Rezultatet e zgjedhjeve vendore, 18 shkurt 2007

[Albo]

Elbasani, KQZ s’marrin vendim me shumice te cilesuar

E Merkure, 14 Mars 2007

Komisioni Qendror i Zgjedhjeve nuk ka arritur te marre nje vendim te prere mbi fatin e zgjedhjeve administrative ne Bashkine Elbasan, e cila pritet te shkoje ne Kolegjin Zgjedhor. Kerkesa per pavlefshmeri te votimit ne kete njesi vendore, e paraqitur nga Partia Demokratike, nuk ka arritur te marre mbeshtetjen e shumices se cilesuar te anetareve te komisionit. Votimi 5 me 4 qe perben nje shumice te thjeshte, beri te mundur mbeshtetjen e kerkeses se demokrateve. Kodi Zgjedhor sanksionon qe, per raste te tilla, ne menyre qe kerkesa te vleresohet si e pranuar, duhet te marre shumicen e cilesuar, pra 6 me 3. Por KQZ-ja eshte perfshire ne nje debat, lindur nga kerkesa e perfaqesuesve ligjore te kandidatit socialist ne zgjedhjet lokale per kete njesi. Ata kerkuan qe KQZ-ja te shtynte shqyrtimin e kesaj ceshtjeje, pasi ata kane ngritur nje padi ne Kolegjin Zgjedhor kunder KQZ-se, pasi ajo ka pranuar te shqyrtoje kerkesen e PD-se, megjithese ishte jashte afateve ligjore. Megjithate kjo kerkese nuk u miratua, pas votimit 5 me 4. Nderkohe, KQZ-ja arriti te votoje pavlefshmerine e zgjedhjeve ne nje qender votimi, 2378, ku votimi kishte nisur me mbi 6 ore vonese. Propozimi i komisioneres Deshira Subashi per shpalljes si te pavlefshme te zgjedhjeve ne kete qender votimi, u mbeshtet nga te gjithe anetaret e KQZ-se. Kjo qender perbehet nga mbi 800 votues, ndersa diferenca e votave sipas te dhenave jozyrtare qe kane marre dy kandidatet rivale, ishte ne mbi 300 vota. Nderkohe, KQZ-ja ka debatuar gjate mbi hapjen ose jo te nje kutie votimi, te qendres se votimit 2336. Perfaqesuesit e PS-se ne KQZ, te mbeshtetur nga 4 komisioneret: Subashi, Cato, Kumbaro dhe Shala, kane kerkuar hapjen e kesaj kutie, duke theksuar se duhet te vleresohen materialet qe jane brenda kesaj kutie. Nderkohe, perfaqesuesit e PD-se dhe pese anetaret e tjeter te KQZ-se kane refuzuar hapjen e kutise, pasi ajo sipas tyre ishte e demtuar dhe nuk permbante te gjithe elementet e sigurise. Sipas tyre, ne kete gjendje, ne kete kuti mund te jete bere gjithcka. Gjithsesi, KQZ-ja nuk arriti te jape verdiktin e saj mbi zgjedhjet ne Elbasan. Pas votimit te mbremjes se djeshme ne KQZ, kandidati demokrat pritet te paraqitet perpara Kolegjit Zgjedhor, duke cuar pretendimet e tij per te kerkuar pavlefshmerine e zgjedhjeve ne bashkine e qytetit te Shqiperise se mesme.

Korrieri

[Albo]

KQZ shtyn shqyrtimin e njesise 10: Te degjohen komisioneret

E Enjte, 22 Mars 2007

Komisioni Qendror i Zgjedhjeve nuk ka arritur te shqyrtoje kerkesen ankimore te kandidates se Partise Socialiste per njesine bashkiake numer 10 ne Tirane, Mira Veizi, e cila kerkonte pavlefshmeri ne dy qendra votimi ne kete zone. Shtyrja erdhi si rezultat i kerkeses se nenkryetarit te KQZ-se, Flamur Cato dhe anetares Deshira Subashi. Ata kerkuan qe KQZ-ja te degjoje jo vetem ata komisionere qe perfunduan procesin e numerimit te votave, por edhe ata qe e kishin filluar ate. Kjo kerkese ka gjetur mbeshtetjen e anetareve te tjere te Komisionit, te cilet vendosen shtyrjen e shqyrtimit te kerkeses se kandidates socialiste Veizi, per njesine bashkiake numer 10. KQZ-ja duhet te degjonte ne mbledhjen e djeshme komisioneret e KZQV-se se kesaj zone. Por perpara komisionereve ishin paraqitur vetem ata qe ishin ne fund te procesit. Gje qe nuk u mjaftoi dy anetareve Cato dhe Subashi.

Korrieri

[Albo]

Sejdini, fitues per Bashkine e Elbasanit

E Merkure, 28 Mars 2007

Trupa e institucionit me te larte te animimit ka vendosur pas dy ditesh shqyrtime, qe te rrezoje kerkesen e kandidatit te PD-se, Boci, per pavlefshmeri te zgjedhjeve dhe vendimin e KQZ-se qe zgjedhjet te zhvillohen ne nje qender votimit, duke shpallur fitues kandidatin e opozites. Merr fund maratona e nje debati te pafund pozite-opozite

Valmira DALIPI

Kolegji Zgjedhor shpall fitues per kryetar bashkie te Elbasanit kandidatin e Partise Socialiste, Qazim Sejdini. Ky vendim u mor pas disa seancash maratone te dy diteve te fundit. Ne kete menyre ai ka rrezuar kerkesen e kandidatit te Partise Demokratike, Luciano Boci, per pavlefshmeri te zgjedhjeve. Kolegji shpalli fitues Qazim Sejdinin, me 678 vota me shume se kandidati demokrat Luciano Boci. Gjate seances se djeshme Kolegji vendosi te beje numerimin e kutise me numer 2336, te shpallur si e pavlefshme nga Komisioni Qendror i Zgjedhjeve, por qe me vendimin e djeshem eshte shpallur e vlefshme. Nga numerimi i votave te kesaj kutie, rezultoi se kandidati i PS-se, Qazim Sejdini, kishte marre 174 vota, ndersa kandidati i PD-se, Luciano Boci, 101 vota, duke verifikuar ne kete menyre edhe pretendimin e socialisteve, sipas te cileve edhe ne kete kuti votimi kandidati i tyre ishte fitues i padiskutueshem. Nderkaq, Kolegji ka hedhur poshte vendimin e KQZ-se per rivotim ne qendren 2378, duke gjykuar se nuk do te kishte vlere rivotimi ne kete qender, pasi nuk do te ndikonte ne rezultatin e pergjithshem, i cili fliste qarte ne favor te kandidatit socialist Qazim Sejdini.

Pretendimet e paleve

Qe ne fillim te seances, e cila u zhvillua kater dite me pare ne Kolegj, demokratet kerkuan shpalljen si te pavlefshem te te gjithe procesit zgjedhor ne kete zone vendore. Sipas avokatit te kandidatit te PD-se, Boci, me 18 shkurt ne Elbasan zgjedhjet nuk jane zhvilluar ne nje qender votimi, duke u mohuar voten 800 zgjedhesve. Po ashtu, ai deklaroi se eshte bere nje shkelje, ku nuk eshte dorezuar ne KZQV regjistri i posacem i indeksit te certifikatave ne 18 qendra votimi, dhe ne kete menyre mbi 2800 zgjedhes nuk shprehen te drejten e tyre kushtetuese te votes. Ndersa perfaqesuesi ligjor i PS-se deklaroi se pretendimet e PD-se, pervec asaj te moszhvillimit te votimit ne nje qender, nuk qendrojne. Ai deklaroi se nuk ka asnje element te shkeljeve ligjore te pretenduara. Po ashtu, e djathta kerkoi nga Kolegji qe te shpallet rezultati, pasi numerimi i kutise se fundit nuk duhet, duke qene se eshte e pavlefshme, Nderkohe qe perfaqesuesit e kandidatit te majte, Qazim Sejdinit, kane kerkuar nga Kolegji qe te behet sa me shpejt shpallja e rezultatit te zgjedhjeve per Bashkine e Elbasanit, ku eshte e evidentueshme qe Sejdini eshte fitues.

Rezultatet paraprake te zgjedhjeve

Nga perfundimi i zgjedhjeve ne kete bashki, rezultoi fitues me 534 vota me shume kandidati i se majtes Qazim Sejdini dhe sipas rezultatit paraprak te zgjedhjeve ne kete bashki nga Komisioni Zonal i Qeverisjes Vendore, kandidati i te majtes, Qazim Sejdini, ka marre 15685 vota, kundrejt 15151 te rivalit te tij, Luciano Boci i te djathtes. Ky rezultat tregon se Sejdini ka marre 534 vota me shume ne keto votime, duke e bere ate favorit per postin e kryebashkiakut te Elbasanit, edhe pse ne nje qender votimi nuk u zhvillua ky proces ne 18 shkurt, si dhe per shkak te mosnumerimit te nje kutie votimi, me argumentin e pavlefshmerise.

Korrieri

[Albo]

“S’marr pjese ne short, do vazhdoj procesin edhe nese fitoj”

E Merkure, 28 Mars 2007

Mira Veizi, kandidate e Partise Socialiste, e cila garoi per minibashkine numer 10 ne Tirane, shprehet kundra shortit qe do te caktoje fituesin. Vendim i cili do te merret sot me hedhjen e goglave, short qe u jep mundesi te barabarta te dy kandidateve. Veizi ka deklaruar se, nuk do te pranoje vendimin perfundimtar te KQZ-se, edhe nese shpallet fituese. Ajo gjate nje deklarate per mediat tha se, “nuk pranoj te behem pjese e deformimit te vullnetit te votuesve ne hedhje goglash. Une, ne baze te votave te numeruara, jam fituese me 107 vota para”. Veizi theksoi se nuk do te marre pjese ne shortin e sotem, ku sipas saj nuk u mor parasysh nxjerrja e rezultatit nga vullneti i votuesve, por u konvertua ne hedhje goglash. Kandidatja e PS-se shprehet e bindur ne vendimin e saj, duke thene se per te mos penguar vendimin e Kolegjit Zgjedhor ne mbledhjen e KQZ-se, ajo do te perfaqesohet nga avokatet. Veizi konfirmon se, nese goglat e nxjerrin si fituese, ajo e refuzon kete fitore, duke kerkuar te vazhdojne procesin e nisur ne KQZ per rishikim te kutive te nxjerra te pavlefshme. “Nese goglat me nxjerrin fituese, une nuk do ta pranoj kete lloj fitoreje, por do te vazhdoj me procesin e nisur ne KQZ, per shpalljen te pavlefshme te zgjedhjeve ne njesine nr. 10, ne menyre qe fituesi te percaktohet edhe nje here nga vota e popullit”, deklaroi Veizi. F.B

Korrieri

[Albo]

Zbardhen shpenzimet e socialistëve në fushatë

Zgjedhjet, lista e 24 biznesmenëve që financuan PS-në


Bledar Hoti
Financimet nga donatorët në adresë të socialistëve për fushatën elektorale të 18 shkurtit kapin shifrën e mbi 10 milionë lekëve në total.

Kjo është shifra zyrtare që Partia Socialiste ka paraqitur në KQZ, për mënyrën e përdorimit të fondeve për zgjedhjet e 18 shkurtit. Më shumë se gjysmën e fondit të fushatës elektorale PS-ja e ka hedhur në Tiranë, aty ku kandidat ka qenë kryetari i saj, Edi Rama. Për PS-në kanë kontribuar mbi 24 persona me një shumë mbi 100 mijë lekë, duke bërë publike dhe emrat e financuesve të fushatës elektorale. Numri i individëve që kanë dhuruar në adresë të PS me mbi 100 mijë lekë arrin në 24 persona, ku socialistët kanë bërë publike emrat së bashku me fondet e paraqitura. Kështu 24 donatorë, persona dhe firma të ndryshme, kanë derdhur shumën pranë arkës së PS-së prej 9.034.078 lekësh. Ndër financuesit e PS-së me një vlerë 1 milion lekë mund të përmendim deputetin Sadri Abazi dhe Sabri Stambolliu. Nazmi Kaçaj ka derdhur shumën prej 500 mijë lekësh për fushatën e PS-së, të derdhur në numrin llogarisë në qendër, të Asamblesë Kombëtare. Kurse shuma e personave që kanë dhuruar nën 100 mijë lekë në adresë të arkës së PS-së është 1.265.034 lekë. PS-ja ka pasur fond nga ana e buxhetit të shtetit në një vlerë prej 20.899.675 lekësh. Financimet nga vetë kandidatët dhe kuotat e partisë, sipas relacionit, janë 13.861.524 lekë. Në bazë të deklaratës së paraqitur nga PS-ja pranë KQZ-së mësohet janë 450 milionë lekë të vjetra në total të përdorura për zgjedhjet e 18 shkurtit. Në bazë të tabelës për shpenzimet e kryera nga socialistët llogaritet se 27.683.262 lekë janë shpenzuar për fushatën elektorale të kandidatit të PS-së për Bashkinë e Tiranës. Gjithashtu ky fond është përdorur nga kryesocialisti Edi Rama dhe për përballimin e fushatës dhe në rrethe. Ndërkohë që totali i shpenzimeve në fushatën e 18 shkurtit është 45.073.282 lekë. Diferenca është përdorur në fushatën nëpër rrethe, me një vlerë prej 17.390.020 lekësh. Në fondin për reklama dhe billborde (tabela të mëdha reklamash) janë shpenzuar 17.244.547 lekë. PS-ja ka mbetur pa paguar një shumë prej 705.608 lekësh të reja. “Meqenëse kandidati për kryetar Bashkie i Tiranës është njëkohësisht edhe kryetar i PS-së, evidencat e të ardhurave-shpenzimeve të fushatës elektorale 2007 për Asamblenë Kombëtare përfshijnë dhe ato të kandidatit për kryetar të Bashkisë së Tiranës”, thuhet në relacionin e paraqitur nga PS pranë KQZ-së dhe që mban datën 4 prill të këtij viti. Për takime elektorale socialistët kanë shpenzuar gjithsej 6.325.400 lekë, për flamuj 1.688.000. Kurse pjesa më e madhe e fondit ka shkuar për reklama dhe billborde me një vlerë prej 18.887.797 lekë, ndërsa për marketing janë shpenzuar 4.971.474 lekë dhe për shpenzime telefonike 4.066.475 lekë. “Në tabelat e paraqitura PS-ja nuk ka përfshirë mënyrën e përdorimit të fondit të dhënë nga buxheti i shtetit, me një vlerë 20.899.675 lekë, shumës prej 1.265.034 lekësh dhënë nga simpatizantët të PSSH-së në vlerë më të vogël se 100.000 lekësh, si dhe shumat e dhëna nga vetë kandidati në të gjitha zonat elektorale të vendit dhe kuotat e anëtarësisë”, thuhet në relacionin e paraqitur. Shifrat e dhëna nga PS-ja përmbajnë të dhënat e 25 asambleve në rrethe nga 47 që janë gjithsej.



Financuesit e PS

Sadri Abazi 1.000.000 lekë
Sabri Stambolliu 1.000.000 lekë
Nazmi Kaçaj 500.000 lekë
Mimoza Shehu 2700 euro
Kreshnik Malaj 2000 euro
Arjan Leskaj 7000 euro
Besnik Leskaj 7000 euro
Gjergji Hoxha 6000 euro
Mimoza Shehu 291.483 lekë
Valbona Kola 500.000 lekë
Neritan Gjeodeshi 250.000 lekë
Pilo Kerri 100.000 lekë
Hajrulla Kalo 200.000 lekë
Dashamir Kumbaro 120.000 lekë
Novruz Kullolli 130.000 lekë
Ymer Tosku 1000 paund
Firma Canon 100.000 lekë
Kastriot Hoxha 500.000 lekë
Agim Celibashi 250.000 lekë
Skënder Aminiku 250.000 lekë
Kujtim Aminiku 500.000 lekë



45 milionë
Shifra e shpenzuar nga ana e PS-së është 45.073.282 lekë. Kjo është shuma totale e shpenzuar nga PS-ja në zgjedhjet lokale të 18 shkurtit. Kjo shifër është e paraqitur në Komisionin Qendror të Zgjedhjeve.
20 milionë
Nga fondet e buxhetit të shtetit, PS ka marrë pjesën më të madhe të lekëve. Ajo ka përfituar për fushatën elektorale një shumë prej 20.899.675 lekësh. I gjithë ky fondi i shtetit ka shkuar për fushatën elektorale në Tiranë.
24 donatorë
Janë gjithsej 24 persona që kanë dhuruar mbi 100 mijë lekë në arkën e PS-së, për përballimin e fushatës elektorale në zgjedhjet e 18 shkurtit me një vlerë prej 9 milionë lekësh. Fondi total i dhurimeve arrin në mbi 1 milion lekë të reja.


Në zgjedhjet e 18 shkurtit u zhvilluan sondazhet telefonike
Shpenzimet në Tiranë, telefonat 2.3 milionë lekë

Shpenzimet më të mëdha të fushatës elektorale në Partinë Socialiste janë fokusuar në zhvillimin e sondazheve, në postera dhe telefonat me zgjedhësit. Përpara zhvillimit të zgjedhjeve të 18 shkurtit, një test i zhvilluar nga ana e socialistëve ka qenë marrja në telefon e familjarëve kryesisht në qytetin e Tiranës, për të marrë vesh votën apo prirjet politike. Gjithashtu këtu përfshihen dhe dërgimi i sms-ve për disa numra telefoni, AMC dhe Vodafone. Për këtë arsye shpenzimet telefonike për PS-në gjatë fushatës elektorale përfshijnë mbi 4 milionë lekë të reja. Ndërsa një vëmendje e veçantë i është kushtuar çështjes së marketingut elektoral, duke përfshirë postera, banesa, fletëpalosje me një vlerë prej 4.971.474 lekësh. Kurse reklamat dhe billbordet u kanë kushtuar socialistëve një vlerë prej 18.887.797 lekësh. Flamujt e përdorur në fushatë kapin vlerën e 1.688.000 lekëve. Për takimet elektorale në rrethe për fushatën elektorale të 18 shkurtit, PS-ja ka shpenzuar 6.325.400 lekë. Vetëm për Tiranën reklamat dhe billbordet kapin një vlerë prej 17.244.547 lekësh. Përsa i përket shpenzimeve telefonike për Tiranën, ato kapin një vlerë prej 2.318.639 lekësh, ndërsa takimet elektorale e sociale në kryeqytet kapin vlerën e 1.268.600 lekëve.



Për fushatën e zgjedhjeve vendore ka pasur më pak donatorë se PS-ja, por me më shumë fonde

PD, lista e financuesve të fushatës
Donacionet për PD-në kapin shifrën e mbi 14 milionë lekëve

Edhe pse parti në pushtet, demokratët kanë qenë më të kursyer në përballimin e shpenzimeve në zgjedhjet lokale të 18 shkurtit. Në Partinë Demokratike numri i donatorëve ka qenë më i vogël, por shuma ka qenë më e madhe.

Për zgjedhjet e 18 shkurtit në përballimin e fushatës elektorale PD-ja ka publikuar pranë KQZ-së 19 donatorë, me një shifër totale prej 14.630.365 lekësh. Diferenca ndërmjet PD-së dhe PS-së është rreth 4 milionë lekë. PS ka shpenzuar gjithsej 10.299.112 lekë dhe diferenca me PD-në konkretisht është 4.331.253. Por demokratët kanë shpenzuar më pak se socialistët në krahasim me shifrat totale. PS ka shpenzuar gjithsej 45.060.311, ndërsa PD-ja 34.069.335 lekë. Nga diferenca e shpenzimeve rezulton se socialistët kanë shpenzuar 10.990.976 lekë më shumë se demokratët në zgjedhjet e 18 shkurtit. PD ka përfituar nga ana e buxhetit të shtetit shumën prej 19.438.970 lekësh.

Donatorët e PD-së
Në bazë të letrës së paraqitur në KQZ dhe të firmosur nga financieri i PD-së, Blerim Çela, janë 12 sponsorizues që kanë derdhur në arkën e PD-së nga një shumë prej 1 milion lekësh. Ndërsa në arkën e PD-së ka derdhur për fushatën e 18 shkurtit edhe Lëvizja për Zhvillim Kombëtar, ku shuma kap shifrën e 400 mijë lekëve. Esat Ademi, Vebi Velia, Migena Reçi, Grigor Pasko, Luljeta Hysi, Shpëtim Rama, Xheladin Shtylla, Selaman Harizi, Klejdi Kaso, Trifon Murati dhe ALi Kotorri janë donatorët e mëdhenj të PD-së për zgjedhjet lokale të 18 shkurtit, për të cilët janë bërë publike dhe në shkresën e paraqitur pranë KQZ-së. Ndër shpenzimet e fushatës përfshihet pagesa e punonjësve, e cila kap shifrën e 2.605.000 lekëve. Kurse për flamuj të vegjël dhe të mëdhenj demokratët kanë shpenzuar në total një shifër prej 7.114.150 lekësh. Pjesën më të madhe të fondit të fushatës demokratët e kanë shpenzuar për spotet televizive, me një vlerë prej 8.972.565 lekësh, kurse për postera ka shpenzuar 200 mijë lekë. Këto janë shpenzimet më të mëdha të kryera nga ana e PD-së për fushatën elektorale. Ndërsa janë shpenzuar 52 mijë lekë për kapele dhe bluza për fushatën elektorale. Pjesa tjetër e fondit është përdorur për shpenzimeve operative materiale për zyrën e shtypit, kancelari, shtypshkrime, aparatura fonie, podiume me qira dhe të tjera. Ndërkohë që në shpenzimet e fushatës elektorale PD-ja ka përfshirë dhe fishekzjarrët e përdorur, që kapin një vlerë prej 347.000 lekësh. Shpenzimet në total të përdorura nga ana e PD-së janë 26.431.081 lekë. Demokratët janë treguar më dorë kursyer për këtë fushatë, pasi nuk e kanë shpenzuar të gjithë fondin në total të parashikuar. Prej tij ka mbetur një shumë prej 7.638.254 lekësh të reja.



Financuesit e PD

Esat Ademi 1.000.000
Migena Reçi 1.000.000
Luljeta Hysi 1.000.000
Gracian Shtylla 1.000.000
Grigor Pasko 1.000.000
Admir Sinemati 500.000
Xhemal Hoxha 1.000.000
Uskana SHPK 200.000
Vehbi Velia 1.000.000
Shpëtim Rama 1.000.000
Xheladin Shtylla 1.000.000
Selaman Harizi 1.000.000
Klejdi Kaso 1.000.000
Artur Bejleri 500.000
Florian Xhuti 500.000
Trifon Murati 1.000.000
Ali Kotori 1.000.000
Ali Kalesha 830.000
LZHK 400.000




INSTAT dhe BG&R

Përveç socialistëve, edhe demokratët kanë zhvilluar sondazhe në lidhje me zgjedhjet lokale të 18 shkurtit. Në bazë të të dhënave të paraqitura në KQZ rezulton se PD-ja ka zhvilluar një sondazh paraprak për zgjedhjet, duke angazhuar INSTAT-in, një institucion që është në varësi të shtetit. Për realizimin e këtij sondazhi, PD-ja ka shpenzuar 2.45 milionë lekë. Ndërsa për amerikanët e BG&R, PD-ja ka derdhur një shumë të vogël, e cila kap shifrën e 511.811 lekëve.

Panorama

[TOKE GEGA]

Gjata: Pavlefshmëria e zgjedhjeve nuk ka të bëjë me rezultatin
Intervistoi: Laura Konda
22-04-2007



Zëri i Amerikës: Zoti Gjata, Kolegji Zgjedhor kishte cilësuar si fitues të zgjedhjeve në Elbasan kandidatin socialist. Cila është arsyeja që rikthehet përsëri kjo zonë për t’u votuar përsëri?

Çlirim Gjata: Çështja qëndron se nuk është se ne kemi vendosur kthimin e kësaj zone për votim, apo që kolegji ka vendosur shpalljen e një fituesi. Problemi është shumë më teknik dhe shumë me i thjeshtë se ç’është paraqitur sot. Sepse edhe diskutimet, më shumë u morën me goditjen e aktit nga pikëpamja formale, apo edhe me anëtaret e KQZ-së, se sa me argumentimin porfesional të të kundërtës së asaj që kerkohej në akt. Çështja qëndron në këtë pikë: një qender e bashkisë Elbasan, qender votimi, është shpallur e pavlefshme nga KQZ dhe po kështu, edhe nga Kolegji Zgjedhor. Pika 5 e nenit 17 sanksionon që KQZ urdhëron përsërtijen e zgjedhjeve në të tërë njësinë zgjedhore, në se në një qendër, ose në disa qendra votimi është shpallur pavlefshmëria. Dhe kjo pavlefshmëri ndikon në rezultat. Një gjë e tillë është fakt dhe siç është fakt edhe kjo, që askush nuk ulet të argumentojë të kundërtën e kësaj, se shifrat janë shifraë pra prandaj them se është shumë më teknike dhe shumë më e thjeshtë. Pra, kolegji zgjedhor, faktikisht, ka shpallur rezultatin, pra ka shpallur fituesin, duke numëruar edhe një kuti shtesë. Çështja e pavlefshmërisë është krejt tjetër, pra nuk ka të bëjë me rezultatin, pavlefshmëria lidhet me rezultatin, vetem për arsye afati ankimimi, pra nuk lidhet me rezultatin në vetevete. Rezultati mund të nxirret edhe 20 herë, dhe zgjedhjet persëri janë të pavlefshme. Në rastin konkret, duke qene se një qendër votimi është e pavlefshme, ndikon në rezultat, sepse ka mbi 800 votues dhe diferenca midis kandidateve është rreth 670 vota atëhere kemi nje ndikim. Pika 6 e nenit ështe fare e qartë dhe nuk le vend për interpretime. Atëhere jemi të detyruar të lejojmë përsëritjen. Kolegji zgjedhor ka rrëzuar kërkesën për pavlefshmërinë në të gjithë njësinë, ka pranuar një kërkesë ankimore për shpalljen e një rezultati, por ka lënë në fuqi vendimin e KQZ-së me 9 vota pro për shpalljen e kësaj qendre të pavlefshme.

Zëri i Amerikës: Nga kush është bërë tek ju në KQZ kjo ankesë?

Çlirim Gjata: Nuk ka bërë asnjë njeri ankesë. Ankesë nuk ka bërë askush. Është një detyrim ligjor, që KQZ, pasi kanë përfunduar të gjitha ankimet deri në Kolegj, cakton datën e përsëritjes së zgjedhjeve. Por përpara caktimit të datës, urdhëron përsëritjen. Dhe përsëritja urdhërohet në të gjitha njësitë ku do të rizhvillohen zgjedhjet, në të njëjtën datë. Atëhere në këtë rast, kështu siç shkuan të gjitha, ishte edhe çështja e Elbasanit. Pra, nuk është se dikush bëri ankesë tek neve dhe ne pranuam këtë ankesë. Është detyrim ligjor i KQZ-së të urdhërojë përsëritjen e zgjedhjeve në ato njësi ku nuk janë zhvilluar zgjedhjet, ose në ato njësi ku është shpallur pavlefshëri dhe të gjitha këto në një datë.

Zëri i Amerikës: Zoti Gjata, opozita socialiste e akuzon KQZ-në se po përdoret nga pozita për të manipuliar rezultatin e zgjedhjeve në qytetet e mëdha të vendit. Si do t’iu përgjigjeshit ju, këtyre akuzave?

Çlirim Gjata: Zonja Konda, unë nuk diskutoj mbi akuzat, apo mbi deklaratat e të tjerëve, unë jam teknicien dhe diskutoj vetëm mbi çështjen. Pra, hajde të japin argumente për çështjen në fjalë. Deri tani, është e vërtetë se janë thënë ato që thoni ju, se ka patur akuza, si absurde kriminale, politike, etj etj. Këto nuk janë argumenta. Unë tani dhashë vetëm argumenta ligjore profesionale. Të m’i rrëzojë dikush. Kjo është çështja. Ç’rëndësi ka se kush shan. Gjuha shqipe është e pasur me sharje…

Zëri i Amerikës: Socialistët gjithashtu pretendojnë se votimi pesë me katër është i parregullt në KQZ. Si do ta vlerësonit ju këtë votim?

Çlirim Gjata: Çështja është e tillë: Neni 30 i kodit zgjedhor, pika 6, gërmat A,B,C, janë tre raste, që përcakton se kur votohet dhe kur vendoset me votimim të cilësuar në KQZ, pra minimumi duhen 6 vota. Po kështu, neni 161/3, pika 1, 2, 3, është kopje me nenin 30, siç përmendëm, Dhe këto janë: shpallja e listave shumëemërore për Kuvendin, pra zhvillohen zgjedhjet parlamentare dhe shpallet rezultati i listave shumëemërore. E dyta është, pranimi i kërkesave ankimore. Pra, një kërkesë ankimore që paraqitet në KQZ, duhet të marrë minimumin 6 vota që të quhet e pranuar dhe e treta, kërkesa për pavlefshëmri të zgjedhjeve. Pra, në se dikush bën kërkesë për pavlefshmëri të zgjedhjeve, që të quhet e pranuar, duhet minimumi 6 vota. Këto tre raste janë me votim të cilësuar. Madje, ja vlen të diskutohet, por kur pavlefshmërinë e kërkon KQZ-ja, kryesisht? Nuk thuhet askund që kërkohen 6 vota. Mund të miratohet me votim të thjeshtë. Por, po e lemë këtë pikë. Ndërsa një paragraph më poshtë, në nenin 30, thuhet: të gjitha vendimet e tjera merren me shumicë të thjeshtë. Pra, kur thuhet të gjitha, vetëm këto të treja që përmenda janë me shumicë të cilësuar. Të tjerat janë me shumicë të thjeshtë. Votimi i sotëm ishte një vendim rutinë. Nuk është hera e pare, që KQZ-ja cakton datën për zgjedhjet e përsëritura aty ku nuk janë bërë.

Zëri i Amerikës: Zoti Gjata, si është ecur me reformën zgjedhor. Ka patur mjaft kritika nga zyrtarët ndërkombëtarë dhe vendorë për këtë problem, madje ka patur edhe propozime për ngritjen e një komisioni të përbashkët parlamentar për këtë çështje.

Çlirim Gjata: Sa më shpjet duhet filluar kjo reformë. Deri tani jemi në kuadrin mediatik, me sa kam dëgjuar. Akoma nuk ka diçka konkrete, edhe një here, po nga mediat kam mësuar që deputeti Topi më duket ka diçka konkrete. Është e vërtetë ajo që thoni ju, për krijimin e një komisioni. Do të isha i gatshëm, që të gjithë ne si Komision të jepnim kontributin tonë. E rëndësishme është të fillojë sa më shpjet, të mos lihet për minutin e fundit. Ka shumë gjëra për t’u diskutuar. Shumica politike merret me çështje të sistemit. Unë do të kërkoja, se kryetar i KQZ-së, dhe anëtar i Komisionit, se çlr mua më e rëndësishme është çështja e situatës zgjedhore, sidomos në bazë dhe problemet teknike, sidomos këto të ankimimit. Kemi një kaos në çështjen e ankimimeve, intrepretime nga më të ndryshmet, dhe fakti e tregon, psh, një njësi ka shkuar në pavlefshmëri, pasi është gjykuar dy herë për pavlefshmëri. Ka një pakt botëror, që quhet “regiudicata”, në latinisht, gjë e shkuar, e pra , pikërisht ky system ankimor ta jep këtë përgjegjësi, që ta gjykosh këtë çështje dy here dhe kjo reformë duhet filluar sa më shpejt. Ka shumë probleme që duhen trajtuar.

[Albo]

4 muaj per nje pale zgjedhje

E Marte, 05 Qershor 2007

Pas rreth kater muajsh zgjedhjet per pushtetin lokal kane perfunduar teresisht. Komisioni Qendror i Zgjedhjeve ka bere publike dje rezultatin e zgjedhjeve te pjesshme ne dy komunat Pult dhe Shale, te cilat ishin te fundit ne kete odise te gjate. Sipas burimeve brenda KQZ-se mesohet se pas numerimit te votave, rezultati zgjedhor ne komunen Pult nxori fitues me 568 vota kandidatin e PS-se, Sokol Cubi kundrejt 416 votave te kandidatit te PD-se, Dode Ndue Kali, ose 152 vota me shume. Ndersa ne komunen Shale fitues shpallet kandidati i PD-se Dede Lulash Tonaj me 851 vota kundrejt 306 votave te fituara nga rivali i tij socialist Kole Ndrenika, ose 546 vota me shume. Pjesemarrja e zgjedhesve ne votime ne kete proces zgjedhor ishte rreth 45%. Procesi i pjesshem zgjedhor i zhvilluar diten e diele ne keto dy komuna erdhi pas nje vendimi te marre nga KQZ-ja, e cila per shkak te parregullsive te verejtura ne zgjedhjet vendore te 18 shkurtit, vendosi perseritjen e tyre me 3 qershor.

Korrieri

[Albo]

DEKLARATË PËR SHTYP

[Tiranë, më 08.06.2007]

Në mbledhjen e datës 08.06.2007 me Vendimin nr. 1811, Komisioni Qendror i Zgjedhjeve miratoi shpalljen e rezultateve përfundimtare të Zgjedhjeve për Organet e Qeverisjes Vendore, të zhvilluara më 18 Shkurt 2007. Ky vendim vjen pas përfundimit të votimeve me dt.18.02.2007 si dhe në datat 6 maj ashtu dhe 3 qershor, ku u zhvilluan zgjedhje jo vetëm për arsye të mosvotimit në rreth 8 njësi vendore më 18 shkurt, por edhe si rezultat i shpalljes së pavlefshmërisë pas vendimeve të KQZ-së dhe Kolegjit Zgjedhor, si dhe të gjitha procedurave ankimore si pranë nesh ashtu dhe në Kolegj.



Ky akt, edhe pse formal, shënon dhe përfundimin e procesit të zgjedhjeve për Organet e Pushtetit Vendor. Edhe pse Komisioni gjatë gjithë kësaj kohe jo vetëm punoi me kapacitet e veta maksimale, madje pa e ekzagjeruar edhe përtej këtyre mundësive, procedurat ankimore dhe vendimet për ripërsëritje nuk lanë asnjë hapësirë reale për ta përmbyllur më herët këtë procedurë. Nuk kemi të bëjmë aspak me një justifikim, por me fakte reale ku shifrat flasin vetë.

Më dt. 18 shkurt 2007, datë e dekretuar nga Presidenti i Republikes për zhvillimin e zgjedhjeve për pushtetin vendor, megjithë problematikën e madhe dhe vështirësitë që i paraprinë procesit, që tashmë dihen nga të gjithë, Komisioni arriti t'i organizonte dhe drejtonte zgjedhjet me një rezultat që ndoshta as vetë nuk e kishim menduar në ato kushte. Nga 384 njësi zgjedhjet nuk zhvilluan vetëm në 8 prej tyre. Nga 4752 Qendra Votimi nuk hapën vetëm rreth 70 prej tyre, c`ka përbën një sukses të padiskutueshëm në organizimin e punës nga KQZ.

Rezultatet e përmbledhura

Edhe pse të dhënat përfundimtare janë bërë publike në faqen zyrtare elektronike të KQZ dhe shumë shpejt ato do të botohen dhe në buletinin respektiv po citoj disa prej tyre. Në përfundim të zgjedhjeve për organet e Qeverisjes Vendore të zhvilluara më 18 Shkurt 2007 rezulton se:

Në këto zgjedhje u regjistruan në lista 2.929.293 zgjedhës. Nga ky numër në total, votuan 1.358.186 shtetas ose 46.37%.

U regjistruan 1.076 kandidatë të drejtpërdrejtë të mbështetur nga 42 subjekte politike. Nga këta kandidatë, 33 ishin femra dhe 157 të pavarur.

Rezultuan 43.621 vota të pavlefshme ose 3.21%, ndërsa 1.314.565 vota u konsideruan të vlefshme ose 96.79%.

Në këtë garë elektorale rezultojnë këto të dhëna për subjektet politike për kandidatët e drejtpërdrejtë:

1 - Kandidatët mbështetur nga PD dhe aleatët kanë fituar në: 36 Bashki, 3 njësi Bashkiake dhe 188 komuna. Në total 227 NJQV.

2 - Kandidatët e mbështetuar nga PS dhe aleatët kanë fituar në: 26 Bashki, 8 njësi Bashkiake dhe 92 komuna. Në total 126 NJQV

3 - Kandidatët e mbështetur nga PBDNJ kanë fituar në: 3 Bashki dhe 11 komuna. Në total 14 NJQV

4 – Kandidatët e mbështetur nga LSI kanë fituar në: 3 komuna

5- Kandidatët e Partisë së Ballit Kombëtar Demokrat dhe Partisë Lëvizja e Legalietit kanë fituar respektivisht nga 1 komunë

6- Ndërsa 12 komuna janë fituar nga kandidatë të pavarur.

Si numër i përgjithshëm i votave, për sa i takon kandidatëve të drejtëpërdrejtë, rezultojnë këto të dhëna:

1 – PD dhe aleatët kanë marrë 704.473 vota ose 47.6%

2 – PS dhe aleatët kanë marrë 662,679 vota ose 44.77%

3 – Të Pavarur 59.005 vota ose 3.99 %

4 - PBDNJ ka marrë 33.491 vota ose 2.26 %

5 - LSI ka marrë 6.355 vota ose 0.43 %

Ndërkohë që përsa i takon votave në sistemin proporcional, pra për këshillat bashkiakë apo komunalë rezultojnë këto të dhëna:

1 PS 305,582 ose 23.17 %

2 PD 271,705 ose 20.60 %

3 LSI 121,172 ose9.19 %

4 PR 75,730 ose 5.74 %

5 PDR 66,623 ose 5.05 %

6 PDK 58,484 ose 4.44 %

7 PSD 52,194 ose 3.96 %

8 PBDNJ 49,730 ose 3.77 %

9 PAA 49,016 ose 3.72 %

10 AD 47,686 ose 3.62 %

11 PDS 39,390 ose 2.99 %

12 LZHK 32,032 ose 2.43 %

13 PLL 27,788 ose 2.11 %

14 I Pavarur 25,190 ose 1.91 %

15 BLD 24,427 ose 1.85 %

16 PBK 17,675 ose 1.34 %

17 PDI 15,523 ose 1.18 %

Subjektet e tjera kanë marrë nën 1%, pra në shifra të papërfillshme.

Ndërsa po të vlerësojmë votat e marra në proporcional në shkallë vendi, si koalicione, të djathtë e të majtë, në total për secilin spektër rezultojnë në përqindje:

1. PD së bashku me aleatët e djathtë 51.05%

2. PS së bashku me aleatët e majtë 42.93%

Vetëm në periudhën paszgjedhore, Komisioni shqyrtoi plot 260 kërkesa ankimore, të cilat së bashku me 56 kërkesat parazgjedhore kapin në total shifrën 316. Si rezultat i shqyrtimit të tyre në KQZ apo dhe në Kolegjin Zgjedhor, u vendos ripërsëritja në 12 njësi vendore dhe duke patur parasysh faktin se në 8 NJQV, zgjedhjet nuk ishin zhvilluar fare, u vendos që zgjedhjet në këto 20 njësi të zhvilloheshin në datën 6 maj. Por edhe pas këtij raundi të dytë, si rezultat i kërkesave ankimore u vendos ripërseritja e zgjedhjeve për komunat e Pultit dhe të Shalës, të Qarkut Shkodër në datën 3 qershor. Zgjedhjet në këto komuna u zhvilluan pa asnjë incident dhe rezultati i tyre nuk u ankimua as nga kandidatët apo subjektet respektive. Ky fakt tregon edhe njëherë qartazi se zgjedhjet nuk çalojnë si rezultat i kuadrit ligjor apo masave që ndërmerr Komisioni, por nga shkalla e përgjegjshmërisë dhe e vullnetit të të gjithë aktorëve të tjerë që kanë dorë në procesin zgjedhor.

Vlen të theksohet se, gjatë gjithë kësaj kohe edhe pse i ndodhur para një presioni të madh jo vetëm nga numri shumë i madh i kërkesave ankimore, por dhe nga faktori politik, KQZ veproi me përgjegjshmëri dhe profesinalizëm maksimal, duke marrë vendime strikte konform Kodit Zgjedhor, larg çdo qëndrimi apo interpretimi subjektiv e emocional. Nuk e them këtë thjesht nga një konkluzion personal, por nisur nga të gjitha faktet dhe analizat që vijnë nga faktorë të tjerë. Le të mos harrojmë se, brenda 40 ditëve u shqyrtuan 306 kërkesa ankimore ose thënë ndryshe u shqyrtuan mesatarisht 8 çështje në ditë. Nënvizoj se, problematika nuk qëndron thjesht te numrat, të cilët kanë rëndësinë e tyre në vetvete, por te përgjegjshmëria e lartë dhe analiza e thellë që iu kushtua çdo çështjeje, duke i parë ato deri në elementët më të hollësishëm. Është tashmë e njohur se në shumë raste u krye një hetim administrativ tepër i detajuar, i të gjitha dokumenteve apo materialeve proceduriale. Për më tepër, si rezultat i problematikave, KQZ u detyrua të kryejë edhe detyra e detyrime të pakryera nga komisionet e niveleve të dyta dhe të treta. Ruajtja e një standardi gjykimi u shndërrua në moton tonë kryesore të punës. Fakti se gjatë kohës së shqyrtimeve ne i krijuam dhe i rujatëm këto standarde, në vazhdimësi dhe me korrektësi, na bën të besojmë se arritëm të realizojmë detyrën tonë në prametrat të lartë, nisur dhe nga rrethant e krijuara.

Pa asnjë ekzagjerim, në përfundimin e këtij procesi, vazhdoj të jem i mendimit se kanë qënë zgjedhjet më të vështira, nga pikëpamja administrative, për t'u organizuar dhe administruar në të gjithë historinë e proceseve zgjedhore demokratike në Shqipëri. Megjithatë, ne mundëm t'i organizonim dhe t'i zhvillonim ato, e sot po shpallim, zyrtarisht, rezultatet përfundimtare të tyre.

Nëse një vlerësim i tillë do të konsiderohej si mungesë modestie apo si harresë ndaj defekteve që janë konstatuar, më duhet të theksoj sinqerisht se nuk është aspak kështu. Raporti përfundimtar i Misionit të Vëshgimit të OSBE/ODIHR, i bërë publik tre ditë më parë, ashtu se dhe në raportet paraprake ruan, të njëjtën frymë vlerësimi për punën e mirë të KQZ-së dhe përpjekjet e saj për të realizuar këtë “mision të pamundur”. Duke e përshëndetuar dhe konsideruar si një raport tepër profesional, realist dhe mjaft të detajuar, citoj vetëm disa prej vlerësimeve për KQZ-në nga ky raport, i cili, për koincidencë, u bë publik pothuajse paralelisht me shpalljen e rezultateve përfundimtare. “Marrëveshja e vonuar dhe ndryshimet vijuese në Kod çuan në afate të ngjeshura ligjore, që sollën sfida të mëdha logjistike dhe administrative për Komisionin Qendror të Zgjedhjeve (KQZ). Pavarësisht nga sfidat, KQZ-ja i administroi këto zgjedhje në një shkallë të madhe me profesionalizëm dhe paanshmëri”, thuhet në kapitullin e I të këtij raporti. Gjatë periudhës pas marrëveshjes së 12 janarit, KQZ-ja mbajti mbledhje të shpeshta, mori mbi 1 300 vendime dhe miratoi rreth 10 udhëzime që rregullonin procesin zgjedhor. Në pjesën më të madhe, mbledhjet e KQZ-së u zhvilluan në mënyrë profesionale, kolegjiale dhe transparente. Shumica e cilësuar u rrit nga 5 në 6 prej 9 anëtarëve. Propozimeve të partive iu bë përgjithësisht shqyrtim i drejtë... Në përgjithësi, personeli i drejtorive të ndryshme të KQZ-së i kreu detyrat në mënyrë të paanshme dhe profesionale” Sigurisht që po me të njëjtën frymë përgjegjësie profesionale, Komisioni do të marrë në shqyrtim dhe analizë të detajuar edhe defektet e konstatuar në punën e tij nga raporti i Misionit të Vëzhgimit, për të mundësuar rikuperimin e tyre maksimal, konform të gjitha parametrave ndërkombëtarë.

Do të dëshiroja që në emër të KQZ-së dhe në emrin tim personal, të shpreh vlerësimin maksimal për bashkëpunimin me OSBE/ODIHR, i cili ka qenë tepër frytdhënës e rezultativ, si dhe të falëndroj Misionin e Vëshgimit dhe drejtuesin e tij Z.Grunet, për asistencën e tyre teknike dhe mbështetjen morale që na kanë dhënë. Të dy këto organizma, për fat të keq, mbeten të vetmet pika referimi ku mbeshtetemi, për faktin e thjeshtë se janë të vetmet që marrin në analizë punën tonë në kuadër ligjor, teknik e profesional.

Gjithashtu, gjej rastin të shpreh vlerësimin maksimal, mirënjohjen dhe falenderimet e KQZ-së për :

Presidentin e Republikës për mbështetjen dhënë Komisionit gjatë procesit, Qeverinë e Shqipërisë, në veçanti Kryeministrin, Ministrin e Financave, të Drejtësisë, të Arsimit dhe atë të Mbrojtjes, të cilët plotësuan në kohë dhe pa asnjë pengesë të gjitha kërkesat e KQZ-së. Një falenderim të posaçëm për bashkëpunimin dhe ndihmën e dhënë i takon Ministrisë së Brendshme, si për sektorin që mbulon pushtetin vendor dhe gjendjen civile ashtu edhe për sektorin që mbulon Policinë e Shtetit, e cila në veçanti luajti një rol tepër profesional dhe ligjor gjatë procesit. Gjithashtu, nuk mund të harrojmë Shtabin e Përgjithshëm të Ushtrisë Shqiptare, pa bashkëpunimin në nivel tepër të lartë me të cilin, ndoshta, nuk do t'ia kishim dalë dot. Një falënderim tjetër i veçantë u shkon Prefektëve, n/prefekteve dhe asaj pjese të pushtetit vendor, të cilët bashkëpunuan dhe kontribuan në mbështetje të punës sonë organizuese. Po ashtu, falënderojmë Postën Shqiptare për gadishmërinë e treguar në shpërndarjen e bazës materiale parazgjedhore si dhe Korporatën Energjitike për zbatimin me korrektësi maksimale të marrëveshjes midis dy instititucioneve. Falënderojmë vëzhguesit vendore dhe të huaj për kontributin e tyre në këtë proces me qëndrimet e paanshme dhe profesionale në misionin e vëzhgimit. Falënderojmë organizatat që veprojnë në Shqipëri si Prezencën e OSBE-së dhe USAID, Ambasadat e akredituara në Tiranë si, Ambasadën e Shteteve të Bashkuara, Përfaqësinë e KE, Bashkimit Europian, Ambasadën Gjermane dhe Ambasadat e Përfaqësitë e tjera për ndihmat dhe kontributin e dhënë deri edhe me vëzhgues në zgjedhje.

Një falënderim shumë i veçantë i takon dhe mediave, si elektronike ashtu dhe të shkruara, të gjithë gazetarëve që kanë ndjekur nga afër të gjitha zhvillimet në KQZ e jashtë saj për gadishmërinë maksimale të treguar si dhe për profesionalizmin dhe objektivitetin, duke informuar me korrektësi dhe jashtë çdo skupi mediatik publikun e gjerë.

Një falënderim të veçantë KQZ u drejton votuesve shqiptarë, të cilët me qëndrimin, qetësinë, durimin, që treguan ditën e votimit dhanë kontributin më të madh për mbarëvajtjen e procesit. Ishte ky qëndrim që, në fund të fundit, i vuri vulën rregullshmërisë së zgjedhjeve.

Gjithashtu një falënderim për vetë Komisionin Qendror të Zgjedhjeve, anëtarët, stafin e përhershëm, stafin e përkohshëm dhe inspektorët rajonalë, trajnuesit dhe ndihmësit tanë, të cilët vërtet kryen detyrën e tyre, por e kryen atë me profesionalizëm dhe përkushtim. Janë të gjitha këto kontribute së bashku që ndikuan si pjesë të një pazelli në ndërtimin dhe realizimin me sukses të procesit.

Në përfundim të kësaj deklarate do të dëshiroja të ndalesha edhe në një element tjetër po kaq të rëndësishëm në lidhje me aspektin zgjedhor në Shqipëri, e pikërisht atë të reformës zgjedhore. KQZ përshëndet ngritjen e komisionit parlamentar për reformën zgjedhore dhe vlerëson reagimin e shpejtë për këtë pikë kaq delikate në sistemin tonë demokratik. Jemi të bindur se anëtarët e nderuar të këtij komisioni do të bëjnë përpjekje maksimale për të krijuar një Kod Zgjedhor sa më të plotë, konform të gjitha standardeve të njohura ndërkombëtare. Shpreh besimin se rekomandimet më të fundit të Misionit të Vëzhgimit, por dhe të organizmave të tjerë do të merren seriozisht në konsideratë prej tij. Gjithashtu, i garantoj anëtarët e komisionit parlamentar se, KQZ mbetet e gatshme dhe e hapur për bashkëpunim dhe shkëmbim mendimesh në nivel teknik. Është domosdoshmëri jo vetëm për punën e institucionit tonë, por dhe për të ardhmen euro-atlantike të vendit krijimi i një kuadri ligjor sa më të plotë, bashkëkohor dhe diakronik. Organizimi dhe zhvillimi i zgjedhjeve konform të gjitha standardeve ndërkombëtare mbetet një sfidë për të gjithë si dhe një nga kushtet kryesore për integrimin europian të vendit, sepse nuk ka më kohë për “shanse të humbura”.

Me konsideratë,

Çlrim GJATA
Kryetar
Komisioni Qendor i Zgjedhjeve