Analiza dhe komente për zgjedhjet lokale, 18 shkurt 2007

[DYDRINAS]

pedro nuk i kam shpikur une kanibalet por jan aty ne seline roze.. dhe ti e di me mire se une kte pune..
tani dolli gangsterrri Enveri edvin dhe shoku i tij hitleri ilir met.. dhe kercenuan Sali Berishen.. Do te te qerojme dhe nga zyra i thane se koha jote ka perfunduar..
Kjo eshte arrogance e padegjuar..
Keshtu i thoshin dhe ne 96-ten dhe dihet cfar ndodhi.. mijra vete i cuan ne varre keta perbindesha qe nuk u behet vone.. se kercet kallashi mbi kokat e fmijve shqiptar.. boll atyre tu realizohet plani.. qe te cojne varg pa ndalim valixhet me euro ne bankat e botes.. e per kete e vetem per kete e duan pushtetin absolut.. Se ideal tjater skane..keta vampire..

Nuk eshte arrogance por eshte nje akt i menduar dhe i pergatitur qe sa kohe, sepse ti Brari i ke pare dhe ndjekur zhvillimet ne Shqiperi, vecanerisht ato te pas viteve '90 dhe besoj se ke verejtur se PPSH (sot PS) dhe Zeri i Popullit kane shkruar vazhdimisht per Levizjen Demokratike qe solli renjen e sistemit te baballareve partizane te kuq si "macja e zeze".
Nuk eshte i rastit as sulmi i sotem i pordhitikaneve Rama, Meta, Ceka dhe Milo kunder Sali Berishes!
Asgje nuk lind ne nje dite te vetme dhe nga nje grup i caktuar personash. Cdo gje ka lidhje dhe ka vazhdimesi ne kohe.
Ishte Ceka ai qe me megafonin e Gramoz Rucit e shmangu revolucionin demokratk shqiptar dhe e futi ate ne brazdat e leruara nga PPSH.
Ishte Ceka ai qe i pergatiti kurthin Berishes me Ramiz Aline e po ishte po Ceka qe nga pseudoaleat i PD u kthye ne armikun me te betuar te PD!?
Armiqesia e tij lidhet vetem me nje fakt. Faktin qe Berisha ja preu shansin atij dhe Rames e nje kopeje tjeter pseudodemokratesh qe te marrin ne dore frenat e Levizjes Demokratike dhe ta vertisnin ate sipas rregullores se hartuar ne vitin 1989 nga PPSH.
Nuk eshte asgje e rastesishme kur degjon korin e minjve te kanaleve te Lanes, qe me nje gjuhe atentatoresh kercenojne Berishen, duke harruar se pas tij dhe pas PD jane me shume se gjysma e shqiptareve, qe kane votuar dhe zgjidhur me voten e lire qeverisjen e demokrateve.
Nuk duhet t'ju bejne dhe aq shume pershtypje lehjet e grupit Brigada Rosa te drejtuar nga Rama, sepse ata e dijne shume mire se deri ku ju lejohet te shtrijne kembet.
Qeveria e Berishes duhet te nxitohet me nxjerrjen e kartave te identitetit dhe te hartoje njehere e lire nje sistem zgjedhor te pershtatshem per vendin dhe ne te te parashikohet qe dhe shqiptaret qe jane jashte te marrin pjese ne votimet e pergjithshme (sepse pas vitit 1997 eshte larguar pjesa me e madhe e elektoratit demokrat), duke mos i futur ato ne lista kot se koti, por t'ju krijoje mundesine qe te votojne.
Vec ketyre, duhet organizuar i gjithe sistemi i gjendjes civile ne Shqiperi, duke trajnuar njerez dhe duke i larguar ata qe e perdorin gjendjen civile si vend pune politik apo si vend korrupsioni.

Dhe Ministria perkatese te mos merret me zyrat e gjendjes civile sa here qe ka zgjedhje, por ne vazhdimesi te kerkohet zbatimi me korrektesi i ligjit.

Qeveria duhet te mos rrije e ngurtesuar e ne pritje por duhet te dinamizoje veprimtarine e saj, njejte sic e kishte ate pas zgjedhjeve te 3 Korrikut.
Duhet ruajtur ritmi i reformave, pershpejtimi i investimeve, respektimi i premtimit per lufte te pareshtur ndaj korrupsionit, pershpejtimi i legalizimit te ndertimeve, pershpejtimi i rikthimit te pronave dhe kompensimit te tyre, etj.

[artur]

E majta do zgjedhje te parakohshme................ Jane shprehur se: Zgjedhja e Presidentit i krijon hapesira ligjore per te hedhur qeverine (84 vota)....... Me thoni nese se çojne vendin ne kolaps........... HIPOTEZE : - Ne qershor 2007, bie qeveria Berisha, - Krijohet qeveri e re, e drejtuar nga te majtet bie edhe kjo sepse nuk zgjedh dot presidentin ka vetem 83 vota (ben BARRIKADA NJEREZORE). vazhdon (HIPOTEZA) ne Nentor 2007 Shqiperia ben perseri zgjedhje,- Prap s'ben 83 vota, nuk zgjedh dot presidentin, Barrikadat njerezore shtohen....................... Ore me falni nuk jane Barrikada jane NJEREZ TE VDEKUR, Jane shqiptare, Jemi Ne!!!!!

[artur]

Ne Serbi (te djathtet) integralistet, qe jane edhe forca me e madhe ne parlamentin Serb (qe u zgjodh vetem ne 24-ore, sepse s'kishin kohe te merreshin e majta e djathta, EDI apo SALA) Ka deklaruar, perpara propozimit qe u eshte bere per nje "rruge" preferenciale per te hyre ne Europe, se : Jo vetem qe nuk u intereson hyrja ne Europe, por do te dalin dhe nga OKB-ja nese Kosova fiton shkeputjen nga Serbia,pavaresine!!!!!!!!! Ore ata jane me Budallenj se ne qe merren me gjera kaq te "parendesishme" siç ESHTE Kosova, Apo jemi ne ata provincialet e pangopur me BUKE DHE DUAM VETEM TE HAME SOT????????????????

[Humdinger]

Berisha: Rroftë humbja

Kryetari i PD: "Fitore plebishitare". Por humbet mazhorancën në Parlament

Gazeta Shqip

Kryetari i PD vazhdon të sfidojë të gjithë duke deklaruar fitoren e mazhorancës dhe të qeverisë në zgjedhjet e 18 shkurtit. Jo vetëm kaq, por Kryeministri Berisha zvogëlon mundësinë e ndryshimeve në qeveri dhe lë Olldashin jashtë kabinetit të tij. I pyetur se çfarë funksioni do të ketë ish-ministri i Brendshëm, Sokol Olldashi, lideri i PD-së u shpreh se vendi i tij është në Partinë Demokratike si një nga figurat kryesore të saj. Ndërsa për ndryshimet në qeveri, pavarësisht se deklaroi se do të jetë i gatshëm të zbatojë marrëveshjen me PDK, Berisha ka lënë të nënkuptohet se po zvogëlon mundësinë e ndryshimeve në qeveri për shkak të trembjes nga ekuilibrat brenda mazhorancës. Megjithëse ka humbur zgjedhjet në Tiranë dhe në qytetet kryesore të saj, Berisha ka deklaruar se koalicioni qeverisës ka fituar 56% të votave. Duke mos pranuar përgjegjësinë e humbjes, Berisha deklaroi se Tirana është tashmë një qytet ‘i plagosur‘ dhe se "Edi Rama duhet të jetë ai që duhet të japë dorëheqjen, pasi humbi në të gjithë vendin". Berisha u shpreh se koalicioni qeveritar u zgjua të hënën me 71 zona të fituara, ndërsa PS me 29. "Si do të konvertoheshin këto rezultate nëse Shqipëria më 18 shkurt do të kishte votuar për 100 deputetë në 100 zona zgjedhore, mund t‘ju them se koalicioni qeveritar do të kishte fituar 71 deputetë dhe Rama dhe little Rama do të kishte vetëm 29 vende në Parlament. Berisha ka deklaruar se do të festojë fitoren e zgjedhjeve lokale duke vazhduar me reformat, ndërkohë që ka shtuar se Tirana nuk po feston me Ramën.

Tronditet ekuilibri brenda mazhorancës

Menjëherë pas zgjedhjeve të 18 shkurtit, aleatët e Partisë Demokratike kanë nisur komunikimet e qarta se brenda mazhorancës kërkohen reflektime më të thella se një analizë. Aleatët e Partisë Demokratike, por edhe zëra brenda deputetëve të PD-së, kanë kërkuar analizë për humbjen, ku duhet të mbahet përgjegjësia për humbjen. Kreu i fushatës së mazhorancës për zgjedhjet e 18 shkurtit ka qenë pikërisht Kryeministër Sali Berisha dhe atij i takon të mbajë mbi shpatulla faturën e disfatës. Pikërisht nga kjo, kreu i PD-së, po mundohet me të gjitha mënyrat që ta shesë këtë humbje si një fitore, edhe pse si të "Pirros". Zërat për ndryshimet në qeveri po vijnë në rritje, sidomos pas humbjes së mazhorancës në qytetet kryesore të vendit, veçanërisht në Tiranë. Krijimi i ekuilibrave të rinj brenda mazhorancës është versioni më i mundshëm që po kërkohet të zbatohet. Por realisht, Berisha nuk e zotëron vetë mazhorancën qoftë edhe për të miratuar dekretin për zëvendësimin e ministrit të Brendshëm. PD bashkë me aleatët më besnikë, republikanët, PDR-në, si dhe dy deputetët e Xhuvelit ka gjithsej 69 deputetë, ndërkohë që për të miratuar ndryshimet në qeveri duhen 71 vota. Pa folur këtu për arritjen e një mazhorance të gjerë prej tre të pestave, ku edhe bashkë me demokristianët dhe PBDNJ-në, mazhoranca numëron vetëm 80 vota. Kjo sepse me largimin e Sokoll Olldashit si deputet dhe të Spartak Ngjelës, i cili është i lineuar si parlamentar jashtë linjës zyrtare të PD-së, shumica ka gjithsej 80 deputetë. Ajo çka po trondit mazhorancën më shumë pas rezultatit të zgjedhjeve të 18 shkurtit është analiza e thellë që do të bëjë jo vetëm Partia Demokratike, por edhe aleatët e saj për humbjen e tyre, pavarësisht se kreu i PD vazhdon të deklarojë fitoren. Kujt do t‘i faturohet humbja e thellë në kryeqytet, ndërkohë që Kryeministri Berisha nuk arrin të pranojë përgjegjësinë e saj.

Aleatët

Aleatët e PD-së kanë nisur menjëherë ofensivën politike për të kërkuar pjesën e tyre të besnikërisë karshi koalicionit. Kreu i Partisë Republikane, Fatmir Mediu, ka theksuar se shumica ka nevojë për një reflektim në qeverisje. Kreu i PDK-së, Nard Ndoka, ia faturon fajin qeverisë për humbjen në qytetet kryesore të vendit. "Kërkesa politike e PDK-së për ndryshime në qeveri nuk u mor në konsideratë nga Berisha dhe Partia Demokratike, pra ata rrezikuan, duke hyrë në zgjedhje me një kabinet që nuk i përmbushte parametrat", tha Ndoka. Kreu i PDK, deklaroi se tashmë është koha për reflektim dhe për një analizë për të riparuar ato gabime që mund të riparohen në mënyrë që të ecet përpara. Sekretari i përgjithshëm i PBDNJ-së, Leonard Solis, deklaroi se qeveria duhet të ndryshojë me çdo kusht. Solis është shprehur se "nuk është fituese as opozita, e cila është e thërrmuar dhe as mazhoranca". Sipas tij, PD duhet të lexojë saktë mesazhin e elektoratit. I kontaktuar nga "Shqip", deputeti demokrat, Spartak Ngjela, u shpreh se tashmë e ka dhënë mesazhin e tij një ditë pas humbjes së Berishës. Në deklaratën e dhënë një ditë pas zgjedhjeve, Ngjela u shpreh se "për sa i takon Sali Berishës ka vetëm një rrugë që t‘i kthejë së djathtës dinjitetin e vet, që ia ka marrë padrejtësisht dhe e ka shpërdoruar". Sipas tij, "e vetmja gjë që duhet të thotë Berisha është që të bëjë rokadën për të lejuar një qeveri me lidership të ri që të jetë një lidership politik".

[Humdinger]

"Fiks Fare": Nga çuditë e zgjedhjeve lokale

Vëllai i Bodes ikën me vulën e komisionit në xhep

Gazeta Shqip

Vëllai i ministrit të Financave merr vulën e komisionit. Ditën e zgjedhjeve, më 18 shkurt, rreth orës 19:30, kur procesi i votimit në Tiranë vazhdonte ende, sekretari i komisionit në qendrën e votimit 1759 të njësisë bashkiake nr. 3, të vendosur në shkollën "Hasan Prishtina", Nadir Bode, mori vulën e komisionit, u largua nga salla dhe u kthye pas 30 minutash me vulën në xhep. Gjithçka është filmuar nga kamerat e "Fiks Fare". Sekretari i komisionit të kësaj qendre votimi, në kundërshtim me ligjin, mori vulën me të cilën do të vuloseshin të gjitha fletët e votimit për zgjedhësit që nuk kishin hedhur në kuti votën e tyre dhe u largua nga qendra e votimit. Në momentin kur votimi është ndërprerë për shkak të fluksit të madh të njerëzve që kërkonin të votonin, sekretari Bode nuk ngurroi ta fusë vulën në xhep, ndërkohë që ligji ndalon rreptësisht largimin apo marrjen e bazës materiale të votimeve. Kur u kthye pas 30 minutash në sallën ku do të vazhdonte procesi zgjedhor, zoti Bode nxori vulën nga xhepi, pa i dhënë llogari askujt se ku kishte qenë dhe çfarë kishte bërë me të.


Komisionerja nuk e di kush është kryetar i KQZ-së

Komisionerja e KZQV-së nr. 10 nuk e njeh Fatmir Kumbaron, anëtarin e Komisionit Qendror të Zgjedhjeve. Kaq të painformuar dhe të patrajnuar ishin komisionerët që morën pjesë në qendrat e votimit dhe KZQV-të, saqë kishte edhe nga ata mes tyre që nuk e dinin se kush ishte kryetari i KQZ-së. Ka edhe nga ata që nuk janë të informuar se zoti Ilirian Celibashi nuk është më kryetar i KQZ-së. Një anëtare e KZQV-së nr. 10 të kryeqytetit, gjatë problemeve që pati kjo njësi me numërimin e votave në zgjedhjet e 18 shkurtit, i kërkoi me insistim anëtarit të KQZ-së dokumentin e identifikimit. Kur zoti Kumbaro ia tregoi dokumentin që vërteton se është anëtar i KQZ, punonjësja e irrituar vazhdon t‘i kërkojë autorizim, pasi sipas saj, dokumenti i sapotreguar është thjesht identifikimi. Çudia vazhdoi më tej, kur komisionerja kërkoi nxjerrjen jashtë të zotit Kumbaro, "pasi ai nuk ka autorizim të firmosur nga zoti Ilirian celibashi", i cili sipas saj, është kryetari i KQZ-së.


Komisionerët grinden, nxënësit mbeten pa mësim

Komisionerët zihen me njëri-tjetrin gjatë numërimit të votave, ndërsa nxënësit e shkollës 9-vjeçare në kryeqytet nuk fillojnë dot mësimin e ndërprerë nga zgjedhjet. Po kështu edhe studentët e Universitetit të Tiranës nuk kryejnë dot lëndën e fizkulturës. Palestra e këtij universitetit është kthyer në ambient pune për KZQV nr.2 të Tiranës. Që nga ora 02:00 e ditës së djeshme komisionerët e ndërprenë numërimin. Deri në orën 10:30 të po kësaj dite akoma nuk kishin vendosur se çfarë do të bënin me kutitë e mbetura të votimit. Madje, njëri prej anëtarëve të komisionit përgjigjet brutalisht para kamerës së "Fiks Fare", me "nuk duam të fillojmë", kur gazetari e pyet nëse kanë ndërmend të vazhdojnë procesin e numërimit, sepse studentët mbetën pa mësim. "Ne jemi komisionerë dhe jo mësues", përgjigjet një tjetër anëtar i KZQV nr. 2 të kryeqytetit. Ndërkohë, në KZQV-në nr. 10 të kryeqytetit, e vendosur në ambientet e shkollës 9-vjeçare "Avni Rustemi", komisionerët e lodhur vendosën që pas mesditës të rifillonin numërimin. Ndërsa fëmijët e tyre kanë ndërprerë mësimin që prej ditës së premte të javës së shkuar.



Heqin dorë nga nënshtetësia, por janë në lista

Shqiptarë që kanë hequr dorë nga nënshtetësia e tyre apo që u është hequr nënshtetësia, në të dyja rastet me dekret të Presidentit të Republikës, figurojnë në listat e zgjedhësve. Askush nuk është kujtuar të heqë emrat e tyre nga listat e zgjedhësve, edhe pse nuk janë më nënshtetas shqiptarë. "Fiks Fare" ka siguruar një listë të personave, të cilëve me dekretin e Presidentit Moisiu, nr. 3549, datë 08.11.2002, u është hequr nënshtetësia shqiptare. 16 persona të kësaj liste figurojnë në listat e zgjedhësve të 18 shkurtit 2007. Gjithkush mund të hyjë në faqen e internetit, ku janë publikuar listat e zgjedhësve dhe do të gjejë në to 16 emra të personave që u është hequr nënshtetësia me dekret të Presidentit të Republikës. Në listat e zgjedhësve të 18 shkurtit u gjetën personat e mëposhtëm, që kanë lënë shtetësinë shqiptare:

Artin Jusuf Großmann

Mark Rok Kola

Afërdita Ramadan Loos (Dyli)

Gezim Sabri Bebeti

Mirela Pirro Bebeti (Ferro)

Gëzim Ndrea Gjini

Vasilika Vasil Gedyk (Koka)

Shpëtim Stavri Qeleshi

Adrian Zija Çeliku

Flutura Haxhi Noka (Kaimi)

Viola Esat Noka

Pajtim Nazmi Drini

Endi Pajtim Drini

Merita Emin Drini (Meta)

Eva Irakli Peters (Rafail)

Bashkim Hasan Musliaj



KODI ZGJEDHOR


Neni 98, pika 2

Sekretari i KQV shënon në librin e protokollit të mbledhjeve të KQV-së kohën e largimit dhe të kthimit të çdo anëtari të KQV-së që largohet prej qendrës së votimit. Kur kryetari largohet nga qendra e votimit, ai i kalon vulën e kryetarit për përdorim anëtarit tjetër me të njëjtën përkatësi, deri në rikthimin e tij. Sekretari i KQV-së bën shënimin përkatës në librin e protokollit të mbledhjeve të KQV-së. Kur sekretari largohet nga qendra e votimit, vula e KQV-së dhe libri i protokollit të mbledhjeve i kalojnë për përdorim zv.kryetarit deri në rikthimin e sekretarit të KQV-së. Në librin e protokollit të mbledhjeve të KQV-së bëhet shënimi përkatës për pasqyrimin e këtij fakti.

[Humdinger]

Fillimi i marrëzisë

Gazeta Shqip

Bledar Zaganjori

Kryetari i Partisë Demokratike duket se do të hyjë në histori si i vetmi politikan që nuk ka njohur kurrë humbjen në asnjë palë zgjedhje. Dje, pasdite, zoti Berisha doli dhe tha që koalicioni, të cilin ai drejton, ka fituar në mënyrë plebishitare në zgjedhje dhe se aleanca e opozitës ka humbur në mënyrë të turpshme. Në fakt, e vetmja gjë e turpshme ishte fjalimi i kryetarit të PD-së.

Eshtë marrëzi të thuash se zgjedhjet u fituan nga e djathta dhe të ngatërrosh zgjedhjet lokale me ato të përgjithshme. Aq më tepër të llogaritësh përqindjet e kandidatëve për deputetë me kandidatët për kryetarë komunash, kur nuk ke ende shifra të sakta nga të gjithë zonat e vendit dhe nuk ka asfare shifra, lidhur me proporcionalin, pra votat për këshillat bashkiakë që do të nxjerrin realisht peshën e secilës parti dhe të koalicioneve së bashku. Pikërisht, mungesa e informacionit bën që zoti Berisha të luajë me shifrat për të mos pranuar edhe këtë herë se ai është i humburi i këtyre zgjedhjeve.

Kryetari i PD-së bëri një llogari të votave për kandidatë, duke deklaruar se ato janë vota të zgjedhësve për të majtën dhe për të djathtën. Votat për të majtën dhe për të djathtën, për PS-në dhe për PD-në e thënë më thjeshtë, janë votat për këshillat bashkiakë dhe këshillat e komunave. Dhe për sa kohë këto vota numërohen të fundit, nuk mundet që zoti Berisha të dijë se sa vetë kanë votuar për të majtën dhe sa për të djathtën. Eshtë tjetër vota për kandidatët. Nëse ai llogarit fitoren me mbi 50 për qind të kandidatëve të PD-së për kryetarë bashkish dhe komunash, e bën këtë në mënyrë të gënjeshtërt, duke fyer inteligjencën e shqiptarëve. 20 komuna, ku kanë fituar kandidatët e PD-së, mund të mos bëjnë as një zonë elektorale të Tiranës. Aq më tepër kur në Shqipëri ka jo pak komuna me 300-400 votues.

Duke iu kthyer logjikës së kandidatëve, një tjetër argument që rrëzon interpretimin e zotit Berisha mund të jetë edhe Konispoli, ku PD-ja ka fituar Bashkinë, e ku sipas leximit të tij duhet të ketë fituar edhe këshillin bashkiak. Shifrat tregojnë të kundërtën, pasi në Konispol këshilli kontrollohet nga opozita, që ka marrë një përqindje më të madhe votash.

Nëse koalicioni i djathtë do të kishte fituar, këtë do ta kishin mësuar të gjithë në orët të mëngjesit të së hënës. Ashtu sikurse ndodhi një ditë pas zgjedhjeve të 3 korrikut 2005, kur zoti Berisha dilte çdo dy orë dhe deklaronte fitoren e madhe të opozitës së atëhershme. Në ndryshim nga atëherë, tani, për një fitore akoma më të madhe, siç e tha vetë ai, se ishte ajo e 18 shkurtit, ai vonoi të dilte plot katër ditë. Nga mesnata e së dielës deri në daljen e parë publike të zotit Berisha, si kryetar i PD-së, ka qenë vetëm zëdhënësja e fushatës, ajo që ka komunikuar me mediat për problematikën post-zgjedhore dhe fitoren e madhe të komunave e bashkive dytësore.

Kishte diçka dje që e tradhtonte zotin Berisha përveçse vonesa në përballjen me shifrat, për të cilat tha se nuk i lexojnë dot të gjithë, por vetëm ata që kanë dhunti. Pra, vetëm zoti Berisha. Ai, ndryshe nga përballjet e tjera me shtypin, ishte shumë më nervoz këtë radhë, shpeshherë ngrinte tonin dhe në mikrofon dëgjohej zhubravitja e letrave që mbante në duar. Zoti Berisha ishte mjaft i kompleksuar të përmendte foljen humbje. Ai asnjëherë nuk e përdori këtë, as për të përshkruar humbjen në qytetet e mëdha, si Tirana, Durrësi, Vlora, Elbasani, Shkodra, Fieri, Berati, Gjirokastra etj. Madje, u përpoq të evitonte komentet për këto qytete dhe në të vetmin rast që përmendi tha "atje ku nuk kemi fituar". Zoti Berisha ngurroi të thoshte gjithashtu nëse do të riformatonte qeverinë, por u mjaftua të deklarojë se ka për të respektuar marrëveshjen me aleatët, më konkretisht me Partinë Demokristiane. Këtë, ai e ka thënë më shumë se një herë muaj përpara zgjedhjeve lokale. Çka mund të thotë se jo domosdoshmërisht zoti Berisha është i prirur ta respektojë atë. Aq më tepër kur ngurrimi i Kryeministrit për të deklaruar qartazi se do të ketë ndryshime në qeveri do të thotë kompleks për të pranuar se kjo qeveri ka shfaqur probleme dhe se këto probleme kanë qenë shkaqe të humbjes. Por folja humbje, këto ditë është e ndaluar në fjalorin e Partisë Demokratike.

Nisur nga sa më sipër, duhet thënë se zoti Berisha, katër ditë pas zgjedhjeve, po mundohet të dalë nga qoshja ku ka ngecur për shkak të humbjes, së paku politike në këto zgjedhje. Edhe vetë zoti Berisha e di se ka humbur për sa kohë nuk ka fituar qendrat e mëdha dhe prandaj bën lexime të tilla makiaveliste të shifrave të mangëta të zgjedhjeve. Ndryshe ky njeri nuk do të ishte zoti Berisha, që pas çdo palë zgjedhjesh ka nxjerrë arsye pas arsyeje për të mos njohur asnjëherë humbjen. Dhe kur zoti Berisha në pushtet nuk ka njohur humbjen, të gjithë i frikësohen përfundimit të historisë. Aq më tepër kur edhe humbja e rëndë politike lexohet si fitore plebishitare. Ky është vetëm fillimi i marrëzisë. Fundi nuk dihet.

[Humdinger]

Godo: “Ministrat shkaktuan humbjen e maxhorancës”

Gazeta Albania

Politikani i vjetër i së djathtës, Sabri Godo, u shpreh dje se ndryshimet duhet të bëheshin kohë më parë. Sipas tij, një ndër shkaqet kryesore të humbjes së maxhorancës në zgjedhjet e fundit është pikërisht paaftësia e disa ministrave të rinj. Godo thotë se tashmë ka ardhur koha që ata të zëvendësohen pasi kishin kohën e mjaftueshme për t’u parë nëse kishin aftësi drejtuese në qeveri apo jo. “Kam thënë edhe disa kohë më parë se Berisha duhet të bëjë ndryshime në qeveri. Ishte i domosdoshëm një rikompozim i kabinetit. Ndaj tani mendoj se një nga shkaqet kryesore të humbjes së maxhorancës në këto zgjedhje ishte paaftësia e disa ministrave. Meqenëse tani kaloi një periudhë më shumë se njëvjeçare dhe i pamë “zotësitë” e këtyre ministrave të rinj, gjykoj se 3-4 ministra duhen zëvendësuar. Kjo është e pashmangshme”, - tha z.Godo.



23 Shkurt 2007

[Humdinger]

Solis: “Berisha të bëjë ndryshime në qeveri”

Gazeta Albania

PBDNJ-ja, edhe pse është pjesë e kabinetit qeveritar, pas humbjes së maxhornacës në zgjedhjet e 18 shkurtit kërkon zëvendësime në qeveri. Sipas drejtuesve të kësaj partie, ka ministra që nuk mundën të kalojnë provën e qeverisjes, ndaj duhet të largohen.
Nënkryetari i PBDNJ-së, Leonard Solis, është i mendimit se duhen bërë zëvendësimet e para në qeveri, pasi e djathta nuk pati rezultate të kënaqshme në zgjedhjet e 18 shkurtit.
“Rezultati i 18 shkurtit për maxhorancën nuk është i kënaqshëm dhe sigurisht që duhet bërë një analizë e thellë për të gjetuar arsyet, shkaqet dhe përgjegjësitë kryesore të humbjes. Është i nevojshëm dhe një riformatim i qeverisë. Trajneri, ashtu siç krijon ekipin në lojë, duhet të bëjë edhe zëvendësimet e duhura gjatë lojës”.


23 Shkurt 2007

[Humdinger]

Mbi ndeshkimin qe mori PD-ja

Korrieri

E Premte, 23 Shkurt 2007

Nga Fatos Lubonja

Nuk ka me te voglin dyshim se PD mori me 18 shkurt nje ndeshkim nepermjet votes qytetare. Cdo tentative nga ana e saj per ta mohuar ate, per t’ia hedhur fajin tjeterkujt apo per ta minimizuar duke nxjerre ne pah voten e marre ne pjesen rurale te vendit, do te ishte premise gabimesh dhe ndeshkimesh te metejshme. Pervoja ka treguar se barometri me i sakte i vleresimit te politikes shqiptare i ka shifrat e tij kryesisht ne rezultatin ne qytetet e medha, ku PD rezulton humbese.

Nese do te tentojme shpejt e shpejt te kerkojme shkaqet e ketij ndeshkimi nuk eshte veshtire te rendisim disa syresh qe i ndajne thuajse te gjithe ata qe kane ndjekur me vemendje zhvillimet politike pas ardhjes ne pushtet te PD-se.

Ne radhe te pare do te vendosej mosmbajtja e disa premtimeve te rendesishme, cka u perkthye ne pakenaqesi materiale dhe renie besimi e mbeshtetjeje morale tek shumica e votuesve.

Nder premtimet e munguara qe kane shkaktuar pakenaqesi materiale do te rendisja te parin mosmbajtjen e premtimit te permiresimit te jeteses se njerezve. Pavaresisht nga therrimet qe propagandonte qeveria se po hidhte neper sofrat e shqiptareve, ata e pane veten gjithnje e me ne veshtiresi mbijetese, me fatura te rritura e, per me teper, pa drita dhe pa uje njelloj, ne mos me keq, sesa ne kohen e socialisteve. E kjo u perkthye ne akuzen per mungese aftesie qeverisese. Shumica e votuesve apo mosvotuesve besoj se kane dashur te shprehin me voten apo abstenimin e tyre kete pakenaqesi te perditshmerise se tyre te perkeqesuar.

Ne radhe te dyte do te vendosja mosmbajtjen e premtimit te luftes ndaj korrupsionit. Dora-dores qe kalonin muajt filloi te dale gjithnje e me shume ne pah aspekti i perdorimit te antikorrupsionit si mjet pushteti me shume sesa si qellim reformimi e sherimi. Takimi Nano-Berisha dhe, me shume se sa ky, deklarimi i Berishes se ato qe ka thene ndaj Nanos kane qene per efekte elektorale, ishin nje vule e rende qe shenjoi karakterin demagogjik te kesaj lufte. Vete fushata e Olldashit me sponsorizime qe nuk u bene kurre transparente, apo emerimi i nje numri doganieresh e biznesmenesh si kandidate per kryetar bashkie, tregoi se PD-ja po tentonte tashme te kaleronte sistemin dhe jo ta luftonte ate. Shume shenja te kesaj i kishte dhene edhe me pare.

Nese do te kishte nje alibi PD per deshtimet e saj kjo do te ishte strategjia obstruksioniste e destruktive e opozites, e cila nuk e la te beje mire asnje pune ne menaxhimin e problemeve te vendit dhe sherbimin ndaj njerezve dhe jo vetem, por ia kanalizoi energjite ne luften politike, shpesh krejtesisht te personalizuar. Ne kete strategji nuk mund te neglizhohet reagimi i forte i sistemit te korrupsionit, i cili e pa veten te kercenuar nga retorika dhe nga prirjet selektive te Berishes ne luften kunder tij. Fakti qe numri me i madh i mediave u angazhuan per demaskimin e qellimeve te pasinqerta te Berishes ishte vetembrojtja me e mire e mundshme qe ato i benin vetes dhe sistemit ku bejne pjese. Por, tek e fundit, ato thonin nje pjese te rendesishme te se vertetes, sepse Berisha dhe te tijte nuk po punonin me principialitet e koherence per te mbrojtur e forcuar ate cka ishte e shendoshe, por nepermjet selektivitetit, po kerkonin te benin kompeticion me socialistet brenda sistemit qe ata kane ngritur. Tentativa per t’i mundur socialistet ne fushen e tyre, ne sistemin qe ata vete kane ndertuar, madje edhe duke krijuar media te te njejtit stil, rezultoi dy here e deshtuar sepse me se pari ata e njohin me mire sistemin qe e kane krijuar dhe menaxhuar per tete vjet vete dhe, se dyti, sepse ajo i hoqi PD-se e Berishes karten morale te besimit.

Kjo situate mungese principialiteti u reflektua pastaj ne hapjen e coroditur te shume fronteve te betejave, thuajse te gjitha te humbura, si ajo me Prokurorin, Presidentin e me radhe (te cilet duhet thene se kjo fitore e socialisteve nuk i lane nga pergjegjesite e renda qe kane per instalimin ne vend te sistemit te korrupsionit e kapjes se shtetit). Kjo mungese principialiteti, po ashtu, e coi PD edhe ne premtimet e pambajtura e shpesh kontradiktore me njera-tjetren per shtresa te ndryshme shoqerore, si ato per te palegalizuarit me nje ane dhe ish-pronaret me ane tjeter, per ish te persekutuarit me nje ane e pensionistet me ane tjeter, duke perforcuar perceptimin e karakterit demagogjik te ketyre premtimeve e duke ngritur pikepyetje te rendesishme mbi ate se cfare kerkon te perfaqesoje kjo parti ne te vertete.

Nuk mund te mos permendet ne shkaqet e ndeshkimit edhe vetekenaqja e Berishes e bashkepunetoreve te tij me te afert me pushtetin dhe mbyllja ndaj kritikave dhe kontributeve intelektuale. PD gjate viteve ‘92 – ‘97 te pushtetit te Berishes pesoi nje rrjedhje te madhe te shtreses me te arsimuar te vendit qe e mbeshteti ne krye te heres. Ajo u armiqesua ne ato vite edhe me pjesen me te madhe te shoqerise civile qe po krijohej. Socialistet gjate tete vjeteve pushtet perfshine ne radhet e tyre, blene dhe korruptuan nepermjet sofistikimit te sistemit te tyre te korrupsionit, vecanerisht mediave, shumicen e ketyre burimeve. Keshtu qe burimet intelektuale te PD-se qene te pakta, por me KOP-in me nje ane dhe me lodhjen e njerezve me socialistet e korruptuar me anen tjeter, u duk se PD tentoi nje rizgjim. Por ajo e la pas kete rizgjim sapo demokratet erdhen ne pushtet, pjeserisht per shkak te prirjeve te Berishes per te qene ai arkitekti i vetem i gjithckaje, e pjeserisht pasi pushteti filloi te marre gjithnje e me fort tiparet e shperblimit material per militantet me besnike. U ringjall keshtu perceptimi i pashlyer ende se ajo cka perfaqeson ne thelb Berisha dhe partia e tij jane interesat e nje shtrese te vogel militantesh krahinore me Berishen dhe ish-komunistesh te kthyer ne variantin me te keq te antikomunistit, te cilet edhe korrupsionin e bejne ne nje menyre me te vrazhde e me arrogante.

Keto do te ishin disa shkaqe kryesore te ndeshkimit sipas meje. Pas ketij ndeshkimi, ashtu si me 1994, kur humbi referendumin per Kushtetuten, Berisha dhe te tijte ndodhen perpara nje udhekryqi qe do te ishte shume i rendesishem per fatet e tyre, por mbi te gjitha per fatet e vendit. Ose te kerkojne te mbajne pushtetin nepermjet gjetjes se fajit tek te tjeret, luftes pa princip me kundershtaret dhe rritjes se agresivitetit per kapjen e sistemit te korrupsionit, ose te kerkojne te njohin e korrigjoje gabimet e siperpermendura e te tjera. Me 1994 pas ndeshkimit nga votuesi, PD mori rrugen e mbajtjes se pushteti me cdo mjet qe e coi edhe ne manipulimin e zgjedhjeve te 1996-s e vendin ne tragjedine e vitit 1997. Do te duhet te shpresojme se kesaj here, edhe per shkak te mesimeve nga e kaluara, PD do te marre rrugen e vetekorrigjimit.

[Brari]

Nga Balkan webi mora ca postime te njerzve qe komentojne artikujt:



Anila (Derguar me: 23/02/2007 - 22:02)
Krahasuar me vitin 2003, numri i njësive vendore që koalicioni qeveritar fitoi, është rritur nga 126 në 238 Berisha: PD fitore në 2/3 e bashkive dhe komunave Kryeministri Sali Berisha deklaroi dje se në zgjedhjet e 18 shkurtit, shqiptarët, në rreth 2/3 e bashkive dhe të komunave të vendit, votuan për kandidatët e koalicionit qeveritar, duke shënuar kështu fitoren më të thellë në zgjedhjet vendore në 15 vitet e fundit. Gjatë deklaratës së tij, kreu i qeverisë theksoi se më 18 shkurt, zgjedhësit shqiptarë i dhanë me votën e tyre një mbështetje plebishitare koalicionit qeveritar dhe reformave të tij, duke përsëritur pothuajse në përmasa fitoren e vitit 1992. "Fitorja e 18 shkurtit ishte plebishitare, sepse kandidatët e koalicionit qeveritar, me programet e tyre të shkëlqyera, formimin dhe vizionin e tyre, merituan së bashku 610 mijë vota, duke lënë mbrapa koalicionin e humbjes me 75 mijë vota", tha kryeministri Berisha. Sipas tij, krahasuar me vitin 2003, numri i bashkive dhe komunave që koalicioni qeveritar fitoi, është rritur nga 126 në 238 njësi të qeverisjes vendore, pra pothuajse është dyfishuar. Gjithashtu, kreu i qeverisë u shpreh se ky numër do të lartësohet edhe me disa njësi të tjera vendore, të cilat do të rreshtohen në kurorën e fitores. Në vijim të deklaratës së tij, kryeministri Berisha tha se fitorja e 18 shkurtit ishte plebishitare, sepse, nëse zgjedhjet lokale të së dielës së shkuar do të konsiderohen si një votë politike, do të shohim se koalicioni qeverisës ka shënuar një fitore të thellë. "Në rast se do të nxirrnim rezultatet në 100 zonat elektorale të vendit, do të gjejmë se koalicioni qeveritar u zgjua ditën e hënë fitimtar në 71 prej tyre. Ndërsa aleanca e humbjes mori gjithsej 29 zona elektorale", deklaroi kryeministri Berisha. Ai shtoi gjithashtu se jo të paktë kanë qenë qytetarët shqiptarë, të cilët prisnin me padurim të dielën, si një ditë referendumi për qeverisjen e koalicionit prej 16 muajsh. Në vijim, kreu i qeverisë theksoi se qeveria, në rast se do ta shndërrojmë në referendum, mori rreth 56% të votave të qytetarëve shqiptarë. "Dua të theksoj se në rast se do të ktheheshim bashkërisht në zonat elektorale, edhe një herë koalicioni i humbjes do të gjente një shkretëtirë elektorale nga Lapraka gjer në Vermosh. Kurse nga Fieri deri në Konispol, duke mos marrë Beratin se ka një gjë më të ndryshme koalicioni Rama, "little Rama" ka marrë gjithsej vetëm 4 deputetë", tha kryeministri Berisha. Duke vlerësuar qëndrimin e qytetarëve shqiptarë, kreu i qeverisë u shpreh se ata u gjetën në lartësinë maksimale të mençurisë së tyre. Sipas Berishës, fitorja e 18 shkurtit ishte plebishitare, sepse vendosi qeverisjen e koalicionit, të aleancës më të madhe në 10 qarqe të vendit. Në vijim, kryeministri Berisha, duke theksuar fitoren e koalicionit të djathtë në këto zgjedhje, krahasoi rezultatet me ato të zgjedhjeve të vitit 2005. "Në 2005, binomi Rama i madh dhe Rama i vogël kanë marrë për deputetët e tyre, duke hequr këtu votat e Partisë Agrare, aleatit tonë, rreth 680 mijë vota. Në këto zgjedhje kanë marë 536 mijë vota", nënvizoi kreu i qeverisë, duke shtuar se koalicioni humbës ka humbur plot ¼ e elektoratit të tij. Sipas kreut të qeverisë, koalicioni i majtë në këto zgjedhje ka humbur 7 herë më shumë sesa koalicioni qeveritar. Mazhoranca do të dijë të lexojë votën ndryshe Kreu i qeverisë, gjatë deklaratës së tij për zgjedhjet e 18 shkurtit, u shpreh se qytetarët shqiptarë votuan reformat me vote plebishitare dhe qeveria qëndron plotësisht për t'i marrë të gjitha masat për të shpejtuar dhe konsoliduar ato. "Ndonëse në këto zgjedhje 56% e zgjedhësve votuan kandidatët e qeverisë, u dhanë atyre fitoren në 238 njësi, nga 376 njësi vendore që ka vendi, sërish 44% e qytetarëve shqiptarë me votën e tyre ndryshe, veçanërisht në qytetet e mëdha të vendit, nderuan pluralizmin politik dhe vlerat e tij", tha kryeministri Berisha. Në gjykimin e tij, kjo është gjithashtu një ftesë për qeverinë të ridimensionojë qëndrimet e saj, në mënyrë që zëri i tyre të dëgjohet dhe të përfillet më shumë. "Duke shprehur këtu respektin tim më të palëkundur për votën e tyre, dua të garantoj se qeveria e koalicionit dhe PD, në asnjë rrethanë, nuk mundet që entuziazmin, që përmasat e fitores të errësojnë sadopak vendosmërinë e saj për të lexuar dhe të deshifruar, para së gjithash, qëndrimin e tyre", deklaroi kreu i qeverisë. Berisha garantoi se qeveria do të shqyrtojë një seri të tërë ndryshimesh dhe masash, dhe po kështu PD-ja, jo me fjalë, por me akte konkrete të trokasë në zemrën e këtyre qytetarëve, t'i bindë ata se mbrojtësi, avokati më i ndershëm publik i interesit të tyre është qeveria. Kryeministri Berisha, në vijim të deklaratës së tij, u shprehu mirënjohjen më të thellë qytetarëve shqiptarë për mbështetjen e tyre masive ndaj kandidatëve të koalicionit qeveritar. Kreu i qeverisë shprehu gjithashtu mirënjohje ndaj strukturave të Partisë Demokratike, shtabeve elektorale, liderëve të koalicionit më të madh që vendi ka njohur. Votë për reformat Po ashtu, Berisha shprehu mirënjohje edhe ndaj anëtarëve dhe mbështetësve të partive aleate, bashkëpunëtorëve të tij, për ndihmën dhe kontributin e tyre të çmuar që dhanë në fitoren e 18 shkurtit. "Dua të them se ky koalicion ishte ndoshta më luajali dhe më i suksesshmi në historinë e të gjitha zgjedhjeve", tha kryeministri Berisha. Gjatë deklaratës së tij, ai u shpreh se sikundër aleatët e tij kanë dëshmuar luajalitet dhe përkushtim, edhe ai ndihej krenar ndaj qytetarëve shqiptarë, të cilët i ka takuar në dhjetra e qindra sheshe, rrugë të vendit, gjatë fushatës dhe se në asnjë rast nuk i ka lejuar vetes t'i ftojë ata të votojnë për PD-në. "Duke shprehur ndaj të gjithëve që kanë votuar për koalicionin qeveritar respektin, dashurinë dhe mirënjohjen time më të thellë, dua t'i garantoj se vota dhe besimi i tyre për qeverinë do të përdoret për garantimin më tej të lirive dhe të drejtave të të gjithë qytetarëve shqiptarë, për përmirësimin e kushteve të jetesës së tyre dhe integrimin e vendit në institucionet euroatlantike", theksoi kryeministri Berisha. Sipas tij, kjo është energji e pashterrshme e reformave të mëdha dhe të gjithanshme, për të cilat Shqipëria ka nevojë jetike.

hosteni (Derguar me: 23/02/2007 - 22:29)
Sikur Agron LLakaj te dilte ne rruget e TIRONES i veshur si sali berisha dhe tju thoshte njerezve me godisni ne prapanice Qfare do te ndodhte me te?

prishtina (Derguar me: 24/02/2007 - 00:00)
Lexoni kete deklarate te Kryeministrit me serizitete e mose u tallni kote ,po patet shifra tjera nga EDI tregoni. Perpose tiranes qe e ka humbe me nje shifer me te larte votusish, ne tjera Bashki dallimi eshte i vogel ne vota. nese humbe ne nje bashki me dallime 300 vota kjo nuk do thote se PD ka humbe çdo gje. Mendimi ime Bashkite ku kane leke i ka humbur PD,sepse edhe interesi i Ps e i LSI ishte kjo te marrin bashkite e pasura.Nese aleatet e disa ne PD do qajne per leke atehere le ta thone hapur se genjeshtra ska me . Pore edhe nje gje po u theme se Baza PS ka shume probleme,edhe kundershtaret ne Krahun hije te Ps jane mjafte te fuqishem,kjo do te thote se PS eshte krijuar ashtu sikur LDK grupe rivalesh te interesave per Leke. Edhe mose e fshefni humbjen e Edi nga rivali Sokol olldashit i cili kishte programe edhe Projekte shume te medhaja pore edhe kundershtarit i ka treguar drejteperdrejte ne çdo njesi Bashkijake ka leshuar ne TV premtimet e Edi Rames te cilat tregojne qe ka genjyer keqe Edi, pore nje detale qe te tjeret nuk e dine ndryshimin ne mese Edi Rames e Sokol Olldashit ishte pikrishte ai europjane ,do mudohem ta pirpiloje ne ate menyre qe ju ta keni te qarte ,çdo projekte do diskutohet me ekspertet dhe me Bashkine ,nuk do jeme vetem une qe do vendose pore edhe te tjeret ,qe do e studijone planin edhe çdo projekte . sokoli ka premtuar edhe Transparente per çdo leke te Bashkise. Cfare ja solli humbjen sipase mendimit time.dritat ku firmat edhe pse bejne kontrate me qeverine ,ato nuk ja japin pore e shesin ne nje trege tjeter kure ndonje vende tjeter ju jape cmime me te larte. Pra dritat ne gjithe rajonin jane probleme dhe ti gjeshe ti bleshe. Thashethemi qe u hape ne shpejtesi i nudismit te Edi Rames ku ishte nje goditje e madhe sepse disa qarqe (kuptohet se cilat) e rriten e zmadhuan sa qe tjerat gjera ishin te kota,pra problemet e Edi E PS ku ky EDI u fshefte deri ne ato momente u rizgjua pore jo me Tiranen pore me Femren e tije te dikurshme ne Franse . pra kjo ishte gafa me e madhe e SALES qe ishte vetem nje gallate nga SALA e te tjeret,pore i kushtoje me humbje jo vetem te Tiranes pore edhe te qyteteve tjera. pra SALE per kete ke pergjithsi ti. Sa e sa ofendime i ka bere EDI Sokolit duke e paraqitur si nje Gomare ,qe kinse nuk dine ky se çfare eshte Bashkija ,pore ne debate kishte frige te dilte te fliste per Projekte e ato qe nuk i kishte realizuar,taktikishte Rama i fitoje keto zgjedhje , edhe disa dite para zgjedhore nje gazete jape ca te dhena se kinse nga CIA se Sokoli kishte para ne disa banka ,disave do u kujtohen zgjedhjet e para ne Kosove 5 ditet e fundit para zgjedhjeve se çfare shpiki BOTA SOT per HASHIM THACIN ,pore edhe pase lufte me revistat e LDK e njullosen Cdo antare te UCK te cilet kishin hequr uniformen dhe formuan nje parti politike e konkuronin ne menyren me te denje ,pra nuk lane gje pa shpikur sa e njullosen te gjithe edhe luften qe ishte bere . URIME EDI pore nuk ke fituar moralishte me programe . EDI E ILIR keni fituar qytetet pore jo SHQiperine ,uluni e beni rreforma per zgjedhjet e ardhshme per te mire te SHqiperise e popullit te saje ,edhe mundesishte mose krijoni propleme para zgjedhjes perfundimtare te Kosoves se do gaboshe rende. Mbi gjitha kombi ime .

---


ja dhe nje shkrim tek tirana observer::




Flet kreu aktual i Bashkisë së Mamurrasit

Ded Ndreca: Unë, demokrati që fitova si kandidat i PS-së

Nga i dërguari ynë në Mamurras
Aleksandër NDOJA

MAMURRAS – Ka qenë simpatizant i së djathtës, por për të fituar postin e kreut të qytetit të tij të lindjes, iu desh të përfaqësonte forcën e majtë. Ded Ndreca, i cili do mbahet mend si një kryetar bashkie që i dha fund qeverisjes demokrate në Mamurras, nuk heziton të thotë se PD-ja nuk ka bërë asgjë për qytetin e tij të lindjes. Po a ka qenë gjithnjë bastion i së djathtës, apo pati mbetur peng i disa individëve që në Mamurras bënin ligjin në emër të saj? Në ndeshjen e 18 shkurtit mori fund manipulimi apo banorët e Mamurrasit deshën të ndëshkonin qeverisësit 17-vjeçarë të djathtë, të cilët e lanë këtë qytet në nivelin e një fshati? Është kryetari më i ri i kësaj bashkie, Ded Ndreca, i cili në intervistën e parë pas daljes së rezultatit, dhënë për “Tirana Observer”, u jep përgjigje këtyre pyetjeve që tashmë i bëjnë vetes, jo vetëm banorët e Mamurrasit, por edhe shumë të tjerë.
Si ndodhi që pas 17 vitesh demokraci, banorët e bashkisë së Mamurrasit braktisën PD-në dhe votuan për ju si përfaqësues i koalicionit të majtë të bashkuar?
Kjo ndodhi se Mamurrasi u mashtrua nga Partia Demokratike dhe deputetë të saj. Për 17 vite, për Mamurrasin nuk u bë asgjë. Nëse një pemë do të ishte mbjellë, nuk do të hezitoja të thosha se këtë e bëri PD-ja. Mamurrasi është i njohur si një nga qytetet me tradita dhe histori, por që fatkeqësisht për 17 vite u bë që qytetit tonë t’i humbas edhe emri. Nuk ka as industri, as fabrikë, as sport dhe as zhvillime aktivitetesh kulturore.
Ju thatë se keni qenë një simpatizant i Partisë Demokratike, ndërsa në këto zgjedhje kandiduat në emër të koalicionit opozitar. Si erdhi kjo lëvizje?
Unë që në fillimet e saj e pata përkrahur PD dhe e kisha respektuar shumë atë me të gjithë votat e fisit tim, që shkojnë në rreth 300 të tilla. E keqja është se ata u treguan mosmirënjohës ndaj meje, dhe më e keqja e të gjithave, ata u treguan shumë mosmirënjohës ndaj bashkëqytetarëve të mi të Mamurrasit. Në këto kushte ndodhi që krahu tjetër më kërkoi për të kandiduar, dhe vetë qytetarët e Mamurrasit e mirëpritën një kandidim të tillë, vendosa ta pranoj këtë sfidë.
A patët dilema në vendimin tuaj për të kandiduar?
Unë në fillim nuk e kisha ndërmend të kandidoja, por vetë qytetarët ndikuan në vendimin tim. Në të vërtetë unë pata presion nga PD-ja, nga shteti, por mbështetja qytetare bëri që unë të mos tërhiqesha për asnjë moment.
Tashmë ju e keni fituar të drejtën për të qeverisur Mamurrasin. Cila do të jetë puna e parë me të marrë detyrën?
Punë ka shumë, dhe nuk e di se cila do të jetë e para. Por më emergjentja do të jetë rregullimi i problemit të furnizimit me ujë të pijshëm, duke bërë të mundur lidhjen e qytetit me ujësjellësin e Fushë-Kuqes. Fillimin e sistemimit sa më të shpejtë të rrugëve të qytetit, të cilat janë totalisht të shkatërruara. Janë shumë probleme, të cilat janë të njohura nga unë dhe është menduar për zgjidhjen e tyre.
Në sfidën tuaj për Mamurrasin do keni përballë edhe qeverisjen qendrore që i përket së djathtës. Si mendoni të operoni për realizimin e objektivave tuaja?
Jam i sigurt se do të mund t’ia ndërroj faqen Mamurrasit me mbështetjen e fortë të kryetarit më të madh të Shqipërisë, atij të bashkisë së Tiranës, z. Edi Rama, i cili na ka premtuar se Mamurrasin do ta bëj pjesë të Tiranës. Dhe për këtë jam i sigurt, pasi ai ka treguar se është nga ata burra që di ta mbajë fjalën.
PD dhe koalicioni i djathtë punuan fortë për të fituar edhe këtu, madje gjatë procesit të numërimit u shfaqën edhe dy deputetët e zonës. Cili ishte pozicioni i tyre?
Deputetët gjetën mënyra për të bindur komisionerët e djathtë që të tërhiqeshin dy herë nga puna për numërimin e votave. Fillimisht ata ndikuan që të hapin kutitë e zonave bastione të tyre. Sapo mësuan se rezultati nuk do të ishte në favor të tyre, tentuan me çdo kusht manipulimin e votave. Pas ndërprerjes gati 24 orë të numërimit, erdhën dy deputetë, Dajçi dhe Vuksani, të shoqëruar nga disa të rinj, të cilët nuk ishin nga zona jonë për t’u bërë presion komisionerëve. Ishin qytetarët, të cilët u ndeshën me deputetët, duke u kërkuar atyre të heqin dorë nga manipulimi i votave dhe lënien qetë të komisionerëve.
Së fundi, kush ishin mbështetësit tuaj dhe kë do të falënderonit me këtë rast?
Mbështetja ime më e mirë ishte dëshira e qytetarëve për t’u qeverisur ndryshe nga si është qeverisur. I falënderoj se qëndruan tërë natën në shi, në përpjekje për të shmangur manipulimin që kërkohej të bëhej me çdo kusht. Për tre net, asnjëri nuk ka fjetur në shtëpi, por vetëm para qendrës së numërimit, në këmbë, për të mbrojtur votën e tyre, pasi kishte shumë vite që ajo ishte dhunuar.
Zëdhënësja e fushatës së PD ka folur për manipulime nga ana juaj. Cili është komenti?
Po PD-ja është mësuar që kurrë të mos e njohë humbjen, dhe pikërisht për këtë flet për manipulime. Por edhe PD-ja duhet ta dijë se vjen një moment që populli voton ndonjëherë edhe kundër tyre, dhe e mbron votën e tyre. PD-ja në Mamurras është mësuar që me votën e qytetarëve të rregullojë jetën private. Vijnë këtu vetëm kur ka votime. Kurrë nuk u interesuan për jetën e qytetarëve për hallet e tyre.

CV