SHBA: Barak Obama, kandidati per president i Partise Demokratike

[Alienated]

Karolina e Jugut, triumfon Barak Obama

Deklaron para mbështetësve: E ardhmja fitoi kundër të shkuarës

Pretendenti për Shtëpinë e Bardhë, Barak Obama, ka siguruar një fitore domethënëse në zgjedhjet primare në Karolinën e Jugut, një plus kjo në ambicien e tij për të marrë nominimin e demokratëve. Senatori i Illinoisit mundi rivalen e tij kryesore, Hillari Klinton, me 55 për qind të votave, kundrejt 27 përqindëve të ish-Zonjës së parë, ndërsa Xhon Eduards u rendit i treti, me 18 për qind. Rezultati është padyshim një shtysë pozitive për fushatën e Obamës në prag të "Super të martës" së 5 shkurtit, kur 24 shtete votojnë për të preferuarit e tyre për garën presidenciale. Republikanët ndërkohë po vazhdojnë fushatën e tyre për primaret e radhës, ato të Floridas, të martën. I buzëqeshur, teksa përshëndeste mbështetësit në një tubim në kryeqytetin e këtij shteti, Kolumbia, Obama dha një mesazh uniteti dhe shprese. "Zgjedhja në këto votime nuk ka të bëjë me besimin apo besimet, as me gjininë, tha ai, nuk ka të bëjë me të pasurit kundër të varfërve, të rinjtë kundër të moshuarve, nuk ka të bëjë me njerëzit me ngjyrë kundër të bardhëve. Këto zgjedhje kanë të bëjnë me të shkuarën, kundër të ardhmes". Obama iu referua fitores së tij në garën e parë, të Ajouas, duke thënë se besimi që zgjedhësit demokratë i kishin dëshmuar atje, ishte reflektuar në votimin në Karolinën e Jugut. "Sot, cinikët që besonin se ajo që filloi mes dëborës së Ajouas ishte një iluzion, janë gjendur përballë një historie të ndryshme". E me vështrimin nga e marta e madhe, ai vazhdoi: "Në nëntë ditë, afro gjysma e vendit do të kenë shansin të na bashkohet dhe të thotë bashkë me ne: jemi lodhur me Uashingtonin e vjetër, jemi të uritur për ndryshim dhe jemi gati të besojmë sërish". Duke nxjerrë në pah dallimet e tij me kandidatët që përfaqësojnë "status kuonë në Uashington", ai u duk se po kritikonte fushatën e Hillari Klintonit se po përdorte taktika ndarëse. "Është një status kuo që shkon përtej partive të veçanta dhe se kjo status kuo po lufton me çdo mënyrë të mundshme, me të njëjtat taktika të vjetra që na ndajnë dhe na largojnë nga zgjidhja e problemeve me të cilat përballen njerëzit", tha ai. Thelbësore për fitoren e Obamës ishte mbështetja e zgjedhësve afro-amerikanë, që përbëjnë gjysmën e elektoratit dhe katër të pestat e tyre e mbështetën atë. Rreth 17 për qind e këtij komuniteti ka votuar për Hillari Klintonin. Ekipi zgjedhor i kandidates Klinton ka publikuar ndërkohë një deklaratë ku thuhej se senatorja e Nju Jorkut e kishte përgëzuar Obamën për fitoren e këtij raundi. Vetë kjo e fundit tha në një tubim në Neshvil, Tenesi, se tani e rëndësishme ishte të shikohej nga 5 shkurti. Votimi në Karolinën e Jugut shënoi në fakt edhe një dalje masive në zgjedhje. Më shumë se 530 mijë demokratë shfaqën preferencën e tyre dhe krahasuar me zgjedhjet e fundit, në 2004-ën, shifra është shumë herë më e lartë. Korrespondentët thonë se Karolina e Jugut i ka rikthyer dinjitetin Obamës, pas dy humbjeve radhazi në Nju Hempshajër dhe Nevada.


gazeta-Shqip

[Alienated]

Barak Obama, ky Xhon F. Kenedi i ri
Pretendenti me ngjyrë më pranë nominimit

Barak Obama është cilësuar trashëgimtari i Xhon F. Kenedit nga familja e Presidentit pas fitores së thellë që arriti ai në zgjedhjet paraprake në Karolinën e Jugut. Vëllai i Presidentit të ndjerë dhe vajza e tij, po mbështesin senatorin e Illinoisit, ndërsa mundi Hillari Klintonin, me një përqindje të shkëputur votash në të parën garë demokrate në Jug të Shteteve të Bashkuara. Senatori Eduard Kenedi, një personalitet i rëndësishëm në Partinë Demokrate, planifikon të mbështesë Obamën në Uashington, thanë zyrtarët e partisë. Në fakt, mbështetja e familjes së politikanit me zë në Shtetet e Bashkuara është një shtysë tejet pozitive për fushatën e Obamës. Duke folur për televizionin ABC, Obama tha: "Do ta lë Ted Kenedin të flasë vetë. Askush nuk e bën këtë më mirë se ai. Por, sigurisht që çdo kandidat demokrat do të donte të kishte mbështetjen e tij. Unë sigurisht jam i kënaqur". Ndërkohë, Kerolin Kenedi, shkruante në një artikull në "The New York Times": "Unë nuk kam parë kurrë një President që të më frymëzonte ashtu siç kam dëgjuar të rrëfehet se babai im frymëzonte njerëzit. Por, për të parën herë, unë besoj se kam gjetur njeriun që mund të jetë ai lloj Presidenti. Jo vetëm për mua, por për një gjeneratë të tërë amerikanësh". Mbështetja e klanit Kenedi dhe fitorja vendimtare në Karolinën e Jugut i dhanë Obamës krahë për të ecur me kokën lart drejt primareve të radhës, ato të "së martës së madhe", në 22 shtete njëherësh, duke i dhënë më shumë se 1600 prej delegatëve të nevojshëm për të siguruar nominimin e partisë në Konventën Kombëtare të Demokratëve, në fund të gushtit. Sondazhet sugjerojnë gjithsesi se taktikat e mprehta të kampit Klinton, ia kanë dalë mbanë në disa raste ta shtyjnë Obamën të bjerë në kurth, si "kandidati me ngjyrë", duke e bërë akoma më të vështirë për të tërheqjen e votave të të bardhëve që do të jenë të domosdoshme për të më 5 shkurt, kur elektorati do të jetë rreth 64 për qind i bardhë. Ndërkohë, Hillari Klinton, e fokusuar në Kaliforni, Nju Xhersi dhe Nju Jork, ka lënë bashkëshortin e saj prapa, në Karolinën e Jugut, që të sulmojë Obamën me një seri komentesh raciale që gjithsesi kanë zemëruar "të vjetrit" e Partisë Demokrate. Edhe ndërsa zgjedhësit shkonin në votime të shtunën, në Karolinën e Jugut, ish-presidenti shkaktoi polemika duke e krahasuar Obamën me reverendin Xhesi Xhekson, liderin me ngjyrë aktivist të të drejtave të njeriut që fitoi dy herë në Karolinën e Jugut si garues presidencial i demokratëve. "Xhesi Xhekson fitoi në Karolinën e Jugut në vitin 84 dhe 88. Xhekson bëri një fushatë të mirë dhe Obama bëri një fushatë të mirë këtu", tha Bill Klinton. Ndërsa Obama u përgjigj duke thënë se ish-presidenti kish mbetur i mbërthyer në politikën e viteve ‘90-të. Gjithsesi, dukshëm Partia Demokrate është e fragmentarizuar nga politikat e identitetit. Sondazhet tregojnë se kandidati me ngjyrë ka fituar më shumë votat e njerëzve me ngjyrë ndërsa Hillari Klinton ka marrë votat e të bardhëve. Njerëzit me ngjyrë përbëjnë një mazhorancë të ndjeshme të zgjedhësve në primare dhe në masën 80 për qind kishin votuar për Obamën. Ky i fundit fitoi një të katërtën e votave të të bardhëve, duke mbajtur gjallë me vështirësi argumentin e tij se ai mund të grumbullojë një koalicion të gjerë demokratësh të rinj. Por përveç racës edhe ndarja e moshave është e dukshme. Sipas stafit elektoral të Obamës, ky i fundit ka fituar 52 për qind të votave të të bardhëve nën moshën 30 vjeç, një provë kjo që tregon se ai po ndërton një lëvizje për ndryshim. Strategët e ish-Zonjës së Parë, druajnë se bashkëshorti i saj ka filluar ta lërë në hije kandidaten dhe janë të shqetësuar gjithashtu edhe për refuzimin e kandidaturës së saj nga zgjedhësit me ngjyrë dhe një numër domethënës i të bardhëve, veçanërisht mes të rinjve.

gazeta-Shqip.com

[Qyfyre]

Fitorja pritej nga te gjithe ngaqe ka nje perqindje te madhe zezakesh ne South Carolina

[_picirruki_]

Une do te thoja se qe te dy jane kandidate te forte . Nuka rendesi se kush fiton , e rendesishme eshte te hiqet nga qeverisja e tij Z.Xhorxh Bush . Kjo do te ishte nje fitore e madhe ashtu si per americen po ashtu edhe vendet e tjera.
Dhe une mendej se per te fituar eshte mire te fitoje Hillary Clinton pasi burri i saj ka qene nje here president i Amerikes keshtu mund te themi se ajo mund te kete pak pervoje edhe nga burri i saj.
Por edhe nese fiton Barak Obama kjo ska rendesi .
Mjafton qe ne shqiptaret te jemi mire !!!

[bili99]

Mendimi im: me aq sa dij dhe me aq sa deshiroj,
Patriarku i familjes Ikonike per Ameriken- Kennedy,T.Kennedy; Doktori popullar Howard Dean,Bilioneri John Kerry dhe me tash humanisti Al Gore === kane kete emerues te perbashket rreshtimin kunder H.Clinton...perderisa disa prej tyre e kane shpreh edhe publikisht , te tjerit ndihmojne Obamen.
POr, une do te them se te katert keta kane edhe nje emerues tjeter te perbashket , qe eshte: ne duele me Republikanet keta te gjithe kane humbur zgjedhjet(nga na dolen keta si vizionar per fitore- pra ku dijne keta kush mund te fitoje kunder republikaneve..?!?),pra jane humbes .Kjo qe keta jane humbes ndaj tyre shpresoj ti percjelli edhe per nje humbje tjeter kunder H.Clinton te marten qe vjen.Si rrumbullaksim i analizes vetmevete se c'mund te jene motivet ..perfundimi me aq sa dij eshte per secilin jo shume motiv qe dallon-xhelozia personale ndaj Bill dhe Hillary Clinton. Perderisa tre humben personalisht...ai tjetri i pari edhe humbi por, edhe nuk do te udheheqe nje Dinasti(nuk do te krijohet ne fakt nje dinasti Clinton- qe ne fakt te udheheqi me gjate Ameriken se Kennedyt)..
Une shpresoj se si humbes te deshmuar( keta qe permend une jane njerez gjigant per kete jam i vetedijshem) te katert ta Marrin edhe Obamen me vete ta bejne nje humbes te peste ne dinastine e demokratve humbes..suksese..
Edhe ne fakt nuk eshte Obama zgjedhje per bashkim ,pikerisht eshte zgjedhje per ndarje ku te gjithe zezaket qe dje thoshin eshte Presedenti i pare i Zi Bill Clinton sot jane kritiket me te medhenje te tije-LEKURA eshte ceshtja.(arshini i dyfisht i matjes- te bardhet te votojne zezakun eshte bashkim, te bardhet te votojne Hillary eshte ndarje...dhe zezaket te votojne vetem lekuren e vet eshte ne rregull.....per demokratet e bardhe-Xhelozia eshte ceshtja ...nuk kane dert se do jete Obama - vec mos te jete Clinton.
Edhe dicka dinamika ne Amerike eshte thuajse e papercjellshme, shpresoj te ndalet per nje cike se sot per sot Hillary udheheq ne 20 shtete nga 22 shtetet qe do te votohet sot nje jave....cdo gje mund te ndryshoje per nje jave.shpresoj se JO...( vertete elita eshte shume e rendesishme por, populli do te vendose per rezultatin perfundimtar...)
Tash mund ta shihni se une nuk jam die hard fan i Hillary-it, une jam nje imortal fan
GO HILLARY* GET THEM...

Me nderime per Hillary Clinton,
bili99

[_picirruki_]

Ore nuk ka problem nese jane njeri i zi e tjetra femer . E rendesishme eshte qe ata te kryejne mire detyrat e tyre si presidenta te Amerikes !!!!

[miki_al2001]

Une per nje gje jam pothuajse i sigurte.Nese fiton Obama preliminaret,presidenti i ardhshem do jete Republikan.Per kete te jeni te sigurt.Sepse pervec republikaneve kunder Obames do votojne edhe demokratet qe spranojne te zi te udheheqi Ameriken(ku perfshihem edhe une).

[alnosa]

Go Hillary go .Vota ime do i jepet kesaj pa asnje dyshim me te vogel
Te shohim c'do na sjelli nje grua presidente ?!
.....por ..Asgje nuk dihet deri ne zgjedhje .

[Sa Kot]

Florida eshte nje tregues shume i mire se si do votoje gjithe Amerika.

Kjo per faktin sepse eshte nje shtet me diversitet te larte, dhe gjithashtu sepse nuk lejohej qe kandidatet te mbanin nje fushate aty, gje qe tregon opinionin e Floridas pa u influencuar nga kandidatet ne terren.

Shpresojme qe javen e ardhshme Clinton te fitoje aq bindshem saqe ta diskurajoje Obamen per te vazhduar garen.

[vagabondo_nyc]

Urime Hillary Clinton per fitoren ne Florida.

Kjo ishte edhe nje fitore jo vetem kunder Barakut por edhe ndaj Cameloteve.


Dihej qe kur gara do zbriste ne kto shtetet e jugut Obama do ta shikonte se sa i vlen lekura. Por duhet shtuar se ene njerzit filluan duke u lodh me llafollogjin alla preacher-i te Obames.


Sukese ne Big Tuesday zonja Clinton!