Paketa e propozuar nga Ahtisari për statusin final të Kosovës

[alibaba]

nuk po diskreditoj veten dhe as nuk po e kercenoj popullin,po e them kur gjendja behet e veshtire me mire te largohen se sa te vdesin dhe te perfundojne ne spital.................. per kundrazi sme vjen mire te shof asnje te vrare,,,,,,duke pare vidion qe anetari ka postuar me siper te ben te mendosh nje dicka te tille.

nuk e kuptoj ku zoteria jote pa kercen apo diskreditim?

Sigurisht ky eshte kercenim, megjithese kercenim paksa i fshehur. Ti ne njefare menyre po thua: "mos gaboni te protestoni se do iu vrasin" e kete une e shoh si kercenim sepse ti po ben thirrje per te mos mbajtur protesta e njekohesisht po ua kujton edhe "denimin".
Pikerisht pse jane bere ato krime duhet dale ne protesta. Ti llahtarisesh kur i sheh ne video, une vete i kam perjetuar qe nga femijria kam qene ne protesta edhe ne kohen e shkijeve edhe tash kunder unmikut, dhe perseri kam vullnet te protestoj kunder padrejtesive, dhe te kerkoj drejtesi per popullin.

[Llapi]

Për SHBA-të pavarësia e Kosovës është e pashmangshme


Ndihmëssekretari amerikan i shtetit Daniel Fried, i cili ndodhet në Prishtinë siguroi autoritet kosovare se pavarësia e Kosovës është e pashmangshme dhe sipas tij ky është qëndrimi zyrtar i SHBA-së

Ndihmëssekretari amerikan i shtetit Daniel Fried i cili është duke zhvilluar një vizitë në Prishtinë kërkoi edhe pak durim nga autoritet kosovare në mënyrë që të përdoret çdo formë për të arritur një koncensus ndërkombëtar që plani i ndërmjetësit ndërkombëtar, Marti Ahtsari, të
miratohet unanimisht në KS-it.

“Kosova në fund të fundit do të jetë një vend i pavarur dhe kjo do të ndodhë jo shumë larg. Presidenti
francez Nikola Sarkozi, ka propozuar që të ketë një shtyrje prej disa muajsh në mënyrë që të arrihet një
koncensus ndërkombëtar por edhe ai e ka bërë të qartë se pavarësia e Kosovës është e pashmangshme, tha
Daniel Fried.

“SHBA-së, do të punojnë ngusht me grupin negociator. E kanë filluar së bashku këtë proces dhe do ta
përfundojnë së bashku. Në fund të këtij procesi të vështirë, Kosova do të dëshmojë se është një vend që
meriton të qeverisë vetvetën, tha Daniel Fried. Ai tha se do të zhvillohen negociata të sërishme ndërmjet
faktorëve ndërkombëtarë duke lënë të kuptohet se do të ketë takime të nivelit të lartë edhe ndërmjet Beogradit dhe Prishtinës për çështjen e statusit por koha e këtyre negociatave sipas tij, do të jetë e limituar. Ai nuk dha ndonjë datë se kur do të fillojnë
dhe përfundojnë negociatat mirëpo, siguroi se kjo nuk do të zgjasë shumë. Anëtarët e grupit negociator të Kosovës, duket se janë pajtuar me rekomandimin e SHBA-së që të zhvillojnë edhe një raund negociatash me autoritet serbe, megjithatë për ta pavarësia e Kosovës është e panegociueshme.

Ndihmëssekterari amerikan i shtetit Daniel Fried, ftoi grupin neociator që në fund të këtij muaji të vizitojnë SHBA-së. Udhëheqësit politik kosovarë
njoftohet se do të kenë takim të drejpërdrejt me Sekretaren amerikane të shtetit, Condolesa Rise. Kjo vizitë sipas zotit Fried, do të jetë në linjën që
autoritet kosovare të sigurohen nga dora e parë që pavarësia e Kosovës është e pashmangshme dhe kjo
është vetëm çështje kohe.

[Llapi]

Uizner tha se Kosova do të jetë e pavarur, por porosit për durim dhe mençuri

Prishtinë, 9 korrik - Kosova do të jetë e pavarur dhe për këtë kanë rënë dakord Shtetet e Bashkuara të Amerikës dhe Bashkimi Europian", ka deklaruari dërguari amerikan për statusin e Kosovës, Frenk Uizner. Është shumë normale që për të arritur një koncensus për një rezolutë në Këshillin Sigurimit, anëtarët e Këshillit të Sigurimit dhe palët në Këshillin e Sigurimit diskutojnë disa drafte, tha Uizner në një intervistë për RTV21. Në këtë kuptim, tha ai, Rusia është shumë e qartë dhe e vendosur. "Por, njësoj i qartë është edhe qëndrimi amerikan dhe europian. Kosova do të jetë e pavarur, gjë që Shtetet e Bashkuara të Europa janë darkoduar. Shpresojmë se edhe Këshilli i Sigurimit do të jetë në përkrahje të kësaj, prandaj diskutojnë shumë draft rezoluta, në mënyrë që të shohim nëse mund të vazhdojmë më tutje. Nëse mund të vazhdojmë, atëherë do të nxjerrin një përfundim për Kosovën dhe do të zgjidhim këtë çështje", është shprehur Uizner. I pyetur nëse vazhdimi i negociatave mund të sjellë më shumë, duke pasur parasysh se besedimet e udhëhequra nga Ahtisari dhe ekipi i tij nuk sollën asgjë të re, Uizner porositi për durim dhe mençuri. "Nëse edhe kjo merr muaj të tërë kohë, Kosova le të tregohet e durueshme, le të tregohet se është e mençur, le të jenë kosovarët ata që do t'u tregojnë të gjithëve se janë të gatshëm për paqe. Le të jenë në anën e drejtë edhe nëse zgjat më shumë. Por, kjo do të përfundojë dhe, pas githë kësaj, Kosova ka shumë për të bërë". Sipas Uiznerit, "Plani i Ahtisarit nuk ka dështuar dhe ky plan do të përfundojë duke qenë bazë për pavarësinë e Kosovës". Por ai kërkoi që të sigurohet "se të gjitha rrugët drejt paqes mund t'i arrijë Kosova" për të dëshmuar se "Kosova është e aftë dhe e matur, sepse e di se ku po shkon dhe e di se ku dëshiron të shkojë". "Të sigurohemi edhe një here për gjendjen e sigurisë dhe të mos i ndyejmë duart me gjëra të këqija, të mos zhgënjehemi duke bërë ftesa për diçka të panevojshme sikur është edhe kërkesa për konferencë ndërkombëtare". Nga ana tjetër Uizner tha se një prej dëshmive se "Kosova është e gatshme për pavarësi është fakti se liderët politikë të saj janë të gatshëm të jenë së bashku në Ekipin e Unitetit, të negociojnë si ekip, ta përgatisin Kosovën si ekip dhe të qëndrojnë së bashku derisa të sigurohet pavarësia dhe pastaj, derisa të mbahen zgjedhjet". Ai i sugjeroi Ekipit të Unitetit "të qëndrojë së bashku dhe të kryejë punë" dhe se "nuk mund ta humbë arsyen", ndonëse ka frustrime. "E dimë se duhet të arrijmë aty, pra të shkojmë së bashku, të kemi marrëdhënie të mira me komunitetin ndërkombëtar", tha Uizner, duke prorositur që të dëgjohet me kujdes atë që ka thënë Presidenti Bush në Tiranë. "Shtetet e Bashkuara e dinë se ku do të shkojnë. Edhe Bashkimi Europian gjitjasjtu. Pra, duhet të shfrytëzojmë kohën dhe të arrijmë atje".

[no name]

Haziri: Rezoluta e re sipas planit te Ahtisarit

E Diele, 15 Korrik 2007

Zyrtaret me te larte ne Prishtine reaguan dje per rezoluten e re per Kosoven, qe u dorezua parmbreme ne Keshillin e Sigurimit. Zevendeskryeministri i Kosoves, Lutfi Haziri, siguroi bashkeqytetaret se projektrezoluta e fundit per Kosoven bazohet ne planin e te derguarit te OKB-se per statusin, Presidenti Marti Ahtisari. Pas kthimit nga Shtetet e Bashkuara te Amerikes, Haziri tha per RTV21 se Uashingtoni eshte i interesuar per miratimin e nje rezolute te re, e cila siguron pavaresi per Kosoven. Ai tha se projekti i fundit i rezolutes eshte ne perputhje me dokumentin e Ahtisarit. Sipas tij, drafti vetem sa ka pesuar ndryshime ne nuanca. Haziri shfaqi shpresen se Rusia do te mbeshtese projekt-rezoluten me te re ne Keshillin e Sigurimit.

Kryeministri i Kosoves, Agim Ceku, kembenguli per nje politike aktive te udheheqesve kosovare rreth problemit te statusit. Ceku tha se Prishtina do te hartoje nje strategji ne mbeshtetje te pavaresise. Sipas tij, strategjia qe synon permbylljen e pavaresise do t'i prezantohet organizmave nderkombetare. Kryeministri i Kosoves tha se Prishtina nuk do te varet si deri me tani, nga pritja e lajmeve nga Keshilli i Sigurimit apo organizma te tjera, por do te dale me propozime konkrete. "Javen qe vjen Grupi i Unitetit do te dale me propozime konkrete, te cilat presim t'i prezantojme ne Uashington me 23 korrik", tha Ceku. Keshilli i Sigurimit i Kombeve te Bashkuara tashme ka ne dore projekt-rezoluten e re per Kosoven. RT21 ne Kosove njoftoi se pritet qe se shpejti faktori nderkombetar te pranoje se ceshtja e statusit Kosoves eshte "Sui Generis". Kjo per shkak te rrethanave specifike te krijuara per Kosoven, te cilat zene fill qysh prej fillimit te shkaterrimit te aparatit politik te ish-Jugosllavise e deri tek dhuna masive e ushtruar ne luften e fundshekullit.

Shtetet e Bashkuara kane kerkuar nga Rusia qe te mos i vere veto rezolutes se re te OKB-se per Kosoven, duke thene se Keshilli i Sigurimit do te mbetej pa rol ne te ardhmen e Kosoves dhe duke theksuar se shumica shqiptare, ne rast te tille, do te mund te shpallte pavaresine. Ambasadori amerikan ne OKB, Zalmay Khalilzad, tha parmbreme vone se Shtetet e Bashkuara dhe vendet e BE-se, anetare te Keshillit, qe e sponsorizuan rezoluten, deshirojne aksion "brenda disa diteve te ardhshme" dhe besojne se ato kane numer te mjaftueshem te votave per ta miratuar propozimin e fundit. "Topi tash eshte ne terrenin e Rusise" u tha zoti Khalilzad gazetareve dhe shtoi se "zhurma qe kemi degjuar nga Moska nuk eshte inkurajuese, por ne nuk e kemi degjuar fjalen finale nga Moska". Ambasadori amerikan tha se esenca e asaj qe ne propozuam nuk eshte subjekt i ndryshimeve te metejshme. Sipas tij, propozuesit jane te hapur per sugjerimet e arsyeshme te Rusise. Ambasadori Khalilzad tha se sponsorizuesit jane te perkushtuar per te levizur perpara ne njeren apo tjetren menyre, brenda Keshillit. I pyetur se a do ta mbeshtesnin apo jo Shtetet e Bashkuara deklaraten per pavaresi nga institucionet e Kosoves, ai tha se le te jete e qarte se ne nuk do ta ndalim situaten qe te mos levize perpara ne Kosove, por kjo do te ishte jashte kornizes se Keshillit te Sigurimit. Sipas tij, veprimet e njeanshme nuk jane drejtim i deshirueshem per te levizur perpara.

Pikat kryesore te rezolutes

-Cmohet permbajtja e planit te te derguarit special, Marti Ahtisarit, lidhur me procesin e percaktimit te statusit te Kosoves.

-Propozohen 120 dite te tjera bisedimesh midis shqiptareve dhe serbeve, por pa ndonje premtim automatik per pavaresi te mbikeqyrur, nese keto bisedime deshtojne

-Behet thirrje per vazhdimin e bashkepunimit me Gjykaten Nderkombetare per krime lufte ne republikat e ish-Jugosllavise.

-Kerkohet angazhimi i lidershipit kosovar per bashkepunim me perfaqesimin civil nderkombetar ne Kosove, i cili do te jete faktor ekuivalent me perfaqesimin e BE-se dhe te misioneve te tjera ne Kosove, vecmas ne kete faze te proceseve.

-Duke llogaritur ne kapacitetet politike te misionit nderkombetar ne Kosove, KS kerkon fuqizimin e ketij misioni pas fazes se tranzicionit.

-Misioni nderkombetar ne Kosove duhet te vazhdoje, ne menyre qe te mos pushoje mbeshtetja per zhvillimin demokratik te Kosoves, qe do te ishte parakusht per zgjidhjen sa me te shpejte te statusit.




kohajone

[no name]

Ahtisari nuk eshte korruptuar nga shqiptaret

E Diele, 15 Korrik 2007

Departamentit te Shtetit pergenjeshtron shtypin serb, sipas te cilit "mafia shqiptare" ka korruptuar me pagesa marramendese prej miliona eurosh kryenegociatorin, Marti Ahtisari. Pavaresisht se a do te qarkulloje dhe votohet nje rezolute mbi Kosoven ne Keshillin e Sigurimit, qe do te ishte mbeshtetese apo jo e planit Ahtisari, Uashingtoni vazhdon te kembengule ne propozimin e tij per Kosoven, si me te mirin deri tani, tha dy dite me pare zedhenesi i Departamentit te shtetit Tom Kesei. I pyetur nga nje gazetar grek, se cili ishte komenti i qeverise amerikane rreth disa shkrimeve "per gjoja pagesen prej miliona eurosh qe iu qenka bere Ahtisarit nga mafia shqiptare", Kesei tha se lajme te tilla ishin ne kategorine e genjeshtrave. Ai e quajti diplomatin finlandez nje burre shteti te dalluar me nje pervoje te jashtezakonshme dhe rezultate ne zgjidhjen e konflikteve. Ai e ka mbeshtetjen e plote te Sekretarit te Pergjithshem, nderkaq plani i tij mbeshtetjen e plote te Shteteve te Bashkuara te Amerikes, si nje themel te ecjes perpara", tha Kesei. Zedhenesi i Departamentit te shtetit konfirmoi edhe njehere se drafti me i ri i rezolutes kerkon nje periudhe negociatash nga palet para zbatimit te rekomandimeve. Ai shfaqi habi lidhur me logjiken e dilemave ne punen e deritashme te Ahtisarit, per te shtuar se "ne i jemi mirenjohes shume dhe i respektojme perpjekjet qe ai ka bere". "Po te doni te ndiqni keto hije, atehere shtroni keto pyetje ne Kombet e Bashkuara", i tha Kesei gazetarit grek per akuzat e shtypit serb.




kohajone

[Faik]

UNIFORMA SERBE NË RADISHEVË?

Shkruar nga Jeton Rushiti - GAZETA EXPRESS


Tuesday, 17 July 2007

Persona me uniforma ushtarake serbe kanë hyrë të shtunën në Radishëve të Skenderajt. Janë ndeshur me forca të SHPK-së, mes të cilëve ka pasur edhe shkëmbim zjarresh. E tëra ka filluar kur dy vëllezërit Tahiri kanë shkuar në mal për dru.

Pjesëtarë të Shërbimit Policor të Kosovës janë përleshur me arme zjarri me disa persona, të cilët kanë pasur të veshura uniforma ushtarake serbe. Këta persona, që besohet se kanë qenë serbë, përveç uniformës ushtarake, kanë qenë të armatosur edhe me kallashnikovë.

Shkëmbim zjarri disa minutash ka përfunduar pa viktima. Ngjarja ka ndodhur të shtunën rreth orës 16:00, 500 metra largë shtëpive të fundit të fshatit Radishevë, kur dy vëllezërit, Mehmet dhe Musli Tahiri nga fshati Radishevë e Skenderajt, kishin shkuar në malin e tyre për të prerë dru. Musliu, rreth të 28-ave, rrëfen ngjarjen. "Jam kanë këtu në këtë vend tuj e prit vllaun që e kishte çu në shpi një traktor me dru. Derisa Mehmeti ishte tuj ardhë rrugës, unë isha ratë nën këtë hije dhe e dëgjova një zhurmë", thotë Musliu.
Ai thotë se largësia mes tij dhe personit të armatosur ka qenë diku rreth tetë 8 metra. Musliu rrëfen se ka dyshuar se dikush kishte qenë duke e përcjellë atë. Pasi ishte ngritur në këmbë dhe kishte dalë nga një kaçubë, përpara tij iu kishte shfaqur një person i uniformuar dhe me armë në dorë, i cili e kishte urdhëruar Musliun në gjuhën serbe.

"Me të thanë drejtën, serbishten nuk e di, veç diçka më tha dhe unë kceva në prru, afër ramit që ishte me dru. Ai ka mujt me m'vra, por e ka lanë deri të vjen edhe vëllai im, e pastaj të dyve na kish vra", shprehet ai.
Nën breshërinë e plumbave, ai kishte arritur të futet në përrua, duke dalë në rrugën malore, në mënyrë që ta ndalë vëllain e tij, i cili ka qenë duke shkuar në drejtim të tyre. Shprehet i bindur se personi i armatosur ka qenë mjaft mirë i pozicionuar dhe ka pritur Mehmetin që ngiste traktorin. "I kom ni me radiolidhje tuj folë me persona tjerë", shpjegon 28- vjeçari, i cili ka dëgjuar lëvizje të shumta pyllit përreth. Të dy vëllezërit ishin bashkuar dhe kishin lajmëruar fqinjët e tyre, të cilët më pas kishin thirrur policinë dhe KFOR-in.

Të parët kishin shkuar në vendin e ngjarjes pas gjysmë ore pjesëtarët e ShPK-së, ndërsa KFOR-i pas tri ore ka vajtuar atje. "Dy patrulla të SHPK-së kanë arritur pas 30 minutash, masanej edhe 2 pjesëtarë të policisë së UNMIK- ut", thotë Musliu.
Ai tregon se me tre pjesëtarë të SHPK-së janë nisur në drejtim të vendit të ngjarjes, dhe më të arritur 200 metra në afërsi të vendit, të shtënat kanë filluar sërish, nga të dy anët e malit.

Gjuajtjeve me armë zjarri të personave që ishin pozicionuar në male, iu kanë përgjigjur pjesëtarët e policisë së Kosovës, të cilëve, pas një kohe të shkurtër u kishin ardhur në ndihmë edhe një numër i madh i forcave të SHPK-së nga stacioni në Skenderaj, ndërsa helikopteri i KFOR-it fluturonte mbi fshat. Të shtënat kishin mbaruar me një shpërthim të një granate dore. Histori e ngjashme e së shtunës, kishte ngjarë vite më parë.

Dy fshatarë të Radishevës ishin vrarë nga persona të armatosur, për të cilët dyshohet se kishin ardhur nga fshatrat sipër Radishevës, të banuara me serbë. Para fillimit të luftës së fundit të Kosovës, fshati Radishevë ka numëruar mbi 40 shtëpi, në mesin e të cilave tri serbe, kurse tani kanë mbetur vetëm 15.
Megjithatë, banorët e këtij fshati janë duke iu ekspozuar një rreziku të madh, kanali i të cilit mbase mund të jetë veriperëndimi i Kosovës, nëse kihet parasysh fakti se me Radishevën kufizohen fshatrat e Zubin Potokut, e më gjerë.
Edhe ata banorë që kanë mbetur aty mendojnë se shpëtimi i vetëm i tyre nga rreziqet që u kanosen, është braktisja e fshatit të tyre, mirëpo një gjë e tillë nuk ka ndodhur ende.

[Llapi]

SHBA-të të vendosura, Kosova do të bëhet e pavarur në njërën apo mënyrën tjetër, tha Rajs
Lisbonë, 19 korrik - Kosova do ta fitojë pavarësinë e saj nga Serbia, në "njërën ose mënyrën tjetër", megjithë vërejtjet e Rusisë në Kombet e Bashkuara, tha sot sekretarja amerikane e Shtetit, Kondoliza Rajs. Zonja Rajs u tha reporterëve gjatë udhëtimit të saj drejet Lisbonës, se Presidenti Xhorxh Bush e ka bërë shumë të qartë se Kosova do ta ketë pavarësinë. "Shtetet e Bashkuara janë absolutisht të përkushtuara për këtë", tha zonja Rajs. E pyetur nëse Shtetet e Bashkuara janë të përgatitura që, në rrugën e pavarësisë së Kosovës, të lëvizin jashtë Këshillit të Sigurimit, ajo tha "ne jemi të përkushtuar për një Kosovë të pavarur dhe ne do të arrijmë atje në njërën ose mënyrën tjetër". Në Lisbonë zonja Rice merr pjesë në takimin kuartetit për Lindjen e Mesme.

[strong_07]

Surroi: Pavarësia duhet të shpallet para Krishtlindjeve
Në kuadër të një kornize kohore reale, Ekipi i Unitetit dhe forcat politike duhet të sugjerojnë që Kuvendi i Kosovës ta përmbushë obligimin e tij, duke bërë shpalljen e pavarësisë para Krishtlindjeve të këtij viti.

[strong_07]

Uashingtoni është plotësisht i angazhuar për pavarësinë e Kosovës

Sekretarja amerikane e Shtetit Kondoliza Rajs thotë se Uashingtoni është plotësisht i angazhuar për të arritur pavarësinë e Kosovë, pavarësisht nga kundërshtimi i Rusisë.

Sekretarja Rajs tha sot për gazetarët se Kosova do të marrë pavarësinë në një mënyrë apo në një tjetër, pa sqaruar nëse Shtetet e Bashkuara janë të gatshme të njohin pavarësinë në mënyrë të njëanshme. Ajo i bëri këto komente para se të shkonte në Lisbonë për takimin e Kuartetit të Lindjes së Mesme.

Këshilli i Sigurimit i Kombeve të Bashkuara do të mblidhet nesër për të diskutuar projekt-rezolutën e fundit mbi statusin e ardhshëm të Kosovës.

Në Mal të Zi, kryetari i Dhomës së Ulët të Parlamentit rus, Boris Grizlov përsëriti qëndrimin e Moskës për t’i vënë veton çdo rezolute të Këshillit të Sigurimit që nuk do të ishte e pranueshme nga Serbia. Ai tha se pavarësia e Kosovës do të nxiste konflikte në pjesë të tjera të botës.

[Dita]

SHBA i deklarojne negociatat si te deshtuara. Sipas ambasadorit amerikan prane OKB-se, z.Zalmay Khalilzad, tani do te filloje nje proces i ri, i cili nuk i nenshtrohet vetos ruse. (APA/dpa)

Po sot kryeministri i Kosoves Agim Ceku ka shprehur daten 28 nentor, si daten ne te cilen Kosova do te shpalle pavaresine e saj nga Serbia, nese nuk ka nje zgjidhje me pare nga Keshilli i Sigurimit te OKB-se. (Reuters)