Paketa e propozuar nga Ahtisari për statusin final të Kosovës

[RaPSouL]

Topi per Kosoven: Rruga e vetme, Plani Ahtisaarit

Keshilli i Sigurimit Kombetar ka mbledhur sot ne nje takim politikanet shqiptare per te diskutuar per ceshtjen e Kosoves si dhe integrimit te vendit ne NATO dhe ne BE

Presidenti I Republikes Bamir Topi ka mbledhur Keshillin e Sigurise Kombetare per ceshtjen e Kosoves. Ne fjalen e tij presidenti Topi shprehu qendrimin se zgjatja pa fund e statusit te Kosoves eshte ne dem te stabilitetit te rajonit dhe se Shqiperia duhet te pergatitet per cdo situate. Gjithashtu kreu I shtetit tha se zgjidhja me e mire per Kosoven mbetet zbatimi i planit Ahtisari ndersa u ka bere thirrje lidereve kosovare per maturi. Ne kete takim, ne amabjentet e Presidences, kane asistuar dhe shume politikane te tjere te vendit si kryeministri Berisha, kryeparlamentarja Topalli, kreu i LSI Meta, Arta Dade, Koci, etj.

Gjate fjales se tij kreu i vendit e ka cilesuar planin e negociatorit Ahtisaari si rrugen e vetme per zgjidhjen e ceshtjes te statusit se Kosoves. Nga ana tjeter ai ka diskutuar edhe per ceshtjen e integrimin e vendit ne NATo edhe ne BE. “Integrimi ne NATO dhe ne BE perbejne synimin me te madh dhe qellimin kryesor te shtetit shqiptar, si e vetmja zgjidhje per sigurine e vendit ne mbrojtjen e kerkesave kombetare. Vetem duke u bere anetare te ketyre sturktuarave i kemi krthyer te gjithe shqipetareve dinjitetin ketij kombi. Ketu behet fjale, jo vetem per nje fqinjesi te mire dhe profesionale por edhe per nje siguri te plote”, ka thene Topi, i cili e ka vene theksin sidomos tek pavaresia e Kosoves.

Topi e ka cilesuar Kosoven nje pjese te interesit te te gjitha vendeve te medha demokratike ne bote pasi, sipas tij te gjitheve i intereson stabiliteti ne rajon. “Kosova sot eshte pjese e interesit dhe i shteteve me te medha demokratike ne bote te cileve i intereson nje rajon i qete dhe nje nga pjeset me te delikate te rajonit”, ka thene ai. Per Topin, perfundimisht: Rruga e vetme per zgjidhjen e statusit te Kosoves mbetet plani Ahtisari. (News24/E.S.)

[TOKE GEGA]

Kosova: Sfida e Evropës


Nga Bernard Kouchner & David Miliband


Asnjë evropian nuk mund t’i harrojë mizoritë që ndodhën në Ballkan gjatë viteve `90. Asnjë evropian nuk mund t’i harrojë skenat e brutalitetit, vrasjes dhe dëbimit. Në momentin kur fati i Kosovës kthehet në fokus të vëmendjes ndërkombëtare, asnjë evropian nuk duhet t’i harrojë ngjarjet tragjike, të cilat u bënë katalizatorë për ndërhyrjen e komunitetit ndërkombëtar. Sot, gjendemi në fazën e fundit të shpërbërjes së Jugosllavisë.

Kthimi i stabilitetit dhe normalitetit në rajon ka qenë një rezultat i arritur falë rolit dhe veprës së Bashkimit Evropian: vendet e BE kanë kontribuar me forca ushtarake dhe policore sikundër edhe me ndihma të konsiderueshme financiare në Ballkan. Për më tepër, perspektiva për t’u bërë pjesë e Evropës i ka inkurajuar shumë nga vendet e rajonit që të ndërmarrin reforma të rëndësishme.

Ky zotim për sigurimin e stabilitetit në Evropë dhe të ardhmen e Ballkanit, duhet të jetë udhëzuesi ynë në qasjen ndaj Kosovës. Qëndrimi ynë po ashtu duhet të reflektojë situatën e veçantë të historisë së fundit të Kosovës dhe natyrën unike të kësaj çështjeje.

Kur Këshilli i Sigurimit i Kombeve të Bashkuara e solli në fund konfliktin e Kosovës në vitin 1999, ai krijoi një proces politik për të zgjidhur statusin e Kosovës. Ai proces u finalizua më herët gjatë këtij viti. Pas 14 muaj negociatash të përpikta ndërmjet Beogradit dhe Prishtinës, i dërguari i posaçëm i KB, Martti Ahtisaari, mjeshtërisht përpiloi planin e tij, duke i balancuar në mënyrën më të mirë qëndrimet e të dyja palëve. Propozimet e tij miratojnë aspiratat e pakalueshme të shumicës shqiptare për pavarësi, duke ofruar mbrojtje të gjerë për serbët e Kosovës në anën tjetër.

Këtë pranverë, ne punuam intensivisht në Këshillin e Sigurimit, në rezolutën, e cila do të implementonte propozimet e Ahtisaarit dhe do të kulmonte me zgjidhjen e statusit të Kosovës. Rusia dhe Serbia argumentuan se bisedimet shtesë ndërmjet Prishtinës dhe Beogradit do të mund të nxirrnin zgjidhje alternative. Procesi në Këshillin e Sigurimit u bllokua, por ne na duhet të bëjmë gjithçka që është e mundur për të arritur një marrëveshje. Me iniciativën e Francës, Grupi i Kontaktit – ku ne bëjmë pjesë bashkë me partnerët tanë, gjerman, italian, rus dhe amerikan – propozoi fillimin e një raundi negociatash të mundësuara nga treshja amerikano-ruso-evropiane. Ky raund duhet të jetë i fundit. Përfaqësuesi i BE në treshen diplomatike është ambasadori i shquar gjerman, Wolfgang Ischinger. Sekretari gjeneral i Kombeve të Bashkuara, Ban Ki-Moon, ka kërkuar që Grupi i Kontaktit t’i raportojë këtij të parit, më 10 dhjetor. Mbretëria e Bashkuar do të drejtojë takimin e ministrave të Grupit të Kontaktit më 27 shtator në Nju-Jork, për të vlerësuar progresin e arritur gjatë negociatave 120-ditore. Palët duhet t’i qasen fazës së re të negociatave në një formë konstruktive dhe të guximshme. Mundësi të caktuara mbeten për t’u eksploruar dhe një zgjidhje e pranueshme për të gjithë ka mundësi të gjendet. Në një rast të tillë, ne do ta mbështesim atë. Palët në proces duhet ta kuptojnë, se është në interesin e tyre të përbashkët që të punojnë me treshen për të elaboruar propozime serioze, për të siguruar arritjen e progresit dhe për të mbushur vakuumin e krijuar.

Prandaj, ashtu si bëri të ditur Grupi i Kontaktit, kur lançoi procesin e ri negociator, nëse Serbia vazhdon të argumentojë se propozimet e Ahtisaarit janë të papranueshme, atëherë përgjegjësia për propozimin e alternativave të tjera bie mbi Beogradin – propozime që do ishin të pranueshme edhe për Kosovën. Në pjesën e vet, Prishtina duhet të marrë në konsideratë mundësinë për të bindur Beogradin për angazhimin e saj për një Kosovë multietnike, pa diskriminime të asnjë lloj natyre. Kemi shumë shpresë se palët do të arrijnë një marrëveshje. Mirëpo, e kemi të qartë se, nëse nuk do të ketë marrëveshje, propozimi i Ahtisaarit mbetet rruga më e mirë për të vazhduar në këtë proces. Një gjë është e sigurt, status quo nuk është zgjidhje. Regjioni mbetet akoma i brishtë. Stabiliteti, pajtimi ndëretnik dhe zhvillimi ekonomik, që janë më të domosdoshëm se kurrë, varen nga statusi final i Kosovës.

Kosova do të jetë një test i madh për politikën tonë të jashtme dhe sigurinë. Duhet të tregojmë se, përkundër dallimeve në komunitet dhe përkundër barrierave të mundshme në Këshillin e Sigurimit, jemi të gatshëm të qëndrojmë së bashku që të sigurojmë stabilitet në Kosovë dhe në këtë mënyrë t’i mundësojmë BE të luaj rolin e saj në mënyrë të natyrshme. Mesazhi jonë është i qartë: Kosova është përgjegjësi evropiane, prej së cilës ne nuk do të ikim. Është në interes për sigurinë e të gjithë neve. Blloku evropian ka planifikuar zbarkimin e saj civil më të rëndësishëm në Kosovë. Kur të vijë koha, duhet të jemi të aftë për t’i mbajtur premtimet tona.

Jemi të vetëdijshëm se Serbia ka rëndësi të madhe për të ardhmen e rajonit. Opinioni ynë i përbashkët është se Serbia mund t’i bashkohet me shpejtësi BE, sapo të jenë hequr barrierat e fundit. Në këtë aspekt, bashkëpunimi i plotë i Beogradit me gjykatën e Hagës është qenësor. Ne po ashtu theksojmë se është e vështirë të mendohet anëtarësimi i Serbisë në BE pa e zgjidhur çështjen e Kosovës.

Kjo nuk nënkupton një kërcënim, por është fakt. Zgjidhja e statusit të Kosovës, nuk do të jetë “dënim” për Serbinë, por do të jetë një zgjidhje e qëndrueshme për të gjithë banorët e Kosovës. Për më tepër, kjo do të mundësonte kthimin e tërë rajonit kah e ardhmja. Leksioni kryesor nga luftërat e viteve `90 është se komuniteti ndërkombëtar ka përgjegjësinë për të vepruar në mënyrë të unifikuar dhe të vendosur. Kjo është arsyeja kryesore pse duhet të zgjidhet statusi i Kosovës. Jemi të vendosur që ta zgjidhim atë. Jemi bashkërisht të bindur se BE, e cila ka shpenzuar aq shumë në Ballkan, duhet të vazhdojë të luaj rol kyç në Ballkan. Roli i BE nuk duhet të kalbet në Ballkan.

* Bernard Kouchner është ministër i Punëve të Jashtme i Francës dhe ish-kryeadministratori i Kosovës, ndërsa David Miliband është ministër i Punëve të Jashtme i Britanisë.

[Llapi]

Deklarata e Nënsekretarit Amerikan të Shtetit Kurt Volker për agjensin AFP

“DO NJOHIM PAVARËSINË E NJËANSHME TË KOSOVËS”



“Shtetet e Bashkuara të Amerikës janë të gatshme që ta njohin pavarësinë e njëanshme të Kosovës, edhe nëse Këshilli i Sigurimit i Kombeve të Bashkuara nuk do të arrijë që të gjejë një zgjidhje për statusin e saj. Shqiptarët e Kosovës kanë treguar se, nëse nuk do të arrihet një marrëveshtje, ata do ta shpallin vetë pavarësinë”, - ka deklaruar Kurt Volker, nënsekretar amerikan i Shtetit për Çështjet Evropiane dhe Euroaziatike.

“Ne do ta njohim pavarësinë e Kosovës, si dhe duhet t’i marrim të gjitha përgjegjësitë tona për të ruajtur paqen dhe sigurinë në Ballkan”, - ka thënë diplomati amerikan Volker.

Zyrtari i Departamentit amerikan të Shtetit, Kurt Volker ka theksuar se duket që Kosova është e përkushtuar për ta shpallur pavarësinë në mungesë të një zgjidhjeje. “Mendoj se të gjithë ne duhet të marrim përgjegjësinë tonë për ruajtjen e paqes dhe të stabilitetit”, - i tha zoti Volker agjencisë AFP.

[TOKE GEGA]

Zyrtari i Departamentit amerikan të Shtetit konfirmon qëndrimin e Uashingtonit pas 10 dhjetorit


SHBA: Do të njohim pavarësinë e Kosovës
Nënsekretari amerikan i Shtetit për Çështjet Europiane, Kurt Volker, ka theksuar se duket se Kosova është e përkushtuar për ta shpallur pavarësinë në mungesë të një zgjidhjeje. "Mendoj se të gjithë ne duhet ta marrim përgjegjësinë tonë për ruajtjen e paqes dhe të stabilitetit", i tha zoti Volker agjencisë AFP. Më tutje ai u shpreh se, "ne do ta njohim pavarësinë e Kosovës, derisa vlerësojmë se, po ashtu edhe një numër i të tjerëve do ta bëjnë këtë, pasi kjo është e vetmja mënyrë stabile për të ecur përpara në Ballkan" dhe shtoi se shpreson se të dy palët do të arrijnë marrëveshje.

[Llapi]

Bërns: Në mungesë të një zgjidhjeje të pranueshme, plani i Ahtisarit rruga e vetme për statusin e Kosovës
Uashington, 14 shtator - Nënsekretari amerikan i Shtetit për Çështjet Politike, Nikolas Bërns (Nicholas Burns), mbrëmë shprehu edhe një herë qartë qëndrimin Shteteve të Bashkuara për statusin përfundimtar të Kosovës në Uashington. Ai tha se në mungesë të një zgjidhjeje të pranueshme nga Beogradi dhe Prishtina, plani i Ahtisarit është rruga e vetme për statusin e Kosovës dhe ky plan çon drejt pavarësisë. Bërns këto komente i bëri në Këshillin e Atlantikut, ku foli për marrëdhëniet mes Shteteve të Bashkuara dhe Turqisë. Nënsekretari Bërns tha se Shtetet e Bashkuara kanë caktuar ambasadorin Frenk Uizner, një nga diplomatët më të mirë amerikanë, që së bashku me përfaqësuesin e Bashkimit Evropian, Volfgang Ishinger, dhe atë rus, Alaksandër Bocan Harçenko, të shikojnë mundësinë e përparimit në këtë çështje nëpërmjet bisedimeve mes Beogradit dhe Prishtinës, pra mes udhëheqjes serbe dhe asaj të shqiptarëve të Kosovës. Shtetet e Bashkuara, tha Bërns, do të respektojnë cilido që të jetë vendimi i tyre. Në mungesë të një zgjidhjeve, tha ai, Amerika do të shprehë qartë qendrimin e saj: "Në qoftë se deri më 10 dhjetor ata nuk kanë arritur në marrëveshje, kam besim të plotë se atëhere Shtetet e Bashkuara do të argumentojnë përsëri dhe do të shprehin konkretisht mbështetjen e tyre të fuqishme për planin e Ahtisarit, dhe ai plan çon drejt pavarësisë", nënvizoi Bërns në përgjigje të një pyetjes që iu bë për çështjen e Kosovës. Gjatë fjalës së tij lidhur me marrëdhëniet mes Shteteve të Bashkuara dhe Turqisë, nënsekretari Bërns vlerësoi rolin e këtij vendi në disa rajone të botës si dhe në Ballkan. Konkretisht për Kosovën ai tha se Turqia është një aleate e ngushtë e Amerikës që po jep një kontribut të vlefshëm në këtë periudhë që Kosova po shkon drejt pavarësisë. Nënsekretari amerikan i Shtetit për Çështjet Politike, Nikolas Bërns, tha se të dy vendet po punojnë për zgjidhjen e statusit të Kosovës brenda fundit të këtij viti.

[RaPSouL]

Manter: Nëse bisedimet per Kosoven dështojnë, plani i Ahtisarit te hyje ne fuqi

Diplomati amerikan ne Beograd ka rikujtuar qëndrimin e Washingtonit se në rast të mungesës së marrëveshjes zgjidhja më e mirë për Kosovën është pavarësia e mbikëqyrur në bazë të propozimit të të dërguarit të posaçëm të Kombeve te Bashkuara, Marti Ahtisari

SHBA mbështesin fuqimisht dhe parezervë negociatat mbi statusin e Kosovës ndersa Rusia e Bashkimi Europian konsiderojnë se për Kosovën zgjidhja më e mirë do të jetë ajo e pranueshme për të dy palët. Keshtu ka deklaruar për agjencinë e lajmeve "Beta", ambasadori i ri amerikan në Beograd, Kameron Manter.

Diplomati amerikan ka rikujtuar qëndrimin e Washingtonit se në rast të mungesës së marrëveshjes zgjidhja më e mirë për Kosovën është pavarësia e mbikëqyrur në bazë të propozimit të të dërguarit të posaçëm të Kombeve te Bashkuara, Marti Ahtisari. Manter shprehet me tej ne intervisten e tij se SHBA nuk dëshiron të spekuloje se çfare do të ndodh pas 10 dhjetorit kur "treshja" negociatore duhet t'i paraqes raportin KB, sepse besojnë se me negociata do të arrihet ndonjë zgjidhje. "Politika jonë është shumë e qartë rreth kësaj çështje dhe ne në kërkesën adresuar qeverisë serbe, më herët gjatë kësaj jave, i kemi dhënë sqarim Ministrisë së Jashtme e kjo është se i mbështesim fuqimisht dhe parezervë negociatat që po mbahen nën patronazhin e treshes. Ne dhe miqtë tanë rus e evropian pajtohemi se zgjidhja më e mirë për Kosovën ajo që është e pranueshme për të dy palët", ka thënë Manter.

Ambasadori amerikan i ka bërë me tej thirrje Beogradit e Prishtinës që të paraqesin ide të reja kreative për takimet e ardhshme në Londër e Nju Jork, në mënyrë që të krijohen mundësi më të mira për zgjidhje. "Po angazhohemi për këtë, konsiderojmë se nuk është mirë të spekulohet se çka do të ndodhe pas 10 dhjetorit. Ne mendojmë, e këtë e kemi thënë edhe më herët, nëse dy palët do të mund të arrijnë zgjidhje të pranueshme reciprokisht, ne në SHBA konsiderojmë, si edhe sekretari i përgjithshëm i KB Ban Ki Mun, BE dhe shumica e anëtarëve të KS, se zgjidhja më e mirë për Kosovën është pavarësia e mbikëqyrur sipas parimeve që i ka paraqitur Ahtisari.Ky është qëndrimi ynë" ka thënë Manter.

Pyetjes së çfarë qëndrimi do të marrin SHBA në rast se dy palët merren vesh për ndarjen eventuale të Kosovës, Manter ka thënë se Washingtoni do te mbështes ato zgjidhje për të cilat bien në ujdi të dy palët, por ka rikujtuar se çështja e ndarjes së Kosovës nuk është në tavolinë. (rtk/balkanweb)

[no name]

Burns: Nëse nuk arrihet ujdia, jetësohet plani Ahtisaari dhe pavarësia

14/09/2007

• Nënsekretari i shtetit për çështje Politike i Shteteve të Bashkuara të Amerikës, Nicholas Burns, ka ritheksuar edhe njëherë qëndrimin zyrtar të Uashingtonit për bisedimet dhe për statusin e Kosovës, duke thënë se në mungesë të një marrëveshje të negociuar, do të jetësohet plani i ndërmjetësuesit Ahtisari. Nënsekretari Burns i tha këto fjalë duke folur mbrëmë para shumë ekspertëve dhe një numër ambasadorësh në Këshillin e Atlantikut në Uashington ku u përqendrua në marrëdhëniet midis Shteteve të Bashkuara dhe Turqisë, duke theksuar nevojën e rivendosjes së partneritetit me të si një aleat kyç strategjik. Ai tha se ashtu siç ishte Gjermania partner kyç i Amerikës në shekullin e 20-të, në shekullin 21 do të jetë Turqia, për të cilën tha se 'ka demokracinë më impresive nga vendet e botës islamike, një vend me një identitet të dyfishtë, atë evropian dhe të lindjes së Mesme'. Burns tha se Turqia ka pasur një rol jashtëzakonisht të rëndësishëm gjatë krizës në Kosovë më 1998 dhe 1999. Turqia edhe sot ka rreth 600 ushtarë në kuadër të KFOR-it në Kosovë, në një kohë kur ne po shkojmë drejtë pavarësisë së Kosovës në fund të vitit 2007.Ndërkaq në segmentin e pyetje-përgjigjeve duke u ndërlidhur me zhvillimet në rajon dhe nevojën e një stabiliteti dhe paqe afatgjate në Evropë, nënsekretari Burns tha se vëmendja e Uashingtonit ndaj Evropës kryesisht është e përqendruar kah Kosova dhe bisedimet shtesë që po mbahen duke thënë se Shtetet e Bashkuara do të mbështesin cilëndo marrëveshje që do të arrihej nga palët përmes negociatave dhe ndërmjetësimit ndërkombëtar. Mirëpo theksoi më tej Burns, në mungesë të një marrëveshje, Uashingtoni do ta bëj të qartë pozicionin e tij. Ai tha se nëse edhe pas dhjetë dhjetorit nuk do të ketë ujdi midis palëve, atëherë Shtetet e Bashkuara të Amerikës do të argumentojnë dhe do të shfaqin mbështetjen e tyre konkrete dhe të fuqishme për planin Ahtisaari, si një zgjidhje më e mirë dhe ai plan çon drejt pavarësisë së Kosovës. Nënsekretari Burns i tha këto fjalë duke folur mbrëmë para shumë ekspertëve dhe një numër ambasadorësh në Këshillin e Atlantikut në Uashington ku u përqendrua në marrëdhëniet midis Shteteve të Bashkuara dhe Turqisë, duke theksuar nevojën e rivendosjes së partneritetit me të si një aleat kyç strategjik. Ai tha se ashtu siç ishte Gjermania partner kyç i Amerikës në shekullin e 20-të, në shekullin 21 do të jetë Turqia, për të cilën tha se 'ka demokracinë më impresive nga vendet e botës islamike, një vend me një identitet të dyfishtë, atë evropian dhe të lindjes së Mesme'. Burns tha se Turqia ka pasur një rol jashtëzakonisht të rëndësishëm gjatë krizës në Kosovë më 1998 dhe 1999. Turqia edhe sot ka rreth 600 ushtarë në kuadër të KFOR-it në Kosovë, në një kohë kur ne po shkojmë drejtë pavarësisë së Kosovës në fund të vitit 2007.Ndërkaq në segmentin e pyetje-përgjigjeve duke u ndërlidhur me zhvillimet në rajon dhe nevojën e një stabiliteti dhe paqe afatgjate në Evropë, nënsekretari Burns tha se vëmendja e Uashingtonit ndaj Evropës kryesisht është e përqendruar kah Kosova dhe bisedimet shtesë që po mbahen duke thënë se Shtetet e Bashkuara do të mbështesin cilëndo marrëveshje që do të arrihej nga palët përmes negociatave dhe ndërmjetësimit ndërkombëtar. Mirëpo theksoi më tej Burns, në mungesë të një marrëveshje, Uashingtoni do ta bëj të qartë pozicionin e tij. Ai tha se nëse edhe pas dhjetë dhjetorit nuk do të ketë ujdi midis palëve, atëherë Shtetet e Bashkuara të Amerikës do të argumentojnë dhe do të shfaqin mbështetjen e tyre konkrete dhe të fuqishme për planin Ahtisaari, si një zgjidhje më e mirë dhe ai plan çon drejt pavarësisë së Kosovës.


Ina-Online

[Llapi]

Ekspertët amerikanë: Dhjetë dhjetori të jetë datë e njohjes së sovranitetit të Kosovës
"Dhjetë dhjetori duhet të jetë fundi i procesit të statusit që duhet të qojë drejtpërdrejtë në deklarimin e vullnetit të Shteteteve të Bashkuara dhe të aleatëve të saj kryesorë në njohjen e sovranitetit të Kosovës”, thuhet në dokumentin e ekspertëve amerikanë për Ballkanin.
Nje grup i ekspertësh amerikanë për Ballkanin, bëjnë thirrje për njohjen e pavarësisë së Kosovës me qëllim të parandalimit të një jostabiliteti rajonal. "SHBA dhe aleatët e saj kryesor evropianë, përfshirë edhe vendet eBE-së duhet të jenë të gatshme që më 10 dhjetor të deklarojnë njëzëriqëllimin e tyre për njohjen e Kosovës shtet i pavarur, sipas planitAhtisaari, edhe pa një rezolutë të Këshillit të Sigurimit", thonë ekspertët amerikanë.

Ata thonë se rezoluta 1244 nuk përcakton statusin e Kosovës, por as nuk ndalon shpalljen e pavarësisë dhe njohjen e saj nga shtetet e tjera. Andaj është preferueshme, por jo edhe ligjërishte domosdosshme që statusi i Kosovës të vendoset me një rezolutë të retë Këshillit të Sigurimit të Kombeve të Bashkuara. Një gjë të tillë e ka pamundësuar Rusia deri tani, mirëpo asaj nuk duhet lejuar ta ndal prosecin, sepse, nënvizojnë ata, sa më unik të jenë SHBA dhe aleatët evropianë, edhe Rusia do të bëhet më konstruktive. Moska duhet të pajtohet me vendimin amerikano-evropian dhe amerikanët dhe evropianët duhet të mësohen me reagimin e Moskës. Megjithëse preferohet që SHBA dhe BE të veprojnë unikë për hirë tëstabiltetit nëë Kosovë, eskpertët thonë se pritja e pajtimit të të gjithë 27 vendeve të BE-së nuk është një gjë reale, andaj edhe e rrezikon procesin e statusit final. Procesi që ishte paraparë përmes rezolutës 1244 të Këshillit të Sigurimit është kompletuar dhe rezultati tij është plani Ahtisaarit i cili duhet të jetësohet. As vetoja ruse e as këmbëngulja e Beogradit për vonesë nuk duhet të lejohen t'i bëjnë obstruksion vendimit të bashkësisë ndërkombëtare për Kosovën."Dhjetë dhjetori duhet të jetë fundi i procesit të statusit që duhet të cojë drejpërdrejtë në deklarimin e vullnetit të Shteteve të Bashkuara dhe aletaëve të saj kryesorë në njohjen e sovranitetit të Kosovës, thuhet në dokumentin që mbanë nënshkrimet e ekspertëve të njohur amerikanë, në mesin e të cilëve ish ambasadorë, një udhëheqës i UNMIK-ut, dy udhëheqës të zyrës amerikane në Kosovë, emra si Morton Abramowitz, Janusz Bugajski, James Dobbins, Marshall Harris, Soren Jessen-Petersen, Edward Joseph, James O'Brien, John Menzies, LarryRossin, Louis Sell, Daniel Serwer dhe Paul Williams.
RTK 15 shtator 2007 - 12:22:59

[RaPSouL]

Rozmari Di Karlo: Nëse nuk ka pajtim, te zbatohet plani i Ahtisarit

Zëvendës ndihmës sekretarja amerikane e shtetit për Evropën dhe Euroazine, Rozmari Di Karlo vlerëson se zgjidhja më e mirë për Kosovën është marrëveshja mes shqiptarëve dhe serbëve duke shtuar se nëse kjo është e pamundur atëherë plani i Ahtisarit është i vetmi i pranueshëm .
“Shpresojmë se cështja e statusit të Kosovës do të zgjidhet në një kohe sa më të shkurtër” ka thënë Rozmari Di Karlo për gazeten e Banja Lukës “Nezavisne novine”. (rtk/balkanweb)

[RaPSouL]

Për Kosovën koha nuk pret

Pas një pune njëvjeçare për statusin e Kosovës, në pranverën e këtij viti ndërmjetësuesi i OKB-së, Matti Ahtiisaari propozoi një plan që parashikonte një pavarësi ndërkombëtarisht të mbikëqyrur të Kosovës, duke garantuar të drejtat e rreth 100,000 banorëve serbë të ngulur kryesisht në pjesën veriore të saj.
Edhe pse kosovarët kërkojnë pavarësi të plotë, Serbia ngul këmbë që ky territor duhet të mbetet autonom. Plani Ahtisaari parashikon një prani ushtarake ndërkombëtare të papërcaktuar në kohë si dhe një “Zyrë Civile Ndërkombëtare”, përfaqësuesi i së cilës do të marrë përsipër funksionet e OKB-së dhe do të ushtrojë kontroll mbi të gjitha aspektet e jetës në Kosovë. Megjithatë, Rusia e Vladimir Putinit ka bllokuar planin e OKB-së për t’i dhënë pavarësi Kosovës nën mbikëqyrjen e BE-së dhe ka shprehur qëndrim intransigjent për krijimin e një Kosove si shtet të pavarur në një të ardhme të pacaktuar pa marrë miratimin e plotë të Serbisë. Ai ka kërcënuar edhe për përdorimin e vetos ndaj planit Ahtisaari në rrafshin e Këshillit të Sigurimit të OKB-së.

Udhëheqësit shqiptarë të Kosovës kanë deklaruar në mënyrë krejt të qartë se ata do të shpallin pavarësinë nëse bisedimet nuk sjellin një plan të pranueshëm për ta, ku të parashikohet sovraniteti i plotë i Kosovës. Njëkohësisht, qeveria serbe ka paralajmëruar se do të kundërpërgjigjet nëse shumica kosovare deklaron pavarësi.

Me qëllim që t’u lihej kohë për sqarim kundërshtimeve ruso-serbe, OKB-ja e ra dakord për të shtyrë edhe 120 ditë marrjen e një vendim, ndërkohë që palët janë duke ndërmarrë bisedime të tjera, të cilat kanë si afat të fundit 10 dhjetorin 2007.

Mirëpo nga shqyrtimi i historisë së përplasjeve etnike midis kosovarëve dhe Serbisë del qartë se koha për diskutime të tjera apo për kompromise ka kaluar.

Si rrjedhojë e etheve kombëtariste të ndezura nga Sllobodan Millosheviçi, në korrik 1990 kuvendi i Serbisë i hoqi autonominë Kosovës, popullsia e së cilës përbëhej nga rreth 2,000,000 shqiptarë, ose 90% të numrit të përgjithshëm të popullsisë. Si pasojë, Serbia hoqi shqiptarët nga të gjitha institucionet qeveritare, tregtare, ushtarake/policore si dhe nga institucionet akademike, duke i lënë kësisoj shqiptarët pa kurrfarë përfaqësimi qoftë në rrafshin vendor, qoftë atë politik kombëtar. Qysh prej vitit 1999, kur fushata ajrore e NATO-s i dha fund me forcë “spastrimit etnik” të kosovarëve nga provinca e tyre autonome, Kosova qeveriset nga një administrate e OKB-se.

Më 1999 kosovarët përfituan vetëm atë që u ishte dhënë nga Kushtetuta Jugosllave e vitit 1999, domethënë statusin e provincës autonome, që në mjaft drejtime ishte i barabartë me atë të gjashtë republikave të Jugosllavisë në atë kohë: dmth Sllovenia, Kroacia, Bosnja, Mali i Zi, Maqedonia dhe Serbia. Edhe pse sipas Kushtetutës së vitit 1974 Kosova përfshihej brenda kufijve të Serbisë, ajo përbënte një element kushtetues të mbarë Federatës Jugosllave, njëlloj me republikat e tjera, për shkak të autonomisë së saj të posaçme. Kosova funksiononte tërësisht si pjesë e sistemit të Federatës Jugosllave, duke qenë se kishte kuvendin e vet, gjykatat, bankën qendrore, shërbimin policor, dhe forcat e mbrojtjes territoriale.

Mirëpo pas vitit 1990, Republikat e Sllovenisë, Kroacisë, Bosnjës, Malit të Zi dhe Maqedonisë, u shkëputën nga Serbia dhe u bënë vende të pavarura, Kosova është rajoni i vetëm në ish-Jugosllavi që ka mbetur pa fituar ende pavarësinë.

Serbia i mbahet qëndrimit se pjesa veriore e Kosovës rrotull qytetit të Mitrovicës i duhet bashkëngjitur Serbisë së Madhe, pasi shumica e popullsisë atje është serbe. Kontrollimi i një rajoni të rëndësishëm minerar në veri është diçka thelbësore, dhe ka patur bisedime jozyrtare në qarqet diplomatike se Serbia mund të bjerë dakord për një ndarje të përgjithshme të Kosovës, ku gjysma do të ishte e saja, ndërsa gjysma tjetër që do t’u takonte kosovarëve mund të fitonte pavarësi të plotë.

Kosovarët nuk do të bien kurrë dakord me këtë plan të ndarjes së Kosovës. Pjesa më e pasur, më e rëndësishme e Kosovës shtrihet në veriun industrial, sikurse provojnë minierat e pasura, depozitat e mëdha të qymyrit, si dhe pasuritë e tjera minerare sikurse nikeli, plumbi, zinku dhe minerale të tjera rrotull Mitrovicës, dhe kuptohet se ndarja do t’u linte kosovarëve pjesën më të varfër e të pazhvilluar. Po ashtu, ata kundërshtojnë ndarjen sepse ata kundërshtojnë në parim “ndryshimin e kufijve” Kundërshtimi i tyre përputhet tërësisht me qëndrimin e Bashkimit Evropian në lidhje me ndryshimin e kufijve.

Ka edhe disa mosmarrëveshje të tjera kufitare; kufijtë e tashmë të Kosovës u caktuan më 1878 nga Fuqitë e Mëdha në Traktatin e Shën Stefanit, që copëtoi Perandorinë Osmane pas fitores së Rusisë në Luftën Turko-Ruse të vitit 1878.

Sa i takon afatit të dhjetorit, retorika që po shkallëzohet me shpejtësi i vendos Kosovën dhe Serbinë në një përplasje të tillë që nuk mund të mos përfshijë edhe SHBA, Rusinë dhe vendet e BE-se. Ka ardhur koha që Rusia, Serbia dhe Kosova të bëjnë hapa përpara me planin Ahtisaari, i cili i njeh një lloj pavarësie Kosovës së bashku me garanci të pacënueshme ndaj popullsisë së pakicës serbe si dhe ndaj vendeve të tyre historike fetare. Edhe pse plani i OKB-së nuk jep garanci se në Kosovë do të ketë paqe të qëndrueshme, ata duhet të lëvizin menjëherë, nëse do të duhet t’iu jepet shans njëfarë mase paqeje dhe stabiliteti.

*Autori është një shqiptaro-amerikan nga Bostoni me profesion shkrimtar dhe që drejton forumin “Frosina”. Shkrimi është shkruar posaçërisht për gazetën “Tirana Observer”.