Analiza dhe komente për zgjedhjet lokale, 18 shkurt 2007

[2043]

Shume dakort jam me ty ne shume pika po edhe Sali Berisha sikur ka marre kot fare. Kemi 17 vjet qe kemi shpallur demokracine dhe asgje te frytshme nuk kemi bere me te. Vendi akoma rrumpalle eshte dhe korrupsioni eshte bere si nje epitet i kombit. Berisha nuk para i ka mbajtur te gjithe ato premtime per te cilat njerezit nxorren rrylat e fytit duke e perkrahur neper mitingje. Une kam qene ne moshe te vogel dhe e mbaj mend gezimin e atyre diteve, po tani jemi me teper te zhgenjyer. Shyqyr qe s'jemi atje, po mjere ata qe jane.

I mjere je ti or qyq qe endesh rrugeve te botes, por nuk e kupton.
Ne Shqiperine do ta bejme edhe pa ty e shoket e tu qe i keni kthyer shpinen.Neser si do u thoni femijeve tuaj, kur t`iu pyesin: - C`bere ti o babi kur Atdheu kishte nevoje per Burra ?

[Humdinger]

Emisioni investigativ në "Top Channel" i dërgon një letër anonime ministrit të Financave dhe drejtorit të Doganave

"Fiks Fare" shkarkon doganierët e Kapshticës

Bode: "Të largohen gradualisht nga puna" ata që u angazhuan në fushatën e PS

Gazeta Shqip


Një letër anonime e "Fiks Fare" u ka kushtuar vendin e punës disa doganierëve. Pa asnjë bazë tjetër ligjore, vetëm me informacione nga "baza", ministri i Financave ka urdhëruar drejtorin e Përgjithshëm të Doganave "të marrë masa për t‘i larguar nga puna gradualisht" të gjithë ata doganierë, të cilët janë angazhuar në fushatën e Partisë Socialiste në vitin 2005 apo që kanë miq në Kontrollin e Lartë të Shtetit. "Fiks Fare" i dërgoi një vit më parë, një letër anonime ministrit të Financave dhe drejtorit të Përgjithshëm të Doganave, përmes së cilës bëhej fjalë për "abuzime" të kryera nga disa doganierë në Kapshticë. Menjëherë pas kësaj letre u vendos në lëvizje Komisioni Disiplinor i Doganave.

Letra anonime ishte pa firmë dhe pa adresë. Vetëm shënimi: "Dua të mbetem anonim" dhe qyteti Korçë ishin të dhënat mbi autorin e letrës. Informacioni ishte i detajuar dhe me emra konkretë doganierësh. Sipas letrës, arsyeja që përse doganieri me emrin Gentian Aliçkolli duhej të largohej nga puna ishte financimi që i kishte bërë fushatës së Partisë Socialiste. Madje për këtë akuzë nuk kishte asnjë dokument. Për doganierin tjetër Shefqet Vranici, në letër ngrihej akuza për një karburant, pronë e tij, gjithmonë sipas anonimit, pikë që ndodhet në rrugën e Kamzës për në Zall-Herr. Ndërsa për Skënder Labinotin, në letër theksohej se ka blerë katër shtëpi, një në Pogradec, dy në Tiranë dhe një tjetër madje në Itali. Për Nafiz Zyfin menduam të shkruanim se i ka mbyllur problemet me Kontrollin e Lartë të Shtetit, pikërisht me kryetarin e këtij institucioni, të cilin duhet ta ketë mik të ngushtë. Ndërsa doganieri Lavdosh Zerbaj, sipas letrës anonime të "Fiks Fare", problemet që i kishte nxjerrë KLSH-ja i ka mbyllur me lekë. Akuza më e rëndë ishte për një doganier, i cili qëndron në këtë detyrë prej 14 vjetësh. "14 vjet doganier, ndërron lëkurën si kameleoni", thuhej në letër.

Letra e anonime e emisionit investigativ në "Top Channel" vuri në lëvizje administratën e Drejtorisë së Përgjithshme të Doganave si dhe Komisionin Disiplinor. Drejtori i administratës dhe personelit, Kadri Rrapi, pasi pyeti lart e poshtë për një muaj rresht, i bëri me dije kreut të doganave, zotit Përparim Dervishi, se "në përgjithësi, të gjitha pretendimet e ngritura në letrën anonime qëndrojnë nga dy burime, që nuk kanë lidhje me njëri-tjetrin". Nga të ruhen më parë doganierët. Përveç anonimëve, ministrit të Financave dhe drejtorit të Përgjithshëm të Doganave u çojnë informacione edhe deputetët. Të dhënat e dërguara nga këta të fundit dëgjohen me mjaft seriozitet, edhe kur nuk kanë asnjë dokument me të cilin të justifikojnë pretendimet e tyre. Kjo vërtetohet në një mbledhje të Komisionit Disiplinor të 24 gushtit 2006. Në pikën M të informacionit që ky komision i ka dërguar numrit një të doganave shqiptare shkruhet: "Informacion nga Drejtoria e Administrim Personelit, me nr. 11730 të Protokollit datë 11.08.2006, bazuar në të dhënat e dërguara nga deputetit Bujar Leskaj, Ardian Kollozi dhe Agron Sharra për disa punonjës nga personeli i Doganës së Vlorës". Ajo që të bie në sy në këtë raport të Komisionit Disiplinor, të mbërritur në tavolinën e drejtorit të Përgjithshëm të Doganave, janë shënimet e tij përbri propozimeve të komisionit. Për punonjësin e doganës Shefqet Vranici, për të cilin Komisioni Disiplinor propozon vërejtjen me paralajmërim, drejtori Dervishi vë shënimin e largimit nga puna. Ndërsa për propozimin për largim nga puna të Skënder Labinotit, Dervishi firmos që ndaj tij të merret masa e vërejtjes me paralajmërim. Në fund fare, kreu i doganave kërkon të zbatohen propozimet e Komisionit Disiplinor, por "me ndryshimet e bëra nga ana ime".

Të gjitha informacionet që i erdhën nga anonimi korçar, drejtori i Përgjithshëm i Doganave i pa me kujdes dhe zbatoi urdhrin e ministrit të Financave, Ridvan Bode. Filloi t‘i largojë nga puna gradualisht të gjithë doganierët që ishin përmendur nga anonimi në letrën e tij disafaqëshe. Z.Lavdosh Zerba u largua nga detyra me motivacionin e shkurtimit të vendit të punës. Po kështu edhe z.Nazif Zyfi. Pra, pa asnjë verifikim të gjithë, njëri pas tjetrit firmosi largimin nga puna të të gjithë doganierëve, emrat e të cilëve u përmendën në një letër anonime që ra në duart e drejtuesve të doganave dhe ministrisë së Financave. Mbi bazën e informacioneve të tilla janë shkarkuar nga puna rreth 700 punonjës dogane, të cilët kanë fituar të drejtën e tyre në Komisionin e Shërbimit Civil.

[Brari]

dhe ma trokelliste goten ne ate takimin me median Saliu me Filip Fiksin mafiozin qe cke me te..

dinakeria e mafies arrin maja..
po kjo tregon qe mbas atyre dy palacove te fiksit eshte nje shtab mjeshtrash te PPSH-se..
i lumte.. kur gjejne gomere..
po megjithate gomeret e pd-se duhen votuar sepse me shushunjat e ps-se e me te tille mashtrues prostituta nuk e duam shqiperine..

bode pra e lufton korrupsionin.. kjo del nga cka shkruan gazeta e mafies shqip e shqiptare.. kurse mafia e filipave tallet me shtetin dhe fatin e njerzve..
dhe smund te presesh tjetr nga ajo bande pedofilesh qe cdo nate xhveshin vajzat e vogla lakuriq ne sy te hamshoreve ne ekran apo prezent ne salle..

[Humdinger]

Pack: “Njerëzit, të pakënaqur me qeverinë ‘Berisha’”

Gazeta Albania


Valentina MADANI

Doris Pack që nga Brukseli i bën të ditur kryeministrit Sali Berisha se është nën vëzhgimin e plotë të Europës dhe Amerikës për çdo lëvizje politike që do të ndërmarrë pas zgjedhjeve administrative të 18 shkurtit. Për europarlamentaren Doris Pack, kryeministri duhet të bëjë urgjentisht ndryshime në qeveri, pasi rezultati i zgjedhjeve lokale tregon se ka shumë njerëz të pakënaqur nga puna e qeverisë aktuale. Nga kreu i qeverisë shqiptare ajo kërkon që t’i japë zgjidhje sa më shpejt pajisjes së qytetarëve me kartat e identitetit, pasi pa këtë dokument nuk mund të ketë zgjedhje të reja. Znj. Pack i kujtoi z. Berisha se si Europa, ashtu dhe Amerika, po vëzhgojnë me shumë kujdes punën e qeverisë së tij, ndaj duhet të tregohet i kujdesshëm në çdo hap që do të marrë.
“Sipas mendimit tim, është shumë e qartë se Berisha dhe qeveria e tij e dinë se të gjithë po e vëzhgojnë qeverinë. Si europianët dhe amerikanët e vëzhgojnë se çfarë është duke bërë qeveria në këtë moment, ndaj duhet të tregoheni shumë vigjilentë”, - theksoi Pack.
Gjatë një interviste të dhënë për “ALSAT”, ajo shprehet kundër emrit të Fatos Nanos për president të ri të Shqipërisë, ndërkohë që vlerëson Alfred Moisiun për punën, rolin që ka luajtur në zbutjen e krizave politike. Pa dashur të flasë për kandidimin e Nanos apo rikandidimin e Moisiut, Pack gjykon se momentalisht Berisha duhet të merret me zëvendësime në kabinetin qeveritar. Ajo i bën të ditur opozitës se duhet të heqë dorë nga zgjedhjet e parakohshme, pasi, sipas saj, problemet që u vërejtën gjatë zgjedhjeve të kaluara do të jetë prezente edhe në zgjedhjet e reja nëse nuk përgatiten kartat e identitetit.
“Rezultati i 18 shkurtit është i tillë që tregon se ka njerëz që nuk janë të kënaqur. Nga ky rezultat mendoj se qeveria dhe z. Berisha e kuptojnë se duhet të ketë ndryshime, ndoshta në politikat e tyre. Ndoshta kjo varet edhe pse nuk janë mbajtur premtimet. Por një vit e gjysmë nuk janë shumë. Është një kohë e shkurtër nëse duan të bëjnë diçka. Unë e di shumë mirë se ata e kanë luftuar korrupsionin. Dhe ajo që dua të theksoj është gjithçka që është bërë në fushën e edukimit. Kishte një terren politik me të vërtetë të sëmurë”, - deklaroi ajo.
Por europarlamentarja Doris Pack shpjegoi dhe shmangien e takimit në Tiranë me kryetarin e PS-së Edi Rama, ndërkohë që takoi kreun e shtetit dhe drejtuesit e maxhorancës. Kritikave për mungesën e takimit me Ramën, Pack iu përgjigj: “Sepse ai nuk deshi të na shihte. Kjo është e vërteta. Takimin e kishim kërkuar ne. E kishim lënë rreth orës 3 dhe çfarë ndodh. Nuk pashë zotin Rama, por zonjën Dade. Atëherë isha unë ajo që i thashë znj. Dade se nuk është shumë e sjellshme kundrejt kolegut Rycker, që është edhe raportuesi për Shqipërinë që të mos i jepet shansi për të takuar kryetarin e opozitës. Unë e kam takuar gjithmonë z.Rama, sa herë që ka kërkuar të më shohë kur ka ardhur në Strasburg. E kam takuar dy herë, nëse e mbaj mend mirë, dhe kam qenë shumë e gatshme për ta dëgjuar”.
Përsa i përket planit të opozitës për zgjedhje paraprake në Shqipëri, Pack tha se në çfarëdo kohe që të ketë zgjedhje, më parë duhet të marrë fund çështja e kartave të identitetit. Sipas saj, ky dokument është i domosdoshëm për zgjedhje të reja.
“Për të bërë zgjedhje të reja, cilatdo qofshin, duhen bërë kartat e identitetit. Nuk ka mënyrë tjetër për të bërë zgjedhje normale. Këtë e mendojnë që të gjithë. Edhe ODIHR-i e ka thënë këtë. Besoj në të vërtetë se kjo është baza që duhet pasur, sepse nuk mund të rifillojë procesi. Unë mendoj se është e qartë se i takon qeverisë që të punojë, sepse i takon asaj të bëja kartat e identitetit. Dhe opozita duhet të presë në mënyrë që qeveria ta bëjë këtë gjë”, - theksoi Doris Pack. Por europarlamentarja nuk beson tek ndonjë manovër e qeverisë “Berisha” për të vonuar procesin e kartave të identitetit vetëm që të shmangë zgjedhje të parakohshme në vend.
“Sipas mendimit tim, është shumë e qartë që Berisha dhe qeveria e tij e dinë se të gjithë po e vëzhgojnë qeverinë. Si europianët, dhe amerikanët vëzhgojnë se çfarë është duke bërë qeveria në këtë moment, ndaj duhet të tregoheni shumë vigjilentë. Por kartat nuk do të bëhen brenda dy muajve. Kjo ështe e qartë. Për këtë arsye nuk është as momenti për të folur për zgjedhje të reja, sepse të njëjtat probleme që patët gjatë këtyre zgjedhjeve, do të keni edhe në të ardhmen. Por ndoshta në këtë moment socialistët duan të kenë zgjedhje sepse fituan. Në fillim nuk deshën, sepse ndoshta trembeshin nga një dështim, por tani e dinë se fituan dhe ndoshta duan të bëjnë zgjedhje”, - deklaroi Doris Pack.



3 Mars 2007


PS: Ja drodhi Berishnikov-it dhe Doris-i... u vulos shporrja e satrapit

[DYDRINAS]

Flet kryetarja e Delegacionit të Parlamentit Evropian për Evropën Juglindore, Doris Pack



Pack: Po përgatisim raportin

për të kërkuar president konsensual



Eurodeputetja nga Gjermania shpjegon në një intervistë të zgjeruar qëndrimin mbi zgjedhjet lokale, konsideratat në lidhje me politikën e Ramës dhe rrëfen për herë të parë sesi Rama nuk pranoi ta takonte atë dhe raportuesin e PE-së, edhe pse i kishte kërkuar një takim atij më përpara



Zonja Pack, ju keni qenë në Shqipëri gjatë zgjedhjeve si zakonisht. Fillimisht desha t’ju pyes, si u zhvilluan zgjedhjet gjatë ditës së votimit?



Dita e votimit ishte korrekte. Pati probleme me disa qendra që nuk u hapën në kohë, pasi mungonte dokumentacioni. Por, për herë të parë nuk pashë probleme me listat e votuesve dhe kjo më bëri përshtypje dhe isha e kënaqur. Por ne nuk mund të shohim vetëm ditën e zgjedhjeve, por gjithçka ndodhi rreth këtyre zgjedhjeve.



Pas zgjedhjeve ka patur një raport nga ODIHR-i lidhur me këtë, ku thuhet se nuk janë arritur standardet, a jeni dakord me këtë?



Natyrisht të gjithë e dinë që kam qenë shumë kritike para Krishtlindjeve, kur unë i kërkova politikanëve të arrinin konsensusin për të garantuar zhvillimin normal të zgjedhjeve. Kishte probleme me mungesën e kartave të identitetit, por kjo është një gjë që ekziston para shumë kohësh, prej 17 vjetësh. Pra, nëse opozita do dëshironte të kishte dokumente më të qarta, duhej ta kishte bërë këtë gjatë 8 viteve. Unë shpresoj me të vërtetë që qeveria aktuale do t’i kushtohet kësaj detyre për t’i pajisur qytetarët me një kartë identiteti. Me një kartë nuk ka probleme për të votuar, siç është me certifikatat. Dhe gjithçka që duhet, është vetëm një regjistër. Dhe zgjedhjet e ardhshme të vitit 2009-të duhen organizuar në një klimë të qartë dhe të pastër si në një demokraci normale.



Zonja Pack, nuk është vetëm problemi i dokumenteve për zgjedhjet, por folët edhe për klimën politike, mungesën e vullnetit mes politikanëve. Çfarë mendoni për këtë?



Ky është një problem që ekziston prej shumë kohësh në Shqipëri. E dini çfarë? Në Shqipëri fjala kompromis nuk është shumë e dashur. Të gjithë mendojnë se duke përdorur pushtetin që ke, atëherë je dikushi, por ky është një budallallëk. Kompromisi është një instrument që përdoret dhe që duhet të përdoret gjithandej, ku jemi dy, tre ose katër. Ne, në Parlamentin Evropian, jemi 27 vende dhe nuk është aspak e lehtë të gjesh një konsensus apo një kompromis edhe brenda grupit të partisë time, politike apo te socialistët, pasi kemi shumë kombe të përfshira. Kolegët e grupit tim të vendeve të tjera nuk kanë të njëjtat pikëpamje me mua, por duhet gjithmonë të gjendet kompromisi, me të cilin Ballkani nuk është familjarizuar shumë. Por ky është një problem që nuk e keni vetëm ju në Shqipëri. Këtë problem e kam hasur edhe me boshnjakët. Por, ka ardhur momenti që fryma e kompromisit duhet të futet në skenën politike. Ideja e kompromisit shihet edhe si dobësi nga politikanët, por mendoj se duhet folur me të gjithë politikanët në terren se në një kohë të vështirë duhet gjetur patjetër një kompromis, sepse përndryshe nuk mund të drejtosh një vend. Pra, nëse dikush nuk e ka shumicën absolute, duhet të bëjë patjetër një kompromis. Kështu ndodhi me zgjedhjet dhe ndoshta do të ndodhë kështu së afërmi edhe me kandidaturën e presidentit.



Zoti Berisha erdhi në pushtet duke premtuar se do t`i bënte kartat e identitetit, por as ai nuk e bëri këtë gjë.



Kjo është diçka që kam kritikuar gjithmonë, sepse premtimet duhen realizuar. Por nuk mund të fajësoj vetëm zotin Berisha, pse nuk bëri gjatë një viti, atë që të tjerët nuk e bënë gjatë 8 vjetëve. Pra, nuk është mirë që s`e ka bërë akoma, por shpresojmë që do ta bëjë tani, pasi presim prej 17 vjetëve. Dhe ka ardhur koha që kjo gjë të bëhet. Por nuk është nevoja që të flitet për faje, megjithëse kam folur gjatë fushatës zgjedhore dhe para saj dhe tani duhet që çdo politikan shqiptar të marrë përgjegjësitë e tij që t’i japë Shqipërisë imazhin e një demokracie të pjekur. Dhe një demokraci e pjekur do të thotë gjithashtu se duhet të keni të paktën edhe kartën e identitetit. Të paktën.



Zonja Pack, le të flasim pak edhe për atë që zoti Berisha ka premtuar dhe çfarë është bërë. E lexoni rezultatin e zgjedhjeve, ku Partia Socialiste fitoi shumicën dhe Tiranën si një dënim ndoshta për arsyen e mosmbajtjes së të gjitha premtimeve, a mund ta analizoni se çfarë ka bërë dhe çfarë jo?



Jo, nuk jam në pozicionin për të gjykuar se çfarë ka bërë në të vërtetë dhe çfarë nuk ka bërë qeveria, por rezultati është i tillë që tregon se ka njerëz që nuk janë të kënaqur. Atëherë ky rezultat dhe mendoj se qeveria dhe zoti Berisha e kuptojnë se duhet të ketë ndryshime, ndoshta në politikat e tyre, ndoshta kjo varet edhe pse nuk janë mbajtur premtimet, por një vit e gjysmë nuk është shumë. Është një kohë e shkurtër, nëse duan të bëjnë diçka. Unë e di shumë mirë, ata kanë për të luftuar korrupsionin dhe ajo që dua të theksoj, është gjithçka është bërë në fushën e edukimit. Kishte një terren politik me të vërtetë të sëmurë. Kishte shumë korrupsion në brendësi dhe çfarë nuk mund të ndikojë, pasi çfarë kanë bërë. Kam me të vërtetë një respekt të madh për ndryshimin në fushën e politikave të edukimit. Por nuk jam e aftë të gjykoj në fushat e tjera, por analiza e komisionit vitin e shkuar nuk ishte e keqe. Edhe rezoluta që u u hartua nga presidenti i ri nga Estonia, kolegu i vjetër, Tomas Ilgen, ishte një rezolutë mjaft korrekte. Ndonëse duhet punuar shumë në fushën e energjisë, kjo është një gjë që duhet bërë, gjithashtu për kartat e identitetit, duhet vazhduar të punohet për problemet e edukimit. Është thelbi për ata që kanë nevojë për një arsim të mirë. Duhet kushtuar kujdes në drejtësi dhe të gjitha këto. Politikanët në Shqipëri e dinë mirë se nuk jam unë ajo që duhet të jap leksione, por po paraqes vetëm disa vërejtje, për të cilat unë mendoj se duhen bërë ndryshime nga të gjithë. Dhe besoj se do të bëhen.





Zonja Pack, ju folët për ndryshime politikash, ndoshta për shkak të rezultatit të zgjedhjeve, ndërsa në Shqipëri po kërkohen ndryshime edhe në qeveri. Çfarë mendoni për këtë?



Unë nuk jam shqiptare, por besoj se zoti Berisha si kryeministër që është, mendoj se di se ç’duhet bërë. Unë nuk përzihem fare unë, nuk jam përzier kurrë më parë dhe nuk kam ndërmend ta bëj edhe në këtë moment.



Ju u takuat me zotin Berisha, me kryetaren e parlamentit, Topalli, me presidentin Moisiu, por nuk u takuat me kryetarin e PS-së, zotin Edi Rama. Ka patur disa kritika në Shqipëri për këtë. Pse nuk u takuat me zotin Rama?



Sepse ai nuk deshi të na shihte. Kjo është e vërteta. Takimin e kishim kërkuar ne. E kishim lënë rreth orës 3 dhe çfarë ndodh? Nuk pashë zotin Rama, por zonjën Dade. Atëhere isha unë ajo që i thashë zonjës Dade se nuk është shumë e sjellshme kundrejt kolegut Rycker që është edhe raportuesi për Shqipërinë, që të mos i jepet shansi për të takuar kryetarin e partisë më të madhe të opozitës. Unë e kam takuar gjithmonë zotin Rama sa herë që ka kërkuar të më shohë, kur ka ardhur në Strasburg. Kanë qenë rreth dy herë, nëse e mbaj mend mirë dhe kam qenë shumë e gatshme për ta dëgjuar. I kërkova zyrës të garantojë vizitën. Pra, kërkova t’i shoh të tre ata, kërkova të takoj dhe kryetarin e PS-së, zotin Rama, si dhe atë të LSI-së, zotin Meta. Por Meta nuk u përgjigj, ndërsa zoti Rama nuk më tha që nuk dëshiron të na takojë dhe na bëri të vinim, por ai nuk ishte aty. Pra, nuk pati mundësi të na flasë. Por isha unë ajo që kërkova që zoti Rama të paktën të takonte vetëm zotin Rycker po atë natë dhe një ditë para zgjedhjeve zoti Rycker u takuar me zotin Rama vetëm për 15 minuta. Kjo është e vërteta, nuk ishte faji im. Unë jam gjithmonë shumë korrekte dhe nuk m`u duk shumë korrekte çfarë u tha nëpër gazeta. Nuk e di kush e ka botuar, por në çdo rast nuk thanë të vërtetën. Unë kisha një axhendë dhe iu kërkova të gjithëve takim. Por ata që nuk duan të na shohin, atëherë faji bie mbi ta dhe jo mbi mua.



Zonja Pack, mund të thuhet se ndoshta është hera e parë që shohim kritika rreth Brukselit. Pasi dhe nga disa komentatorë thuhet se zonja Pack anon në krahun e zotit Berisha, pasi është e djathtë. Po ju bëj një pyetje direkte: A jeni vërtet në krah të Berishës, sepse është i djathtë, ndoshta dhe për këtë arsye dhe zoti Rama nuk ka dashur t’ju takojë?



Dëgjoni, është shumë e thjeshtë. Ështe qartë se unë bëj pjesë në grupin e Partive Popullore Evropiane, ku zoti Berisha dhe zoti Pollo bëjnë pjesë si vëzhgues në këtë familje. Por unë nuk shkova atje si kryetare e grave demokristiane në Evropë, apo si parlamentare demokristiane, por isha atje si kryetare e delegacionit për Evropën Juglindore, ku bën pjesë dhe Shqipëria. Unë jam munduar gjithmonë të jem e paanshme. Nuk kam asnjë pishman, sepse jam munduar gjithmonë të jem korrekte. Ka mundësi të mos kem qenë korrekte, kur nuk kam qenë e informuar mirë. Ka mundësi, është humane, por jam përpjekur të jem korrekte. Dhe të gjithë e dinë shumë mirë se edhe në kohën kur zoti Berisha ka bërë gjëra që nuk mund t’i pranoja, unë e kam kritikuar hapur. Jam unë ajo që e kam kritikuar për bojkotimin e parlamentit. E kam kritikuar gjithnjë, kur ka patur arsye. E di çfarë, unë nuk jam diplomate, nuk kam qenë kurrë dhe as nuk kam për të qenë ndonjëherë. Unë them gjithnjë atë që mendoj. E kam thënë në kohën kur zoti Nano ka qenë në qeveri, kur zoti Meta ka qenë në qeveri dhe e kam thënë edhe tani, kur zoti Berisha është në qeveri. Nëse ndodh diçka që është për t`u kritikuar, e bëj fillimisht privatisht dhe, nëse përsëritet, e bëj publikisht. Kështu ka ndodhur gjithnjë dhe askush nuk do të më ndalojë ta bëj. Unë nuk jam socialiste dhe nuk jam në familjen, ku është Rama dhe Rama nuk është në krahun tim politik, por kjo nuk do të thotë se nuk e mbështes, kur thotë dhe bën gjëra të drejta. Kur unë i kërkoj si lider i opozitës që të punojë në parlament dhe të bëjë gjithçka që duhet bërë, kur je në opozitë, kjo kërkesa ime është korrekte. Nuk e kërkoj vetëm se ai është socialist, por të njëjtën gjë ia kam kërkuar edhe Berishës. Në të vërtetë, mendoj se njerëzit normalë në Shqipëri nuk e kanë mendjen e shkurtër, e dinë shumë mirë se unë e kam bërë të ditur, kur ka qenë e mundur. Mund t’ju tregoj shumë gazeta që e vërtetojnë këtë gjë.



Në Shqipëri ka gjithmonë një tendencë për të pritur nga Brukseli deklarata direkte, por kjo nuk vjen nga komisioni, as nga zoti Solana, pasi janë në një pozicion që nuk iu lejohet. Prandaj përdorin gjuhën e dyfishtë. Por ju keni aftësinë t’i thoni gjërat troç. A mos ndodh kjo, ngaqë ju thoni gjithmonë atë që mendoni dhe, kur më në fund thuhen gjërat drejt, atëherë kjo nuk iu pëlqen të tjerëve?



Është normale. Kush i do gjërat kritike. Unë e kuptoj shumë mirë se socialistët e opozitës nuk mbetën të kënaqur me ato që thashë para Krishtlindjeve, por ato që iu them, i bëj sepse e dua Shqipërinë dhe që Shqipëria të lulëzojë. Keni nevojë për një opozitë që punon dhe kjo natyrisht vlen edhe për qeverinë. Por në atë kohë mendova vërtet se ishte një manovër politike. Ndoshta nuk ishte e tillë, por nga ajo që unë pashë nga jashtë dhe nga njerëzit që më informuan, jo nga Berisha, nga të tjerët, pra, të gjitha partitë dëgjohen dhe mendova se ishte një lojë e bërë enkas, pasi ato nuk ishin gati për zgjedhje në atë moment. Pra, unë desha vërtet ta ndihmoja Shqipërinë dhe partitë politike që të uleshin bashkë për të gjetur një kompromis. Por ju e dini shumë mirë, kompromisi është diçka jo e dashur nga Ballkani.



Ju u përpoqët, nuk e arritët, morët kritika nga Shqipëria. Gjëra që ndodhn, siç kritikoni ju, kritikojnë dhe ata. Cilat do të jenë pasojat e këtyre zgjedhjeve që nuk i plotësuan standardet për integrimin e Shqipërisë?



Po ju them gjithmonë që është një hap i dështuar. Të gjithë e dinë tani se ishte hera e fundit, për të mos patur herë të fundit për së dyti duhen bërë kartat e identitetit dhe tani është qeveria që duhet të punojë për këtë dhe e kërkoj me forcë që të punojë sa më shpejt të jetë e mundur. Sigurisht, nuk mund të bëhen për dy muaj, por ndoshta për një vit ose një vit e gjysmë të kemi mundësinë t’i shpërndajnë të gjithëve një kartë identiteti. Për këtë nevojitet edhe regjistrimi. Pra, duhen bërë të gjitha këto. Por, siç kam mësuar, kur isha atje, qeveria i ka marrë të gjitha masat që t`i bëjë sa më shpejt të jetë e mundur. Shpresoj se do të fillojë, përndryshe do të zgjasë shumë dhe Shqipëria ka për të humbur me të vërtetë kursin, pasi e gjithë kjo dënon afrimin me BE-në. Pasi i gjithë ky spektakël që patëm përgjatë disa muajve la një mesazh të tmerrshëm dhe qesharak në institucione. Kështu e kam cilësuar unë, të tjerët ndoshta jo. Prandaj e theksova këtë, sepse desha të zgjoheshin në Shqipëri. Sepse nuk është vetëm qeveria që mund ta ofrojë vendin me Bashkimin Evropian, janë të gjithë politikanët në opozitë dhe të gjithë njerëzit e shoqërisë civile që punojnë për afrimin. Dhe për këtë në të vërtetë duhet të hapin sytë dhe të shohn së çfarë imazhi japin jashtë vendit. Ky ishte problemi im para Krishtlindjeve.



Opozita ka paraqitur planin për zgjedhje paraprake në Shqipëri. A mendoni se është e mundshme që të mbahen zgjedhjet paraprake me apo pa kartat e identitetit?



Për të bërë zgjedhje të reja, cilatdo qofshin, duhen bërë kartat e identitetit, nuk ka mënyrë për të bërë pa këtë. Këtë e besojnë që të gjithë, edhe ODIHR-i e ka thënë këtë. Besoj në të vërtetë se kjo është baza që duhet patur, sepse nuk mund të rifillojë. Unë mendoj se është e qartë tash se i takon qeverisë që të punojë, sepse i takon asaj. Dhe opozita duhet të presë, në mënyrë që qeveria ta bëjë këtë gjë.



Mos ndoshta zoti Berisha dhe qeveria do ta vonojnë këtë gjë, në mënyrë që opozita të mos mund të realizojë zgjedhje të parakohshme?



Dëgjo, do të ishte realisht një manovër politike. Sipas mendimit tim, është shumë e qartë që zoti Berisha dhe qeveria e tij e dinë që duhet ta bëjnë dhe të gjithë po e vëzhgojnë qeverinë. Si evropianët, dhe amerikanët e vëzhgojnë se çfarë është duke bërë qeveria në këtë moment dhe ndaj duhet të tregoheni shumë vigjilent. Por nuk do të bëhen brenda dy muajve, kjo është e qartë, pasi zgjat disa muaj. Për këtë arsye nuk është tani momenti për të folur për zgjedhje të reja, sepse të njëjtat probleme që patët gjatë këtyre zgjedhjeve, do të kishit edhe në të ardhmen. Por ndoshta në këtë moment, socialistët duan të kenë zgjedhje, sepse fituan. Në fillim nuk deshën, sepse, ndoshta trembeshin nga një dështim, por tani e dinë se fituan dhe ndoshta duan të bëjnë zgjedhje. Por iu takon atyre që të presin zgjedhjet e reja, në mënyrë që këto zgjedhje të realizohen në një klimë ligjore dhe korrekte. Ligjore? Në fakt, gjithçka ishte ligjore, por jo korrekte.



Kur shohim çfarë ndodhi në Shqipëri, pra mungesën e besimit mes dy partive, shohim rezultatin e zgjedhjeve në Shqipëri; kur flitet për lidershpin e ri që hedh poshtë të vjetrin, kur brenda Partisë Demokratike në shënjestër është Sali Berisha, pasi Fatos Nano u largua; si e shihni ju? A vëreni një ndryshim lidershipi me Edi Ramën, pasi është i ri?



Unë në fakt shoh rreth e rrotull tij. A nuk janë po të njëjtët njerëz? A nuk ishin këta gjatë gjithë këtyre viteve në politikë. Atëherë, nëse Rama është i ri, ka të tjerë në Partinë Demokratike që janë të rinj. Unë mendoj se nuk është çështje vjetërsie, por është një çështje e mendësisë së re dhe mendoj se duhet kupuar vërtet se një politikë duhet kuptuar mbi një kompromis. Nëse nuk kemi shumicën absolute, duhen bërë kompromise dhe kjo i kërkohet fillimisht qeverisë që të ofrojë një konsens, pastaj i takon opozitës për të arritur kompromisin. Pra, ky është problemi. Nuk mendoj se ndikon ndryshimi i njerëve, por mendësia, e cila mbetet akoma shumë e vjetër. Duhet punuar mbi këtë mendësi të vjetër. Por Rama nuk është i ri. Ka qenë prej kohësh kryebashkiak i Tiranës dhe është hera e tretë që zgjidhet, apo jo? Pra, nuk dua të flas për njerëz apo për persona, pasi nuk jam unë ajo që votoj për ta dhe nuk është puna ime. Nuk do të pranoja, nëse dikush do të thoshte për dikë në Gjermani, nëse duhet hequr apo duhet mbajtur. Pra, kjo gjë ju takon juve ta bëni.



Zonja Pack, do të ketë një raport të ri, të hartuar nga monitoruesit. Çfarë do të shkruhet në këtë raport për rrugën që i mbetet Shqipërisë? Cilat do të jenë kritikat që do të bëjë parlamenti në këtë raport?



Normalisht nuk do të bëjnë një raport në këtë moment, pasi sapo kemi miratuar raportin e bërë në vjeshtë. Do të bëjmë një raport të shkurtër para se të miratohet presidenti për të vërtetuar sjelljen tonë decizive për të patur një president konsensual, për të mos patur problemet që kemi patur. Për këtë arsye, në flasim për situatën që është bazuar mbi dokumentet e OSBE/ODIHR-it mbi zgjedhjet, pasi ne nuk ishim atje për të vëzhguar zgjedhjet lokale, pasi Parlamenti Evropain nuk e bën kurrë këtë. Prandaj nuk e shpreha kurrë këtë, kur isha atje, pasi kisha shkuar si kryetare e Delegacionit Evropain për të treguar interesin tim. Do të flitet edhe për kartat e identitetit dhe për gjëra të tilla që do të përbëjnë brendësinë e raportit që do të hartojë zoti Rycker.





Le të përfundojmë me presidentin, meqë e përmendët. Zgjedhjet për të po afrojnë. Çfarë mendoni për rolin e presidentit të Shqipërisë gjatë zgjedhjeve?



Mendoj se ka luajtur një rol të rëndësishëm, me sa mbaj mend në fund. Pa të ndoshta nuk do të kishit mundësinë për të bërë zgjedhje. Unë kam një respekt mjaft të madh për këtë president dhe mendoj se ka bërë një punë të mirë, pavarësisht se nuk jam unë ajo që duhet të vlerësoj apo të kritikoj. Thjesht, shpreh respektin tim për presidentin Moisiu, që ka bërë një punë të mirë.



Po për zotin Nano? Thuhet shpesh si një kandidaturë e mundshme për presidentin konsensual. A mendoni se është një kandidaturë e mirë? A mund të bëni dhe një gjykim të fundit?



Të gjithë e dinë se çfarë mendoj dhe të gjithë e dinë se çfarë ka bërë në vitin 2003, pas vitit 2002 dhe pas zgjedhjeve. Të gjithë e dinë se çfarë roli ka luajtur Parlamenti Evropian. Nuk kam asgjë për të shtuar.

Gazeta Tema

[Brari]

ky top qanelli me kte fiks faren po arrin kulme..
bejne letra anonime e ngatrrojne njerez e familje e nuk i hyn ferr ne kembe..
kam bindje se top qanalli me krejt cka ka eshte nje si pun kexhibije speciale e ps-se qe ne kushtet pluraliste nuk mund ta mbajne ilegalisht pa i gjetur nje forme te maskuar.. ne kte rast nje media telovizive kinse informativo defruso llako fikso filipo rudin mato harro-xhungore..
i lumte.. gjejn shesh bejn pershesh..

ata doganiret qe e kan pesuar nga shpifjet e fikso kexhibise ps-iste.. sdo benin keq ta hidhnin ne gjyq kte deg speciale te mafies..

[ATMAN]

Fushata zgjedhore e 18 shkurtit, më tepër se një betejë programesh, është kthyer në një betejë batutash. Në një luftë që s’njeh limite etike, kufij fantazie apo pengesa gjeografike. Që nga Kruja, Sali Berisha e cilëson Edi Ramën si “Mister Kriza”. Ndërsa Rama nga Tirana, e quan “Plaku Mere”.
Në Lezhë, kreu i bashkisë thotë se kandidati i PS-së do ta bëjë këtë qytet të bukur si pikturat e kundërshtarit politik, Përvathi. Po nga ky qytet, ditë më vonë nuk vonon dhe përgjigjja nga Berisha: “Ndërsa në Lezhë kandidon piktori i shkëlqyer, në Tiranë kandidon piktori i dështuar”. Por beteja me batuta nuk është monopol i duelit mes dy liderëve të partive kryesore.

Në këtë “valle” futen herë pas here edhe përkrahës të tyre politikë si dhe stafet që i mbajnë veshët ngritur për çdo batutë të hedhur nga kundërshtari. Me mesazhe telefonike ata mbajnë në kontakt shefat e tyre për t’i komunikuar “të fortën” e radhës së palës tjetër. Në pjesën më të madhe të rasteve “e fortë” është një fjalë apo shprehje që përdoret për denigrim personal. E, kjo s’ka kaluar pa tërheqje veshi edhe nga organizma ndërkombëtare që mbrojnë të drejtat e njeriut. Por batutomania është bërë shumë më e fortë se vaksinat e ndërkombëtarëve.

Ajo është kthyer në moto të fushatës, që nga mitingjet e shesheve të qyteteve e deri në sallat e mbyllura të studiove televizive. “Tirana Observer” ka mbledhur vetëm 100 batuta, të deklaruara gjatë ditëve të nxehta të fushatës. Një potpuri krahasimesh, epitetesh e metaforash, savi e qesëndi që do t’i kishin zili edhe gazetarët e rubrikave humoristike. Nuk thoshte më kot në shekullin e 17-të Shekspiri: “Fjala është gracka ku shpirti i mbretit kapet si laraska”. Katër shekuj më pas, në këtë situatë “Batuta është gracka ku shpirti i politikanit kapet si laraska”.



Edi Rama, kryetar i PS-së(Tiranë, 21 janar 2007, në hapjen e fushatës në Pallatin e Kongreseve)
Mua, Sali Berisha për vete më ngjan me atë beun plak të filmit “Koncert në vitin ‘36” që donte të prishte koncertin me zhurmën e ahengut te çingive të tij.

Sali Berisha, kryeministër
(Në bashkinë e Kamzës, 5 shkurt 2007)
Po shikoja lajmet, shikoja Edvin Ramën në bulevardin e Kombinatit. Po ecte pash më pash bulevardit të Kombinatit dhe takon papritmas, në mes të bulevardit, një gomar. Aty ku ju kishte premtuar se do të kalonte tramvaji, po kalonte sot vetëm veshgjati për ta përshëndetur ish-kryetarin. Pas 3 vitesh takohej me veshgjatin në të njëjtin vend.

Ilir Meta, kryetar i LSI-së
(Tiranë, 21 janar 2007, në hapjen e fushatës në Pallatin e Kongreseve)
Jam i bindur në fitoren e këtyre zgjedhjeve, si një domosdoshmëri, pasi e ardhmja e vendit është në rrezik për shkak të qeverisjes së mbrapshtë të të vetmit Don Kishot që kalëron ende majë Rosinantit të tij politik në Evropë.

Skënder Gjinushi, kryetar i PSD-së
(Tiranë, 21 janar 2007, në hapjen e fushatës në Pallatin e Kongreseve)
Në kohën kur Edi Rama punonte, Sokol Olldashi rendte nëpër Tiranë në kërkim të qenve të ngordhur.

Sali Berisha, kryeministër
(Në qytetin e Lezhës, 25 janar 2007)
Ndërsa në Lezhë kandidon piktori i shkëlqyer, i talentuar, i suksesit, në Tiranë kandidon piktori i dështuar.

Fatos Nano, ish-kryeministër
(Në Komunën Dajt, Tiranë 1 shkurt 2007)
Nuk besoj se të gjitha vrimat e fushatës së PS-së mund t’i mbyll unë, por nuk mendoj se ka ndonjë vrimë të zbuluar aktualisht.

Neritan Ceka, kryetar i PAD-së
(Në qytetin e Sarandës, 27 janar 2007)
“Mos gaboni më e të votoni djathtas, se jo vetëm nuk ikni djathtas, por ikni mbrapa dhe bini në greminë”

Edi Rama, kryetar i PS-së
(Te njësia Nr. 3 Tiranë, 24 janar 2007)
Falënderoj Blendi Klosin që është këtu, falënderoj Bashkim Finon që është po këtu, falënderoj Erjon Braçen, Musain dhe, sigurisht, duke mos harruar që ëmbëlsirën ta lë për në fund, falënderoj dhe zonjën Arta, që është prova e gjallë e faktit që socialistët sa më shumë kalon koha, aq më shumë përmirësohen dhe nuk plaken.

Besnik Bare, kreu i PS-së në Tiranë
(Konferencë për shtyp, 29 janar 2007)
Kryeministri Berisha është besnik i teorisë së tij të vjetër të flakjes së limonit të shtrydhur. Berisha, me përpjekje për të ruajtur nënkolonelin Pone, shiti ushtarin Ndoc. (çështja e certifikatave)

Ben Blushi, sekretar politik i PS-së
(Në emisionin “Opinion” në Tv Klan, 1 shkurt 2007)
PD-ja do që ta fitojë Tiranën në mënyrë të paligjshme. Si grekët që morët Trojën me Akilin. Por këta përdorën një Akil të sëmurë dhe të gjorë për Tiranën. Kjo është e pamoralshme.

Edi Rama, kryetar i PS-së
(Tiranë, 21 janar 2007, në hapjen e fushatës në Pallatin e Kongreseve)
I dashur profesor (Skënder Gjinushi), je prova e gjallë e faktit se një parti e vogël s’ka nevojë të bëhet e madhe për të pasur një rol të madh.

Edi Rama, kryetar i PS-së
(Tiranë, 21 janar 2007, në hapjen e fushatës në Pallatin e Kongreseve)
Të ndarë humbëm, të bashkuar do të fitojmë! Për Shqipërinë, për fëmijët tanë dhe të kundërshtarëve tanë.

Ilir Meta, kryetar i LSI-së
(Tiranë, 21 janar 2007, në hapjen e fushatës në Pallatin e Kongreseve)
Ky kalorës i errësirës e ka zhytur vendin në një situatë të paprecedentë në të gjitha zhvillimet e tij politike, ekonomike e sociale, duke rrezikuar të na kthejë pas, aty ku e la pushtetin në vitin 1997, por kësaj radhe jo nën gjëmimin e armëve, por nën gjëmimin e gjeneratorëve.

Skënder Gjinushi, kryetar i PSD-së
(Tiranë, 21 janar 2007, në hapjen e fushatës në Pallatin e Kongreseve)

E majta do të jetë fituese më 18 shkurt. Kurse një fitore si ajo e djathtës është një fitore e tillë, si Agrarët, të cilët, pasi marrin pushtetin, rendin pas mishit si qeni pas kockës.

Ilir Meta,kryetar i LSI-së
(Në qytetin e Beratit, 23 janar 2007)
Sali Berishën në 18 shkurt do ta nxjerrim lakuriq, pra me zero për qind.

Skënder Gjinushi, kryetar i PSD-së
(Tiranë, 21 janar 2007, në hapjen e fushatës në Pallatin e Kongreseve)
Qeveria e “duarve të pastra” ka në momentin që “Sali trafikanti” nuk ka përmbajtur premtimin e tij për 24 orë drita, duke na dhënë 24 orë errësirë.


Neritan Ceka, kryetar i PAD-së
(Tiranë, 21 janar 2007, në hapjen e fushatës në Pallatin e Kongreseve)
Të votosh Edin Ramën për kryebashkiak, do të thotë të votosh për nderin tënd.

Edi Rama, kryetar i PS-së
(Tek njësia Nr. 1, Tiranë, 22 janar)
Fakti që unë nuk dua, por do t’ua kthej Tiranën atyre që e shkatërruan në vitet ’90. Koha e tyre ka mbaruar bashkë me shekullin e shkuar.

Ilir Meta, kryetar i LSI-së
(Në njësinë Nr. 6, Tiranë, 23 janar 2007)
Kandidati i PD-së është vetëm një kandidat patentash dhe nuk ka shans as ai dhe as kryeministri Berisha që me certifikatat e 3 korrikut të devijojë vullnetin e popullit të Kombinatit të Tiranës.

Ilir Meta, kryetar i LSI-së
(Në njësinë Nr. 6 Tiranë, 23 janar 2007)
Nuk ka sondazh që t’i japë shpresë dhe shanse as Berishës dhe aq më tepër Olldashit.

Skënder Gjinushi, kryetar i PSD-së
(Në qytetin e Elbasanit, 23 janar)
Këto ditë qeveria e Berishës mbush 500 ditë, që shqiptarëve u kujtojnë 500 vjetët e pushtimit otoman.

Edi Rama, kryetar i PS-së
(Në njësinë Nr. 6, Tiranë, 23 janar 2007)
Duhet të ndahemi nga politika e mustaqes dhe e ahengut të Berishës.

Ilir Meta, kryetar i LSI-së
(Në Dibër, 24 janar 2007)

Asnjë votë mos e çoni dëm. Dibranët dallohen për mençuri dhe për pragmatizëm. 18 shkurti nuk është ora e zgjedhjeve vendore, por është ora e zgjedhjeve të përgjithshme dhe e ndarjes përfundimtare me Sali Berishën.

Skënder Gjinushi, kryetar i PSD-së
(Në qytetin e Korçës, 24 janar 2007)
Jemi të bindur që e majta do të fitojë në qarkun e Korçës. Meqenëse kolegët tanë përmendën shumë figura të shquara, si Themistokli Gërmenji, Skënder Luarasi, Dritëro Agolli, unë do të përmend një figurë të shquar, Sali Berishën. Ne do t’i tregojmë më 18 shkurt Sali Berishës se ai ka të drejtë kur thotë se “kur nuk të do Korça nuk të do e gjithë Shqipëria”.

Edi Rama, kryetar i PS-së
(Në njësinë Nr. 7 Tiranë, 26 janar 2007)
Do falënderoj dhe deputetët e Tiranës të pranishëm zysh Ermelindën, dhe Andis Harasanin. Në fund fare, s’diskutohet që vendin e ka ëmbëlsira zysh Arta që po kompenson mungesën e deputetit socialist në njësinë Nr. 7.

Skënder Gjinushi, kryetar i PSD-së
(Në njësinë Nr. 7 Tiranë, e premte 26 janar 2007)
E majta do të rezultojë fituese në zgjedhjet lokale, pavarësisht sondazheve. Se sondazhet kanë një sekret, varet se ku e fut sondën.

Edi Rama, kryetar i PS-së
(Në qytetin e Vlorës, 26 janar 2007)
Ju vlonjatët kur doni t’i mësoni notin dikujt e zhysni thellë në ujë deri aty ku nuk i arrijnë me këmbët. Unë them se është koha që duhet të zhysim kryeministrin, që edhe ai ta mësojë notin. Por jo vetëm kaq, që të ketë si të kthehet në shtëpi, por edhe të lahet nga balta që ndyn të tjerët.

Shpëtim Gjika, kreu i bashkisë së Vlorës
(Në qytetin e Vlorës, 26 janar 2007)
Unë vij sot përpara jush, jo për t’ju kërkuar votën, por për t’ju rikërkuar zemrën.

Edi Rama, kryetar i PS-së
(Në qytetin e Sarandës, 27 janar 2007)
Ju shpreh falënderimin dhe mirënjohjen time më të thellë këtyre vajzave, veçanërisht asaj, që duket si Ilir Meta, të cilat na dhanë një pamje shumë origjinale dhe shumë të bukur të këtij bashkimi të madh.

Sokol Olldashi, kandidat i mazhorancës për bashkinë e Tiranës
(Takim me banorët e Kombinatit, 28 janar 2007)
Edi Rama e ndjen më mirë se kushdo tjetër shijen e humbjes dhe këtë e tregon më së miri fakti që nuk po guxon të përballet me banorët e kryeqytetit. Ai është kudo në Shqipëri, por vetëm në Tiranë nuk është.

Edi Rama, kryetar i PS-së
(Në qytetin e Lezhës, 28 janar 2007)
Ju siguroj se me Viktor Tushën do e bëjmë Lezhën të bukur si pikturat e Përvathit (kandidati i PD-së, Lezhë).

Ilir Meta, kryetar i LSI-së
(Në Tiranë, hapja e fushatës nga LSI, 29 janar 2007)
Sali Berisha është mister Errësira, mister Paaftësia, mister Rrënimi, mister Intoleranca.

Ilir Meta, kryetar i LSI-së
(Në Tiranë, hapja e fushatës nga LSI, 29 janar 2007)
Berisha urren bulevardin, pasi urren zhvillimin, urren simbolin e disidencës, pasi ai vetë ka qenë shërbëtori besnik i komunizmit. Ti mund të mbretërosh vetëm në llum.

Edi Rama, kryetar i PS-së
(Në një televizion italian, 29 janar)
Për kundërshtarin dua të them vetëm një fjalë, që më 19 shkurt ai do të jetë i papunë.

Sokol Olldashi, kandidat i mazhorancës për bashkinë e Tiranës
(Takim të njësia nr 1 Tiranë, 30 janar)
Ditën që Rama nuk do të jetë më kryebashkiak, të marrë me vete nga zyrat e bashkisë edhe breshkat.

Majlinda Bregu, zëdhënëse e PD-së
(Për projektin e Ramës, 31 janar)
Meqë sot Rama shpalli projektin e tij për 4 vjet, të shtrirë në 2 vjet për Tiranën shumëngjyrëshe, dmth që do të vazhdojë të ngjyejë pallatet, le të bëjë një konferencë për shtyp e të na thotë se si e ka ndarë mendjen këtë radhë, pallatet do t’i lyejë nga para apo nga pas.

Ben Blushi, sekretar Politik i PS-së
(Te emisioni “Top Story”, 31 janar 2007)
Rama nuk do të merrte as votën time, nëse do ta dija se do të ndërpriste mandatin si kryetar bashkie pas fitores.

Sali Berisha, kryeministër
(Te njësia Nr. 7, Tiranë, 31 janar 2007)
Sot po dëgjoja ish-kryetarin e bashkisë, i cili botoi vëllimin e 1100 gënjeshtrave, të paraqiste si vepra të 6-vjeçarit të tij 3 shkolla të meremetuara, dy prej të cilave ju ranë tavanet dhe shtruan fëmijët në spital.

Sali Berisha, kryeministër
(Te njësia Nr. 7, Tiranë, 31 janar 2007)
Kur dalin statistikat e sëmundjeve të tmerrshme që u krijohen qytetarëve nga ndotjet, gjen ndonjë tellall për t’i hedhur poshtë me cinizëm ato, paçka se vetë nuk jeton këtu, por shkon e mbyllet në muzeun e Pezës. Sigurisht, në Pezë nuk ka ndërtime, nuk hapet bulevardi, nuk ka punime rrugësh.

Sali Berisha, kryeministër
(Tek njësia bashkiake Nr.7, Tiranë, 31 janar 2007)
Ndaj, vëllezër e motra, më datën 18 shkurt Edvin Kriza, Edvin Mashtrimi shkon dhe bashkohet me “gonxhen” e tij.

Sokol Olldashi, kandidati i mazhorancës për bashkinë e Tiranës
(Tek njësia Nr. 7, 31 janar 2007)
E dëgjova sot kryetarin e komunës së Pezës që shpalosi një projekt, dhe vura re vetëm një gjë, që është plani i vitit 2000 me të gjithë premtimet e tij të pa mbajtura. Por nuk do t’i duhet farë ai plan, le ta marrë me vete kur të iki nga zyra, pa harruar gjithmonë të marrë dhe breshkat.

Edi Rama, kryetar i Partisë Socialiste
(Në bashkinë e Vorës, Tiranë 1 shkurt 2007)
Mirëdita të gjithëve, në radhë të parë dua t’ju them se këto ditët e fundit janë ngatërruar pak gjërat, unë nuk jam as Zoti Edi Rama dhe as Shoku Edi Rama, jam Edi Rama.

Sali Berisha, kryeministër
(Në qytetin e Beratit, 1 shkurt 2007)
Shoku Fadil ke ndërtuar një vilë si kështjellë, edhe Edvini tjetër e ka bërë muzeun në Pezë si kështjellë. Nuk mund të them se kanë përfunduar në mure, dyer dritare, dhe kolltuqe, taksat e qytetarëve të Beratit, por druaj se shumica e tyre.

Majlinda Bregu, zëdhënëse e fushatës së PD
(Konferencë për shtyp, 1 shkurt 2007)
Nuk ka dyshim se nga formimi i cungët kulturor e politik i Ramës nuk mund të presësh ndonjë gjetje të arrirë. As është çudi që dëshpërimi i tij, gjithnjë e më alarmant në prag të disfatës, t’i sjellë ndër mend vetëm figura që i bëjnë shoqëri Ramës në orët e vetmisë.

Sokol Olldashi, kandidat i mazhorancës për bashkinë e Tiranës
(Takim me banorët e njësisë Nr. 4, Tiranë, 1 shkurt 2007)
Kam parë gjëra që shumë pak njerëz që jetojnë në Tiranë i shikojnë, rrënim të përmasave të paimagjinueshme. Pashë një varfëri ekstreme në një dimension që, edhe pse jetoj vetë në Tiranë, se kisha parë kurrë. Kam parë fytyrën e vërtetë të Edi Ramës.

Bamir Topi, nënkryetari i PD-së
(Takim me banorët e njësisë Nr. 4, 1 shkurt 2007)
E shohim shpesh që shfaqet si kryetar bashkie me zëdhënësin e tij, kjo tregon se ai është tërhequr nga kjo garë dhe se e ka humbur këtë garë. Kështu që ne më 18 shkurt do të votojmë formalisht fitoren e Sokol Olldashit

Sali Berisha, kryeministër
(Takim në banorët e Vlorës, 2 shkurt 2007)
Më lejoni t’i bëj një thirrje, t’i them shoku Shpëtim dil e bëj fushatë se ne jemi qeveri demokratike, jemi për fushata të qytetëruara dhe mos rri në bashki si në kështjellë duke lëshuar përditë fletërrufe, pasi qytetarët duan projekte, duan vizion dhe të ardhme, i ke ditët e numëruara.

Ilir Meta, kreu i LSI-së
(Takim me banorët e Urës Vajgurore, 3 shkurt 2007)
Dua të distancohem nga një kandidat i pavarur (Agim Bregasi), që s’është gjë tjetër, veçse një mashtrues ordiner, që në fushatën e tij elektorale përdor siglat e PS-së dhe LSI-së.

Sali Berisha, kryeministër
(Takim me banorët e Lushnjës, 3 shkurt 2007)
Në Tiranë, kryetari i PS edhe kandidon. Tirana është bastioni i fundit i kleptokracisë, por ju garantoj se zoti Edi Rama ka vetëm një fat, atë të piktorit në profesion të lirë, të piktorit të dështuar. Të shkojë të bojatisë Pezën, por edhe atje nuk e lënë.

Edi Rama, kryetar i PS-së
(Takim me banorët e Urës Vajgurore, 3 shkurt 2007)
Ai që ka të drejtë të valëvitë flamujt e opozitës është Syrja Ormënaj dhe jo kandidati i pavarur, të cilit i ka mbetur vetëm shkopi i këtyre flamujve, dhe me fitoren e këtij kandidati në bashkinë e Urës-Vajgurore ju do të bëni të mundur largimin e hurit dhe të shkopit njëherë e mirë.

Sali Berisha, kryeministër
(Takimi me banorët e Saukut, 3 shkurt 2007)
Ndërsa Peza është në rregull. Atje ka shkuar ish-kryetari ynë, dhe ka zaptuar muzeun për të jetuar për vete. Në qoftë se e doni Tiranën pa Edi Ramën, duhet të falënderoni Partinë Socialiste, sepse ka një vit që ai nuk është më në Tiranë.

Sokol Olldashi, kandidat i mazhorancës për bashkinë e Tiranës
(Në hapjen e fushatës së LZHK, 3 shkurt 2007)
Sot Edi Rama ftoi qytetarët të krijojnë një shoqatë për të shëtitur nga liqeni, por unë e siguroi se do të ketë katër vjet kohë të shëtisë nga liqeni, por pa qytetarët, sepse qytetarët do të jetojnë në qytet

Andis Harasani, deputet i PS-së
(Konferencë për shtyp, 3 shkurt 2007)
Sali Berisha është bërë si plaku Mere

Eduart Shalsi, drejtor kabineti në bashkinë Tiranë
(Te Parku i Liqenit, 3 shkurt 2007)
Sokol Olldashi e ka ndotur Tiranën me postera

Eduart Shalsi, drejtor kabineti në bashkinë Tiranë
(Te njësia Nr. 6, Tiranë, 3 shkurt 2007)
Ollofiqi ka nisur të lajë makinat e rrugëve

Edi Rama, kryetar i PS-së
(Intervistë për gazetën greke “Ta Nea”, 4 shkurt 2007)
Atyre që më akuzojnë për zbukurimin e Tiranës, u kam thënë: “Provoni të përfytyroni botën, me vajza dhe gra, të cilat nuk u pëlqen vetja dhe nuk zbukurohen! Si do të jetë një botë e tillë”?

Edi Rama,kryetar i PS-së
(Intervistë për gazetën greke “Ta Nea”, 4 shkurt 2007) “Për mua, Tirana ishte një grua që kishte rënë poshtë, e braktisur dhe e pistë. Dhe gjëja e parë që bëri, ishte të ngrihej, të krihej, të vinte buzëkuqin dhe të dilte xhiro. Dhe një gjë interesante. Të gjithë ata që më akuzojnë përse ngjyrosëm fasadat e pallateve, janë burra. Me të vërtetë, nuk kam dëgjuar asnjë grua që të ankohet përse i dhamë ngjyra qytetit... “

Fatos Nano, ish-kryeministër
(Takimi me banorët e Sarandës, 4 shkurt 2007)
Saranda dhe Shqipëria duhet të dalin nga miti apo fataliteti, ku siç e thotë legjenda e kalasë se Rozafës "...ditën ndërtohet dhe natën shkatërrohet", ajo duhet të ndërtohet.

Edi Rama, kryetar i PS-së
(Intervistë për gazetën greke “Ta Nea”, 4 shkurt 2007)
“Tirana është "ëndrra amerikane" e shqiptarëve. Disa shkuan dhe gjetën "ëndrrën amerikane" jashtë Shqipërisë. Të tjerët vijnë që ta gjejnë këtu...“

Edi Rama, kryetar i PS-së
(Intervistë për gazetën greke “Ta Nea”, 4 shkurt 2007)
“Shqipëria sot, për një të huaj që nuk e njeh Shqipërinë, është një “Amerikë e vogël” në pelena”

Ilir Meta, kryetar i LSI-së
(Në emisionin “Zonë e ndaluar”, 5 shkurt 2007)
“Unë kam qenë socialist dhe do të mbetem një socialist”

Edi Rama, kryetar i PS-së
(Në Kombinat, takim me banorët. Konflikt me një pronar lokali, 5 shkurt 2007)
“O maskara, do ta shohësh pas 18 shkurtit, ti dhe kioska jote”!

Edi Rama, kryetar i PS-së
(Në një takim me gratë kandidate për Këshillin Bashkiak, 5 shkurt 2007)
“Sot në listën tonë për këshillin tonë bashkiak kemi 50% gra dhe vajza, dhe 50% burra dhe, pa u mbetur hatri burrave, unë them se po t’i peshosh të dyja anët, nga numri janë të barabartë, por nga vlerat që ato përfaqësojnë, sigurisht, pesha anon nga ana e grave”

Edi Rama, kryetar i PS-së
(Në një takim me gratë kandidate për Këshillin Bashkiak, 5 shkurt 2007)
“Kryetarëve të partisë në disa qytete u ishin mbyllur përfundimisht sytë, se qyteti ishte i mbushur me gra dhe ju dukej sikur përtej 3-4 grave që kishin vënë për dekor, nuk kishte më gra të tjera”

Sokol Olldashi, kandidat i mazhorancës për Bashkinë e Tiranës
(Takimi në Kamzë, 5 shkurt 2007)
Përballë kam një njeri që sot paradite mblodhi ca ndërtues dhe doli me një kompjuter për t'iu treguar se si duhet të kontrollojnë lejet e ndërtimit. Kompjuteri i tij nuk punonte, sepse donte password dhe username. Doli një ndërtues, i cili e ka vuajtur mbi supe gjashtë vjet qeverisjen e kësaj bashkie, dhe shkruajti si username “Blendi Gonxhe” dhe si pasword “35 euro/m2”

Sokol Olldashi, kandidat i mazhorancës për Bashkinë e Tiranës
(Takim me romët, 5 shkurt 2007)
Romët jetojnë në terren të hapur dhe duhet të kesh paturpësinë e Ramës që t’u trokasësh në derë dhe t’u thuash na bëni pak aheng

Edi Rama, kryetar i PS-së
(Në një takim me gratë kandidate për Këshillin Bashkiak, 5 shkurt 2007)

“ta do ta dinë mirë që jo në Tiranë, por as në Mamurras nuk do të jenë në gjendje të prekin një votë, ata duhet ta dinë mirë, që jo në Tiranë, por edhe në Mamurras do të ndeshen me një barrikadë burrash e grash që janë edhe më të forta se burrat dhe që do t’i zmbrapsin të gjitha përpjekjet e tyre

Ilir Meta, kryetar i LSI-së
(Në qytetin e Vlorës, 5 shkurt 2007)
Padyshim e kuqja do të fitojë në të gjithë Shqipërinë e, sidomos në Vlorën e flamurit.

Edi Rama, kryetar i PS-së
(Në një takim me gratë kandidate për Këshillin Bashkiak, 5 shkurt 2007)
Një peshë të rëndë ka dhuna dhe krimi në familje mbi gruan dhe mbi vajzën, por është shumë e vështirë ama e domosdoshme të ndërtosh politika, të cilat e kthejnë në sistem çmontimin e këtij sistemi që ne kemi aktualisht, i cili bën që edhe burra të nderuar, analistë dhe opinionistë që japin mend për të gjitha gjërat dhe që tundin kudo flamurin e progresit dhe të moralit, kur është fjala për këtë çështje, për çështjen e barazisë gjinore, jashtë kamerave, më thonë: “Me gjithë mend e ke atë punën e grave ti”?

Edi Rama, kryetar i PS-së
(Në një takim me gratë kandidate për Këshillin Bashkiak, 5 shkurt 2007)
Asnjë grua nuk është ushtar apo kukulla e partisë

Sali Berisha, kryeministër
(Në qytetin e Mamurrasit, 6 shkurt 2007)
Para një muaji u thoshte të gjithë të huajve se nuk i njihni laçianët si janë, se do të më vijnë nga Laçi e Mamurrasi me certifikata për të më humbur zgjedhjet në Tiranë. Këtë ua përmendte edhe kolegëve të mi, por ata i jepnin ilaçe. Tani ka tre net që sheh vetëm kompjuterin e gjendjes civile të Mamurrasit.

Edi Rama, kryetar i PS-së
(Në prezantimin e hartës turistike të Tiranës, 6 shkurt 2007)
Për të ardhur deri këtu ka qenë e nevojshme që të kishim një qytet që të kishte rrugë, të kishte sipërfaqe të gjelbërta, të kishte disa monumente të restauruar dhe që të kishte çfarë të ofronte nga pikëpamja e lëvizjes dhe interesit për vizitorët”

Edi Rama, kryetar i PS-së
(Në prezantimin e hartës turistike të Tiranës, 6 shkurt 2007)
6 vjet më parë në Tiranë nuk mund të bëje dot një kartolinë, nuk kishte asnjë vend nga qendra deri ne periferi ku mund të bëhej një fotografi-kartolinë nga qyteti i Tiranës, pasi gjithçka ishte e zhytur në plehra dhe nën betonimin e ndërtimeve pa leje.

Sokol Olldashi, kandidat i mazhorancës për Bashkinë e Tiranës
(Takim me banorët e njësisë Nr. 8 Tiranë, 6 shkurt 2007)
Para se të vija këtu, po shikoja në televizor ish-kryetarin e bashkisë të akuzonte qeverinë se në orën 04:00 të mëngjesit kishin ikur dritat. Vrava mendjen dhe thashë, “ç'farë bënte ky njeri zgjuar në këtë orë kur të gjithë flenë”. Në bazë dhe të informacioneve që kam, i dhashë një shpjegim, më thanë se ka tre muaj që nuk e zë gjumi dhe nuk do ta zërë gjumi deri më 18 shkurt, pastaj pas 19 shkurtit do të ketë boll kohë të shkojë në Pezë dhe të flejë i qetë.

Sokol Olldashi, kandidat i mazhorancës për bashkinë e Tiranës
(Takim me banorët e njësisë Nr. 8 Tiranë, 6 shkurt 2007)
Të gjitha këto godina publike nuk janë bërë vetëm për një shkak, sepse nga ato nuk ka mundur dot të vjedhë para, pasi ato janë tek pallati i Dash Pezës

Edi Rama, kryetar i PS-së
(Takim me intelektualët e Durrësit, 6 shkurt 2007)
Armand Teliti është një djalë i plakur që gëlltit çdo mëngjes fjalimet e kryeministrit pa i përtypur më parë, ai është një papagall i programit të qeverisë dhe një karikaturë e kryeministrit.

Shpëtim Gjika, kandidat i opozitës për bashkinë e Vlorës
(Takim me banorët e Vlorës, 6 shkurt 2007)
Ju e keni shoferin dhe nuk kini përse ta ndërroni atë. Ajo që ju kërkoni nga unë, është të rris shpejtësinë e lëvizjes në një marsh më të lartë. Unë ua garantoj këtë, pasi jam një shofer i mirë.

Pandeli Majko, sekretar i Përgjithshëm i PS-së
(Në qytetin e Burrelit, 6 shkurt 2007)
Qeveria është e paaftë, demokratët kanë vënë “gomarin para kalit”.

Sali Berisha, kryeministër
(Në qytetin e Krujës, 7 shkurt 2007)
Ju bëj thirrje që, më 18 shkurt, të gjithë në lartësinë e mençurisë krutane, të votoni për Lulzim Gunin e mos harroni se në Shqipëri po shëtit në ditët e fundit si një hije “mister Kriza”.

Sali Berisha, kryeministër
(Në qytetin e Krujës, 7 shkurt 2007)
Unë, sikundër dhe ju, kemi dhe do të kemi respekt të palëkundur për kundërshtarin, sepse kemi qenë pa kundërshtar, dhe uroj të mos mbetemi kurrë pa kundërshtar. Por zoti Rama është “mister Kriza”. Ai është ciklik në krizën e tij. Në 18 shkurt t’i japim mundësinë të dalë në profesion të lirë dhe Shqipëria të eci drejt Evropës”.

Kastriot Islami, deputet i PS-së
(Në një konferencë për shtyp, 7 shkurt 2007)
Duhet të keni parasysh që historia e telefonatave që ndodh shpesh nga aleatët, që, për t’i bërë presion kryetarit të partisë, Edi Rama, nuk është pjesë dhe nuk duhet të jetë pjesë e taktikës së ndërtimit të koalicioneve institucionale dhe afatgjata.

Kastriot Islami, deputet i PS-së
(Në një konferencë për shtyp, 7 shkurt 2007)
Nuk më takon dhe më vjen turp të merrem me disa zëdhënës me pagesë që shkruajnë nëpër media dhe përdorin lloj-lloj etiketimesh, dhe nuk është në nivelin tim, sepse duhet të dini se Ajnshtani ka thënë që debatet bëhen me njerëz të të njëjtit nivel, pasi ata nuk janë të nivelit tim dhe nuk ja vlen të merrem me asnjë.

Eduart Shalsi, drejtor kabineti në Bashkinë e Tiranës
(Në Laprakë, 5 shkurt 2007)
Të vjen keq kur sheh kujdestarët e tipit beibisiter që rrethojnë Olldashin t’i vënë atij në gojë lloj-lloj broçkullash.

Eduart Shalsi, drejtor kabineti në Bashkinë e Tiranës
(Në Sauk, 3 shkurt 2007)
Turi absurd i kandidatit ambulant vijoi sot me gafën e radhës në periferi të Tiranës, ku, duke dashur të tregonte papastërtinë e qytetit, ai doli jashtë tij, duke treguar plehrat e Farkës që për fatin e tij të keq qeveriset nga partia e tij.

Eduart Shalsi, drejtor kabineti në bashkinë e Tiranës
(Në Laprakë, 5 shkurt 2007)
Ç’mund ti thuash përveçse UFO-kandidat një njeriu që nuk e di se Policia Rrugore varet nga ai si ministër i Brendshëm që prej një viti e gjysmë. Dhe kur nuk di se çfarë përgjegjësie ka pasur, imagjinoni për ato që i gënjen mendja të marrë.

Eduart Shalsi, drejtor kabineti në bashkinë e Tiranës
(Në njësinë nr 9 Tiranë, 29 janar 2007)
Në mënyrë që të fillojë të kuptojë sadopak Tiranën, i ofrojmë një tur shëtitës.

Eduart Shalsi, drejtor kabineti në bashkinë e Tiranës
(Në njësinë Nr 9 Tiranë, 29 janar 2007)
I verbuar, Olldashi nuk mund të dallojë transformimin e dukshëm të qytetit, qyteti, që në fakt po çuditet me këtë turist politik të ardhur nga e kaluara, në kërkim të një Tirane që është zhdukur së bashku me vitet famëkeqe ‘90.

Eduart Shalsi, drejtor kabineti në bashkinë e Tiranës
(Konferencë për shtyp, 22 janar 2007)
Mblodhi gratë në një takim te 15-katëshi duke u premtuar përfshirje. Ndërkohë që asnjë nga kandidatet për minibashkitë e kryeqytetit nuk është femër.

Eduart Shalsi, drejtor kabineti në bashkinë e Tiranës
(Në njësinë Nr. 9 Tiranë, 29 janar 2007)
“Shprehje e dhimbshme e mungesës së alternativave të këtij pionieri të politikës së vjetër.

Sali Berisha, kryeministër
(Në komunën e Kasharit, 7 shkurt 2007)
Edi Rama, tani, nga njëra anë betohet për kokën e Ramës së vogël, që është Ilir Meta, nga ana tjetër i dërgon deputetët e tij për të mbështetur kandidatët e tij kundër kandidatëve të Ilir Metës. Parashikoni harmoninë e koalicionit të tyre, hile, intriga dhe asgjë tjetër.

Genc Pollo, ministër i Arsimit dhe kryetar i PDR-së
(Në qytetin e Burrelit, 21 janar 2007)
Asnjëherë politika e re nuk është bllokim, obstruksion dhe ngatërresë. Nuk është bllokim në Parlament përmes dhunës zhurmës dhe bilbilave, nuk është bojkot i sallës së seancës plenare për të penguar qeverinë me mandat të ligjshëm për të realizuar programin e vetë, dhe nuk është pengesë e të drejtës kushtetuese që shqiptarët të realizojnë zgjedhjet. Për fat të keq, kryetari i PS-së në qendër i ka realizuar në mënyrë të shkëlqyer këto tipare të politikës së vjetër.

Sali Berisha, kryeministër
(Në qytetin e Laçit, 25 janar 2007)
Kam një thirrje miqësore për të gjithë burrat dhe gratë e Kurbinit: Mos e trembni kundërshtarin. Ai, gjatë krizës që krijoi, u thoshte kolegëve të mi mjekë se i dilnin para laçianë me certifikata dhe ata i jepnin mjekimin. U thoshte diplomatëve evropianë se ata nuk e dinin se ç’ishin laçianët me certifikata.

Sali Berisha, kryeministër
(Në qytetin e Laçit, 25 janar 2007)
Nuk e kanë fajin ata, nuk e kanë fajin certifikatat, por, siç tha edhe një nga udhëheqësit socialistë, i sëmurë është dikush tjetër.

Sali Berisha, kryeministër
(Në njësinë Nr. 1, Tiranë, 26 janar)
Ish-kryetari e shndërroi këtë qytet të mrekullueshëm dhe të bekuar, qytetarët e tij dhe bukuritë natyrore në një piramidë të betonit dhe lejeve të ndërtimit. Tirana ka pasur me dhjetëra prona publike dhe qindra hektarë, por, në qoftë se nuk do t’u jepeshin Gonxheve, do të ndërtoheshin shkolla që fëmijët

Sali Berisha, kryeministër
(Në qytetin e Korçës, 27 janar)
Korça, me mençurinë dhe zgjuarsinë e saj politike, nuk mund të rezervojë përveçse votën kundër atij që sot ka hyrë në historinë e Shqipërisë si “mister Kriza”

Sali Berisha, kryeministër
(Në qytetin e Korçës, 27 janar)
Unë mendoj se kandidati tjetër sjell humbjen. Atë e kanë nxjerrë për humbjen, sepse të përfaqësosh “mister Krizën” apo “mister Certifikatën”, vetëm ky dallim është i mjaftueshëm.

Sali Berisha, kryeministër
(Në qytetin e Elbasanit, 27 janar)
Shokut Qazim do t’i them dy fjalë: E para që do të them, shoku Qazim, është se kur nuk të do mëhalla, përse do të dojë qyteti, kur ti nuk binde dot të votojnë për ty ata me të cilët je rritur, përse kërkon ti votat e qytetit.

Sali Berisha, kryeministër
(Në qytetin e Elbasanit, 27 janar)
Disa vula të zeza i ke marrë për prokurimet, tani unë do të them këtu, se vulën më të fuqishme do ta japë Elbasani më 18 shkurt.

nga qeveria.eu

[ATMAN]

Keshtu kursenim me shume burime njerzore e financiare dhe atij qe fitonte i jepej koha e duhur te bente diçka per qytetin.

Ne Evrope apo Amerike eshte keshtu, vetem ne Shqiperi na lind nevoja te nderrojme kolltuket çdo 3 vjet.

Gati 1,5 milionë euro llogaritet kostoja e përbashkët e dy kandidatëve të mëdhenj në fushatën elektorale për bashkinë e kryeqytetit.
Ndërkohë që ligji sanksionon që subjektet zgjedhore nuk mund të shpenzojnë më shumë se sa 10-fishi i financimit që përfitojnë nga buxheti i shtetit.

Partia Socialiste ka përfituar rreth 18 milionë lekë nga buxheti i shtetit, ndërsa Partia Demokratike, rreth 12 milionë lekë. Por, ndërsa flitet për faturën e krejt fushatës në nivel republike, shifra prej gati 1,5 milionë eurosh shpenzohet vetëm nga dy kandidatët kryeqytetas. Afërmendsh, totali i shpenzimeve të fushatës për krejt vendin, e tejkalon kufirin ligjor për secilën nga partitë. Por, edhe nëse merren parasysh vetëm paratë e hedhura në kryeqytet, sponsorizimet nga sektori i biznesit paraqiten tejet të larta.

Shpenzimet për billboarde dhe postera

Në kryeqytet numërohen rreth 300 billboard-e (tabela të ndricuara anës rrugës) me sipërfaqe 2 metra katrorë. Qeraja mujore e secilit kushton rreth 500 euro në muaj, çka lejon të llogaritet se Ramës dhe Olldashit së bashku do t’u duhen rreth 150 mijë euro gjatë një muaji fushate.

Pak më e vështirë të gjendet raporti i saktë shifror mes të dyve, pasi mesa shihet ka më shumë postera të kandidatit demokrat sesa të kreut aktual të bashkisë. Duke llogaritur që posterat e mëdhenj kanë një çmim prej 15 euro për metër katror, vetëm vlera e posterave llogaritet në rreth 10 mijë euro, çka e çon vlerën totale të pozimit, plus billboardet në 160 mijë euro.

Por ekzistojnë edhe billboarde të mëdha, të cilat kanë përmasa 10 x 4 metra. Vetëm vlera e posterit të kandidatit përkatës, në një billboard të tillë, shkon në 600 euro. Ekzitojnë 50 të tilla në kryeqytet dhe në rrethinat e tij të afërta, të cilat kanë një qira prej 3 000 euro në muaj. Vlera e qirasë plus vlerën e posterave për rreth 50 “tabela” të tilla, shkon në rreth 180 mijë euro.

Nga ana tjetër, edhe posterat klasikë nuk janë harruar. Ata kanë mbushur çdo rrugë e qoshk të Tiranës. Vlerat e posterave shkojnë nga 1 euro deri në 10 euro copa, sipas cilësisë dhe madhësisë, duke shënuar një çmim mesatar prej 5 eurosh. Të dy kandidatët bashkë rezulton të kenë prodhuar rreth 10 mijë postera. Kjo e çon vlerën totale të këtij zëri shpenzimesh elektorale në 50 mijë euro.

Përdorimi i transportit publik

Qytetarët simpatizante të njërit apo të tjetrit kandidat do të kenë fatin e keq apo të mirë, që gjatë këtyre javëve të fushatës të udhëtojnë brenda autobusëve me fytyrën e favoritit të tyre apo me “surratin” e atij tjetrit”, të stamposur në të gjithë gjatësinë e mjetit urban.

Por sa kushton të veshësh me fytyrën tënde një autobus me gjithë njerëz brenda për një muaj? Rreth 1200 euro kushton vetëm posteri-ngjitës. Qiraja e një autobusi vërtitet rreth 3 000 eurove në muaj. Ndërkaq, mësohet se njëri nga kandidatët ka rekrutuar 20 mjete të transportit urban, ndërsa kandidati tjetër 15 të tilla. Pra kemi 35 autobusë “elektoralë” në qarkullim në rrugët e Tiranës, të cilët bashkë me njerëzinë e shtypur si miza përbrenda, transportojnë nëpër trafikun kryeqytetas, nga stacioni në stacion, edhe buzagazin elektoral të dy kandidatëve. Sipas aritmetikës elementare, qiramarrja e këtyre autobusëve për transport, bashkë me vlerën e posterave-ngjitës, kushton rreth 136 mijë euro.

Qiramarrja e ambienteve

Një zë i rëndësishëm në shpenzimet elektorale është qiramarrja e përditshme – zakonisht më shumë se një në ditë – e ambienteve për të organizuar tubime të hareshme elektorale. Më të aksesuarat janë Pallati i Kongreseve, Pallati i Sporteve “Asllan Rusi”, Pallati i Sporteve “Fahrije Hoti”, Muzeu Historik Kombëtar, Hotel Tirana etj. Qiramarrja e këtyre ambienteve vërtitet nga 500 deri në 3000 euro. Duke pasur parasysh që organizohen disa takime në ditë nga të dyja palët, llogaritet të shpenzohen rreth 3000 euro në ditë nga kandidatët, duke e çuar totalin e kohëzgjatjes së fushatës në rreth 90 000 euro.

Shpenzimet “dytësore”,

Të dy kandidatët kanë shpenzuar së bashku, rreth 20 mijë euro vetëm për shërbimin fotografik, i cili ka fiksuar vizionin novator dhe optimist të imazhit të të dy kandidatëve për Bashkinë, rrugëve të Tiranës.

Seti: xhup, shall dhe kapele, i mbështetësve rioshë të njërit prej kandidatëve, ka kushtuar 3000 euro në total për 100 persona. Ndërsa zërat: karburant, audio me qira, flamuj dhe kinkalerina të tjera elektorale, nuk llogaritet ta kalojnë vlerën e 5000 eurove për të dy kandidatët bashkë. Një militant euforik kushton 5 euro në ditë, ndërkohë që në të gjithë Tiranën, për rreth 30 ditë fushatë, llogariten 100 syresh të aktivizuar. Kjo fatura llogaritet në 15 mijë euro.

Spotet televizive

Ky zë është pesha “më e rëndë” e krejt fushatës. Çmimi mesatar e reklamave elektorale në televizion është 5 euro në sekondë.
Spoti i një kandidati shfaqet në disa raste 30 herë në ditë në një televizion. Për rrjedhojë, një kandidat shpenzon 5000 euro në ditë në një televizion. Të dy bashkë, shpenzojnë 10 000 euro në ditë. Duke llogaritur katër televizione të dorës së parë dhe rreth 20 ditë transmetim, shifra shkon në rreth 800 000 euro spote elektorale gjatë fushatës.

“Zarfet gri”

Një zë që tradicionalisht ka garantuar sukses në zgjedhje, janë shumat që u jepen nën dorë funksionarëve e personave të ndryshëm, në pozicione të rëndësishme gjatë fushatës zgjedhore. Kjo metodë ka vite që testohet nga të dy krahët PS-PD dhe ka dhënë rezultat pothuaj në të gjitha fushatat e deritanishme. Shumat e angazhuara në korrupsion elektoral nuk mund të llogariten, por zënë një fetë të konsiderueshme të shpenzimeve, te cilat edhe ato kanë tendencën të fshihen. Pikërisht sic u shpreh edhe bordi

Artistët tifo për gjysmë milioni

Fushatat zgjedhore, qofshin ato vendore apo parlamentare, mbeten sezonet më fitimprurës për artistët, veçanërisht
këngëtarët.

Vetëm pak minuta “aheng”, mjafton për të nxjerrë nga shtëpia të rinj e pleq, para se të nisë mitingu i rradhës.

Padyshim, që kështu joshen të gjithë qytetarët për të dalë në shesh, qoftë edhe në qytezën më të vogël. Sivjet, edhe artistët janë më të motivuar të dalin në skenë për të kënduar kundrejt shumave që derdhen pa kursim nga subjektet politike. Ndryshe nga fushatat e shkuara, tashmë që të gjithë e dinë se ç’efekt ka të kesh me vete në miting edhe disa nga këngëtarët më të mirë të momentit, nuk kursehen të paguajnë deri në gjysmë milioni për një këngë. Ky është edhe tregu aktual që vjen për këngëtarët tanë, të cilët lënë pas axhendën e tyre koncertore për të përfituar nga situata. Ajo që dihet më siguri dhe këngëtarët nuk e fshehin, është fakti se askush nuk është aty, në skenën shumëngjyrëshe për të treguar vërtet se i përket njërit apo tjetrit kah. “Unë jam një artiste dhe kur shkoj në një miting për të kënduar nuk shkoj aty pasi përfaqësoj njërën apo tjetrën parti, por sepse në një farë mënyrë bëj punë. Jam artiste dhe këndoj para ofertave që më bëhen”-pohon Çiljeta Xhilaga, një prej këngëtareve që pothuajse nuk refuzon asnjëherë ofertat që vijnë për koncerte të tilla.

Koncerti i fushatës

Në zgjedhjet e shkuara lokale kënga “Tirona” e grupit West Side Family nuk ishte gjë tjetër veçse një hit, por që me Edin Ramën në grup, padyshim që do të shënonte në shenjë dyfish edhe më fort. Këtu e kanë zanafillën edhe prurjet në rritje të këngëtarëve apo humoristëve në mitingjet politike. Çiljeta Xhilaga, Rovena Stefa, Zajmina Vajsari, Soni Malaj, Redon Makashi, Poni, Mariola, Sabiani, e shumë të tjerë të brezit të ri, pothuajse nuk kanë munguar në shfaqjet e fundit në skenë,

ku lajtmotivi kryesor ka qenë politika dhe premtimet elektorale.

Ofertat që vijnë nga të dyja kampet e partive më të mëdha në vend janë vërtet të hatashme, kështu për një koncert në kryeqytet një këngëtar paguhet plot 30 mijë lekë të vjetra, ndërsa për koncertet jashtë Tiranës 400 dhe plot gjysmë milioni në qytetet e largëta. “Ofertat që u bëhen këngëtarëve për të marrë pjesë në mitingje, gjithmonë në rrafshin artistik gjatë viteve të fundit kanë ardhur gjithmonë duke u rritur, madje mund të them që janë dy ose trefishuar me vitet e shkuara dhe kjo është pozitive”-pohon për Mapo, Rovena Stefa.

Ajo thekson se të kënduarit në fushata i këngëtarëve konsiston gjithmonë në përfaqësimin artistik të tyre dhe asnjëherë në atë politik, por pse jo nevojitet një bashkëpunim në ta ardhmen, që këngëtarë të caktuar të përfaqësojnë një grupim të caktuar politik siç ndodh rëndom në shumë vende të tjera. Mësohet se tashmë janë firmosur nga të dyja kahet disa kontrata me këngëtarët më të mirë të momentit, për 10 koncerte gjatë fushatës për zgjedhjet vendore. Në shumicën e rasteve kontratat që arrijnë në 3 deri në 4 milionë lekë të vjetra, nuk janë gjë tjetër veçse një kontribut i bizneseve, të cilat edhe paguajnë faturën e “argëtimit” të popullit në mitingje. Në shumicën e rasteve përzgjedhja e artistëve që marrin pjesë në mitingje me zërin e tyre apo batutat e humorit, lidhet ngushtë edhe me menynë e rrymave muzikore që ato përfaqësojnë në tregun muzikor.

Kështu Artiola Toska, Valbona Mema, Sinan Hoxha dhe të tjerë këngëtarë të Shqipërisë së Mesme janë të destinuar të këndojnë vetëm në këto zona,
ndërsa Poni, Mariola apo Silva Gunbardhi, janë prenotuar tashmë për mitingjet në jug të vendit duke pasur si antipastë muzikën labe. Ndryshe nga vitet e tjera, këngët me motive labe pothuajse mbeten më të pëlqyerat, kjo është edhe një arsye, që në fushata po shohim kaq shumë ritmet e bregdetit. Por në tregun e komercit të mitingjeve elektorale nuk po mungojnë as të ashtuquajturat rryma si turbofolk por edhe ato qytetarë, e cila në shumicën e rasteve është e destinuar për mitingje lokale.

Artistët në radhët e partive politike

Në zgjedhjet e shkuara këngëtari i njohur Aleksandër Gjoka e shfaqi hapur mbështetjen e tij për PD-në, ndërsa pjesa tjetër e artistëve, heshtën. Sivjet, jo vetëm që po shpallen hapur bindjet, por një pjesë e artistëve janë ofruar edhe në grupin e këshilltarëve madje dhe kandidatëve të minibashkive. Kështu në stafin e këshilltarëve të Olldashit është rreshtuar aktorja e njohur Yllka Mujo, ndërsa në krahun e kryetarit aktual të Bashkisë së Tiranës një tjetër aktore, Luiza Xhuvani.
Secila prej tyre tani duket se po shton rivalitetin jo vetëm në skenë, por edhe në politikë, duke shpallur për herë të parë publikisht prirjet e tyre partiake. Megjithë këtë, Lëvizja Socialiste për Integrim rezulton me numrin më të madh të këshilltarëve VIP-a me emra të njohur të muzikës si: Klajdi Musabelliu , Besmir Metani, Eneida Tarifa si dhe sportistët Sulejman Demollari dhe peshëngritësi Viron Bezhani.

Përfshirja e emrave të njohur të artit dhe sportit në politikë, duket se është kthyer tashmë në një armë të fortë për të joshur votuesit, kjo edhe për faktin se një pjesë e tyre, prej kohësh kanë dalë hapur përkrah kandidatëve që mbështesin në fushatë.



nga www.qeveria.eu

[Humdinger]

Kërcënohet dhe rrihet komisioneri i PS-së

Dashamir Markohasani: Më keqtrajtoi vëllai i kandidatit të PD-së

Gazeta Shqip


Kërcënohet dhe rrihet kryetari i qendrës së votimit 1867 në Kombinat. Dashamir Markohasani është keqtrajtuar nga Agim Nezaj, vëllai i kandidatit për njësinë nr. 6, Fatmir Nezaj. Denoncimi është kryer në Komisariatin e Policisë së Kombinatit nga vetë i dëmtuari, ndërsa mësohet se kanë filluar menjëherë verifikimet për këtë akt të shëmtuar, i cili pason situatën e ndezur ditën e zgjedhjeve në këtë qendër votimi. Burime zyrtare nga policia e Tiranës thanë për "Shqip" se, sipas denoncimit të Markohasanit, ngjarja ka ndodhur pasditen e djeshme. I dëmtuari dhe Agim Nezaj janë takuar për të biseduar për situatën në ditën e zgjedhjeve, ku përfaqësuesit e Partisë Demokratike pretendojnë se shumë qytetarë nuk janë lënë të votojnë, megjithëse ishin në radhë. Pas disa shkëmbimesh batutash, mësohet se Nezaj ka kërcënuar kryetarin e qendrës së votimit 1867 për situatën e krijuar nga komisionerët socialistë, të cilët nuk kanë lënë të votojnë një numër personash. Situata ka degjeneruar deri në sharje dhe rrahje. "Dashamir Markohasani ndodhej në shkollë në Kamëz, kur është thirrur nga një person. Ka dalë nga territori i shkollës dhe është takuar me Agim Nezajn. Për disa minuta kanë shkëmbyer batuta dhe në një moment Nezaj e qëllon me shpullë, duke e kërcënuar. Pas ngjarjes, Markohasani ka shkuar në Komisariatin e Policisë Nr.6, ku ka kryer edhe denoncimin përkatës, nën akuzën e ‘kërcënimit‘ dhe rrahjes‘", tha Policia e Tiranës. Ndërkaq, familjarët e kryetarit të qendrës së votimit 1867 akuzojnë Agim Nezajn për dhunën e ushtruar ndaj të afërmit e tyre. Në polici kanë deklaruar se ngjarja ka ndodhur për motive politike, pasi Dashamiri ka mbështetur opozitën në zgjedhjet e 18 shkurtit.
Ditën e votimeve janë shënuar një numër i konsideruar incidentesh në Kombinat. Një anëtar i qendrës së votimit 1867 është kërcënuar me jetë. Është dashur ndërhyrja e policisë për të qetësuar situatën, e cila ka degraduar me sharje dhe kërcënime serioze. Në vendngjarje kanë mbërritur ministra, deputetë, anëtarët e KQZ-së për të qetësuar situatën. Situata më e rëndë e procesit zgjedhor është zhvilluar në lagjen e Kombinatit ku kandidoi Fatmir Nezaj i PD-së dhe Luzhiana Abazaj e LSI-së. Gjatë gjithë ditës së zgjedhjeve, në dy qendrat e votimit në lagjen Kombinat 1866 dhe 1867 ka pasur turma të mëdha njerëzish që votonin në masë. E alarmuar nga kjo situatë, në vendngjarje janë dislokuar edhe forca policore, të cilat shpeshherë me kërkesë të anëtarëve të komisioneve kanë ndërprerë votimet për shkak të mbipopullimit. Në shesh qëndronin qindra qytetarë-militanë. Këta të fundit qëndronin në oborret e qendrave të votimit duke krijuar vështirësi në votime. Në disa raste, opozita akuzonte se militantët e djathtë në këtë zonë nuk kanë lejuar qytetarët e majtë për të votuar. Menjëherë ka ardhur kundërpërgjigjja, e cila ka qenë se zona në fjalë është bastion i së djathtës. Megjithatë, ngjarja më e rëndë është shënuar vetëm ditën e djeshme, jo në qendrën e votimit, por në Kamëz.

Incidentet gjatë ditës së zgjedhjeve në Kombinat


Policia e Tiranës ka marrë sinjalizime për incidente ditën e zgjedhjeve në Kombinat. Në disa raste, ca qytetarë janë kapur teksa votonin me certifikata false. Një gjë e tillë ka alarmuar situatën, ndërsa opozita ka ndërruar kryetarin e komisionit në qendrën e votimit 1867. Situata është qetësuar me shfaqjen e kryetarit të KQZ-së, Çlirim Gjata, dhe disa anëtarë. Pas disa negociatash është rënë dakord që votimi të mbyllet. Rreth orës 20:00 (18 shkurt 2007) në qendrën e votimit janë shfaqur rreth gjashtë punonjës policie, të cilët kanë filluar të nxjerrin nga qendra e votimit qytetarë të shumtë që ishin në radhë për të votuar. Disa minuta më vonë, deputeti Bujar Nishani deklaroi se këta persona nuk do të largohen, ndërsa rreth orës 20:34 janë larguar të gjitha kutitë e votimit drejt KQZ-së, duke i dhënë fund një kalvari të gjatë replikash midis dy forcave më të mëdha në vend. Mësohet se qendrën e votimit e ka vizituar edhe Johan Lohan, ambasadori i BE-së.

[ATMAN]

• Komisioni Qendror i Zgjedhjeve ka shpallur fituesin per zonen e Paskuqanit ku pas numerimit te kutise se fundit fitues del kandidati demokrat Jashar Hoxha me 292 vota me shume se rivali i tij i majte.

Edhe pse në avantazh, koalicioni i majtë ishte ai që ankimoi në KQZ rezultatin dhe kërkoi që të numëroheshin edhe votat e një kutie në qendrën 2056 në Paskuqan.Numërimi i kutisë nga KQZ-ja gjatë paradites së djeshme, nxori në avantazh të lartë kandidatin demokrat, Hoxha.

Nga 598 fletë votimi, 426 ishin në favor të kandidatit demokrat, ndërsa vetëm 134 në favor të kandidatit të majtë, Gjin Prengaj. Pjesa tjetër, rreth 38 fletë votimi, dolën të pavlefshme. Me gjithë rezultatet e nxjerra dje nga numërimi i kutisë, KQZ vendosi sot.


GSH