Filmi Ne Tirane

[Brari]

Gazeta shqiptare:
--------------------------
Filmi rrëfen historinë e vërtetë të profesorit Nash, sot 73 vjeç, i martuar vitin e kaluar me gruan që ishte së bashku me të në psikozën e Ferrit
Shikuesit kanë preferuar ta ndjekin më shumë filmin në orët e mbrëmjes kur edhe salla me një kapacitet 225 vende ka qenë plot

Mbi 10 mijë shikues ndjekin filmin "A beautiful Mind"

"Një mendje e bukur" tërheq kryeqytetasit


--------------------------------------------------------------------------------

Mbi 10 mijë shikues në kryeqytetin shqiptar kanë ndjekur filmin e vitit, "A beautiful Mind" (Një mendje e bukur), që nga premiera e tij tre javë më parë deri më sot, në Kinema "Millenium 1" në Tiranë.

Një punonjëse e kësaj kinemaje i tha ATSH-së, se "Filmi, i cili fitoi këtë vit katër çmime Oskar, ka zgjuar një interes të jashtëzakonshëm në krahasim me disa nga filmat hollivudianë të shfaqur në ekranin e kësaj kinemaje nga fillimi i vitit". "Shikuesit kanë preferuar ta ndjekin më shumë filmin në orët e mbrëmjes kur edhe salla me një kapacitet 225 vende ka qenë plot. Por këtu nuk përjashtohen ditët e fundjavës, kur filmi është ndjekur në të gjitha oraret", tha ajo. Me regji të Ron Howard, në 2 orë e 45 minuta filmi-dramë, me protagonist Xhon Forbes Nesh, interpretuar nga aktori Russel Crow, provon të gjitha që nga lartësitë e famës deri në humnerën e çmendisë. Filmi rrëfen historinë e vërtetë të profesorit Nash, sot 73 vjeç, i martuar vitin e kaluar me gruan që ishte së bashku me të në psikozën e Ferrit. Ai është një gjeni matematike që vetëm pas 30 vjetësh në luftë kundër skizofrenisë, u bë me famë ndërkombëtare, pasi mori në vitin 1994 çmimin Nobel për teorinë e quajtur "Teoria e Lojrave".

Filmi "A beautiful Mind", me producent Brian Grazer dhe Ron Howard, përpara se të bëhej fitues i Çmimit Oskar, u cilësua si filmi më i mirë i vitit 2001 nga Shoqata e Kritikëve të Kinematografikë, ndërsa në datën 20 janar të këtij viti fitoi çmimin "Globi i Artë" si filmi dramatik më i mirë. "A beautiful Mind" me distributor Universal Pictures, gjatë javës së 15-të të shfaqjes së tij, arriti të fitojë 3,5 milionë dollarë.
----------------------------------------------------

Ka lezet me pa film ne tirane..
Filmi fundit qe kam pare ne Shqiperi ne kinema eshte ..

... TE MJERET ....me Lino Venturen.

[Henri]

Film i realizuar bukur, e ben me interesant fakti qe eshte mbeshtetur mbi nje histori te vertete. Megjithese me ben te mendohem si u vendosen kufjte e normales dhe haluçinacionit

[shigjeta]

Pse ka kufij midis normales dhe haluçinacionit

[Letersia 76]

Cdo film permendimin tim e ka nje histori e ka nje kuptim,prandaj kur beni konkluzionet mos i bine thjesht fare shkurt se nuk eshte ashtu.
Filmat kane ngjarje te verteta dhe te personifikuara por metoda e venies ne skene dhe loja e aktoreve e bejne reale...........


all the best ...