Ekonomia e "Superbowl" vlen sa Shqipëria

[Davius]

Vetëm për një spot publicitar që zgjat 30 sekonda, kompanitë do të paguajnë 2,6 milionë dollarë

Ekonomia e "Superbowl", finales së kampionatit të futbollit amerikan, e cila do të luhet sot në mbrëmje, vlen 8,7 miliardë dollarë. Sipas eminentes amerikane të rrjetit të mirënjohur mediatik, CNN, shuma është e barazvlefshme me ekonominë e Shqipërisë. Një tregues i qartë që tregon potencialin ekonomik të këtij sporti, e cila bën fare të papërfillshme, madje edhe në qesharake, shumat në të holla që qarkullojnë në të gjitha sportet e marra së bashku në vendin tonë. Kjo shifër marramendëse është një tregues i ndërthurjes perfekte të rendimentit të pastër sportiv me sponsorët, por mbi të gjitha me interesimin e tifozëve, që në vendin tonë mungon.

Gjithçka në një kohë kur në 28 mijë kilometrat katrorë, Federata Shqiptare e Futbollit (për të marrë një shembull të thjeshtë), ende nuk është e sigurt nëse do të arrijë të gjejë një sponsor për shorteun që ka planifikuar të zhvillojë me tifozët, në takimin eliminator të marsit për Euro 2008, Shqipëri-Slloveni. Çmimi i madh mendohet të jetë një makinë, paratë e të cilës nëse nuk do të dhurohen nga një sponsor do të sigurohen nga shitja e biletave, sipas pohimit të zëdhënësit për shtyp, Nurishmi.

Megjithatë, duke u kthyer në finalen e "Superbowl" 8,7 miliardë dollarët janë vetëm një nga shifrat e shumta rekord që rrethojnë evenimentin sportiv të vitit në Shtetet e Bashkuara të Amerikës, ku për fitimin e trofeut përballë tyre do të jenë Indianapolis Kolts dhe Çikago Bers. Në këtë sfidë nuk bëhet fjalë për tifozeri, pasi finalja i përket të gjithë amerikanëve. Sipas informacioneve të mediave amerikane, një biletë për këtë ndeshje, ku bën pjesë edhe spektakli i shumëpritur muzikor, që zhvillohet në pushim, kushton mesatarisht 4 mijë e 500 dollarë, por duke qenë se stadiumi do të jetë i mbushur me kapacitet të plotë janë regjistruar edhe bileta të shitura për shumën e 10 mijë dollarëve.

Akoma edhe më "të çmendura" janë shifrat e shpenzuara për spotet publicitare gjatë finales. Një reklamë 30-sekondëshe, që transmetohet drejtpërdrejt në këtë sfidë kushton 2,6 milionë dollarë. Akoma edhe më i çuditshëm është fakti se 2,5 milionë dollarë amerikanë kanë blerë një televizor të ri për të ndjekur finalen. "Cbs", rrjeti që ka të drejtën e transmetimit të "Superbowl" ka nxjerrë përfundimin se kjo sfidë do të ndiqet nga 100 milionë telespektatorë në të gjithë botën, një rekord i ri. Është parashikuar gjithashtu, se çdo person në Amerikë që do të ndjekë ndeshjen nga televizori do të shpenzojë mesatarisht 56,4 dollarë në asortimente, ndërkohë që do të konsumohen edhe 2 mijë e 500 tonë avokadoje në formë salce.

[skipetar]

ateher dvet najkush se pse Shqiptarte e kan ekonomine poshte ||| mi lexu ket shkrim ktu shihet se qysh perkthehen t'dhanat ekonomike pej Shqiptarit ||| si me kon tuj sharrit ||| cfare titulli ||| e masnej cfare krahasime ||| e per me mlu lopllakin e tyne kishe pe citojne CNN-in |||

ani i kan nu cmim Shipnise ||| ju ka pas bi Shqipnija n'kopsht t'babse juve po? |