Urbanistika e Tiranes

[imodhjom]

Kjo pamja ska lidhje fare me projektin qe do realizohet, kjo eshte thjesht projekt ideja qe dhane francezet para disa vitesh, ndersa projekti i vertete eshte miratuar vetem pak muaj me pare.

[Ver]

Kjo pamja ska lidhje fare me projektin qe do realizohet, kjo eshte thjesht projekt ideja qe dhane francezet para disa vitesh, ndersa projekti i vertete eshte miratuar vetem pak muaj me pare.

imodhjom - edhe une u cudita kur ishte vene kjo pamje me projektin po nuk e dija mire.

Po te keni pamje te projektit te tanishem sillini ne forum qe t'i shofin te gjithe.

[DYDRINAS]

Tirana eshte nje qytet ne shkaterrim, pavaresisht se krijohet ideja se atje po ndertohet!
Pse?
- atje punohet pa nje Plan Urbanistik te pergjithshem por me plane pjesore;
- atje nuk respektohet asnje kriter minimal i rregullave te urbanistikes, sepse atje cdo plan i bindet vetem deshires se X individi apo nje Y grupi, qe nuk ndalen para asgjeje per te rrenuar cdo vlere e cdo trashegimi kulturore te Tiranes;
- atje nuk zbatohet asnje kriter minimal per shfrytezimin e tokes, por ajo perdoret si nje objekt me te cilin gjithkush mund te beje cfare do;
- atje nuk ka nje respekt per te shkuaren dhe te ardhmen e qytetit dhe makuteria po e kthen ate ne nje Bombei ose me sakte ne nje bombe te pergjithshme;
- atje askush nuk mendon se si do te behet furnizimi me uje, furnizimi me energji, mbrojtja kunder zjarrit dhe termeteve, mbrojtja e mjedisit, etj;
- atje thuajse te gjithe arkitektet, urbanistet, ekologet, biologet, jane kthyer ne sherbetore te grupeve qe kontrollojne biznesin e ndertimit dhe ja pershtatin gjithcka deshires se tyre;

Pervec disa vendeve afrikane, aziatike dhe ameriko-latine, ne asnje vend tjeter nuk ka nje katastrofe te tille!

[Conquistador]

Masakra me e kendeshme e kryetarit Edi qe mund t'i beje qendres "monument kulture te Tiranes", jane ato qiellgervishtesa te shemtuar, qe nuk mund te pershtaten kurrsesi me arkitekturen e godinave, maksimumi deri ne 4 kate te qendres. Godina te tilla ka edhe bulevardi, i ndertuar nga italianet para luftes se dyte boterore, qe per mua eshte nje kryeveper, dhe mund ta quajme modern edhe sot. Por as bulevardi nuk i ka shpetuar dot masakres! "Kullat binjake" kane perdhunuar ne menyre mizore pamjen madheshtore te ketij bulevardi qe mbreteron ne mes te kryeqytetit.

Dikush duhet ta ndale bishen Rama, pasi Maks Velo kur e pa qe nuk ia dilte u be tutor dhe mbrojtes i kesaj bishe. Vete Maksi po merr pjese ne nguljen e thikave ne qender te Tiranes.

[Conquistador]

Te ndalohet rreptesisht ndertimet per banese brenda unazes, te ruhen si SYTE E BALLIT ndertesat karakteristike tiranse si shtepia e TOPTANSVE etj

Prishja graduale e pallateve garnizono-komuniste dhe zevendesimi me ndertesa te ulta

Jam plotesisht dakort me ty. Prishjes duhet ti nenshtrohen gradualisht te gjitha pallatet dhe objektet qe dalin jashte rregullave urbanistike, jo vetem pallatet garnizono-komuniste por edhe ato pallate te reja qe kane mbire si kerpudhat pas shiut dhe qe jane nje himitim i poshter i ketyre pallateve garnizono-komuniste qe thua ti. Tirana duhet ti nenshtrohet ne nje te ardhme te afert apo te largte, nje ndryshimi rreptesisht te disiplinuar urbanistik. Eshte e turpshme per ne te kemi nje arkitekture te ngjashme me vende si ish republikat sovjetike me -stan ne fund apo si vendet afrikane.

[Ver]

Plani rregullues i Tiranes eshte ne perfundim: Cfare mendoni per kete???

Ja faqja e bashkise ku diskutohet plani:
http://www.tirana.gov.al/?cid=1,37

[DYDRINAS]

"Tirana po shkatërron simbolet e arkitekturës"

» 24/10/2008 - 12:03
• Oliverta Lila

Zhvillimin urban të Tiranës e sheh si një kërcënim ndaj arkitekturës së shkuar.

Sipas arkitektit italian, Claudio D'Amato Guerrieri, pedagog në Universitetin e Barit, kryeqyteti shqiptar rrezikon të humbë identitetin historik. I referohet ndërtimeve të shumta të reja, por edhe projektit për rregullimin e qendrës. Sipas tij, arkitektura dhe struktura monumentale e stilit italian në Tiranë, ndërtuar në vitet '30, është një pasuri që nuk u përket vetëm shqiptarëve dhe duhet ruajtur. Profesor D'Amato Guerrieri, i ftuar në kuadër të edicionit të tetë të Javës së Gjuhës Italiane në Botë, njëkohësisht edhe koordinatori italian i projektit "Metodologjitë dhe teknologjitë e reja mbi faktimin dhe restaurimin e trashëgimisë monumentale moderne të Tiranës", nënshkruar me Institutin tonë të Monumenteve për periudhën deri në vitin 2010, e sheh me shqetësim të ardhmen e këtij qyteti.

Ju e keni vizituar disa herë Tiranën. Si do ta përkufizonit në pikëpamje arkitekturore atë që po ndodh sot në kryeqytetin shqiptar?

Sheshi (piaca) italian ka treguar lidhjet e shumta që janë mes Shqipërisë dhe Italisë, në veçanti mes Romës dhe Tiranës. Në vitet '30 ndërtohet Tirana e re dhe e madhe. Modelet që arkitektët italianë sollën në Shqipëri, edhe pse kanë qenë të lidhura me stilin e vendit nga vinin, janë interpretime origjinale të përshtatura për Tiranën. Kjo është e dukshme. Kompleksi monumental me sheshin "Skënderbej" nuk ka një të ngjashëm në Itali. Është një ndërhyrje e mrekullueshme. Sot, ky sistem monumental organik, që për mua nuk i përket vetëm Tiranës apo Shqipërisë, por gjithë njerëzimit, nuk mund të lejohet që të shpërbëhet dhunshëm. Nëse kryetari i Bashkisë kërkon dhe sjell arkitektë modernistë, ka shumë hapësira ku mund të shprehin idetë e tyre, por jo në Tiranë. Kjo do të thotë të shkatërrosh një simbol të identitetit të këtij qyteti. Urbanizimi aktual i Tiranës dhe mënyra se si ky qytet interpretohet, bie në kundërshtim me linjën e zhvillimit historik të tij. Për mua ky qëllim është i pakuptueshëm dhe mund ta shpjegoj vetëm me arsye ideologjike. Të harrojmë të shkuarën. Por ajo nuk i përket personave të veçantë. Bëhet fjalë për një sistem monumental me bukuri të jashtëzakonshme që duhet restauruar dhe trashëguar.

Në gjykimin e një arkitekti, a mund të gjejë shpjegim gjithë kjo tendencë drejt ndërtimeve të reja masive?

Unë mendoj se është e qartë që pas shumë viteve komunizëm të ketë dëshirë dhe tendencë të ndiqet ritmi. Kalimi nga një regjim në tjetrin e bën të kuptueshme. Por tashmë kanë kaluar 18 vjet nga rënia e komunizmit. Shqipëria përjeton një sistem demokratik në zhvillim. Sipas mendimit tim, është koha që të kthehen e të reflektojnë mbi të shkuarën. Në fillim të viteve '90 disa gjëra ishin të justifikuara, siç ka ndodhur për shembull me shembjen e simboleve të pushtetit të mëparshëm. Por sot është koha të bëhen hesapet me veten. Në këtë pikë duhet pasur shumë kujdes. Të flasësh për shndërrime të Tiranës, është njësoj sikur të thuash hajde të ndërtojmë objekte moderne në Berat. Do ta pranonte njeri këtë? Duhet punuar edhe me politika të qarta që format e reja të vendosen në pjesët periferike, në hapësirat e lira, pa prishur dëshmitë e së shkuarës.

Ndërsa flasim për arkitekturë të viteve të shkuara, ju jeni koordinator i projektit për restaurimin e disa godinave të stilit italian në Tiranë siç ishin Pallati i Brigadave, ish-Hotel 'Dajti', Kryeministria...A po vijon ky projekt?

Ky projekt u prezantua vjet nga Ministria e Punëve të Jashtme, ku u nënshkrua edhe një bashkëpunim me Institutin e Monumenteve të Kulturës, të prezantuar nga Lorenc Bejko. Unë jam pjesë e komisionit që ka punuar për restaurimin e Hotel "Dajtit". Rezultatet janë ende të papërfunduara dhe faza e studimit vazhdon ende. Por realizimi i këtij projekti ka lidhje me predispozitën e politikës si dhe me financimet. Aktualisht ne nuk e kemi të qartë se cili është qëllimi i qeverisë, por ne po vazhdojmë studimin. Kur të na thërrasin, do të fillojmë të punojmë.

A është përvijuar pak a shumë fytyra e re e këtyre godinave dhe si do të jenë të përshtatura ato në kushtet e rijetëzimit të tyre?

Në këtë rast bëhet fjalë për nacionalizmin e viteve '30. Janë arkitektura shumë të bukura dhe në avangardë të kohës së tyre. Ne i ke i studiuar të gjitha dhe mund të procedojmë me restaurimin. Por si të gjitha arkitekturat që janë ndërtuar në të shkuarën, kur duhet që t'u japësh funksione të reja, është e nevojshme të bëhen ndryshime. Këtu lind vështirësia e ruajtjes së strukturës monumentale, e njëkohësisht edhe e përshtatjes. Hotel "Dajti" është një nga këto arkitekturat e bukura. Por në kohën kur është ndërtuar, në vitet '40 nuk ka pasur ajër të kondicionuar. Nëse sot do të vendoset që kjo godinë të përdoret si Ministri e Jashtme apo për ndonjë destinacion tjetër në kuadrin e institucioneve publike, ky problem duhet zgjidhur. Për më tepër, në këto ndërhyrje, këto objekte nuk duhen konsideruar në vetvete e të veçuara nga gjithë sistemi monumental. Tashmë ne kemi parë kulla që vendosen në gjatësinë e bulevardit prej sheshit "Skënderbej" në drejtim të Korpusit. Ato e prishin pamjen vizive. Nëse do të vazhdohet me të tilla godina që krijojnë kontrast të dukshëm, atëherë gjithçka do të shkatërrohet.

A ka një konfuzion sot në atë që quhet moderne në arkitekturë?

Moderne nuk është gjithçka që mund të jetë prej xhami, ashtu si shohim shumicën e godinave të reja. Arkitektura moderne mund të bëhet edhe me gurë. Unë kam ekspozuar forma të tilla në Bienalen e Venecias të dy vjetëve më parë. Gjithçka varet se si përdoren këto materiale.

Në këtë "konkurrim" të tradicionales e modernes, shihen edhe forma të riprodhimit. Të tilla janë një mori kështjellash në periferi të Tiranës. Çfarë do të thotë kjo prirje?

Kjo ndodh pak a shumë në periferitë e të gjitha qyteteve të botës. Riprodhimi është i pranishëm, por edhe problematik kur në të mungon arkitekti apo tekniku. Megjithatë, unë mendoj se e ardhmja e qyteteve nuk duhet të jetë vetëm në duart e këtyre dy të fundit, por edhe në masën e gjerë të popullit. Ndërsa ata që janë në drejtimin e institucioneve duhet të kenë aftësinë për të dëgjuar se çfarë mendojnë qytetarët. Kjo është shumë e rëndësishme.

Gazeta Shqiptare

[Conquistador]

"Tirana po shkatërron simbolet e arkitekturës"

Ja dhe masakra e radhes ne bulevardin "deshmoret e kombit". Shikoni masakren qe duan ti bejne nje arkitekture model.

[white-knight]

S eshte edhe aq keq jo.Ndoshta me hipnotizon shqiponja 2 krenare ne ate foto dhe nuk e shoh dot masakren

[Conquistador]

S eshte edhe aq keq jo.Ndoshta me hipnotizon shqiponja 2 krenare ne ate foto dhe nuk e shoh dot masakren

Po shqiponja mund te ishte pershtatur ne kupolen qe mund te ishte ngritur ne oborrin e brendshem te parlamentit nese salla e seancave do te ishte ngritur aty.