SHBA: Barak Obama, kandidati per president i Partise Demokratike

[Xhuxhumaku]

Nje problem tjeter qe ka dale ne sfond tani jane parate qe kane fushatat ne dispozicion.

Obama arriti te marre 32 milion dollare ne donacione muajin e kaluar, Hillary arriti te marre vetem 14 milion.

Ky qenka vertete demagog i madh,

32 milione?

ky po qe do ndryshoje ameriken?

ky qenka i kap qe nga gishti i komes tek fija e flokut nga korporatat.

[Sa Kot]

Ky qenka vertete demagog i madh,

32 milione?

ky po qe do ndryshoje ameriken?

ky qenka i kap qe nga gishti i komes tek fija e flokut nga korporatat.

Ne fakt eshte e kunderta. Mesa duket, dhuruesit e Clintonit jane njerez me xhepa te medha, dhe i kane dhene maksimumin qe kane mundur.

Nderkohe qe Obama po merr dhurime nga njerez te thjeshte dhe ne shuma te ulta, mirepo ka nje mbeshtetje shume te madhe, dhe eshte me e thjeshte per ata te dhurojne ne te ardhmen.

Clinton duhet te jete ne gjendje te fitoje bindshem tashme dhe te ndaloje Obamen me c'do kusht!

[brooklyn2007]

Hillari Klinton: Lidhjet e mia të hershme me Shqipërinë e Kosovën


Mar, 05 Shkurt 2008
Nga Ruben Avxhiu/ NEW YORK


Sot ( e marte), ne SHBA mbahen zgjedhjet paraprake brenda partive me shumë se 20 shtete, në atë që njihetsi Super e Marta. Senatorja Hillari Klinton është një nga dy politikanët që shpresojnë të marrin kandidaturën e Partisë Demokratike për zgjedhjet presidenciale të nëntorit 2008. Në këtë periudhë, kandidatët kryesorë janë duke marrë mijëra kërkesa në ditë për intervista, nga mediat e mbarë botës. Është pasqyrim i rëndësisë që kanë për fatet e gjithë botës, zgjedhjet për postin ndoshta më të rëndësishëm të botës.


Ndaj kjo intervistë është një vlerësim për rolin gjithnjë e më të dukshëm të komunitetit shqiptar në SHBA, përfshi edhe në betejën më të rëndësishme politike të vendit e ndoshta edhe të botës. Ndërkohë që marrëdhëniet e mira shqiptaroamerikane nuk varen thelbësisht nga kush udhëheq në Shtëpinë e Bardhë, është për t'u vlerësuar që një prej kandidatëve kryesorë të këtij viti, senatorja Klinton, ka një njohje e afërsi kaq të madhe me çështjet që shqetësojnë shqiptarët dhe shpreh besim te roli që mund luajnë ata në kutitë e votimit këtu në SHBA.

Senatorja Hillari Klinton, urime për suksesin tuaj të fundit në Florida. Po e filloj pikërisht me këtë. A do kenë vlerë votat e Florida-s dhe Michigan-it?

Demokratët e këtyre shteteve janë përjashtuar nga konventa për ndryshimin e datës së votimeve pa lejen e partisë… Vazhdimisht dëgjoj nga njerëzit në Florida dhe Michigan, që kërkojnë që edhe zërat e tyre të dëgjohen për të zgjedhur kandidatin demokrat. Unë besoj se kandidati ynë, kushdo që të zgjidhet, do të ketë nevojë për mbështetjen entuziaste edhe të demokratëve në këto shtete, për të fituar zgjedhjet e përgjithshme. Prandaj edhe unë do t'u kërkoj delegatëve të mi në Konventën Demokratike që të mbështesin ftimin e delegacioneve nga Florida dhe Michigan. E di që jo të gjithë delegatët e mi do të bien dakord dhe unë do të mbështes plotësisht vendimin e tyre, sido që të jetë. Por, unë vetë shpresoj që të bëhem presidente e të 50 shteteve të Amerikës dhe territoreve të saj, si dhe që në Konventën tonë Demokratike të jenë të gjithë të pranishëm. Shqiptaro-amerikanët në përgjithësi preferojnë ata kandidatë që kanë potencial në politikën e jashtme. Shumëkush është i mendimit se në këtë drejtim ju ia kaloni rivalit tuaj brenda partisë.

Sa e përgatitur ndjeheni për t'u përballur me sfidat ndërkombëtare, në detyrën e Presidentit të Shteteve të Bashkuara të Amerikës?

Në këto kohëra sfidash të mëdha anembanë botës, Amerika ka nevojë për një udhëheqës të fortë e me përvojë, që do ta kthejë pa mëdyshje në rrugën e sigurisë, mundësisë dhe begatisë për të gjithë. Unë jam ai udhëheqës. Unë do të jem një Komandante e Përgjithshme e vendosur dhe efektive për vendin tonë. Unë do të jem gati, që nga dita e parë, për t'i rikthyer Amerikës vendin që i takon në sytë e botës dhe për ta bërë atë më të sigurt. Gjatë viteve të mia si Zonja e Parë e Amerikës, kam udhëtuar në më shumë se 80 vende, jam takuar me presidentë, kryeministra dhe njerëz nga të gjitha fushat e jetës, si dhe kam mbështetur përpjekjet e qeverisë sonë për të zgjidhur konflikte që kanë variuar nga Ballkani në Irlandën e Veriut. Si senatore kam qenë mbështetëse e palodhur për veteranët, kam punuar për të përmirësuar shëndetësinë në mbarë botën dhe kam luftuar kundër ngrohjes globale. Kam pasur privilegjin që të jem anëtari i parë nga Neë York-u që ka shërbyer ndonjëherë në Komitetin e Senatit për Forcat e Armatosura. Unë besoj se ne jemi kombi më i madh i botës dhe duhet të veprojmë gjithnjë në frymën e kësaj madhështie, duke ndërtuar aleanca me popujt dhe vendet e tjera, për t'u përballur me sfidat tona të përbashkëta me synime të përbashkëta. Në këtë mënyrë, ne mund të mposhtim rreziqet me të cilat përballemi, mund të kthejmë mbrapsht nxehjen e planetit tonë, mund t'i japim fund mallkimit të varfërisë në botë dhe epidemive masive si AIDS-i, duke ndihmuar nga ana tjetër në përhapjen e demokracisë dhe të të drejtave të njeriut. Me sfidat e paprecedenta që presin Presidentin e ardhshëm të këtij vendi, është e nevojshme që të kemi një Komandant të Përgjithshëm të sprovuar me arritje të bazuara në fakte. E kaluara ime dëshmon jo vetëm për atë që kam arritur gjatë 35 viteve shërbimi publik, por edhe çfarë jam në gjendje të arrij edhe në të ardhmen, për vendin tim.

Dy çështje ndërkombëtare shqetësojnë në këtë pranverë shqiptarët: Pavarësimi i Kosovës dhe fitimi i Shqipërisë për të hyrë në NATO. Ka forca që përpiqen t'i vonojnë të dyja këto procese. Po ju pyes fillimisht për pozicionin tuaj për Kosovën…

Përkushtimi im i hershëm për Shqipërinë dhe Kosovën dhe përpjekjet për to, janë të njohura mirë. Gjatë luftës së Kosovës, unë jam deklaruar me forcë dhe në mënyrë të përsëritur kundër brutalitetit të regjimit të Millosheviçit dhe politikës së spastrimit etnik. Në vizitat e mia të shpeshta në Ballkan, kam parë me sytë e mi tmerret dhe vuajtjet që i janë imponuar këtij rajoni vital. Në maj 1999, kam vizituar kampet e refugjatëve në Maqedoni për të ndihmuar në tërheqjen e vëmendjes botërore te vuajtjet e qindra- mijëra kosovarëve që ishin dëbuar nga shtëpitë e tyre prej Millosheviçit, si dhe për të përshpejtuar dërgimin e ndihmës humanitare për ta. Gjatë kësaj kohe, u miqësova me shumë aktivistë kosovarë të të drejtave të njeriut, duke bashkëpunuar ngushtë me ta, për të ndihmuar në lehtësimin e vuajtjes së popullit të Kosovës. Unë mbështes njohjen e pavarësisë nga ana e Amerikës, menjëherë pasi qeveria e Kosovës ta shpallë atë dhe do t'i kërkoja Bashkimit Europian që të bënte të njëjtën gjë. Jam e vendosur që të punoj me aleatët tanë evropianë, për të ruajtur paqen dhe për të inkurajuar begatinë në Kosovë dhe në mbarë Ballkanin. Duke mbështetur pavarësinë e Kosovës, dua të nënvizoj se i bashkëngjis asaj rëndësinë e madhe që ka mbrojtja e plotë e të drejtave të të gjitha pakicave në Kosovë, veçanërisht të serbëve. Kjo është absolutisht e nevojshme në mënyrë që Kosova të ecë përpara. Unë i bëj thirrje Serbisë që ta lërë pas çështjen e Kosovës dhe të përqendrohet në reformat që do ta sjellin më pranë Perëndimit. Serbia është sigurisht një vend kyç në rajon dhe unë e mirëpres bashkëpunimin me udhëheqësit demokratikë të Beogradit, për integrimin e saj në komunitetin tonë perëndimor.

Faleminderit zonja Senatore. Një vonesë po kërkohet nga disa zëra edhe për hyrjen e Shqipërisë në NATO. Çfarë pozicioni keni ju për zgjerimin e aleancës dhe ambicien e Shqipërisë për t'u anëtarësuar?

Shqipëria është prej vitesh në Irak e në Afganistan, ku disa aleatë të tjerë mungojnë... Vizioni im është një Europë në paqe, e qëndrueshme dhe e sigurt dhe me Ballkanin, pra përfshi edhe Shqipërinë të anëtarësuar në NATO dhe të integruar tërësisht në një radhë institucionesh Euro-Atlantike. Si demokracitë e tjera të reja që janë anëtarësuar në NATO në vitet e fundit, edhe Shqipëria duhet të bëhet pjesë ekësaj aleance të rëndësishme. Sfida që qëndron përpara nesh që e admirojmë Shqipërinë dhe përpjekjet e mëdha që ka bërë që kur la pas të kaluarën e saj të tmerrshme autoritariste, është që të sigurojmë që Shqipëria të përmbushë standardet e anëtarësisë në NATO, në mënyrë që të kontribuojë sa më mirë vlerave dhe sigurisë sonë të përbashkët. Do të punoj për këtë si presidente. Presidenti Bill Klinton mbetet një hero në sytë e shqiptarëve, për rolin e tij në ndalimin e katastrofës humanitare që kërcënonte Kosovën, por edhe ju nuk jeni për ta thjesht ish-Zonja e Parë e Amerikës.

Gjatë karrierës suaj spikasin dy mandatet e fundit si senatore e New York-ut ku jetojnë shumë shqiptaro-amerikanë. Sa e rëndësishme ka qenë për ju kjo detyrë? Si do ju shërbejë nëse zgjidheni Presidente?

Unë ndihem krenare për të 35 vitet e kaluar në shërbimin publik, përfshi edhe periudhën në Senat. Kam pasur privilegjin që të përfaqësoj popullin e Neë York-ut dhe për të ndihmuar njerëzit e gjithë vendit nëpërmjet punës sime në Senat. Jam veçanërisht krenare që kam propozuar Aktin e Fondit Kosovaro- Amerikan për Ndërmarrje në vitin 2003, me synimin për t'i ndihmuar rritjes së biznesit të vogël, sigurimit të mikro-kredive, ndërtimit të shtëpive dhe rindërtimit të vendit në Kosovë. Gjithashtu, kam propozuar në maj të vitit 2005, një rezolutë në Senat që i kërkonte Shqipërisë që të mbante zgjedhje të lira dhe të ndershme në zgjedhjet parlamentare të atij viti. Kur të bëhem presidente, do të mbështetem në punën që kam bërë në Senat, si dhe në atë që kam bërë gjatë gjithë jetës sime për të përmirësuar jetën e fëmijëve dhe familjeve anembanë këtij vendi. Ju falënderoj për intervistën zonja Senatore dhe ju uroj suksese në fushatën tuaj. Mesazhi juaj mund të nxisë shqiptaro-amerikanët demokratë që janë me ju, që të mos mungojnë për të dalë e për të votuar në atë që njihet si Super e Marta këtu në SHBA… Këto zgjedhje janë shumë të rëndësishme për të ardhmen dhe unë shpresoj se të gjithë amerikanët do të ushtrojnë të drejtën e tyre për të votuar.

*Intervista botohet sot në gazetën e shqiptarëve të Amerikës, "Illyria", si dhe gazetat "Shekulli" në Tiranë, "Ekspres" në Kosovë dhe "Fakti" në Maqedoni

[Sa Kot]

Presioni do rritet tashme brenda partise demokratike per te zgjedhur nje perfaqesues sa me shpejt qe te jete e mundur. Largimi i Romneyt nga ana e republikaneve do te lejoje qe republikanet te unifikohen dhe te fillojne fushaten e tyre per presidence shume kohe perpara demokrateve.

Ky eshte nje zhvillim teper negativ per demokratet, pasi nderkohe qe ata vazhdojne te zihen me njeri tjetrin per perfaqesimin, republikanet e kane perfaqesuesin e tyre dhe te bashkuar do fillojne te konsolidojne votuesit.

Nje zhvillim i tille i vendos superdelegatet nen presion per te deklaruar se cilin nga kandidatet demokrat mbeshtesin, ne menyre qe elektorati demokrat te mos percahet akoma me tej. Kjo do t'i vinte demokratet ne dizavantazh ne zgjedhjet e nentorit.

Obama duhet te kuptoje qe ai s'ka fituar asnje nga shtetet e medha, dhe nuk mund te sakrifikoje unitetin e demokrateve, vetem per nje kaprico dhe per te fituar shtete dytesore ne te cilat demokratet nuk kane asnje shans per te fituar ne nentor! Ne qofte se ai vazhdon kete beteje te pakuptimte ne kete pike, duke e pare shume mire qe nuk fitoi Californian, Michiganin, New Yorkun, Floriden dhe s'do fitoje dot as Texasin, Ohion apo Pennslyvanian, demokratet do percahen perfundimisht!

Po vazhdoi keshtu do ja japi ne dore presidencen republikaneve!!

[Alienated]

"Super e marta" nuk rezultoi vendimtare për demokratët, surpriza edhe mes republikanëve

Luftë e ashpër në kampin e demokratëve

MekKejn në avantazh, rezistojnë dy rivalët


Përballja mes Hillari Klinton dhe Barak Obamas gjatë zgjedhjeve paraprake të "Super të martës" e ka lënë të hapur betejën për kandidimin demokrat për presidencialet e nëntorit, ndërsa Xhon MekKejn mund të pretendojë tashmë titullin e kandidatit favorit nga pala republikane. Hillari Klinton fitoi në Nju-Jork dhe Kaliforni dy "çmimet e mëdha" të zgjedhjeve paraprake, por rezultatet e mira të rivalit të saj, Barak Obama, në 13 shtete, e pengojnë të pretendojë një fitore të sigurt. Ajo që luhej në këto konsultime ishte caktimi i delegatëve që do të thirren për të zgjedhur gjatë një konvente, në fund të gushtit, kandidatin demokrat për në Shtëpinë e Bardhë. Asnjë nga kandidatët nuk është në gjendje të pretendojë një numër të mjaftueshëm delegatësh për të siguruar kandidimin. Sipas vlerësimeve të përkohshme, Hillari Klinton disponon aktualisht më shumë se një të tretën e 2.025 delegatëve të nevojshëm për kandidimin, duke e kaluar Barak Obamën me afro 100 delegatë. Dy pretendentët duhet të vazhdojnë fushatën e tyre, duke vënë në shënjestër zgjedhjet eliminatore, por ndoshta vendimtare, të parashikuara më 4 mars në Ohajo dhe Teksas. "Do të doja ta përshëndesja senator Obamën për fitoret, por mezi pres gjithashtu të vazhdojmë fushatën dhe debatet tona", tha Klinton. Për Obamën rezultati i konsultimeve tregon se "ka ardhur ora e tij". Nga kampi republikan, Xhon MekKejn mund të pretendojë fitoren pas marrjes së nëntë shteteve, ndër të cilat Nju Jorkun dhe Kaliforninë, por ka hasur në rezistencën e fortë të Mit Romneit në perëndim dhe Majk Hakëbi në shtetet në jugun e thellë të vendit, që priten gjithashtu ta zgjasin ankthin e tij. Xhon MekKejn disponon afro gjysmën e 1.191 delegatëve të nevojshëm për kandidimin që do të zyrtarizohet në fillim të shtatorit gjatë një konvente në Minesota. "Duhet të mësohemi me idenë se ne jemi favoritët e Partisë Republikane për nominimin e Presidentit të SHBA-së", deklaroi ai. Klinton ka fituar gjithsej tetë shtete. Dy demokratët u ndeshën në 22 shtete, gjatë një takimi elektoral të paprecedentë për nga përmasat e tij. Delegatët demokratë, që dalin nga çdo shtet, caktohen sipas ligjit proporcional në varësi të rezultateve të çdo kandidati dhe numri i shteteve të fituara ka një vlerë kryesisht simbolike. Nga pala republikane, MekKejn fitoi në Nju Jork, Kaliforni, Misuri, Nju Xhersi, Illinois, Konektikat, Delauer, Oklahoma dhe Arizona. Rivali i tij kryesor, Mit Romnei, fitoi në Masaçusets, Jutah, Dakotën e Veriut, Montana, Minesota dhe Kolorado. Ndërsa Majk Hakëbi fitoi në Arkansas, Alabama, Virxhinia Perëndimore, Tenesi dhe Xhorxhia. Sipas përllogaritjeve, Hillari Klinton ka siguruar pas "Super të martës" 717 delegatë kundrejt 611 që ka marrë Barak Obama. Nga pala republikane, Xhon MekKejn numëron 511 delegatë, kundrejt 189 për Mit Romnein dhe 143 për Majk Hakëbi. Klinton, 60 vjeç mund të bëhet Presidentja e parë grua e SHBA-së, Obama 46 vjeç, Presidenti i parë me ngjyrë. Xhon MekKejn do të ishte në moshën 72 vjeç, Presidenti më i madh në moshë që merr këtë detyrë. Mit Romnei, 60 vjeç, do të ishte mormoni i parë që do të shkonte në Shtëpinë e Bardhë. Presidenti i ardhshëm i SHBA-së do të jetë njëri nga këta katër kandidatë. Për zgjedhjet e 4 nëntorit, sondazhet nxjerrin fitues me një avantazh të lehtë Xhon MekKejnin përballë Hillari Klinton, nëse këta dy kandidatë do të konfirmohen si të nominuarit përkatës të partive të tyre dhe në avantazh të lehtë Obamën, nëse do të jetë ai që do të përballet me senatorin republikan.

Shqip

[Dita]

Degjova qe parashikohet qe fushata elektorale e kandidateve deri ne zhvillimin e zgjedhjeve do te kushtoje rreth 2 miliarde US$. Marshalla!

Kishin shkruar sot tek gazeta austriake Der Standard per videon e Obames ne te cilen mban fjalimin me moton "Yes we can" dhe si kjo eshte shnderruar ne video kenge me pjesmarrjen e disa aktoreve dhe kengetareve te njohur. Ne kenge eshte kthyer nga lideri i grupit Back Eyed Peas.

Video:

Artikulli ishte gatitur nga nje dramaturg mediash. Benin shaka komentuesit e artikullit: fushata eshte kthyer ne nje event, s'ka me pune me politike. Si do te pergjigjet Hillary valle? Brenda 6 ditesh nga sjellja ne youtube, video eshte pare 2,411,775 here.

[Alienated]

***Artikulli ishte gatitur nga nje dramaturg mediash. Benin shaka komentuesit e artikullit: fushata eshte kthyer ne nje event, s'ka me pune me politike. Si do te pergjigjet Hillary valle? Brenda 6 ditesh nga sjellja ne youtube, video eshte pare 2,411,775 here.

Hillary si do pergjigjet?
Duhet t'i kerkoje ndihme Billit. Mos ai ka ndonje video me Lewinskyn - ajo po qe do shihej dhjetefish me shume se sa videoja e Barack Obamas dhe BEP!

[Dita]

Me se miri shkon kjo figura per kete postimin tend Alienated =>

Po per ndjenjat e Hillary-t s'do te pyeste i shoqi keshtu? Mbeshtetja e madhe dhe angazhimi direkt i tij ne fushate mund te kuptohet shume mire si nje shperblim per sjelljen e Hillary-t dhjete vjet me pare. Ajo qe faktori krysesor pse populli amerikan nuk e braktisi figuren e Bill Clinton.

Eshte shkruar pak me lart mbi financat e shfrytezuara deri tani, mbledhjen e fondeve. Sipas nje grafiku qe pashe une sot ne krye qendron Clinton me 118 milione $, ndjekur nga Obama me 108 milione $. Romney kishte arritur te mblidhte 90 milione dhe McCain 40 milione $. Te shohim nese do te ndryshoje akuza qe zakonisht e pesojne republikanet: se jane te kapur nga interesat dhe lobet sponsorizuese.

[Sa Kot]

Ato jane shifra disi te vjetra...deri ne fundin e 2007tes.

Ne janar Obama ka marre 32 milione dollare, nderkohe qe Hillary vetem 14.5 milion dollare.

Qe nga e marta, Obama ka marre 7.5 milione dollare nderkohe qe Hillary 6 milione dollare. 5 milionci qe i dha nga xhepat e vet i eshte kthyer.

Problemi me i madh qe ka Obama eshte kapricioja, kokefortesia dhe inati. Duke e pare shume mire qe nuk fitoi asnje nga shtetet e medha, dhe duke e ditur shume mire qe ka shanse te dobta per te fituar ne shtetet e tjera te medha si Texas dhe Ohio, ai vazhdon te percaje partine demokratike duke e vazhduar kete fushate, vetem qe te fitoje neper shtete dytesore te cilat nuk do jete ne gjendje t'i fitoje ne nentor, pasi jane shtete te forta republikane.

Ai sikur 100 milion dollare me shume te kete edhe nuk do jete ne gjendje te fitoje ne shtetet e medha, e pa shume mire se si perfundoi Romney qe kishte miliona dollare me shume se kundershtaret dhe prape ai qe kishte me pak para nga te gjithe ja doli mbane.

[Albo]

Momenti qe prej fillimit te vitit ka qene ne krahun e Obama dhe nese njerezit kishin dyshime se Obama ishte nje "krijese mediatike" dhe jo nje realitet, ai tashme e ka provuar veten qe eshte nje revolucion brenda se majtes ne Amerike dhe jo thjeshte nje kandidat per president. Ai nuk po "eksiton vetem turma njerezish" ai eshte duke mbledhur shuma marramendese lekesh qe shkojne gati 3 here me shume se sa ajo e kundershtares se tij Clinton. Dhe qe te kini nje ide se cfare orteku politik Obama perfaqeson: Askush ne politiken amerikane nuk besonte se nje politikan mund t'ia kalonte makinerise se Clinton per te mbledhur para, dhe nuk kam parasysh vetem te majtet, por edhe te djathtet!

Te marten Hillary Clinton dhe njerezit e fushates se saj moren fryme lirisht jo sepse "fituan" por sepse dolen me mire se cfare prisnin. Ne baze te sondazheve qe vete fushata kish mbajtur momenti ishte ne krahun e Obama dhe ai arriti te mbylli hendekun prej 10 pikesh brenda 1 jave, gje qe eshte fenomenale dhe gati e pabesueshme. Clinton fitoi ne dy shtetet e medha ne dy brigjet e Amerikes, Obama fitoi me shume shtete qe shtrihen ne mbare Ameriken.

Por krahas turmave dhe lekeve mbi te cilat Obama ka avantazhin, ajo qe grupi i Clinton po humbet eshte edhe mbeshtetja e krereve te larte te partise demokratike si ne kongres edhe ne senat. Keta do te luajne nje rol te madh ne kongresin e partise pasi do te kene mundesi te votojne si delegate te pavarur per nje nga kandidatet. Dhe perballe nje realiteti te tille politik te paparashikur nga shume prej tyre, shume prej tyre po vene ne medyshje mbeshtetjen per Clinton. Ajo qe po vene ne medyshje ne fakt jane shanset qe Clinton ka per te fituar mandatin e partise ne keto zgjedhje.

Nese do tu jepja nje analogji te asaj qe po ndodh brenda PD ne kete fushate, imagjinoheni kandidaturen e Clinton si nje anije te madhe qe lundron e qete ngadale drejt nje destinacioni. Kurse fushaten e Obama imagjinoheni si nje cunami me vale 100 metra te larta qe po i drejtohet po te njejtit destinacion.

Ceshtja per demokratet tashme shtrohet nese cunami do te shkaterroje anijen ne det te hapur apo pasi te arrije ne breg?

Ajo qe eshte me e bukura, ajo qe do te shokoje shume njerez ne media dhe ne opinionin publik amerikan eshte fakti se cunami i Obames nuk ka fuqine e permbysjes se anijes se Clinton, por ka te ngjare qe te permbysi edhe kandidaturen e republikaneve. McCain duhet te lutet qe Clinton te fitoje kandidaturen e demokrateve, pasi ai nuk ka nje shans per te fituar perballe Obama dhe rezervimet e te djathteve per te do te rriten jashte mase ne perpjesetim te drejte me rritjen e shanseve te Obama per te fituar besimin e partise se tij.

Persa i perket mbeshtetjes emocionale te shqiptareve per kandidaturen e Clinton, une do te thosha qe Kosova do ta fitoje pavaresine ne shkurt 2008 dhe jo ne shkurt 2009. Dhe te gjithe ata shqiptare qe dalin me te madhe ne publik ne mbrojtje te Clinton kur kjo ende nuk ka siguruar mandatin e partise se saj, jane duke e demtuar imazhin e shqiptareve si ne Washington, si brenda partise demokratike qe shume mire neser mund te zgjedhi Obamen si kandidat, si ne syte e republikaneve. Shqiptaret duhet te piqen ne intelektin e tyre politik ne menyre qe te arrijne te kuptojne se ceshtja jone kombetare nuk mund t'ia lejoje vetes qe te mbaje ane ne garen elektorale ne SHBA pasi mbeshtetja amerikane eshte jetike per ekzistencen dhe te ardhmen e popullit shqiptar. Kemi nevoje per kete mbeshtetje edhe kur ne Shtepine e Bardhe eshte nje demokrat, edhe kur ne Shtepine e Bardhe eshte nje republikan.

Albo