Paketa e propozuar nga Ahtisari për statusin final të Kosovës

[RaPSouL]

Ribisedimet me Serbine, Koshtunica, i kerkon BE sprapsje per Kosoven

Sot ne Bruksel kane rifilluar bisedimet mes Bashkimit Evropian dhe Serbise per Marreveshjen e Asocim Stabilizimit, pavaresisht se i shumkerkuari i Hages Ratko Mlladic eshte ende i lire


BRUKSEL - Bisedimet ishin nderprere ne maj te 2006 per shkak te mos bashkepunimit me Gjykaten e Hages. Nga ana tjeter rifillimi i bisedimeve eshte pershendetur ne Beograd nga kryeministri Vojisllav Koshtunica. Ai theksoi se ky moment duhet te krijoje qartesi te vendet e Bashkimit Evropian, qe te shohin Serbine si partnere, duke deshmuar respekt per integritetin territorial te saj. ''Rifillimi i sotem i bisedimeve mbi Marreveshjen e Stabilizim-Asocimit ofron nje mundesi te mire per BE-ne, qe te tregoje qarte se ajo e sheh Serbine si partner, çka nenkupton respekt te plote per sovranitetin dhe integritetin territorial te Serbise. ''Serbia do te zbatoje standartet e BE-se, por, ne te njejten kohe, ne kembengulim vendosmerisht qe BE-ja te respektoje kufijte tane te njohur nderkombetarisht dhe faktin se Kosova eshte pjese integrale e Serbise '', theksoi Koshtunica duke i kerkuar bllokut te 27 vendeve terheqjen e mbeshtetjes per pavaresine e Kosoves duke rikujtuar ketu edhe rezoluten e 1244 te OKB-se per integritetin territorial te shteteve. Por kerkesa e Koshtunices duket e veshtire per t’u pranuar ne nje kohe kur si BE-ja ashtu edhe OKB e kane shprehur disa here dhe shume hapur mbeshtetjen per nje pavaresi te mbikqyrur per Kosoven, sipas propozimit te Marti Ahtisarit.

[RaPSouL]

Komersant: SHBA e gatshme njeanshem ta njoh pavaresine e Kosoves

Deklaratat e Bushit, perveç kesaj, deshmojne edhe se Shtetet e Bashkuara te Amerikes,pa marre parasysh qendrimin e Rusise,jane te gatshme qe ne menyre te njeanshme ta pranojne pavaresine e Kosoves


Deklarata e kryetarit te Shteteve te Bashkuara te Amerikes Xhorxh Bush ne Shqiperi se Kosova me heret apo me vone do ta fitoje pavaresine, deshmojne per ate se ne samitin e G8-tes ne Gjermani nuk ka arritur qe te merret vesh per Kosoven me kryetarin e Rusise Vlladimir Putin,vlereson sot e perditshmja moskovite “Komersant”. Deklaratat e Bushit, perveç kesaj, deshmojne edhe se Shtetet e Bashkuara te Amerikes,pa marre parasysh qendrimin e Rusise,jane te gatshme qe ne menyre te njeanshme ta pranojne pavaresine e Kosoves. Gazeta shkruan se kembengulesia e Rusise krijon per Kosoven dhe per Bashkimin Evropian problem serioz,dhe se udheheqesit kosovare jane po aq te brengosur me mungesen e rezultateve ne samitin e G8-tes kur eshte fjala per Kosoven,si dhe Koshtunica me deklarata e Bushit.

[RaPSouL]

Zhelev: Rrezik eshte Kosova te behet shtet i pavarur

Ish-kryetari bullgar Zhelu Zhelev mendon se "eshte rrezik qe Kosova te behet shtet i pavarur, per shkak se kjo do te ishte preçedence qe mund te multiplikoje"


Sofje- "Problemi me Kosoven eshte shume i nderlikuar. Une i kuptoj perpjekjet e shqiptareve, vuajtjet e tyre, gjerat qe i perjetuan gjate luftes. Por, nese Kosova pranohet ne menyre te pakushtezuar si shtet i pavarur, kjo behet preçedence", deklaroi Zhelevi duke paralajmeruar Bullgarine qe te udheheqe politike te permbajtur rreth kesaj çeshtjeje.

Zhelevi, siç transmeton Makfaksi, mendon se "nese shikohet Ballkani dhe nese lejohet preçedenca me Kosoven, do te shihet se ne çdo shtet ballkanik mund te ndodhe nje gje e tille". Zhelevi, ne deklaraten per agjencine Bgnes te Sofjes, sugjeron se vetem integrimet evroatlantike dhe rruga e drejte per zgjidhjen e çeshtjes se Kosoves dhe çeshtje tjera potenciale te ketij lloji. "Kur mund te udhetosh dhe te punosh lirshem ne cilindo shtet evropian, çeshtja me nuk do te kete kete ashpersi", konstaton Zhelevi.

[RaPSouL]

BE: Serbia te zgjedhe: Ose Perendimin - ose Rusine

Komisioneri europian per Zgjerim, Oli Rehn ka paralajmeruar Serbine te kete kujdes nga afrimi i tepert me Rusine, pasi mund te kete pasoja dhe e ka kujtuar se eshte Perendimi ai qe ve kushte dhe jo Serbia


Rifillimi i negociatave me Bashkimin Europian, nuk eshte plotesisht dite feste per Serbine, pasi po sot, asaj i eshte vene ne tryeze edhe kushti i pare ne formen e nje paralajmerimi, nese vertet deshiron ta vazhdoje rrugen drejt Prendimit. Keshtu, komisioneri europian per Zgjerim, Oli Rehn ka paralajmeruar Serbine te kete kujdes nga afrimi i tepert me Rusine ne raport me BE-ne, pasi mund te kete pasoja ne nje rast te tille dhe e ka kujtuar kryeministrin Koshtunica se eshte Perendimi ai qe ve kushte dhe jo Serbia. Keto deklarata kane ardhur pas kerkeses se kryeministrit serb Koshtunica, qe Bashkimi Evropian te respektoje integritetin territorial te Serbise, gjate vendimarjes per Kosoven. “Te gjithe deshirojme te kemi raporte te mira me Rusine. Mirepo, me duhet te terheq verejtjen se nese teprohet ne perqafimet, per ariun e madh, madje edhe per ate me miqesorin, mund te ngulfateni. Ne procesin e integrimeve, eshte Bashkimi Evropian ai qe ben kushtezime, dhe jo anasjelltas. Eshte Serbia ajo qe ka kerkuar qe t’i bashkangjitet BE-se e jo e kunderta”, tha Rehn.

Sot rinisen negociatat e Stabilizim-asociimit mes BE-se dhe Serbine, te nderprera vitin e kaluar, per shkak te mungeses se bashkepunimit te autoriteteve te Beogradit me Gjykates e Hages. Bozhidar Djelic nenkryetari i Qeverise serbe qe kryesoi delgacionin ne Bruksel, perseriti se Serbia asnjehere nuk do heqe dore nga Kosova dhe se territorin e vet do e mbroje me mjete paqesore. Serbia synon qe te fitoje statusin e kandidatin per ne BE qe vitin e ardhshem, mirepo komisioneri Oli Rehn terhoqi verejtjen se shpejtesia e procesit te integrimeve evropiane do varet nga raportet fqinjesore qe ka Serbia dhe ne cilin nivel i respekton vendimet nderkombetare, sidomos ato qe kane te bejne me statusin e Kosoves.

[RaPSouL]

Veton Surroi: Kosova, perspektive Adriatike

Kryetari i Levizjes "Ora" shprehet per rendesine qe ka aksi Durres-Prishtine, marredheniet ndershqiptare, zhvillimet politike dhe ekonomike ne te dy vendet, statusin e Kosoves: "Pavaresia duhej te merrej nga shqiptaret qe me 1999"

Kryetari i Levizjes "Ora" ne Kosove, Veton Surroi, ne nje interviste ne "Opinion Plus" te gazetarit Blendi Fevziu ne TV Klan, ka bere nje panorame te qarte te te gjithe zhvillimeve politike ne Kosove, dhe rezultatet e arritura ne turin e tij diplomatik ne nje sere vendesh ne funksion te pavaresimit te Kosoves. I ndodhur ne Shqiperi, ai ka rrefyer dhe momentet neper te cilat do te kaloje faktori shqiptar, duke kembengulur ne idene e nje bashkepunimi qe do te sillte pervec ngritjes ekonomike edhe hyrjen e fuqishme ne tregun evropian. Ai nuk ka munguar te shprehet se shqiptaret jane vonuar ne shpalljen e pavaresise se Kosoves, si rezultat i perplasjeve brenda perbrenda vetes. Por qe beson, ne arritjen e statusit te pavaresimit.

A do ta njihte SHBA-ja nje Kosove te vetepavaresuar?

Po, kjo eshte nje pyetje ku une nuk mund te jap pergjigje, sepse duhet ta jape SHBA-ja. Por ajo cka i kemi bere me dije shume partnereve ne bote, eshte se ky proces nuk mund te perfundoje pa pavaresi dhe ky proces nuk mund te zvarritet pafund, domethene, e ka nje jete te veten natyrale.

Kjo zgjatje e statusit e Kosoves, mungesa e nje statusi final te Kosoves, a ka ndikuar negativisht ne shoqerine kosovare?

Absolutisht, shoqeria kosovare nuk ka mberritur ne keto 8 vite te ndertoje nje sistem te pergjegjesi-dhenies, ne aspektin politik, ne momentin kur ju, nuk e dini se kush eshte zot shtepie, atehere nuk e keni nje menyre te llogaridhenies dhe kjo e demton drejtperdrejt demokracine dhe funksionalitetin e shtetit. Nga ana tjeter, ka demtuar ne menyre serioze ekonomine.

Per cfare arsye?

Sepse kjo eshte si puna e ndertimit ne nje truall pa tapi, sepse nuk mund te investosh nese nuk e sigurine juridike te pronesise. Ne kemi qene ne nje gjendje te vakuumit te legjislativit, identitetit ligjor dhe sigurise tone ligjore. Keshtu qe ne duhet te merremi edhe nje 10-vjecar me pasojat e gjithe ketyre qe na ka ndodhur.

Po marrim nje version tjeter, zoti Surroi... Plani i Ahtisarit do te kaloje, Keshilli i Sigurimit do ta miratoje, a eshte i implementueshem ky plan?

Eshte i veshtire, por eshte i implementueshem natyrisht.

A eshte me i komplikuar se sa duhet?

Eshte me i komplikuar se sa duhet. E mira e te mires, eshte qe te mos kemi nje komplikim, ajo do te ishte brenda nje konteksti te nje zgjidhje tjeter, kjo eshte zgjidhje me referendum me perkrahjen e nderkombetareve e te tjera. Ne kemi hyre ne nje zgjidhje, si te percjellur, ku kushtet jane pak me te renda se c'duhet te ishin per Kosoven.

Perse vini kaq shpesh ne Shqiperi, si ju qellon qe vini kaq shpesh ne Shqiperi?

Fillimisht, arsyeja ka qene e mbajtjes se kontakteve ne kohen e krizes, por pertej arsyes zyrtare, une ndihem si ne shtepi ne Shqiperi, keshtu qe nje pjese e identitetit tim shtrihet ketu fare lehte dhe eshte nje menyre tjeter e te kundruarit te botes shqiptare. Une e shikoj veten time ne Kosove edhe nga kjo perspektive ketu, Adriatike.

Ka dallime nga kjo perspektive Adriatike, Kosova?

Natyrisht qe ka, edhe ne kete kuptim gjendemi midis dy civilizimeve, jo vetem ne sensin e vet kulturor, por edhe gjeografik. Flasim per nje Shqiperi dhe shqiptare qe po shkrihen ne Mesdhe, qe eshte kjo pjese ketu, tranzicioni i Shqiperise ka qene ne fakt konvertimi i Shqiperise ne realitetin e vet gjeografik, qe eshte realiteti i vet mesdhetar. Nga ana tjeter, tranzicioni ne Kosove dhe ajo cfare do te ndodhe ne Kosove, eshte identifikimi i pjeses se munguar. Ne kemi qene te kufizuar ne komunikim dhe tani e shohim veten brenda nje konteksti me te gjere shqiptar. Kjo eshte me rendesi per Kosoven, sepse duke qendruar ne nje bashkesi ne Jugosllavi, bashkesite krijojne edhe hapesiren e konkurrences, meqenese krijohet dallimi. Ajo cka po ndodh brenda nesh tashme, kombit shqiptar, eshte se per here te pare duhet te krijoje modele konkurrence brenda kombit shqiptar.

C'jane keto modele konkurrence?

Shohim zhvillimet brenda Shqiperise, p.sh ne kuptimin, ta marrim thjesht, estetik dhe te mos merremi me ate politik. Influencat arkitektonike te viteve te fundit, po ta shikoni ne zhvillimin ne Shqiperi, ka kaluar nga tranzicioni i alumin- plastikes turke, ne godina me te medha dhe me te avancuara, qe i afrohet me shume Italise. Ky evoluim tani do te ballafaqohet ne Kosove, e cila ka hyre vete ne tranzicion dhe fillon prape per se keqi. Pra, fillon me godina me alumin-plastike turke dhe duhet te mberrije deri ne nje model te zhvillimit, i cili na perket ne si shqiptare.A ka nje lloj permbysje, se duhet pare si nje ene qe kthehet nga njeren ane dhe nje here nga ana tjeter, per arsye se ne vitet '90 ishin kryesisht kosovaret te cilet mberriten ne Shqiperi per te sjelle filozofine e biznesit, per te sjelle nje estetike ndryshe ne gjithcka, ndoshta edhe ne dekorimin e tortave, tani duket sikur Shqiperia po ndikon me shume ne Kosove...?

Ky zhvillim do te kete nje ushqim te ndersjelle mes Kosoves dhe Shqiperise, posacerisht ne momentin kur do te krijohet aksi rrugor i duhur, i cili i lidh keto vende. Shqiperia eshte aq e hapur, sa po vijne dhe influenca nga Italia posacerisht, po aq ne nje te ardhme, ne kete gjysme shekulli qe na pret, ne do te krijojme pjese shume te forte me ate pjese pertej Adriatikut, perfshire edhe ne si shqiptare. Aksi i Adriatikut duhet te ndryshoje, aksi Durres - Kosove, duhet te ndryshoje te konceptuarit e asaj qe ne mund te ofrojme si shqiptare, si teresi, botes pertej Adriatikut.

Vertet ka nje levizje per rrugen Durres-Kukes - Morine, qe do te shkoje pertej deri ne Prishtine, do ta quajne aksi Prishtine - Durres. Sa mendoni qe ky aks, ose ndertimi i ketij aksi rrugor, sipas standardeve nderkombetare boterore, pra nje autostrade, do te ndikoje ne afrimin e dy vendeve dhe ne prosperitetin ekonomik te dy vendeve?

Ne nuk duhet te mendojme keshtu. Duhet te mendojne se perspektiva evropiane e jona, nuk mund te jete ne abstraksion, nuk mund te themi qe ne do te jemi pjese e Evropes. Ne evropianizohemi ne momentin kur ne kemi cfare t'i ofrojme atij tregut.

Cfare mund t'i ofroni ju ketij tregu?

Ne mund te krijojme nje kapacitet perpunimi, te cilen ai treg tashme e ndien ne konkurrencen e vet. Po marr nje shembull te thjeshte, ne vitin 2020 India dhe Kina do ta zene hapin e tregjeve te avancuara boterore dhe me ekonomi te avancuar boterore. Ne vitin 2020, do te kemi pak a shume nje ballafaqim trekendesh, mes SHBA, Kines dhe Evropes. Ajo pjese qe me se shumti goditet nga rritja e influences se Kines, eshte industria e perpunimeve ne Evrope. Evropa goditet me se shumti, tregu amerikan ka qene gjithmone i hapur ndaj prodhimeve kineze, por tani po e shohim ketu. Ne kete drejtim, pjesa e cila me se shumti po goditet nga Bashkimi Evropian, jane tekstilet qe po vendosen kryesisht ne Itali. Ajo cka eshte filozofia e tanishme, avantazhi i tekstileve te firmave te cilat kane ndikim te madh ne tregje, eshte kapaciteti i shpejte perpunues. Domethene, arritja sa me e shpejte ne treg, sa me heret. Kjo mund te behet me nje kosto shume te ulet ne Kine, Indi, Bangladesh etj, mirepo ja ku e kemi, ja ku eshte pertej Adriatikut, nje treg i jashtezakonshem, nje treg i punes shqiptare, ku nuk duhen qe shqiptaret te shkojne ne Itali te punojne.

Por me sa duket, kostot ne Shqiperi jane shume te larta, kostot po vijne duke u rritur...?

Kostot shqiptare po vijne duke u rritur, mirepo nuk mund te tejkalojne kostot e transportit, te cilat vijne nga Kina ose nga India. Kete e ka vertetuar Turqia, e cila po pozicionohet mire si nje force e ndermjetme, midis Lindjes se Larget dhe Evropes.

Ju kam vene re qe levizni shume neper bote, cili eshte motivi i tyre? Madje pjesen me te madhe te itinerarit tuaj po e ndjek nepermjet gazetave, ju shoh qe keni levizur nga Amerika Latine ne SHBA dhe me shume ne Evrope. Cili ka qene motivi i ketij udhetimi?

Qellimi eshte qe te krijojme nje lob te fuqishem brenda Keshillit te Sigurimit, qe faktikisht duhet te krijoje shumicen, nje shumice kritike brenda Keshillit te Sigurimit, qe te votojne per rezoluten e Kosoves. Natyrisht, te gjitha keto nuk shkojne ne menyre automatike, megjithese jemi ne kohen e internetit, gjithmone kontakti njerezor eshte me i rendesishem dhe i nevojshem. Isha ne Panama para nje muaji, isha ne Peru, po ashtu ne Malajzi me vone. Ne te gjitha keto takime, eshte nje lloj nderi qe i behet shtetit qe edhe t'i shkon i ben nderin nje Panamaje te vogel qe te njohe pavaresine e Kosoves.

Ne c'nivel kane qene takimet?

Ne Panama edhe ne Peru, kane qene ne nivel te zevendesministrave, kryesisht me njerezit qe merren me keto ceshtje konkrete. Ne Malajzi, ka qene edhe ne nivel te ministrave, ne Spanje me heret, me ministrin e Puneve te Jashtme, me ministrin sllovak te Puneve te Jashtme.

A ka nje konsensus per pavaresine e Kosoves?

Ekziston konsensusi, sepse pavaresia eshte e pashmangshme, por kjo eshte si te dalesh ne nje dite te bukur me diell dhe te thuash qe eshte nje dite e bukur per te shkuar ne plazh, tani duhet shkuar ne plazh.

Po hezitimi cili eshte?

Hezitimi ekziston pike se pari nga Rusia.

Eshte ceshtje e influences ruse, apo ka hezitime te vendeve te tjera?

Ekzistojne hezitime ne vende te tjera, ne boten afrikane. Une kam qene ne Afrike te Jugut, kam biseduar ne fillim te ketij viti me ministrin e Jashtem. Pothuajse cdo muaj zhvilloj bisedime me ambasadoret afrikane ne New York te SHBA-se. Ekziston nje dyshim.

Perse?

Ekziston nje dyshim, sepse kufijte afrikan jane artificial. Kufijte afrikan jane vizatuar me nje vizore dhe nga ana gjeometrike dallohet. Ata thone se po u prek nje kufi ne Afrike, atehere shkon komplet ky vizatim tek kjo zgjidhje gjeometrike dhe duhet te krijoje nje zgjidhje tjeter. Ata kane frike nga Presidenca. Indonezia ka frike nga Presidenca, sepse eshte federata me e madhe ne kuptimin e shperndarjes se ishujve ne bote, ato kane frike sepse ruajtja e integritetit eshte ndryshe ne Indonezi, eshte ndryshe nga vende te tjera.

Ky hezitim mund vetem ta vonoje procesin e pavaresise, apo po e pengon?

Ajo po e vonon procesin e pavaresise, sepse duhet te ishim te pavarur te pakten qe vjet. Por ajo c'ka duhet kujdesur, eshte qe te mos preket substanca e ketij procesi, domethene mund te kete vonese, ka pasur vonese, por ne fund ky proces duhet te perfundoje me te drejten e Kosoves per te shpallur pavaresine dhe qe te njihet.

Kur mund te kemi nje vendim perfundimtar?

Per fat keq, nga kafsheria natyrale dhe besoj, dhe nga deshira posacerisht e jona, qe merremi me procesin negociator, qe te japim data kemi kaluar ne sindromen e bastardeve.

A jane kaluar te gjitha limitet? Ne 1999 pretendohej qe per 3 vjet Kosova do te kishte nje status perfundimtar, tani kane kaluar 8 vjet dhe akoma nuk kemi nje status perfundimtar...?

Gabimi ka qene i yni atehere, sepse ne momentin qe u clirua, Kosova duhet te permblidhte veten, faktori politik ushtarak te permblidhte veten dhe te merrte pavaresine, sepse pavaresia nuk dhurohet. Sepse ne ate kohe, kur ka pasur nje vakum, nje zbrazetire, kosovaret kane qene te shkaperderdhur dhe ka qene ne lufte mes vetes.

Kane qene te shkaperderdhur apo kane qene dukshem te bindur ndaj komunitet nderkombetar, te cilet edhe vete nuk ishin shume te kthjellet...?

Mos harroni se ne vitin 1999, Rugova nuk donte te kthehej nga Roma, Hashim Thaci pretendonte atehere, qe ishte nje Kryeminister i nje qeveri te perkohshme. Domethene, ishte nje shperndarje e teresishme e ketij faktori. Per fat te keq, ne vend te nje lidershipi shteteror shtet formues, me shume merreshim se kush dyqan do te merrej......



Ndarja e Kosoves na fut 20 vjet ne lufte

Kryetari i Levizjes "Ora" shprehet se nuk duhet te zgjatet pavaresimi i Kosoves, e cila duhet te funksionoje si nje shtet multietnik. Per te, eshte i rendesishem krijimi i nje boshti ekonomik me Shqiperine, simbole me vete

Ky eshte nje problem qe, me sa duket, i shoqeron shqiptaret prej me se 100 vjetesh...?

Ne momentin e kthesave te historise, nuk kemi hipur ne ate vale te historise dhe te shkojme me tutje.

Ne rast se ruset do te vendosin nje veto ne Keshillin e Sigurimit dhe nuk do te pranojne qe te votojne per pavaresine e Kosoves, do te shpalle pavaresine ne menyre te njeanshme dhe a duhet ta beje kete?

Cdo shpallje eshte edhe ashtu e njeanshme, nuk ka shpallje te njeanshme. Ceshtja eshte a duhet te konsultohet Kosova me partneret ne perendim, por edhe partneret ne lindje, me boten e trete. Ne fund te fundit, kosovaret i kane borxh vetvetes, d.m.th., Parlamenti i Kosoves i ka borxh qytetareve te vet dhe duhet ta ndermarre hapin e duhur ne momentin e duhur.

Dhe cili do te jete ky moment?

Po ai do te vije kur te jete momenti i duhur, kur te identifikohet si i tille. Meqenese jemi ne hipoteze, ne hipoteze po e leme.

A do ta njihte SHBA-ja nje Kosove te vetepavaresuar?

Po kjo eshte nje pyetje, ku une nuk mund te jap pergjigje, sepse duhet ate ta jape SHBA. Por ajo cka i kemi bere me dije shume partnereve ne bote eshte se, ky proces nuk mund te perfundoje pa pavaresi dhe ky proces nuk mund te zvarritet pafund, e thene ndryshe, e ka nje jete te veten natyrale.

Kjo zgjatje e statusit e Kosoves, mungesa e nje status final te Kosoves a ka ndikuar negativisht ne shoqerine kosovare?

Absolutisht, shoqeria kosovare nuk ka mberritur ne keto 8 vite te ndertoje nje sistem te pergjegjesi dhenies, ne aspektin politik. Ne momentin kur ju nuk e dini se kush eshte zot shtepie, atehere nuk e keni nje menyre te llogaridhenies dhe kjo e demton drejtperdrejt demokracine dhe funksionalitetin e shtetit. Nga ana tjeter, ka demtuar ne menyre serioze ekonomine.

Per cfare arsye?

Sepse kjo eshte si puna e ndertimit ne nje truall pa tapi, sepse nuk mund te investosh nese nuk e ke sigurine juridike te pronesise. Ne kemi qene ne nje gjendje te vakuumit te legjislativit dhe identiteti ligjor dhe sigurise tone ligjore. Keshtu qe, ne duhet te merremi edhe nje 10-vjecar me pasojat e gjithe ketyre qe na ka ndodhur.

Po marrim nje version tjeter zoti Surroi... Plani i Ahtisarit do te kaloje, Keshilli i Sigurimit do ta miratoje, a eshte i implementueshem ky plan?

Eshte i veshtire, por eshte i implementueshem natyrisht.

A eshte me i komplikuar sesa duhet?

Eshte me i komplikuar sesa duhet. E mira e te mires eshte qe te mos kemi nje komplikim, ajo do te ishte brenda nje konteksti te nje zgjidhje tjeter, kjo eshte zgjidhje me referendum me perkrahjen e nderkombetareve dhe elemente te tjera. Ne kemi hyre ne nje zgjidhje si te percjellur, nje pavaresi te percjellur, ku kushtet jane pak me te renda se c'duhet te ishin per Kosoven.

Po a rrezikon qe ne vend te nje Kosove multietnike te kemi nje Kosove me etni te pavarura?

Nuk do te jene te pavarura dhe tani ka nderhyrje, do me thene kapaciteti i vetem prishes te nje funksionaliteti eshte nderhyrja e forcave, strukturave shteterore serbe ne Kosove.

A mund te kemi nje Kosove multietinike realisht?

Po eshte multietinike ajo. Nuk eshte te multietniciteti problemi, por problemi qendron se cfare nenkupton njeriu me multietnicitet.

A mund te jetojne ne kushte te barabarta shqiptaret e Kosoves dhe serbet?

Absolutisht qe mundet. Une po jo shpjegoj ku eshte problemi i te kuptuarit ne perendim te multietnicitetit. Shume shpesh po jo tregoj se Kosova eshte po aq multietnike sa Sllovenia.

Ne c'kuptim?

Ne kuptimin e perfshirjes se shifrave. Sllovenia i ka te perfshira 10% te minoriteteve edhe ne i kemi aq. Pra, ne nuk mund te jemi me multietnik.

Por kushtet historike kane qene te ndryshme...?

Ajo eshte. Por nuk mund te kerkohet funksionaliteti i nje shteti te jete i ndryshem prej Sllovenise. Kushtet historike, lufta, prania historike serbe, identiteti religjioz, te gjitha keto duhen te merren parasysh. Nuk mund te keni ju gjykata multietnike. Jemi shoqeri multietnike dhe nuk mund te shnderrohemi ne shtet, i cili atehere do te merrte dimensionet e ndarjes etnike, qe do te ishte krejtesisht artificial. Te gjitha keto i kemi provuar, nuk kane funksionuar. E dime qe ne segmente te vecanta duhet te kemi nje perpjesetim te perfaqesimit ne polici, qe eshte me i madh per minoritetet. Minoritetet kane nevoje te gezojne, te shohin policin e tyre ne sherbim policor te Kosoves. Kjo nuk do te thote qe do te kemi sherbim policor serb ne Kosove, sherbim policor turk te Kosoves apo mysliman.

Z. Surroi, a mund te ishte nje lloj zgjidhje ndarja e Kosoves?

Nuk do te ishte zgjidhje e mire. Shoqeria do te mbetej me homogjene nga ana njera ane dhe nga ana tjeter, por nga ana tjeter kjo shoqeri do te hynte ne percaktimin e nje rregulli te ndarjes. Qe do te thote, qe ne shqiptaret do te futeshim ne 20 vjet lufte, me te drejte. Meqenese po ndahemi dhe meqenese po percaktohet nje kufi etnik midis nesh dhe serbeve, atehere kete kufi etnik do ta percjellim gjithkund, ta percjellim edhe ne Maqedoni, ta krijojme Shqiperine te atille c'ka dashur te jete ne momentin e themelimit. Por ky eshte nje proces i cili na fut ne nje pozite te humbjes.

Z. Surroi, kam pasur nje diskutim me disa prej lidereve kosovare dhe asnjehere nuk kam marre nje pergjigje shume te kenaqshme, a do mund te mbijetoje nje Kosove e pavarur nga ana ekonomike?

Mund te mbijetoje sigurisht.

Ne c'kuptim...? Mund te mbijetoje sigurisht, por a ka perspektive per nje zhvillim per t'u bere nje shtet...?

Kosova ka perspektive, por kete perspektive nuk mund ta kerkojne ne izolim te vetvetes, duhet ta kerkojme ne hapje. Dhe prandaj eshte dimensioni i integrimit shqiptar shume i rendesishem, integrimi dhe krijimi i mekanizmave te perbashket me tregun, me Shqiperine, eshte shume i rendesishem. Natyrisht edhe me shtete te tjera. Por po flasim fondamentalisht per Shqiperine, sepse kjo eshte dalja e natyrshme e Kosoves ne tregje...

A mund te jete Kosova e barasvlefshme e hapur ndaj Serbise dhe Shqiperise?

Teorikisht mundemi, por praktikisht ne nuk mundemi, ne kemi qene ne lufte me Serbine dhe do te duhet te kalojme vite te tjera deri sa te zbresim ne nje nivel te qendrueshem bashkepunimi.

A ka shoqeria kosovare, sidomos te rinjte, nje ndarje perfundimtare nga kultura e ish-Jugosllavise, sidomos keto 8 vjet. E kam fjalen qe shume te rinj nuk flasin me gjuhen serbe, duket se nuk ndikohen nga televizionet apo nga media, apo edhe librat qe vijne ne gjuhen serbe...?

Aty po, nga njera ane kemi nje globalizim ne nje koncept shume te ngushte gjeografik, sepse kemi pernjehere prani te shume popujve te ndryshem te administrates te UNMIK.

Qe ka ndikuar mjaft pozitivisht per Kosoven...?

Qe ka ndikuar deri-diku, sepse domethene ka ndikuar ne kuptimin se qytetari jone e ka mesuar gjuhen universale, gjuha universale eshte anglishtja e keqe, qe e flasin te gjithe te tjeret. Por, nga aspekti tjeter kemi hapje te tranzicionit te Shqiperise, sepse ende nuk kemi ende nje permbyllje te identitetit te ri te Shqiperise postkomuniste, jemi ende ne tranzicion. Prandaj edhe Kosova eshte e hapur nga tranzicioni qe po ndodh ketu. Sic po e shohim per shembull ne rap, adoptimi i shpejte i muzikes rap ne Shqiperi eshte pjese e ketij tranzicioni.

Dhe cfare trashegon Kosova e sotme, pra shoqeria nga ish-Jugosllavia?

Nuk e kam bere kete analize drejtperdrejt, ajo cka mund te shihet eshte se kemi trasheguar kalket ne aspektin gjuhesor. Po te lexoni gazetat do te shihni te shkruar dhe ndertimin e frazes. Por, ajo cfare kemi trasheguar se paku, nje gjenerate, ata qe kane qene ne moshen 18-19 vjecare ne vitin 1990, ata mund eventualisht te kene nje pasqyrim se cfare ka qene Jugosllavia dhe te gjithe te tjeret e shohin Jugosllavine ne nje konflikt te perhershem, ne lufte. Dhe nje ceshtje qe i takon historise. Ajo qe po shihet te gjeneratat e vjetra po shihet se ekziston nje vakum historie, nje vakum te te interpretuarit se cfare ka qene jeta ne ish-Jugosllavi. Ne Kosoven e periudhes se arte te zhvillimit, njerezit nuk mund te kuptojne qe ne periudhen e atehershme sigurim pensional dhe se ka pasur nje kthim me te mire se cka sot.

Si e komentoni ose cili eshte kendveshtrimi juaj per viziten e Presidentit Bush ne Tirane dhe sa lidhje ka kjo me pavaresine e Kosoves, direkt apo indirekte...?

Une mendoj se ka me shume lidhje me qendrimin qe kane pasur shqiptaret ne pergjithesi ndaj Amerikes dhe nga ana tjeter ndjenjen qe ka kjo administrate dhe nevojen per identifikimin e te gjithe atyre qe i kane qendruar besnik edhe ne keto momente te veshtira.

Z. Surroi si e gjykoni ju qendrimin e Tiranes zyrtare, ndikimin e Tiranes zyrtare qe ka ne Prishtine?

Po, une nuk e kam mbivleresuar asnjehere ndikimin e Tiranes zyrtare dhe per fat te mire ne nuk kemi pasur nje marredhenie te atille qe dikush nga Prishtina te vinte te merrte urdhra ketu, kjo nuk ka ekzistuar kurre. Meqenese kemi pasur nje policentrizem te shqiptaret, qe nuk eshte e njejte si te serbet dhe kroatet, ku qendra etnike ka dhene urdhra per territoret.

Gjithsesi, nje lloj ndikimi ka pasur...? Dhe ku identifikohet ky ndikim dhe i c'lloj eshte?

Ndikim ka pasur. Ndikimi politik ka qene gjithmone ne ofrimin e ndihmes dhe te qetesimit, te krijimit te nje konteksti real, ku mund te zgjidhen ceshtjet. Pastaj ndihma qe na ka dhene Shqiperia pas luftes eshte e pazevendesueshme.

C'mund te beje Shqiperia me shume per Kosoven sot? Flas per Shqiperine zyrtare, pasi jam i sigurt qe shqiptaret e Shqiperise dhe shqiptaret e Kosoves menyren e bashkepunimit e kane gjetur me mire sesa vete politika...

Shqiperia eshte duke bere shume ne aspektin diplomatik. Por, prape me shume se cdo gje tjeter krijimi i urave infrastrukturore do te jete momenti vendimtar i matjeve i asaj cfare mund te beje realisht. Me shume se cdo deklarim tjeter, me shume se cdo perkrahje politike te tjera, ne momentin kur te krijohet rruga prej Durresit deri ne kufi. Keto te gjitha do te jene me te vlefshme se cdo rezolute e Parlamentit te Shqiperise.

Ka nje perceptim sikur ndertimi i rruges do te shkoje me shume drejt prosperitetit te bregdetit shqiptar, permes pranise me te shumte te kosovareve, blerjen e shtepive, nje reallystate qe mund te rritet, po a ka shoqeria kosovare fitim nga kjo rruge?

Nese do te ulemi, mire do te ishte te mendojme ne muajt qe vijne, njerezit qe merren me analize ne Shqiperi dhe njerezit qe merren me analize ne Kosove, qofte mendimtare te lire, qofte organizata te ndryshme joqeveritare. Te futeshin dhe te mendojne se cka do te ndodh po te ndertohet rruga neser? Cfare do ndodhte ne vitin 2020? Si do te na gjente viti 2020? Dhe cfare duhet te bejme deri ne vitin 2020...?

Nuk besoj se shqiptaret ndonjehere ne historine e tyre te kene menduar aq gjate...?

Por tani nuk eshte vone kurre, imagjinoni vitin 2020 kur, per shembull, shoqerite tona do te jene te gatshem te integrohen ne Bashkimin Evropian. Cfare duhet te ndodhe nga tani e deri ne ate periudhe. Qe tani e deri ne ate periudhe duhet te ndodh nje konsolidim i menyres se administrimit ne qeverisje, ne te dy shoqerite, duhet te ndodh rritja e kapaciteteve funksionale infrastrukturore, do te thote prodhimi i energjise elektrike, konsumi i kesaj energjie, pagesa e kesaj energjie. Ajo qe duhet te ndodhe me se shumti qe brenda ketyre 13 vjeteve duhet te shohim se cfare eshte realisht ajo qe mund t'i ofrojme njeri-tjetrit si shqiptare dhe ajo cfare mund t'i ofrojme bashkerisht nje tregu evropian.

Gjithsesi, z. Surroi, pavaresia e Kosoves a mund te coje zhvillimin e dy shoqerive paralele qe vijne edhe duke u distancuar nga njera-tjetra?

Une besoj qe do te ndodhe e kunderta, do te vij deri tek integrimi. Natyrisht qe interesi i Kosoves nuk eshte te izoloje tregun e vet. Interesi i Kosoves eshte qe ta hape tregun e vet dhe qe tregjet e tjera te hapen ndaj tregut kosovar.

Ka pasur nje veshtrim ne shtypin e shqiptar se endrra me e madhe e patrioteve shqiptare, po i quaj protagoniste te jetes politike dhe shoqerore shqiptare, qe nga viti 1912 deri ne vitin 1990, ka qene bashkimi, pra bashkimi i shqiptareve. Duket se Rrugova krijoi endrren e pavaresise se Kosoves, qe nuk eshte e njejte me bashkimin e shkrimit, nje identiteti te vecante kosovar. A mund te shkoje krijimi i ketij identiteti, investimi ne kete drejtim, pavaresine e Kosoves... A mund te shkoje ne krijimin e dy shoqerive te ndryshme pavaresish?

Nuk ishte as endrra e Rugoves por as krijimi i tij, ishte nje proces i vetedijshem shoqeror ne te cilen kemi marre pjese te gjithe ne ne nje debat aktiv. Une kam qene i pranishem dhe ne kemi debatuar gjate se cfare do te jete pozicioni yne ne procesin e zhberjes se Jugosllavise. Dhe ne keshillin konsultativ te partive politike, ne vitin 1990 nxorem opsionin e pavaresise se Kosoves, e cila shkon brenda cintegrimit te Federates Jugosllave. Te mberrijme te ceshtja e krijimit. Fakti se krijohen dy shtete, ku shumica jane shqiptare nuk do te thote se krijohet pika e distances, flasim per dy ndermarrje, te cilat menaxhohen nga dy menaxher te ndryshem, por qe kane interesa te perbashketa. Ketu ceshtja e interesit nuk eshte vetem racional.

Po e nisim nga sistemi i simboleve, per shembull. Kemi parasysh qe Kosova duhet te kete disa simbole te ndryshme. A mund te jene keto simbole kaq qenesishme? Kemi parasysh qe ne daten 28 nentor apo ne festa te tjera, Kosova dekorohet kuqezi me flamuj kombetar...

Kosova gjithmone do te dekorohet kuqezi dhe gjithmone do ta ruaje si te shenjte flamurin shqiptar. Per ne ka qene gjithmone flamur kombetar dhe e kemi ngritur edhe ne kohe me te keqija, kur na eshte ndaluar. Por, ky nocion do te ruhet dhe nuk do te trashegohet ne gjenerate. Por ajo qe duhet te ndodhe eshte simboli yne shteteror, te cilin duhet ta krijojme.

Z. Surroi, c'eshte Kosova post-Rrugova, ka ndonje ndryshim ne jeten politike post-Rrugova?

Eshte nje teme e bukur e gjerave dhe jemi ne nje moment delikat. Momenti e dikton se po te ishim ne nje situate tjeter, kur statusi do te kishte perfunduar, do te kishte kohe edhe per analize.

Aktualisht zhvillimet e tjera e zbehin kete?

E zbehin sepse eshte nje tranzicion shume i thelle qe po ndodh me njerezit qe kane me Rugoven. Kjo eshte organizata, e cila nuk mund te prodhoje ende nje kryetar te partise. E kane nje kryetar te ngrire dhe i kane 4 nenkryetare, dua te tregoj se nuk ka nje organizate te konsoliduar, e cila nuk ka hierarkine e vet pos-Rugoviale, ende eshte ne fazen e gjetjes se vetvetes.

Kosova qe ju keni sot, ky produkt aktual i vitit 2007, a eshte ajo qe ju keni enderruar ne vitin 1999?

Jo, une kam pasur ideale me te medha, shume me optimiste. Ato dite te bombardimeve, mezi prisja te mbaronin qe te fillonin ndertimin e nje shoqerie dinamike, shume me tolerante dhe me shume produktive sesa sot.

Cfare nuk ka ecur ne Kosove?

Pothuajse shumica e gjerave. Po ka filluar mbrapsht, clirimi ka filluar mbrapsht dhe mbrapsht ka ecur, nuk ka ecur ne nje model te administrimit te Kombeve te Bashkuara, i cili ishte i paprovuar, drejt te cilit ndertohej hap pas hapi ne perfitim te pervojes. Dhe clirimi filloi me nje administrim te padefinuar, pa u unifikuar, te kosovareve, me nje mungese te llahtarshme te sensit shtet-formues dhe qe ne ato momente kritike. Puna e diteve te pare te nje procesi eshte ajo qe percakton rrjedhen e metejshme. Eshte si gabimet qe ben ne fraksionet kozmike, ju mund te beni 0.000001 milimeter ne fraksionin per te shkuar ne Hene, por ne realitet ajo do te jete nje gabim shume i madh. Po marr nje shembull shume te thjeshte, nocionin i administrimit te Korporates Elektroenergjetike te Kosoves (KEK), ne fillim u futen me kallashe dhe thane une jam drejtori, une jam zevendesdrejtori dhe keshtu e moren. Ne ate moment u be gabimi fondamental, mund te dalesh ne pyll me kallash, por jo te drejtosh KEK-un me kallash, ose ndonje ndermarrje tjeter, ose ndonje institucion. Kjo eufori ishte ajo tek e cila kemi mberritur sot, prej kallashit i vitit 1999 deri tani, ne kemi gabim te kosovareve dhe te nderkombetareve, ku ende ne tani nuk e dime se kush e administron KEK-un.

Si e mendoni kete vit turizmin kosovar drejt Shqiperise, si e mendoni kete vit meqenese jemi ne fillim te sezonit? A do te vazhdoje te kete nje prurje te kosovareve drejt Shqiperise?

Turizmin e kosovareve drejt Shqiperise dikush e ka quajtur turizem patriotik, une do ta quaja pa pare, vetem ata qe nuk kane mundesi tjeter vijne ne Shqiperi dhe kete duhet vleresuar realisht. Te dy e njohim mire pjesen e polemit, pjese kaq e ndotur dhe ne kontinitet i ndotur, asnje vizion me te vogel per te pastruar ujerat e zeza te tjera. Por gjithmone ne rritje e siper te ndotjes, nuk mund te prodhoje me shume turizem se cka arritur deri me sot. Gabimi fondamental te kuptuarit te turizmit ne ate pjese eshte: sa me shume godina, aq me shume turiste. Por maksima duhet te jete ndryshe: sa me shume pasterti, sa me pak ndertime, aq me shume turiste.

A ka disponim anti-kosovar ne Shqiperi? Nga njohja qe ju keni ne shoqerine shqiptare, ju vini shpesh dhe takoni njerez ne te gjitha nivelet...

Nuk e besoj. Une mendoj se ka disa faza, ka qene faza e para qe ka rrjedhur nga mosnjohja fondamentale, thjesht jam perballur me nje strukture qe kane ardhur fillimisht dhe qe kane dashur te bejne ate qe bejne gjithmone dhe nuk perputheshin me imazhin qe shqiptaret kishin per kosovaret. Te gjithe ato qe hyne ne shoqata ne tranzicion dhe shoqeri ne tranzicion, nuk dalin shume ne perceptim te mire. Italianet, qe kane ardhur ne vitin 1991, nuk ishin italianet real qe duam ne. Kjo eshte faza e pare. Faza e dyte ka qene krejtesisht tjeter emocionale e shkrirjes se kombit ne momentin vendimtar, ne momentin e luftes. Qe eshte nje faze qe ka krijuar fondamentalisht pasojat pozitive qe do t'i dime me vite te tera. Pastaj faza e trete eshte kjo e introspeksionit ne jemi ne nje introspeksion brenda ne veshtrim te shoqerive tona. Po te shikoni vetem gazetat ne Shqiperi, do te shihni se gazetat ne Shqiperi merren me shume me vetveten sesa me te tjeret. Kjo eshte ndoshta edhe e natyrshme. Ne Kosove mungon ndjenja e identifikimit ne nje ndjenje me te gjere, ne e dime se cfare ndodh, se kush e vrau ne cilin fshat dhe nuk dime per ngjarje fondamentale ne bote.

Dhe e kunderta, a ka diskonim antishqiptar ne Kosove?

Po ashtu ka qene ceshtja e mosnjohjes. Ajo qe i bashkon te dy shoqerite shqiptare eshte ndjenja e njejte ndaj arrogances. Ne Shqiperi, arroganca fillestare e kosovareve u percoll negativisht, qe eshte shume e natyrshme. Tani vjen kusheriri pak me i pasur edhe shet mend ne Tirane. E njejta gje mund te ndodhe tani qe kusheriri pak me i pasur nga Shqiperia shkon ne Kosove, domethene ceshtje qe lene ndonjehere shije te njejta.

Thate qe veshtrimi qe ju keni pasur 10 vjet me pare nuk perputhet shume, do me thene ka nje lloj zhgenjimi. Optimizmi juaj ka krijuar nje deformim. Nese une ju pyesja sot, a do te jeni optimist per 10 vitet e ardhshme?

Duhet t'i riformuloje caqet. Duhet te riformuloj se cfare pres une dhe cka do te doja une te prisja ne 10 vitet e ardhshme. Ne kete kontekst, per mua, 10 vitet e ardhshme jane vitet qe do te transformojne te dy shoqerite shqiptare. Kjo eshte sfida me e madhe e elitave shqiptare, si te definojme vitin 2020, si do te na gjeje viti 2020.

Mundemi realisht ta bejme kete?

Mundemi, kemi kapacitet te mjaftueshem. Mbyllja dhe ngufatja e hapesires shqiptare eshte mendore. Deri para disa vjetesh ka qene gufatje mendore, pamundesia per te menduar se do te shkosh ne pushime ne Dhermi. Te gjitha keto do te ndodhin dhe jo vetem ne kete perceptim te turizmit, te shijimit te bukurive, por ne kuptimin e shkembimit. E te kuptuarit se funksionojme brenda nje teresie, jo vetem gjuhesore, por te tregut, te konkurrences se ideve, krijimit kulturor e te tjere. Fund

[RaPSouL]

Bruksel, Ministrat e mbrojtjes te NATO-s diskutojne edhe per Kosoven

• Ministrat e 49 vendeve ne kete takim “do t’i inkurajojne te gjitha vendet” qe ne KS te KB ta mbeshtesin rezoluten per Kosoven te bazuar ne propozimin e Marti Ahtisarit


Ne Bruksel mbahet sot takimi dyditesh i ministrave te mbrojtjes te vendeve-anetare te NATO-s dhe te Partneritetit per paqe, ne te cilin do te behet fjale, perveç tjerash, edhe per Kosoven. Sipas paralajmerimeve te mepareshme, ministrat e 49 vendeve ne kete takim “do t’i inkurajojne te gjitha vendet” qe ne Keshillin e Sigurimit te Kombeve te Bashkuara ta mbeshtesin rezoluten per Kosoven te bazuar ne propozimin e Marti Ahtisarit.

[RaPSouL]

McConmark: Kundershtimet për Kosovën do te kapërcehen

Sipas zedhenesit te Departamentit amerikan te Shtetit kundërshtimi i Rusise per pavaresine e Kosoves i ka rrënjët në lidhje të vjetra historike të Moskes me Beogradin

Zedhenesi I Departamentit amerikan te Shtetit, Sean McCormack thekson se arsyeja kryesore për të cilën nënsekretari amerikan i shtetit, Nicholas Burns shkoi në Paris dhe në Evropë është për të biseduar lidhur me çështjen e Kosovës dhe ndjekjen e takimeve që presidenti Bush pati me homologët e tij në takimin e G-8-ës. "Ata patën takime të frytshme në Paris, dhe ne pamë evropianët dhe aleatët amerikanë të bashkuar për të çuar përpara atë që është në zemër të propozimit të Ahtisaarit, dhe që është pavarësia e Kosovës me mbikëqyrje ndërkombëtare si dhe punën e përbashkët brenda Këshillit të Sigurimit për ta përfunduar atë," tha McCormack.

Zëdhënësi i DASH vuri në dukje kundërshtimin e Rusisë për pavarësinë e Kosovës dhe pikëpamjet e tyre të ndryshme nga të tjerët për statusin përfundimtar. Sipas McCormack, ky kundërshtim i ka rrënjët në lidhje të vjetra historike të Rusisë me Serbinë. Duke theksuar se SHBA po punon lidhur me këtë çështje, zëdhënësi njoftoi se ky ndryshim qëndrimi do të kapërcehet në ditët dhe javët e ardhshme. "Ambasadori Frank Wisner i cili është i dërguari ynë i posaçëm për Kosovën shkon në Prishtinë në vijim të takimeve të Parisit dhe të deklaratave të presidentit Bush në mbështetje të pavarësisë së Kosovës," theksoi zoti McCormack.

[RaPSouL]

Gjermania nderon Ahtisarin me medaljen "Manfred Verner”

Ministri gjerman i Mbrojtjes Franc Jozef Jung i dorëzoi ish presidentit finlandez këtë medalje per angazhimin e tij të palodhshëm në çështjen e Kosovës.

Berlin – Gjermania nderon me medaljen "Manfred Verner", të dërguarin e posaçëm të Kombeve të Bashkuara Marti Ahtisarin për angazhimin e tij në zgjidhjen e statusit të Kosovës. Ministri gjerman i Mbrojtjes Franc Jozef Jung i dorëzoi ish presidentit finlandez këtë medalje per angazhimin e tij të palodhshëm në çështjen e Kosovës. Vendimi për akordimin e medaljes "Manfred Woerner" eshte marre nga Ministria e mbrojtjes së Gjermanisë që në fillim të vitit.
Ministri gjerman i mbrojtjes Jung në fjalën e tij tha se ende nuk mund të jepet një vlerësim përfundimtar për rezultatet e ndërmjetësimit të ish presidentit finlandez, por që tani mund të shihet, se kontributi personal i 70 vjeçarit për paqe dhe stabilitet në Ballkan ështëi paçmuar. Megjithëse paksa i zhgënjyer për zvarritjen e vendimit, Ahtisaari shfrytëzoi rastin edhe njëherë për të apeluar në një zgjidhje sa më të shpejtë.
Medalja "Manfred Verner" jepet në kujtim të ish-ministrit gjerman të mbrojtjes, i cili që nga viti 1988 e deri sa vdiq në vitin 1994, ishte sekretari i përgjithshëm i NATO. Që nga viti 1996 medalja u jepet personaliteteve që janë shquar në mënyrë të veçantë me angazhimin e tyre për paqen dhe lirinë në Evropë. Deri tani me të janë nderuar mes të tjerësh Riçard Hollbruk, Havier Solana dhe Kristian Shvarc Shiling.

[RaPSouL]

Mberrin sot ne Prishtine i derguari i SHBA per Kosoven, Frank Uisner

I dërguari amerikan për Kosovën, Frenk Uizner viziton sot Kosoven. Vizita e tij eshte njoftuar nga zëdhënësi i Departamentit të Shtetit Shon Mekormak. "Ambasadori Frenk Uizner i cili është i dërguari ynë i posaçëm për Kosovën shkon në Prishtinë në vijim të takimeve të Parisit dhe të deklaratave të presidentit Bush në mbështetje të pavarësisë së Kosovës," tha Mekormak.
Nderkaq vete Uisner eshte shprehur se bisedimet e Parisit afirmuan se Uashingtoni dhe aleatët evropianë janë të një mendjeje mbi rëndësinë që ka mbështetja e planit të OKB së për pavarësinë e Kosovës.

[RaPSouL]

Kushner: Pavarësia, zgjidhja e vetme për Kosovën

Sipas nje njoftimi te zyrës së Kryeministrit kosovar , shefi i diplomacise franceze e ka siguruar kreun e qeverise kosovare Agim Cekun për mbështetjen e pavarësisë së Kosovës nga qeveria franceze

Prishtine - Ministri i Punëve të Jashtme të Francës, Bernard Kushner, e siguroi dje Kryeministrin Agim Çeku, për mbështetjen e pavarësisë së Kosovës nga qeveria franceze”, bëhet e ditur në një njoftim të zyrës së Kryeministrit. Sipas njoftimit, Kushner e shprehu këtë qëndrim gjatë një thirrjeje telefonike që i bëri mbrëmë Çekut. “Me këtë rast, ministri Kushner siguroi Kryeministrin Çeku se nuk ka zgjidhje tjetër për Kosovën, përveç pavarësisë. Ai shprehu mbështetjen e plotë të qeverisë së Francës, për njohjen sa më shpejt të pavarësisë së Kosovës”, - thuhet në njoftim. Para dy ditësh, kjo zyrë sqaroi edhe njëherë, përmes një kumtese, pozicionin e Francës në zhvillimet e fundit të procesit të Kosovës. “Propozimet e formuluara nga Presidenti Nicolas Sarkozy në G8-të kanë për qëllim të shmangin pengesën e krijuar nga qëndrimi rus”, - thuhej në kumtesë. “Rusët e refuzuan propozimin e Presidentit Sarkozy, pikërisht sepse ai kërkonte që ata të njihnin në mënyrë të pashmangshme pavarësinë e Kosovës.