Rezultatet e zgjedhjeve vendore, 18 shkurt 2007

[Albo]

Nano, Ruçi, Islami, Bufi kanë humbur bashki në jug

PS, drejtuesit historikë humbin në bastionet e tyre

Bastionet e drejtuesve historikë të Partisë Socialiste kanë ndërruar ngjyrë. Saranda, Delvina, Tepelena, Memaliaj, Patosi, Gramshi, Ballshi dhe komunat e tyre nga rozë tashmë janë blu dhe që nesër do të drejtohen nga kandidatët fitues të Partisë Demokratike.

Ish-kryetari socialist, Fatos Nano, ka humbur në zonën e tij elektorale gjithçka. Në garën për Bashkinë e Sarandës, në avantazh vazhdon të jetë kandidati demokrat Edmond Gjoka përballë atij socialist Hysen Hysi. Burime nga selia rozë pohojnë se kandidatura e Hysit ishte më e gjetura nga ana e socialistëve. Hysi garantonte fitoren, por rezultatet e ditës së diel hodhën poshtë këtë parashikim. Hysi u mbështet edhe nga ish-kryetari socialist, Nano, i cili ishte aktiv gjatë fushatës elektorale të kandidatit socialist. Gjithashtu kryesocialisti ka humbur dhe Bashkinë e Delvinës. Por ish-numri një socialist ka humbur edhe komunën e Ksamilit dhe Bashkinë e Konispolit, por dhe komunat Margat dhe Nivicë, duke kthyer tërësisht raportet politike në qytetin, por dhe rrethin e Sarandës. Por nëse në Sarandë bashkia nuk ndryshoi duar, vazhdon të qeveriset nga e djathta, në Tepelenë, ku deputet është ish-sekretari i Përgjithshëm socialist, Gramoz Ruçi, situata është edhe më e rëndë. Tepelena, nga 2 bashki dhe 8 komuna, ka humbur të dyja bashkitë dhe ka fituar 2 nga 8 komunat. Në Tepelenë, PS-ja ka humbur bashkinë dhe gjashtë komuna, por edhe Bashkinë e Memaliajt. Por humbje në bastione socialiste ka pësuar dhe zona e Patosit dhe komunat përreth, nga ka dalë deputet Ylli Bufi. Lufta e brendshme mes të majtës, ku kandidonte Bardhi Meli i opozitës së bashkuar dhe Pajtim Isufi, si kandidat i pavarur i mbështetur edhe nga deputeti Bufi, ka nxjerrë fitues Melin, por njëkohësisht ka fuqizuar me disa vota më shumë edhe kandidatin e PD-së. Por mësohet se dhe komunat përreth Patosit janë humbur nga Partia Socialiste, e cila mund të ketë ardhur dhe si reflektim i luftës së brendshme brenda së majtës. Socialistët kanë humbur edhe Bashkinë e Ballshit, ku është deputet një nga protagonistët e kongresit reformues të PS-së së vitit ’91, Kastriot Islami. Islami ishte një nga deputetët që ka refuzuar marrëveshjen PS-LSI për ndarjen e zonave dhe ka mbështetur kandidatin e pavarur në Patos Pajtim Isufi. Nga një zonë bastion i së majtës, Mallakastra rrezikon tani të prishë ekuilibrat politike. Votimi i së dielës i riktheu Bashkinë e Korçës Partisë Socialiste me fitoren e Niko Peleshit dhe duket se Korça po rikthehet me deputetë të konsoliduar. Por socialistët kanë humbur shumë terren elektoral edhe në disa zona të sigurta të majta. E majta e bashkuar ka humbur Bashkinë e Përmetit, por dhe atë të Këlcyrës, për të cilat kandiduan kandidatët e PSD-së dhe PAD-së në bazë të marrëveshjes së partive opozitare. Si edhe në 3 korrik 2005, harta elektorale për zgjedhjet e pushtetit vendor do të ndryshojë ngjyrë, duke shtuar njësi vendore me ngjyrë blu edhe në jug të vendit, atje ku drejtuesit e PS-së në zgjedhjet parlamentare gjenin garancinë e fitores.



Zonat e humbura

Bashkite

Sarandë,
Tepelenë,
Delvinë,
Patos,
Ballsh,
Përmet,
Këlcyrë,
Memaliaj,
Konispol



Panorama

[Albo]

Librazhdi voton majtas

LIBRAZHD – Qyteti i dytë më i madh në Qarkun e Elbasanit ka nxjerrë fitues dje kandidatin socialist të propozuar për zgjedhjet e 18 shkurtit. Shumica e votuesve, (numri i të cilëve ka qenë 57 për qind për Librazhdin) ka caktuar si kryetar të bashkisë Kastriot Begajn. Ai ka mundur të fitojë kundrejt kandidatit të zgjedhur nga Partia Demokratike, Astrit Manalla. Fitorja e kandidatit Begaj ka realizuar një rotacion të forcës politike që do të udhëheqë Librazhdin. Mandati i shkuar i kryebashkiakut i ka takuar përfaqësuesit të Partisë Demokratike. Në Librazhd numërimi i votave ka përfunduar tashmë dhe është bërë shpallja e fituesit nga KZQV-ja e qytetit.

Gramsh, surpriza e PD
GRAMSH – Surprizë ka qenë fitorja e Bashkisë së Gramshit nga ana e kandidatit të djathtë. Kastriot Zëre, i kandiduar nga koalicioni i djathtë kundrejt kandidatit të majtë, Dritan Bici ka mundur t’ia kthejë bashkinë PD-së pas 16 vitesh në këtë qytet, i drejtuar gjithmonë nga socialistët. Zëre ka arritur të shpallet kryetar bashkie me një numër prej 150 votash më shumë se kandidati i majtë. Procesi i votimit, por dhe ai i numërimit në këtë zonë është zhvilluar pa asnjë incident. Që nga fillimi i zgjedhjeve demokratike, qyteti i Gramshit ka qenë bastion i socialistëve dhe vetëm në 2007 u fitua nga e djathta. Pjesëmarrja në këtë qytet ka qenë 56 për qind%.



SARANDE/ Fiton PD edhe në Delvinë, Konispol, Ksamil e Lukovë
Edmond Gjoka nuk heq shiritin e kryebashkiakut, mundet Hysi i PS

SARANDE - Fitore të ndjeshme të Partisë Demokratike në Sarandë, Delvinë, Konispol dhe komunat Markat, Ksamil, Lukovë. Konkretisht, rezultatet e votimeve kanë nxjerrë fitues në Bashkinë e qytetit të Sarandës për herë të dytë Edmond Gjokën, me 5 084 vota kundrejt 4 328 të marra nga socialisti Hysen Hysi. Në Delvinë kryebashkiakun Dhurim Alinani, në atë të Konispolit Petrit Mullain, në Ksamil kryetarin e mandatit të kaluar Vesel Koçinë dhe në Lukovë Vladimir Kumin. Deri në mesditën e djeshme, të majtët kishin fituar vetëm në komunën e Xarrës, ku Dhimo Kote ka rimarrë mandatin. Mbyllja e qendrave të votimit, në Sarandë është bërë në përgjithësi në orën 18:00, përveç një qendre në lagjen nr.4 “Kodër , e cila vazhdoi deri në orën 20:30 pasi kishte ende votues në radhë. Kjo bëri që të shtyhej edhe fillimi i numërimit të votave, duke startuar në orën 24:00. Numërimi ka vijuar deri në orën 09:00 të mëngjesit, por lodhja i ka shtyrë numëruesit dhe vetë KZQV–në e Sarandës të shkëpusin punën për rreth 4 orë duke rifilluar në orën 13:00. Procesi i numërimit ka qenë i rregullt dhe pa asnjë mosmarrëveshje. Katër grupet e numërimit të votave ishin akomoduar në palestrën e shkollës së mesme “Hoteleri-Turizëm”, duke arritur që në mbrëmje të numëronin 24 qendrat e votimit dhe të shpallnin fituesin. Interesante është rënia e socialistëve në Bashkinë e Konispolit, bastion i tyre prej 16 vjetësh, ku ka fituar Petrit Mullai. sh.d

Panorama

[Humdinger]

Rama fitore absolute

Data e Publikimit: 20/02/2007

Autori i Lajmit:
Mo.Ro.

Tiranë
- Edi Rama konfirmohet përfundimisht si fituesi i garës për kreun e bashkisë së kryeqytetit. Rezultatet zyrtare të njësive bashkiake që kanë përfunduar dje numërimin e votave kanë treguar për një diferencë prej mëse 20 mijë votash nga kandidati përballë tij në këtë garë, Sokol Olldashi. Pavarsisht problemeve që shoqërun procesin e numërimit në disa prej këtyre njësive, rezultati ka marrë formën e tij përfundimtare. Nga numërimi i votave në të 11 njësitë bashkiake në kryeqytet kandidati i majtë, Edi Rama rezulton favorit ndaj kandidatit të djathtë, Sokol Olldashi në 9 njësi. Më saktë, në njërën prej njësive, pikërisht atë të Laprakës me numër 11 ka kontestime për një qendër votimi. Ndërsa në njësinë numër 8 diferenca e votave mes dy kandidatëve ka qenë shumë e ngushtë. Të paktën deri në kohën kur nga 408 qendra votimi që janë gjithsej në Tiranë kishte përfunduar numërimi për 335 prej tyre, Rama ishte në avantazh me 79 766 vota kurse Olldashi me 63 390 vota. Diferenca mes tyre ishte 16 376 vota. Ndërsa numërimi në qendrat e tjera që ka vazhduar në orët e pasdites ka thelluar diferencën mes kandidatëve.

Thellohet diferenca

Në njësinë bashkiake numër 1 ku ka përfunduar numërimi për të gjitha qendrat e votimit, rezultati ka qenë 55.8 me 44.52% në favor të Edi Ramës, ose në numër votash 7100 me 5790 për Olldashin. Një njësinë bashkiake numër 2 ky rezultat ka qenë 56,23 me 43.77%, ose 13216 vota me 10288, sërish në favor të kandidatit të majtë. Në njësinë 3, deri në numërimit e më pak se gjysmës së kutive rezultati ka qenë 4781 vota për Ramën kundrejt 3265 për Olldashin, ose 59.31% me 40.67%. Në vijim, për njësinë bashkiake numër 4, numri i votave ka qenë 8277 vota me 6119 vota për Olldashin dhe në përqindje, respektivisht 57.03 me 42. 97%. Për njësinë bashkiake 5 ku ka vazhduar numërimi në orët e vona, përqindja ka qenë dukshëm në favor të Ramës, 65.52% me 34.48%, ose 12691 me 6287 vota. Në njësinë bashkiake numër 6 në Kombinat, kandidati i të majtës së bashkuar ka arritur në përqindjen e 57.73%, ndërsa numri i votave ka qenë 7901 vota për Ramën dhe 5753 për Olldashin. Njësia bashkiake numër 7 me një rezultat paraprak, Rama është fitues me një diferencë prej 565 votash, ose në një përqindje prej 53.35% krahasuar me 46.64% të Olldashit. Kur ka patur edhe një numër të konsiderueshëm qendrash për të numëruar, votat kanë qenë 4496 me 3931 vota në favor të kandidatit të majtë.

Rezultate për katër njësi

Njësia bashkiake numër 8 ka përfunduar numërimin e votave me një rezultat prej 51.55 me 48.44% në favor të Olldashit. Pas numërimit të 29 qendrave të votimit, Olldashi ka numëruar 6182 vota krahasuar me 5810 vota të Ramës, një diferencë kjo shumë e ngushtë dhe më e ngushta që ka patur ndonjëherë në zgjedhjet gjatë periudhës së pluralizmit. Një tjetër njësi që ka përfunduar numërimin është njësia bashkiake numër 9, në të cilën ka rezultuar fitues kandidati i opozitës së bashkuar për bashkinë e Tiranës, Edi Rama me një përqindje 53.38, krahasuar me 46,62% që ka qenë rezultati i Olldashit. Me numër votash diferenca mes tyre ka qenë 1126 vota sepse Rama ka patur 8898 vota ndërsa Olldashi 7772 vota. Njësia bashkiake nr.10 ku gjithashtu ka përfundur numërimi i votave ka nxjerrë në avantazh Edi Ramën me 5195 vota krahasuar me 4107 vota të Olldashit, ose 55.82 me 44.17% dhe me një diferencë prej 1085 vota larg nga njëri- tjetri, në favor të kandidatit të së majtës. Njësia bashkiake e Laprakës ka rezultuar me një përqindje prej 50.58 me 49.42% në favor të Olldashit. Megjithatë rezultati i dy njësive bashkiake nuk mund të përmbysë rezultatin e nxjerrë deri më tani nga njësitë ku ka përfunduar numërimi dhe në të tjera ku priten të lexohen akoma vota.

Shtatë deputetë të Partisë Demokratike humbin zonat e tyre në Tiranë. Duke nisur nga deputeti që priu fushatën e Olldashit, Bamir Topi dhe me rradhë Nishani, Bregu, Karapici. Mes humbësve edhe ministri më qesharak, Lule Basha

Tiranë
- Partia Socialiste është forca e parë politike e renditur në këto zgjedhje të pushtetit vendor, në maxhoritar. Ajo ka shënuar një rezultat të lartë në gjithë njësitë bashkiake të Tiranës, cka ka rikonfirmuar forcën e kësaj partie dhe të majtës së bashkuar në kryeqytet. Këto zgjedhje të pushtetit vendor, përmbysën rezultatin e zgjedhjeve të 3 Korrikut, të cilat u panë si fitore për Partinë Demokratike, duke u bazuar në numrin e deputetëve që u mandatuan nga kjo parti në zgjedhjet parlamentare. Por zgjedhjet e 18 Shkurtit treguan krejt të kundërtën e asaj që u interpretua. Partia Socialiste vazhdon të jetë forca e parë në Tiranë. Kjo është dukur që në rezultatet paraprake të zgjedhjeve dhe është konfirmuar me zyrtarizimin e shifrave edhe nga ana e KQZ.

Humb Bamir Topi

Fitorja e kandidatit të opozitës së bashkuar në bashkinë e Tiranës, Edi Rama nuk ka qenë vetëm një fitore e thellë për të majtën, por edhe një humbje për deputetët që kanë marrë mandatin në këto zona. Duke filluar nga njësia bashkiake numër 9, që korrespondon me zonën që ka votuar për Bamir Topin, nënkryetarin e Partisë Demokratike dhe njëherësh ai që drejtoi fushatën e Olldashit në Tiranë. Shifrat kanë treguar për një fitore të thellë të Edi Ramës në këtë zonë, me një diferencë të theksuar nga kandidati përballë tij. Cka do të thotë se elektorati i Topit ka votuar për kandidatin e opozitës së bashkuar dhe njëherësh kryetarin e bashkisë së Tiranës. Në njësinë bashkiake numër 9 rezultatet kanë qenë dukshëm të ndara mes dy kandidatëve. Për Edi Ramën ka patur një numër votash deri në 8898, ndërsa kandidati tjetër ka patur një numër prej 7772 votash. Diferenca mes tyre është me 1126 vota më tepër në favor të kandidatit të së majtës. Po kështu edhe për zona të tjera, që në zgjedhjet e 3 korrikut 2005 kanë mandatuar një deputet demokrat dhe që në këto zgjedhje të pushtetit vendor kanë votuar bindshëm për kandidatin e të majtës, Edi Rama.

Humb edhe ministri më qesharak i qeverisë

Në rradhën e të humburve në këto zgjedhje të pushtetit vendor rradhitet gjithashtu edhe Lule Basha. Tashmë ai nuk është më vetëm ministri më qesharak i qeverisë Berisha, por edhe deputeti që sapo ka humbur zonën që i dha mandatin në zgjedhjet e 3 Korrikut 2005. Njësia bashkiake 7 që i korrespondon zonës ku Lule Basha është deputet ka votuar me rezultat të dukshëm në favor të kandidatit të opozitës, Edi Rama. Në këtë zonë numri i votave në favor të Ramës ka qenë 4496, kur kishte akoma qendra votimi të panumëruara, ndërsa për Olldashin rreth 3931 vota, ose me një diferencë prej 56 votash nga njëri tjetri. Pikërisht ata që votuan për ministrin qesharak, të djelën kanë vendosur të zgjedhin si alternativën më të mirë Ramën dhe jo atë që ofruan demokratët për bashkinë e Tiranës. Kjo është një humbje tjetër për ministrin që nuk ka bërë një figurë aspak të mirë që nga ulja në postin drejtues. Dhe kjo është dukur edhe nga rezultatet e punës, të cilat nuk kanë qenë më lart se zero, duke përfshirë këtu edhe paradat dhe shfaqjet e Bashës nëpër rrugë që nuk filluan asnjëherë të shtroheshin ose që vazhdojnë të jenë në të njëjtën situatë edhe pas inagurimit nga ministri. Vota në favor në Edi Ramës është votë kundër deputetit të zonës, i cili nuk nguroi të shkonte në fushatë me Olldashin, për t'u premtuar këtyre banorëve të njëjtin projekt që u kishte premtuar atëherë kur bënte fushatën e tij elektorale dhe deri më tani nuk është bërë asgjë.

Humbin Pango, Nishani, Bregu e Karapici

Tirana ka votuar për Edi Ramën në shumicën e saj, duke shënuar kështu humbjen më të madhe për Partinë Demokratike dhe gjashtë deputetë të saj. Fitorja e thellë e kandidatit të të majtës së bashkuar për bashkinë e Tiranës, ka cuar në një humbje po kaq të thellë të deputetëve demokratë që fituan mandatin e tyre në njësitë që kanë votuar në këto zgjedhje për Edi Ramën. E tillë është njësia bashkiake numër 1 në Tiranë që ka nxjerrë një rezultat të theksuar në favor të Ramës, e megjithatë në zgjedhjet e 2005 aty doli fitues një deputet demokrat, Spartak Ngjela. Në këtë zonë Rama ka marrë 7100 vota, kurse Olldashi 5790 me një diferencë prej 1310 votash. Me rradhë edhe njësi të tjera, si njësia 2 që votoi për deputet Ylli Pangon, ndërsa tani ka dhënë në shumicë votat për kandidatin e së majtës për bashkinë e Tiranës. Humbje ka pësuar gjithashtu edhe deputeti tjetër demokrat në Tiranë, Gëzim Karapici, në zonën e të cilit, që i korrespondon njësia 10 në kryeqytet ka votuar bindshëm për Edi Ramën. Për Ramën kanë votuar 5195 ndërsa për Olldashin 4110 votues me diferencë 1085 vota. Fitorja e të majtës së bashkuar në kryeqytet ka shënuar edhe humbjen e të paktën tre deputetëve të Tiranës, nga grupi i Partisë Demokratike. Ndër deputetët e humbur në këto zgjedhje për bashkinë e Tiranës nuk ka se si të mos jetë edhe Bujar Nishani, i cili mori një mandat në zonën e Kombinatit. Por njësia bashkiake numër 6 në këto zgjedhje ka votuar në një rezultat shumë të lartë për të majtën të drejtuar nga Edi Rama. Ai ka marrë 7901 vota nga 5753 të Olldashit kur akoma kishte kuti për të numëruar, me një diferencë prej 2148 votash. Edhe vetë zëdhënësja e fushatës për Partinë Demokratike, Majlinda Bregu ka humbur zonën e saj elektorale në këto zgjedhje. Njësia bashkiake numër 11 që i korrespondon zonës së Laprakës ka nxjerrë fitues kandidatin e opozitës për bashkinë e Tiranës, Edi Ramën. Rezultati në këtë njësi është shumë i ngushtë, ndërkohë që një prej rezultateve nga qendra e votimit është i kontestuar.

Ngushtohet rezultati tek Mustafaj

Rezultatet në Tiranë kanë patur shumë të papritura dhe për zona të konsideruara si bastione të Partisë Demokratike. Në njësinë bashkiake numër 8 ndonëse rezultati ka qenë në favor të kandidatit demokrat, në fakt vihet re një ngushtim shumë i thellë i rezultatit. Duke e krahasuar edhe me rezultatin e zgjedhjeve të 3 Korrikut 2005, kjo mund të thuhet pa asnjë lloj dyshimi. Për të parën herë në zgjedhjet e zhvilluara në Tiranë, ndodh që në njësinë bashkiake numër 8, apo në zonën e deputetit Besnik Mustafaj të ketë të tilla shifra të ngushta përsa i përket kandidatëve përballë njëri- tjetrit, atij demokrat dhe atij socialist. Kandidati i të majtës për bashkinë e Tiranës ka marrë 5810 vota në këtë zonë, ndërkohë që kandidati përballë tij, Sokol Olldashi ka marrë 6182 vota. Ndërsa diferenca mes tyre arrin në 372 vota. Një diferencë e tillë nuk ishte hasur në zgjedhjet më të fundit të zhvilluara. Por mesa duket nga njëra zgjedhje në tjetrën edhe në ato zona ku Partia Socialiste nuk fiton bindshëm, rezultati ngushtohet gjithmonë e më tepër.

[Albo]

Rezultatet sipas partive per bashkite

Bashkia Sarande PD
Bashkia Delvine PD
Bashkia Durres PD
Bashkia Kavaje PD
Bashkia Has PD
Bashkia Tropoje PD
Bashkia Peshkopi PD
Bashkia Fushe-Arrez PDK
Bashkia Malesi e Madhe PD
Bashkia Koplik PD
Bashkia Tepelene PD
Bashkia Permet PD
Bashkia Leskovik PD
Bashkia Patos PD
Bashkia Kelcyre PD
Bashkia Ballsh PD*
Bashkia Perrenjas PD
Bashkia Peqin PD
Bashkia Gramsh PD
Bashkia Memaliaj PD
Bashkia Orikum PD
Bashkia Delvine PD
Bashkia Rreshen PDK
Bashkia Libohove PDK
Bashkia Vau-Dejes PDK


Bashkia Tirane PS
Bashkia Korce PS
Bashkia Elbasan PS
Bashkia Vlore PS
Bashkia Gjirokaster PS
Bashkia Lezhe LSI
Bashkia Berat PS
Bashkia Durres PS*
Bashkia Lushnje LSI
Bashkia Divjake PS
Bashkia Ballsh PS
Bashkia e Ures Vajgurore PS*
Bashkia Kuqove PS
Bashkia Corovode LSI
Bashkia Fier PS
Bashkia Puke PS
Bashkia Pogradec PS
Bashkia Rrogozhine PS
Bashkia Cerriku PS
Bashkia Belsh PS
Bashkia Peqin PS
Bashkia Librazhd PS
Bashkia Rroskovec PS
Bashkia Prrenjas PS
Bashkia Maliq PS
Bashkia Erseke PS
Bashkia Maminas PS
Bashkia Shijak PS




Komunat qe jane fituar ose ne avantazh PD

Komuna Kajan
Komuna Bradashesh
Komuna Shales
Komuna Funare
Komuna Klos
Komuna Labinot-Mal
Komuna Labinot-Fushe
Komuna Gostime
Komuna Mollas
Komuna Fierze
Komuna Tregan
Komuna Odrie
Komuna Cepo
Komuna Lungjeri
Komuna Lazarat
Komuna Pogon
Komuna Dropull siperm
Komuna Dropull Poshtem
Komuna Lukove
Komuna Ruzhdie
Komuna Strum
Komuna Kuman
Komuna Kurjon
Komuna Cakran
Komuna Levan
Komuna Mbrostar
Komuna Zharre
Komuna Dermenas
Komuna Sevasteri
Komuna Vllahine
Komuna Armen
Komuna Brataj
Komuna Orikum
Komuna Novosel
Komuna Dukat
Komuna Shushice
Komuna Cukallat
Komuna Lumas
Komuna Dishnice
Komuna Petran
Komuna Ballaban
Komuna Qender
Komuna Fratar
Komuna Remas
Komuna Kolonje
Komuna Krutje
Komuna Skrapar
Komuna Cepan
Komuna Zhebe
Komuna Gjerber
Komuna Stebleve
Komuna Qender
Komuna Polis
Komuna Hotolisht
Komuna Stravaj
Komuna Pojove
Komuna Perparim
Komuna Gjocaj
Komuna Melan
Komuna Muhur
Komuna Kastriot
Komuna Sllove
Komuna Rec
Komuna Zall- Dardhe
Komuna Luzni
Komuna Selishta
Komuna Kalaja e Dodes
Komuna Maqellare
Komuna Gjorice
Komuna Zerqare
Komuna Komsi
Komuna Sllove
Komuna Bajza
Komuna Gruemire
Komuna Vergo
Komuna Finiq
Komuna Mesopotam
Komunat ne Kolonje
Komuna Clirim
Komuna Mollas
Komuna Barmash
Komuna Buz
Komuna Kras
Komuna Kurvelesh
Komuna Fshat Memaliaj
Komunat ne Korce
Komuna Bulgarec
Komuna Pirg
Komuna Voskopoje
Komuna Drenove
Komuna Proger
Komuna Gore
Komuna Mollaj
Komuna Proptisht
Komuna Cerave
Komuna Hudenisht
Komuna Dardhas


Komunat, rezultatet fituese sipas PS

Komuna Venderreshe
Komuna Kurjan,
Komuna Portez
Komuna Levan
Komuna Hajmel
Komuna Postribe
Komuna Shllak
Komuna Pal
Komuna Gjinar
Komuna Ballagat
Komuna Bubullime,
Komuna Fier-Shegan
Komuna Gradishte,
Komuna Greshice LSI
Komuna Mallakaster LSI

Komunat rezultatet fituese sipas PDK

Komuna Fierze
Komuna Qaf-Mali
Komuna Katund i Ri
Komuna Ulez
Komuna Lekbibaj
Komuna Orosh
Komuna Kthelle
Komuna Shengjergj
Komuna Dajc
Komuna Fan

Komunat rezultatet fituese sipas PLL

Komuna Muhurr
Komuna Bushtrice
Komuna Selite
Komuna Cukalat


Korrieri

[Albo]

Zëdhënësja e PD-së, Majlinda Bregu, komenton rezultatet zgjedhore

PD: Kemi thelluar fitoren në rang kombëtar

"Në zgjedhjet vendore të vitit 2007-të, koalicioni qeverisës thellon mazhoritarin e tij dhe rezulton të jetë fitues në 10 nga 12 qarqe dhe konkretisht në Vlorë, Gjirokastër, Korçë, Elbasan, Tiranë, Durrës, Lezhë, Dibër dhe në Kukës"

Zëdhënësja e fushatës elektorale të Partisë Demokratike, Majlinda Bregu, deklaroi gjatë një konference për shtyp se, "në zgjedhjet vendore, mazhoranca ka zgjeruar hartën e saj, elektorale dhe ka thelluar fitoren në rang kombëtar".

Sipas znj. Bregu, "në zgjedhjet vendore të vitit 2007-të, koalicioni qeverisës thellon mazhoritarin e tij dhe rezulton të jetë fitues në 10 nga 12 qarqe dhe konkretisht në Vlorë, Gjirokastër, Korçë, Elbasan, Tiranë, Durrës, Lezhë, Dibër dhe në Kukës".

Znj. Bregu theksoi se, “deri tani në diskutim është qarku i Fierit, ndërkohë që nuk kemi rezultatet e pritura në qarkun e Beratit". Ajo theksoi se, "në rrafsh elektoral koalicioni qeverisës ka thelluar më tej rezultatet e 3 korrikut, duke qenë më shumë mazhoritar sot sesa në zgjedhjet e 3 korrikut".

Duke bërë të ditura disa nga rezultatet paraprake, znj. Bregu theksoi se, "në qarkun Vlorë, nga 26 njësi vendore koalicioni ‘Aleanca e Madhe’ ka fituar 19 prej tyre (5 bashki dhe 14 komuna), në Gjirokastër, nga 31 njësi të qeverisjes vendore kemi fituar 21 prej tyre (5 bashki dhe 16 komuna), në Korçë, nga 36 bashki dhe komuna, kemi fituar 19 prej tyre (2 bashki dhe 17 komuna), në Kukës, nga 27 bashki dhe komuna kemi fituar 21 prej tyre (3 bashki dhe 19 komuna)".

Gjithashtu, znj. Bregu theksoi se, "në Elbasan, nga 51 njësi vendore, mazhoranca ka fituar 28 prej tyre, ndërkohë që nga 45 komuna kemi fituar 26 komuna, në Durrës nga 16 bashki dhe komuna kemi fituar 12 prej tyre, në Lezhë nga 21 njësi vendore kemi fituar 16, (3 bashki dhe 13 komuna), në Dibër nga 35 njësi vendore kemi fituar 31 prej tyre (4 bashki dhe 27 komuna), në Tiranë nga 31 bashki dhe komuna kemi fituar 19 prej tyre, nga 6 bashki janë fituar 4, ndërsa nga 22 komuna kemi fituar 15".

Duke prezantuar këtë rezultat zgjedhor, znj. Bregu u shpreh se, "në total nga 67 bashki koalicioni ‘Aleanca e Madhe’ ka fituar 38 prej tyre ose 57 për qind dhe nga 308 komuna ka fituar 181 prej tyre ose 59 për qind".

"Pra, koalicioni mazhoritar ka fituar në rang kombëtar 60 për qind, ndërkohë që nuk janë zhvilluar votimet në 7 njësi vendore dhe janë bllokuar nga socialistët edhe në 7 njësi të tjera", - tha znj. Bregu.

Sipas saj, "si elektorat, opozita në këto zgjedhje krahasuar me vitin 2005-së është zvogëluar me 15 për qind, ndërsa krahasuar me vitin 2003 me 25 për qind".

"Pavarësisht se PD-ja nuk është konfirmuar në 3 bashki, në Korçë, Elbasan dhe në Lushnjë, përsëri mazhoranca ka zgjeruar hartën e saj, elektorale dhe ka thelluar fitoren në rang kombëtar”, - tha znj. Bregu.

Tema

[King_Arthur]

ka mbaruar procesi i numerimit te votave ne elbasan dhe fitues ka dale kandidati i kualicionit te majte Qazim Sejdini me nje avantazh prej 512 votash .
ndersa kualicioni i djathte ka kerkuar perseritjen e zgjedhjeve ne elbasan :
pasi ne nje qender votimi ne elbasan nuk eshte votuar fare dhe PD e elbasanit tha se ne te ishin 850 votues te cilet nuk kane votuar .dhe parregullsi ne 3 kuti te kandidatit . pritet qe vendimi nga K Z Q V ne Tirane . eshte bere dhe nje padi ne gjykate ne lidhje me kete ceshtje

[King_Arthur]

PD

komunat e fituara

Klos
Shales
Fierze
Kajan
Tregan
Bradashesh
Gostime
Funar
Labinot mal
Labinot fushe
Mollas

PS

komunat e fituara

Shushice
Shirgjan
Gjergjan
Gjinar
Zavaline
Gracen
Paper
Grekan
Rrase

[Humdinger]

Sokol Olldashi pranon humbjen në Tiranë

Gazeta Albania

Valentina MADANI

Kandidati i PD-së për Bashkinë e Tiranës, Sokol Olldashi, pranoi dje rezultatin e zgjedhjeve lokale të 18 shkurtit. Ndonëse procesi zgjedhor ende nuk ka përfunduar, Olldashi falënderoi të gjithë qytetarët e Tiranës, edhe ata që votuan kundër për pjesëmarrjen në zgjedhje. Por ai u kërkoi falje atyre zgjedhësve të cilët nuk arritën të votonin ditën e diel. Sipas Olldashit, kjo nuk ndodhi për shkak të PD-së.
“Në përfundim të procesit, që nuk ka përfunduar akoma dhe që është afër fundit, do të dëshiroja të falënderoja të gjithë qytetarët e Tiranës për pjesëmarrjen e tyre në fushatë, e cila ka qenë e gjatë dhe intensive. Do të doja të falënderoja qytetarët për pjesëmarrjen masivisht në zgjedhje. Tirana në këtë zgjedhje ka marrë pjesë në mënyrë masive të lartë”, - tha z.Olldashi. Do të doja të falënderoja, shtoi ai, të gjithë ata që votuan programin tim për Tiranën, por dua të shpreh respektin tim për të gjithë ata që kanë votuar në një tjetër mënyrë.
“Do të doja, vijoi Olldashi, t’u kërkoja ndjesë atyre qytetarëve që për arsye që nuk vareshin nga unë, disa mijëra prej tyre nuk u lejuan apo nuk patën mundësi që të votonin”. Një vlerësim të veçantë ai bëri për komisionerët, të cilët me përkushtim dhe devocion po i qëndrojnë rigorozisht dhe në mënyrë dinjitoze për të çuar procesit deri në fund. Po ai u kërkoi njëkohësisht të vazhdojnë me të njëjtin përkushtim, për ta çuar deri në fund procesin e numërimit të votave për bashkinë, minibashkitë dhe këshillat bashkiakë.
Po ashtu, kandidati i PD-së për Bashkinë e Tiranës, falënderoi edhe stafin me të cilin realizoi një fushatë të qytetaruar në kryeqytet përgjatë dy muajve.
“Do të doja të falënderoja në mënyrë të veçantë shtabin tim elektoral të drejtuar nga z. Topi për gjithë kohën, mundin dhe impenjimin që kanë bërë në fushatën time, fushatë e kaluar me integritet. Sigurisht, falënderimi i fundit i takon të gjithë qytetarëve të Tiranës, i uroj mbarësi gjithsecilit prej tyre dhe plot të mira”, - theksoi Sokol Olldashi.
Konferenca e djeshme e z.Olldashi ishte e para që pas ditës së zgjedhjeve vendore të 18 shkurtit. Deklarata e tij u shoqërua me duartrokitje nga stafi dhe disa aktivistë të PD-së, të mbledhur në selinë e partisë në orën 18:00, kur dhe Olldashi dha konferencën për shtyp.


21 Shkurt 2007

[Albo]

PR me 7 per qind, force e dyte e mazhorances

E Merkure, 21 Shkurt 2007

Republikanet jane konfirmuar bindshem si forca e dyte e mazhorances, duke fituar 21 komuna dhe 6 bashki. Partia Republikane ka dyfishuar rezultatin, duke e krahasuar me zgjedhjet e vitit 2003. Kryetari i grupit parlamentar te Partise Republikane, Arian Madhi, ka deklaruar se deri me tani, partia qe ai perfaqeson ben te pamunduren per te garantuar standardet ne keto zgjedhje. “Per sa i perket rezultatin ne proporcional, ndonese nuk jane numeruar ende te gjitha votat, republikanet rezultojne te kene fituar mbi 7 % te votave ose rreth 70 ne te gjithe vendin. Kjo force politike eshte nje prej aleateve me te besuar te demokrateve ne qeverisje dhe me e perfaqesuara ne te gjitha nivelet”, ka deklaruar Madhi. PR-ja ishte forca e vetme e koalicion qe kandidoi me perfaqesuesin e saj ne nje bashki te madhe, sic ishte ajo e Librazhdit, pavaresisht se nga rezultati ne kete bashki, del se e ka humbur ate. PR-ja ne baze te marreveshjes me demokratet, kandidoi me perfaqesuesit e saj ne 46 njesi vendore. Ndersa ne Tirane, Madhi eshte shprehur se eshte e sigurt fitorja e kandidatit te saj ne njesine 8, Arben Tafaj.

Korrieri

[Albo]

PDK, dyfishon rezultatin ne proporcional

Partia Demokristiane ka siguruar 4 per qind te votave ne shkalle vendi, duke u renditur forca e trete e mazhorances. Gjate nje konference per shtyp, zedhenesja e fushates elektorale te PDK-se, Erestina Halili, ka theksuar se ky rezultat ka ardhur ne mbeshtetje te vlerave dhe filozofise qe perfaqeson Partia Demokristiane. Kujtojme qe rezultati i zgjedhjeve te vitit 2003 ishte vetem 1.8 % per demokristianet. Kjo force politike ka rritur edhe numrin e njesive vendore te fituara, duke u konfirmuar fituese edhe ne komunen e Vithkuqit. Demokristianet ne baze te rezultateve te shpallura deri me tani, rezultojne si force me nje perqindje te konsiderueshme, madje ne disa zona si force e pare apo e dyte. Me kete rezultat, PDK-ja eshte force qe do te vendose per ekuilibrat ne keshillat e bashkive apo komunave ne te cilat ka arritur nje perqindje percaktuese. Keshtu, ne Bashkine e Sarandes, demokristianet kane arritur te dalin force e dyte politike, per sa i perket keshillit bashkiak. Nderkohe qe Halili ka nenvizuar se deri me tani, PDK-ja eshte force e dyte politike edhe ne Bashkine e Shkodres, si dhe vendos balancat ne Vlore, Permet, Lushnje, Sarande, Durres, Kashar, Rrashbull. PDK-ja ne baze te rezultateve me te fundit, ka fituar rreth 10 per qind te votave ne Himare.

Korrieri