Çfarë efekti ju bëjnë komplimentet?

[Davius]

Shërbejnë për të joshur, për të shprehur ndjenjat e tua. Për të krijuar një klimë intime, të kënaqshme. Komplimentet kanë edhe një fuqi të lartë erotike dhe janë pikërisht ato mesazherët e admirimit, aleatë të erosit dhe dashurisë. Ndërsa në përgjithësi një kompliment është një frazë xhentile, e cila nëse është e menduar mirë dhe e goditur bën efektin që ti kërkon. Dikush skuqet, dikush dyshon, dikush krekoset... Përgjigja që i jepet një fjalie xhentile, krahas të tjerave, nxjerr në pah shumë aspekte të karakterit të dy personave që po dialogojnë përmes marrjes dhe dhënies së komplimentit. “Ke vërtetë një familje shumë të bukur”, “Sa të shkon kjo krehje”, “Gatuan në mënyrë fantastike”. Kush nuk do të donte të merrte komplimente si këto! Mënyra e interpretimit të komplimentit varet shumë edhe nga personaliteti i atij që e merr. Është si një test që nxjerr në dritë sesi reagojmë ndaj këtyre mesazheve që na dërgojnë. I mirëpresim dhe i shijojmë? Besojmë në sinqeritetin e tjetrit? Apo mbeteni të zhgënjyer, sepse nuk na mjaftojnë asnjëherë? Kur dikush iu thotë “Për mua je ok”, ju përkëdhelet sedra, apo ju lë indiferentë si vlerësim? Të diskutojmë në forumin tonë se sa na ndihmojnë për t’u rritur psikologjikisht këto fraza kaq xhentile dhe bujare.

Kujdes, sepse nuk janë gjithmonë dashamirëse

Kush iu beson verbërisht komplimenteve rrezikon të jetë vazhdimisht i varur më shumë nga forma sesa nga përmbajtja e raporteve njerëzore. Në fakt jo gjithmonë manifestimet e vlerësimit dhe të simpatisë që na bëjnë të tjerët, janë të sinqerta dhe se duhen besuar fjalë për fjalë. Pafajësia dhe superficialiteti i tepërt në dhënien e rëndësisë së përkëdheljeve, mund të konsiderohet si thembra e Akilit për ata që i besojnë. Kush është shumë i ndjeshëm ndaj komplimenteve duhet të bëjë analiza të brendshme rreth kapaciteteve që disponon dhe mbi të gjitha të dijë të ndajë komplimentet që janë autentikë “përkëdhelës”, nga ato që janë vetëm hipokrizi ose siç quhen në gjuhën e popullit, “furça”.

Llojet e komplimenteve

Le të provojmë të kuptojmë cilat janë llojet e komplimenteve. Krahas atyre të zakonshmeve, ku një kompliment është një frazë xhentile që shpreh admirim, ka edhe komplimente indirekte. Janë ato komplimente që njeriu i bën vetes meqë arriti të bëjë diçka që e kishte vënë si qëllim. Ose ka komplimente të tjerë që quhen deduktiv: kur një burrë flet për zilinë imagjinare të meshkujve të tjerë. Ose për ato metaforike: kur pyet se kush është ai engjëll që ka hyrë në jetën tonë. Të bësh kompliment nuk është e vështirë, mjafton vetëm një dëshirë e pastër për të motivuar tjetrin. Edhe nëse nuk je tipi i përshtatshëm për të stiluar një kompliment me fantazi, mjafton t’i thuash një femre “je e bukur”, është mjaft efikase. E megjithatë ka njerëz që bëjnë gafa teksa tentojnë të thonë fraza të mëdha duke e zhgënjyer të komplimentuarin.

[Davius]

Komplimenti me pasoja

Nuk ka gafë më të madhe sesa kur një burrë i thotë femrës që pëlqen ”më pëlqejnë shumë këmbët e tua”. Por menjëherë më pas shton ”nuk janë perfekte, por mua më pëlqejnë”. Çfarë po ndodh në fakt? Mashkulli ka pasur frikë se mos ka bërë një kompliment të gabuar dhe ka tentuar që ta rregullojë, ndërkohë që tek femra e gjitha kjo shkakton një irritim, pasiguri, trishtim. Nëse vajza deri në atë moment ishte e qetë, koshiente se nuk kishte këmbë perfekte, papritur lëndohet nga një frazë e pamenduar mirë. A nuk do të ishte më mirë që në këtë rast këto lloj meshkujsh të mos flisnin fare për sa kohë nuk dinë të bëjnë një kompliment?

Komplimenti i varfër

I thuhet femrës “je e lezetshme ”, ndërkohë që ajo është një femër shumë e bukur dhe ajo është koshiente për të, si dhe e ka dëgjuar aq shpesh. Më shumë se një kompliment kjo duket si një provokim i vogël. A mund t’i thuhet një femre të bukur vetëm thjesht ”e lezetshme”? Pra, ky mashkull është koprrac apo i varfër në mënyrën se si e tregon admirimin, gjë që nuk është e bukur.

Komplimenti i munguar

Nëse ajo shfaqet para një mashkulli mbas shumë kohe më e bukur se kurrë, edhe pse lexon në sytë e mashkullit shumë admirim, ai nuk i thotë asnjë fjalë. Bëhet fjalë për një taktikë? Duket se jo. Ai është i turpshëm ? E ekzagjeruar. Apo është një mënyrë për t’u vetëmbrojtur? I vetmi justifikim në këtë rast është nëse ai nga emocioni harron të flasë. Por mbase duhet rikuperuar kjo mungesë ,që pasojat mos të jenë fatale.

Komplimenti i përsëritur

Kur ai i bën të njëjtin kompliment duket si një gjë shabllon që thuhet pa zemër. Madje, duket sikur nuk ka sinqeritet në këto fraza shabllone që ai ia thotë asaj. Dhe më e keqja është se femrat e kuptojnë menjëherë shabllonizmin.

Kanë thënë për komplimentet

• Vlen më shumë një fytyrë e dashur se njëmijë komplimente.
• Çdo tregtar i bën komplimente mallit të tij.
• Komplimentet janë bërë për gojën, jo për zemrën.
• Komplimentet nuk kushtojnë asgjë, por shumë i paguajnë shtrenjtë.
• Mund të jetë në shenjë respekti ose edhe një gënjeshtër, por sa herë bëjmë një kompliment, i bëjmë me dije tjetrit superioritetin e tij. Samael Butler
• Komplimenti është fjalë që iu thuhet njerëzve kur nuk ke asgjë tjetër për të thënë. Constance Jones
• Nëse miqtë e tu fillojnë të bëjnë komplimente për pamjen tënde të re, të jesh i sigurtë se ke filluar të plakesh. Washington Irving
• Një kompliment është si një puthje i dhënë përmes një velloje. Oskar Wilde

[BaBa]

Çfarë efekti ju bëjnë komplimentet?

Efekt narkotikesh si qysh ta shpjegoj o shum ndjenj e fell saqe po arite ta zbulosh edhe mbytesh.