Me shpalljen e statusit perfundimtar te Kosovës, pritet që Kosova te fitojë pavarësinë e saj. Kjo i jep mundësinë Kosovës të themelojë Federatën e saj të Futbollit si dhe mundësinë e aderimit në organizmat ndërkombëtare të FIFA dhe UEFA. Rregullat e FIFA citojnë:
1. Cdo lojtar i cili është shtetas i një shteti bazuar në ligjet dhe rregullat e këtij shteti është i përshtatshëm të luajë për skuadrën kombëtare apo përfaqësuese të atij shteti.
2. Nëse një lojtar është përfshirë në një skuadër kombëtare në të cilën ai mund të luajë bazuar në rregullin Nr. 1, nuk do të lejohet të marrë pjese në ndeshje ndërkombëtare të një shteti tjetër nëse ai është aktivizuar në një ndeshje zyrtare për atë shtet.
3. Lojtarët që përjashtohen, janë ata të cilëve ju ndryshohet kombësia në menyrë jo-vullnetare në bazë të një dekreti ndërkombëtar, i cili i jep pavarësinë një rajoni apo i jep një pjesë të një shteti një shteti tjetër.
Cështja më e përfolur është, a do të largohen lojtarët Shqiptarë të Kosovës në rast se marrin një ftesë nga Federata e tyre, duke e përgjysmuar ekipin Kombëtar? Këtë përgjigje asnjë prej tyre nuk është i gatshëm ta japë.
Si mendoni ju, a është më mirë që të kemi dy ekipe të ndryshëm Kombëtarë futbolli, apo është më mirë të kemi vetëm një Kombëtare Futbolli?!
Krijoni Kontakt