Urbanistika e Tiranes

[DYDRINAS]

Skandali, gropa e pallatit rival shemb 10-katëshin

25/07/2008 - 14:20
•

Një pallat 10- katësh në Tiranën e Re, rrezikon të shembet. Shkak për këtë janë bërë gërmimet që kanë nisur ngjitur me të për ndërtimin e një objekti të ri. Firma që po kryen punimet, jo vetëm që ka shkelur kondicionet teknike duke iu afruar së tepërmi pallatit ekzistues, por i ka bërë punimet pa kriter. Si pasojë dheu ka rrëshqitur ndërsa pallati është çarë rreth e rrotull. Po ashtu, për shkak të rrëshqitjes së dheut, shkallët e katit të parë janë çarë më dysh.

Skandali

Bëhet fjalë për një pallat të ndërtuar nga firma "Devi 2001" me vendim të KRT nr.110, datë 27.03.2003 dhe hipotekuar në dhjetor 2007. Drejtuesit e kësaj firme thonë se problemet u kanë nisur një muaj e gjysëm më përpara, kur një firmë fantazëm nisi të gërmonte në sheshin ngjitur me pallatin 10-katësh. "Firma ndërtuese është futur brenda kufirit të pronës sonë, duke zhdukur kufinjtë e pronësisë. Madje ata janë futur me forcë në orën 1 të natës, kanë larguar me karrotrec të gjitha makinat e pallatit që kanë qenë të parkuara dhe kanë nisur punimet, - shpjegojnë drejtuesit e "Devi 2001". - Aktualisht distanca midis pallatit tonë dhe gropës është 5 metra, kur duhet të jetë 12-13 metra. Na kanë bllokuar hyrjen për në garazhe si dhe dyqanet që janë në pjesën e pasme të pallatit. Nuk ka hapsirë as për të kaluar zjarrëfikësja apo ambulanca në raste urgjente, dhe po në pjesën e pasme ndodhet edhe kabina elektrike e pallatit"- shpjegojnë ata. Po sipas tyre, ata i kanë dërguar letër Policisë Bashkiake dhe Inspektoriatit Ndërtimor që të verifikojnë situatën, por ende nuk kanë marrë një përgjigje zyrtare. "Firma, jo vetëm që nuk ka respektuar lejen e dhënë nga bashkia, por duhet penalizuar edhe sepse nuk ka një tabelë që të tregojë se kush po i kryen punimet", - shpjegojnë drejtuesit e "Devi 2001", të cilët pohojnë se kanë mësuar se trualli është në pronësi të ish kryetarit të Vorës, Shefki Karamuça, ndërsa firma i përket presidentit të "Dinamos", Besnik Sula. Ata kërkojnë që bashkia e Tiranës të marrë masat dhe të shmangë një tragjedi, pasi nëse godina do të vazhdojë të ngrihet, pallati 10-katësh, për të cilën po kjo bashki ka dhënë leje ndërtimi, rrezikon të shembet.

Gazeta Shqiptare

[Duaje Siveten]

konflikt interesi ... biznesi ... klan mafiozesh ...

per te krijuar nje ekuiliber deri diku konstant sundimi, ustallaret i kane dhene sal droges pergjegjesi shteterore, ndersa ed lakuriqit - pergjegjesi vendore ...

nuk e shifni se sa kompetenca jane leshuar kohet e fundit ne favor te vendorit ...

[loni-loni]

5 kulla 85 metra thot rama ne qender te tiranes..
ku eshte kulmi i babezise e shtazerise e injorances..
spaska fare cip ki kameleoni maks velo qe i mban qirine mafies..

O Braro!!!!!!!!!

Po jan lojra ore Brar, nuk kupton!!!!!!!!!! Rinia fluturon me pras ne byth,,,,,,,,,e kjo rini i duhet Rames , njerezit me arsye nuk shkojn pas tij

Me cfare do ti mbushi ai kullat 85 m, ka aq biznese Tirana qe tja kaloj edhe Berlinit!!!!!!!!!!! kush asht ai budall qe don te jetoj ne at kulla!!!!!!!

C,ka i duhet Tiranes

Nje PLANIMETRI MODERNE, (sepse Enveri kish llogarit qe njerezit te ecnin ne kembe deri ne vitin 5000), pra zgjerim rrugesh, kanalizime te thella ku ujrat e zeza te derdhen ne lumin e Tiranes , stacionet moderne autobuzash dhe tren, shtrirja drejt fush-krujes, prishja e dy stadiumeve qe jane ne qender, restaurimi (nga italianet) i ministrive, bankes ,maternitetit, kthimi i korpusit te universitetit ne PARLAMENT (ka afer garden dhe pallatin mbreteror)

Te ndalohet rreptesisht ndertimet per banese brenda unazes, te ruhen si SYTE E BALLIT ndertesat karakteristike tiranse si shtepia e TOPTANSVE etj

Prishja graduale e pallateve garnizono-komuniste dhe zevendesimi me ndertesa te ulta

[DYDRINAS]

Urbanistët: Nuk respektohen kriteret e ndërtimit për emergjencat

Në shumë zona të Tiranës mungojnë kushtet teknike për ndërhyrje të shpejtë të zjarrfikësve

Urbanistika e rrëmujshme me të cilën Tirana po bashkëjeton në këto 17 vite është bërë në shumë raste edhe një pengesë e pakapërcyeshme për automjetet e emergjencës, si zjarrfikëset dhe autoambulancat. Urbanistët pohojnë se rregullat janë, por zbatimi i tyre është më shumë se i vështirë në një kryeqytet, ku toka është shndërruar në një pasuri të jashtëzakonshme dhe ka një etje të madhe të shfrytëzimit të çdo metri katror.

Kështu, sugjerimet e specialistëve të urbanistikës, të cilët kanë për detyrë që të "skicojnë" qytete të mirorganizuara, tregojnë se për çdo kat pallati duhet "ruajtur" një metër gjerësi rruge në tokë. Një kusht i tillë krijon mundësi të mira, që në raste zjarresh, që janë gjithmonë të paparashikueshëm, makina e zjarrfikësve mund të operojë pa hasur në vështirësi për të ndërhyrë. Ndërkohë që një tjetër kriter lidhet edhe me sasinë e përdorimit të tokës që ka të hipotekuar një pallat. "Ndërtuesit e tyre duhet të mbajnë parasysh, - pohojnë specialistët e urbanistikës, - se 30 deri në 40 për qind e kësaj sipërfaqeje duhet të përdoret për rrugë dhe ambiente të tjera publike".

Aktualisht, shumë pak nga kriteret urbanistike respektohen jo vetëm nga ndërtuesit e pallateve, por sidomos nga individë që ndërtojnë pa asnjë kriter. Më problematike paraqitet situata në zonat periferike të kryeqytetit, ku edhe për vetë banorët ndonjëherë hyrja për në banesat e tyre kryhet si në labirinte rrugicash plot kthesa e gropa.

E vetmja risi që është shtrirë në rrugët kryesore të Tiranës, ato që janë projektuar dhe ndërtuar gjatë këtyre viteve të fundit është elementi i hidrantëve. Këto nyje gjenden në formën e minipusetave dhe shërbejnë si furnizueset kryesore me ujë për zjarrfikëset, në raste zjarresh, për objektet që ndodhen pranë tyre. Por duket se për realitetin shqiptar bën mirë që zjarri të bjerë atëherë, kur nëpër tubacione qarkullon uji dhe jo kur ato janë të boshatisura, gjë që ndodh në një hark kohor jo të vogël të 24-orëshit.

Gazeta Shqip

[DYDRINAS]

Zjarr në një pallat në Tiranë, panik për tri orë te banorët

Forcat speciale shpëtojnë jetën e 50 banorëve të bllokuar nga flakët

Flakët në garazhin e një pallati 15-katësh në Tiranë kanë sjellë tmerr dhe panik për tri orë te dhjetëra banorë, të cilët ishin bllokuar në apartamentet e tyre. Pragtragjedia ka ndodhur pranë Kishës Katolike te Rruga e Kavajës, ku janë shënuar një e plagosur dhe disa të asfiksuar. E shumë shpejt, vendi i ngjarjes është mbipopulluar me makina zjarrfikëse, por ka qenë tejet e vështirë që ata të ndërhynin në vatrën e zjarrit për ta shuar atë. Ndërsa banorët e tmerruar kanë dalë në dritare, është dashur ndërhyrja e forcave speciale, e cila duke përdorur një skelë të ngritur aty pranë, ka zbritur dhjetëra persona, duke i shpëtuar nga asfiksia, e mbase duke iu shpëtuar edhe jetën, pasi shuarja e flakëve u mundësua vetëm tri orë më vonë.

Ka qenë ora 09:00 e mëngjesit, kur është bërë telefonata e parë në sallën e zjarrfikësve, të cilët janë njoftuar për flakët e një zjarri të madh mes dy pallateve. Me t‘u njoftuar, drejt vendit të ngjarjes janë nisur forcat zjarrfikëse, të cilat kanë mbërritur rreth orës 09:30, duke u vonuar edhe për shkak të trafikut tejet të rënduar gjatë paradites së djeshme. Por, edhe pse kanë mbërritur në vendin e ngjarjes, ata janë vonuar për të ndërhyrë, pasi rruga ishte shumë e ngushtë, për të shkuar pranë vatrës së zjarrit. Nga ana tjetër, policia ka bllokuar të gjitha rrugët dhe në vendin e ngjarjes kanë mbërritur forcat speciale dhe ato të RENEA-s. Në një kohë tejet të shkurtër, flakët dhe tymi kanë bllokuar hyrjet e dy pallateve, që ishin pranë njëri-tjetrit, ndërkohë që me dhjetëra banorë kanë mbetur të bllokuar në katet e larta të tyre. Me kalimin e kohës, banorët kanë filluar të tmerrohen dhe disa prej tyre të asfiksohen nga frika dhe nga tymi. Kështu, forcat speciale, me një punë vetëmohuese, kanë përdorur skelat e një pallati tjetër në ndërtim, për t‘u ngjitur në katet e larta të pallatit në flakë e të shpëtojnë jetët e njerëzve. Duke i mbajtur në dorë, gra, fëmijë e të moshuar, e të lidhur me litarë, forcat speciale të policisë dhe ato të RENEA-s kanë mundur të shpëtojnë të gjithë. Por veç kësaj, e gjithë situata është përjetuar si një makth pa fund, ku të afërmit prisnin në trotuar bashkimin me familjarët e mbetur brenda pallatit, që rrezikonte të shkrumbohej nga flakët. E kur kanë mundur të shpëtojnë nga flakët, njerëzit janë përqafuar, ashtu sikur të kishin lindur për herë të dytë. Me lot në sy, ata ende nuk e besonin që kishin shpëtuar nga zjarri. Por, nuk kanë munguar as incidentet që nga banorët e thjeshtë e deri te biznesmenët. Duke menduar për pasuritë e tyre, ata janë përpjekur që të hyjnë në pallat, duke rrezikuar edhe të vdesin. Megjithatë, forcat e policisë janë përpjekur në maksimum për të parandaluar çdo tragjedi. Rreth 50 banorë janë shpëtuar nga forcat e policisë, ku asnjë uniformë blu nuk ka nguruar të ngjitet në lartësi për të shpëtuar jetë njerëzish. Sipas policisë, gjatë tri orëve ankth, pati vetëm një grua të plagosur dhe disa persona të asfiksuar, të cilët ndodhen jashtë rrezikut për jetën.


Pasojat


Plagosen një grua dhe një burrë,

asfiksohen disa banorë të tjerë


Një grua ka pësuar plagë djegieje, një burrë ka rënë nga kati i dytë dhe disa të tjerë janë asfiksuar, ndërkohë që janë shkaktuar dëme të pallogaritshme materiale. Ky është bilanci i zjarrit të djeshëm, që nga mungesa e rrugës, ka qenë duke shkaktuar një tragjedi. Policia deklaroi dje se për pasojë të këtij zjarri, rezulton se është dëmtuar lehtë nga asfiksia një shtetase rreth 50 vjeçe, së cilës iu dha ndihma e menjëhershme mjekësore dhe ndodhet në spital jashtë rrezikut për jetën. Sipas policisë, nga rënia e zjarrit nuk ka pasur njerëz të tjerë të dëmtuar apo të lënduar, por vetëm dëme materiale. Megjithatë, në vendin e ngjarjes është dëmtuar lehtë edhe një burrë, i cili është hedhur nga kati i dytë i pallatit, ku ndodhej një qendër private biznesi. Punonjësit e qendrës ishin bllokuar brenda dhe po asfiksoheshin, kështu që zjarrfikësit janë detyruar të thyejnë xhamin e fasadës, me qëllim nxjerrjen e tymit, por nga aty kanë dalë edhe njerëzit e bllokuar. Ndërsa disa të tjerë janë asfiksuar, por pa probleme madhore për shëndetin.


Hetimet


"Defekti në gjenerator ishte shkak i zjarrit"


Defekti në gjenerator ka sjellë zjarrin e djeshëm në pallatin 15-katësh. Menjëherë pas shuarjes së flakëve, policia ka nisur hetimet për gjetjen e shkakut të zjarrit. Sipas policisë, nga veprimet e deritanishme mendohet se shkak i rënies së zjarrit ka qenë defekti i një gjeneratori për kondicioner qendror, i vendosur në bodrumet e këtij pallati. Aty mendohet se ka shpërthyer gazi, duke shkaktuar flakët. Në vendngjarje shkuan drejtues të Policisë së Tiranës, grupi hetimor, i cili po punon për kryerjen e veprimeve procedurale, dokumentimin e ngjarjes dhe sqarimin e rrethanave e shkakun e rënies së zjarrit. Ndërkohë, nga strukturat e hetimit të krimit, në lidhje me këtë ngjarje janë shoqëruar 12 persona në ambientet e komisariatit. Gjithashtu janë marrë në pyetje administratori i firmës "Termo Impianti SHPK", inxhinieri teknik i kësaj firme, si dhe punëtorët, të cilët përgjatë momenteve të rënies së zjarrit kanë qenë duke punuar për rregullimin e një defekti në aspirimin e kondicionerëve qendrorë të këtij pallati.


Hetimi


Policia tha se persona të tjerë mund të ndiqen penalisht për pragtragjedinë e djeshme


Dërgohen për ndjekje penale dy punëtorë, shkaktuan zjarrin



Zjarri i djeshëm në Tiranë ka nxjerrë sërish në pah një problem që lidhet me sigurinë në pallatet e reja. Duke kërkuar përgjegjësit, policia ka shoqëruar 12 persona, ndërkohë që vetëm dy prej tyre ka mundur të dërgojë për ndjekje penale në gjendje të lirë dhe dokumentet për ta ia ka referuar prokurorisë. Dy punëtorët, Dashamir Lila, 39 vjeç, dhe Myftar Sulaj, 58 vjeç, janë dërguar për ndjekje penale për shkatërrim të pronës me zjarr. Por, duket se lodhja e policisë gjatë ditës së djeshme nuk do të mbyllet me kaq. Strukturat e hetimit të krimeve janë të bindura se do të zbulojnë të gjithë përgjegjësit e kësaj ngjarjeje, ku janë parë të veprojnë kryesisht forcat speciale. Ndërsa zjarrfikësit, pavarësisht se kanë mbërritur shpejt në vendin e ngjarjes, e kanë pasur të pamundur të depërtojnë deri te vatra e zjarrit për shkak të mungesës së rrugës dhe hapësirave, të cilat sipas ligjit duhet të ekzistojnë, por nuk ishin zbatuar gjatë ndërtimit të pallatit. Në pak minuta, tymi ka izoluar fëmijë e të moshuar brenda mureve të apartamenteve, për të varur shpresat në litarët e forcave të RENEA-s, të cilët kanë qenë të parët që kanë mbërritur në vendngjarje. Fatmirësisht zjarri, veç traumave dhe dëmeve materiale, nuk shkaktoi viktima. Por, nëse nuk do të kishte qenë ndërhyrja e forcave speciale, situata mund të ishte rënduar. Zjarrfikëset e kanë pasur të pamundur për të ndërhyrë për shkak të terrenit të vështirë nga ndërtimi i pallateve të reja pranë njëri-tjetrit. Ndërtimi i pallateve duhet të shoqërohet me kushte teknike dhe të sigurisë, por në rastin konkret të shumë ndërtimeve të reja në Tiranë, jo vetëm që në pallat nuk ka pasur mjete për shuarjen e flakëve, por as rrugë të lira nga mund të kalonin makinat zjarrfikëse. E për këtë, policia ka shoqëruar që nga administratorët e pallatit e deri te punonjësit e firmës, të cilët po kryenin punime, pa siguri në punë. Pikërisht nga strukturat e hetimit të krimit, në lidhje me këtë ngjarje janë shoqëruar 12 persona, ndërkohë që dy prej tyre janë dërguar për ndjekje penale në gjendje të lirë. Policia shpjegoi se 12 personat e shoqëruar, mes të cilëve ishin administratori i firmës "Termo Impianti SHPK", inxhinieri teknik i kësaj firme si dhe punëtorët, të cilët përgjatë momenteve të rënies së zjarrit kanë qenë duke punuar për rregullimin e një defekti në aspirimin e kondicionerëve qendrorë të këtij pallati, janë marrë në pyetje për disa orë në lidhje me këtë zjarr. Ata kanë treguar variantet e tyre të shkakut të zjarrit, ndërkohë që në përfundim është vendosur që dy prej tyre të dërgohen për ndjekje penale. Nga specialistët e seksionit kundër shkatërrimit të pronës u dërguan materialet në Prokurorinë e Rrethit Gjyqësor Tiranë ndaj Dashamir Lilës, 39 vjeç, dhe Myftar Sulajt, 58 vjeç, të dy me banim në Tiranë, të cilët do të ndiqen në hetim lirë për konsumim të veprës penale "shkatërrimit të pronës me zjarr nga pakujdesia".

Gazeta Shqip

[DYDRINAS]

Te presim se cfare do te shkruaje Artan Lame per zjarrin ne Tirane tek "Shqipni tavolinash"!?

[DYDRINAS]

Tirana "europiane" në rrezik, nuk ka rrugë për zjarrfikëset

Tirana, metropoli i madh me fytyrë "europiane" nuk ka siguri. Me gjithë eti-ketimin si një kryeqytet europian Tirana me sa duket nuk ka asgjë të ngjashme me vendet fqinje të saj, pasi banorët e metropolit të madh nuk gjejnë askund siguri. Në këtë periudhë të nxehtë, ku flakët përfshinë disa qytete në vend natyrisht që Tirana nuk do të bënte përjashtim. Por ndryshe nga vendet e tjera rreziku këtu është shumë herë më i madh, pasi në kryeqytet nuk ka rrugë sigurie, ku mund të kalojnë makinat zjarrëfikëse apo ambulancat. Ndërsa premtimet për këtë kanë qenë të shumta.



Zjarrëfikëset nuk mbërrijnë dot në vatër

Zjarri i djeshëm në afërsi të rrugës së Kavajës ka nxjerrë sërish për debat një problem të vjetër që lidhet me sigurinë në pallatet e reja. Në vendngjarje janë parë të veprojnë kryesisht forcat speciale, ndërsa zjarrëfikësit, pavarësisht se kanë mbërritur shpejt, e kanë patur të pamundur të depërtojnë deri tek vatra e zjarrit për shkak të mungesës së rrugës dhe hapësirave, të cilat sipas ligjit duhet të ekzistojnë por nuk ishin zbatuar gjatë ndërtimit të pallatit. Në pak minuta, tymi ka izoluar fëmijë e të moshuar brenda mureve të shtëpive për të varur shpresat më pas në litarët e forcave të RENEA-s, të cilët kanë qenë të parët që kanë mbërritur në vendngjarje. Fatmirësisht zjarri përveç panikut dhe dëmeve materiale nuk shkaktoi viktima. Megjithëse trauma dhe paniku që shkaktoi, zjarri që dukej se nuk do të mund të shuhej kurrë ishte e madhe. Por nëse nuk do të kishte qenë një ndërhyrje e shpejtë të forcave speciale, situata mund të ishte e rëndë. Zjarrëfikëset e kanë patur të pamundur për të ndërhyrë për shkak të terrenit të vështirë nga ndërtimi i pallateve të reja praën njëri-tjetrit. Ndërtimi i pallateve duhet të shoqërohet me kushte teknike dhe të sigurisë, por në rastin konkret e të shumë ndërtimeve të reja në Tiranë, jo vetëm që në pallat nuk ka patur mjete për shuarjen e flakëve, por as rrugë të lirë nga mund të kalonin makinat zjarrëfikëse. Ndërsa Bashkia e Tiranës, e cila duhet të monitorojë punën e pallateve të reja, të cilat duhet të plotësojnë çdo kriter të infrastrukturës rreth këtyre ndërtesave, qëndron indiferente përballë këtij fenomeni, i cili është i përhapur në masë në të gjithë Tiranën.

Panik dhe tmerr

mes banorëve

Ishin më shumë se dy orë tmerri për banorët e "Rrugës së Kavajës", të cilët panë flakët të përfshinin pallatin 15 katësh që gjendej aty. Fëmijë, të rritur dhe të moshuar të frikësuar se kjo ngjarje mund të përbënte një tragjedi të vërtetë janë evakuar fatmirësisht në kohë nga shtëpitë e tyre, të cilat i panë të përpiheshin nga zjarri i rënë që nga bodrumet. Kati i parë thuajse u shkatërruan plotësisht ndërsa zjarrëfikëset e patën të pamundur të ndërhynin. Burimet e policisë kanë bërë të ditur se zjarri erdhi si pasojë e një defekti të kondicionerit qëndror të vendosur në bodrumet e këtij pallati. Mësohet se kondicioneri, në të cilin ishin bërë ndërhyrje pak kohë më parë pati rrjedhje të valvulave të gazit, të cilat shkaktuar edhe zjarrin. Fatmirësisht forcat RENEA bënë të mundur evakuimin e të gjithë banorëve, një pjesë e të cilëve u shoqëruan në spital, për shkak të mbytjes nga tymi.



Rreziku i

përbashkët. Pse?

Rreziku nga ngjarje të tilla, që mund të shkaktojnë tragjedi na përfshinë të gjithëve, duke përfshirë këtu, të rriturit, fëmijët, të moshuarit dhe pse jo edhe efektivët e policisë, të cilët në krye të detyrës jo pak herë kanë humbur jetën apo janë plagosur. Në këtë rast nëse zjarri do të ishte në përmasa shumë herë më të mëdha ngjarja do të pasonte me një tragjedi, dhe pa patur asnjë mundësi ndërhyrjeje. Efektivët e policisë bënë bllokimin e rrugës si masë elementare sigurie, ndërkohë që nisi evakuuimi i banorëve. Për largimin e tyre u përdoren shkallë provizore, nga të cilat u nxorrën jashtë të rritur e fëmije, njësoj si nëpër filma. Banorët tregojnë se nëpërmjet këtyre shkallëve u ndjenë shumë herë më të rrezikuar për jetën. Ndërkohë që pas evakuimit të të gjithë banorëve të pallatit 15 katësh në "Rrugën e Kavajës" frika më e madhe për ta ishte shkatërrimi i shtëpive dhe mobiljeve nga mungesa e ndërhyrjes në kohë në vatrën e zjarrit. Ndërsa shpresonin që në pallat nuk gjendej njeri, pasi gjendja do të ishte fatale për ta, sepse mund të humbisnin jetën nga asfiksia, gjë që rrezikuan edhe banorët e evakuar. Megjithëse burimet policore pohuan se një grua të dërguar në spital, për shkak të problemeve me frymëmarrjen si pasojë e asfiksisë. Probleme ka pasur edhe një punonjës i zjarrfikëses, i cili është nisur në spital. Por mësohet se ata ndodhen jashtë rrezikut për jetën. Burimet policore pohuan se kjo ngjarje fatmirësisht nuk shënoi asnjë viktimë. Duke theksuar se fati ishte ai që kishte në dorë shkaktimin ose jo të tragjedisë.

E Marte, 29 Korrik 2008

Gazeta Agon


P.S.

Te presim se cfare do te shkruaje Artan Lame per zjarrin ne Tirane tek "Shqipni tavolinash"!?
Po MJAFT si do te reagoje? Po Erjon Velia & Co?
Ku eshte zevendeskryetari i Bashkise qe gjen kohe ti kundervihet qeverisjes dhe nuk gjen asnjehere kohe per t'u marre me punet e Bashkise?

[BvizioN]

Tirana "europiane" në rrezik, nuk ka rrugë për zjarrfikëset

Rruge enkas per mjetet e emergjences, zjarrfikese/ambulance/polici (mbrenda qytetit) nuk ka as ketu ne Britani qe eshte vend Europina, por ama marrin prioritet ne trafik. Rruge kryesore si rruga e Kavajes normal qe do permbajne trafik gjate gjumices se kohes deri ne ate moment qe te persoset infrastruktura e qytetit me rruge te reja per te lehtesuar trafikun.

Ne Shqiperi, qeshtja e sigurise dhe shendetit eshte ne nivelin ZERO. I bejne godinat e reja ne baze te standarteve kohore me dalje emergjente per rastet e zjarreve? A kan te instaluar sisteme alarmi per raste zjarresh qe te mos digjen ne gjume? Me e rendesishmja eshte evakuimi i jerezve nga godinat, pastaj shuarja e zjarrit. Ka ne afersi te banesave pika lidhese per zjarrfikset qe sherbejne per tu furnizuar me uje? E shume gjera te tjera si keto.

Por duhet te pesojne nje here, qe te mesojne.

[Qyfyre]

Gjithë ato shtëpi e vila pa leje që janë bërë nëpër lagje midis palleteve, nuk lënë as makinat personale të futen nëpër lagje, jo më zjarrfikset.

Puna trafikut pastaj është njësoj në gjithë botën, nuk ke çi bën.

[Ver]

Puna trafikut pastaj është njësoj në gjithë botën, nuk ke çi bën.

Jo o Qyfyre jo - se shqiptaret jane vec botes, edhe per te ble buken dun me dale me makine, me i shit mend komshijve.

E ke parasysh ate skenen te Ollga qe thoshte per katunaret: "kan shit gomeret e kane ble bicikleta dhe po na shesin mend". Kshtu dhe shqiptaret sot: kan shit bicikletat dhe kan ble makina dhe se ca po i duket vetja.

Sdel dot rrugeve se te mbysin makinat, era e qelbet e tymit, burite - pale qe sdo me dit njeri per semafor!!!