Të tri religjionet pajtohen në një fakt themelor : edhe femrat edhe meshkujt i ka krijuar Zoti , krijuesi i tërë gjithësisë .Megjithatë , dallimi fillon menjëherë pas krijimit të njeriut të parë , Adamit ( Ademit ) dhe femrës së parë , Evës ( Havës ).
Pikëpamjet hebrejo-krishtere të krijimit të Adamit dhe Evës janë përshkruar detajisht në librin e Prejardhjes , 2:4 – 3:24.Zoti atyre u kishte ndaluar të hanin fryte nga druri i ndaluar.Gjarpëri e mashtron Evën që të hajë prej tij , kurse Eva si revanshim e mashtroi Adamin që të hajë me të.Kur Zoti e qortoi Adamin për atë që kishte bërë , ai ia hodhi fajin Evës. “ Gruaja të cilën e ke vendosur këtu pranë meje , më dha pak frut nga pema dhe une e hëngra .“ Si rezultat , Zoti i thotë Evës : “ Unë do t’i shtojë shumë dhimbjet tua gjatë lindjes , me dhimbje do t’i sjellësh fëmijët në jetë.T’i do ta duash burrin tend , kurse ai do të sundojë mbi ty. “ Ndërkaq Adamit i thotë : “ Për arsye se e ke dëgjuar gruan tënde dhe ke ngrënë nga pema … qoftë mallkuar toka për shkak tëndin , me punë të rëndë do të hash prej saj tërë kohën e jetës tënde… “
Mësimi Islam i krijimit të pare mund të haste në disa vende në Kur’an :
“ Kurse ti , o Adem , edhe gruaja jote në Parajsë ( Xhennet ) do të jetoni dhe hani prej nga të doni , vetëm kësaj peme mos iu afrohuni , që mos të bëni mëkat ndaj vetvetës!
- Dhe djalli filloi t’i hamagjisë…- Zoti juaj ju ndalon këtë dru vetëm që të mos bëheni melekë ose të mos bëheni engjuj ose të mos bëheni të pavdekshëm.-Dhe u betohej , Unë jam , me të vërtetë , këshilltar i sinqertë ! – E kur ata këtë pemë e shijuan , vendet e tyre të trupit u shfaqën .- A nuk ua kam ndaluar të hani nga kjo pemë?! – u thirri Zoti i tyre … Ata deklaruan , - O Zoti ynë , vetë jemi fajtorë dhe nëse Ti nuk na fal dhe nuk na mëshiron , mesiguri do të jemi të humbur. “ ( 7:19 – 25 ).
Analizimi i kujdesshëm i këtyre dy fragmenteve të rrëfimit mbi krijimin , zbulon disa dallime të rëndësishme.Kur’ani , për dallim nga Bibla , e fajëson Ademin dhe Havën njësoj për fajin e tyre.Askund në Kur’an nuk mund të gjendet asnjë aluzion më i vogël që Eva e ka nxitur Ademin që të hajë nga pema e ndaluar , as që ka ngrënë para tij , Hava në Kur’an nuk është burim i sprovës , nuk ka mashtruar dhe nuk ka tradhëtuar.Aq më tepër , Eva nuk mund të fajësohet për dhimbjen e lindjes.Zoti , në bazë të Kur’anit , nuk e ndëshkon asnjërin për mëkatet e tjetrit.Edhe Ademi ( Adami ) edhe Hava ( Eva ) kanë bërë mëkat dhe pas kësaj janë penduar para Zotit , andaj ai ua fali mëkatin të dyve.

TRASHËGIMI I EVËS


Tablloja e Evës si sprovë në Bibël , ka rezultuar me një qëndrim tejet negativ ndaj femrës në traditën Hebrejo-Krishtere.Për ta kuptuar se çfarë ndikimi negativ ishte , ne duhet të shikojmë çfarë kanë shkruar disa nga Hebrenjtë dhe Krishterët më të shquar të të gjitha kohërave .
Të fillojmë me Dhjatën e Vjetër dhe të lexojmë një fragment nga libri i Predikuesi , në të cilin hasim :
“ Supozoj se më e hidhur se vdekja është gruaja , e cila është kurth , zemra e të cilës është pusi dhe duart e së cilës janë zinxhirë.Njeriu i cili i nënshtrohet Zotit , do të largohet nga ajo , ndërsa me katarin ajo do ta kap kurthën e saj … gjersa vet kërkoja e nuk gjeja dot , e hasa një njeri të ndershëm , në mesin e njëmijë të tjerëve , e nuk kam hasur asnjë grua të ndershme në mesin e të gjithave “ ( 7: 26-28 )

Njeriu duhet të pyet se çfarë urtie mund të ketë në mohimin e madje vetëm një femreje të ndershme në Tokë?!Në një pjesë tjetër të literatures Hebreje që gjendet në Biblën Katolike lexojmë : “ Asnjë ligësi nuk mund as të i ofrohet ligësisë së femrës … Mëkati ka filluar me femrën ( Evën ) dhe falë asaj , të gjithë duhet të vdesin. “ ( Sirah , 25:19-24 ).
Hebrenjtë Ortodoks , gjatë luftës së lutjes së mëngjesit deklarojnë :
“ Qoftë lavdëruar Zotit , mbretit të gjithësisë , që nuk më ka bërë femër . “
Nga ana tjetër , femrat çdo mëngjes i falënderohen Zotit me fjalë : “ … që më ke krijuar sipas vullnetit tënd .”
Po ky ton i rreptë mund të haste edhe në Dhjatën e Re.Lexoni fjalët e Shën Palit :
“ Në kohën e mësimit gruaja le të dëgjojë në heshtje dhe me nënshtrim të plotë.Nuk lejojë që gruaja të mësojë në kishë as ta sundojë burrin , por – të rrijë në qetësi.Sepse i pari u krijua Adami , e pastaj Eva.Dhe nuk qe gënjyer Adami por gruaja e gënjyer e theu urdhërin.Dhe do të shëlbohet duke lindur fëmi…” ( Letra e Parë , Timoteut , 2:11 – 15 ).
Tertuliani ka qenë edhe më i ndjeshëm se Shën Pali kur bënte fjalë mbi :
“ motrat e dashuruara “ në fe kur deklaron :
“ A nuk e dini se jeni Eva , çdonjëra prej jush ?Ndëshkimi i Zotit në gjininë e juaj jeton në këtë kohë , faji duhet të ekzistojë gjithashtu.Ju jeni porta e djallit , ju e keni prekur pemën e ndaluar , ju të parat e keni prishur ligjin e Zotit , ju jeni ajo që e keni mashtruar atë që as djalli nuk ka pasur aq guxim që ta sulmojë.Ju në mënyrë tejet të lehtë e keni mashtruar njeriun i cili është krijuar në pamjen e zotit “ .
Shën Augustini ka qenë besnik ndaj trashëgimisë së paraardhësve të tij , një miku i kishte shkruar : “ Nuk ka dallim nëse bëhet fjalë për nënë ose bashkëshorte , ajo edhe më tej është Eva e cila mashtron , nga e cila ne duhet të kemi kujdes tek çdo femër “.
Shumë kohë më vonë Shën Toma Akuini akoma supozonte se femrat janë me të meta :
“ Sa i përket natyrës individuale , femra është me të meta dhe e shëmtuar , për këtë arsye se forca active në forcën e mashkullit synon ta krijojë një ngjajshmëri perfekte në gjininë mashkullore , gjersa krijimi i femrës vie nga të metat në force ose nga ndonjë paaftësi materiale ose , madje , nga ndonjë ndikim i jashtëm. “
Në fund , as reformatori i mirënjohur Martin Luteri nuk ka mundur të shikojë kurrfarë dobie nga femra pas lindjes së një numri sa më të madh të fëmijëve , pa marrë parasysh pasojat negative : “ Nëse lodhen prej kësaj ose nëse edhe vdesin , kjo nuk është me rëndësi . Le të vdesin gjatë lindjes , për këtë dhe ekzistojnë . “
Sërish nga fillimi , të gjitha femrat fyhen për shkak të tabllos mbi Evën Mashtruese , falë rrëfimit nga Libri i Krijimit.
Nëse tani i kushtojmë vëmendje asaj se çka thotë Kur’ani në lidhje me femrën , shpejtë do të kuptojmë se koncepti Islam i femrës ndryshon në mënyrë radikale nga tradita Hebrejo – Krishtere . Por , le ta thotë vet Kur’ani :
“ muslimanëve dhe muslimaneve , besimtarëve dhe besimtareve , meshkujve të virtytshëm dhe femrave të virtytshme , meshkujve të durueshëm dhe femrave të durueshme , meshkujve të përulur dhe femrave të përulura , meshkujve që japin zekat dhe femrave që japin zekat , meshkujve që agjërojnë dhe femrave që agjërojnë , meshkujt të cilët kujdesen për vendet e tyre të trupit dhe femrave që kujdesen për vendet e tyre të trupit , meshkujve të cilët e përmendin shpesh Zotin dhe femrave të cilat e përmendin shpesh Zotin , Zoti , me të vërtetë , për të gjithë ka përgaditur falje të mëkateve dhe shpërblim të madh . “ ( 33:35 )
“ Kush e kryen veprën e keqe , do të dënohet për shkak të asaj vepre , ndërsa kush kryen vepër të mirë , - qoftë mashkull apo femër , e është besimtarë , në Parajsë ( Xhennet ) do të shkojë , në të do të ketë gjithçka me begatinë e pahesap.” ( 40:40 )
“ Atij që e bën një vepër të mire , qoftë mashkull apo femër , e është besimtar , ne do t’i japim të jetojë një jetë të mirë , edhe në të vërtetë , do t’i shpërblejmë me një shpërblim më të mire se që kanë punuar ( merituar ) . “ ( 16:97 ).

Është evidente se pikëpamja Kur’anore ndaj femrës nuk dallon nga ai I mashkullit.Edhe njëri edhe tjetri janë krijesa të Zotit , qëllimi i të cilëve në këtë botë është ta adhurojnë Zotin , të kryejnë vepra të mira dhe t’i ikin së keqës , andaj bashkarisht do të përgjigjen për këtë.
Kur’ani kurrë nuk e përmend femrën si portë të djallit , ose si tradhëtare sipas natyrës së saj.Kur’ani , gjithashtu kurrë nuk e përmend se njeriu është krijuar sipas pamjes së Zotit , të gjithë meshkujt dhe të gjitha femrat janë krijesa të tij , dhe kjo është e tëra.
Në bazë të Kur’anit , roli i femrës në tokë , nuk është i kufizuar vetëm në të lindurit e fëmijës.Prej saj kërkohet të kryej aq vepra të mira sa kërkohet edhe prej mashkullit.
Kur’ani askund nuk përmend se kurrë nuk ka ekzistuar një femër e ndershme , përkundrazi , ai i urdhëronë të gjithë besimtarët , si femrat ashtu edhe meshkujt , që ta pasojnë shembullin e femrave siç janë Mejremja , Zehra ( Shën Mëria ) dhe gruaja e Faraonit ( Asija ) ( Kur’an , 66:11 – 13 ).