Nano e Berisha: Domosdoshmëri zgjedhjet në 18 shkurt

[njemik]

Deklaratë e përbashkët e Kryeministrit të Shqipërisë zotit Sali Berisha dhe ish-Kryeministrit të Shqipërisë zotit Fatos Nano

Të vetëdijshëm për thellësinë e krizës zgjedhore dhe rrezikun që mund të paraqesë për vendin dhe stabilitetin politik të tij, po ashtu ndikimin negativ në rajon,

Të vetëdijshëm se këto zgjedhje dhe mënyra si do të mbahen ato janë vendimtare për të ardhmen europiane të vendit, por në veçanti për mundësitë e anëtarësimit të afërt në NATO dhe për plotësimin e detyrimeve të vendit kundrejt BE-së, detyrime që rrjedhin nga MSA,

Të bindur se dinamika e marrëdhënieve shumicë-opozitë dhe konkurrenca politike pluripartiake në një vend demokratik nuk sjellin dhe nuk duhet të sjellin konfliktualitet e konfrontime, por zgjidhje në interesin më të lartë të vendit,

Duke vlerësuar se në historinë tone të re politike krizat janë zgjidhur me marrëveshje, dhe se marrëveshja, kontrata, dhe respektimi i saj janë themeli i ngrehinës juridiko-politike të shtetit perëndimor,

Ne deklarojmë:

Zgjedhjet e lira, të barabarta e periodike janë institucioni më i parë i demokracisë dhe njëkohësisht detyrim kushtetues.

Ne vlerësojmë se situata e krijuar nuk është e pakapërcyeshme dhe se zgjedhjet administrative mund të mbahen brenda kufijve tash të relaksuar kushtetues.

Ne deklarojmë domosdoshmërinë e pjesëmarrjes në zgjedhjet e datës 18 shkurt, dhe gjithashtu deklarojmë solemnisht para vendit dhe komunitetit të partnerëve tanë ndëkombëtarë angazhimin më të plotë për zgjedhje të lira, të ndershme e të barabarta si dhe u bëjmë thirrje partive politike të punojnë së bashku për suksesin e tyre dhe t’ua lenë vlerësimin e tyre vëzhguesve vendas e të huaj, institucioneve e organizatave ndëkombëtare partnere në rrugën tone të integrimit europian.

Lidhur me çështjen e shumëdiskutuar të certifikatave, ne biem dakord për t’u mbështetur në precedentin e zgjedhjeve të 3 korrikut dhe marrëveshjen e 30 dhjetorit 2006 – certifikata e shoqëruar me një nga dokumentet e cituar në vendimin Nr.1076, datë 01.07.2005 të KQZ.

Ne deklarojmë se stabiliteti politik afatgjatë i vendit qëndron në zgjedhjet e lira dhe të ndershme, në reformat e thella dhe të gjithanshme të sistemit zgjedhor, sistemit të drejtësisë e të institucioneve të tjera në reformat ekonomike dhe sociale, të cilat duhet të realizohen ne nje process bashkepunimi te qendrueshem bipartizan, në frymën e interesave më të larta kombetare te integrimit euroatlantik të vendit dhe te mos mbahen me peng i politikave konfliktuale te derisotme.

Ne deklarojmë se është në detyrimin e të gjitha forcave politike interpretimi dhe zbatimi korrekt i Kushtetutës, e cila imponon zgjidhje konsensuale në kërkesën e saj për votimin me shumicë të cilësuar për reformimin e sistemit zgjedhor, të drejtësisë, te atij fiskal, per përshtatjen e kodeve themelore te vendit me të drejtën europiane, për zgjedhjen e Presidentit të Republikës. Ky angazhim politik atdhetar duhet të jetë përcaktimi i atyre që besojnë e punojnë për një Shqipëri europiane si e ardhmja më e mirë e shqiptarëve.

Ne u bëjmë thirrje palëve pjesëmarrëse në tryezën e iniciuar nga Presidenti i Republikës, që, në bazë të marrëveshjes së 30 dhjetorit 2006, të zgjidhin kundërshtitë me qëllim që të marrë rrugën e duhur procesi zgjedhor aq jetik për demokracinë dhe integrimin e Shqipërisë dhe vendi te hyje ne nje etape te re zhvillimi dinamik te demokracise, te rritjes ekonomike te qendrueshme dhe te reformave te pershpejtuara per integrim global.

Ne ju shprehim përfaqësuesve të lartë të qeverive dhe organizatave partnere ndërkombëtare si dhe përfaqësuesve të tyre diplomatikë në Shqipëri gjithë mirënjohjen dhe solidaritetin tonë për vazhdimin dhe kurorëzimin me sukses të përpjekjeve dhe kontributeve të përbashkëta për konsolidimin e standardeve europiane të demokracisë në vendin tone dhe në rajon.

Ne ftojmë të gjithë përfaqësuesit e përgjegjshem politikë, drejtuesit e institucioneve demokratike, aktorët e interesave europeiste në gjithë shoqërinë e hapur shqiptare dhe median e lirë të bashkohen dhe angazhohen me përkushtim atdhetar për të shpëtuar vendin njëherë e mirë nga krizat e politikës konfliktuale dhe për të shumëfishuar energjitë dhe sipërmarrjet konvergjente me objektivat kombëtare të integrimit euroatlantik të Shqipërisë.

Tirane, 11 janar 2007

[Llapi]

Kriza Zgjedhore, Nano e Berisha ne konference te perbashket per shtyp

Nga D.B /I.K. / E.M.


TIRANE (11 Janar) -

Meta: zgjidhja e Krizes eshte ne tryezen e Moisiut, Berisha te marre pjese

Ora 19:30 Kreu I Levizjes Socialiste per integrim Ilir Meta ka dale ne nje konference per shtyp per te shprehur qendrimin e tij ne lidhje me zhvillimet politike te ores se fundit. Duke mos bere asnje koment ne lidhje me takimin Berisha-Nano, Meta ka theksuar se zgjidhja e Krizes eshte ne tryezen e Moisiut ku I beri thirrje Berishes te marre pjese ne kete tryeze dhe se kryeministri I vendit nuk duhej te mungonte ne takimin e kreut te shtetit me perfaqesuesit e partive parlamentare. Meta nuk ka bere komente per takimin e Berishes me Nanon por megjithate ai I ka bere thirrje kryeministrit të mos merret me opozitën.

Ora 16:40 Vleresohet roli i Moisiut per zgjidhjen e krizes parazgjedhore
Berisha dhe Nano kane vleresuar rolin e presidentit Moisiu per zgjidhjen e krizes ndersa kane ftuar te gjithe faktoret per t'ju bashkuar inisitives se tyre te cilen e cilesuan si jo personale. Nga ana tjeter ish kryministri Nano ka deklaruar se askush nuk mund te neperkemb institucionet kryesore te vendit ndersa shtoi se do te jete i pranishem ne seancat e redhes ne kuvend.


Ora 16:30 Nano- Berisha: Domosdoshmeri pjesemarrja ne zgjedhjet e 18 shkurtit. Certifikatat? Te veprohet si ne 3 korrik

Zhvillimi i zgjedhjeve vendore ne 18 shkurt eshte nje domosdoshmeri per jeten politike dhe integrimin euroatlantik te vendit. Ky eshte qendrimi i perbashket i kryeministrit Sali Berisha dhe ish-kryeministrit Fatos Nano, bere publik per mediat pas takimit te perbashket te zhvilluar koke me koke ne pallatin e Brigadave ne lidhje me krizen zgjedhore qe ka perfshire vendin. Berisha e Nano u kane bere thirrje perfaqesuesve te partive politike, pjesmarrese ne tryezen e bisedimeve te mbledhura nga presidenti, te respektojne marreveshjen politike te 30 dhjetorit dhe te arrijne konsensus per qendrimet e tyre, pasi, sipas kreut aktual te qeverise dhe atij te meparshem, pjesmarrja ne zgjedhje eshte detyrim kushtetues. Ne kete kuader ish-kreu i ekzekutivit, Nano ka mbeshtetur propozimin e Berishes qe ne zgjedhjet vendore te veprohet ashtu si ne zgjedhjet e pergjithshme te 3 korrikut te 2005, ku u votua me certifikate dhe nje tjeter dokument identifikimi. Te dy, Berisha dhe Nano, nenvizuan me tej qendrimin e tyre per nxjerrjen e vendit nga kriza ne te cilen gjendet. Nga ana e tij, kreu aktual i qeverise, zoti Berisha tha se do te angazhohet per jetesimin e kesaj deklarate. "Jam i vendosur qe me perkushtim te punoj per jetesimin e kesaj deklarate, te bej cdo perpjekje se bashku me zotin Nano dhe faktore te tjeter per te dale nga kjo krize e cila ne mendimin tim ka ne baze absurdin“ tha Berisha.
Nga ana tjeter zoti Nano theksoi se behet fjale per nje fryme te re politike e cila ka ne baze te saj vullnetin, dialogun dhe bashkepunimin per nxjerrjen e vendit nga situata ne te cilen, dhe qe nuk duhet mbetur vetem ne korzinat e nje iniciative por te mbeshtetet me te dhe te vihet ne jete dhe nga faktore te tjere politike ose jo.

Keshilltari I Berishes, Sejamini: Takimi per te gjetur rrugen e dialogut per zhvillimin e zgjedhjeve brenda afateve kushtetuese

Ora 15:45 Ka nisur takimi mes kryeministrit ne detyre, Sali Berisha dhe ish-kryeministrit Fatos Nano ne Pallatin e Brigadave, ndersa pritet qe gjysme ore me vone ata do te dalin ne nje konference te perbashket per krizen parazgjedhore. Sipas keshilltarit te Berishes, Neritan Sejamini, ky takim ka pasur si qellim krijimin e nje klime bashkepunimi per arritjen e nje zgjidhjeje ne kushtet e krizes parazgjedhore. “Eshte nje takim qe do te kontribuoje per zgjidhjen e krizes, por nuk eshte takim I nje marreveshjeje zyrtare, pasi zoti Nano eshte vetem deputet I kuvendit. Gjate gjithe kesaj situate, qeveria dhe kryeministri kane qene ne kontakt te vazhdueshem me te gjithe aktoret politike, jane zhvilluar takime te vazhdueshme, dhe takimi me Nanon eshte na vazhden e ketyre takimeve. Takimi eshte thjesht nje nga hapat per te gjetur rrugen e dialogut per te mbeshtetur zhvillimin e zgjedhjeve, ku edhe te gjithe faktoret politike te japin kontributin e tyre”, tha Sejamini, duke shtuar se shpresohet qe edhe ky takim te sherbeje per gjetjen e nje emeruesi te perbashket per te mundesuar zhvillimin e ardhshme lokale, brenda afateve kushtetuese gje e cila do te ishte me e mira per te gjithe shqiptaret.

Ora 14:30 Ne kulm te krizes politike ndodh edhe levizja me e papritur. Kryeministri Berisha dhe ish-kryeministri socialsit Fatos Nano per nxjerrjen ne pension te te cilit berisha u krenua duke e quajtur padrino, do te takohen ne pallatin e brigadave dhe me pas ne oren 15 e 30 do te shfaqen se bashku ne nje konference per shtyp. Takimi mes tyre do te zhvillohet per te ndare nje qendrim te perbashket lidhur me krizen zgjedhore dhe menyren si mund te dilet prej saj, nderkohe qe bisedimet e tejzgjatura mes partive politike nuk kane dhene ndonje rezsultat. Lajmi per takimin dhe konferencen per shtyp eshte dhene nga zyra per shtyp e kryeministrit Berisha.

(Balkanweb)

[njemik]

Fatosi eshte lideri me i math shqiptar i te gjitha koherave
keni per ta pare qe kan per te na e marre greket dhe serbet pas nja 2000 vjetesh
Vdekshi te gjithe nese pas 2000 vjetesh aeroporti i beogradit nuk do te quhet Fatos Ram Berisha
tamam sic ndodhi me Aleksandrin e Maqedonis
Mednoj se detyra me e madhe e gjith brezit tone eshte qe ne vend te merremi me pune te kota si dritat dhe me klasen e koruptuar politike te merremi e te dokumentojme sa me shume fakte qe fatosi eshte shqiptar prej gjaku nene babe gjuhe etetjera etetjera…

[Antimafia]

http://www.keshilliministrave.al/shqip/lajm.asp?id=7039


11/1/2007

Pas takimit dhe bërjes publike të deklaratës së përbashkët,
Kryeministri Sali Berisha dhe ish Kryeministri Fatos Nano bënë këto komente për mediat:



Kryeministri Berisha: Deklarata vendos para të gjithë interesave, interesat demokratike dhe evropiane të qytetarëve shqiptarë, interesat më të mëdha të kombit dhe të vendit. Jam i vendosur, me përkushtim, të punoj për jetësimin e kësaj deklarate, të bëj çdo përpjekje, si qeveri dhe si parti politike, për zgjedhje plotësisht të lira dhe të ndershme, të bëj çdo përpjekje së bashku me zotin Nano dhe faktorë të tjerë, pa përjashtuar askënd, për të dalë nga kjo krizë, e cila, në vlerësimin tim, ka në bazë absurdin, sepse unë nuk di t’i gjej një bazë tjetër. Mendoj se është një përpjekje në një moment të vështirë dhe delikat për vendin, për një proces për të cilin qytetarët shqiptarë janë plotësisht të pjekur dhe e meritojnë atë.


Zoti Nano: Më lejoni të ndaj me ju vlerësimin për këtë iniciativë të përbashkët të Kryeministrit të Republikës së Shqipërisë dhe timen, si ish Kryeministër, që ka sjellë deri afër përfundimit procesin e negociatave për nënshkrimin e Marrëveshjes së Stabilizim Asociimit me Komisionin Evropian dhe vendet anëtare të BE, që nënshkroi qeveria e drejtuar nga zoti Sali Berisha. Besoj se ky vlerësim, me kontributin tuaj, shkon në momentin e duhur në vëmendjen e të gjithë qytetarëve shqiptarë dhe partnerëve ndërkombëtarë të vendit, të cilët presin zgjidhjet e munguara dhe hapat e mëdha përpara nga politika dhe institucionet e shtetit tonë demokratik

Unë besoj se edhe ju, ashtu si i gjithë opinioni publik, do të vlerësoni se bëhet fjalë për një frymë të re në politikën shqiptare, e cila synon të zgjedhë reformat e mëdha për integrim, vendimmarrjen strategjike për zhvillim të qëndrueshëm dhe përshpejtimin e hapave që aktivizojnë potencialet e mëdha njerëzore dhe natyrore që ka vendi për të konkurruar në hapësirat globale ku po integrohemi, si një vullnet që nuk mund të vijë ndryshe në shoqërinë shqiptare, përveç se nëpërmjet dialogut mes kundërshtarëve politikë. Unë besoj se hapat e mëdha, iniciativat e mëdha që ndryshojnë faqen dhe klimën e zhvillimit të Shqipërisë në demokraci, mund të vijnë vetëm nëpërmjet dialogut dhe bashkëpunimit të autoriteteve të mëdha të dy palëve.

Unë jam i bindur që kjo nuk do të mbetet një iniciativë vetëm e Kryeministrit aktual dhe ish Kryeministrit si autoritete politike. Prandaj, dua të vë theksin, në mënyrë të përsëritur, tek apeli që përfshin deklarata jonë e përbashkët që të gjithë aktorët e përgjegjshëm të politikës shqiptare, të gjithë aktorët dhe përfaqësuesit e grupeve të interesit që lëvizin tashmë në hapësira gjithnjë e më evropiane në vendin tonë dhe ju, si media e lire, të bashkoheni në nxitjen dhe mbështetjen e iniciativave që i bëjnë gjithnjë e më konvergjente harxhimin energjive, si dhe orientimin e sipërmarrjeve të lira shtetërore ekonomike dhe sociale drejt një efikasiteti më të madh në realizmin e iniciativave ndërkombëtarë të integrimit në BE dhe në NATO.

Unë do të uroja që ju të ndeshni, në veprimtarinë tuaj të përditshme, gjithnjë e më shumë mesazhe që konvergojnë në këtë angazhim solemn të dy autoriteteve politike që miratuan deklaratën e sapo publikuar. Faleminderit.






Pyetje: Ju thatë se keni bërë gjithçka për të kapërcyer këtë situatë, por pyetja ime është, mos ndoshta për të kapërcyer këtë situatë dhe jo për ta thelluar atë, nuk do ishte ndoshta më korrekte që të konsumonit një takim me kryetarin aktual faktik të PS-së, zotin Rama?

Kryeministri Berisha: Pyetja juaj më habit. Si gazetarë, jo pa memorie politike, duhet të kujtoni se kam shprehur në mënyrë të përsëritur gatishmërinë për të takuar zotin Rama dhe nuk kam marrë përgjigje, përkundrazi. Jam takuar me zotin Meta dhe kam bërë përpjekjet më serioze për të dhënë një zgjidhje, kam takuar zotin Majko, kam diskutuar, për rreth një orë, për të gjetur një zgjidhje, kam komunikuar me shumë eksponentë. Dua t’ju siguroj se, pavarësisht nga absurdi në të cilin ndodhemi, komunikimi nuk është ndërprerë për asnjë moment dhe nuk mund të ndërpritet.


Pyetje: Zoti Nano, ju duhet të jeni koshientë që një lëvizje e tillë, kur ju ende nuk po konkretizoni atë çfarë keni ndërmend të bëni për rikthimin e fuqishëm tuajin në politikë, mos ndoshta po i paguani me këtë lëvizje një kosto të lartë asaj që mund të quhet një ambicie e juaja për tu bërë president i vendit?

Zoti Nano: Për të qenë alternativ në komunikimin e përbashkët me ju përkrah zotit Berisha, më lejoni të them se mua nuk më habit pyetja juaj. E them këtë sepse vlerësoj se kjo është pjesë e opinionit dhe të ndjeshmërisë që qarkullon në publik dhe në politikën shqiptare. Por, ndërkohë, më duhet të ritheksoj se iniciativa dhe procesi bipartizan që ne po iniciojmë nuk drejtohet kundër askujt, aq më pak do të synonte të përjashtonte faktorë të stërvitur për kontakte, negociata, dialog politik me Evropën moderne, me përfaqësuesit e saj politikë, institucionalë dhe diplomatikë, që ndodhen në Partinë Socialiste që unë kam drejtuar dhe stërvitur njëkohësisht, për vite me radhë. Nga kjo pikëpamje, unë besoj se ju e morët përgjigjen që kërkonit. Ju, si gazetar me përvojë, e synoni përgjigjen edhe duke sjellë në vëmendjen e opinionit rrezikun e të kundërtës. Pra, përgjigjja është që spektri i politikës dhe i përfaqësuesve të interesave të një Shqipërie që zhvillohet drejt Evropës është shumë më i gjerë sesa konflikti i ditës, sesa bllokimi i procesit të zgjedhjeve vendore të radhës. Unë e zoti Berisha jemi të vendosur që këtë interpretim dhe angazhimet që burojnë prej tij ta ndajmë me një shumicë faktorësh të tjerë, përfaqësues të Shqipërisë në marrëdhëniet me Evropën, sepse jam i bindur maxhoranca evropiane e vendit është më e madhe se çdo maxhorancë shqiptare e momentit.

Pyetje: Lëvizja juaj edhe pse e papritur ishte plot me detaje dhe deklarata natyrisht është e mirëpritur nga të gjitha. Por a keni menduar se ku do ta vendosni atë që ‘de juro’ është kryetari i PS-së, zotin Edi Rama, i cili ka mbetur ende tek negociatat tek Presidenti i Republikës?

Kryeministri Berisha: Deklarata ishte ftesë për të gjitha forcat pro evropiane të vendit. Deklarata nuk njeh përjashtime, u bën thirrje forcave tona politike, qytetarëve, shoqërisë civile, mediave të kontribuojnë për të dalë nga ky spiral absurd.

Pyetje: Zoti Nano, ju si aktor shumë i stërvitur me marrëveshjet, sikurse e thatë edhe vetë, e parashikoni zotin Rama brenda propozimit që ju bëtë me këtë lëvizje, do t’i bëni thirrje që të bashkohet me ju, apo keni një iniciativë që ju do ta ndërmerrni për hir të interesave të vendit, duke kaluar të gjitha propozimet në Kuvend në mënyrë që të marrin shumicën e cilësuar dhe që do të zhbllokojnë situatën?

Zoti Nano: Unë vlerësoj se çdo përfaqësuesi kryesor ose relevant politik ose jo politik në Shqipëri i jepet një mesazh i qartë nëpërmjet këtij qëndrimi të përbashkët politik të zotit Berisha dhe timin për nevojën e konvergjencës dhe të komplementaritetit me një zhvillim të madh, të munguar në politikën shqiptare. Natyrisht, ne nuk kushtëzojmë dhe nuk diskriminojmë, aq më pak dënojmë askënd. Kjo është fryma me të cilën ne komunikojmë me opinionin publik dhe me përfaqësuesit e zhvillimit evropian në vend. Vetëm në dorën e cilitdo përfaqësuesi, por unë besoj se elementet e sjelljes negative përballë interesave kombëtare dhe të veprimit informal, ku Shqipëria po legalizohet deri në skutat e saj më të largëta, tashmë janë konsumuar dhe janë të qartë në vëmendjen e të gjithëve jo vetëm të publikut vendas, por edhe të faktorëve të rëndësishëm ndërkombëtar që na monitorojnë dhe asistojnë. Vetëpërjashtimi nuk mund të evitohet nga një angazhim që i drejtohet shumicës dhe për pasojë kjo është sfidë personale e atyre që do ta zgjedhin. Më lejoni të ritheksoj bindjen time se maxhoranca e faktorëve evropianë në Shqipëri do ta mbështesin këtë frymë dhe do të kontribuojë për zhvillimin e saj të qëndrueshëm.

Pyetje: Duke iu rikthyer memories politike, ju pak pas fitimit të zgjedhjeve deklaruat për zotin Nano pensionin e tij politik. Në këtë moment duket se nuk jeni shumë i bindur se e keni nxjerrë apo jo në pension politik.

Kryeministri BerishaJu ngatërroni deklaratat elektorale dhe post elektorale me përpjekjet më serioze për të dhënë zgjidhje dhe shtytje një procesi jetik për vendin, për demokracinë, qytetarët dhe integrimin. Këto në mendimin tim janë dy gjëra të ndryshme. Por jam i bindur se askush nuk mund ta nxjerrë jashtë këtij konteksti këtë përpjekje tonën. Ju jeni dëshmitar se, në përpjekjet për t’i dhënë zgjidhje, një koalicion prej 7 partish politike bëri një marrëveshje me zotin Meta dhe sërish ai është i përfshirë. Kjo është një përpjekje shumë e sinqertë për një proces, të cilin ne realisht e konsiderojmë vendimtar për ecurinë e demokracisë shqiptare dhe integrimin e vendit në institucionet euroatlantike. Jashtë kronikave dhe jashtë të gjitha paragjykimeve mendoj se procesi është jashtëzakonisht i rëndësishëm.

Pyetje: Zoti Nano a nuk do të ishte më e udhës që para këtij takimi të zhvillonit paraprakisht një takim me krerët e partive të opozitës për të shfaqur më pas këto qëndrime me Kryeministrin?

Zoti Nano: Besoj se për të qenë konvergjent me frymën që duam të sjellim në dominante të zhvillimit edhe në politikën shqiptare, të frymës bipartizane dhe konsensuale, me angazhimin tonë të përbashkët dalim përtej kornizave të politikës së vjetër, kur vendimmarrja e rëndësishme mbetej ekskluzivitetet i krerëve të partive. Unë nuk mendoj se vendimmarrjet e rëndësishme mund të realizohen pa kontributet e krerëve të zgjedhur në mënyrë demokratike në partitë legjitime që funksionojnë në shoqërinë tonë pluraliste. Angazhimi është shumë më lartë dhe më gjerë sesa zyrat e krerëve. Unë besoj se edhe zoti Berisha po jep prova për të mos i mbajtur shqetësimet e mëdha të Kryeministrit të Shqipërisë, të cilat unë i kuptoj për shkak të eksperiencës së mëparshme, brenda zyrës së tij shtetërore apo zyrës së tij politike. Prandaj ne kërkojmë që krahas krerëve me konvergjencë për përshpejtimin e reformave të integrimit të bashkohen të gjithë faktorët që realisht mbajnë Shqipërinë të ngulur fort në këtë proces të përafrimit me Evropën dhe të shfaqen tani për të zhbllokuar procesin administrativ zgjedhor, për t’u përgatitur për sfida të tjera jo vetëm elektorale, por të garantojnë stabilitetin dhe integrimin me dinjitet të Shqipërisë, pra të të gjithë faktorëve që përfaqësojnë Shqipërinë, edhe të krerëve, në botën evropiane që po na asiston me aq shumë vëmendje dhe kontribute.

Pyetje: Kryetari i KQZ-së ka deklaruar se, nëse nuk do të nxitoni, atëherë dhe data 18 shkurt do të jetë e pamundur për të zhvilluar zgjedhjet. Sa kohë do të prisni për reflektimin e partive të tjera të opozitës, të cilat deri tani nuk duken shumë optimiste për këtë takim.

Kryeministri Berisha: Një proces serioz tryeze, dialogu, po vazhdon nën drejtimin e Presidentit të Republikës. Kjo deklaratë dhe ky takim është një mbështetje e fuqishme për këtë proces, vlerësim për këtë proces, me dëshirën që përgjigjja të jetë sa më e shpejtë. Dua të ripërsëris sërish një bindje timen; Shqipëria është vend me probleme, por është një vend me shoqëri me maturitet politik dhe ata që nuk përllogarisin maturitetin e shoqërisë shqiptare, gabojnë. Ky vend është një vend me ligje të mira, me ligje të cilat lejojnë funksionimin e shtetit ligjor. Ky vend është një vend me Kushtetutë demokratike dhe më një vokacion të papërmbajtur për integrimin euroatlantik. Ndaj dhe këtu, sot, si Kryeministër i këtij vendi, zoti Nano si ish Kryeministër, por edhe si dy personalitete protagoniste të rotacionit politik të korrikut që kaloi, sërish jetësuan këtë deklaratë, principe të cilat ne besojmë se janë të domosdoshme për vendin, për të ecur në rrugën e integrimit.

Pyetje: Zoti Nano, a besoni dhe ju në një reflektim pozitiv të drejtuesve të opozitës?

Zoti Nano: Pa ekuivoke po. Dhe për këtë, angazhohem, si një nga përfaqësuesit e opozitës që ka akoma kontribute për të dhënë dhe që sot, më shumë se kurrë, ndjen që kontributet që kërkohen janë ato që mund të bashkojnë një shumicë edhe të opozitës, në mbështetje të reformave më të shpejta të integrimit të vendit në Bashkimin Evropian. Flas për përfaqësues politikë të opozitës në parlament, flas për përfaqësues të opozitës së sotme në qeverisjen vendore, të cilët, jam i bindur, kanë aftësitë, krahas respektit për Kushtetutën dhe ligjet demokratike të vendit, për të konkurruar në zgjedhjet e ardhshme, për të përsëritur autoritetin e tyre, i cili do të vazhdojë të mbetet, si për maxhorancën dhe për opozitën, në gjykimin e votuesve të mbarë Shqipërisë, të cilët sot po marrin një sinjal shumë të rëndësishëm.

Jam i bindur që sinjali që lëshojmë sot, Kryeministri dhe unë, është një dëshirë e hershme e të gjithë shqiptarëve, që do të mirëpritet prej tyre dhe, për këtë shkak, nuk do mund të sabotohet nga cilido përfaqësues i vogël dhe i tkurrur pas anktheve apo interesave minore, në raport me interesat e integrimit.

Pyetje: Si e gjykoni rolin e Presidentit në këtë krizë?

Kryeministri Berisha: Mendoj se prej dy ditësh, Presidenti i Republikës ka bërë përpjekjet më serioze për një marrëveshje për zgjidhjen e situatës. Jam gjithashtu i kënaqur se, koalicioni qeveritar firmosi tekstin integral të marrëveshjes që Presidenti i Republikës paraqiti si draft të tij dhe të komunitetit ndërkombëtar, në të cilën që të gjitha pikat ishin kërkesa jo të qeverisë. Unë kërkoj këtu mirëkuptimin tuaj dhe të qytetarëve se, në të gjitha këto qëndrime për certifikatat që u demonizuan në këtë mënyrë, ne kemi vetëm një shkak dhe ky është shkaku ligjor. Kodi elektoral i këtij vendi i njeh ato si dokument themelor për të votuar, ligji i gjendjes civile i njeh ato si dokumente identiteti të qytetarëve shqiptarë.

Pra, ne e firmosëm marrëveshjen. Dje, Presidenti i Republikës, për shkak se pala tjetër nuk ishte dakord, ka vazhduar përpjekjet deri në orët e para të mëngjesit dhe nuk është se nuk u bë një punë serioze, por, në fund u rikthye ideja e noterizimit të dokumenteve zyrtare. Imagjinoni ju sikur dikush t’ju kërkojë kopje të noterizuar të diplomave tuaja, të patentave tuaja, sepse, në këtë drejtim, duhet ta masim veten me qytetarin. Nuk mund të bëjmë dënime kolektive. Kjo është gjithë arsyeja, asgjë tjetër. Ndaj edhe ne, në deklaratë, e kemi shprehur mbështetjen për procesin e nisur nga Presidenti.

Pyetje: Po në vlerësimin tuaj, zoti Nano, si e gjykoni nismën e Presidentit? Nga ana tjetër, nëse nuk do të ketë një ndjeshmëri të madhe nga opozita, si mendoni të jepni kontributin tuaj në parlament për kalimin e gjithë ndryshimeve në Kodin Zgjedhor. A i keni ju votat e mjaftueshme për këtë. Më drejtpërdrejtë, a do të jeni ju ditën e hënë në parlament, zoti Nano?

Zoti Nano: Unë besoj se, në të njëjtin vlerësim, dua të bashkohem për përpjekjet e admirueshme të Presidentit të Republikës, krahas faktorëve të tjerë të përgjegjshëm, pra asistencës së përfaqësuesve të rëndësishëm, për të zhbllokuar procesin zgjedhor të radhës. Kjo më lejon gjithashtu të konstatoj se, Presidenti i Republikës nuk mund të bëjë detyrën e munguar të përfaqësuesve politikë apo të ekspertëve që negociojnë për zgjidhjet teknike të munguara. Pra, unë do të theksoja, në këtë rast, se askujt nuk i lejohet të nëpërkëmbë institucionet, aq më pak kryetarin e shtetit, qeverinë e vendit të tij, si dhe parlamentin, që është institucioni kryesor i demokracisë shumëpartiake.

Për pasojë, unë do të vazhdoj të jem i pranishëm, jo vetëm në Kuvendin e Shqipërisë, që është tempulli i demokracisë, por edhe në kontakte të tjera me përfaqësues politikë dhe jo të tillë, të lëvizjes dhe interesit evropian të shqiptarëve, me të cilët do të vazhdoj të synoj dhe të punoj – jam i sigurt për suksesin – për mpiksjen e maxhorancave më të gjera sesa ato zyrtare, në dobi të integrimit evropian.

Pyetje: Zoti Berisha, ju do ta përkrahni një kandidim të mundshëm të zotit Nano për President të Republikës?

Kryeministri Berisha: Në këtë takim, të jeni të sigurt, se nuk ka asnjë interes personal të Sali Berishës, apo të zotit Fatos Nano. Në këtë takim është diskutuar çdo gjë për një proces, të cilin askush nuk mund ta mohojë që është jetik për vendin. Ne, në rast se duam që në Shqipëri të funksionojë shteti ligjor, në këtë vend duhet të respektohen dhe zbatohen ligje, duhet të respektohet dhe zbatohet Kushtetuta.

Pyetje: Zoti Nano, lëvizja juaj a ka ndonjë lidhje ndoshta me një rinovim të strukturave të Partisë Socialiste?

Zoti Nano: Më lejoni të ritheksoj se takimi i sotëm shënon nisjen e një procesi, i cili nuk mund t’u japë që sot përgjigje të gjitha pyetjeve dhe dilemave që kanë frenuar zhvillimin tonë, me ritmet e duhura, drejt standardeve evropiane dhe politikës bashkohore. Jam i sigurt se në këtë proces do të marrë përgjigje edhe një pjesë e interesave apo pyetjeve që opinioni publik, siç e interpretuat ju, ende kërkon. Besoj se shtrati më i mirë për të mos e lëshuar vendin jetim nga krizat e vogla të zgjedhjeve administrative të radhës, tek krizat e mëdha që do të bllokonin zgjedhjen e Presidentit të Republikës - dhe në këtë rast Kushtetuta parashikon një lëngim të gjatë të institucioneve, - do të gëzojë mbështetjen e shumicës, do të gëzojnë mbështetjen e faktorëve më përfaqësues dhe më të përgjegjshëm për fatet e integrimit evropian të vendit, të stabilitetit dhe iniciativave që sigurojnë mirëqenien dhe mbarëvajtjen e shoqërisë. Për pasojë, ne po përsërisim angazhimin për të kthyer faqen, për të ndryshuar klimën dhe rezultatet e investimit politik të përfaqësuesve në Shqipëri.

[Brari]

kjo eshte nje gje e mire..sepse neutralizon deri diku yryshin edvinist per nje 97 te re me makabre se e para..
dhe cdo gje qe shmang gjakderdhjet eshte e mirpritur..
por krokodilet nuk kan bese.. sidomos treshja krokodilo vampire.. edvin-gjinush neritan..

te shohim..

[Pedro]

Kesaj i thone: "njera dore lan b.ythen, kurse tjetra lan doren, qe lau by.then".

Por pa sapun, dhe si perfundim, te dyja duart bien era m.ut.

[Homza]

Sali Berisha eshte mjeshtri i politikes Shqiptare, ket e deshmoi me talljen qe i beri Nanos kryetarit legjendar te PSse, dhe lojen qe i ka fut me kete levizje te fundit Edvinin me shoqe...

Sala ja futi Nanos kur e burgosi, e majti ne burg sa kohe, e nxorri prej burgut, e boni kryeminister sa kohe, tashi e ka prane vetes i jep naj post te larte pastaj e shti Nikoll LEsin si minister te brendshem ta fusi ne burg....

Sala konfiromoi edhe nje her qe eshte mjeshter ne politike, dhe se kryetarin legjendar te PSse din ta lidhi per nje qime floku pas vetes. Nano mendohet qe do marri postin presidnet, kjo ka per te ndodh kur pula te boj shurr ne vend te glaces, kurr ska per te ndodh.

[Homza]

Braro, ky Sala yne si ka punet mire me kete levizje qe beri ksaj rradhe....jo per gje por ai po behet rradhe me kriminelet, hajdutet, kusaret, kleptokratet-----dhe nuk ka asnje detyrim madhor ndaj atdheut qe te shtyj nje kryemnister te bej nje gje te tille.

Nga ana morale eshte nje levizje dhum e gabuar, kurse nga ana politike kjo eshte nje mjeshtri e Sales, se cila ana do dali fituse mendoj qe koha do ta tregoj.

Ti si mendon?

[Brari]

Fillimi i fundit të simbolit të destabilizimit


Vasillaq DHAMI


Kur Edi Rama u përzgjodh nga PS për ministër Kulture dhe më vonë si kryebashkiak i Tiranës, kjo lëvizje e të majtës iu servir opinionit si materializim i filozofisë politike të Nanos për bashkëqeverisjen me shoqërinë civile. Megjithatë, një vështrim më i vëmendshëm perceptonte edhe atëherë kontribute ekstra dhjetra milion dollarëshe që qeveritë e majta disbursonin në drejtim të tij, angazhimet e bizneseve formale dhe informale të së majtës, si dhe invenstimet marramendëse mediatike, të gjitha në funksion të ngritjes se kultit të këtij individi.

Partitë e majta, e sidomos PS-ja, nuk u druajtën të demonstronin hapur përkujdesje për këtë njeri edhe kur ky filloi të shfaqte difekte skandaloze të komportimit të tij me mjedisin që administronte, në raport me ligjin, me mediat që nuk i vinin pas avazit dhe ç'ishte më absurde, u etiketua prej tyre simboli i qeverisjes vendore, pa ç'ka që është i faktuar si autor i përmbytjes së Tiranes dhe si protagonist i dhjetëra dosjeve të korrupsionit. Megjithatë, duke njohur natyrën e të majtës shqiptare, kjo lloj sjellje është brenda racionalitetit të konceptit të saj politik dhe kësisoj deri këtu s'mbetet vend për hamendje.

Normalisht, pikëpyetjet e para filluan kur Edi Rama shfaqi shenjat e para të ambicjes për të kapur kreun e PS: Ishte kjo një shfaqje spontane e karakterit personal të tij apo ishin segmentet e PS-së ato që synonin të realizonin nëpërmjet tij qëllime të caktuara politike? Në këtë kontekst ende nuk dihet që turi i tij në bazën socialiste në 2004, ishte nisëm personale apo e iniciuar nga klane që sponsorizonin dhe diktonin lëvizjet e tij politike. Po kështu qetësia e Nanos përkundrejt kësaj lëvizje, ishte se nuk mund t'a ndalte dot, apo Edi Rama ishte plotësisht nën kontrollin e tij.

U desh rënia e Nanos pas 3 Korrikut për t'u qartësuar vetëm një pjesë e hamendësive për këtë katapultim të paprecedentë të këtij individi në majë të kupolës së një force politike, ku klanet luftojnë ashpër midis tyre për të pasur kontrollin e saj. Megjithë, faktin që Kongresi e zgjodhi kryetar në mënyrë misterioze, një natë pasi ia kishte rrëzuar platformën politike, po dallohej qartë që nuk kishim të bënim me nje rastësi dhe gjërat nuk po ecnin në natyrshmërinë e tyre, siç ndodh kur një person për shkak të staturës së tij intelektuale imponohet dhe dominon situatën. Gjithashtu, nuk ishte duke realizuar ndonjë profeci për një farë Mesie i së majtës për t'a nxjerrë nga situata e vështirë, mbas humbjes në zgjedhjet politike. Por ndodhte e kundërta: interesa madhore, domosdoshmëri jetike të këtij formacioni politik, diktonin fort si të vetmen alternativë të përshtatshme për të, drejtimin nga Edi Rama. U pa shpejt se shumë nevojë për këtë njeri pati edhe pjesa tjetër e opozitës, ku nuk rezistoi as Ilir Meta dhe kësisoj, ai u pranua prej tyre me vullnet të lirë, si lider.

Opozitarizmi i majtë i paparë në të gjithë rruzullin, rrokullisja tragji-komike e ngjarjeve politike nga Korriku e këtej, sabotimi i programuar PAR EXELENCE i procesit zgjedhor, veç trishimit u jep shqiptarëve edhe përgjigjen për arsyen e vërtetë, se përse Edi Rama nga një ish-refugjat me thonj të paprerë, është sot kryetar i së majtës së bashkuar.

Një konstatim tanimë i frikshëm: Për fat të keq të këtij vendi, ekspertiza e kupolës së majtë nuk gaboi. Rezultoi shumë e saktë në përzgjedhjen e tij si njeriu më i aftë jo vetëm t'i punojë mendja për çdo lloj paudhësie, por dhe me ego të pakufishme për pushtet, të cilat e motivojnë dhe japin kurajo prej të çmenduri për të dalë në ballë e dirigjuar implementime të aventurave disastroze politike si kjo që po luhet sot në kurriz të shoqërisë shqiptare. Me sa duket e majta shqiptare prodhon dy tipe udhëheqësish; një si Fatos Nano për qeverisje, elastik, liberal për rrumpallën korruptive, dhe një tjetër si Edi Rama i nevojshëm për në opozitë, që i ka të gjitha prerogativat dhe papërgjegjshmëritë për të precipituar destabilitet politik të rëndë, edhe kur në shoqëri nuk ekzistonjë premisa të tilla. Por në një kontekst më të gjerë edhe pse Edi Rama është sot në Shqipëri njeriu krizë, problemi në thelb nuk është ky. Ai është vetëm një produkt i shëmtuar i procesit politik destruktiv që gjeneron e majta si vetia më e qenësishme e saj, e cila bën çmos për të kultivuar e sjellë në krye të vet lider të aftë të bëjnë çdo gjë të mbrapshtë, por të paaftë për t'i bërë ndonjë gjë të mirë vendit të tyre. PS dhe aleatët e saj, janë duke dëshmuar fort se nuk pranojnë sistemin demokratik që solli në Shqipëri përmbysja e komunizmit në vitet '90: për herë të dytë brenda një dekade janë të gatshëm të hedhin në erë çdo gjë të mirë që ka arritur ky vend në rrugën e prosperitetit vetëm e vetëm se të ndenjurat e tyre nuk tolerojnë dot karriget e opozitarëve. E majta e bashkuar ia ka arritur që me strategjinë e saj ta fusë vendin në një ngërç parazgjedhor të papreçedent në këto 15 vite demokracie. Sfida tanimë është e madhe për të dhe gjithë politikën dhe n.q.s nuk ndalet skenari, të gjithë do të paguajnë nga një faturë, por ajo që është e sigurtë lidhet me faktin që pjesën e luanit do t'i takojë ta paguajë PS-ja, faturë të cilën me cinizëm do t'ia futë në xhep simbolit të saj të destabilizimit tek është duke dalë nga politika.





rd



--

kush eshte ki vasillaq dhamua..

nga eshte ku jeton e cprofesion ka..

duket inteligjent..



hamza..

qe thua ti..
nuk jam partizan i mjeshterive politike.. por me pelqejne politikanet me principe.. dhe largpames..
ti hamz ke nevoj per edukim demokratik.. sipas atyre qe thua.. per berishen.. se si ja punoi nanos..
vetem ne futboll duhet te kenaqemi se i bem gol patozit apo librazhdit ne si peqin.. kurse ne punet e vendit duhet pare se sa mire ju be miletit nga x a y veprim politik e shteteror..
te kursesh jet njerzish eshte puna me e lavderushme.. dhe ktu qendron vlera e aktit politik berish-nano..
keshtu cuno..

mero bazua.. pershkruan bukur ne ate librin e tij per vitet 90 e ca e deri me 97.. nje tip.. gim isakun.. se si kernaqej ai nga kolltuqet e rognerit e bente sehir 97 e tmerrshme..

97 donte te bente edveri me gjinush ceko broz meto pandushet tani perseri.. dhe saliu .. ashtu sikurse me 97 po ben te gjitha perpjektet per te mos arritur aty..

dhe kjo biseda me nanon kete qellim ka..
te shmanget nje 97-te te dyte.. sepse anarshia eshte me e keqja e te keqijave..
prandaj i uroj sukses berishes ne kte perpjekje e cila shmang kallashin e rruges i cili korr jet njerzish.. krejt te pafajshem.. e sjell ne pushtet organizatoret e revolucioneve te felliqura tip 97..
kush eshte beratas e vlonjat
e di cdo te thote..nentedhjet e shtat..


nano duhet pershendetur per kte angazhim qe te kaloje vendi ne gjendje qetesie.. e jo ne ankth qe sjell panik e mbas panikut Fush arrz.. ne shkall vendi..

e dini besoj se cesht fush arrezi..

ruco gjolek caush pandush blusho-brace edvinistet e zp e gsh-istet do zemrohen nga Pakti berish-nano.. e do hedhin shashka e tritol ta djegin kte marveshje.. po do zoti e nuk u ecen.. e zoti eshte aty te rruga Elbasanit..
Ajo Gruaja e vogel po qe ja do te miren shqiptareve..

rrofsh oj zoja Rise..

qashtu..

--------

[Gunnar]

Sali Berisha eshte mjeshtri i politikes Shqiptare, ket e deshmoi me talljen qe i beri Nanos kryetarit legjendar te PSse, dhe lojen qe i ka fut me kete levizje te fundit Edvinin me shoqe...

Sala ja futi Nanos kur e burgosi, e majti ne burg sa kohe, e nxorri prej burgut, e boni kryeminister sa kohe, tashi e ka prane vetes i jep naj post te larte pastaj e shti Nikoll LEsin si minister te brendshem ta fusi ne burg....

Sala konfiromoi edhe nje her qe eshte mjeshter ne politike, dhe se kryetarin legjendar te PSse din ta lidhi per nje qime floku pas vetes. Nano mendohet qe do marri postin presidnet, kjo ka per te ndodh kur pula te boj shurr ne vend te glaces, kurr ska per te ndodh.

hajde ekspert hajde.........

Toqi me Boqin u takuan perseri se edhe kete here kishin shume nevoje per njeri tjetrin.

Mjeshteria me e madhe e te dyve (Tos-Sal) ishte qe e bene te gjithe kete popull te besoje se ishin armiq ne vdekje nderkohe qe gjate gjithe kesaj kohe skane bere gje tjeter vecse kane mbajtur njeri tjetrin ne pushtet. at jane si Derri mac, nje leter me dy koka, po ce do qe neve si popull na ka mbet derri ne dore