Apokalips

[SkenderRusi]

APOKALIPS
-antiatomike-

Apokalipsi po vjen.Unë e shoh.
Nostradamusët s’më duhen fare!
Nëpër meridianë
po shkel njeriu antiglob,
Nëpër paralele
po vallëzojnë kufoma akullnaje!



Kjo botë po vdes.Më lini të klith!
Mos biem në humnerën e tmerrshme!
Qielli është Perëndia e zogjve,
natyrisht,
Ashtu si toka është
Perëndia e njerëzve!


Por tokën dhe qiellin nuk i duam më,
Për ne ata janë dy Perëndi idiote!
Harrojmë që për një çast
mund të bëhemi asgjë,
Po i mungoi qoftë dhe një det
kësaj bote!


Fundi i botës po vjen.O të verbër,
E keni në dorë që këtë tmerr ta ndalni!
Vdekja do të na vijë
sepse jemi njerëz,
Po kurrë s’duhet të vdesë
toka edhe ajri!

7 shkurt 2007

[mondishall]

Z. Skender!
Mund te lexosh nje liber poetik te dikujt dhe mos kuptosh profilin e tij. Per ju me mjafton dhe leximi i nje poezie per te kuptuar mesazhin dhe profilin skenderian. Faleminderit per kenaqesine e dhene. Pershendetje nga Edmond Shallvari
Po me dergove adresen ,dua te te dhuroj librin tim te pare me shkrime te ndryshme, "E megjithate...jetojme!"