Ide mbi makiavelizmin !

[Pratolini]

Pike se pari dua te theksoj se qellimi i kesaj teme eshte nen vazhden e frymes interaktive qe jam perpjekur ti jap ketij nen-forumi, ku pesha kryesore bie mbi diskutimin dhe shprehjen e ideve te anetareve dhe jo mbi nje informacion te thate akademik rreth filozofise. Pra edhe diskutimi duhet te perqendrohet mbi mendimet dhe reflektimet tuaja rreth makiavelizmit dhe jo rreth nje materiali te thjeshte mbi vepren e Makiavelit.

Gjithsesi, duke qene se jo te gjithe prej jush e ka te qarte makiavelizmin, po perpiqem me dy rreshta ta permbledh ( kuptohet eshte shume shume me e gjere se sa kaq ), per te qene te gjithe ne brendesi te temes dhe per te ofruar mendimet tona.

Me nje fjali te vetme do ta perkufizoja makiavelizmin me nje aforizem te perdorur prej vete Makiavelit : I miri i te gjitheve eshte i keqi i vetes !
Pra njeriu duhet te jete elastik, i pergatitur ( ndonjehere edhe i "pamoralshem" ) per te perballuar sfidat dhe per te pasur sukses.
Nje tjeter aforizem i famshem eshte ky : Qellimi justifikon mjetin ! ( i cili has shume diskutim dhe ndonjehere keqperdorim )
Gjithsesi, cilido qe ka informacion te sakte rreth kesaj teme, mund te me ndihmoje duke me plotesuar me dy apo tre fjali te tjera qe i duken te pershtatshme.

Mendoj se tema duhet te trajtohet ne keto pyetje konkrete :
1 : Mendoni se filozofia makiaveliste eshte e pranueshme dhe te ofron sukses ?
2 : A do ta paragjykonit dike te etiketuar si makiavelist ? ( sepse ky epitet rendom ka marre nuanca pezhorative )
3 : Mendoni se filozofia makiaveliste calon ne ndonje vend dhe nese po, ku ?
4 : A i aplikoni ju vete ne ndonje sfere te jetes mesimet makiaveliste ? ( Megjithese per kete pike do postoj me vone nje informacion plotesues nga nje pikepamje e botes moderne )

Pratolini ©

[Pratolini]

Po vazhdoj me postimin plotesues mbi piken 4 ( shiko larte ) :
Prej studimeve te shumta ne nivel akademik qe i jane bere vepres se makiavelit, jane gjetur disa pika ku ajo calon. Une po mbeshtetem mbi ate qe me eshte dukur me kryesore dhe qe lidhet drejteperdrejte me pyetjen numer 4

Shpeshhere njerezit gabohen kur e cilesojne veten apo tjetrin si makiavelist. Kjo sepse ne thelb, praktikat e tij Makiaveli ja drejton nje "princi", pra ne nje koncept me te gjere nje personi i cili ka nje post dhe arritje personale, sikurse dhe nje "ushtri" te tijen mbeshtetese. Ne rastin me tipik, makiavelist mund te quhet nje politikan, nje biznesmen apo nje person me aktivitet te gjere shoqeror. Veshtire se njerezit e zakonshem i plotesojne keto "kritere" te rrjedhura prej vete vepres se Makiavelit.
Megjithese shume njerez te rendomte mund ta cilesojne veten si makiavelist, kjo me shume percaktohet si nje epitet figurativ se sa nje praktikues i zellshem i vete praktikave te kesaj filozofie.
Kjo pikepamje e kufizon vepren e Makiavelit ne nje sfere me te mbyllur dhe elitare, duke jua mbyllur deren shume e shume njerezvte thjeshte qe kerkojne te arrijne suksesin.

Shenim : Materiali qe postova ka referenca mbi botime bashkekohore ku mbi te gjithe spikat "Makiavelizmi ne demokraci"

[Timianonimi]

Mendimi im personal ne lidhje me makiavelizmin

Do ta marre një analogji nga inxhinieria e elektronikes, nuk e dijë sa është adekuat ne këtë forum. Ne elektronike ne kurset fillestare kur mëson për ndonjë komponentë elektronike mëson për reagimin ideal te atij elementi ndaj ngacmimit te jashtëm, por nëse provon te ndërtosh diçka me ato njohuri, psh ta ndërtosh një qark elektrik ai nuk do te punoj siç është parapare, kjo ndodh se komponentë(t) e atij qarku nuk janë ideale por reale te cilat duhet te merren parasysh gjate ndërtimit!

Ku dua te dal me këtë, sikur tek komponentët elektronike, nëse mundohesh ta udhëheqësh apo ta kontrollosh një grup social qe ka një fuqi (qofte kjo një kompani, qeveri, parti pra diku ku ekziston gara për pushtet si dhe klane te ndryshme brenda tyre etj) me qëllimet me te mira idealiste, duke u mbështetur ne ide utopiste ku te gjithë kane një moral ideal do te dështosh gjithsesi sipas mendimit tim nëse nuk e merre parasysh natyrën reale te njeriut. Nuk po mundohem ta thjeshtoj nje sistem njerzore se veprimet e njeriut jane te paparashikushme dhe varen prej shume ndikimeve ...

1. Prandaj përgjigjja ime makiavelizmi gjithësi te sjell sukses – ky është realiteti dhe do te ishte naivitet nëse mendohet ndryshe sipas mendimit tim. Mu për këtë është vështirë te hasesh ne njerëz te afte me vlera te larta morale(kjo varet nga sistemi referent) ne vende me pushtet? Mendoj qe kjo i ka lënë jashtë pushtetit shume njerëz te afte dhe te ndershëm pasi qe metodat makiavelliane do te ndesheshin me kodin moral te tyre si dhe vlerat personale kundër te cilave nuk mund te veprojnë.

2. Normalisht qe po per dicka qe eshte evidente, populli thotë një gjë qe shihet nuk donë kallauz (çelës).

3. Filozofia makiavelliane nuk çalon ajo është realitet, idealizmi çalon (këtë po e them nga mllefi).

4. Nëse gjendesh ne një pozite te tille edhe nese nuk e sheh veten si makiavellist une mendoj qe duhet ta kesh parasysh makiavelizmin si vetembrojtje me kusht qe ti parashohësh veprimet e ardhshme te kundërshtarit apo klanit tjetër dhe te përgatitesh me kundërveprime (mbrena kodit tend moral) me kohe se përndryshe do te rrezohesh...sikur tek loja e shahut

Ndoshta edhe njeriu i ndershëm mund ta zbatoj makiavelizmin( qëllimi justifikon mjetin) nëse qëllimi i tij përfundimtar është një ideal me i lartë psh ne te mirë te shoqërisë apo kompanisë (se paku ashtu mund te ketë arsyetim ndaj ndërgjegjeje se tij për veprimet kundër kodit te tij moral apo vlerave personale) por kjo qasje edhe ka prodhuar diktator sipas mendimit tim?

[land]

makiavelizmi eshte nje koncept shume me i gjere sesa nje princ dhe pushteti i tij...mjafton te permendesh "qellimi justifikon mjetin"...ka te bej me te gjithe njerezit.



ps.boh!!

[Pratolini]

makiavelizmi eshte nje koncept shume me i gjere sesa nje princ dhe pushteti i tij...mjafton te permendesh "qellimi justifikon mjetin"...ka te bej me te gjithe njerezit.



ps.boh!!

Jam dakort me ty.
Duhet te theksoj se materiali lart nuk perfaqeson detyrimisht edhe menyren se si e mendoj une, ishte thjesht plotesues nga literatura per te shprehur gjithe kendveshtrimet.
Per te qene nje makiavelist sui-generis mendoj se ajo pikepamje eshte gjetur, por per te aplikuar pjese te caktuara apo nje fryme te pergjithshme te makiavelizmit nuk eshte patjeter e domosdoshme te jesh nje person me pushtet.