SHBA: Barak Obama, kandidati per president i Partise Demokratike

[si-kapetan]

Ok ndoshta numri i simpatizuesve te Obames nuk eshte dyfishuar, por sot dallimi nemes Obames dhe Hillaryt eshte vetem 3 perqind. Duke ia shtuar kesaj edhe faktin qe numri i simpatizuesve te Obames dita dites shtohet, eshte shume e mundur qe pikerisht Obama te jete kandidati demokrat per president.
Vete amerikanet e pranojne qe SHBA-ve gjate kohe u ka munguar nje orator sikur Obama, prandaj ai ka simpatizuesit e tij edhe brenda votuesve republikane. Keshtu qe une kam filluar te besoj qe Obama do te jete presidenti i ri amerikan. Me kete do te vulose demokracine amerikane, dhe do te permiresoje imazhin e Amerikes neper bote.

[si-kapetan]

Te gjithe e dine se Hillary Clinton do jete Presidente e ardhshme e Amerikes.

Tregoja kete Obames dhe McCain-it mos te harxhojne para kot.

Definitivisht nuk besoj ne teori te ketilla konspirative

[DJAL_PELIVAN]

Un Ne USA Jetoj as sja kam haberin se kush do fitoje apo se ca o tu bo skam kohe per kto gjona ju andej ne Shqiperi skeni pun tjeter
per vete e dhash nje vote pa e dit se per ke thjesht se si ma dha truri

[Bizantin]

Midis nje zezaku dhe nje gruaje, preferoj Republikanet.

P.S. Se mos keqkuptohem, (Obama eshte zezaku dhe Clinton eshte gruaja).

[brooklyn2007]

Kongresisti amerikan: “Bisedat personale me Hillari Klinton për shqiptarët”


Një udhëtim në Amerikën e Jugut me Sekretaren e Shtetit Condoleezza Rice i ka dhënë mundësinë kongresistit të njohur që të bisedojë me kryediplomaten amerikane për çështjen e pavarësisë së Kosovës dhe hyrjen e Shqipërisë në NATO, Për këto dhe të tjera flet në këtë intervistë dërguar në Shekulli nga editori i gazetës Illyria në Nju Jork, Ruben Avxhiu

Zoti kongresist, kë po mbështesni në garën zgjedhore paraprake brenda Partisë Demokratike dhe pse?

Unë mbështes Hillary Clinton-in. E mbështes me shumë entuziazëm. E njoh zonjën Clinton shumë mirë. Ajo ka qenë gjatë këtyre viteve senatorja jonë e Neë York-ut dhe ka bërë një punë të mrekullueshme. Unë jam i bindur se punën e mrekullueshme që ka bërë për shtetin e Neë York-ut, ajo do të dijë ta bëjë për gjithë Amerikën. Prandaj edhe po e mbështes atë. Zgjedhja e saj si presidente do të jetë një moment historik për Shtetet e Bashkuara.

Ju keni qenë për shumë vjet një mbështetës këmbëngulës i interesave shqiptare në Kongresin Amerikan. A mund të më thoni sipas pikëpamjes suaj ku qëndron Hillary Clinton në lidhje me çështjet që shqetësojnë sot shqiptarët: pavarësia e Kosovës dhe integrimi i Shqipërisë në NATO dhe në BE?

Me Hillary Clinton-in si presidente, shqiptarët do të kenë në Shtëpinë e Bardhë mikeshën më të madhe të tyre.

Hillary Clinton njeh personalisht shumë individë, veprimtarë në komunitetin shqiptaro-amerikan. Ajo i njeh më së miri që të gjitha çështjet e politikës së jashtme që kanë të bëjnë me shqiptarët. Unë jam dëshmitar për këtë sepse kam diskutuar personalisht me të shpesh lidhur me to. Po Hillary Clinton ka biseduar për tema që u interesojnë shqiptarëve edhe me një numër veprimtarësh të këtij komuniteti.

Të mos harrojmë se ishte presidenti Bill Clinton ishte ai që i shpëtoi shqiptarët nga masakrat e regjimit diktatorial serb të Sllobodan Millosheviçit në vitin 1999, duke udhëhequr fushatën bombarduese të NATO-s. Hillary Clinton ishte përkrah tij kur merrte ato vendime të rëndësishme dhe është shumë e ndërgjegjshme për arsyet dhe rëndësinë e atyre bombardimeve.

Ajo më ka thënë personalisht se ka ndërmend të vazhdojë veprën e bashkëshortit për Kosovën kur të bëhet presidente e Amerikës. Ajo është mbështetëse e vendosur e pavarësisë së Kosovës, e të drejtave të shqiptarëve në Maqedoni e në Malin e Zi. Ajo është nxitëse e forcimit të mëtejshëm të marrëdhënieve mes Shqipërisë dhe Shteteve të Bashkuara të Amerikës. Një gjë të cilën e di mirë është që ajo mbështet zgjerimin e NATO-s dhe anëtarësimin e shpejtë të Shqipërisë në të. Kohët e fundit janë bërë përpjekje për të futur në NATO Shqipërinë, Maqedoninë dhe Kroacinë dhe unë e di që Hillary Clinton e përkrah këtë përpjekje.

Prandaj unë nuk mund të imagjinoj një mik më të mirë për komunitetin shqiptaro-amerikan në Shtëpinë e Bardhë se sa Hillary Clinton-in. Kuptohet, unë e mbështes kandidaturën e saj jo vetëm për këtë po edhe se ajo do të jetë presidentja më e mirë për të gjithë amerikanët, por në veçanti edhe për shqiptaro-amerikanët.

Përpara se të rikthehem edhe një herë tek politika në Ballkan, kam një pyetje që lidhet me Partinë Demokratike Amerikane. Një numër analistësh kanë shprehur shqetësim se beteja e fortë rivalizuese ndërmjet senators Hillary Clinton dhe kolegut të saj nga Illinois, Barack Obama është duke e përçarë partinë aq shumë sa që pasojat do t'i vuajë kushdo që del fitues kur të vijë beteja finale me republikanët në nëntor të këtij viti. Kuptohet ka edhe të tjerë që thonë se ky debat e bën partinë më të shëndetshme. Cili është opinioni juaj lidhur me këtë duel politik?

Unë mendoj se gara është e shëndetshme për partinë dhe nuk ka për ta dëmtuar atë. Republikanët nuk kanë si përfitojnë se ata vetë janë duke u përplasur. Mjafton të shikosh betejën mes John McCain-it dhe Mitt Romney-t që po thonë gjëra aspak të këndshme për njëri-tjetrin dhe e njëjta gjë po ndodh ndërmjet Hillary Clinton-t dhe Barack Obama-s.

Ajo që ndodh zakonisht është se që të gjithë në fund radhiten pas kujtdo që del fitues në partinë e fundit dhe e mbështesin në betejën përfundimtare zgjedhore në nëntor. Demokratët duan që ta marrin përsëri Shtëpinë e Bardhë, kështu që cilido që të caktohet prej tyre, ne do të mblidhemi për ta mbështetur. Kjo nuk është ndonjë gjë që më shqetëson.

Kjo ndodh sa herë që bëhen zgjedhje presidenciale nëse partia nuk ka ndonjë president që lufton për t'u rizgjedhur. Katër vite më parë kishte një betejë gjithë shpirt mes demokratëve që donin të rrëzonin George Ë. Bush-in, në vitin 2000 kur fitoi Al Gore, Bill Bradley luftonte kundër tij në mos gaboj. Në vitin 1992, kur fitoi Bill Clinton pesë në mos gjashtë kandidatë konkurruan e u përplasën me njëri-tjetrin. Pra është një gjë që ndodh gjithmonë përveçse në partinë ku kandidon një president në fuqi. Për shembull në vitin 1996 Bill Clinton u zgjodh lehtësisht nga Partia Demokratike apo Bushi në vitin 2004 në Partinë Republikane.

Pra nuk ka asgjë të re në këtë drejtim, në fushatën zgjedhore të këtij viti.

Kongresisti Engel, le të rikthehemi edhe një herë në Ballkan. Optimizmi i madh mes shqiptarëve për pavarësinë e Kosovës është i përzier me një lloj ankthi se mos për ndonjë arsye kërkohet edhe një herë shtyrja e procesit. Për koinçidencë shtyrje po kërkohet nga disa edhe për anëtarësimin e Shqipërisë në NATO. Po përmend vetëm një shkrim në shtypin amerikan nga Fondacioni Marshall, i cili kërkonte që SHBA të mbështeste këtë radhë vetëm Kroacinë. Ç'mund të thoni për këto dy procese si një nga udhëheqësit e komitetit pro-shqiptar të anëtarëve të Kongresit Amerikën?

Mendoj se kufizimi vetëm te Kroacia do të ishte një veprim i gabuar dhe kam pasur një bisedë të gjatë lidhur me këtë punë me Sekretaren e Shtetit, Condoleezza Rice, në javën e kaluar duke përfituar nga rasti që udhëtuam të dy për në Amerikën e Jugut. Patëm mundësi të flasim gjerësisht për Kosovën, për Shqipërinë dhe për Ballkanin. Një nga gjërat që i thashë ishte se që të tre këto vende duhet të anëtarësohen dhe ajo ra dakord me mua.

Kështu që kundërshtimet për futjen e Shqipërisë në NATO sot, mund të jenë mendime personale të njerëzve, që sigurisht janë të gabuara, por kjo nuk është politikë e SHBA-së. Shiko sikur ne të kishim pritur e të kishim shtyrë anëtarësimin e vendeve baltike (Letonia, Lituania dhe Estonia) në NATO, sot nuk do të ishte më e mundshme, sepse rusët do të na kishin penguar. Por ne e bëmë në kohën e duhur dhe sot ai është një realitet. Unë mendoj se është koha e duhur sot edhe për Shqipërinë dhe në mënyrë absolute kundërshtoj çfarëdo shtyerje të mundshme dhe administrata e Bushit është gjithshtu kundër shtyrjes ashtu siç është kundër shtyrjes edhe çdo njeri në Ëashington që e njeh situatën dhe që gjykon me llogjikë për çështjet ndërkombëtare.

Edhe çështja e Kosovës nuk mund të shtyhet më dhe nuk do të shtyhet më. Tani bëhet fjalë vetëm për modalitetet dhe pavarësia ka hyrë në rrugën që nuk ka kthim pas. Kundërshtarët e pavarësisë vetëm mund të vështirësojnë periudhën pas saj, por nuk mund ta ndalin dot më atë.


http://www.shekulli.com.al/news/52/A...008-02-02.html

[Alienated]

Ish guvernatori i Massachussetts, Mitt Romney ka fituar ne shtetin e Maines ne garen e republikaneve per kandidatin zyrtar te zgjedhjeve presidenciale ne SHBA. Romney ka lene pas kundershtarin kryesor John McCain pasi ka marre 57% te votave kundrejt 52% te veteranit te luftes ne Vietnam.
Ne vend te trete eshte renditur Ron Paul, i ndjekur nga Mike Huckabee. Nderkohe sipas nje sondazhi te "Reuters/C-Span/Zogby", Barack Obama dhe Hillary Clinton jane shume prane njeri tjetrit, dy dite para zgjedhjeve ne 20 shtete.

Top Channel

[Alienated]

SHBA, nesër sprova e së martës së madhe

Sipas sondazheve, ka një rritje të ndjeshme të mbështetjes për Barak Obamën

Një rritje e madhe e mbështetjes për Barak Obamën po shqetëson stafin elektoral të Hillari Klintonit, avantazhi i së cilës ka rënë ndjeshëm, në prag të provës së madhe së nesërme, që në SHBA quhet "E marta e madhe" për shkak të zgjedhjeve primare që zhvillohen në 22 shtete njëherazi. Sondazhet e fundit tregojnë se senatori i Illinoisit po kryeson, ndërkohë që kanë mbetur tashmë vetëm disa orë nga fillimi i votimeve. Një sondazh i "Uashington Post" dhe "ABC News", tregon gjithsesi se Obama është tani fare pranë rivales Klinton, në shkallë kombëtare pas muajsh të tërë kryesimi në distancë të ish-Zonjës së Parë. Ndërsa rivalët demokratë presin me ankth votimin e 5 shkurtit, në televizione po ndiqet fushata më e kushtueshme në historinë e zgjedhjeve paraprake amerikane. E përballë këtyre sondazheve të reja, jo fort ngushëlluese për të, Hillari Klinton thotë: "Kjo është një garë shumë intensive". Duke iu referuar faktit se vetëm ditën e nesërme do të zhvillohet numri më i madh i zgjedhjeve paraprake, në një ditë të vetme, në të gjithë betejën për nominim, ajo tha: "Është diçka me të cilën nuk është përballur askush më parë. Ne jemi të kënaqur dhe njëkohësisht të vendosur ta kalojmë një provë të tillë". Dy kampet rivale kanë vënë tani në shënjestër shtetet që votojnë pas 5 shkurtit, ndërsa përgatiten të nisin një betejë të paparë në më shumë se një gjeneratë, për të siguruar numrin më të madh të mundshëm të delegatëve. Ngritja e fundit e Obamës, vjen pas një rritjeje të mbështetjes për të, nga eksponentë të rëndësishëm demokratë. Një ditë më parë, edhe vejusha e Bobi Kenedit, Ethel, iu bashkua radhëve të Kenedi-ve që janë renditur përkrah tij, çka përbën një telash jo të vogël për rivalen Klinton. Veçanërisht shqetësues për ish-Zonjën e Parë do të ishte një rezultat pozitiv i Obamës në Kaliforni, që është edhe "çmimi" më i madh i "së martës së madhe" me plot 441 delegatë për konventën përfundimtare të partisë. Sondazhet e vënë Obamën shumë pranë Klintonit në Kaliforni, duke shembur kështu gjithçka ajo kishte ndërtuar prej kohësh në këtë shtet të artë. Një sondazh i "California Field" tregonte se Obama ishte vetëm dy pikë pas Klintonit, respektivisht 36 me 34. Ndërsa një sondazh tjetër i kryer nga "Rasmussen" e vë Obamën në krye me një pikë. Pavarësisht sondazheve është e qartë se Obama ka fituar mjaft terren mes të bardhëve, një bllok votuesish tek i cili Klinton gëzonte deri më tani një avantazh domethënës. Obama ka fituar terren jashtëzakonisht shumë edhe në Nju Xhersi, Misuri dhe Arizona, dy shtete të rëndësishme ku Hillari Klinton kryesonte ndjeshëm vetëm dy ditë më parë. Gjithsesi, kandidatët vazhdojnë fushatën e tyre frenetike në tërë vendin, ndërkohë që sipas raporteve, ata kanë shpenzuar secili nga 19 milionë dollarë vetëm në reklama. Delegatët demokratë përcaktohen sipas një sistemi kompleks, proporcional ndryshe nga republikanët, ku gara ka në themel parimin; Fituesi merr gjithçka dhe fitorja në një shtet, qoftë edhe me një votë të vetme i jep të gjithë delegatët një kandidati të vetëm. Kjo do të thoshte se edhe nëse Obama do të humbiste disa prej shteteve në "të martën e madhe", sërish ai ka gjasa të shkojë në konventën përfundimtare me një numër të njëjtë delegatësh, me rivalen e tij. Hillari Klinton vazhdon të ketë avantazh në shkallë kombëtare, por ky avantazh po zbehet. Sipas sondazheve ajo vazhdon të mbledhë votën e grave si edhe gëzon mbështetjen e demokratëve tradicionalë e grupeve të fuqishme të votimit në garën primare. E duke reflektuar një çarje mes klanit të rëndësishëm demokrat, atij të Kenedive, djali i Bob Kenedit, Robert F. Kenedi, i riu, ka deklaruar së fundmi se mbështet ish-Zonjën e Parë.

Shqip

[Sa Kot]

Ja neser te shofim...40 ore ne CNN duke filluar nga 6AM EST, do shkoj sot do blej ushqime te gatshme t'i kem per 2 dite rrjesht se nuk ndahem nga televizori. Edhe banjon do e shkul nga vendi do e fus ne dhome se s'dua te humb as edhe 1 sekond nga ajo qe do ndodhi.

[Lioness]

Ja neser te shofim...40 ore ne CNN duke filluar nga 6AM EST, do shkoj sot do blej ushqime te gatshme t'i kem per 2 dite rrjesht se nuk ndahem nga televizori. Edhe banjon do e shkul nga vendi do e fus ne dhome se s'dua te humb as edhe 1 sekond nga ajo qe do ndodhi.

Rri se tallesh lol.

Do mundohem brenda mundesive mos te shoh fare televizor derisa te dale perfundimisht mandata. S'kam nerva me per kete cirk. Te marrim Kalifornine psh, te dielen mama Oprah beri fushate per Obamen, dhe sot neper polls te ndryshme Obama me Klintonin jane pak a shume me te njejten perqindje. Oprah shpiku dr. Phill, Oprah tani do zgjedh dhe kandidatin per PD. Epo ky "komb" ka dale nga binaret fare.

[Sa Kot]

Ja sa i mbarova pazaret, do ha buke tani edhe do ja fus gjume...se neser fillon festa!!

Me duket vetja si ne vitet '90 kur rrija zgjuar per te pare 30 Ore Per La Vita me Lorella Cuccarinin.

Po fitoi Obama, partia demokratike nuk do e kete te lehte te fitoje ne nentor. Do te kete shume votues te cilet do merziten mjaftueshem nga humbja e Clinton, aq sa te votojne per republikanet.