Vetëvendosja proteston dhunshëm kundër planit të Ahtisarit

[Kosovar2006]

Jam ni vitin e tret ne Universitet ne shkencat biomedikale ( Biomedical Science) pra kam akademi qe te kritikoj dhe ti analizoj gjeret shum ma thellsisht edhe jam duke studijuar ne gjuhen angleze prea kuptoj shum mir diplomacine dhe gjuhen zyrtare qe perdoret .Kurse vet kam qen Krytari i Fakultetit te SHkencave ne Union e Studentave te universitet ku kam pasur shans te takohemi me me Robin Cook , Tony Blair dhe disa diplomat te tjer neper komitetet te ndryshe akademike studentore. Ku kam mesuar ta perdori gjuhen zyrtare dhe ta kuptoj kuptimin e plot. Identitetin tim dua ta ruaj per qeshtje personale dash besoni dash mos besoni per ket qe ju informova

DHe zotri po Kam lexuar dokumentin PIK PER PIKE dhe ende jam duke e lexuar po disa interpretime qe i thash ketu jan shlyer

me Respekt Kosovar2006

[ARIANI_TB]

Zëri i Amerikës: Profesor Qosja, në kushtet kur zgjidhja e statusit përfundimtar të Kosovës, ka hyrë në fazën përfundimtare, dhe gjithkush bën thirrje për durim dhe maturi, të shtunën, protesa e Lëvizjes Vetëvendosja kundër planit të tanishëm për statusin, u shndërrua në një incident me dhunë, që i mori jetën dy të rinjve shqiptarë. Cili do të ishte komenti juaj për gjendjen e re të krijuar?

Prof. Rexhep Qosja: Ato që ngjanë të shtunën në Prishtinë, na kanë sjellë, në radhë të parë befasi, na kanë sjellë pikëllim dhe dëshpërim. Në Kosovë, prej vitit 1968, e sidomos prej vitit 1981, janë bërë shumë, shumë demonstrata dhe ne jemi mësuar t’i shohim rrugët e Kosovës të përgjakura, nga policia jugosllave e mandej serbe, por prej vitit 1999, prej 12 qershorit, nuk kemi pritur që do të ngjajnë përgjakje të rrugëve të Kosovës nga plumbat e policisë dhe në këtë rast nga plumbat e policisë ndërkombëtare. Kjo ishte shumë e papritur, kjo ishte pikëlluese dhe kjo ishte dëshpëruese. Sigurisht, që kjo ka sjellë shumë shqetësim në Kosovë dhe ka sjellë dëshpërim. Protestat janë të ligjshme, janë insititucion i demokracisë, dhe absolutisht nuk ka nevojë të priten në atë mënyrë prej policisë e në radhë të parë, prej policisë ndërkombëtare.

Zëri i Amerikës: Pikërisht këto protesta ndodhin kur jemi shumë pranë zgjidhjes së statusi përfundimtar të Kosovës. A mendoni se kjo ngjarje mund të ketë pasoja në procesin e shtetformimit të Kosovës?

Prof. Rexhep Qosja: Nuk mendoj se mund të kenë pasoja në procesin e zgjidhjes statusit të Kosovës dhe në formimin e shtetit të Kosovës. Po të ketë pasoja, në mendimet atyre që do vendosin për statusin e Kosovës, atëhere do të thotë se ata nuk kanë menduar fare seriozisht. E ne jemi të bindur dhe ne mendojmë se ata do ta mendojnë dhe do ta zgjidhin statusin e Kosovës, ashtu siç është e drejta. D.m.th, duke i dhënë të drejtën popullit të Kosovës që të vetvendosë për fatin e vet. Mendoj që demonstratat nuk e cënojnë procesin e shtetformimit të Kosovës, por ato që e cënojnë, ato që e godisin është prestigji i insitucioneve politike të Kosovës, e në radhë të parë prestigji i policisë ndërkombëtare dhe i insitucionit të Kombeve të Bashkuara në Kosovë. Prestigji, edhe ashtu jo i shquar, edhe ashtu jo sigurtë, edhe ashtu shumë i luhatur, edhe ashtu i brishtë i institucioneve politike, për shumë arsye, ka marrë një goditje me reagimin e këtillë të policisë ndaj demonstruesve, ka marrë një goditje të fortë dhe ky është tani një prestigj në shkallë shumë të ulët.

Zëri i Amerikës: Pra, a mund kishte ndikuar klasa politike politike për të parandaluar këtë incident?

Prof. Rexhep Qosja: Sigurisht, se klasa politike do të mund të ndihmonte në parandalimin e asaj që unë po e quaj tragjedie, vrasje së dy të rinjve, plagosjes së afro 80 të tjerëve, e të burgosjes së disa të rinjve; por, ja është e çuditshme, nuk e quajti askush nevojën të dalë para tyre dhe të bisedojë me të rinjtë, dhe ndoshta nuk e ka quajtur kurrkush të arsyeshme të bisedojë me policinë, para se të dalë para të rinjve me gaz helmuesa, apo lotsjellës dhe me mjete të tjera që më në fund kanë sjellë vdekjen e dy të rinjve; por tani ne po i dëgjojmë që kanë thënë se kanë dashur të hyjnë në institucione, për shembull, në ndërtesën e Kuvendit të Kosovës. Po mirë, edhe po të hyjnë, ajo është ndërtesë e tyre. A nuk u gjend njeri, nga këto insitucione që t’u dalë përpara dhe t’u thotë këtyre të rinjve: po, djem, hyni, urdhëroni, thyeni, ndonjë dritare, thyjeni ndonjë karrige, ndonjë derë... Ato janë ndërtesat tuaja dhe ju do të hyni nesër atje. Ne jemi të përkohshëm atu, ju do të vini nesër në ato karrige, në ato zyra. Askush nuk do të hynte. Më në fund, ata dihet tashmë se nuk janë drejtuar për të hyrë në ato insitucione, por ata kanë bërë një parakalim plotësisht paqësor nëpër rrugët e Prishtinës.

Zëri i Amerikës: Profesor Qosja, pas kaq kohë bisedimesh mes shqiptarëve dhe serbëve, Kryenegociatori Marti Ahtisari, e paraqiti propozimin e tij. Ndonëse zoti Ahtisari nuk ka pranuar të bëjë publik propozimin për statusin politik, duket se plani parashikon një pavarësi të mbikqyrur nga ndërkombëtarët, ndoshta një lloj forme qeverisjeje si ajo e Bosnjes. Cili është mendimi juaj për këtë status?

Prof. Rexhep Qosja: Fillimisht, unë mendoj se plani që ka paraqitur zoti Ahtisari para delegacionit të Kosovës, e hap rrugën për pavarësi të Kosovës, e hap rrugën, por a do të shkohet kësaj rruge deri në fund, kjo do të varet prej Këshillit të Sigurimit të Kombeve të Bashkuara, ku do të aprovohet rezoluta e re për Kosovën. Mendoj se propozimi i Ahtisarit ka një të metë metodologjike: nuk i ka qartësuar gjërat deri në fund. Ne kemi dëgjuar për institucionet ndërkombëtare, duhet t’u thuhet shkoqur, pa dykuptimësi, përfaqësuesve të Kosovës, do t’u flitet pa dykuptimësi për statusin e Kosovës. Ka një të metë metodologjike, ai nuk është ndërtuar i qartë; ai është një propozim intelektual dhe nuk është poezi ajo. Ahtisari është dashur ta emërtojë: “pavarësi e detyruar”, “pavarësi e mbikqyrur”, jo të lejojë mundësinë për intrepretime të ndryshme, të cilat flasin për pavarësi me sovranitet, apo për pavarësi vetëm të brendshme, siç flasin disa të tjerë. Por këtë do ta shohim në Këshillin e Sigurimit. Unë mendoj që Kosova do të bëhet e pavarur, ky është një proces historik, kjo do të marrë fund, me pavarësinë e Kosovës. Por, propozimi i Ahtisarit ka një problem tjetër. Dhe ky është organizimi i brendshëm i Kosovës. Ç’është Kosova, sipas propozimit që bën Ahtisari? A është ajo një shoqëri multietnike, apo është ajo një shoqëri dy-etnike, vetëm e shqiptarëve dhe e serbëve. Mos do të thotë kjo se në Kosovën e Ahtisarit do të kemi dy entitete, mos do të thotë kjo që do të kemi ndarje të Kosovës? Sipas mendimit tim, do të thotë. Mos do të thotë kjo ndarje të Mitrovicës? Sipas mendimit tim, këtë do të thotë. Dhe kjo ndarje krijon një varg problemesh të brendshme në Kosovë, që Kosovën e bën politikisht dhe në pikëpamje juridike, kushtetuese, jo-funksionale. Komunat serbe do të kenë kontinuitet horizontal dhe lidhje vertikale me Serbinë, një vështirësi tjetër. Dhe tashti shtrohet pyetja: po mirë, në se Ahtisari e bën këtë, u jep këto të drejta, u jep këto të drejta komunitetit serb në Kosovë, që nuk i kanë komunitetet e tjera në Ballkan, mos hap kjo probleme të tjera në Ballkan, mos hap problemin e shqiptarëve në Maqedoni, mos e bën të pavlefshme marrëveshjen e Ohrit? Sa për qind serbë ka në Kosovë, 4-5-6 për qind, nuk dihet. Gjuha serbe do të jetë gjuha e dytë zyrtare në Kosovë, por gjuha shqipe nuk është zyrtare në Maqedoni. Pra, lindin një varg problemesh. Pra, problemi i propozimit të Ahtisarit qëndron në organizimin e brendshëm të Kosovës, shumë më tepër se në statusin përfundimtar të Kosovës, të cilit ja lejon një rrugë për pavarësi, megjithatë.

Zëri i Amerikës: A mendoni se klasa politike e Kosovës është e përgatitur sot për të marrë përsipër qeverisjen, pa një mbikqyrje ndërkombëtare?

Prof. Rexhep Qosja: Kosova, ka një përvojë administrative politike, Prej vitit 1984, Kosova kishte një autonomi relativisht të gjerë dhe ka patur në administratë një numër të madh njerëzish, kurse disa kosovarë kanë marrë pjesë edhe në institutcione politike, edhe në insitutcione politike federative. Mund të them se një përvojë politike, adminsitrative, shtetdrejtuese është krijuar në Kosovë. Kosova e sotme ka një përvojë politike, juridike, kushtetutare, ekonomike e të tjera, e të tjera, në saje të së cilës mund ta qeverisë Kosovën plotësisht, të sigurtë. Por pyetja për mua shtrohet kështu: a është kjo klasë politike, kjo që është sot në skenë, e aftë për qeverisjen e Kosovës? Ta themi: ka njerëz më pak, ka njerëz më pak, ka njerëz më shumë të aftë; ka njerëz që janë shkolluar në botën e jashtme, apo këtu. Kemi me mijëra, magjistra dhe doktora të shkencave. Ka potencial Kosova për qeverisje, por, këta që janë në pushtet, me disa përjashtime të pranueshme, të mira, profesionale; këta që janë në pushtet janë rrethuar me njerëz të vet, kryekëput të partive të veta, me miq, me far fis të vet, të afërm të vet: kjo është administrata e tyre dhe kjo shtron një varg problemesh. Problemi i tyre i palejueshëm është korrupsioni i tyre, i papranueshëm dhe i palejueshëm. Kjo i le plagosshëm ata profesionalisht dhe moralisht në sytë e popullit dhe në sytë e ndërkombëtarëve. Këto janë probleme, me të cilat duhet të merremi ne, me qëllim që ta bëjmë Kosovën plotësisht të aftë dhe dinjitoze, para të tjerëve, para botës për qeverisjen e vetvetes.

[eagle2006]

Me te vertete nuk ka nevoje asnje te me bind per permbajtjen e pakos se Ahtisaarit. E besoj se ka elemente te padeshirueshme por nuk duhet harruar permbajtjen e saj si teresi e qe padyshim ofron nje te ardhme me te mire se sa verzioni i Vetevendosjes. Megjithate, nese me lini te zgjedhi permes dy te "keqijave", pakos se Ahtisaarit apo Vetevendosjes, padyshim do kisha zgjedhur ate te Ahtisaarit.

Ja nje shkrim shume interesant, nje analize qe me pelqeu pa mase e Berat Buzhala ne Gazeten Express te dates 12.02.2007. Une ftoj dhe lus qe ta lexojne te gjithe.

======================

BERAT BUZHALA - Gazeta Express

Cili ishte ky model?

Është shumë e pashpirt që të provohet të gjendet dorasi që vrau dy djem në rrugët e Prishtinës, vetëm për ta fajësuar palën tjetër. E dhimbshme është që ata u vranë pa ndonjë arsye.


Hamasi kundër Fatahut në Gaza. Shiitët kundër Sunive në rrugët e Bagdadit. Fisi Hutu kundër fisit Tutsi në Ruanda. Forcat e Armatosura Marksist - Leniniste kundër Qeverisë së Kolumbisë në Bogota. Apo çka dreqin ndodhi të shtunën në rrugët e Prishtinës? Cilin prej këtyre mësimeve ogurzeza e morëm si model që t'i përgjaknim rrugët e kryeqytetit tonë në mënyrë kaq të pashpirt? Dhe, vërtet a kaq keq paska pas vajtur puna sa i përket çështjes kombëtare sa të organizohej padëgjueshmëri qytetare, në njërën anë, kurse në anën tjetër organet e rendit t'i zinin pusitë për ta mbrojtur rendin dhe ligjin? Dhe, vërtet a kaq pak ne besojmë në udhëheqësit tanë të zgjedhur nga populli, sa tash me revolta duhet t'i rrëzojmë nga froni në mënyrë që disa tipa tjerë t'i zaptojnë institucionet për ta kthyer çështjen prej fillimit? Cila prej këtyre është e vërteta?

Apo ajo ndoshta është shumë më e thjeshtë, më banale, më e personalizuar dhe më tragjike? Në këtë koment nuk dëshiroj të merrem aspak me mënyrën se si janë sjellë policia gjatë trazirës së ditës së shtunë. Nëse ka pasur përdorim joproporcional të dhunës apo jo do ta dëshmojnë hetimet që do të bëhen javët dhe muajt në vijim. Vetëm sa për informatë, me datën tetë të këtij muaji një gjykatë në Paris i ka dënuar me disa vjet burg dy policë që gjatë trazirave që kishin përfshirë Francën në vitin 2005 nuk kanë treguar profesionalizëm. Këta dy polic fajësohen se i kanë trembur dy të rinj, të cilët më pastaj nga frika janë ngujuar në një trafo, ku kanë gjetur vdekjen nga kontakti me telat e rrymës. Por, gjithashtu në Francë kanë përfunduar në burg disa mijëra protestues, e me theks të veçantë organizatorët e dhunës së përdorur nëpër rrugët e qyteteve franceze për disa muaj me radhë. Pra nëse policët e SHPK-së e kanë përdorur dhunën në mënyrë joadekuate ata do të përgjigjen në të ardhmen. Ka shumë dëshmi se si ka eskaluar situata. Këtë e kanë dëshmuar qartë pamjet televizive që janë dhënë në televizionet nacionale. Mirëpo këtu nuk qëndron problemi, sepse policia nuk e kishte ftuar askënd që të dilte dhe të protestonte, e madje as që ishte pyetur nga ndokush nëse ka mundësi të protestohej.

Meqë situata rrodhi ashtu siç rrodhi, kësaj here, së paku për respekt të viktimave, nuk dua të flas as për mënyrën se si është organizuar kjo protestë kaq e përgjakshme. Më shumë se sa gjithçka tjetër me brengos qasja ndaj zgjidhjes së çështjes së statusit final dhe manipulimi i opinionit me të pavërteta të mëdha sa vet toka. Hajde ta paramendojmë për një moment se Lëvizja Vetëvendosja ia arrin qëllimit që ta përmbysë sistemin e funksionit të shoqërisë kosovare, sepse kjo është edhe dëshira e tyre finale. Pra, po e zëmë se Kuvendi i Kosovës shpërbëhet; Qeveria e Kosovës ose shpërbëhet, ose nga frika e revanshizmit del dhe funksionon në azil; bie sistemi i gjyqësisë, policisë dhe doganave; kurse KFOR-i e braktis vendin tonë.

A është kjo ajo për të cilën po protestohet? Nëse po atëherë duhet ta kemi të qartë që situata do të kthehet diku në fillim të vitit 1999. Ne, shqiptarët, përballë ushtrisë dhe policisë serbe. Nëse tash them që brenda disa ditësh do t'i mbushim edhe njëherë kampet në Stenkovec, Kukës dhe gjetiu do të më akuzoni si frikacak. Ta zëmë që nuk është ashtu. Po e zëmë se tash jemi më të fortë dhe të organizuar dhe do t'i bëjmë një rezistencë shumë më të fuqishme ushtrisë serbe, sepse e kemi përparësinë e terrenit, siç e kanë serbët në pjesën veriore të Kosovës. Kështu që për një ditë Kosova do të konsiderohej e ndarë, në veri dhe në jug dhe mandej në zona të caktuara kontestuese të territorit tonë do të zhvilloheshin luftime sporadike. A është ky qëllimi final për të cilin po angazhohet Lëvizja Vetëvendosja? Pra që me fuqitë tona vetjake të rivendosim rendin dhe ligjin në Kosovë duke anashkaluar me gjakftohtësi rendin botëror, qoftë edhe me çmimin e një lufte të vazhdueshme dhe me copëtim të pjesëve të caktuara të territorit. A mendon dikush që ky popull ka vullnet dhe dëshirë që t'i kthehet edhe njëherë luftës nga e para, madje tash pa Agim Çekun, Hashim Thaçin, Fatmir Limajn dhe shumë komandant të tjerë, që në një rast tjetër do të konsideroheshin tradhtarë, kolaboracionistë dhe shkelës të idealeve kombëtare.

Nëse dikush mendon se unë po ironizoj në këtë koment atëherë gabohet rëndë. Unë thjesht po improvizoj situata të caktuara për të cilat do të doja të merrja një përgjigje. Madje në variantin që e definova më lartë vazhdimisht kam anuar kah Vetëvendosja. Shpika situata të paqena, ku të gjithë do të mundeshin nga kjo lëvizja dhe arrita në një përfundim të pashmangshëm se ky vend vetëm në luftë do të shkonte. Normalisht se ky skenar nuk ka gjasa as teorike që të ndodhë. Mund të shkatërrohen të gjitha institucionet tona, por jo edhe forcat e KFOR-it/NATOsë. Më i mundshëm se sa ky është një skenar tjetër. Shndërrimi i Kosovës në një qendër atraktive për mediat më të fuqishme botërore, por assesi atraktive për ndonjë gjë tjetër: p.sh. për investime të kompanive të fuqishme.

Në asnjë variant unë nuk shoh mundësinë që përmes ideologjisë së Albin Kurtit dhe Adem Demaqit do të gjenim ndonjë shteg më të përshtatshëm për zgjidhjen e problemit tonë, e gjithsesi jo përmes atij shtegu që na treguan të shtunën. Në fund të fundit, unë personalisht më shumë besoj në patriotizmin e Agim Çekut dhe Hashim Thaçit se sa në atë të Adem Demaqit dhe Albin Kurtit. Për këtë kam edhe argumente nga e kaluara jo shumë e largët. Më bien ndërmend disa projekte të bacës Adem, të cilat sikur të realizoheshin në praktikë në kohën kur janë lansuar, deputetët tanë sot do të ishin të ulur këmbëkryq në Kuvendin Konfederativ të Beogradit, e shteti ynë do të quhej Ballkania. Nëse më thuhet se atëherë ka gabuar baca Adem, atëherë prapë kam arsye të fuqishme të mendoj se po gabon edhe tash, siç ka gabuar edhe për qëndrimin që ka pasur për konferencën e Rambujesë.

==================

[eagle2006]

Ja edhe nje analize qe meriton vemendje.

===================
Viktimat e interpretimit fanatik


Blerim Latifi (Gazeta Express, 12.02.2007)

Hapi i parë që e bëjnë demagogët kur e nisin karrierën e tyre është hapja e hendekut në mes popullit dhe elitës politike, këputja e marrëdhënies mes tyre. Këtë këputje demagogu e interpreton si tradhti e elitës politike ndaj popullit. Hendekun e krijuar prej tij demagogu e shndërron në hapësirën e tij politike. Në njërën anë të hapësirës është populli, në anën tjetër elita politike në fuqi. Nga një pozicion i tillë demagogu fillon ti projektoj figurat e diskursit të tij politik: elita në fuqi është armiku i popullit, populli është viktima e saj, ndërsa për vete ruan figurën e kujdestarit të popullit. Vetë termi "demagog" e ka këtë kuptim : kujdestar i popullit. Qëllimi i këtij projeksioni figurash politike është i thjeshtë : të mobilizoj "popullin viktimë" kundër " elitës-armike e popullit" dhe pas dënimit popullor në fronin e saj të ulet "kujdestari i dashur i popullit". Në fund të dramës ky kujdestar merr rolin e elitës së dëbuar.

Albin Kurti me diskursin politik dhe veprimet e tij është duke ndjekur në mënyrë shumë konsistente një rrugëtim të tillë të demagogut drejt pushtetit. Realiteti i paraqitur prej tij është shumë i thjeshtë : në njërën anë janë mashtruesit e popullit ( Grupi negociator, institucionet, mediat dhe UNMIK-u), në anën tjetër është populli i mirë që është mashtruar dhe në mes është ai me grupacionin e tij, që përfaqësojnë të vërtetën dhe drejtësinë. Në botë sipas Kurtit vetëm interpretimi tij i procesit politik të statusit është i vërtetë, gjithë të tjerët ose janë mashtrime të qëllimshme, ose të pavetëdijshme. Rrjedhimet praktike të tërë kësaj janë krejt të qarta : mashtruesit duhet të dënohen, e vërteta duhet të ngjitet në fron, po kuptohet e vërteta e vetme që ekziston në botë, ajo e Kurtit. Rruga më e shpejtë për të bërë një gjë të tillë është dhuna, për të cilën filozofi i preferuar i Kurtit, Karl Marksi pat thënë se është "mamia e historisë". Nuk është nevoja të lodhet shumë mendja për të kuptuar se një skenar i tillë vlonte në kokat e grupit të vogël të" "revolucionarëve" të "Vetëvendosjes" në demonstratën e 10 shkurtit. Qytetarë kishte mjaft ( rreth 3000 ) sa për të bërë hapin e parë : thyerjen e kordonit të policisë dhe hyrjen ne ndërtesat e Qeverisë dhe Parlamentit, ku gjëja e parë që duhej bërë do të ishte demolimi dhe zjarrvënia. Tymin që del nga ndërtesat e pushtetit revolucionarët e përjetojnë si një ekstazë të vërtetë. Me 28 nëntor 2006 Kurti me revolucionarët e tij e testuan vetën se sa janë në gjendje të prekin "paprekshmërinë demokratike" të institucioneve. Meqë testimi u doli i suksesshëm, tash ishte radha tu vënin kazmën e vërtetë atyre. Por në çastin kur filloi "mamia e historisë" të bëjë punën e saj turma nuk e mbështeti skenarin, përndryshe numri i i madh i njerëzve shumë lehtë do të mund të mënjanonte forcat e policisë dhe të futej në ndërtesat e qeverisë dhe parlamentit. Mamia e historisë e abortoi revolucionin, sepse ishte tepër e dobët për të kryer operacionin e vështirë të lindjes.

Por çka do të ndodhte të nesërmen e djegies së institucioneve? Zgjidhja revolucionare e Kurtit nuk jep përgjigje për këtë, sepse lëvizja e tij është lëvizje pa agjendë. Në mungesë të kësaj gjëja e parë që krejt natyrshëm do të ndodhte dihet : procesi i zgjidhjes së statusit politik të vendit do të rikthehej në pikën zero. Pas kësaj pushteti paternalist i bashkësisë ndërkombëtare do t'i rikthente fuqitë e transferuara dhe Kosova do ta shihte vetën edhe njëherë në atmosferën e pasluftës të vitit 1999. Në fund njerëzit do të kuptonin se krejt kjo ishte pasojë e një interpretimi fanatik të një procesi dhe dokumenti nga një demagog i përkushtuar, plot pasione. Është tragjedi humbja e jetëve të njerëzve shkaku i një interpretimi fanatik. Pikërisht kjo ndodhi në ditën e 10 shkurtit. Albin Kurti duke thirrur në dhunë në fakt po e bën këtë gjë : po thërret që të vdiset për interpretimin e tij, që e ka vetëshpallur si të vërtetë absolute. Prandaj ai nuk mund t'i ikë përgjegjësisë për këto vdekje tragjike, së bashku me policinë dhe eprorët e saj që kanë reaguar në mënyrë aq të keqe. Kurti dhe gjithë të tjerët duhet ta kuptojnë njëherë e mirë se jeta e qytetarëve të Kosovës vlen më shumë se të gjitha interpretimet politike. Vdekja për liri ka kuptim human, vdekja për interpretime fanatike ka kuptim vetëm për egot e demagogëve.
==============

[alibaba]

EDHE NJE LAJM

Predhat e gomës, janë shkak i vdekjes së Mon Balajt 30 vjeçar

Plumbat i kam parë, ata që kanë rënë në tokë, nuk ishin nga goma, ishin hekur i vërtetë.

[alibaba]

Hamasi kundër Fatahut në Gaza. Shiitët kundër Sunive në rrugët e Bagdadit. Fisi Hutu kundër fisit Tutsi në Ruanda. Forcat e Armatosura Marksist - Leniniste kundër Qeverisë së Kolumbisë në Bogota. Apo çka dreqin ndodhi të shtunën në rrugët e Prishtinës? Cilin prej këtyre mësimeve ogurzeza e morëm si model që t'i përgjaknim rrugët e kryeqytetit tonë në mënyrë kaq të pashpirt?

Përderisa fantikët anti-shqiptarë vazhdimisht vrasin dhe e hudhin fajin tek të vrarët, UNMIK së bashku me të tjerët e tregojnë fytyrën e tyre anti-demokratike.
Në shtete europiane vrasësi dënohet, kurse këtu fajësohet.

[DriniM]

Në postimin e parë mbi këtë temë në fund fare pata pyetur ,jo pa qëllim :-
P.S.
Harova të them ,përse nuk doli në ata demostarta edhe tutori i Albinit- Rexhep Ikona Qosja ??!!!!!!!!!!!!!!!!!!


Dhe ja sot na del Rexhep Ikonë Qosja në zërin e Amerikës .

Rexhep Ikonë Qosja është tipik karaketer '' hiene '' në poltikën shqiptare .

O del përpara ngjarjeve hapur si nxitës i gjakderdhjes ,o del pas ngjarjeve si mbrojtës i atij gjaku - advokat .




Ky asnjëherë nuk ka qenur i zoti tiu prinë rjedhave në Kosovës ,as në 1968, as në 81 e as kurë deri sot .
Por gjithmonë është paraqitur pas ngjarjeve e duke i dhënë idesë sa në një anë aq në të tjetrën ,për ta treguar vetën gjëja më të mençur .
Epo pas luftës dalin shum trima ,edhe pas kuvendit shum të mençur gjithashtu .
Shiheni çka thotë për policinë ndërkombëtare :-
''nuk kemi pritur që do të ngjajnë përgjakje të rrugëve të Kosovës nga plumbat e policisë dhe në këtë rast nga plumbat e policisë ndërkombëtare .''
Pra me një fjalë ,ka pasë menduar se do kalojnë sikur në 28 Nëntorin e vjetit të kaluar .
Si gjithmon i gabuar në ide . Prandaj ka mbetur si qyqja n'rem .



Më tutje piromani proletarosërbosllav e nxjer kokën e tij të vërtetë kur thotë :-

'' por tani ne po i dëgjojmë që kanë thënë se kanë dashur të hyjnë në institucione, për shembull, në ndërtesën e Kuvendit të Kosovës. Po mirë, edhe po të hyjnë, ajo është ndërtesë e tyre. A nuk u gjend njeri, nga këto insitucione që t’u dalë përpara dhe t’u thotë këtyre të rinjve: po, djem, hyni, urdhëroni, thyeni, ndonjë dritare, thyjeni ndonjë karrige, ndonjë derë... Ato janë ndërtesat tuaja dhe ju do të hyni nesër atje. Ne jemi të përkohshëm atu, ju do të vini nesër në ato karrige, në ato zyra.''

Pra i njeti fjalor sikur përkrahte djegëjen e Shqipërisë në vitin 1997 ,digjeni, thyeni, rënoni se janë të juajat !!!!!!!!!!!!
Kështu edhe lenini mongol dikur iu thont këlyshëve bolshevik dhe vazhdonte :- revolucioni do ngadhnjen vetëm kur ushatarët të therin eprorët e tyre mrenda istikamave . Njetës sikur proletarët e ikonës ,që iu mësyen të shtunën oficerëve të policisë së Kosovës.
Epo nuk e mban kot ende medaljen e '' 4 julit '' të sërbisë varur për qafe edhe pas shatë vitesh të largimit të sërbisë nga Kosova .



Këtu sikur gjitheherë Rexhep Ikonë Qosja i hanë fjalët e veta ,pa pikën e turpit .

A është ajo një shoqëri multietnike, apo është ajo një shoqëri dy-etnike, vetëm e shqiptarëve dhe e serbëve. Mos do të thotë kjo se në Kosovën e Ahtisarit do të kemi dy entitete, mos do të thotë kjo që do të kemi ndarje të Kosovës? Sipas mendimit tim, do të thotë. Mos do të thotë kjo ndarje të Mitrovicës? Sipas mendimit tim, këtë do të thotë. Dhe kjo ndarje krijon një varg problemesh të brendshme në Kosovë, që Kosovën e bën politikisht dhe në pikëpamje juridike, kushtetuese, jo-funksionale. Komunat serbe do të kenë kontinuitet horizontal dhe lidhje vertikale me Serbinë, një vështirësi tjetër. Dhe tashti shtrohet pyetja: po mirë, në se Ahtisari e bën këtë, u jep këto të drejta, u jep këto të drejta komunitetit serb në Kosovë, që nuk i kanë komunitetet e tjera në Ballkan, mos hap kjo probleme të tjera në Ballkan, mos hap problemin e shqiptarëve në Maqedoni, mos e bën të pavlefshme marrëveshjen e Ohrit? Sa për qind serbë ka në Kosovë, 4-5-6 për qind, nuk dihet. Gjuha serbe do të jetë gjuha e dytë zyrtare në Kosovë, por gjuha shqipe nuk është zyrtare në Maqedoni. Pra, lindin një varg problemesh. Pra, problemi i propozimit të Ahtisarit qëndron në organizimin e brendshëm të Kosovës, shumë më tepër se në statusin përfundimtar të Kosovës, të cilit ja lejon një rrugë për pavarësi, megjithatë.

Haron Qosja se çka iu ka pasë premtuar vetë sërbëve nga villa e dullës midis Tiranës ,dhe tjetra e ka haruar Qosja se ,ditën e dytë të hyrjes së trupave të NATO-s në kosovë ,sëbashku me Hashimin ,Vetonin ( pa u takuar me familje e farefis të tyre ,për të parë se kush ka shpëtuar nga lufta e kush jo ) shkuan dhe u shuguruan në kishën e Graçanicës tek artemia i milloshit .
E sot po mundohet të shet dushk për gogla ,të ndjellën dhunë në institucione , gjëja për decentralizim të Kosovës .



Eh ,nuk ka mbetur kotë thënia se :- dora që nuk mund të kafshohet puthet .
Pra mbasi ia zbrpasën proletarët bolshevik të tij ,sot e aprovon, që Kosova paska klasë politike ( por sikur gjithmon duke iu falemderuar ish-jugosllvisë sipas qoses ) !!!!!! E turpi i lloit të vet .

Mund të them se një përvojë politike, adminsitrative, shtetdrejtuese është krijuar në Kosovë. Kosova e sotme ka një përvojë politike, juridike, kushtetutare, ekonomike e të tjera, e të tjera, në saje të së cilës mund ta qeverisë Kosovën plotësisht, të sigurtë. Por pyetja për mua shtrohet kështu: a është kjo klasë politike, kjo që është sot në skenë, e aftë për qeverisjen e Kosovës? Ta themi: ka njerëz më pak, ka njerëz më pak, ka njerëz më shumë të aftë; ka njerëz që janë shkolluar në botën e jashtme, apo këtu. Kemi me mijëra, magjistra dhe doktora të shkencave. Ka potencial Kosova për qeverisje, por, këta që janë në pushtet, me disa përjashtime të pranueshme, të mira, profesionale; këta që janë në pushtet janë rrethuar me njerëz të vet, kryekëput të partive të veta, me miq, me far fis të vet, të afërm të vet: kjo është administrata e tyre dhe kjo shtron një varg problemesh.

Veç desha ta pyes këtë piromanin Qose , po ti çka bëre për një vjet që ishe në KPD-në e Kosovës së pas luftës për këtë Kosovë - përveç nxitjeve ,urejtjeve dhe vrasjeve politike ???!!!!!!!!!!!




P.S.

shiheni se kush ka filluar dhunën të parët dhe ndëgjoheni se si Albini në mënyrë indirekte i nxit protestuesit kundër policisë dhe institucioneve .

http://www.albaner.net/ahtisari2.html

[OO7]

Vetvendosja duhet te ndroj emer, ta kthej ne VETPERMBAJTJA

[RAPTISHA]

eagle2006

Kjo levizje, tani me e ditur me nje financim te dyshimte qe vjen nga jashte, duke shfrytezuar gjendjen e veshtire ekonomike te popullsise, duke perdorur nje retorike bindese, duke futur dyshimin ne njerez, deshiron te krijoje nje rremuje ne Kosove, mu tash kur procesi i definimit te statusit po i afrohet fundit, nje rremuje qe do ti kushtoj Kosoves shume. Ndersa, dihet se kush do perfitoje ne kete rast.

Haver i dashtun, nga ku po vjen financimi ??? qe sa je tu hulumtu prejardhjen e pareve te Levizjes, kqyri prejardhjen e politikaneve e ki ma leht me kshyr gjendjen e veshtire financiare... edhe 1 sqarim Evropa nuk i jep pare politikaneve qe me u bo milionera, po ju jep grante per me i ndiHmu popullit... e ket send s'po e ki parasysh

eagle2006

Ne na duhet vetem edhe nje ngjarje si ajo e 17 Marsit 2004, (kur Kosova u poshterua ne sy te botes dhe serbet avancuan pozitat e tyre politike) qe politika serbe definitivisht te triumfoj ne Kosove. Ndersa edhe nderkombetaret, te cilet me shumice kane kuptuar realitetin dhe nevojen e popullit shqiptar te Kosoves, lehte do te mund te qonin duart nga ne duke thene se ju vete jeni ata qe nuk deshironi te behen gjerat me mire.

Kqyrja anen pozitive 17 marsit haver, po thu qe prap duhet me perserit kohen kur na duhet veq me fjale me i denu vdekjen e 2 fmive ne Mitrovice a ? Nderkombetaret nuk kane mundesi me i qu duart, sepse sidoqe te jete ata do te jene fajtore, sepse nuk ia kan arrit qellimit, nuk na kan msu me u nenshtru, por duhet me kerku liri ma te madhe...

eagle2006

Une jam per protesta, por kurrsesi protesta te dhunshme. Une me gjithe qejf kisha pranuar qe te dale ne protesta paqesore, ku do te shprehnim se nuk jemi te kenaqur plotesisht me pakon e Ahtisaarit. Do te brohorisnim parola te ndryshme, ti tregojme botes se ata jane duke bere privilegje te medha per serbet e Kosoves etj. etj. Por, jo ne menyren qe aplikon Vetevendosja. Dhe thjeshte nuk mund ta kuptoj pse Vetevendosja insiston ne dhune kunder qeverise dhe nderkombetareve. Eshte kjo pikerisht ajo qe me shtie te mendoj se kjo levizje ka nje agende te fshehur, krejtesisht tjeter nga ajo qe propagon ne retorike.

O njeri ti nuk je per protesta, as nuk mundesh me marr pjese se nuk ki shpirt revolucionari, nuk je i gatshem per ndryshime, .
ta tregoj edhe 1 fakt t'interesant: Ne Kosove shiten 15.000 gazeta ditore. a jetojne 2.2 miljon popull... kush e lexon gazeten nese thuhet u mbajt 1 protest paqesore ??? kush vetdijsohet... a duhet me u mbyt dikush per me kuptu qe e ki gabim haver a ? Ndegjo deklarata qfare i japin politikanet

eagle2006

Meqë situata rrodhi ashtu siç rrodhi, kësaj here, së paku për respekt të viktimave, nuk dua të flas as për mënyrën se si është organizuar kjo protestë kaq e përgjakshme. Më shumë se sa gjithçka tjetër me brengos qasja ndaj zgjidhjes së çështjes së statusit final dhe manipulimi i opinionit me të pavërteta të mëdha sa vet toka. Hajde ta paramendojmë për një moment se Lëvizja Vetëvendosja ia arrin qëllimit që ta përmbysë sistemin e funksionit të shoqërisë kosovare, sepse kjo është edhe dëshira e tyre finale. Pra, po e zëmë se Kuvendi i Kosovës shpërbëhet; Qeveria e Kosovës ose shpërbëhet, ose nga frika e revanshizmit del dhe funksionon në azil; bie sistemi i gjyqësisë, policisë dhe doganave; kurse KFOR-i e braktis vendin tonë.

Hajde ta paramendojme se dikush mirret me paramendime.... njeri ky artikull eshte marre me u botu, po mire qe nuk lexojne shume shqiptaret... Paramendimet jan tripa njeri... tripat jane humbje kohe...




Une nuk kam qene perkrahes i Albin Kurtit, por per momentin ai eshte i vetmi qe mundohet me arrit qellimet e shqiptareve pa u pasunu, e politikanet jane te gatshem per ndryshime t'vogla sepse koha eshte ajo qe po i pasunon, a une qe nuk du me u marr ne te ardhmen me politike duhet me varfnu ose duhet me qel 1 biznes qe e perkrahi qeverine edhe me i pas punet mire materialisht...

Vetdijsonu shqiptare, cili politikan investoj pasurine e vet per qeshtje Kombetare, veq se u pasunu, kqyri preardhjen e pareve t'dostave tu t'qeverise edhe e sheh qe shum shpejt ki me u bo edhe ti kunder qeverise, kuptohet nese nuk e ki ndonje pjestare ne qeveri....

[RAPTISHA]

Veç desha ta pyes këtë piromanin Qose , po ti çka bëre për një vjet që ishe në KPD-në e Kosovës së pas luftës për këtë Kosovë - përveç nxitjeve ,urejtjeve dhe vrasjeve politike ???!!!!!!!!!!!

Drini veq deshta me ta dhon 1 informate shtese, edhe pse nuk me pelqen edhe aq Rexhep Qosja, megjithata me pelqen 1 fjali e tij "Une nuk di te veproj politikisht, por di te mendoj politikisht"... merre parasysh edhe kete thenje...