Paketa e propozuar nga Ahtisari për statusin final të Kosovës

[TOKE GEGA]

KOSOVA E VOGËL DHE FUQITË E MËDHA

“Politika është në vendin e dytë të profesioneve më të
vjetra në botë. Prandaj edhe ka ngjajshmëri me atë që është
në vendin e parë.”

-Ronald Reagan

Kosova e vogël, me mbi 10 mijë kilometra katrorë,
me rreth dy milionë banorë, prej të cilëve mbi 90 përqind
shqiptarë, paraqet një rast të veçant që ka tërhequr
interesimin e madh ndërkombëtar.
Interesimi i madh ndërkombëtar nuk është aq i madh
për Kosovën e vogël, për shumicën shqiptare, por interesimi
aq i madh është për pakicën e e vogël joshqiptare…!
Pse për pakicën e vogël joshqiptare gjithë ky
interesim aq i madh bashkësisë i ndërkombëtare? Vetëm që
Kosova mos të jetë shqiptare…!
Bashkësia ndërkombëtare duke priviligjuar pakicën
dhe duke diskriminuar shumicën, me këto veprime
jonjerëzore, antihistorike, dëshiron me zor të krijojë një
Kosovë shumëetnike…!
Kosova e vogël me probleme aq të mëdha! Kosova e
vogël ka probleme të mëdha ekonomike, mungesë kronike të
energjisë elektrike, numër të lartë të papunësisë, numër
edhe më të lartë të pakënaqësisë në mes të popullsisë…
Por, problemi më i madh i Kosovës së vogël është statusi i
pazgjidhur, siç po quhet herë i ardhshëm, herë statusi
final ose përfundimtar…
Statusi përfundimtar, sipas një diplomati
perëndimor, e tha, si me shaka: ” është kur të
përshëndetemi nga kjo dynja…!” Sipas këtij perëndimori,
statusi i Kosovës, si duket, është bërë objekt humori…!
Takimi i Këshillit të Sigurimit i 14 shkurtit 2006,
në Neë York, ku u diskutue për Kosovën, u cilësuar se ka
shënuar njërin prej kapitujve më të rëndësishëm në
historinë më të re të Kosovës, ku mori pjesë edhe
kryeministri i Kosovës, Bajram Kosumi.
Kryeministri i Kosovës, Bajram Kosumi, me t’u kthyer
në Prishtinë, i ngazëllyer deklaroi se ajo që ndodhi në
Këshillin e Sigurimit ishte një faqe e re historike e
marëdhënjeve të Kosovës…
Po, kjo ishte një faqe e re, faqe e re, por e një
libri të vjetër…! Kosovës për herë të parë i është hapur
dera në OKB. Po, por i është hapur dera
kryeadministratorit të Kosovës, z. Petersen, kurse i është
mbyllur goja kryeministrit të Kosovës…! Kur të mbyllet
goja, ka përfunduar loja…!
Në takimin e Këshillit të Sigurimit, përfaqësuesit e
nëntëmbëdhjetë vendeve theksuan se Kosova duhet të
përmirësojë standardet dhe në veçanti, të zbatojë
decentralizimin, në mënyrë që të zgjidhet statusi. Shumë
përfaqësues theksuan se Kosova duhet të konsiderohet rast
unik…
Kosova e vogël, jo vetëm që “duhet” të konsiderohet
rast unik, por Kosova nën UNMIK është bërë që nga qershori
i vitit 1999, rast unik, testues, eksperimentues, një rast
unik, një vend mik-për çdo armik…!
Kosova e vogël ka armiqë të mëdhenjë, sikur që ka
edhe miqë të këndshëm…! Njihet një thënie e Katonit, të
cilën e kishte shënuar Ciceroni, që e përdorte shpesh, ku
thuhet:”Armiqt e mëdhenjë e keqëdashës të bëjnë më shumë
shërbime sesa miqtë e këndshëm, sepse të parët shpesh thonë
të vërtetën, të dytët nuk e thonë kurrë.”

Kush e thotë të “vërtetën” për Kosovën?

E vërteta për Kosovën mbahej “sekret”. Ky “sekret”
është zbuluar nga John Sawers, drejtori politik i
Ministrisë së Jashtme Britanike, i cili u ka thënë serbëve
se Grupi i Kontaktit ka vendosur për pavarësinë e Kosovës
dhe se serbët duhet t’i shfrytëzojnë të mirat që ofron një
status i këtillë. Në Vjenë, në zyrën e kryenegociatorit
ndërkombëtar, Martti Ahtisaari, ndihej një kënaqësi rreth
mesazhit të qartë të diplomatit britanik, i cili e ka thënë
të vërtetën që duhej thënë.
Në Kosovë, shqiptarët ndjen kënaqësi nga sinqeriteti
i diplomatit britanik. Në Kosovë shqiptarët ndjen kënaqësi,
ndërsa në Sërbi reagimet e serbëve kanë qenë me rrebesh,
stuhi, histeri…
Kryesuesi i radhës i OSBE-së, Karel de Gucht, pas
vizitës në Prishtinë, ka qëndruar në Beograd, ku me 17
shkurt 2006, ka deklaruar: “Beogradi dhe Prishina duhet të
gjejnë një zgjidhje nëpërmjet dialogut dhe marrëveshjes.
De Gucht ka thënë,:”Është mirë që së shpejti do të fillojnë
bisedimet rreth decentralizimit, zbatimi i të cilit është
me shumë rëndësi.”
Pra, qenka mirë që bisedimet rreth decentralizimit
filluan në Vjenë dhe se zbatimi është me shumë rëndësi! Po,
ka shumë rëndësi, por jo për Kosovë, por për Sërbi… Me
decentralizim, Kosova e vogël do të zvoglohet, sepse do të
coptohet…! Edhe sot Kosova është e coptuar, por me
decentralizim coptimi do të zgjerohet, do të legalizohet,
gati gjysma e Kosovë do të sërbizohet…
Grupi Ndërkombëtar i Krizave ka publikuar raportin
lidhur me zgjidhjen e statusit të Kosovës, ku rekomandon
imponimin e pavarësisë së Kosovës, por me kushte…! Sepse,
s’duhet të humbet kohë me negociata të kota, vlerëson Grupi
Ndërkombëtar i Krizave…
Të dy palët të përgatitën për kompromise, ka thënë
kryetari i Komisionit Evropian, Hose Manuel Barroso.
Dhe më në fund, por që duhej thënë që në fillim,
Sekretarja Amerikane e Shtetit, Kondoliza Rajs, në
Ëashington, kështu vlerëson:
“Negociatat për Kosovën do të kenë ndikim edhe në
rajon. Në bisedë me kolegët nga Bashkësia Evropiane jemi
pajtuar se kjo çështje (e statusit të
Kosovës) duhet të zgjidhet gjithsesi në një formë, ka thënë
sekretarja amerikane, K. Rajs. Po, ka thënë në një formë,
por nuk ka thënë se në cilën formë…!
Lexues të nderuar! Ndaluni për një moment dhe
mendoni mbi atë se çka në të vërtetë nënkuptohet me këto
deklarata kundërthënëse për Kosovën e vogël nga
përfaqësuesit e fuqive të mëdha…!
Nëse qenka vendosur që Kosova të fiton Pavarësinë,
atëherë pse të bisedohet me Sërbinë?
Nëse bisedimet për decentralizim qenkan me shumë
rëndësi, atëherë pse thuhet se s’duhet humbur kohë me
negociata të kota, siç i quan bota?
Nëse të dy palët duhet të përgatiten për kompromise,
atëherë, me kompromise, pavarësia s’na bie hise?!
Me kompromise mund të na bie hise, pa menduar, vetëm
pavarësia e kushtëzuar! Pavarësia e kushtëzuar me Kosovën e
coptuar apo të cunguar! Atëherë, Kosova e vogël do të bëhët
sa një gogël!!!
Kosova e vogël, sa një gogël, rast unik, nën UNMIK,
lodër e fuqive të mëdha, me njerëz të civilizuar, që i
pengojnë shqiptarët të jenë të bashkuar…! Njerëzit, sa më
shumë të civilizuar, thoshte Kanti-i, aq më tepër bëhën
“aktorë”. “Aktorë” vendorë, “aktorë” ndërkombëtarë, që me
Kosovën e shkretë bëjnë pazar…!
Liderët kosovar po bëjnë pazar me serbët për Kosovën,
ende pa u bërë Kosova shtet, pa pasur Kosova
sovranitet…Grupi i Kontaktit i cili qëndron prapa
kryenegociatorit, Marti Ahtisaarit, është mbikqyrës i
pazarit…
Në Pallatin e Paqes në Hagë shkruan: “Nëse e do
paqën, kujdesi për drejtësi”. Shqiptarët e duan paqen, do
të kujdesën për drejtësi, por do të ketë paqë, do të ketë
drejtësi vetëm kur Kosova të bashkohet me Nënën
Shqipëri…Sot kjo nuk është e lejuar! E lejuar është Kosova
me pavarësi të kushtëzuar…Kosova me pavarësi të kushtëzuar
bëhët një Kosovë e vogël shumëetnike, me një autonomi të
zgjeruar, nga vendet mike, por me hapësirë të zvogëluar nga
fuqitë e mëdha….!

[AlbaneZ]

• ne nje interviste per gazeten serbe "Politika" zv/ministrja e jashtme e Shqiperise eshte shprehur se Tirana tashmë ka bërë të ditur qëndrimin e saj për mbështetje të plotë të pavarësisë së Kosovës


Beograd - Nje Kosove e pavarur mund te shmange pergjithmone konfliktet në rajon. Kjo ka qene deklarata e zevendes ministres se jashtme te Shqiperise Edit Harxhi per gazetën "Politika" të Beogradit. Sipas diplomates shqiptare Tirana tashmë ka bërë të ditur qëndrimin e saj për mbështetje të plotë të pavarësisë së Kosovës, sepse beson që Kosova e lirë dhe e pavarur i kontribuon paqes dhe sigurisë në Ballkan. E pyetur nëse Tirana do te jete nder te parat vende qe do te njohë pavarësinë e Kosovës zonja Harxhi tha se nuk mund të parashikoje ne do të jetë e Shqipëria e para apo e dyta, por gjithsesi do ta njohë. Diplomatja shqiptare theksoi se "ideja e autonomisë së posaçme ështëe tejkaluar prej kohesh". "E drejta për pavarësi është e drejtë legjitime e popullit të Kosovës, kurse institucionet e Kosovës duhet të respektojnë të drejtën e pakicës serbe dhe të përmirësojnë kushtet e jetës së tyre", është shprehur znj.Harxhi.

Gazeta Shqiptare.

[TOKE GEGA]

Koshtunica: Misioni fakt-mbledhes do hape negociata te reja

Data e Publikimit: 14/04/2007

Autori i Lajmit:
L.M
E ka interpretuar ne kete menyre kryeministri serb Voisllav Koshtunica viziten e misionit faktmbledhes se KS-se I kerkuar nga Rusia. Me propozim të kesaj te fundit, Këshilli i Sigurimit (KS) në fund të këtij muaji do të dërgojë mision për shqyrtimin e situatës në Kosovë dhe Serbi, pasi i dërguari i posaçëm i KB-ve Marti Ahtisari para do kohe shpalosi planin për statusin e Kosovës. "Dërgimi i një misioni të tillë do të jetë hapi i parë i rëndësishëm për rifillimin e procesit negocues, në të cilin, me kalimin e kohës do të kyçej edhe ndonjë ndërmjetësues i ri ndërkombëtar", deklaroi kryeministri serb. Sipas Koshtunicës, "Bazë e parë për formimin e misionit të KS të KB-ve segurisht është rezooluta 1244, që të shpie deri aty, se negociatat e reja dhe të mirëfillta, kësaj radhe, do të zhvillohen në kuadër të rezolutës ekzistuese për Kosovën". "Autoritetet në Beograd për çdo dit dhe intensifikisht përgatiten për ardhjen e misionit dhe në ato negociata në mënyrë të ngushtë bashkëpunojmë me Rusinë", deklaroi Koshtunica. Misioni i KS-së, të cilin do ta udhëheq ambasadori bellg në KB-të Johan Verbeke, më 25 prill duhet të mbërrijë në Beograd, e më pas, përfaqësuesit e 15 vendeve anëtare të Këshillit do të udhëtojnë për në Prishtinë.

Vizita e parë e një Presidenti të Shteteve të Bashkuara në Shqipëri. Takim me Kryeministrin Berisha


Bush, në Tiranë më 10 qershor


Shtëpia e Bardhë njoftoi dje se Presidenti Amerikan Xhorxh Bush do të vizitojë Tiranën me 10 qershor i shoqëruar nga Zonja e Parë e SHBA, Laura Bush. Gjatë qëndrimit një ditor në kryeqytetin shqiptar, Presidenti Bush do të takohet me kryeministrin Berisha, thuhet në njoftimin zyrtar të Shtëpisë së Bardhë. Vizita në Shqipëri është pjesë e një turi europian, ku përfshihen Gjermania, Çekia, Polonia, Italia, Shqipëria dhe Bullgaria, ndërsa nga datat 6-8 qershor do të marrë pjesë në samitin e G-8 në Heiligendamm të Gjermanisë. Vizita në kryeqytetin tonë do të paraprihet nga takimi i parë që Presidenti Bush do të zhvillojë me Papa Benedict XVI në Vatikan.

Në këtë tur, Presidenti Bush do të diskutojë në Gjermani me liderët e tetë vendeve më të industrializuara të botës, si Kanada, Francë, Britani, Japoni, Rusia, Italia dhe Gjermania mbi bashkëpunimin për çështje politike, ekonomike dhe të sigurisë ndërkombëtare. Presidenti Bush do të zhvillojë takime edhe me autoritetet më të larta të vendeve ku ka planifikuar të shtrijë vizitën e tij, shumica e të cilave kanë vuajtur për dekada me radhë nën regjimet diktatoriale komuniste.

Për Shqipërinë dhe shqiptarët, vizita e Presidentit Bush ka një rëndësi të jashtëzakonshme për rikonfirmimin dhe konsolidimin e lidhjeve miqësore përherë e më solide që vendet dhe popujt tanë kanë ndërtuar në vite dhe mbështetjen që administrata dhe kongresi amerikan i kanë dhënë dhe i japin zhvillimeve demokratike në Shqipëri.

Vizita e parë e një Presidenti amerikan në Shqipëri


Vizita që Presidenti Xhorxh W. Bush do të zhvillojë në Shqipëri është një vizitë historike. Për të parën herë në historinë e të dy vendeve një President amerikan viziton Shqipërinë duke konfirmuar marrëdhëniet shumë të mira mes Tiranës dhe Uashingtonit. Ka qenë ish-Presidenti Berisha i pari udhëheqës i shtetit shqiptar, i cili ftua nga Shtëpia e Bardhë, duke u pritur në një takim zyrtar si nga Presidenti Xhorxh Bush, ashtu edhe më pas nga Presidenti Bill Klinton. Vizita e 10 qershorit e Presidentit Xhorxh W. Bush është në vazhdën e miqësisë historike, të rikthyer në shtratin e saj menjëherë pas rënies së diktaturës komuniste në Shqipëri. Themelet e kësaj miqësie që u hodhën në fillimet e shekullit të kaluar, atëherë kur Presidenti Wilson deklaronte mbështetjen amerikane për integritetin territorial të shtetit të pavarur shqiptar, njohën dimensione të tjera me ardhjen në pushtet të një qeverie demokratike.

Gjatë këtyre viteve SHBA ka qenë një mbështetës i reformave të vazhdueshme të qeverisë "Berisha". Marrëdhëniet mes dy vendeve kanë njohur një nxitje më të madhe pas fitores së PS në zgjedhjet e 3 korrikut. Një sërë projektesh të ngrira më parë nga zyrtarët e Departamentit të Shtetit u çliruan. Një prej këtyre projekteve, i konsideruar si dhe nga më të rëndësishmit ishte ai i Sfidës së Mijëvjeçarit. Ndonëse Shqipëria kishte aplikuar për vite me radhë për të përfituar nga ky projekt nuk kishte mundur që ta realizonte një gjë të tillë. Arsyet ishin kapja e shtetit nga mafia, krimi dhe korrupsioni. Niveli i lartë i krimit ekonomik në Shqipëri ka qenë në qendër të kritikave të administratës së Presidentit Bush gjatë qeverisjes së PS. Fitorja e PD në zgjedhjet e 3 korrikut, hapat e marrë në luftën ndaj këtyre fenomeneve negative bindën Shtëpinë e Bardhë për vullnetin politik të qeverisë "Berisha" për të luftuar krimin dhe korrupsionin. Kjo bëri që një vit më parë Shtetet e Bashkaura të përfshijnë Shqipërinë në projektin e Sfidës së Mijëvjeçarit, duke përfituar në të njëjtën kohë edhe miliona dollarë ndihma në nxitje të reformave.


Anëtarësimi në NATO


Anëtarësimi në NATO është një nga prioritetet kryesore të vendosura nga qeveria "Berisha", e cila ka marrë mbështetjen e Presidentit Bush dhe Shteteve të Bashkuara. E përfshirë në vendet e Kartës së Adriatikut sëbashku me Kroacinë dhe Maqedoninë, Shqipëria konsiderohet nga Uashingtoni si një nga kandidatet potenciale për të marrë ftesën e anëtarësimit. Presidenti Bush si dhe zyrtarë të tjerë të lartë të Departamnetit amerikan të Shtetit kanë konfirmuar mbështetjen në rrugën e reformave të Qeverisë "Berisha" duke e parë këtë si rrugën, e cila do t'i japë zgjidhje anëtarësimit në NATO. Vetëm pak javë më parë Senati dhe Kongresi amerikan miratuan njëzëri një ligj, të nënshkruar edhe nga Presidenti Bush, që autorizon administratën amerikane të ndërmarrë të gjitha inisiativat, përfshi edhe ndihmat financiare për të mbështetur përpjekjet e qeverisë për arritjen e standardeve për anëtarësimin e shpejtë të Shqipërisë në NATO. Shqiëpria konsiderohet nga Uashingtoni si një vend aleat në luftën globale ndaj terrorizmit. Shqipëria prej vitesh kontribuon në misionet ushtarake në Afganistan, Irak dhe Bosnje.


Uashingtoni përkrah hapur pavarësinë e Kosovës


Uashingtoni në mënyrë të vazhdueshme ka mbështetur rolin që qeveria "Berisha" ka luajtur në rajon duke e kosnideruar atë si një faktor stabiliteti. Por, Shtetet e Bashkuara janë konfirmuar si një nga mbështetësit më të mëdhenj të të drejtave të shqiptarëve të shtypur nga regjimi i Milloshevit. Ishte vendimi i Presidentit Xhorxh Ë. Bush që në vitin 1991 i caktoi Millosheviçit "vijën e kuqe", e cila ishte Kosova dhe që sipas përcaktimit të Presidentit amerikan në atë kohë nuk duhej të prekej nga makina vrasëse serbe. Duke vazhduar në këtë politikë të disenjuar nga paraardhësi i tij, Presidenti Klinton në pranverën e 1999, autorizoi përdorimin e forcës ushtarake për të ndalur masakrimin e shqiptarëve të pambrojtur dhe dëbimin e tyre masiv nga shtëpitë dhe trojet e tyre. Vendimi human i Presidentit Klinton, i cili lejoi bombardimin e bazave serbe duke i dhënë fund mizorive të Millosheviçit dhe duke çliruar Kosovën nga regjimi më shtypës dhe kriminal në Europë.

Edhe sot janë sërish Shtetet e Bashkuara dhe Presidenti Xhorxh W. Bush që po udhëheqin forcat që mbështesin pavarësinë e Kosovës, si një e drejtë e ligjshme e popullit kosovar. Sekretarja amerikane e Shtetit, Rice deklaroi dje se Shtetet e Bashkuara mbështesin pavarësinë e Kosovës, ndërkohë që zyrtarë të tjerë të lartë të Departamentit të Shtetit kanë pohuar tashmë se Kosova do ta fitojë pavarësinë përpara vjeshtës së këtij viti.

[no name]

Kosova, Lavrov: Qendrimi im, ndryshe nga SHBA


• Liderët serbë kanë përfituar nga vizitat në Beograd edhe të ministrave të jashtëm të Austrisë dhe zv/ministrit të jashtëm kinez për t’u kërkuar atyre të mos përkrahin planin e Ahtisarit që ka mbërritur në Këshillin e SIgurimit të OKB-ve.

Serbia ka nisur një fushatë diplomatike të nivelit të lartë për të fituar mbështetjen e Rusisë dhe Kinës kundër pavarësisë se Kosovës. Aktualisht ndodhet në Beograd ministri i Jashtëm rus Sergei Lavrov i cili po zhvillon bisedime intensive me presidentin Boris Tadic dhe kryeministrin Vojislav Koshtunica për cështjen e Kosovës. Liderët serbë kanë përfituar nga vizitat në Beograd edhe të ministrave të jashtëm të Austrisë, Ursula Plashnik dhe zv/ministrit të jashtëm kinez Hui Liangyu për t’u kërkuar atyre të mos përkrahin planin e Ahtisarit që ka mbërritur në Këshillin e SIgurimit të OKB-ve. Pak para mbërritjes në Beograd, Lavrov deklaroi se qëndrimi i tij për Kosovën ndryshon krejtësisht nga qëndrimi i SHBA-ve. Ndërkohë zyrtari kinez i ka shprehur dje Koshtunicës në Beograd se Pekini mbështet vetëm respektimin e rezolutës 1244 në KS dhe se Kina është kundër një zgjidhjeje të imponuar për Kosovën. Ndërkombëtarët e kanë bërë të qartë se rezoluta në KS për Kosovën do të miratohet jo më larg se muaji maj. (News 24)

[_AuLoNa_]

Kjo pune behet vetem per te treguar qe Kosova dhe Shqiperise i eshte lene fati i trojeve tona ne duart e botes. Megjithate si dhe me pare, fajin e kemi vete, sepse me sa kam lexuar kohet e fundit dalin ca injorante qe duan te bejne nje flamur tjeter te Kosoves, gje qe u jep shkak Serbeve dhe atyre qe nuk duan te na shikojne nje shtet te bashkuar qe ne nuk jemi te gjithe shqipetare, por here pas here si dhe na e hedhin ne sy qe ne jemi trazuar me kombe te tjera dhe nuk jemi fis Ilirjan. Derisa ne si shqipetare dhe kur them kete permbledh te gjithe shqipetaret qe jane kudo, nuk do te jemi te nje mendje per nje Shqiperi te bashkuar dhe ta perkrahim njeri tjetrin, te tregojme solidaritet, do te jete shume e veshtire per vendet e huaja te na pranojne se ne jemi te gatshem te kemi nje kosove te pamvarur. Ne te njejten kohe duhet treguar politike, sepse edhe me lufte nuk behet gje. Por per mua solidariteti i te gjithe shqipetarve do te jete e vetmja politike qe do te na nxjerre nga kjo situate, dhe jo te shajme njeri tjetrin se jemi nga jugu apo jemi nga veriu, se jemi krishtere apo jemi myslymane, se ne fund ne gjithemone do te ngelemi SHQIPETARE.

[Borix]

Ministrat e Jashtem te NATO, mbeshtetje te plote planit te Ahtisarit per Kosoven

BalkanWeb, 4/27

Ministrat e jashtem të 26 vendeve anëtare të NATO-s mbështetën njëzëri planin e kryenegociatorit Marti Ahtisari qe i jep Kosoves pavaresi te mbikqyrur. Po kështu NATO i bën thirrje Këshillit te Sigurimit të OKB-së se duhet të mbërrijë sa më shpejt në një rezolutë të bazuar mbi këtë paketë.

Kështu ka deklaruar zëdhënësi i sekretarit të përgjithshëm të NATO-s Xhejms Apathurai në Oslo të Norvegjisë. Gjithashtu aleatët theksuan se Kosova nuk duhet parë si një rast i izoluar, por duhet që procesi i statusit të forcojë marrdhëniet me Serbinë.

NATO synon një raport më të ngushtë me Beogradin, por kjo do të varet shumë nga iniciativat e Serbisë dhe nga dëshira e këtij vendi për t’u afruar me NATO-n. Një ndër kërkesat e NATO-s mbetet bashkëpunimi i Serbisë me gjykatën ndërkombëtare të krimeve të luftës në Hagë.

---

Mendoj se perfundimi i ministrave eshte pozitiv dhe thekson paanshmeri.

[no name]

Ministrat e Jashtem te NATO, mbeshtetje te plote planit te Ahtisarit per Kosoven

• Dy dite me pare Sekretari i pergjithshem Jaap De Hoop Scheffer i ka bere me dije misionit faktmbledhes te KS nevojen e zgjidhjes se shpejte te statusit te Kosoves

Ministrat e jashtem të 26 vendeve anëtare të NATO-s mbështetën njëzëri planin e kryenegociatorit Marti Ahtisari qe i jep Kosoves pavaresi te mbikqyrur. Po kështu NATO i bën thirrje Këshillit te Sigurimit të OKB-së se duhet të mbërrijë sa më shpejt në një rezolutë të bazuar mbi këtë paketë.

Kështu ka deklaruar zëdhënësi i sekretarit të përgjithshëm të NATO-s Xhejms Apathurai në Oslo të Norvegjisë. Gjithashtu aleatët theksuan se Kosova nuk duhet parë si një rast i izoluar, por duhet që procesi i statusit të forcojë marrdhëniet me Serbinë.

NATO synon një raport më të ngushtë me Beogradin, por kjo do të varet shumë nga iniciativat e Serbisë dhe nga dëshira e këtij vendi për t’u afruar me NATO-n. Një ndër kërkesat e NATO-s mbetet bashkëpunimi i Serbisë me gjykatën ndërkombëtare të krimeve të luftës në Hagë.

[no name]

DiKarlo: Plani i Ahtisaarit është zgjidhja e vetme e mundshme për Kosovën

Derguar me: 28/04/2007

• Zëvëndës-ndihmës sekretarja e shtetit për Euroazinë, Rosmari DiKarlo tha se plani Ahtisari është zgjidhja e vetme e mundshme për Kosovën. DiKarlo i bëri këto komente në një takim që zhvilloime gazetarë në Departamentin e Shtetit, pas kthimit nga një vizitë në Rusi, ku para disa ditësh u zhvillua një takim i Grupit të Kontaktit.
Zëvëndës-ndihmës sekretarja e shtetit për Euroazinë, Rosmeri DiKarlo tha se Kosova mbetet një çështje e vështirë e pazgjidhur, të cilën Shtetet e Bashkuara duan ta zgjidhin këtë pranverë. RTK

[no name]

Clark: Bashkesia nderkombetare te pranoje propozimin e Ahtisarit

Derguar me: 28/04/2007

• Ish komandanti i Suprem i NATO-s, Wesley Clark vlereson se është koha që bashkësia ndërkombëtare, Europa dhe Rusia te pranojnë propozimin e Ahtisaarit per statusin e Kosoves per te ecur perpara me kete ceshtje, ndersa shtoi se Këshilli i Sigurimit duhet ta miratojë propozimin e Ahtisarit. “Jam shumë i zhgënjyer që bashkësia ndërkombëtare nuk e ka zgjidhur ende çështjen e statusit përfundimtar për Kosovën. Eshtë e padrejtë për të gjithë popullin në Kosovë, dhe, pa një rezolutë për këtë çështje njerëzit kështu nuk mund të fillojnë një jetë normale në Kosovë. Nuk është korrekte ndaj dy milionë njerëzve të cilët jetojnë atje, që shteti i tyre të shndërrohet në futboll politik për Rusinë, që ajo të luajë politikë në rajon” tha Clarc. RTK

[Llapi]

Kosova do të jetë e pavarur me apo pa rezolutë
Washington, 29 prill. Kosova do të jetë e pavarur me apo pa rezolutën e Kombeve të Bashkuara, thuhet në disa nga gazetat kryesore amerikane sot, duke nënvizuar se ky është edhe qëndrimi më i ri zyrtar amerikan për zgjidhjen e cështjes së Kosovës. Në këtë qëndrim të ri amerikan, i cili edhe kësaj radhe u shpalos në Evropë, i sugjerohet Rusisë që nëse vërtet do të mbështesë serbët, atëherë duhet të mbështesë projektin për të ardhmen e Kosovës, meqë ai në një pjesë të madhe do të garantojë të drejtat e tyre.
Pra ishin këto qëndrimet amerikane që i paraqiti dje në Bruksel ndihmësekretari i Shtetit, Daniel Fried.
Qëndrimi më i drejpërdrejt amerikan erdhi edhe si kundëreagim ndaj deklaratave të fundit të Moskës mbi pakalueshmërinë e planit të Martti Ahtisaarit, që në mënyrë indirekte paralajmëronte një veto të mundshme ruse ndaj tij.
Megjithatë, edhe për një variant të tillë, sipas ish diplomatit Richard Holbrooke, ekzistojnë skenarë të zhvillimeve të mundshme.

"Nëse Rusia vendosë ta përdor veton, do të pasojë menjëherë shpallja e pavarësisë në Kosovë dhe Shtetet e Bashkuara të Amerikës do ta njohin pavarësinë po të njejtën ditë”, citon shtypi amerikan të ketë thënë Holbrooke duke u përgjigjur ndaj kërcënimeve ruse.

Ai ka shfaqur optimizëm se priste që edhe vendet evropiane do ta njohin pavarësinë.

Ndërsa Daiel Fried i ka dërguar këtë mesazh Moskës po ashtu me një gjuhë të drejpërdrejtë dhe të qartë:
“Ne shpresojmë që Rusia e kupton se Kosova në një mënyrë apo tjetër do të jetë e pavarur”, shkruan shtypi amerikan duke cituar qëdnrimet më të reja të Washingtonit zyrtar, që vlerësohen si një evoluim karshi një gjuhe më refuzuese që u dëgjua ditëve të fundit nga zyrtarët rusë. /s.gashi/
| s.b & RTK staff |


29 prill 2007 - 09:36:1