Rritja e numrit të muslimanëve në botë
Sipas të dhënave prej vitit 1996 secili banorë i katërt në rruzullin toksorë është musliman, ndërsa me numëra kjo është mbi 1.482.597.000 muslimanë prej gjithsej 5.777.940.000 banorëve në tokë ose në përqindje 26%. Duke shikuar nëpër kontinentet muslimanë më së shumti ka në Azi 1.022.692.000, por është interesante se ata nuk janë shumicë në atë kontinent por janë 30%. Kontinenti i vërtetë musliman në të vërtetë është Afrika ku muslimanët paraqesin shumicën, saktësisht 59%, ndërsa gjithsej janë 426.282.000. Muslimanët janë shumicë absolute madje në 59 shtete në botë, ndërsa shteti me numrin më të madh të muslimanëve në botë është Indonezia me 196.288.020 muslimanë ose 95% prej popullatës së përgjithshme. Menjëherë pas saj janë shoqëritë e mëdha muslimane në Pakistan, Egjipt, Turqi, Nigeri, Sudan, etj. Janë të interesanta të dhënat për “pakicat” e muslimanëve në shtetet me më së shumti banorë në botë, Kina ku janë 133.100.545 ose 11%, dhe Indija 133.295.027 ose 14%. Muslimanët janë shumicë absolute në vendet për të cilat shumica prej nesh as që ka dëgjuar, sikur Maldivet, Mauritanija, Xhibuti, ... Muslimanë ka madje edhe në njërën prej ujdhesave më të largëta në Oqeanin e Qetë, Ujdhesën e Pashkëve, ku janë 10% dmth. 81 veta prej gjithsej 813 banorëve, që nuk është edhe aq pak. Nëse marim parasysh faktin se sa shpejt zgjërohet Islami mundet kjo ujdhesë sëshpejti të quhet edhe, të themi Ujdhesa e Bajramit.
Shkalla vjetore e rritjes së muslimanëve është 6,40% që është me të vërtetë shumë, ndërsa sa për krahasim te krishterët është 1,46%. Sipas kësaj në vitin 1997 në botë ka pasur 1.577.483.000 muslimanë, ndërsa parashikimet për vitin 1998 kanë qenë 1.678.442.000. Ndoshta treguesi më i mirë për rritjen e numrit të muslimanëve është se në 50 vjetët e fundit ai numër është rritur për 500% të pabesueshme, derisa numri i krishterëve për atë kohë është rritur vetëm për 47%, i hindusëve 117%, dhe i budistëve 63%. Me siguri se shkaku më i madh për këtë rritje te muslimanët është nataliteti, por është e sigurtë se këtij numri poashtu me të madhe i kontribon edhe pranimi i Islamit nga ana e jo-muslimanëve për të cilën dëshmojnë të dhënat në Perëndim.
Në periudhën prej vitit 1989 e deri në 1998 numri i muslimanëve në Europë është rritur për 142,35%, në Amerikën Veriore për 25% ndërsa në Australi 257.07%, por sa i përket Australisë kjo përqindje nuk është edhe aq e madhe pasi që atje para njëzet vjetëve pothuajse edhe nuk ka pasur aspak muslimanë. Është me rëndësi të përmendet se muslimanët në vendet më të fuqishme perëndimore si SHBA, në Britaninë e Madhe dhe në Francë janë komuniteti i dytë më i madh fetar. Në fund, të gjitha këto informata më së miri flasin për veten e tyre, dhe nuk kanë nevojë për koment, por vetëm duhet cekur se këto të dhëna janë marrur prej ABRM (Asambleja Botërore e Rinisë Muslimane), ndërsa ata i kanë marrur prej KB-së (Kombeve të Bashkuara) dhe CIA Librat e Fakteve Botërore.
Albislam.Com,
9.1.2001
Përgjigju Duke Cituar
Postuar më parë nga No_HSM3
Krijoni Kontakt