënë çmos që ky proces të mos ishte i lirë dhe zgjedhësit të mos iu afroheshin kutive të votimit, pasi kishin frikë nga vullneti i tyre. Krerët socialistë vrapuan të deklaronin fitoren e tyre, të bindur se vetëm duke imponuar zgjedhjet e pandershme dhe procesin e manipuluar, përsa u përket standardeve, do të arrinin të fitonin Bashkinë e Elbasanit. Fakti se rezultati në mazhoritar nuk paraqet vullnetin e popullit të Elbasanit, duket fare qartë në përbërjen e Këshillit Bashkiak, ku forcat e koalicionit të djathtë kanë arritur të marin shumicën e numrit të këshilltarëve. Pra, elbasanasit treguan se mbështesin të djathtën dhe vetëm manipulimi dhe mbajtja e tyre larg kutive të votimit mund t'iu jepte shanse të majtëve të fitonin.

Ky skenar i përgatitur deri në detajet e tij, duket se në 18 shkurt i dha frytet e hidhura për qytetarët elbasanas, por nuk do të mund të ndalë vullnetin e lirë të tyre, i cili do të shprehet fuqishëm në rast të përsëritjes se zgjedhjeve në këtë bashki. Demokratët e këtij qyteti ndihen të sigurt se KQZ do të vendosë që zgjedhjet për Bashkinë e Elbasanit do të rikthehen dhe më pas do të bëjnë maksimumin e tyre, që vota e qytetarëve të mos bjerë pre e skemave tashmë disavjeçare të PS për manipulimin e zgjedhjeve me të gjitha mjetet, dhe për transformimin e vullnetit të popullit.


Altin CAKA





RD